المساعد الشخصي الرقمي

مشاهدة النسخة كاملة : احلي غيود علي الكرسي السااااخن



مدنيّة
13-07-2007, 10:43 PM
اخواني واخواتي
اعضاء منتديات ود مدني
السلام عليكم ورحمة الله
ضيفتنا هذه المرة
دخلت لقلوب الجميع بدون استئذان
تجدوها مع الجميع وبالجميع وللجميع
بشوشة ... مرحة ... بسيطة ... اجمل من وُجد في المنتدي في الفترة الاخيرة

<marquee direction="up" width="700" height="142" style="TAHOMA: 150%; font-size: 14pt; color: white; border-style: ridge; border-color: #0066FF" bgcolor="#000000" scrolldelay="100" scrollamount="2"><center>
غيداء نور الدين
</marquee>


نوارة المنتدي ونسمته الصباحية

يلا نرحب بيها ونتعرف بيها عن قرب



<embed width="281" height="79" src=http://sudaniyat.net/Khalid/Nansi.Aza.wmv>

zoolfrda
13-07-2007, 11:04 PM
مرحب بيك يا غيداء وإن شاء الله يكون الكرسي بااارد عليك

ومنتظرين البطاقة الشخصية

صلاح ودالطاهر
13-07-2007, 11:31 PM
الخبر اللكيد قالو غيداء بت نورالدين ... جاءتنا
والكرسي الساخن من الصباح ............ جاطنا
والعواس يا حليلو والكواس تب........... ما فاتنا
غيداء اختي شن بثبتك على ................ لبعاتنا
000000000000000000000000000

والليلة امانة ما وقعتي .. وما سميتي



مرحبتين حبابك واليوم السعيد الليله جابك نمشى ونجيك

ااسمر
13-07-2007, 11:59 PM
غايداء السلام عليكم ورحمة الله تعالي وبركاته

مختار بازى
14-07-2007, 12:40 AM
مرحبتين حبابك واليوم السعيد الليلة جابك


(لي عودة)

غيداء نورالدين
14-07-2007, 01:01 AM
http://www.m5zn.com/uploads/408ad5c846.gif

اخواني واخواتي ادارين ومشرفين في منتديات ودمدني
السلام عليكم ورحمة الله تعالى
يشرفني ان اكون ضيفة هذا الكرسي الساخن
وانني على استعداد تام للرد على اسئلتكم واستفساراتكم جميعا وان اكون خفيفة عليكم في هذا الكرسي
وهذه بطاقتي الشخصية


الاسم:غيداء نورالدين
العمر:15سنة
مولودة سنة:1992
المهنة :طالبة
الاقامة:دولة قطر_مدينة الدوحة مع والداي
المدرسة:الجالية السودانية بدولة قطر
المرحلة:الثانوية
ولكم تحياتي

غيداء نورالدين
14-07-2007, 01:05 AM
الخبر اللكيد قالو غيداء بت نورالدين ... جاءتنا
والكرسي الساخن من الصباح ............ جاطنا
والعواس يا حليلو والكواس تب........... ما فاتنا
غيداء اختي شن بثبتك على ................ لبعاتنا
000000000000000000000000000

والليلة امانة ما وقعتي .. وما سميتي



مرحبتين حبابك واليوم السعيد الليله جابك نمشى ونجيك


يا هلا بيك ود الطاهر
وانا في انتظار رجعتكم

غيداء نورالدين
14-07-2007, 01:06 AM
غايداء السلام عليكم ورحمة الله تعالي وبركاته


يا هلا وغلا بيك اسمر

غيداء نورالدين
14-07-2007, 01:07 AM
مرحبتين حبابك واليوم السعيد الليلة جابك


(لي عودة)


شكرا على الترحيب وانا في انتظار عودتك

غيداء نورالدين
14-07-2007, 01:11 AM
مرحب بيك يا غيداء وإن شاء الله يكون الكرسي بااارد عليك

ومنتظرين البطاقة الشخصية

شكرا على الترحيب بي زول فردا

هشام السماني إبراهيم
14-07-2007, 01:42 AM
الاخت الرائعة والمتألقة دائما انشاء الله

ياهلابك ومرحبابك في الكرسي ياغيداء:)

غيداء نورالدين
14-07-2007, 01:45 AM
الاخت الرائعة والمتألقة دائما انشاء الله

ياهلابك ومرحبابك في الكرسي ياغيداء:)

شكرا على الترحيب بي في الكرسي الساخن

هشام السماني إبراهيم
14-07-2007, 01:53 AM
سؤال ::

في اي من احياء مدينتا الحبيبة تسكنون

غيداء نورالدين
14-07-2007, 01:57 AM
رد:سؤال

انا من ولاية النيل الازرق((الدمازين))

عثمان جلالة
14-07-2007, 02:10 AM
سلام غيداء .. انشاء الله كرسي بارد ... لكن ما أظن ... بمشي وبجيك بكوم من الاسئلة

غيداء نورالدين
14-07-2007, 02:13 AM
سلام غيداء .. انشاء الله كرسي بارد ... لكن ما أظن ... بمشي وبجيك بكوم من الاسئلة

وعليكم السلام والرحمة يا جلالة
وانا في انتظار كوم اسئلتك

ابو الامجاد
14-07-2007, 02:30 AM
اوه الليلة جابوك الناس ديل شدي حيلك والله يكون في عونك قايتو الله يصبرك علي الناس ديل انا عارفهم حينشفو ريقك .

samar_taha
14-07-2007, 02:31 AM
غيوووود
سلامات ونورتي الكرسي الساخن وانشالله يرحب بيك
بين قوسين
انتي يابتي الدخلك البوست بتاع منتدى العوانس شنو ؟ واتحمستي كمان للموضوع , خلي الحاجات دي لي خالاتك ديل (ناس نحنا )
وتسلمي

غيداء نورالدين
14-07-2007, 02:58 AM
اوه الليلة جابوك الناس ديل شدي حيلك والله يكون في عونك قايتو الله يصبرك علي الناس ديل انا عارفهم حينشفو ريقك .

آآمين ويصبر الجميع:D :D :D

غيداء نورالدين
14-07-2007, 03:02 AM
غيوووود
سلامات ونورتي الكرسي الساخن وانشالله يرحب بيك
بين قوسين
انتي يابتي الدخلك البوست بتاع منتدى العوانس شنو ؟ واتحمستي كمان للموضوع , خلي الحاجات دي لي خالاتك ديل (ناس نحنا )
وتسلمي

شكرا على الترحيب بي في الكرسي الساخن
يا ناس نحنا
انا دخلت منتدى العوانس بالغلط اعتزر رجاء خاص اقبلي اعتزاري
انا في اليوم اللي شاركت فيهو حبيت اشارك في جميع المواضيع في النواعم
والحماسة دائما تجديها في المواضيع المفيدة

عثمان جلالة
14-07-2007, 03:05 AM
غيووووود ... عرفي ما يلي:

1- عقدة أوديب
2- التكل
3- الكاريزما
4- السعن

ما هو آخر كتاب قرأته؟ ولماذا؟

رأيك بصراحة في الأتي

الاغتراب : على ضوء تجربة الأسرة (أسرتك)؟

شباب الزمن ده / بنات الزمن ده؟

هل يرتبط الحب بسن معينة ؟ بمعنى هل هناك سن محددة للشروع في الحب؟

هل أنت سعيدة وناجحة ؟

نصحية للفتاة السودانية المثقفة؟

لو واحد قال ليك أثبتي عمرك 15 سنة حسب البطاقة؟ تعملي شنو؟

عثمان جلالة
14-07-2007, 03:08 AM
جاوبي على ديل وراجع ليك تاني ..... والله الليلة جنس سخانة ....

