الماحي!!

[شبارقة]

الماحي رجل لا تستطيع التكهّن بما يدور في رأسه من أفكار!!،،،
وهو خارج من بيته كل صباح يمرُّ أولاً ببيت فهيمة جارتهم ، يبتدرها بالسلام : خالتي بهيمة كيف حالك ، وترد بكل أريحية الكون والكواكب المجاورة : أهلاً يا الماحي ولدي ، كيف حالك!!
والله طيب يا خالتي بهيمة !!
يستقل أيضاً قلّة سمع (التوم) كل ما قابله في طريق ، الشوم ازيك!! أهلاً الماحي أخوي!!

لم يكن الماحي ذو حكمة ولا ذو رأي ، فعند ظهور أول علامات المخاض على زوجته لم يكن هنالك موضع شبر على الأرض إلا وقد تغطى بالطين بسبب الأمطار، لم يجد بد من إحضار قابلة المركز الصحي مشياً على الأقدام ، ولكن خطرت له فكره!!
امتطى دراجته الهوائية فزوجته تتوجّع ، والقابلة كالفيل أو أشد سمناً ولن تصل الا بعد طول ذهاب، أجبرها على ركوب الدراجة الصغيرة التي كادت أن تصرخ من ثقل ما تحمل!! وعند اول مطب كانت القابلة البدينة ملقاة على طين الأرض اللزج ، وفوقها الماحي وفوق الجميع الدراجة ، كأنما لفظتهم جميعاً بحرقةٍ وألم!! بكت يومها القابلة بكاءً مرّاً ، وندبت حظها الذي أوقعها في هذا الرجل، فقد التوى كاحلها وتلطّخت بالطين ، ثم انها لم تصل الا بعد فوات الأوان فقد انجبت زوجة الماحي بالعناية الإلهية ومن غير قابلة، الا انها ـ أي القابلة المسكينة ـ وجدت نصيبها من خروف العقيقة (السماية) ولم يكن ليصلها شيئ لولا التواء كاحلها وتلطخها ونيل حظّها من الطين!!

كذلك من سوء حظ هذا الرجل أن ذهب يوماً إلى مدينة ودمدني متسوّقاً ، ولسوء حظّه تزامن ذهابه مع تظاهرات طلاب جامعة الجزيرة في العام 1994م ، لم يكن يفهم في السياسة الا بالقدر الذي يقوله ود الطاهر (سيد الدكان) ... ، يومها قبض عليه مع مجموعة طلاب قذفوا مبنى الولاية بالحجارة، وجلدوه جلد غرائب الإبل، لم يكن يدري ما الذي يجري، وعندما سألوه أقسم بالله أنه لم يسرق شيئاً ، وعندما ضيّقوا عليه الخناق اعترف أنه لم يدفع لصاحب المطعم (قروش الفول) وأنه تائب توبة نصوحة لا رجعة فيها !! .

[ابوشوتال]

الماحي رجل لا تستطيع التكهّن بما يدور في رأسه من أفكار!!،،،
وهو خارج من بيته كل صباح يمرُّ أولاً ببيت فهيمة جارتهم ، يبتدرها بالسلام : خالتي بهيمة كيف حالك ، وترد بكل أريحية الكون والكواكب المجاورة : أهلاً يا الماحي ولدي ، كيف حالك!!
والله طيب يا خالتي بهيمة !!
يستقل أيضاً قلّة سمع (التوم) كل ما قابله في طريق ، الشوم ازيك!! أهلاً الماحي أخوي!!

