اكتبوا معي للوطن!!

[شبارقة]

هل تحبه مثلي ؟؟

هيا نكتب لوطننا الحبيب أحلى وأعذب ما كتب عن الوطن !!

[شبارقة]

وطني أُضمامةٌ من زَهَرِ
ومرايا سُكْبَتْ من جَوْهَرِ
وسماهُ دُرَّةٌ منسوجةٌ
زيَّنْتَها نَيِّراتُ السحر
أرضهُ خضراء غطّتْ وجهها
بغطاءٍٍ ساحرِ الحسنِ ثري
وطني جنةُ وردٍ عَبَقَتْ
وعيونٌ ماؤُها كالكوثر
إنّه نغمةُ شوقٍ عُزِفَت
من فَمِ الناي، وثغرِ الوتر
كلمّا رفّ به عطر الشذى
أيقظ العِطْرُ ضميرَ الحجر
يا لحسنٍ يعظمُ الحسنُ به
دائِمُ الخضرةِ حُلْوُ الصور
وطني أُنشودةٌ ردّدها
عاشقٌ هامَ، وصبٌ عبقري
طاولَ النجم شموخاً وعُلاً
وتسامى فوق هام القمر
والنسيم الحُلوُ ريَّانُ الخُطا
يتفيّا بظلال الشَجَر
***
والسنا يغزلُ من لألائه
هالةً في وجه غيمٍ ممطر

والدجى ينشر في أرجائهِ
بارقَ النورِ بلونٍ مُبْهرِ
حطّتِ الأنجم في رَبْواتِه
فتَجلَّتْ كبساطٍ مُزْهر
أخصبتْ دنياهُ حُسناً فائِقاً
بورِكَ الخِصْبُ هبات القدر

[عثمان جلالة]

:p العزيز شبارقة .... وزي كلام شاعر بقدر في بلدنا الحاله واحدة ... المطار ياهو المحطة والزمن بيروح أوانطة

[شبارقة]

:p العزيز شبارقة .... وزي كلام شاعر بقدر في بلدنا الحاله واحدة ... المطار ياهو المحطة والزمن بيروح أوانطة

ايوه لكن يا جلاله
مش بنكتب لي حكومه
أو نطبل لي ضلاله
نحن نكتب لي وطنا
وكان بقت حالتنا حاله
أو كمان عيشنا استحاله
برضو نكتب لي وطنا
وبرضو نكتب لي وطنا
وبرضو نكتب لي وطنا

[صديق بلال]

هل تحبه مثلي ؟؟

هيا نكتب لوطننا الحبيب أحلى وأعذب ما كتب عن الوطن !!


بلادي بلادي فؤادي دمي
وهبت حياتي فدي فسلمي
غرامك أول مافي الفؤاد
ونجواك آخر مافي فمي
سأهتف بإسمك ماقد حيت
تعيش بلادي ويحي الوطن

[خالد النور]

وللأوطان فى يد كل حرٍ يُد سلفت ودينٌ مستحق

وطنى وإن شغلت بالخلد عنه نازعتنى إليه فى الخلد نفسى

[غيداء نورالدين]

بلادي بلادي فؤادي دمي

[حسن سادة]

ديل أنحنا القالو فتنا ....
وقالو للناس إنتهينا ....
جينا زي ما كنا.... حضنك يحتوينا....
لما فارسك فينا هب ... وعب حجرك بالمحبة وبالأماني
صحى نار الثورة تاني .....
جانا داخل... زي شعاع الشمس ... في كل المداخل ...


حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران

موكّر لسَّه في شجني؟
حأكتب لي شجر مقطوع
مسادير
يمكن يتحرك
خطابات لي طفل مجدوع
يقوم
يجرى
يقع
يبرُك
رسالهة لكل قُمْريّة
إذا دم الشقا اتوزع
على كل البيوت
ما تْرِك
واسأل..
عن وطن رايِح
واديكم خبر جارح:
بأنو جميع جموع الناس
حيفضلوا لا كراع
لا راس
ونشترى في الدكاكين يوم
مسابح من دموع الناس
مساحيق من هموم الناس
زهج
يتْعَبّا في الأكياس
ونعلن في المزاد علنا
وترغي الجوقة والأجراس:
"!نبيع الطفلة والكراس"
واصرَخ
! ياوطن! يا بيتنا
ليه ما تبقى لينا الساس
قدر ما تجري فيكواسأل
يا وطن رايح
اذا كل القبور دخلت
بيوت الناس
بلا اسئذان
بلا صلوات
بلا أكفان
جريمة اسائل الدفَان؟
حريمة طلب تمن قبري
من البايع في أي مكان؟
واقولك يا وطن
رايح
واقولك يا وطن
آمر
سلام النفس ما كافر
ولا كافر
ولا كافر