بدر الدين محمد
14-07-2007, 03:11 AM
الابنة غيداء
السلام عليكم ورحمة الله
ارجو ان يكون الكرسي بردا وسلاما
لدي سؤالين
1) امنياتك وماذا تعدين للمستقبل
2) ماذا اضاف لك المنتدى

غيداء نورالدين
14-07-2007, 03:35 AM
غيووووود ... عرفي ما يلي:

1- عقدة أوديب
2- التكل
3- الكاريزما
4- السعن

ما هو آخر كتاب قرأته؟ ولماذا؟

رأيك بصراحة في الأتي

الاغتراب : على ضوء تجربة الأسرة (أسرتك)؟

شباب الزمن ده / بنات الزمن ده؟

هل يرتبط الحب بسن معينة ؟ بمعنى هل هناك سن محددة للشروع في الحب؟

هل أنت سعيدة وناجحة ؟

نصحية للفتاة السودانية المثقفة؟

لو واحد قال ليك أثبتي عمرك 15 سنة حسب البطاقة؟ تعملي شنو؟


السؤال الاول عرفي الاتي
ما حصل في حياتي سمعت بالكلمات دي ولا اعرف معناها

آخر كتاب قرأته ؟لماذا؟
السيرة المحمدية لانه القدوة للايمان

الاغتراب؟؟
البعد عن الوطن الغالي وما يدور بداخله والشوق والحنين الى الاهل

شباب الزمن ده\بنات الزمن دا؟؟
شباب متتطلعة مع عصر العولمة

هل يرتبط الحب بسن معينة؟
لا
هل انت سعيدة وناجحة؟
نعم سعيدة وناجحة والحمد لله

نصيحة لكل فتاة سودانية مثقفة؟؟
اقول لها ان تلتزم بالصدق والامانة والتمسك بالدين الاسلامي

حاعمل شنو؟؟
15 سنة عمر الزهور والهناء :D :D :D

غيداء نورالدين
14-07-2007, 03:37 AM
جاوبي على ديل وراجع ليك تاني ..... والله الليلة جنس سخانة ....

في انتظار بقية الاسئلة حتى لو كانت ساخنة شديد

غيداء نورالدين
14-07-2007, 03:41 AM
الابنة غيداء
السلام عليكم ورحمة الله
ارجو ان يكون الكرسي بردا وسلاما
لدي سؤالين
1) امنياتك وماذا تعدين للمستقبل
2) ماذا اضاف لك المنتدى


وعليكم السلام والرحمة والبركة

اجابة السؤالين
1_امنيتي هي ان اصبح دكتورة ناجحة اعالج الناس واساعد الفقراء والمساكين
2-اضاف لي الكثير الكثير منها الاستفادة من الاشياء وتصحيح الاخطاء في حياتنا اليومية والتعرف على الاعضاء والمشرفين والاداريين

ابوزيد محمد نور
14-07-2007, 04:20 AM
مرحب بيك يا غيداء وإن شاء الله يكون الكرسي بااارد عليك
سوالى : ماذاااااااا تعنى لك مدينة ودمدنى

وجايك تانى ...

غيداء نورالدين
14-07-2007, 04:30 AM
مرحب بيك يا غيداء وإن شاء الله يكون الكرسي بااارد عليك
سوالى : ماذاااااااا تعنى لك مدينة ودمدنى

وجايك تانى ...

شكرا على الترحيب
وان شاء الله يكون بارد
رد:سؤالك
تعني لي مدينة ود مدني
مدني الجمال والاهل والطيبة والباقي انتو عارفنوا
وفي انتظار عودتك

خطاب العبيد
14-07-2007, 04:55 AM
الاخت العزيزة غيداء نورالدين مرحب بيك فى الكرسى الساخن اولاومرحب بيك معانافى الدوحة ،،،،،،

نتمنى يكون الكرسى الساخن بردوسلام عليك باذن الله تعالى شدى حيلك .

بسطاوى
14-07-2007, 05:35 AM
بنتى الغالية غيودة --- نفسى اغنى ليك دا اليوم الدايرنو ليك ياغيودة مبروك عليك
اللهم اجعله بردا وسلاما عليها يارب



وبرجع ليك للسعال

بسطاوى
14-07-2007, 05:49 AM
بنتى الغالية غيودة --- نفسى اغنى ليك دا اليوم الدايرنو ليك ياغيودة مبروك عليك
اللهم اجعله بردا وسلاما عليها يارب



وبرجع ليك للسعال

غيداء نورالدين
14-07-2007, 05:51 AM
الاخت العزيزة غيداء نورالدين مرحب بيك فى الكرسى الساخن اولاومرحب بيك معانافى الدوحة ،،،،،،

نتمنى يكون الكرسى الساخن بردوسلام عليك باذن الله تعالى شدى حيلك .

شكرا على الترحيب في الكرسي الساخن وترحيبك بي معكم في الدوحة
وان شاء الله سوف اشد حيلي

غيداء نورالدين
14-07-2007, 05:54 AM
بنتى الغالية غيودة --- نفسى اغنى ليك دا اليوم الدايرنو ليك ياغيودة مبروك عليك
اللهم اجعله بردا وسلاما عليها يارب



وبرجع ليك للسعال

بسطاوي
شكرا على الترحيب والاغنية وعقبال ما نغني ليك انت:D
وانا في انتظار رجعتك للسؤال

صديق بلال
14-07-2007, 06:17 AM
الأخت غيــــداء...لقد سعدنا جدا بأن أستضافك المنتدى ونسأل الله لك أن يجعل هذا الكرسي بردا وسلاما عليك... وأن يعينك على الإجابة على أسئلة الزملاء بصدر رحب ... وهذا هو المأمول فيكم...
فأبدأ ذي بدأ بسؤالي كالتالي:
كما ذكرت بأنك تحلمين بأن تكوني طبيبة ناجحة... فمن متى أنتابتك هذه الأمنية وتأصلت في نفسك؟
أما السؤال الثاني... أين تفضلين إكمال تعليمك الجامعي داخل السودان أم خارجه؟
فارجو الإجابة على هذين السؤالين... مع تمنياتنا لك بالتوفيق والنجاح

غيداء نورالدين
14-07-2007, 06:26 AM
الأخت غيــــداء...لقد سعدنا جدا بأن أستضافك المنتدى ونسأل الله لك أن يجعل هذا الكرسي بردا وسلاما عليك... وأن يعينك على الإجابة على أسئلة الزملاء بصدر رحب ... وهذا هو المأمول فيكم...
فأبدأ ذي بدأ بسؤالي كالتالي:
كما ذكرت بأنك تحلمين بأن تكوني طبيبة ناجحة... فمن متى أنتابتك هذه الأمنية وتأصلت في نفسك؟
أما السؤال الثاني... أين تفضلين إكمال تعليمك الجامعي داخل السودان أم خارجه؟
فارجو الإجابة على هذين السؤالين... مع تمنياتنا لك بالتوفيق والنجاح


وانا ايضا يسعدني ان اكون ضيفة هذا الكرسي
وشكرا لك على الترحيب بي
اجابة الاسئلة:
1_انتبات هذه الامنية في نفسي من وانا صغيرة للتوضيح من وانا اقرا في الصف السادس اساس
2_افضل اكمال تعليمي الجامعي في داخل السودان اذا شاء الرحمن
ولك التحية

صديق بلال
14-07-2007, 06:51 AM
أعذرينا يا غيداء... فلدينا عدة أسئلة ولكن سوف نسألك على دفعات وليست جملة واحدة لكي نترك مجال أيضا لباقي الزملاء...
فسؤالي يقول:-
أذا طلب منك أحد الوالدان أن تدرسي تخصص آخر غير الطب فماذا يكون ردك؟
السؤال الثاني
إذا طلبنا منك هدية أن تهديها لوالديك... فماذا سوف تختاري لهما؟

غيداء نورالدين
14-07-2007, 07:19 AM
أعذرينا يا غيداء... فلدينا عدة أسئلة ولكن سوف نسألك على دفعات وليست جملة واحدة لكي نترك مجال أيضا لباقي الزملاء...
فسؤالي يقول:-
أذا طلب منك أحد الوالدان أن تدرسي تخصص آخر غير الطب فماذا يكون ردك؟
السؤال الثاني
إذا طلبنا منك هدية أن تهديها لوالديك... فماذا سوف تختاري لهما؟

لا داعي للاعتزار سوف ارد على جميع الاسئلة

1_فانا لا استطيع ان ارفض طلب لوالدي لكن هذا التخصص يشجعني عليه امي وابي وبعد ذلك تأصلت هذه الامنية في نفسي ولكن لنفرض حدث هذا سأقبل
2_سأختار اكثر شئ يحبه ابي وامي

صديق بلال
14-07-2007, 09:02 AM
لا نريد أن نقول غيداء على صفيح ساخن... مثل الفيلم الذي عنوانه" رجب فوق صفيح ساخن"
فهنا نستطيع أن نقول غيداء على كرسي ساخن... فهنا لا نعني المعنى القريب المعروف ولكننا نعني معنى بعيد كل البعد عن السخونة المعروفة للجميع..