لم يكن الماحي ذو حكمة ولا ذو رأي ، فعند ظهور أول علامات المخاض على زوجته لم يكن هنالك موضع شبر على الأرض إلا وقد تغطى بالطين بسبب الأمطار، لم يجد بد من إحضار قابلة المركز الصحي مشياً على الأقدام ، ولكن خطرت له فكره!!
امتطى دراجته الهوائية فزوجته تتوجّع ، والقابلة كالفيل أو أشد سمناً ولن تصل الا بعد طول ذهاب، أجبرها على ركوب الدراجة الصغيرة التي كادت أن تصرخ من ثقل ما تحمل!! وعند اول مطب كانت القابلة البدينة ملقاة على طين الأرض اللزج ، وفوقها الماحي وفوق الجميع الدراجة ، كأنما لفظتهم جميعاً بحرقةٍ وألم!! بكت يومها القابلة بكاءً مرّاً ، وندبت حظها الذي أوقعها في هذا الرجل، فقد التوى كاحلها وتلطّخت بالطين ، ثم انها لم تصل الا بعد فوات الأوان فقد انجبت زوجة الماحي بالعناية الإلهية ومن غير قابلة، الا انها ـ أي القابلة المسكينة ـ وجدت نصيبها من خروف العقيقة (السماية) ولم يكن ليصلها شيئ لولا التواء كاحلها وتلطخها ونيل حظّها من الطين!!

كذلك من سوء حظ هذا الرجل أن ذهب يوماً إلى مدينة ودمدني متسوّقاً ، ولسوء حظّه تزامن ذهابه مع تظاهرات طلاب جامعة الجزيرة في العام 1994م ، لم يكن يفهم في السياسة الا بالقدر الذي يقوله ود الطاهر (سيد الدكان) ... ، يومها قبض عليه مع مجموعة طلاب قذفوا مبنى الولاية بالحجارة، وجلدوه جلد غرائب الإبل، لم يكن يدري ما الذي يجري، وعندما سألوه أقسم بالله أنه لم يسرق شيئاً ، وعندما ضيّقوا عليه الخناق اعترف أنه لم يدفع لصاحب المطعم (قروش الفول) وأنه تائب توبة نصوحة لا رجعة فيها !! .

الماحي الله ادية العافية رمد قدوم الداية ؛

[ابورجاء]

جميل جدا يا شبارقة شكلها الرشوشه الاتغدية بيها
اليوم عملت مفعولها والشطه الخدره جابت ابدعاتك
تسلم يديك يا شوتال ما قصرته مع خالك تب:D :p
اها يا ربي لو بكره ود الطاهر جاب السمك تكتب شنو
قصيده عصماء في الاكل باليد الشولاء:p والا عرس
الكورة في تشبيه الخدرجية للبندوره :) ...
روعة في السرد تحاكي روعتك ايها الشبرقاوي الاصيل
ودوما في المقدمة لك كل الامنيات الحلوة بدوام التألق ....


ودوما في رعاية الله وحفظه...
مع كل الود باقة ورد....

[شبارقة]

جميل جدا يا شبارقة
ودوما في المقدمة لك كل الامنيات الحلوة بدوام التألق ....


ودوما في رعاية الله وحفظه...
مع كل الود باقة ورد....

ولك كل الورد مع باقة ود!!!!

[محمد أحمد الشيخ]

الماحي ده ذكرني واحد في القسم الأول كنا مسمينو ( البعام )

وأديك العافية يا شبارقة علي الجدعة دي

[عمر البشير]

دي شكلها قضية كنت ماسكه ولا شنو الحاصل، ولا ذي ما قال ابو رجاء قامت بك الرشوشة، المهم ما تنسونا من السمك حق ود الطاهر، لكن هو ما سمك، وشبارقه ما عندو التمك.وتسلم اخوي شبارقه، وانشاء الله ما يصيبك اللصاب الداية.

[ابوالنور]

فلم هندي سوداني بطولة الماحي والبتول
تسلم والله يا شبارقه وكتر لينا من افلامك اقصد حكاويك

[صديق بلال]

الله يعطيك ألف عافية يا أخينا شبــــــــــــــــــــــــــــــــــــــــــارقة على هذه القصة القصيرة والهادفة في نفس الوقت... يا ليت لو تكثر منها يا شبروووووووق

[شبارقة]

الماحي الله ادية العافية رمد قدوم الداية ؛

في الحقيقة الداية هي الرمدت قدومو!!!!

[شبارقة]

الماحي ده ذكرني واحد في القسم الأول كنا مسمينو ( البعام )

وأديك العافية يا شبارقة علي الجدعة دي

إمكن يكون قريبو يا محمد أحمد،،،

ويديك 1000 عافية!!

