المساعد الشخصي الرقمي

مشاهدة النسخة كاملة : ما بلقى عندكم رقم عضوية مميز ..



معتز الريح
14-07-2007, 07:37 AM
حبايبنا ناس النفاج ..
ما تكونوا من الناس العندهم مرض الأرقام المميزة ..
زي كده ..

اها انا رقم العضوية حقي ما عاجبني
صاحبي سجل أمبارح واديتوهو رقم مميز6080 ..
ساهل وجميل ..

اها ما في طريقة تبدلوا لي رقم العضوية بواحد مميز ..

معتز الريح
14-07-2007, 07:42 AM
وبالمرة ..
تعالوا ورونا ..
حكاية الأرقام المميزة دي شنو؟؟

المكاشفى
14-07-2007, 02:53 PM
ياعزوز دايرو موباتل ولا سودانى وله اه
انتو ناس موبايلى والرز الهندى ماعندك مشكله
شوف التميز العرقى ده 3550 رايك شنو؟

معتز الريح
14-07-2007, 11:45 PM
الحبيب المكاشفي ..
تبيع ؟؟ ..

والله يا مكاشفي في ناس عندهم الأرقام المميزه دي مرضه ..
ويحيروك .. من نمرة العربية للتلفون للموبايل .. وتلقاهو مفلس
ويشتريهم بالغالي ..

عثمان جلالة
15-07-2007, 12:06 AM
الحبيب معتز عارف البخليك مميز شنو

ابتسامتك دي .. ومواضيعك البتنكتا لينا ... أنا خايتو الرقم البحب إكون مميز عندي رقم كل الحاجات البحبها ويكون الرقم (1) ومن ضمنها المنتدى وأعضاءه :p

معتز الريح
15-07-2007, 12:41 AM
أنا غايتو الرقم البحب إكون مميز عندي رقم كل الحاجات البحبها ويكون الرقم (1) ومن ضمنها المنتدى وأعضاءه :p

حبيبنا جلالة ..
أها في ناس في حد ذاتهم مميزين ..
وحتى لو مولود في عام القرد (بحسب التقويم الصيني)..

وبيني وبينك الزول البفتش للتميز بالأرقام
ده تكون الحياة غالباهو ..

مشكور يا جلالة

صلاح ودالطاهر
15-07-2007, 12:57 AM
اها كدي شوف لي رقم مميز ذي حق جوال رضا المسحوب منو

مشاققه
مالك يود امي مابترد علي جوالي كدي اتصل انت عشان نرد نحن 0569842896

معتز الريح
15-07-2007, 01:21 AM
اها كدي شوف لي رقم مميز ذي حق جوال رضا المسحوب منو
مشاققه
مالك يود امي مابترد علي جوالي كدي اتصل انت عشان نرد نحن 0569842896

حبيبنا صلاح ود الطاهر ..
لما سألت رضا قال لي ما سحبوا مني ..
لكن رقم الجوال ما مميز وما عاجبني ..
فاديتوا بطيب خاطر ..

قال ما مميز قال ..

zoolfrda
15-07-2007, 01:55 AM
أغلى لوحة سيارة في العالم ... إماراتية
25 مليون درهم دفعها مواطن لم يكن قبل 8 سنوات يمتلك ((قوت عياله))

أبوظبي – عبدالله شاهين - الإمارات اليوم:-

سجل المواطن طلال خوري بامتلاكه الرقم الأول المميز ((5)) رقماً قياسياً عالمياً في هذا المجال، حيث رسا عليه المزاد، بعد منافسة جامية استمرت لأكثر من 20 دقيقة ليصل ثمنه بذلك الى 25 مليون و200 ألف درهم، متجاوزاً سابقيه الذين بيعا في دبي ولندن، بفارق يتعدى خمسة أضعاف.
طلال خوري الذي يعمل رئيساً تنفيذياً في مجموعة (الأوائل القابضة) ويبلغ من العمر 35 عاماً لم يكتف بحصد الرقم الأول بل امتلك امس اربعة ارقام مميزة اخرى هي (55 – 45 – 55555 – 76) فضلاً عن امتلاكه رقمين مميزين في دبي هما (54 – 55) وقد تكون هذه المعلومات معروفة للجميع لكن خوري كشف لـ (الإمارات اليوم) ان هذا الثري الكبير كان بلأمس القريب لا يكاد يملك قوت عياله.
وأوضح انه شارف على الإفلاس اثر احداث 11 سبتمبر عام 2001 وقبل ذلك بعامين اضطرته ظروف صعبة الى بيع احد الارقام المميزة بـ(80 ألف درهم) ليتمكن من ادخال اطفاله الى المدارس.
ويضيف جاء العامان 2004/2005 ليكونا خيراً واسعاً علينا بماتحقق في ابوظبي من اذدهار في حركة الاسهم وكنت مؤمناً دوماً بأن من يفعل الخير فسيجده حتماً فدرجت على التبرع الدائم والدوري لاي عمل خيري حتى إنني كتبت وصية لأبنائي محمد،واحمد،و سلطان،وعلي،ودانة،والوليد ان يتم تخصيص ثلث ثروتي بعد وفاتي للهلال الاحمر وصندوق الزكاة، وغيرهما من اوجه التبرع والخير، لافتاً الى ان شعار المزاد (الذي اعتبره نقطة مضيئة في مجال عمل الخير) شجعه على الاشتراك فيه بحجم اكبر واوضح (رغم قناعتي بان رقم (5) لايساوي مليوناً واحداً، لكن لو وصل المزاد عليه الى 50 مليوناً، لكنت اشتريته دون تردد مادام الهدف من ورائه فعل الخير).
وقال إنه سيضع الرقم المميز لاخير (5) على سيارته الرولزرويس الحمراء.

