أنصفوا المصريين .. ولو بالقليل ..

[معتز الريح]

طالما انو الأختلاف في الآراء لا يفسد قضية الود ..
ولولا اختلاف الآراء لبارت مواضيع وحاجات كتيره ..
والاختلاف عموماً سنة من سنن الحياة ..

لذلك قررت الولوج والكتابة عن هذا الموضوع
الذي احسب انو موضوع شائك ..

ولكن .. لدي ما اقوله ..
كدي فكروا في العنوان ده برواقة ..
وعاينو للنصف المليان من الكوب ..

وتعالوا نتناقش ..

[مدنيّة]

والله يا معتز انا وحدة من الناس بحب المصريين جدا
هسي عليك الله شوف طريقة تعاملهم
وقارنها بطريقة تعاملنا احنا
هم طبيعيين جدا في تعاملهم
احنا متكلفين جدا في تعاملنا ( ومابعرف ليه ؟؟ )
اديك مثال بسيط جدا
تلقي العيلة كلها ملمومة في السفرة علي الغذاء (مثلا)
الجد يقول للجدة هاتي شوية ملوخية ياحبيتي
كلمة عادية جدا بالنسبة ليهم
تعال شوف لو اتقالت عندنا احنا بين زوجين يادابهم متزوجين
اييييييييييييييييييييييك
الحلة كلها تتكلم بيهم
ويعملوهم نكتة الموسم

[معتز الريح]

مدنية .. شكراً على الدعم ..
وفعلاً بقولوا الما بعرفك يجهلك ..

ما دفعني لكتابة هذا البوست معايشه مجموعة منهم
لم اجد منهم إلا كل جميل ..
تعرفت بهم وبأسرهم .. فوجدت طيب المعشر ..

[خالد عبدالماجد]

الأخ معتز الريح
التقييم الامثل للشعب المصري لايمكن أن يجيده في هذه المساحة سوى العارفين تمام المعرفة بشعب مصر من الذين قضوا فترات طوال بمصر أو أتيحت لهم فرصة التعايش مع مصريين ، خلاف ذلك تأتي إجتهادات كل حسب ماتلمسه وحسب الإنطباع المغروس في نفسه عن المصريين لذلك نجد التفاوت والإختلاف في نظرتنا لهذا الشعب ..
عموماً وبما أنك طلبت أن ننظر للنصف الملآن من الكوب فالمصريون أكثر شعوب العالم قرباً من الشعب السوداني وتكثر بينهما القواسم المشتركة وكفى ..

[مختار بازى]

والله والله الحق يقال ولا خير فينا ان لم نقلها
ناس انا عايشتهم ولسة عايش معاهم لو حسبتها كدي مقارنة بينا السودانيين بس بتلقي الفرق كبير جدا جدا مع اننا كان ممكن نكون زيهم في معاملاتهم ومجاملاتهم في الافراح والاتراح
والبيعجبني فيهم اللمة والله بتاعت نسوانهم بالزات المسلمين منهن بيقعدن يتدارسن في امور الدين وشيء تاني والله الانا لاحظتو ما بيعرفن فلانة قالت فلانة سوت وتركت والله اي زول في حالو من كبيرهم لي صغيرهم وواضحين لي درجة كدا صراحة نحنا بنخجل منها مع انو الوضوح شي ء محمود والله وما بيحبو يكلفو الواحد منهم يعني باختصار بيظروا لي مصلحتك وبيعملوا الشيء البيخرجك باقل خسائر ودا شيء محمود كمان يعني هسة الليلة انا عايز اتزوج في السودان والله بالشيء الانا شايفو دا عايز لي الفميت سنة لكن هنا والله ما بتم سنة بتزوج لي للطريقة بتاعت التعامل الفرضها المجتمع بالبساطة المطلوبة والله يا معتز النصيحة
الناس ديل مظلومين من نواحي كبيرة ونحنا الظالمنهم انا معاك في كل مجتمع في الصالح والطالح لكن ما لي درجة اننا نجمع الشعب كلوا بانوا طالح لا والف لا زي ما هم عندهم الصالح والطالح نحنا كذالك لكن هم بيتفوقوا علينا في حاجات كتيرة ومن حقنا نعمل جادين عشان نفوتهم ونكون احسن منهم وبالمرة بنكون وفرنا علي روحنا حاجات كتيرة والله

[معتز الريح]

الحبيب خالد ..
يوجد من بيننا من يعيش بمصر
ومن درس بمصر
وأنا عملت مع مصريين
وعجبتني فيهم حاجات كتيره
فقلت اشارككم فيها ..
مع علمي التام أنو كل مكان فيه الخير وفيه الشر ..