لدي سؤالان يا غيدااااااء
أولها:-ما رأيك بكل صراحة عن منتدى ود مدني... وماهي السلبيات الموجودة فيه... وما هو إقتراحك في تحسينه إن كان هناك بعض الملاحظات لديك؟؟؟
السؤال الثاني:-
ما هو أصعب سؤال واجهك في المنتدى بوجه عام... وفي الكرسي الساخن بوجه خاص...؟؟؟

بدرينا
14-07-2007, 09:23 AM
الغالية غيداء:
مرحب في كرسي جابر اقصد الكرسي الساخن..
أنا جايي وشايل معامي كميات من العصاير والفانتا وموية سوبا من السودان..
بس بديك ليها عند اللزوم..
وإن شاء الله تلقي فرصة تشربها ..

تخريمة: يا جماعة البت دي براهة عليها جاهلة وسقيرة..

مختار بازى
14-07-2007, 09:44 AM
هل انتي صريحة مع والديك ؟؟؟؟


لاي درجة هذة الصراحة؟؟؟



وبجيك تاني

محمد السر احمد
14-07-2007, 09:45 AM
بتنا غيداء
اولا مرحب بيك في الكرسي الساخن
وانشاء ترفعي راسنا نحن ناس الدوحة
و سؤالي هو ما اكثر شخصية تتاثري بها

غيداء نورالدين
14-07-2007, 10:30 AM
لا نريد أن نقول غيداء على صفيح ساخن... مثل إسم الفيلم الذي عنوانه" رجب فوق صفيح ساخن"
فهنا نستطيع أن نقول غيداء على كرسي ساخن... فهنا لا نعني المعنى القريب المعروف ولكننا نعني معنى بعيد كل البعد عن السخونة المعروفة للجميع..

لدي سؤالان يا غيدااااااء
أولها:-ما رأيك بكل صراحة عن منتدى ود مدني... وماهي السلبيات الموجودة فيه... وما هو إقتراحك في تحسينه إن كان هناك بعض الملاحظات لديك؟؟؟
السؤال الثاني:-
ما هو أصعب سؤال واجهك في المنتدى بوجه عام... وفي الكرسي الساخن بوجه خاص...؟؟؟



1-راي بصراحة في المنتدى
منتدى جميل ورائع ومفيد
السلبيات الموجودة فيه الشليلات جمع ((شلة))
اقتراح لتحسينه لا بد ان نعمل جميعا مشرفين واعضاء من اجل النهوض بالمنتدى
2-لم يواجهني سؤال صعب حتى الان والحمد لله لا في الساخن ولا العام

غيداء نورالدين
14-07-2007, 10:33 AM
الغالية غيداء:
مرحب في كرسي جابر اقصد الكرسي الساخن..
أنا جايي وشايل معامي كميات من العصاير والفانتا وموية سوبا من السودان..
بس بديك ليها عند اللزوم..
وإن شاء الله تلقي فرصة تشربها ..

تخريمة: يا جماعة البت دي براهة عليها جاهلة وسقيرة..


شكرا على الترحيب بي
وهلا بيك وبي كمياتك

غيداء نورالدين
14-07-2007, 10:37 AM
هل انتي صريحة مع والديك ؟؟؟؟


لاي درجة هذة الصراحة؟؟؟



وبجيك تاني



اجابة الاسئلة
1-نعم صريحة مع والدي

2-درجة هذه الصراحة كبيرة جدا فانا صريحة مع والدي دائما لا اخفي اي شئ عنهم

وفي انتظارك باقي اسئلتك

غيداء نورالدين
14-07-2007, 10:41 AM
بتنا غيداء
اولا مرحب بيك في الكرسي الساخن
وانشاء ترفعي راسنا نحن ناس الدوحة
و سؤالي هو ما اكثر شخصية تتاثري بها

شكرا على الترحيب
ان شاء الله
اجابة السؤال
والدي هو اكثر شخصية متاثرة بها

مختار بازى
14-07-2007, 10:46 AM
اجابة الاسئلة
1-نعم صريحة مع والدي

2-درجة هذه الصراحة كبيرة جدا فانا صريحة مع والدي دائما لا اخفي اي شئ عنهم

وفي انتظارك باقي اسئلتك

طيب بما انك صريحة معاهم للدرجة دي هل بيكونو علي علم بما يدور في المنتدي علي وجهة الخصوص ؟؟؟

غيداء نورالدين
14-07-2007, 10:49 AM
طيب بما انك صريحة معاهم للدرجة دي هل بيكونو علي علم بما يدور في المنتدي علي وجهة الخصوص ؟؟؟

نعم بيكونو على علم بما يدور بالمنتدى على وجهة الخصوص

عثمان جلالة
14-07-2007, 10:43 PM
غيووود طبعا أنا لسه سؤالي الاول ما جاوبتي عليهو ... حاولي .. اطلب المساعدة من صديق
الأسئلة البعدها
1- مطلوب منك إعداد الآتي (ملاح باميه مفروكه) المقادير ... زي برنامج طبق اليوم
2- (سكلوب باني) .. المقادير

* معلوماتك عن الزعماء والسياسيين أدناه
ماو .... المحجوب ... عبد الناصر ... الترابي

(الكل للفرد والفرد للكل) شعار .. معروف حددي لي كان شعار منو وأكتبيه حسب نصه الأصلي

وراجع ليك تاني :d

مدنيّة
14-07-2007, 10:58 PM
غيووود طبعا أنا لسه سؤالي الاول ما جاوبتي عليهو ... حاولي .. اطلب المساعدة من صديق
الأسئلة البعدها
1- مطلوب منك إعداد الآتي (ملاح باميه مفروكه) المقادير ... زي برنامج طبق اليوم
2- (سكلوب باني) .. المقادير

* معلوماتك عن الزعماء والسياسيين أدناه
ماو .... المحجوب ... عبد الناصر ... الترابي

(الكل للفرد والفرد للكل) شعار .. معروف حددي لي كان شعار منو وأكتبيه حسب نصه الأصلي

وراجع ليك تاني :d

جلالة ياخوي قلنا كرسي ساااخن ما امتحان ياخ:D

عثمان جلالة
14-07-2007, 11:12 PM
جلالة ياخوي قلنا كرسي ساااخن ما امتحان ياخ:D



أسي يا مدون في إمتحان فيهو بامية مفروكة ... بعدين الواحد لازم يكون جاهز من مجاميعو :)

مدنيّة
14-07-2007, 11:14 PM
أسي يا مدون في إمتحان فيهو بامية مفروكة ...

