حصل مره سكاك كلب؟؟؟

[الريانه]

سمعتو بالمثل البيقول

:d (البيخاف من عفريت بيطلع ليه):d

يعنى مثلا بتخاف من الكلب وفتحت باب الشارع وماشى تجيب شى من العربيه
والحله مافيها قرد مارى ساعه عالم السينما فى التلفزيون ولما وصلت لسه
مافتحت العربيه لقيت كلب اسود كبير جارى عليك وفى ثوانى كان بارك تحت
رجلينك كوركت للحله مافى اى زول سمع ايدينك ورجلينك اتصلبت تتصرف
كيف؟ (اما الكوابيس الليليه خليها ساكت بس)


وله شنو؟

[هشام السماني إبراهيم]

مافتحت العربيه لقيت كلب اسود كبير جارى عليك وفى ثوانى كان بارك تحت
رجلينك


والله حصلت لي كتير بس الواحد مابستنى لما يبرك الكلب تحتو والله جري شديد والسفنجاات تتطاير هي الشكلة لو معاك زول وسمعتو دردلب وقع في الحالة دي التصرف كيف
هل تعتبر شهيد سكه كلب
ولاشنو رايك

[husham]

زمان كان في حلتنا كلب أبن كلب موضوعو معاي شخصي عديل كدة يعني لو كان نايم وانا جيت ماري بالشارع
يقوم ساكني ليك التقول أنا كاتل ابوه ولحدي هسه بس ما اشوف لي كلب في الشارع الا أقوم اتكبكب وصراحة كدة انا ممكن اخلي الشارع عديل لو فيهو كلب

[مختار بازى]

بس انا كمان علاقتي حلوة شديد معاهم والله حتي الكلاب البوليسية بقدر اروضي

[الباش]

والله والله انا اكتر زول في السودان والعالم امكن سكوني كلاب

لكن قصص مستحيل تتحكي وبالذات واحد كان معاي في بنات خالي اتنين وعامل فيها اتشاكلت مع اربعة اولاد في السعوديه وضربتهم والكلب والله قال عععععععععععع بس

مستحيل اكمل الباقي لانو اصلو ماحركات رجال؟؟؟؟؟؟؟؟؟
والتانيه معي امي اتخيلي في راجل يسيب امو و؟؟؟؟؟؟

[هشام السماني إبراهيم]

بس انا كمان علاقتي حلوة شديد معاهم والله حتي الكلاب البوليسية بقدر اروضي

بس دي قوية شوية اخوي :D

[مختار بازى]

بس دي قوية شوية اخوي :D

والله يا هشام وبيان بالعمل جيب ليك كلب بوليسي وتعال لي :)

[admin]

انا مرة كان في كلب مكرهني الفريق .. بجي من الشغل متاخر بالليل وهو لونو اسود والدنيا ظلام ما بتشاف عديل .. اها مشكلتو كانت معاي كبيرة .. لانو بكون شايفو شايفني وخشمو دا اصلو ما بفتحو .. بس بعد ما افوت منو بي دقائق ينسى اسمو ويتغابى ليك فيني العرفة .. وانا زول سمييييين ما بقدر اجري .. والوقت داك طبعا الحجار المالية الشوارع تدسى منك .. موقف عصيب والقلب دا داير امرق بره التف التف التف .. اها انا قلتا الكلب دا لازم احددها معاهو .. هو ما دام بالليل بعمل شفت وبظهر على حقيقتو انا بالنهار بنجمو .. وفعلا بقيت كل يوم العصر الم ليك سبعة ثمانية حجار حصحاص النوع داك الما تضربهم في بعض بطلعو شرار .. واسك ليك الكلب دا الفريق كلو هو جاري وانا جاري وراهو .. ولما القى لي زول في الشارع اقول ليهو سك الكلب دا سعران عضا ليهو شافع بي جاي .. اها الكلب دا بقى يخاف ليك مني خوف شديد .. واشوف العما ما يشوفني .. وبقيت لما اجي داخل الفريق بالليل ويشم ريحتي بجري جري يدخل البيت .. اي نعم بنبح لكن جوا بيتهم .. يعني نبيحة بي ادب.