[معتز الريح]

والله والله الحق يقال ولا خير فينا ان لم نقلها
ناس انا عايشتهم ولسة عايش معاهم لو حسبتها كدي مقارنة بينا السودانيين بس بتلقي الفرق كبير جدا جدا مع اننا كان ممكن نكون زيهم في معاملاتهم ومجاملاتهم في الافراح والاتراح
والبيعجبني فيهم اللمة والله بتاعت نسوانهم بالزات المسلمين منهن بيقعدن يتدارسن في امور الدين وشيء تاني والله الانا لاحظتو ما بيعرفن فلانة قالت فلانة سوت وتركت والله اي زول في حالو من كبيرهم لي صغيرهم وواضحين لي درجة كدا صراحة نحنا بنخجل منها مع انو الوضوح شي ء محمود والله وما بيحبو يكلفو الواحد منهم يعني باختصار بيظروا لي مصلحتك وبيعملوا الشيء البيخرجك باقل خسائر ودا شيء محمود كمان يعني هسة الليلة انا عايز اتزوج في السودان والله بالشيء الانا شايفو دا عايز لي الفميت سنة لكن هنا والله ما بتم سنة بتزوج لي للطريقة بتاعت التعامل الفرضها المجتمع بالبساطة المطلوبة والله يا معتز النصيحة
الناس ديل مظلومين من نواحي كبيرة ونحنا الظالمنهم انا معاك في كل مجتمع في الصالح والطالح لكن ما لي درجة اننا نجمع الشعب كلوا بانوا طالح لا والف لا زي ما هم عندهم الصالح والطالح نحنا كذالك لكن هم بيتفوقوا علينا في حاجات كتيرة ومن حقنا نعمل جادين عشان نفوتهم ونكون احسن منهم وبالمرة بنكون وفرنا علي روحنا حاجات كتيرة والله

مختار .. خليك قريب ..
والبوست ده حقك ..
وحتوفر علي حاجات كتير ..
كدي اخلي الناس تقرا الكلام الفوق ده
وتعال راجع تاني

[عثمان جلالة]

الحبيب معتز .. الشعب المصري شعب عظيم .. لكن فيهم الشر وفيهم الخير زي ما اتفضلت بس الشعب المصري حاليا مكسور ... كسرتو السياسة وباع القضية .. وأصبح أغلبهم ماديين يبيع أي حاجة عشان مصلحة نفسو .. لكن برضو فيهم الناس المحترمين .. ناس الصعيد .. منطقة النوبة .. وناس الشرقية .. وعندهم مشكلة إنو ما بكنوا لينا نفس الحب .. وبطلعوا عننا الإشعات يعني الشعب السوداني (كسلان) دي في الأصل مصرية وكل النكت عن كسل السودانيين بإخراج مصري .. أولاد النيل عند معظمهم شعار ... ويكفي إنهم خزلوا من زمان عبد اللطيف الماظ .. قالوا ليهو بنجيك من بحري وخلوهو براهو قاتل الانجليز بشجاعة لحدى ما مات مدفون .. التاريخ لا ينسى .. وبرضوا نحن صفحتنا بيضاء

[معتز الريح]

الحبيب جلالة ..
في البداية ليك الشكر على المداخلة ..
لكن حبيت اضيف ..
وتأكد زي ماهم نظرتهم لينا غير جميلة ..
نحنا كمان نظرتنا ليهم بنفس المستوى ..
ولكن ده ما بمنع نحكي الشي العاجبنا فيهم ..

يا جلالة .. تابع معاي
ومنتظر منك مداخلات تاني

[ابوندى]

شكرا اخى معتز , وفعلاَ الشعب المصرى وبالرغم من اختلافه عنا يظل من اقرب الشعوب الينا وحتى فى التعامل ,يعاملوننا بصورة جميلة جداَ وانا جاري مصري وافتخر بذلك لما لقيته من طيب معشر ومعاملة
وسلمت ياود الريح

[samar_taha]

الأخ معتز
لك التحية وأنت دوما تعزف على وتر الموضوعات الحيوية والهامة
في نظري فعلاً هم فيهم الصالح والطالح ولكن عندهم بعض الصفات التي لا تتوافق وطباعنا نحن السودانين عموماً لذلك تجدنا نتحفظ أحياناً تجاههم يعني مثلاً نحن الكرم ونكران الذات والتضحية عندنا صفة أساسية للقريب والغريب لكن هم ممكن يكون عندهم للقريب بس و ما دايما كمان , وثانياً أي انسان في الدنيا يسعى لمصلحته الخاصة بما لا يضر بمصالح الاخرين أما هم لا بأس لديهم إن أضر بمصالح الاخرين أحياناً , ونحن عندنا الشجاعة لكن هم أحيانا شعارهم (من خاف سلم) وهكذا
وفي الاخر هم شعب جميل وإبن نكته زي ما بيقولوا ووطنين يحبو بلدهم بشكل غريب ويا ريت نتعلم منهم بعض الوطنية
ولكم التحية

[معتز الريح]

شكرا اخى معتز , وفعلاَ الشعب المصرى وبالرغم من اختلافه عنا يظل من اقرب الشعوب الينا وحتى فى التعامل ,يعاملوننا بصورة جميلة جداَ وانا جاري مصري وافتخر بذلك لما لقيته من طيب معشر ومعاملة

الحبيب أبوندى
انا ما قلت هم أحسن ناس في الدنيا ..
لكن لقيت عندنا معلومات كتيرة غلط عنهم ..
وقلت اجي اتناقش معاكم ..

[معتز الريح]

الأخت سمر ..
زي ما اتفقنا انو مافي شعب كلو صالح 100%
وكمان مافي شعب كلو طالح 100%

ولكن كنا نظن عنهم الظنون ..
قربت منهم .. لقيت انو نحنا كنا غلطانين ..
في كتير من الاعتقادات تجاهم ..
وبجيها واحده واحده ..

[صديق بلال]

أخي الكريم معتز الريح....