[شبارقة]

دي شكلها قضية كنت ماسكه ولا شنو الحاصل، ولا ذي ما قال ابو رجاء قامت بك الرشوشة، المهم ما تنسونا من السمك حق ود الطاهر، لكن هو ما سمك، وشبارقه ما عندو التمك.وتسلم اخوي شبارقه، وانشاء الله ما يصيبك اللصاب الداية.

يا خوي سمك ود الطاهر الكلو شوك دا !!

الداية شقية من يومها !!

شكراً سعادة المشير!!

[شبارقة]

فلم هندي سوداني بطولة الماحي والبتول
تسلم والله يا شبارقه وكتر لينا من افلامك اقصد حكاويك


أبشر بالسينما الهندية بنكهة سودانية!!

بس أبقى نجيض ورشح لي مواضيعي ..

[شبارقة]

الله يعطيك ألف عافية يا أخينا شبــــــــــــــــــــــــــــــــــــــــــارقة على هذه القصة القصيرة والهادفة في نفس الوقت... يا ليت لو تكثر منها يا شبروووووووق

ويديك الف عافية أخونا صديق ،،، أكتر ليك منها ونص، جهّز نظارتك للقراية بس !!

[شبارقة]

الماحي رجل لا تستطيع التكهّن بما يدور في رأسه من أفكار!!،،،
.

ليس الماحي وحده !!!!!

[مدنيّة]

لما تكون رايق وتقعد بمزاج ياشبارقة عارفاك ما بتقصر تب

[MASS77]

الاخ شبارقه
شكرا ليك علي الجو العيشتنا فيو والتامل
في طيبة الشعب السوداني والسماحة الكانت بتحف المجتمع من ما تصبح وتفقد حال الجيران الي الكشه مع ناس المظاهرات وهو ما عارف كشو لي شنو
قصه حلوه بالجد ودمت لعكس تلك البراءة
بالمناسبه جدي اسمو الماحي لو ما هو في الشماليه كنت بقول ياهو

[معتز الريح]

يا شبارقة ..
هذا الرجل نراه بيننا كثيراً ..
وواقع معاش ..
ولقيتك خطر ..

[عمر سعيد]

سعادة المستشار شبارقة

القصة جميلة ... وصدقني لست أجاملك إذ قلت: إنك ـ لو قعدت ليها ـ ممكن تطلع لينــا ، ((اسكتشات )) ، سيتهافت عليها الأخوة في القنوات السودانية .

من جانبنـا .... وبعد ما أتحفتنا بحكاية ( الماحي ) نطالبك بالمزيد ... فنحن في الغربة في أمس الحاجة لمثل هذا النوع من الحكاوي ، لإخراجنا من ( جو الدوامين ... والضغوط النفسية ، و .... ) .

وربنا يجزيك عنا خيراً ..

[صلاح ودالطاهر]

شبارقه الحاسي وماهو ناسي وقالو في المثل المعنا بتولد الابداع وتسلم ياغالي كلام بعيد المده الله يستر ذي ماقال ود ام تريبات من السطحنه

[شبارقة]

لما تكون رايق وتقعد بمزاج ياشبارقة عارفاك ما بتقصر تب

اليومين ديل جابو لي جبنة من الشبارقة ، عشان كده مزاجي صااااااااااااااافي :p
شكراً مدون!!

[شبارقة]

الاخ شبارقه
شكرا ليك علي الجو العيشتنا فيو والتامل
في طيبة الشعب السوداني والسماحة الكانت بتحف المجتمع من ما تصبح وتفقد حال الجيران الي الكشه مع ناس المظاهرات وهو ما عارف كشو لي شنو
قصه حلوه بالجد ودمت لعكس تلك البراءة
بالمناسبه جدي اسمو الماحي لو ما هو في الشماليه كنت بقول ياهو

جدك الماحي زمانو راخي ... وما في حاجة بتخليهو يجدّع بالحجار!!
شكراً MASS77

[شبارقة]

يا شبارقة ..
هذا الرجل نراه بيننا كثيراً ..
وواقع معاش ..
ولقيتك خطر ..