اي ياخ في
امتحان تدبير منزلي :cool:

نزار حسن محمد
15-07-2007, 12:17 AM
مرحبا بالابنه غيداء نور الدين ..اتمنى لك اسعد الاوقات بالمنتدى والكرسى الساخن .
عمك ودحسن

مختار بازى
15-07-2007, 12:26 AM
بتعرفي تعملي الحاجات دي
الكسرةالعصيدة

مدنيّة
15-07-2007, 12:29 AM
عمك ودحسن

عمك شنو يانزار ياخ
قالت ليك عمرها 15 سنة
يعني تقول ليها جدك ود حسن :D

غيداء نورالدين
15-07-2007, 01:05 AM
مرحبا بالابنه غيداء نور الدين ..اتمنى لك اسعد الاوقات بالمنتدى والكرسى الساخن .
عمك ودحسن


عمو يا عمو لو شفتة البراية كانت ويايا
شكرا ليك عمو حسن على الترحيب

غيداء نورالدين
15-07-2007, 01:12 AM
غيووود طبعا أنا لسه سؤالي الاول ما جاوبتي عليهو ... حاولي .. اطلب المساعدة من صديق
الأسئلة البعدها
1- مطلوب منك إعداد الآتي (ملاح باميه مفروكه) المقادير ... زي برنامج طبق اليوم
2- (سكلوب باني) .. المقادير

* معلوماتك عن الزعماء والسياسيين أدناه
ماو .... المحجوب ... عبد الناصر ... الترابي

(الكل للفرد والفرد للكل) شعار .. معروف حددي لي كان شعار منو وأكتبيه حسب نصه الأصلي

وراجع ليك تاني :d


هييييييييييي بحاول الاتصال لصديق لمن اعرف الاجابة برجع ليك وبجاوب عليها

1-ملاح البامية بحبوا شديد من ايد ماما وبس لاكن ما بعرف اطبخوا يا اخي لكن حاتعلم
2-ماو زعيم صيني
3-المحجوب علم من اعلام بلادي
4-عبد الناصر زعيم مصري رحمة الله عليه
5-الترابي دكتور
6-الشعار:
ابي الرماح اذا ما اجتمعنا تكسرا واذا افترقن تكسرت احادا
والله اعلم

في انتظار رجعتك

ابوندى
15-07-2007, 01:16 AM
فى كلمات :
منتدى ودمدنى:...............
ناس مدنى :....................
الدمازين :..................
لوخيرتى بين مدنى والدمازين فماذا تختارين !!!!!!!!!!!!!
فى الخاطر:
مدينة:.................
مدرسة:............
صديقة:.............
موقف لاتنسيه:

غيداء نورالدين
15-07-2007, 01:24 AM
بتعرفي تعملي الحاجات دي
الكسرةالعصيدة

1_بعرف العصيدة لكن الكسرة ما بعرفها

غيداء نورالدين
15-07-2007, 01:31 AM
فى كلمات :
منتدى ودمدنى:...............
ناس مدنى :....................
الدمازين :..................
لوخيرتى بين مدنى والدمازين فماذا تختارين !!!!!!!!!!!!!
فى الخاطر:
مدينة:.................
مدرسة:............
صديقة:.............
موقف لاتنسيه:


منتدى ود مدني:جميل ورائع وبه مواضيع جميلة ومفيدة

ناس مدني:ناس طيبين شديد طيبة بلدي المعروفين بيها

الدمازين:ناس حلوين وناس طيبين

حاختار الاثنان معا لانو اساسا الوالد من الدمازين والوالدة من مدني ابو حراز

مدينة:نفسي ازور كل مدن السودان

مدرسة:الاخلاص الخاصة

صديقة:كل المنتدى

موقف لا تنسيه:لا يوجد

ود المطامير
15-07-2007, 02:54 AM
أختنا العزيزه ... غيداء
يوم إشكلنا فى موضوع أختنا .. مدنيه .. إنتو يا المغتربين برى منكم
كنت فاكرك قدر خالتى محاسن .
ربنا ينير دربك ويحفظك ويرعاك
الدوحه ... رأيتها عام .. 1987
ترى كيف هى الآن بعد عشرين عاما ؟

غيداء نورالدين
15-07-2007, 03:03 AM
أختنا العزيزه ... غيداء
يوم إشكلنا فى موضوع أختنا .. مدنيه .. إنتو يا المغتربين برى منكم
كنت فاكرك قدر خالتى محاسن .
ربنا ينير دربك ويحفظك ويرعاك
الدوحه ... رأيتها عام .. 1987
ترى كيف هى الآن بعد عشرين عاما ؟

هههههههههههههههه
قدر خالتك
:D :D :D
يا هلا بيك ود المطامير
والله يعني الحمد لله الدوحة في تحسن اكثر من السنين الماضية على حسب اقامتي فيها

بدرينا
15-07-2007, 04:03 AM
غيداء إن شاء الله الكرسي ماشي معاك بارد؟؟
عندي شوية اسئلة ما صعبة..
1. زرت كم مدينة في السودان؟
2. ماذا تعني هذه المصطلحات في العامية السودانية:
السيجة؟:..................
العنكوليب؟:...............
أم فتفت؟:..................
كمبلت؟:....................
بت أم لعاب؟:..............
أم تكشو؟:..................
الموليتة؟:..................
الدوكة؟:....................
المشلعيب؟:...............

صلاح ودالطاهر
15-07-2007, 04:32 AM
غيداء إن شاء الله الكرسي ماشي معاك بارد؟؟


عندي شوية اسئلة ما صعبة..
1. زرت كم مدينة في السودان؟
2. ماذا تعني هذه المصطلحات في العامية السودانية:
السيجة؟:..................
العنكوليب؟:...............
أم فتفت؟:..................
كمبلت؟:....................
بت أم لعاب؟:..............
أم تكشو؟:..................
الموليتة؟:..................
الدوكة؟:....................

المشلعيب؟:...............

شكيت محنك يابدرينا الاسئله دي وديها لعمك ابوعُلا في الكشكول الشعبي
اها يا غيداء كيف توفقي بين الدراسه والواجبات المنزليه وجلوسك علي الانترنيت ؟؟؟

بنت الرفاعي
15-07-2007, 05:00 AM
جيتك ياغيداء وعارفة جيتك متأخرة وحأرحب بيك برضو متأخرة..
إنتي من أولى دخلتي مدارس سودانية في الدوحة ولا قطرية؟
الصداقة عندك معناها شنو؟
وانتي قلتي الدوحة بقت احسن من زمان وضحي كيف؟
لحدي هنا نقيف معاك, ولو الله أدانا العمر إنشاءالله بنرجع ليك بأسئلة تاني.

غيداء نورالدين
15-07-2007, 07:44 AM
غيداء إن شاء الله الكرسي ماشي معاك بارد؟؟
عندي شوية اسئلة ما صعبة..
1. زرت كم مدينة في السودان؟
2. ماذا تعني هذه المصطلحات في العامية السودانية:
السيجة؟:..................
العنكوليب؟:...............
أم فتفت؟:..................
كمبلت؟:....................
بت أم لعاب؟:..............
أم تكشو؟:..................
الموليتة؟:..................
الدوكة؟:....................
المشلعيب؟:...............


والله الحمد لله ماشي الحال مع الكرسي الساخن
واجابة الاسئلة:
كتيررررررر(الخرطوم مدني سنجة سنار الدمازين الرصيرص))
السيجة:لعبة شعبية سودانية
العونكوليب:احلى قصب سكر اكلتوا في السودان
ام فتفت:ياااااااي يخسي عليها
كمبلت:لعبة شعبية
بت ام لعاب:ما حضرنا زمنها بس المهم لعبة
ام تكشو:خضرة يابسة
الموليتة:مرة شديد
الدوكة:حلاتها بالصلطة
المشلعيب:حكا لي بيهوا بابا عند حبوبا زمان

غيداء نورالدين
15-07-2007, 08:04 AM
شكيت محنك يابدرينا الاسئله دي وديها لعمك ابوعُلا في الكشكول الشعبي
اها يا غيداء كيف توفقي بين الدراسه والواجبات المنزليه وجلوسك علي الانترنيت ؟؟؟


انا بقسم وقتي الى اجزاء وقت للراحة ووقت للدراسة ووقت للانترنت
وانا حاليا بقعد كتير في النت للاستفادة والاطلاع على المعلومات ومواصلة الاخوة والاخوات في منتدانا العزيز

غيداء نورالدين
15-07-2007, 08:11 AM
جيتك ياغيداء وعارفة جيتك متأخرة وحأرحب بيك برضو متأخرة..
إنتي من أولى دخلتي مدارس سودانية في الدوحة ولا قطرية؟
الصداقة عندك معناها شنو؟
وانتي قلتي الدوحة بقت احسن من زمان وضحي كيف؟
لحدي هنا نقيف معاك, ولو الله أدانا العمر إنشاءالله بنرجع ليك بأسئلة تاني.