إننا مهما تكلمنا عن الشعب المصري الأبي.. فلا نستطيع أن نعطيهم حقهم بالكامل... فأنا شخصيا عاشرتهم من خلال الدراسة من أساتذة وطلاب... حيث كانت المملكة العربية السعودية منذ فترة مضت كانت تعتمد إعتمادا كليا على الأساتذة والمدرسين من خارج السعودية ومن هؤلاء كانوا المصريين... لندرت وجود الوطنيين من يعمل في السلك التعليمي... وعموما ندخل في موضوعنا المطروح... فكانوا أولئك المصريين نعم الناس... من حيث التعامل والأخلاق وخفة الظل وووو.....إلخ.
وأيضا تعاملت مع الأخوة المصريين في أثناء العمل حينما كنت طالبا فكنت أعمل في العطلة المدرسية في مطار الملك عبد العزيز بجدة وذلك كان في موسم الحج... فقد كانت الشركات المعنية في خدمة ضيوف الرحمن... كانت تستقطب عمالة مصرية وتحديدا من منطقة السويس... وأيضا لقد زاملة مجموعة طيبة من هؤلاء المصريين فكانوا حقيقة ممتازين جدا في التعامل فيما بيننا كزملاء عمل.... وأخيرا بالأمس لقد ذهبت أنا وزميلي في العمل أحد الإخوة السعوديين إلى المطار لإستقبال أحد الشباب المصريين وهو من أرحام زميلي... حيث تأخر هذا الشاب المصري داخل صالة المطار بشكل ملفت... وحينما خرج من الصالة كانت برفقته إمرأة عجوز مصرية الجنسية... حيث ظننت أنها إحدى قريباته... فإتضح أن هذه العجوز كانت داخل الصالة قد طلبت المساعدة من هذا الشاب للبحث عن أمتعتها... فلبى هذا الشاب المصري طلبها وخرج من الصف الذي كان واقف فيه ورافق العجوز للبحث عن مفقوداتها إلى أن وفقه الله في إيجاد مفقودات العجوز... وهذه دلالة واضحة عن معادن الشعوب... وأكتفي بهذا القدر... وأرجو أن وفقت في التعليق ولو بشئ بسيط...

[معتز الريح]

الحبيب صديق بلال ..
أضفاتك جميلة وممتازة من خلال معاشرتك لهم
ما أرمي إليه في هذا البوست هو ما ذكرته انت بمداخلتك
انت عرفتهم وزاملتهم وسكنت معهم ..

ما لا تعرفه أنني وقبل كتابة البوست
شاورت عدد من الناس ولقيت نفسي ما براي ..

وكمان الضدي كتير ..

[هشام السماني إبراهيم]

والله الموضوع حساس حبتين

خليني ادورها كمان في راسي وبرجع ليك

[خالد النور]

والله من أحسن الشعوب العاشرتها وكانو أجدع ناس
وأنا شخصيا لى ثلاثة أصدقاء مصريين والله يساوى تقلهم ذهب
أجدع ناس وأحلى ناس وأوفى ناس

[باسطه]

والله ياجماعة ماعارف أقول ليكم شنو لكن ياأخوي معتز الريح أنا واحد من الناس العاشرته المصريين ودرسته معاهم وسكنت جيرانهم وحالياً شغال معاهم في نفس مكتبي نحن 3 أنفار أنا والمدير المالي مصري والمدير الإداري بتاعنا مصري الناس الديل لخصتهم في 3 حاجات وبكل صراحه أولاً لسانهم حلو لدرجة إنك مابتفرز الكويس من الكعب وده منو خوفه ثانياً حدود علاقتم بيك بتنتهي بإنتهاء المصلحه ودي أكتر شئ أنا مابدورة ( شغل المصالح ) وثالثا ً بحبو السلطه والظهور دوماً بمظهر الشخص المكتمل الخالي من العيوب ( يعني بالدارجي كده الواحد فيهم لو شنو مابيعترف ليك بالخطأ لو كان مخطئ فعلاً وهو بكون عارف روحو غلطان ) يعني ياجماعة كده بواضح العبارة ومآتأخذوني على العبارة دي لأنو بصراحه كل الناس الكتبو في البوست ده شكروهم ومافي زول ذكر عيب واحد وأنا عن نفسي وعن سابق تجارب ومعاملات عديدة معاهم طلعته بحاجه واحده إنو أنا بكن ليهم كل كراهية وأنا آسف على الكلمة لكن ده إحساسي تجاههم وبالرغم إنو فيهم الناس الكويسين لكن أنا بقيت مابضمن فيهم زول

[الفارس البنفسجي]

الشعوب العربية تتباين وتختلف في العديد من الصفات والموروثات الإجتماعية والقيم الأخلاقية وسنن التعامل الحياتي اليومي وهذا التباين هو نعمة قبل أن يكون نغمة.والشعب المصري مثله مثل غيره من الشعوب يحمل موروثاته وقيمه الإجتماعية والإنسانية بين جنباته وإن أختلفنا معهم في الكثير منها.هو شعب فروعوني أمتزج بالدماء العربية والإغريقية والرومانية والشركسية والطليانية والسودانية وغيرها من شعوب العالم .. فكانت مصر ، ذلك النسيج الإجتماعي التوأم للسودان.وإن تبعادت المسافة في حين وقربت في حين آخر.
مصر هم أم الدنيا .. هي ام الدنيا بعلمها .. وحضارتها .. وشعبها .. وبما قدمته للعالم العربي والإسلامي والعالم أجمع .. هي محط أنظار العديد من العوالم. سافرت كثيراً إلى مصر ... عاشرت كثيراً من رجالاتها .. قرأت كثيراً من ثقافتها ... طالعت العديد من خبراتها. فوجدها أهلاً للقب أم الدنيا.
اخي معتز
دا نص الكباية المليان.

