المساعد الشخصي الرقمي

مشاهدة النسخة كاملة : القـرارت المنـزلية قـنــابــل ؟


هشام السماني إبراهيم
14-07-2007, 03:34 AM
من غير انكار :


تعاني الحياة الزوجية من بعض الخلافات او المشاكــل العرضية صغيرة كانت او كبيرة و النتيجة؟

على .................................. حساب الابناء .

وبعض الازواج يعتبرها تمنح الحياة الزوجية نكهتها لان الخلافات احدى سننها ولو كان هذا

الرأي صحيح او خطأ .

السؤال :

هل الكلمة في المنزل كلمة الزوج أم الزوجة ولمن كلمة الفصل في المنزل

بعض الازواج يرى احقيتة في اصدار القرارات وانه الاجدر وما على الزوجة غير التنفيذ


ماهو رايكم ؟

ودمتم في رعاية الله وحفظة
هشام السماني إبراهيم
14-07-2007, 03:38 AM
مع العلم :

بي الدارجي الزوج البسمع كلام مرتو بتقابلو علامة ؟ من قبل الناس البتعرفو وكذلك الزوجة
وسؤالهم (( لي ترضى بكدا ))
هشام السماني إبراهيم
14-07-2007, 05:23 AM
اها

انا مستني
معتز الريح
14-07-2007, 06:07 AM
يا هشام يا حبيب ..
مالك لحقت أبو ياسر ..

من ناحيتي أجد أنو المهم ليس من يتخذ القرار
المهم أن يكون القرار صائب إذا جاء من ناحية الزوجة
أو من ناحية الزوج .. أو من ناحية الأبناء ..
التعنت والإصرار على الرأي الواحد مرفوضة

وحكاية الكلمة لمنو في البيت؟
أعتقد أنو لازم تكون الكلمة للجميع والحسم لقائد الركب

وبجيب ليك رضا محمد حسن يواصل ..
رضا حسن محمد
14-07-2007, 06:18 AM
انا مع ود الريح
ما ضرورى يكون راى الزوج دائما صائب
يعنى الناس تقعد تتشاور وفى النهاية الراى الصاح يمشى
حتى لو جا من الطفلةالصغيرة
بس الواحد ما يكون مسلوب الارادة
يعنى الاحترام لازم يكون متوفر لدى جميع الاطراف
وفى راى المراة الواعية زات الدين هى اساس الاسرة الناجحة
معتز الريح
14-07-2007, 06:23 AM
الحبيب رضا ود حسن ..
حسه في ناس يجوك يقولوا ليك ده ضعف شخصية ..
وأنو الواحد مرتو هارشاهو ..
لو كان الهرش كده حبابو ..
هشام السماني إبراهيم
14-07-2007, 09:11 AM
يا هشام يا حبيب ..
مالك لحقت أبو ياسر ..

من ناحيتي أجد أنو المهم ليس من يتخذ القرار
المهم أن يكون القرار صائب إذا جاء من ناحية الزوجة
أو من ناحية الزوج .. أو من ناحية الأبناء ..
التعنت والإصرار على الرأي الواحد مرفوضة

وحكاية الكلمة لمنو في البيت؟
أعتقد أنو لازم تكون الكلمة للجميع والحسم لقائد الركب

وبجيب ليك رضا محمد حسن يواصل ..


يعني كفتك رجحت الزوج يا معتزنا

كدي بجيك تاني بي معلمومات عن نفسية الرجل والمراة
هشام السماني إبراهيم
14-07-2007, 09:23 AM
انا مع ود الريح
ما ضرورى يكون راى الزوج دائما صائب
يعنى الناس تقعد تتشاور وفى النهاية الراى الصاح يمشى
حتى لو جا من الطفلةالصغيرة
بس الواحد ما يكون مسلوب الارادة
يعنى الاحترام لازم يكون متوفر لدى جميع الاطراف
وفى راى المراة الواعية زات الدين هى اساس الاسرة الناجحة

الاخ العزيز رضا

طيب احنا متفقين انو الراي لازم اكون بلتشاور بين الطرفين والاحترام دا شي لازم لانو لو مافي افتكر المشاكل ح تكون كثيرة جدا لدرجة عدم الاستمرار

لكن بعض الاشخاص يرى انه لابد من قيادة الرجل والقرار النهائي له

واحيانا لا يمكن ان تتشاور في كل شي مع الزوجة
وعلى الزوجة طاعتة بس ما لدرجة الهرش من قبل الطرفين
مدنيّة
14-07-2007, 10:54 PM
الحبيب رضا ود حسن ..
حسه في ناس يجوك يقولوا ليك ده ضعف شخصية ..
وأنو الواحد مرتو هارشاهو ..
لو كان الهرش كده حبابو ..