حبابك عشرة وحياك الله
1-من الاول دخلت مدرسة سودانية
2-شى جميل امرنا به فى صحبة الاخيار كما وصفها الحبيب المصطفى صل الله عليه وسلم بحامل المسك ونافخ الكير . ونحن فى زمن انعدمت تلك الصداقات الصافية النقيه . واصبحت الصحبة للمنفعة يعنى بالواضح ( لو مامنك مصلحة لا تصلح صحبتك) كما ارجو ان يصاحب الشخص لنفسه لا يكون لمصلحه فيه . والصداقة شى عظيم لقول الرسول صل الله عليه وسلم ( رب اخ لك لم تلدة امك) هذه هى الصداقة الحقيقية التى يسعد بها الاصحاب .ولابد من الصداقة الصادقه ........
3-من الناحية العمرانية والثقافية والانفتاح على العالم
وانا سوف اكون في انتظار عودتك

صديق بلال
15-07-2007, 08:41 AM
مساء الخير يا غيــــــــــــــــــــــــــــــوووووود...
بعدما شعرت أن الجماعة أي أعني الأخوة الزملاء قد جعلوا الكرسي يتحول من كرسي سااااااخن إلى كرسي مشعلل... ولهذا تركتك إلى أن يأتي المساء ليبرد الجو قليلا ومنها أنطلق على بركة الله وأسألك بعض الأسئلة الخفيفة رأفة بك....
أقول مستعينا بالله:-
من هم المشائخ المقرئين الذين تحبين أن تستمعي إلى تلاوتهم... على مستوى العالم الإسلامي؟
ومن هم أئمة الحرمين الشريفين في مكة المكرمة والمدينة المنورة الذين تحبين أن تستمعي إلى تلاوتهم؟؟
هل زرت المملكة العربية السعودية... وأي مدينة تحديدا؟؟
وإنني سوف أرجع إليك لأسئلك بعض الأسئلة الخفيفة؟؟

طلال الصول
15-07-2007, 10:46 AM
مرحب غيداء كرسي ساهل وميسور انشاء الله
الجماعة ما قصرو وما خلو حاجة نسألا
عاوزك تحكي لينا عن غيداء خارج المنتدى

كنت داير اقول ليك عمك طلال لكن ما بجيب
فخليها اخوك

المكاشفى
15-07-2007, 11:45 AM
الاسم:غيداء نورالدين
العمر:15سنة
مولودة سنة:1992
[/QUOTE]

وااااااااااااااى
وى بيوووو
واخيابه التور !! !!
الله يجازى محنك يابتى وربنا يحفظك
الا بضحك لى ساعه لمات كلاى وقفن
فى العمال الكنتى مشغلاهن فى السينما
انا وبازى وابو رانيا
مرحب بيك غيوده فى واحه المنتدى الكرسى الساخن
وانشاء الله تعم الفائده ويبرد بى بركه ابواتك العركيين
- بتعرفى البنيه؟
- الشيخ فرح ود تكتوك؟
- خمسه من شيوخ ابوحراز؟
- المهيوبه؟
- اللوح؟
- الدوايه؟
وانا ساكن معاك فى البوست ده مابلف وبجى.

غيداء نورالدين
15-07-2007, 11:47 AM
مساء الخير يا غيــــــــــــــــــــــــــــــوووووود...
بعدما شعرت أن الجماعة أي أعني الأخوة الزملاء قد جعلوا الكرسي يتحول من كرسي سااااااخن إلى كرسي مشعلل... ولهذا تركتك إلى أن يأتي المساء ليبرد الجو قليلا ومنها أنطلق على بركة الله وأسألك بعض الأسئلة الخفيفة رأفة بك....
أقول مستعينا بالله:-
من هم المشائخ المقرئين الذين تحبين أن تستمعي إلى تلاوتهم... على مستوى العالم الإسلامي؟
ومن هم أئمة الحرمين الشريفين في مكة المكرمة والمدينة المنورة الذين تحبين أن تستمعي إلى تلاوتهم؟؟
هل زرت المملكة العربية السعودية... وأي مدينة تحديدا؟؟
وإنني سوف أرجع إليك لأسئلك بعض الأسئلة الخفيفة؟؟


مساء النور
1-الشيخ السديس اني انطرب عن سماع تلاوته
2-برضوا السديس
3-نعم كثيرا وقد عمرت مع الوالد والوالدة ولدينا نية الحج هذه السنة باذن الله
((الرياض مكة جدة الطائف وتقريبا معظم مدن المملكة))
وانا في الانتظار

غيداء نورالدين
15-07-2007, 11:51 AM
مرحب غيداء كرسي ساهل وميسور انشاء الله
الجماعة ما قصرو وما خلو حاجة نسألا
عاوزك تحكي لينا عن غيداء خارج المنتدى

كنت داير اقول ليك عمك طلال لكن ما بجيب
فخليها اخوك

شكرا ليك يا ود الصول والكرسي ساخن سخونية ارجا الراجيك

غيداء خارج المنتدى مثل ما هي داخل المنتدى

غيداء نورالدين
15-07-2007, 11:57 AM
الاسم:غيداء نورالدين
العمر:15سنة
مولودة سنة:1992


وااااااااااااااى
وى بيوووو
واخيابه التور !! !!
الله يجازى محنك يابتى وربنا يحفظك
الا بضحك لى ساعه لمات كلاى وقفن
فى العمال الكنتى مشغلاهن فى السينما
انا وبازى وابو رانيا
مرحب بيك غيوده فى واحه المنتدى الكرسى الساخن
وانشاء الله تعم الفائده ويبرد بى بركه ابواتك العركيين
- بتعرفى البنيه؟
- الشيخ فرح ود تكتوك؟
- خمسه من شيوخ ابوحراز؟
- المهيوبه؟
- اللوح؟
- الدوايه؟
وانا ساكن معاك فى البوست ده مابلف وبجى. [/QUOTE]


هههههههههههههههههه
يا شيخي الماكشفي انتظر بكرة اجيب ليك ردود لي اسالتك اسئلة الشيوخ دي لمن اتزكر ليك الشيوخ
تخريمة:هييييييييي انت شيخ:D :D :D

طلال الصول
15-07-2007, 12:02 PM
غيود بما انك صاحبة سينما
لو خيرناك في فلمك المفضل يكون شنو
شرط ما يكون هاري بوتر

ابو الامجاد
15-07-2007, 01:08 PM
ياود الصول مالو هاري بوتر يعني
وجيتك يا غيدا
1 . من وين عرفتي منتدي ودمدني
2. العجبك شنو في منتدي ودمدني
3 . اخر مرة جيتي السودان بتين
4 . وليك كم في قطر

غيداء نورالدين
16-07-2007, 02:42 AM
الاسم:غيداء نورالدين
العمر:15سنة
مولودة سنة:1992


وااااااااااااااى
وى بيوووو
واخيابه التور !! !!
الله يجازى محنك يابتى وربنا يحفظك
الا بضحك لى ساعه لمات كلاى وقفن
فى العمال الكنتى مشغلاهن فى السينما
انا وبازى وابو رانيا
مرحب بيك غيوده فى واحه المنتدى الكرسى الساخن
وانشاء الله تعم الفائده ويبرد بى بركه ابواتك العركيين
- بتعرفى البنيه؟
- الشيخ فرح ود تكتوك؟
- خمسه من شيوخ ابوحراز؟
- المهيوبه؟
- اللوح؟
- الدوايه؟
وانا ساكن معاك فى البوست ده مابلف وبجى. [/QUOTE]



انا يا مكاشفي مديرة اعمال ولدي الكثير الكثير من الشركات من ضمنها السينما انت خليك في السينما لمن اشوف ليك شغلة اسمح من كدا

وتسلم على الترحيب
1-ايوة بعرف البنية ضريح الشيخ
2-ايوة بعرفوا لديه ضريح بالقرب من خزان الرصيرص صاحب حكمة
3-الجيلي حسن صلاح_سعدابي_ ازرق طيبة_ مدني السني_ود كنان _الغزالي_يوسف كان عايز عشرة بديك ليهم واكتفي بديل
4-المهيوبة دي...الله اعلم
6-اللوح الذي يكتب فيه طالب الخلوة
7-الدواية محلول من السكن للكتابة في الالواح
حبابك الف وتسلم

غيداء نورالدين
16-07-2007, 02:44 AM
غيود بما انك صاحبة سينما
لو خيرناك في فلمك المفضل يكون شنو
شرط ما يكون هاري بوتر


فلمي المفضل هاري بوتر :D :D :D

غيداء نورالدين
16-07-2007, 02:48 AM
ياود الصول مالو هاري بوتر يعني
وجيتك يا غيدا
1 . من وين عرفتي منتدي ودمدني
2. العجبك شنو في منتدي ودمدني
3 . اخر مرة جيتي السودان بتين
4 . وليك كم في قطر


1-في البحث في قوقل وجدت المنتدى وكنت بخش كضيفة
2-عجبني فيهو المواضيع الجميلة والشيقة والمفيدة والتعريف عن مدني بالقرب
3-قبل سنة وجاية تاني وتاني:D
4-12سنة والحمد لله

zaher
16-07-2007, 03:20 AM
بنتنا الغالية غيداء

غيابنا طال ... وانت في الكرسي الساخن مع رجوعنا ... وانا ما عارف حظك ولا حظنا ...