[المهاجم]

شكرا لك اخى معتز على الموضوع
واسمح لى ان اخالفك الرأي
فعندما يكون الحديث عن شعب فهذا لا يعنى افرادا انت عاشرتهم فى فترة ما
اخى الشعب المصري للأسف شعب انانى وعميل الم تدرى بما فعله السادات فى فلسطين
الم تعلم ان مصر اول دولة عربية تطبع علاقاتها مع اسرائيل وكلنا نعلم ماهى اسرائيل بل واقامت لها سفارة داخل اراضيها لكسب الود الامريكي ناهيك عن موقفها من القضايا العربية والاسلامية
اخى للاسف المصريون اصبحو بلا هوية وبلا رأى واصبح شعارهم المصلحة
الم تشاهد اخى الافلام المصرية الداعرة والتتي مهدت للاباحية التى نعيشها الآن
اخى هذا قليل من كثير مما اعلمة عن الشعب المصري
ولك منى خالص الشكر والتقدير

[معتز الريح]

والله الموضوع حساس حبتين
خليني ادورها كمان في راسي وبرجع ليك

الحبيب هشام ..
الموضوع حساس أكتر من حبتين ..
دورها كويس وتعال ..

[معتز الريح]

والله من أحسن الشعوب العاشرتها وكانو أجدع ناس وأنا شخصيا لى ثلاثة أصدقاء مصريين والله يساوى تقلهم ذهب أجدع ناس وأحلى ناس وأوفى ناس

الحبيب خالد ..
ممكن سؤال ..
قبل ما تعاشر الناس ديل ..
ممكن توريني كان فكرتك عن المصريين شنو؟
منتظر إجابتك

[معتز الريح]

أولاً لسانهم حلو لدرجة إنك مابتفرز الكويس من الكعب

الحبيب باسطه ..
انت ما سمعت بالمثل البقول "المصري زي السجارة تكيفك لكن بتضرك"
وأنا بقول ما كلهم سيئين .. ونحنا ما كلنا كويسين ..

[تايقر]

:eek: :eek: بتتكلمو عن المصريين الواحدين ديل ولا مصريين تانيين :eek: :eek:

[معتز الريح]

والشعب المصري مثله مثل غيره من الشعوب يحمل موروثاته وقيمه الإجتماعية والإنسانية بين جنباته وإن أختلفنا معهم في الكثير منهاوبما قدمته للعالم العربي والإسلامي والعالم أجمع .. هي محط أنظار العديد من العوالم. سافرت كثيراً إلى مصر ... عاشرت كثيراً من رجالاتها .. قرأت كثيراً من ثقافتها ... طالعت العديد من خبراتها. فوجدها أهلاً للقب أم الدنيا.
اخي معتز
دا نص الكباية المليان.

كتر خيرك يا ضياء ..
انك عاينت للجزء المليان ..
وكلمة حق تشكر عليها ..
لكن انت ما ملاحظ معظمنا بحكم عليهم من غير دراية بهم
أو يكون سمع من الناس ..

[المهاجم]

شكرا لك اخى معتز على الموضوع
واسمح لى ان اخالفك الرأي
فعندما يكون الحديث عن شعب فهذا لا يعنى افرادا انت عاشرتهم فى فترة ما
اخى الشعب المصري للأسف شعب انانى وعميل الم تدرى بما فعله السادات فى فلسطين
الم تعلم ان مصر اول دولة عربية تطبع علاقاتها مع اسرائيل وكلنا نعلم ماهى اسرائيل بل واقامت لها سفارة داخل اراضيها لكسب الود الامريكي ناهيك عن موقفها من القضايا العربية والاسلامية
اخى للاسف المصريون اصبحو بلا هوية وبلا رأى واصبح شعارهم المصلحة
الم تشاهد اخى الافلام المصرية الداعرة والتتي مهدت للاباحية التى نعيشها الآن
اخى هذا قليل من كثير مما اعلمة عن الشعب المصري
ولك منى خالص الشكر والتقدير

[معتز الريح]

اخى الشعب المصري للأسف شعب انانى وعميل الم تدرى بما فعله السادات فى فلسطين الم تعلم ان مصر اول دولة عربية تطبع علاقاتها مع اسرائيل وكلنا نعلم ماهى اسرائيل بل واقامت لها سفارة داخل اراضيها لكسب الود الامريكي

الحبيب المهاجم ..
بالجد أنا أشكرك للتعبير عن رأيك ..
ونشكر المنتدى على هذه المساحة ..

أخي الكريم ..
المصريين أنفسهم يرفضون الاتفاقية مع إسرائيل ..
وأنت تعلم لماذا اغتيل أنور السادات
(الذي اعتبره أذكى رئيس مر بتاريخ العرب)
والذي قام به السادات منذ ذلك الزمن
يسعى إليه الفلسطينيون أنفسهم ..
عموماً ده كلام سياسة خلينا منو ..

لكن صدقني المصريين فيهم ناس كويسين
بالرغم من هزيمة الأهلي للهلال .. هههههه
وإن شاء الله مردودة ..