والتانيه معي امي اتخيلي في راجل يسيب امو و؟؟؟؟؟؟
والله يا باش دي بالغتا فيها هههههههه .. الله يديك العافية

[ابوالنور]

انا مرة كان في كلب مكرهني الفريق .. بجي من الشغل متاخر بالليل وهو لونو اسود والدنيا ظلام ما بتشاف عديل .. اها مشكلتو كانت معاي كبيرة .. لانو بكون شايفو شايفني وخشمو دا اصلو ما بفتحو .. بس بعد ما افوت منو بي دقائق ينسى اسمو ويتغابى ليك فيني العرفة .. وانا زول سمييييين ما بقدر اجري .. والوقت داك طبعا الحجار المالية الشوارع تدسى منك .. موقف عصيب والقلب دا داير امرق بره التف التف التف .. اها انا قلتا الكلب دا لازم احددها معاهو .. هو ما دام بالليل بعمل شفت وبظهر على حقيقتو انا بالنهار بنجمو .. وفعلا بقيت كل يوم العصر الم ليك سبعة ثمانية حجار حصحاص النوع داك الما تضربهم في بعض بطلعو شرار .. واسك ليك الكلب دا الفريق كلو هو جاري وانا جاري وراهو .. ولما القى لي زول في الشارع اقول ليهو سك الكلب دا سعران عضا ليهو شافع بي جاي .. اها الكلب دا بقى يخاف ليك مني خوف شديد .. واشوف العما ما يشوفني .. وبقيت لما اجي داخل الفريق بالليل ويشم ريحتي بجري جري يدخل البيت .. اي نعم بنبح لكن جوا بيتهم .. يعني نبيحة بي ادب.

والله يا باش دي بالغتا فيها هههههههه .. الله يديك العافية

حلوة نبيح بي ادب دي
يعني هو وبعد مسافه هو وتاني كمان هو ولا كيف

[الطويل]

أنا مره سكانى كلب حمته بيهو الفريق كلو لمن فتر الكلب

[مختار بازى]

أنا مره سكانى كلب حمته بيهو الفريق كلو لمن فتر الكلب


دل دل دل :D :D

[معتز الريح]

الغريبة بيقولوا الكلاب بتحس بالخايف منها ..
يعني لمان تمشي قدامها شد صدرك وأعمل فيها أبوعرام ..
بيني وبينكم الواحد ما بقدر إلا يخاف ..
وكمان الحكاية فيها حقن ..

[الريانه]

ياشباب شكرا شديد على مروركم وماشايفه الجنس اللطيف معانا بس بشجعكم واقول ليكم الموقف ده حصل معاى يلا نسمعكم

[الريانه]

بصراحه يامختار ممكن تحصل انو الواحد يرود كلاب بس انت ماشايف طولتها حبتين لما سالت الكلاب البوليسيه.
وبالمناسبه دى اخو زوجى كان بدرب كلاب بوليسيه . وامه مجنناه ليك شديد تخصصه بس جيوبه اول مايوصل قام بقى يجيب معاه الكلب ويخته قدام شماعه الهدوم ونوم على كده.

[الريانه]

يا معتز مش بحس الانسان بيفرز رائحه معينه من غدد داخل جسمه بيشمها الكلب ويعرف انك خايف (ابوى دكتور بيطرى)بس لما سمعت الكلام ده لقيت الا الواحد يتمسح بى شمع عشان يمنع المسمات من تسريب المعلومات للكلاب وحمانا وحماكم الله

[معتز الريح]

الواحد يتمسح بى شمع عشان يمنع المسامات من تسريب المعلومات للكلاب

وكمان في السخانة دي؟؟ ..
أخير العضه ..

[هشام السماني إبراهيم]

الغريبة بيقولوا الكلاب بتحس بالخايف منها ..
يعني لمان تمشي قدامها شد صدرك وأعمل فيها أبوعرام ..
بيني وبينكم الواحد ما بقدر إلا يخاف ..
وكمان الحكاية فيها حقن ..

والله يامعتز شديت صدري والبنطلون وبرضو سكاني فتحتي للباب اها زي دا اعملو ليهو شنو

[مختار بازى]

بصراحه يامختار ممكن تحصل انو الواحد يرود كلاب بس انت ماشايف طولتها حبتين لما سالت الكلاب البوليسيه.
وبالمناسبه دى اخو زوجى كان بدرب كلاب بوليسيه . وامه مجنناه ليك شديد تخصصه بس جيوبه اول مايوصل قام بقى يجيب معاه الكلب ويخته قدام شماعه الهدوم ونوم على كده.