طبعا ناس جدك ود الطاهر حا يخوفوك ويقولوا ليك وووووووووووووب عليك ...

لكن كلامهم ما صاح ...... ( ولا تخافي )

عندي ليك شوييييييييية اسئلة كدا لزوم التسخينة وباخد لفة واجيييييييييك
1-- مــــن انـــــــت ...؟؟

2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعته...؟؟

5- اسعد خبر سمعته..؟؟

6- شخص لاترفض له طلبا ..؟؟

7- شخص تشتاق له بشده ..؟؟

8- شخص افتقدته ...؟؟

9- مـــــن يطـــــربك ...؟؟

10- ماهي التجربه التي تتمنى تكرارها ...؟؟

11- وماهي التجربة التي لا تتمنى تتكرارها ولماذا ...؟؟

12- قرار اتخزته وراضي عنه وقرار اتخزته وندمت عليه ولماذا ..؟؟

13- اول محاولة جادة للطبيخ هل نجحت ..؟؟

14- شخصية من مدني اعجبت بها ولماذا ...؟؟

15- متى تتضحكي ومتى تبكي ..؟؟

16-من هو توأم روحك ...؟؟

17-ماهو اكثر شئ تخشاه...؟؟

18- مالذي يشعرك بأكثر قدر من الحرج...؟؟

19-- نزار شاعر المرأه.... وانت شاعر من ...؟؟

20-- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

21-- جريمه تتمنى ارتكابها...؟؟

22- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

23- لو عينت مكان واحد من هؤلاء . ماهو اول قرار سوف تتخزه ؟

رئيسا للجمهورية
محافظ لودمدني
واليا لولايات دارفور
واليا للجزيرة
وزيرا للشباب
وزيرا للمالية
رئيسا لبلدية ود مدني الكبرى
مشرفا عاما للمنتدى

ابوالنور
16-07-2007, 03:35 AM
غايدا سلامات
قولنا نشوف اسلت الناس كيف لكن شكلو لسه ما دوروك
1/
2/
3/
يلا بمشي وبجيك

النزير محمد شريف
16-07-2007, 07:37 AM
الاخت غيداء

سلامات

مرحبتين في الكرسي الساخن

اولاً لك مني فائق التحايا وانت تعطرين المنتدي

وبعد داك بقي نسال

1/ بكل صراحه من وجهه نظرك ما هو اجمل ما كتبتيه في المنتدي

2/موقف طريف وانت داخل السودان

وتاني كان الله مد في العمر برجع ليك


مع مودتي

غيداء نورالدين
16-07-2007, 09:33 AM
[QUOTE=zaher;205699]
بنتنا الغالية غيداء

غيابنا طال ... وانت في الكرسي الساخن مع رجوعنا ... وانا ما عارف حظك ولا حظنا ...

طبعا ناس جدك ود الطاهر حا يخوفوك ويقولوا ليك وووووووووووووب عليك ...

لكن كلامهم ما صاح ...... ( ولا تخافي )

عندي ليك شوييييييييية اسئلة كدا لزوم التسخينة وباخد لفة واجيييييييييك
ا
هلا ومرحب بيك عودا حميدا وحمد لله على السلامة

1-- مــــن انـــــــت ...؟؟
انا غيداء نورالدين وبس
2-باقة ورد لمن تهديها ...؟؟
لجميع اخواتي واخوتي في ود مدني
3- باقة شوك لمن تهديها ...؟؟
لا يوجد
4- اسوأ خبر سمعته...؟؟
الفيضانات في السودان
5- اسعد خبر سمعته..؟؟
ما شين اجازة الى الوطن الغالي
6- شخص لاترفض له طلبا ..؟؟
ماما وبابا
7- شخص تشتاق له بشده ..؟؟
الوطن
8- شخص افتقدته ...؟؟
لا يوجد
9- مـــــن يطـــــربك ...؟؟
الاستماع الى ترتيل القرأن
10- ماهي التجربه التي تتمنى تكرارها ...؟؟
لا توجد
11- وماهي التجربة التي لا تتمنى تتكرارها ولماذا ...؟؟
لا توجد
12- قرار اتخزته وراضي عنه وقرار اتخزته وندمت عليه ولماذا ..؟؟
لا يوجد
13- اول محاولة جادة للطبيخ هل نجحت ..؟؟
لا...........لا الا البيض
14- شخصية من مدني اعجبت بها ولماذا ...؟؟
الاستاز محمد الامين لانو بنطرب عند سماع اغانيه
15- متى تتضحكي ومتى تبكي ..؟؟
عند الفرح اضحك وعند الكرب ابكي
16-من هو توأم روحك ...؟؟
.........................
17-ماهو اكثر شئ تخشاه...؟؟
الكزب والنفاق
18- مالذي يشعرك بأكثر قدر من الحرج...؟؟
....................................
19-- نزار شاعر المرأه.... وانت شاعر من ...؟؟
شاعرة نفسي
20-- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
من خالاتي
21-- جريمه تتمنى ارتكابها...؟؟
دي ما في زول بتمناها
22- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
حارسم خريطة العالم وحاكتب تحتها الســــــــــــــــــــــلااام
23- لو عينت مكان واحد من هؤلاء . ماهو اول قرار سوف تتخزه ؟
رئيس للجمهورية

غيداء نورالدين
16-07-2007, 09:40 AM
غايدا سلامات
قولنا نشوف اسلت الناس كيف لكن شكلو لسه ما دوروك
1/
2/
3/
يلا بمشي وبجيك

هههههههههههه:D
اهلا يا ابو النور
في انتظار عودتك

غيداء نورالدين
16-07-2007, 09:45 AM
الاخت غيداء

سلامات

مرحبتين في الكرسي الساخن

اولاً لك مني فائق التحايا وانت تعطرين المنتدي

وبعد داك بقي نسال

1/ بكل صراحه من وجهه نظرك ما هو اجمل ما كتبتيه في المنتدي

2/موقف طريف وانت داخل السودان

وتاني كان الله مد في العمر برجع ليك


مع مودتي


تسلم على الترحيب
1-بصراحة كل المواضيع التي كتبتها في لمنتدى في نظري جميلة كلها بس اجمل موضوع كان الحياة صبر لانو هادف ومفيد
2-كنا مسافرين من الخرطوم الى الدمازين والحضور الساعة7 وشالتنا نومة ولقينا البص مشى
ههههههههههههاهاهااههاااههههههه:D :D :D :D :D

المكاشفى
16-07-2007, 11:06 AM
بنتنا الغالية غيداء

غيابنا طال ... وانت في الكرسي الساخن مع رجوعنا ... وانا ما عارف حظك ولا حظنا ...

طبعا ناس جدك ود الطاهر حا يخوفوك ويقولوا ليك وووووووووووووب عليك ...