[معتز الريح]

:eek: :eek: بتتكلمو عن المصريين الواحدين ديل ولا مصريين تانيين :eek: :eek:

يا تايقر يا لذيذ ..
عرفنا رايك فيهم ..
:D :D :D

[خالد النور]

الحبيب خالد ..
ممكن سؤال ..
قبل ما تعاشر الناس ديل ..
ممكن توريني كان فكرتك عن المصريين شنو؟
منتظر إجابتك

قبل ما أعاشرهم كنت ماخد فكرة سيئة عنهم من بعض الأخوان لكن برجع وبقول ليك
أصابع اليد الواحدة ما زى بعض، فيهم الصالح وفيهم الطالح

[حاتم مرزوق]

قد اوصي الرسول صلي الله عليه وسلم بالمصريين خيرا .
وانا من خلال تجربتي معهم ان لديهم وازع ديني ، يعني الواحد فيهم لو ذكرته بالله بيرجع وطبعا دي حاجة كويسة ،في جنسيات تانية ما بتعرف كلام من النوع ده.
ولكن ياجماعة بصراحة نحن شعب مؤدب جدا والله قاعدين نسمع الفاظ من العالم البنشتغل معاهم ديل ...........

[معتز الريح]

قبل ما أعاشرهم كنت ماخد فكرة سيئة عنهم من بعض الأخوان لكن برجع وبقول ليك
أصابع اليد الواحدة ما زى بعض، فيهم الصالح وفيهم الطالح

خالد يا حبيب ..
ده أنا العايز أصل ليهو ..
والله يا خالد ده معنى البوست ده
ما نحكم على الناس من خلال السمع ..

[معتز الريح]

قد اوصي الرسول صلي الله عليه وسلم بالمصريين خيرا . وانا من خلال تجربتي معهم ان لديهم وازع ديني ، يعني الواحد فيهم لو ذكرته بالله بيرجع وطبعا دي حاجة كويسة ،في جنسيات تانية ما بتعرف كلام من النوع ده.
ولكن ياجماعة بصراحة نحن شعب مؤدب جدا والله قاعدين نسمع الفاظ من العالم البنشتغل معاهم ديل ...........

الأخ حاتم ..
مشاركتك أدتنا جانب تاني كمان ..
لم يتم ذكره ..
خليك متابع نشوف الموضوع ده مودينا وين ..

[الفارس البنفسجي]

كتر خيرك يا ضياء ..
انك عاينت للجزء المليان ..
وكلمة حق تشكر عليها ..
لكن انت ما ملاحظ معظمنا بحكم عليهم من غير دراية بهم
أو يكون سمع من الناس ..



أعتقد يا معتز أن من لم يعاشرهم أو يعرفهم
يعتقد بأن الكوب بأكمله ملئ بالإيجابية، أما
من عرفهم أو عاشرهم فقد رأى أو تحدث عن
النصف الفارغ من الكوب.

[معتز الريح]

أعتقد يا معتز أن من لم يعاشرهم أو يعرفهم
يعتقد بأن الكوب بأكمله ملئ بالإيجابية، أما من عرفهم أو عاشرهم فقد رأى أو تحدث عن النصف الفارغ من الكوب.

الحبيب ضياء ..
نتفق انو في جزء مليان وجزء فارغ ..
كما في كل شعوب الدنيا .. ونحن منهم ..

[عوض الكواكب]

اختلاف الراي لا يفسد للود قضية ومشكور ياخ معتز الريح

على البوست التعيلمي اكثر من التوضيحي
عن الشعب المصري
(مصر ام الدنيا) ومصلحة المصري فوق كل شيْ ابتداً من حكاهم
المصريين وهم معلمين في كل النواحي سلبية وايجابية يعني بي وجهين وانا عاشرتهم
وسكنت معهم وفيهم الكريم واللئيم وفيهم الصالح والطالح
(ملحوظة مصلحة مصلحة المصري فوق كل شيْ)
لكن نصيحة خليك مصري التعامل وياريت لو ناخذ الايجابيات بعيدا عن سلبياتهم
انا شخصيا تعلمت من الكثير بعيداً عن السلبية
يكفي ان المصري بياع حكي

[مختار بازى]

شكرا لك اخى معتز على الموضوع
واسمح لى ان اخالفك الرأي
فعندما يكون الحديث عن شعب فهذا لا يعنى افرادا انت عاشرتهم فى فترة ما
اخى الشعب المصري للأسف شعب انانى وعميل الم تدرى بما فعله السادات فى فلسطين
الم تعلم ان مصر اول دولة عربية تطبع علاقاتها مع اسرائيل وكلنا نعلم ماهى اسرائيل بل واقامت لها سفارة داخل اراضيها لكسب الود الامريكي ناهيك عن موقفها من القضايا العربية والاسلامية
اخى للاسف المصريون اصبحو بلا هوية وبلا رأى واصبح شعارهم المصلحة
الم تشاهد اخى الافلام المصرية الداعرة والتتي مهدت للاباحية التى نعيشها الآن
اخى هذا قليل من كثير مما اعلمة عن الشعب المصري
ولك منى خالص الشكر والتقدير

طيب الاخ المهاجم لنقل ما عملة السادات مشين في حق الفلسطنيين هل هذا يعني ان كل الشعب المصري كذالك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[معتز الريح]

وانا عاشرتهم وسكنت معهم وفيهم الكريم واللئيم وفيهم الصالح والطالح .. لكن نصيحة خليك مصري التعامل وياريت لو ناخذ الايجابيات بعيدا عن سلبياتهم
انا شخصيا تعلمت من الكثير بعيداً عن السلبية [/size][/center]

الحبيب عوض الكواكب ..
هذا ما اسعى إليه في هذا البوست ..
مشكور على مداخلتك

[معتز الريح]

طيب الاخ المهاجم لنقل ما عملة السادات مشين في حق الفلسطنيين هل هذا يعني ان كل الشعب المصري كذالك؟؟

بالتأكيد .. ليس بالضرورة ..

