المساعد الشخصي الرقمي

مشاهدة النسخة كاملة : بيان هااااااااااااام من المجلس المؤقت



صالح ابوشوارب
18-07-2007, 03:25 AM
بسم الله الرحمن الرحيم
في اجتمعاع طارئ لمجلس الادارة في يوم الثلاثاء الموافق 17/7/2007 اصدر البيان التالى
نسبة للظروف الصحية التى يمر بها رئيس المجلس السابق والظروف الصعبة التى تمر بها بعض الوحدات في منتديات ود مدنى والقصور المصاحب لهذه الظروف فقد قرر المجلس الاتى .
1 ــــ حل مجلس الادارة الحالى
2 ـــــ حل مجلس المشرفين الحالى
3 ــــ اعفاء رئيس المجلس السابق ونائبه من المجلس
4 ــــ اعفاء الضباط الثلاثة من مناصبهم وتحويلهم للصالح العام
5 ــــ تعيين المشير / عمر حسن غلام الله رئيسا للمجلس المؤقت
6 ــــ تعيين عميد طيار / مهيرة نائبا للرئيس للمجلس المؤقت
7 ــــ تعيين اللواء اركان حرب / مدنية رئيسا لمجلس الاشراف المؤقت
8 ــــ تعيين الرائد / صلاح الطاهر ناطقا رسميا باسم المجلس المؤقت
9 ــــ تعيين الرائد / ود البشير حارسا امنيا للمقالين ووضعهم تحت الاقامة الجبرية
8 ــــ يظل المشرفين الحاليين في مناصبهم لتصريف الاعمال حتى اصدار قرار من المجلس المؤقت

والسلام عليكم ورحمة الله وبركاته

صدر تحت توقيعى
فريق ركن / ابو الله جابـــــو
عضو المجلس المؤقت
18/7/ 2007

ود المطامير
18-07-2007, 04:10 AM
وررررررررررررروك الحيكومه لحقت أمات طه
زمان النميرى سافر بهنى والجماعه قلبوها بهنى
وهسى عمدتنا سافر بهنى وناس عمّى قلبوها بهنى
ونحنا روحنا فى شربة مويه قبل ما نعمل لينا بيت
وحساب فى سويسرا وشارع بإسمى فى مدنى
يا عمّى يا أبو الله جابو ما تباصر لى وظيفه معاكم
إنشاء الله بوليس فى الكبرى .

صلاح ودالطاهر
18-07-2007, 04:18 AM
بيان رقم 2 جاء ني الاتي تم توجيه ودالبشير لقبض والتحرك بسرعه علي المطلوبين ونفيدكم بان هنالك تعينات سوف تصدر في وقت لاحقاً


الناطق الرسمي باسم الحكومه

abu_ola
18-07-2007, 05:14 AM
عمك أبو شوارب مساء الخير

أنا من زمان نفسي اشتغل قاضي يا جماعة الخير عينوني معاكم قاضي الثورة

و جيبو لينا المتهمين ديل نختهم في سجن الألعاب حق ود الطاهر دا و المحكمة في النفاج

بس صراحة توقيت الإنقلاب مناسب 100 % و أخونا الآدمن اليومين دي بعد ما وصل مدني

بالسلامة بكون مشغول في السلام و الفواتح و المجاملات غايتو الله يصبرو ساااااكت ما

يقطع إجاتو و يجي جري

عمر البشير
18-07-2007, 05:27 AM
وررررررررررررروك الحيكومه لحقت أمات طه
زمان النميرى سافر بهنى والجماعه قلبوها بهنى
وهسى عمدتنا سافر بهنى وناس عمّى قلبوها بهنى
ونحنا روحنا فى شربة مويه قبل ما نعمل لينا بيت
وحساب فى سويسرا وشارع بإسمى فى مدنى
يا عمّى يا أبو الله جابو ما تباصر لى وظيفه معاكم
إنشاء الله بوليس فى الكبرى .
افوه ياود المطامير الشي انت شهر كامل تبرطع ولسا ما فتحت حساب في سويسرا ملفاتك كلها عندنا وارصدتك بعد كده حا نجمدها ،قايتو بندخل ليك واسطه. ولك التحية ايها القائد ابو الله جابو وفي امان الله.
الحارس الامني للمقالين.

رضا حسن محمد
18-07-2007, 05:41 AM
يا عمى ابو شوارب
خسمتك بالنبى تمسكنى حتة فيها سفسفة ( انشاءالله وزارة الطاقة )

واحد تاني
18-07-2007, 05:44 AM
نحن جند الله جند الوطن (http://sudanson.com/alslamalwatany.mp3)

معتز الريح
18-07-2007, 05:50 AM
يا عمى ابو شوارب
خسمتك بالنبى تمسكنى حتة فيها سفسفة
انت يا بتاع الفرنسيات أخير ليك الخارجية

ود المطامير
18-07-2007, 05:51 AM
افوه ياود المطامير الشي انت شهر كامل تبرطع ولسا ما فتحت حساب في سويسرا ملفاتك كلها عندنا وارصدتك بعد كده حا نجمدها ،قايتو بندخل ليك واسطه. ولك التحية ايها القائد ابو الله جابو وفي امان الله.
الحارس الامني للمقالين.
يا ود البشير يا حبيب عمرى
والله برطعه ساى ولا فيها حق كرت تلفون
وملفاتى ياتى دى وحاتك أنا أيام المدرسه ما سعيت لى كراس
إنت كدى أدخل لى واسطه فى التعينات الجديده دى
أصلو أخوك إتأقلم على الصلطه والجرجير والسمك
هع هع هع هع .