آها رأيك شنو في الكلام ده ؟

هشام السماني إبراهيم
15-07-2007, 01:56 AM
معتز انتا ما محتاج كدي بس خلي صورتك كدا وامورك كلها بتمشي
كدي وريني صورتك دي اجتماع ولاشنو

ولو عاوز رقم جوال مميز اديني خبر

دي نمرتي
050000000000

خالد النور
15-07-2007, 01:58 AM
أنا عارض رقم موبايلى للبيع ورقمى عندك تشترى
وبديك معاهو رقم سيارتى رقمها 555

معتز الريح
15-07-2007, 02:00 AM
الحبيب زول فرده ..
قال ليك قبل 8 سنين ما كان بملك قوت عيالو ..
وحسه روق بقى يجيب بيها في الأرقام المميزه ..

مش قالو الأعمى لما يفتح بجيب لأهلو البلية ..
وشر البلية ما يضحك ..

معتز الريح
15-07-2007, 02:02 AM
دي نمرتي
0508252525

في ذمتك ده رقم زول مقيم ؟؟ ..
اتصل ولا انت بتهظر ؟؟

جهجهتني :confused:

خالد النور
15-07-2007, 02:05 AM
كل زول بمد كرعيهو قدر لحافو
لو ماعندى قوت عيالى قبل 8 سنوات واسى بشترى أشياء كمالية بهذه المبالغ
إما تكون نزلت على ليلة القدر أو ............. تكون نزلت على ليلة القدر

خالد النور
15-07-2007, 02:07 AM
أووعك تتصل بعدين تقرص يا معتز

معتز الريح
15-07-2007, 02:14 AM
أنا عارض رقم موبايلى للبيع ورقمى عندك تشترى .. وبديك معاهو رقم سيارتى رقمها 555

والله يا خالد أنت عارف البير وغطاها ..
والنبي صلى الله عليه وسلم قال
تهادوا تحابوا

وكلك نظر ..

معتز الريح
15-07-2007, 02:19 AM
أووعك تتصل بعدين تقرص يا معتز

يكون عايز يورطني ؟؟

يا هشام السماني .. منتظر تأكيدك

abu_ola
15-07-2007, 04:12 AM
ها يا جماعة الخير بالله نحن ما مميزين خلقة الله لينا

كدي قول لي ساااكت منو الزينا في حنيتنا و طيبتنا و جمعتنا و ضحكتنا و تراحمنا و عييييييييييل عد و استغفر

هسي سعال ساااكت بتلقي ليك ناس زينا كده بينهم التآلف و التعاطف و المودة و طمني تعال نبدأ

معتز الريح
15-07-2007, 08:52 AM
الحبيب أبوعلا ..
معاك حق ..
والبفتش لحاجات زي دي بتكون ناقصاهو حاجه ..
ويقول أحسن أتمها ارقام مميزة ..
لكن السؤال ..
الرقم المميز بتم ليهو شنو؟

هشام السماني إبراهيم
15-07-2007, 11:25 AM
:D :D :D :D :D

جيب نمرتك وانا بتصل عليك عشان مايجيك هوا باااااااارد

معتز الريح
15-07-2007, 11:17 PM
:D :D :D :D :D

جيب نمرتك وانا بتصل عليك عشان مايجيك هوا باااااااارد

كده يعني ..
طيب قول 1/0

هشام السماني إبراهيم
16-07-2007, 01:22 AM
01

اخد راحتك وماتستعجل

عمر البشير
22-07-2007, 02:58 AM
ياخوي ما تشيل الجاك وتمشي هو بطيخ تعزل كمان.
اها اعقد كده هن الارقام قربن يخلصن.

عمر البشير
22-07-2007, 03:02 AM
بعدين الواحد البدور للارقام المميزه ده اصلا بكون مهمش وداير يعمل ليهو اهميه.
فبقوم يدور علي رقم مميز وحاجات من النوع ده وكده.
بس انت ما شاء الله عليك. شعبتك عيني بارده.