[مدنيّة]

تعرف يامعتز لما تدخل محل في اي مكان في مصر
تعال شوف التعامل بيكون كيف ؟؟
والله حاجة لما تحيرك
المحل كله يقيف ليك في راسك والله يحسسوك انك ملك
انا احيانا بشتري حاجات سالت منها للعلم بالشئ فقط من طريقة تعاملهم

تعال قارن بمحل في السودان
مافي زول بيعبرك لما حسك يتقرش
التقول طالبهم قروش ما ماشي تشتري منهم وتنفعهم

[المهاجم]

يا اختنا مدنية دى مصلحة والمصري فى سبيل المصلحة يعاملك جميل جدا ما عدى ذلك وخارج حدود المصلحة ممكن سلام مكا يسلم عليك

[المهاجم]

[
اقتباس
المشاركة الأصلية كتبت بواسطة مختار بازى




طيب الاخ المهاجم لنقل ما عملة السادات مشين في حق الفلسطنيين هل هذا يعني ان كل الشعب المصري كذالك؟؟



بالتأكيد .. ليس بالضرورة ..


اخى الكريم انا لم اتناول موضوع السادات فقط ويمكنك الرجوع الى المشاركة

[مدنيّة]

يا اختنا مدنية دى مصلحة والمصري فى سبيل المصلحة يعاملك جميل جدا ما عدى ذلك وخارج حدود المصلحة ممكن سلام مكا يسلم عليك

ياريت لو نعرف نتعامل عشان نصل لمصلحتنا بطريقتهم الجميلة المريحة دي يا المهاجم

[مختار بازى]

يا اختنا مدنية دى مصلحة والمصري فى سبيل المصلحة يعاملك جميل جدا ما عدى ذلك وخارج حدود المصلحة ممكن سلام مكا يسلم عليك

طيب دي ناحية ايجابية انتة معاي فيها ولا لا ؟؟؟
الليلة هسي زي ما زكرت مدنية حسن المعاملة في المحلات التجارية
لو حصل عندنا هنا في السودان في بقالتين قراب منك واحد لما تمشي ليهو ما باقي ليهو الا يديك سلام سلاح .والتاني راقد في سريرو بيسالك عايز شنو :confused: عليك الله حتي لو الشيء الانتة عايزو ماعندو وهو عايز يتاكد بس عشان ما يتعب نفسو يقوم انتة عن نفسك بتقبلها منو والله ما بتقبلها !!!
ومن اليوم داك انتة بتيقي زبون للزول التاني داك وبي كدا الزول داك كسبك كزبون مداوم وكدا هو في مصلحتو ودا الشسء العايزنو نحنا نتعلموا منهم ونحنا عندنا مثل بيقول :
(الكلمة الطيبة جواز سفر ) شفتة كيف من خلال كلامو واهتمامو بيك انتة اصبحتة زبونو من غير ما تشعر ودا شيء محسوب عليهو كتاجر في السوق يكسب الزباين وصحبك داك خليهو يكمل باقي نومو الكسلان!!!

[مختار بازى]

[
اخى الكريم انا لم اتناول موضوع السادات فقط ويمكنك الرجوع الى المشاركة

اعلم تماما انك لم تتناول موضوع السادات لوحدة
ولكن حبيت ان الفت نظرك الي نقطة معينة اخطاء زيد لايحاسب عليها عبيد

[معتز الريح]

الموضوع شايفو جايب لي الكلام ..
رضا حسن وود الطاهر
قالوا معتز عامل الموضوع ده عشان مديرو مصري
ودي حركة مني ..
وكتير غيرهم حكوا لي ما تم معهم من خساسات في العمل
والحياة العامة ..
أنا هنا بقولها .. أنا ما مختلف معاهم ..
وذكرتها مراراً .. كل شعب فيهو الكويس وفيهو السيئ
ولا يؤخذ الكل بجريرة البعض ..

[عمر البشير]

الاخ معتز مشكور علي فتح هذا الباب،
وحقيقتا انا لي موقفين مع المصريين.
الاول طبعتا انا طبيعت شغلي محاسب، وكان جابو لي محاسب مصري معاي في نفس الشركة، وانا طبعا بطيبة اهلنا السودانيين علكتو كل الحاصل في الشغل وكل اللي حا يطلبوه منو يعني بالعربي كده شربتو الشغل كلو وبعدين اول ما اشتد ساعده قام رماني وقال انو انا ما بعرف في المحاسبه ، المهم في النهايه حصل خلاف معي وصاحب الشركة وانتهي بتركي الشركة وانتقلت الي شركة اخري والحمد لله.
الموقف الثاني وهو في الشركة الثانية.
برضو جابو لي محاسب مصري، وانا برضو كان تعاملي معاهو نفس الاول يعني ممكن تسميها (عباطه)، وكنت متوقع انو يسوي نفس الاول بس قالو البتظن فيه الشر يطلع منو كل خير، المهم كنا انا وهو سمن علي عسل، ومع مرور الزمن نسيت كل الحصلي من الاخ الاول ومن هنا بقول ربنا يسامحو علي اللي عملو فيني.
طولت عليك يامعتز بس ده راي في المصريين.
وعلي العموم زي ما قلت ما في شعب بكون كلو صالح، وهذه سنة الحياه تقابل الصالحين فيكونو في حياه الجانب الجميل وتقابل الطالحين ويكون في حياتك الجانب الذي تمتد منه العظه والاعتبار.
ودوما في حفظ الله ورعايته.