[شبارقة]

بنكتب لي وطن محبوب

وطن محفور على الخاطر

وطن ساطر
على التاريخ

أمجادنا وحضاراتنا
وشان احفادنا نكتب ليهو الف كتاب

ويلا معاي عشان نكتب

[الموسيقار]

بلدي بلد ناساً مواريثم في أول شي كتاب الله و حصان مسروج
وسيف مسنون حداهـ درع كتاتيبم تسرج الليل مع الحيران
وشيخاً في الخلاوي ورع وكم نخلات تهبهب في جروفا الساق
و بقرة حلوبة تتضرع وليها ضرع

بلدي أنا تشيل الناس كل الناس و ساع بي حيلا و ليلا يسع
و تتدفق مياه النيل على الوديان بياض الفضة في وهج الهجير بيشع
بلادي سهول بلادي حقول بلادي جنة للشافوها أو للبرة بيها سمع
ــــــــــــــــــــــــــــــــــــــــ
برافووووو عليك شبارقة لأنك بتحيي فينا روح الوطنيه
في زمن الناس إنشغلت بالحياه وخلو الوطنيه في إجازة مؤقته
دمت بكل الود (شبارقة) الرائع

[شبارقة]

وبرضو عشان وطنّا نقول
ونكتب أجمل الكلمات
وطن مغمور
بحب الناس
وطن مشهور
بطيبة معدنو الطيب
نريدو كتير .. كتير بالحيل
ويلا معاي نقول فيهو
أعذب وأجمل الكلمات

شكراً ايها الرائعون ... كلنا نعشقك أيها الوطن الذي سكن خلايانا ذرة ذرة ..

نحبّك أيها السودان ..

[شبارقة]

بلد مقسوم ..
هناك و هنا ..
و مقسوم زيو خاطرنا ...
أريتو يدوم ...
و لو في الخاطر المكلوم ..
و في الأحلام ..
أريتو يدوم .. و طن ملموم ..
مفتق زي جروف النيل ...
حزنت حزن !
بكيت بالليل على وطني ..
و أبت تصبح .. بكيت عمري ..
وطن مضبوح على نصين ...
مشتت بين هناك و هنا ...
وطن منكوب أريت يتلم ..
أريت يتلم عشان نرتاح ..

[معز عوض]

وطنـــــــــــــــــــــــــــــا

[الامين عبدالقادر]

وطن الجدود نفديك بالارواح تجود وطنى وشكرا شبارقة ياوطنى

[الامين عبدالقادر]

وطنا البى اسمك كتبنا ورطنا

[ابو علا]

بلد مقسوم ..

وطن مضبوح على نصين ...مشتت بين هناك و هنا ...وطن منكوب أريت يتلم ..
أريت يتلم عشان نرتاح ..



تعرف ليه :
عشان عايزين وطن بالفيهو نتساوى نحلم نقرا نتداوى
مساكن كهربا ومويه تحتنا الظلمة تتهاوى تحت الفجر طاقيه
وتطلع شمس مقهورة تخلى الدنيا مبهورة إرادة وحدة طوعية
مكان السجن مستشفى ومكان المنفى كلية ومكان الاسرى وردية
مكان الحسرة اغنية مكان الطلقة عصفورة تحلق حول نافورة
تمازح شفع الروضة

[ابو علا]

:)حبابك 10 بلا كشرة :)
ود الشبارقة

[ملكة النحل]

كان انهمارك فيّ ومنك امتلأت فصار انتمائي اليك وما كان غيرك دفء ولن ............ إذن ........... ليس إلاّك لي من وطن