شكراً ود الريح على مرورك ...

[شبارقة]

سعادة المستشار شبارقة

القصة جميلة ... وصدقني لست أجاملك إذ قلت: إنك ـ لو قعدت ليها ـ ممكن تطلع لينــا ، ((اسكتشات )) ، سيتهافت عليها الأخوة في القنوات السودانية .

من جانبنـا .... وبعد ما أتحفتنا بحكاية ( الماحي ) نطالبك بالمزيد ... فنحن في الغربة في أمس الحاجة لمثل هذا النوع من الحكاوي ، لإخراجنا من ( جو الدوامين ... والضغوط النفسية ، و .... ) .

وربنا يجزيك عنا خيراً ..

استاذنا عمر سعيد لك أسمى آيات التقدير والاحترام ،
وسعيد جداً باطلالتك الراقية وثنائك العطر الذي تنحنى له الهام ،، نأمل أن نكون عند حسن الظن!

[شبارقة]

شبارقه الحاسي وماهو ناسي وقالو في المثل المعنا بتولد الابداع وتسلم ياغالي كلام بعيد المده الله يستر ذي ماقال ود ام تريبات من السطحنه

يا سااااااااااااااااااااتر من السطحنة الما عرفت معناها دي ، ،،،

[عثمان جلالة]

الرائع ... ش .. شبارقة .. روعة القصة القصيرة وشخصية الماحي دي ممكن تبقى مسلسل درامي كوميدي .. يعكس شلاقة .. وغتاتة .. وسذاجة .. في معالجة تمتزج فيها الحياة الاجتماعية والسياسية للمواطن السوداني ..
همسه
(وعند اول مطب كانت القابلة البدينة ملقاة على طين الأرض اللزج ، وفوقها الماحي وفوق الجميع الدراجة ، كأنما لفظتهم جميعاً بحرقةٍ وألم!! ) ... تسلم على التعبير

[صالح ابوشوارب]

شكرا الرائع شبارقه
لكن الظاهر الماحى دا كان راكب عجلة العيش لو بتذكر (اسأل ود الطاهر) عشان يركب الداية

[شبارقة]

شكرا الرائع شبارقه
لكن الظاهر الماحى دا كان راكب عجلة العيش لو بتذكر (اسأل ود الطاهر) عشان يركب الداية

شكراً استاذنا الكبير أبوشوارب،
لكن ود الطاهر (سيد الدكان) ما أظنو حاضر زمانها!!

[صلاح ودالطاهر]

شكراً استاذنا الكبير أبوشوارب،
لكن ود الطاهر (سيد الدكان) ما أظنو حاضر زمانها!!

صدقت ياشبارقه كدي اتحفنا بهذه الدرر

[شبارقة]

صدقت ياشبارقه كدي اتحفنا بهذه الدرر

عيوووووووووووووووووني يا ود الطاهر،،

همسة: مبروك الصورة الجديدة

[عبدالمنعم الصديق(خدرا)]

العزيز شبارقه
لك التحيه
القصه اروع من رايعه وانت تقراءها كانك تشاهد الماحى
هذه القصه تذكرنى بتداعيات المبدع يحيى فضل الله التى تعيش احداثها
وكانها موجود بها
لك اجزل التحايا ايها الغالى
وكن بالف خير

[شبارقة]

العزيز شبارقه
لك التحيه
القصه اروع من رايعه وانت تقراءها كانك تشاهد الماحى
هذه القصه تذكرنى بتداعيات المبدع يحيى فضل الله التى تعيش احداثها
وكانها موجود بها
لك اجزل التحايا ايها الغالى
وكن بالف خير

لك التحية الأخ الكريم عبدالمنعم ،،
لسنا بقامة هؤلاء ،،

[ابورجاء]

،،لسنا بقامة هؤلاء ،،


يااااااااااااااااااااااااااااااااااااااااااااااااا اااااااااااااااااااااااااااااااااااااااااه

ولا حول ولا قوة إلا بالله



تخريمة :
وين الناس الجميلة دي بالله اي خبر عنهم ...




ودوما في رعاية الله وحفظه ...
مع كل الود باقة ورد...