[انيس التوم]

طبعا يا معتز ده والله راي الشخصي وعن قناعه شعب غريب عمره ما يعترف بالخطاء ابدا وشعب مدعي معرفة الاشياء وهم لا يعرفون شى اصلاً عاشرتهم والان اعيش معهم وكنت اكتب هذا التعليق ومع زمليي مصري مقيم معي في نفس العمارة وهو يضحك ويقول لي مصلحه المصري فوق كل شئ رايك شنو يا خوي في الكلام ده

[معتز الريح]

وعلي العموم زي ما قلت ما في شعب بكون كلو صالح، وهذه سنة الحياه تقابل الصالحين فيكونو في حياه الجانب الجميل وتقابل الطالحين ويكون في حياتك الجانب الذي تمتد منه العظه والاعتبار..

يا سلاااام عليك ياود البشير ..
جبت المفيد ..

[معتز الريح]

وكنت اكتب هذا التعليق ومع زمليي مصري مقيم معي في نفس العمارة وهو يضحك ويقول لي مصلحه المصري فوق كل شئ

يعني برضو مصاحب مصري ..
ولو انت مفتح ما بقدروا عليك ..

[همسة شوق]

العزيز معتز مشتاقين كتير
والحقيقة إنو موضوعك دة حساس جدا
الناس ديل ماكلهم كعبين لكن فى الناهية إنهم مصريين
والخصلة البطالة ممكن تكون فى معظمهم
كلام زى العسل ولسان مباااااااااااااااااالغة
لكن الخساسة فيهم عييييييييييييك
لو دخلت معاهم فى اى نقاش فيهو افضلية
صدقنى بظهروا على حقيقتهم
وفى اى شى يقولوا هم الاحسن كأنو الدنيا مافيها ناس غيرهم

[معتز الريح]

لو دخلت معاهم فى اى نقاش فيهو افضلية
صدقنى بظهروا على حقيقتهم
وفى اى شى يقولوا هم الاحسن

مجاهد الحبيب ..
يعني عايز تقنعني لو دخلوا معاكم في نقاش أنت وعزام ..
بيقدروا يقول ليكم نحنا أحسن منكم؟ ما أظن بقدروا ..
ولو قدروا أنا عارفكم بتموها ردم ..
وده بيعتمد على البتناقش معاهم منو؟
تخريمة ..
شفت ليك زول محتفلين بيهو وعاملين ليهو حفلة وداع ..
بعمل فيها شكلة ويفرتقها ؟؟ ..
ده صاحبك ..

[طارق محمد الحسن]

يااخى الكريم المصرين ديل شعب مصلحجى من الدرجة الاولى وانا درسونى المصريين وفاهمن ليك كويس جدا ويعتبرو السودانين درجة تانية ولو ملاحظين الكلام دا فى مسلسلاتم ويعتبرو السودان جزء من مصر وهم اوصياء علينا وتنتهى معرفة المصرى بيك بانتهاء مصلحتو معا ك وبتاعين حفر الواحد فيهم لو حفر ليك بيوديك الاخرة وشعب يخاف مايختشيش

[محمد أحمد الشيخ]

عارف يا ود الريح
المصري لمن أجي أغترب أهلو بوصو بقولو ليهو أعمل حسابك من المصريين

والسوداني لمن أجي أغترب أهلو بوصو بقولو ليهو شوف ليك سودانيين أقعد معاهم

أظنك عرفت رائ فيهم .

[همسة شوق]

معتز حبيبنا إزيك
بالمناسبة وصلت الموضوع دة لى عزام
وزى ماإنت عارفو ..................
وقال والله ردم الردم
بس قول إنشاء الله مايقع واحد فى يدنا


همسة:
بمناسبة الحفلة
دة عرسو ممكن يفرتقو

[ابوموفق]

طالما انو الأختلاف في الآراء لا يفسد قضية الود ..
ولولا اختلاف الآراء لبارت مواضيع وحاجات كتيره ..
والاختلاف عموماً سنة من سنن الحياة ..

لذلك قررت الولوج والكتابة عن هذا الموضوع
الذي احسب انو موضوع شائك ..

ولكن .. لدي ما اقوله ..
كدي فكروا في العنوان ده برواقة ..
وعاينو للنصف المليان من الكوب ..

وتعالوا نتناقش ..