لكن كلامهم ما صاح ...... ( ولا تخافي )

عندي ليك شوييييييييية اسئلة كدا لزوم التسخينة وباخد لفة واجيييييييييك
1-- مــــن انـــــــت ...؟؟

2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعته...؟؟

5- اسعد خبر سمعته..؟؟

6- شخص لاترفض له طلبا ..؟؟

7- شخص تشتاق له بشده ..؟؟

8- شخص افتقدته ...؟؟

9- مـــــن يطـــــربك ...؟؟

10- ماهي التجربه التي تتمنى تكرارها ...؟؟

11- وماهي التجربة التي لا تتمنى تتكرارها ولماذا ...؟؟

12- قرار اتخزته وراضي عنه وقرار اتخزته وندمت عليه ولماذا ..؟؟

13- اول محاولة جادة للطبيخ هل نجحت ..؟؟

14- شخصية من مدني اعجبت بها ولماذا ...؟؟

15- متى تتضحكي ومتى تبكي ..؟؟

16-من هو توأم روحك ...؟؟

17-ماهو اكثر شئ تخشاه...؟؟

18- مالذي يشعرك بأكثر قدر من الحرج...؟؟

19-- نزار شاعر المرأه.... وانت شاعر من ...؟؟

20-- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

21-- جريمه تتمنى ارتكابها...؟؟

22- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

23- لو عينت مكان واحد من هؤلاء . ماهو اول قرار سوف تتخزه ؟

رئيسا للجمهورية
محافظ لودمدني
واليا لولايات دارفور
واليا للجزيرة
وزيرا للشباب
وزيرا للمالية
رئيسا لبلدية ود مدني الكبرى
مشرفا عاما للمنتدى

وا وى وا وى وا وى واوى ؟
ده طبعا جرس الانزار
يازاهر شنو قول ليك عمرها 15 سنه داير تخلع البنيه
والله لقيتك بتبدأ طوالى من صفحه12 .......

bakri
16-07-2007, 11:52 AM
الاخت غيوده لك مني كل الود .....و حبابك في الكرسي البارد

عندي ليك شويه اسأله
1- عددي عجائب الدنيا السبعة
2- لو جاتك فرصه تحكمي السودان هل حتحكميه بالنظام الجمهوي الرئاسي ولا الجمهوي البرلماني ( النيابي )
3- هل بتسعي انو تكون اجابتك مثاليه اكتر من كونها واقعيه
4- منتديات بتحبي تزوريها غير منتدي ود مدني.
5- اكتر برنامج تلفزيوني حبيتيهو وفي اي قناة و موضوعو شنو

غيداء نورالدين
16-07-2007, 12:15 PM
الاخت غيوده لك مني كل الود .....و حبابك في الكرسي البارد

عندي ليك شويه اسأله
1- عددي عجائب الدنيا السبعة
2- لو جاتك فرصه تحكمي السودان هل حتحكميه بالنظام الجمهوي الرئاسي ولا الجمهوي البرلماني ( النيابي )
3- هل بتسعي انو تكون اجابتك مثاليه اكتر من كونها واقعيه
4- منتديات بتحبي تزوريها غير منتدي ود مدني.
5- اكتر برنامج تلفزيوني حبيتيهو وفي اي قناة و موضوعو شنو


شكرا على الترحيب الاخ بكري
1-عجائب الدنيا السبع هم
الهرم الاكبر في الجيزة_حدائق بابل المعلقة_هيكل ارتميس في افسوس_تمثال زيوس في اولميبيا
_ضريح موسو لوس في هاليكاسوس_تمثال رودس الضخم_منارة الاسكندرية
2-بحكم السودان بالنظام الجمهوري الرئاسي:D :D :D
3-نعم بسعى انو اجابتي تكون واقعية اكثر من ان تكون مثالية
4-منتديات كثيرة بس اكتر شئ ود مدني ومنتدى المشاغب ومنتدى نغم ومنتدى نجوم العرب
والراكوبة السودانية..................................
5-الدرب في قناة الجزيرة موضوعوا كلوا معلومات بتستفيد منها

ابوالنور
17-07-2007, 12:24 AM
هههههههههههه:D


اهلا يا ابو النور

في انتظار عودتك


1/ المدارس التي درسا بها جعفر محمد نميري بي مدني
2/ الحي الذي تربي به ابراهيم خان بي مدني
3/ اسم اقدم حي بي مدني


4/
5/
6/

النزير محمد شريف
17-07-2007, 12:37 AM
الاخت غيداء

سلامات

السودانيون معروف عنهم الشيم الجميله

ما مدي المحافظه علي ذلك في ارض المهجر ؟؟؟؟؟؟

وكيف ينعكس عليكم انتم ابناء المغتربيين ؟؟؟؟؟

ولي عود ه

غيداء نورالدين
17-07-2007, 05:02 AM
1/ المدارس التي درسا بها جعفر محمد نميري بي مدني
2/ الحي الذي تربي به ابراهيم خان بي مدني
3/ اسم اقدم حي بي مدني


4/
5/
6/






1-درس جعفر محمد نميري في مدرسة حنتوب
2-الله اعلم
3-اقدم حي حي المدنيين

شبارقة
17-07-2007, 10:00 PM
حفيدتي الطيبة غيداء ...

كل هذا النشاط والإبداع وعمرك خمستعشر سنة ماااااااااااااا شاء الله تبارك الله عيني فريزر تلاجة جديدة ...

سعالي ليك يا حفيدتي:
ما هي مواصفات فارس الأحلام ؟؟

ويااااااااااااااااا رب تظبط معاي عشان اجيكم في الدوحة!!



واخطبك لي ولدي !

غيداء نورالدين
18-07-2007, 02:37 AM
الاخت غيداء

سلامات

السودانيون معروف عنهم الشيم الجميله

ما مدي المحافظه علي ذلك في ارض المهجر ؟؟؟؟؟؟

وكيف ينعكس عليكم انتم ابناء المغتربيين ؟؟؟؟؟

ولي عود ه


اهلا با النزير

1-السودانيين بطبيعتهم معرروف عنهم الكرم والشيم الجميلة ولكن لا اعتقد ان ارض المهجر ستغير من طباعهم مهما كان الوقت
2-اما عن اولاد المغتربين فكل السودان بصفة خاصة ينظر الينا هذه النظرة على اننا تربينا على عادات البلاد التي نتواجد فيها لكن هذا ليس صحيح فالاهل بارك الله فيهم من خلال تداخل اسرنا مع بعضها البعض يلقنوننا دروس في الفن الادب السوداني لذلك نحنا تربينا في بيئة ليس بيئتنا ولكن الاصل في التربية يعود الى الاهل فدائما يزكرون روعة الوطن وطيبة اهل الوطن والتوحد والتكاليف في الوطن لذلك نحنا نشانا على هذا

غيداء نورالدين
18-07-2007, 02:41 AM
حفيدتي الطيبة غيداء ...

كل هذا النشاط والإبداع وعمرك خمستعشر سنة ماااااااااااااا شاء الله تبارك الله عيني فريزر تلاجة جديدة ...

سعالي ليك يا حفيدتي:
ما هي مواصفات فارس الأحلام ؟؟

ويااااااااااااااااا رب تظبط معاي عشان اجيكم في الدوحة!!



واخطبك لي ولدي !


جدو شبارقة :p :D
لك كل التحية والاحترام الذائد
الكلام دا لسة بدري عليهوا شوية

ولك التحية

شبارقة
18-07-2007, 07:35 AM
جدو شبارقة :p :D
لك كل التحية والاحترام الذائد
الكلام دا لسة بدري عليهوا شوية

ولك التحية

حظك يا البلولة ولدي زي حظ أبوك ،

كوم شواكيش !!

غيداء نورالدين
18-07-2007, 07:39 AM
حظك يا البلولة ولدي زي حظ أبوك ،

كوم شواكيش !!



لا والله ما شواكيش ولا حاجة
بس الكلام دا بدري علينا شوية :D :D :D
ولك التحية

شبارقة
18-07-2007, 07:47 AM
لا والله ما شواكيش ولا حاجة
بس الكلام دا بدري علينا شوية :D :D :D
ولك التحية

طيب جاوبي على السؤال:
ماهي مواصفات فارس أحلامك!!

غيداء نورالدين
18-07-2007, 09:42 AM
طيب جاوبي على السؤال:
ماهي مواصفات فارس أحلامك!!