طيب يا الريانة قطع شك باليقين جيبي ليك كلب بوليسي وبعدين احكمي

[هشام السماني إبراهيم]

أنا مره سكانى كلب حمته بيهو الفريق كلو لمن فتر الكلب

وانتا حصل عليك شنو :D

[هشام السماني إبراهيم]

مختار روق


الريانة الزول دا كلامو صح علمها مع كلب جيرانا بس مابوليسي

[ruby]

ههههههههههههههههههههههههه
انا والله ماحصلت لي
بس في السودان كان عندنا كلب في البيت لطيف لطافه مابتتصوري
عشان كدا كنت بحترمه شديد وهو كان مربوط لكن بيفكوه بالليل
يلا انا من بالليل مابطلع من جوه البيت الا معاي زول
انت عارفه الكلب دا مات كيف
جا حرامي في البيت جاب ليه سم وموته بيه
لكن بشوف مناظر الناس البجونا كيف بيعانو من الكلب دا

[الريانه]

الله ياروبى نورت والحمد الله على السلامه كلبكم ده لو ماكان مات كان حايوريك فنونه فى يوم

[الريانه]

doom99كلب جيرانكم ده عمرو كم يوم

[الريانه]

يابازى ماتورينا سر الخلطه السحريه لترويض الكلاب

[الريانه]

قايته يابازى فيه عينه كدى اختار

[الريانه]

يا ابو رانيه ماقلت ليك جراى جرى شديد اتاريك متعود من ايام الحله

[مختار بازى]

يابازى ماتورينا سر الخلطه السحريه لترويض الكلاب

يا الريانة السر بيكمن في تعايشي للكلاب وحبي ليهم من وانا صغير :)

[محمد دفع الله]

الكلب افجخو من صغير ما بعمل ليك تانى راجل , انا ما حصل سكانى كلب كلاب الفريق كلها لمن تشوفنى بس التقول شافت ( نكير ) جرى نضيف

[بنت المسعوديه]

والله الحمد لله ما حصل سكانى كلب لى انو ما بتجرا اصلاا؟ قولوا ليه؟


لانى بخليى ليه الطريق وبمشى علشان ياخد راحتو الله يستر ما يسكنى كلب ادعو معاى الله يستر

[هشام السماني إبراهيم]

يا الريانة السر بيكمن في تعايشي للكلاب وحبي ليهم من وانا صغير :)



صعب صعب

اخوي صورتك دي لعلهم مرطبين كدا في هاواي:D


كدي قول لي اول شي الواحد يعملو لما يقابل الكلب

عشان في ناس بتسيب الشارع عديل للكلب
اما انا في العربية وبرضو بجهجهني

[الريانه]

بنت المسعوديه الله يستر علينا وعليك

[مدنيّة]

والله الحمد لله ما حصل سكانى كلب لى انو ما بتجرا اصلاا؟ قولوا ليه؟


لانى بخليى ليه الطريق وبمشى علشان ياخد راحتو






:D :D :D :D :D

[نزار حسن محمد]

...لا حوله ولاقوة الابالله ..الفلاتى سالووو انت بتخاف من منو قال ليهم انا بخاف الا من الله
جنبووو فى كلب نائم قام عمل عوووووو الفلاتى قال ليهم والمنعلوه دى ....
حكايتى مع الكلب يازووول دايره صبر اول شى انا عضونى اربع كلاب والخامس قرد
واكتر عضه مزعلانى العضه رقم اتنين اتخيلووو لمن اعضيك الكلب بدوووك 10حقن لو الكلب مات بتموهم 24 حقنه ..الكلب العضنى المره التانيه فى يوم الحقنه العاشره ضربته عربيه وادونى 24 حقنه ..شفتووو المغصه دى كيف ..
وسبحان الله برغم العضات الكتيره دى مابخاف من الكلب...
بمشى وبجيكم

[الريانه]

يانزار سرانى مرورك ولو مامصدق الله يقتل كلاب حلتنا كلهم ههههههههههههههههههههه