تعرف ياود الريح المشكلة انهم كلهم بيعملوا كدا ( الازواج) بس واحد بيعترف مافي ما تعرف ليه :(
وعلي فكرة اي واحد بيشوف انه دا ضعف شخصية من غيرو بتلقاه في بيته زوجته ممشياه علي عجين ما يلخبطوش زي ما بيقولوا
وفي نوعية كمان دي تغيظك جدا تقول ليك المرة شاورها وخافها :(

بس الزوج الفاهم بيعرف كيف يدير دفة الامور ومن خلال رايه هو ورايها وزي ما قال رضا من خلال راي حتي الاطفال ممكن يطلع بنتيجة كويسة جدا توصل الاسرة لبر الامان
رضا حسن محمد
15-07-2007, 12:31 AM
الاعزاء دوم
ود الريح
مدنية

اعتقد نحنا متفقين
سلام
ابورجاء
15-07-2007, 12:55 AM
الغالي الحبيب هشام
اولا كدي اقول ليك موضوع في غاية الاهمية والحساسية
كويس لحدي هنا اوكي....
وتاني شئ يا اخوي الزوج والزوجه في زمنا ده الغالبية
العظمى متعلمه يعني التفاهم بينهم في البيت متواجد والمشاورة
متوفرة حتى في بعض الاسرة بتشاور اولادها الصغار وبيكون عندهم
اراء وافكار فحتت صاحب الكلمة الاخيرة للراجل او المرأة دي بقت مافي
الا من فئة قليلة جدا جدا جدا ولو رجعته بتلقاهم يا اما الزوج غير متعلم او
الزوجة لانو العلم نور وحياة اسرية بدون تفاهم ومشاورة زي فول بدون زيت
سمسم وجبنه :D بيتاكل لكن بلعوا صعب معذرة للتخريمه الشمال دي ....

والاخوان السبقونا ما قصروا ياود الريح دي ما بنعتبرها ضعف شخصية بالعكس
ده تعاون واعطاء كل زي حقا حقه والا كيف يا ود عمي حسن اها الدهب جبتوهو والا لسه :D ....


ودوما في رعاية الله وحفظه.....
مع كل الود باقة ورد....
رضا حسن محمد
15-07-2007, 12:59 AM
حرم دهب حبيبك يا ابو رجوية
هشام السماني إبراهيم
15-07-2007, 01:01 AM
بس الزوج الفاهم بيعرف كيف يدير دفة الامور ومن خلال رايه هو ورايها وزي ما قال رضا من خلال راي حتي الاطفال ممكن يطلع بنتيجة كويسة جدا توصل الاسرة لبر الامان




هي الفكرة مش منو يمشي الثاني المهم ادارة الامور بالطريقة الصحيحة

سلمت يا مدنية
هشام السماني إبراهيم
15-07-2007, 01:09 AM
الغالي الحبيب هشام
اولا كدي اقول ليك موضوع في غاية الاهمية والحساسية
كويس لحدي هنا اوكي....
وتاني شئ يا اخوي الزوج والزوجه في زمنا ده الغالبية
العظمى متعلمه يعني التفاهم بينهم في البيت متواجد والمشاورة
متوفرة حتى في بعض الاسرة بتشاور اولادها الصغار وبيكون عندهم
اراء وافكار فحتت صاحب الكلمة الاخيرة للراجل او المرأة دي بقت مافي
الا من فئة قليلة جدا جدا جدا ولو رجعته بتلقاهم يا اما الزوج غير متعلم او
الزوجة لانو العلم نور وحياة اسرية بدون تفاهم ومشاورة زي فول بدون زيت
سمسم وجبنه :D بيتاكل لكن بلعوا صعب معذرة للتخريمه الشمال دي ....

والاخوان السبقونا ما قصروا ياود الريح دي ما بنعتبرها ضعف شخصية بالعكس
ده تعاون واعطاء كل زي حقا حقه والا كيف يا ود عمي حسن اها الدهب جبتوهو والا لسه :D ....


ودوما في رعاية الله وحفظه.....
مع كل الود باقة ورد....

والله كلام جميل والاجمل من كدا مرورك ولك الحق في التخريم يمين وشمال :D

بس تخريمة برضو

المجتمع العربي لسة بجد صعوبة في سماع راي الطرف الاخر ((الزوجة)) وما اظن لها دخل بالتعليم
اها ؟
هيثم بابكر
15-07-2007, 05:33 AM
الاخ هشام والشباب الكرام ..... تحضرني نكته تقال في موضوع البيت المميشاهو المرة الراجل جا داخل المكتب من الصباح متاخر شوية ،،، المدير مالك يافلان ،،، والله ياسعادتو كنت بغسل في العدة ،،،،، المدير بدهشة واستنكار هو في عدة بخلوها تبيت ويغسلوها الصباح كمان.

ومن ملاحظاتي في دول المهجر بصراحة الزوجات ممشيات دفة الامور ممشيين الازواج على قول اختنا مدنية على العجين مايتلخبط وكمان والله في نسوان عاملينها شينة وظاهرة هرشة شديدة الله يكون في عون الرجل .

قصة حقيقة في السعودية كنت في زيارة بعض الاقرباء وجا ضيف مع زوجته وكما هو الحال المرة مشت مع النسوان وقعد معانا الزوج كبينا للراجل الشاي يادوب وكمان ليشلاقتو قال الله ،، خرمان من قبيل بس مسك الكباية في ايدو جا ولدو الصغير قال ليه ابوي ابوي قالو ليك ارح
الرجال نط من الكرسي وخت الكباية التقول عضتو عقرب خلاص ياجماعة مرة تانية مع السلامة ، اللذيذ في الموضوع قدر ماحنسناهو اقعد رفض ووقف برة شوية النسوان بهناك مسكو المدام وجا الشافع تاني قال ليه خلاص قالو ليك 10 دقايق ، صاحبك بقة قدر السمسمة لاعرف يدخل تاني بعد اعتراضو الشديد شوية وصاحبك قعد وشرب شايو ،،، اها عليكم الله تقولو شنو لي ذي دا .
هشام السماني إبراهيم
15-07-2007, 10:20 AM
عليك لمبه

اها دا الكلام الراجل دا احرج نفسو شديييييييييييييييييييد والله لو العرس كدا ........ابييييييييييييت

عليكم الله رايكم شنو في الكلام دا