متتين وخلوق ويحترم الحياة الزوجية

التيمان
18-07-2007, 10:05 AM
هلا والله بتنا غيداء ومنوره الكرسى

طيب انا بجيك راجع بالتقيل

لكن نديك حاجه خفيفه


طيب حاجه ناقصه فى المنتدى؟


تحياتى،،

غيداء نورالدين
18-07-2007, 12:18 PM
هلا والله بتنا غيداء ومنوره الكرسى

طيب انا بجيك راجع بالتقيل

لكن نديك حاجه خفيفه


طيب حاجه ناقصه فى المنتدى؟


تحياتى،،


تسلم على الترحيب

1-والله الحاجة الناقصة غياب الاعضاء في المنتدى بالايام

shaggy999
18-07-2007, 06:02 PM
والله بليه عديل كده


معقوله بس


يا غيود اسمك (غيداء ) مامعنا الاسم



سؤال تاني مرطبطه ولا لسه ولا في امل ولا مافي

افيدينا افادك الله




والبقيه تاتي


اصبري لي شويه والله ( انجضك )


مامعنا انجضك


وتاني في بس جاوبي بي صراحه بزات

علي مرطبطه ولا لسه



تسلمي

غيداء نورالدين
19-07-2007, 03:48 AM
والله بليه عديل كده


معقوله بس


يا غيود اسمك (غيداء ) مامعنا الاسم



سؤال تاني مرطبطه ولا لسه ولا في امل ولا مافي

افيدينا افادك الله




والبقيه تاتي


اصبري لي شويه والله ( انجضك )


مامعنا انجضك


وتاني في بس جاوبي بي صراحه بزات

علي مرطبطه ولا لسه



تسلمي


اهلا بيك
معنى اسم غيداء
البنت الجميلة زات العنق الطويل
2-ما مرطبة ومافي امل الان
3-انا الحا انجضك بالاجوبة
4-لسة
ولك التحية

أبو مهدي371
19-07-2007, 06:43 AM
ايو كدة يامدنية تعرفي تختاري الناس كويس
لكن بوصيك علي الاسئلة بي العامية السودانية عشان نشوف غيداء صحي تفتيحة والا كلام ساكت
علي العموم ربنا يجعله بردا وسلاما عليك ياغيداء وانتي تسديدي الفرقة ونص نحن عارفين.

أبو مهدي371
19-07-2007, 07:13 AM
انتي شكلك كدة ماشاء الله عليك بت جدعة جد عشان كدة
بسألك : عدد ولايات السودان كم من غير المناقل
بسألك : الخريف في السودان فيه كم عينة غير الطرفة
بسألك : اتعلمتي تعوسي ولا شنو عشان لمترجعي الجامعة تكوني جاهزة
بسألك : رايك شنو في بنات الشات السودانيات دييييييييييييلك
بسألك : ايش لون الجالية السودانية بالدوحة مترابطة ولا زي اخواتا في دول المهجر

معتز الريح
20-07-2007, 02:44 AM
أختي الصغيرة غيداء ..
1. لو تم اختيارك بموقع تستطيعي من خلاله
التحكم بمجريات الأمور بالمنتدى ..
* ماهي اقتراحاتك لتطوير المنتدى ..

2. هل هناك مواضيع اعجبتك في المنتدى
أعجبتك وتناقشتي فيها مع والدك ووالدتك ..
* ادينا منها مثال ..

غيداء نورالدين
21-07-2007, 11:12 AM
[/CENTER]ي371;207702]انتي شكلك كدة ماشاء الله عليك بت جدعة جد عشان كدة
بسألك : عدد ولايات السودان كم من غير المناقل
بسألك : الخريف في السودان فيه كم عينة غير الطرفة
بسألك : اتعلمتي تعوسي ولا شنو عشان لمترجعي الجامعة تكوني جاهزة
بسألك : رايك شنو في بنات الشات السودانيات دييييييييييييلك
بسألك : ايش لون الجالية السودانية بالدوحة مترابطة ولا زي اخواتا في دول المهجر

شكرا ليك أبو مهدي وبترحيبك
السؤال الاول :حسب علمي قبل فترة كانت 24 ولاية وسمعته قالوا زادت
السؤال الثانى:ما عندى فكرة
السؤال الثالث:تحت التمرين لسه
السؤال الرابع:انا شايفاها مترابطة جدا خاصة في الافراح والاتراح
ولك تحياتي

مدنيّة
21-07-2007, 11:03 PM
يلا يا اخوانا بكرة اخر يوم لغيود في الكرسي الساخن دا

اللي عنده تار يسارع باخده

معاكم لغاية بكرة الساعة 12 ظ باذن الله

محمد حسين (المميز)
22-07-2007, 01:22 AM
ســــــــــــــــــلام

والله ياخوانا شوق الشوق لكل اهــل المنتــدى

حبيت اطل عليكم رغم الغيبــه عن طريق كرسيكم

ســــــــــلام خااااااااااااااص للأخت الصغنوووووووووونه

(( غيـــــــــــــــــداء))

ماشاء الله عيني عليك بااااااااارده عضو فضي

لكن كمان حلااااااااااااااااتك 15 سنه بس؟؟؟؟

*-*-*-*-*-*-*-*-*-*-*

غيداء نورالدين
22-07-2007, 02:48 AM
ســــــــــــــــــلام

والله ياخوانا شوق الشوق لكل اهــل المنتــدى

حبيت اطل عليكم رغم الغيبــه عن طريق كرسيكم

ســــــــــلام خااااااااااااااص للأخت الصغنوووووووووونه

(( غيـــــــــــــــــداء))

ماشاء الله عيني عليك بااااااااارده عضو فضي

لكن كمان حلااااااااااااااااتك 15 سنه بس؟؟؟؟

*-*-*-*-*-*-*-*-*-*-*



شكرا أخي المميز
وما طول الغيبة
وقل مشاء الله

غيداء نورالدين
22-07-2007, 02:56 AM
أختي الصغيرة غيداء ..
1. لو تم اختيارك بموقع تستطيعي من خلاله
التحكم بمجريات الأمور بالمنتدى ..
* ماهي اقتراحاتك لتطوير المنتدى ..

2. هل هناك مواضيع اعجبتك في المنتدى
أعجبتك وتناقشتي فيها مع والدك ووالدتك ..
* ادينا منها مثال ..


1. لوتم إختياري بموقع انشاءالله ربنا يقدرنى على ذالك

2. نعم هنالك مواضيع كثيرة جدا اعجبت بها في هذا المنتدى وخاصة العلمية منها
وكثيرة النقاش مع الاسرة وخاصة الوالد الله يديهو الصحة والعافية

غيداء نورالدين
22-07-2007, 03:04 AM
يلا يا اخوانا بكرة اخر يوم لغيود في الكرسي الساخن دا

اللي عنده تار يسارع باخده

معاكم لغاية بكرة الساعة 12 ظ باذن الله




اختي مدنية بعد التحية

تسلمى وليك الشكر الجزيل وانا ماعندي تار مع حد والعندو تار انا جاهزه ليهو

وانا ساغيب عنكم كم يوم عشان مسافرين إجازة مع الاهل لربوع الوطن الغالى

ولك منى كل الود

بورتبيل
22-07-2007, 09:44 PM
الغالية : غيداء نور الدين
سلام ولك اطر التحيات ...
بدور اسالك عن :
1- مدرسة الجالية السودانية في قطر .. سلبيات وايجابيات
2- مدينة الدمازين .. امنيات .. وذكريات
3- الخريف في جنوب النيل الازرق في كلمات
4- غيداء نور الدين .. لو اتهموك بالعجرفة والتكبر .. ماذا يكون ردك؟
5- منتديات ودمدني .. ليس فيها ما يجعل الاعضاء يتمسكون بها ما رايك؟

وبمشي واجيك .. تاني

مدنيّة
22-07-2007, 09:47 PM
شكرا كثيرا غيود علي نثرك الجمال هنا
وعلي سعة صدرك
وعلي اريحيتك
وعلي كل ما قدمتيه لنا

ومنتظرنك في السودان بفارغ الصبر

بس الفيزا ما تنسيها معاكي;)