معتز 00 انا مابختلف معاك كثير لكن الناس ديييييييل كان شكرتهم بتكسبهم وكان ذميتم بتخسرهم 00 ونا شخصيا عاصرتهم 00 الناس اهل علم وفقه ونكته ودمهم خفيف مازي بعض الدول !! 00 المهم لو اطلعت علي قصيدة ابونا الشيخ البرعي رحمه الله وفي بعض ابياتها حيث يقول00

هم أهل البيت الواضح سرهم " أهل البيت هم أولاده النبي ( صلي الله عليه وسلم ) وأزواجه والحسن والحسين وعلي كرم الله وجهه "

زورهم بمحبة تشرب من درهم
وابذل أموالك لجناهم برهم
دايماً واليهم لتنال من برهم
لاتجهل أمرهم في مصر مقرهم

سيدي الحسيني الناثر درهم " هو الحسين بن علي كرم الله وجهه "
أبن الحنفية ومحمد بدرهم " هو محمد بن علي والحنفية هي أمه "
قل زيد الأبلج الباقي أغرهم " هو زيد الأبلج بن الحسن بن علي كرم الله وجهه "
مع حسن الأنور الفعلو سرهم " هو حسن الأنور بن زيد الأبلج "
إسماعيل ومحمد الشايع ذكرهم " إسماعيل وأخوه محمد أبناء جعفر الصادق بن محمد الباقر بن علي كرم الله وجهه بن الحسين بن علي كرم الله وجهه "
صالح والحنفي الفايح عطرهم
لعليٍ زين العابدين حبرهم " هو علي زين العابدين بن الحسين بن علي "
جعفرنا الصادق مع موسي صدرهم " هو موسي الكاظم بن جعفر الصادق "
أستاذنا الباقر في العلم بحرهم " هو محمد الباقر بن علي بن الحسين بن علي كرم الله وجهه "
ارجو ان تكون الصورة واضحة 00

[صلاح الدين محمد]

الحبيب ود الريح

كل الشعوب بل كل المجمتمعات لها خصائص تميزها

فالمجتمع المصري له خصوصيته وشي طبيعي انك تلقي الصالح والطالح في كل مجتمع

فالمصري طيب وهادي ومرح ووووووو مالم تتعارض مع مصالحه ففي هذه الحالة يتقلب الوضع

معاك في تعامله180 درجة ويستخدم نظرية الغاية تبرر الوسيلة ( الخسة - الرزاله - ووووو)

عشان كدا عندو ميه وجه في التعامل .

[ودكمبال]

اخى معتز
مصر هى ام الدنيا ذى مابيقولوا لكن اذا رجعت الى لاعماق التاريخ فمصر هى جزء من السودان او العكس والشاهد على ذلك الحضاره النوبية ولايمكن تحكم على شعب كامل بتصرفات افراد ولاحكومات ومعلوم لكل العالم بان مصر هى القلب النابط للامة العربية وكم دافعت عن القضايا العربية فى كثير من المحافل وعلى سبيل المثال حرب التحرير فى الجزائر وتوحيد اليمن وفتحت ابوابها امام السودانيين فى عصر مظلم ونالوا من معينهالعلوم .والمثل بيقول الما بتلحقوا جدعوا
يكفى انو المصريين بحبو بلدهم اكثر من اى شعب على وجهه االارض ومصر كبيره فى كل شىء لهذا تجد ابنائها كبار والما كبير بيتظاهر بانوا كبير .وياريت السودانيين يكونوا بنفس المنوال لانوا بلدنا كبيره (مليون ميل مربع) وعندنا 113 هرم ولا احد يعرف عنهم حاجة.

[ودكمبال]

اخى معتز
مصر هى ام الدنيا ذى مابيقولوا لكن اذا رجعت الى لاعماق التاريخ فمصر هى جزء من السودان او العكس والشاهد على ذلك الحضاره النوبية ولايمكن تحكم على شعب كامل بتصرفات افراد ولاحكومات ومعلوم لكل العالم بان مصر هى القلب النابط للامة العربية وكم دافعت عن القضايا العربية فى كثير من المحافل وعلى سبيل المثال حرب التحرير فى الجزائر وتوحيد اليمن وفتحت ابوابها امام السودانيين فى عصر مظلم ونالوا من معينعها العلوم .والمثل بيقول الما بتلحقوا جدعوا
يكفى انو المصريين بحبو بلدهم اكثر من اى شعب على وجهه االارض ومصر كبيره فى كل شىء لهذا تجد ابنائها كبار والما كبير بيتظاهر بانوا كبير .وياريت السودانيين يكونوا بنفس المنوال لانوا بلدنا كبيره (مليون ميل مربع) وعندنا 113 هرم ولا احد يعرف عنهم حاجة.
و
د
ك
م
ب
ا
ل

[معتز الريح]

وانا درسونى المصريين

الحبيب طارق ..
رايك وصل ..
لكن طالما درسوك مصريين ..
فبنشكرهم على المساهمة في تعليمنا ..

[معتز الريح]

والسوداني لمن أجي أغترب أهلو بوصو بقولو ليهو شوف ليك سودانيين أقعد معاهم

محمد باسطة ..
الظاهر عليك انت اغتربت بدري ..

[معتز الريح]

معتز .. انا مابختلف معاك كثير

الحبيب أبو موفق ..
انا عارفك وضعك زيي وعاشرت الناس ديل انت ..
وكلامك في محلو ..

مشكور على المدحة ..
أول مرة أركز في الكلمات ..

[معتز الريح]

كل الشعوب بل كل المجتمعات لها خصائص تميزها
فالمجتمع المصري له خصوصيته وشي طبيعي انك تلقي الصالح والطالح في كل مجتمع

دي فكرتي قبل كتابة البوست ..
وشكراً لمشاركتي حجتي ..

[معتز الريح]

ولايمكن تحكم على شعب كامل بتصرفات افراد ولاحكومات ومعلوم لكل العالم بان مصر ..
وعندنا 113 هرم ولا احد يعرف عنهم حاجة.

ودكمبال العزيز ..
ياخي مداخلتك دي وضحت حاجات كتيرة ..
مفروض اقتبسها كلها ..
ولكن اخترت منها ما اردت ..