معتز الريح
18-07-2007, 05:52 AM
يا عمى ابو شوارب

عملتو عمك كمان؟

صلاح ودالطاهر
18-07-2007, 05:53 AM
سوف يُزاع عليكم بيان بعد قليل فترقبوه
http://sudanson.com/alslamalwatany.mp3

الناطق الرسم باسم المجلس

رضا حسن محمد
18-07-2007, 05:58 AM
انت يا بتاع الفرنسيات أخير ليك الخارجية
الخارجية خليتا ليك انت يا وجيه يا بتاع البروتوكولات

رضا حسن محمد
18-07-2007, 06:00 AM
عملتو عمك كمان؟
انت يا ود الريح قايلنى مواليد كم ؟
انا 1979 انت كم يا ابونضارات ؟

صلاح ودالطاهر
18-07-2007, 06:00 AM
سوف يُزاع عليكم بيان بعد قليل فترقبوه
http://sudanson.com/alslamalwatany.mp3
الناطق الرسم باسم المجلس

رضا حسن محمد
18-07-2007, 06:01 AM
لا درادر لا عساكر لا مظاليم لا مظالم

صلاح ودالطاهر
18-07-2007, 06:04 AM
سوف يُزاع عليكم بيان بعد قليل فترقبوه
http://sudanson.com/alslamalwatany.mp3
الناطق الرسم باسم المجلس

صلاح ودالطاهر
18-07-2007, 06:06 AM
سوف يُزاع عليكم بيان من المشير / عمر غلام الله بعد قليل فترقبوه
http://sudanson.com/alslamalwatany.mp3
الناطق الرسم باسم المجلس

صابرحسين
18-07-2007, 06:21 AM
شنو يا ود الطاهر الإرهابات الشديدة دي ، من أول يوم أشارك تعمل إنقلاب عسكري وبيانات ، والشي المخيف الإعلان عن البيان والترقب والإنتطار ، ممكن نكون في السجن قبل ما نعمل اي حاجه .......................................

صلاح ودالطاهر
18-07-2007, 06:26 AM
سوف يُزاع عليكم بيان من المشير / عمر غلام الله بعد قليل فترقبوه
http://sudanson.com/alslamalwatany.mp3
الناطق الرسم باسم المجلس

عمر البشير
18-07-2007, 06:32 AM
شوهد احد المطلوبين يغادر مطار ابو ظبي في طائرة خاص ويحمل عصاه ملتويه تسمي السفروق وقد تم الابلاغ عنه، وسوف يكون في انتظاره بمطار الخرطوم اللواء اركان حرب مدنية، وسوف تقوم باجراء اللازم حيال ذلك.
الحارس الامني للمقالين

شبارقة
18-07-2007, 06:32 AM
اللييييييييييييييييييييييييييلة

انا ما معاكم ، دبابات الادمن ، جايه على القصر الجمهوري ..

وشاااااااااااايف المشانق معلّقة في ميدان ابو جنزير ....

الله يستر !!

أكتبوا وصيتكم يا ناس الانقلاب ..

!!
نحن مع الحيكومة

صلاح ودالطاهر
18-07-2007, 06:36 AM
سوف يُزاع عليكم بيان من المشير / عمر غلام الله بعد قليل فترقبوه
ولا نامت اعيون الجبنا
http://sudanson.com/alslamalwatany.mp3
الناطق الرسم باسم المجلس

عمر البشير
18-07-2007, 06:38 AM
يا ود البشير يا حبيب عمرى
والله برطعه ساى ولا فيها حق كرت تلفون
وملفاتى ياتى دى وحاتك أنا أيام المدرسه ما سعيت لى كراس
إنت كدى أدخل لى واسطه فى التعينات الجديده دى
أصلو أخوك إتأقلم على الصلطه والجرجير والسمك
هع هع هع هع .

الحبيب ود المطامير(ملفك عندنا من اجل الدراسه فقد)
بعد الدراسة والتداول تبين ان ملفك لا يحمل اي احداث تدينك، وربما يتم تعيينك وزير الثروة السمكية، ونديلك معاها شوية خضارات كده.
الحارس الامني للمقالين

114
18-07-2007, 06:40 AM
بيان هام

من رئيس المجلس المؤقت

لقد اعتاد الانقلابيون أن يضعوا (رجلاً مسكيناً) في (وش المدفع)، ثم اذا استتب لهم الأمر أزاحوه، أو ذبحوه، أو وضعوه تحت الإقامة الجبرية لنهاية عمره، فقد فعلها (الضباط الما أحرار) في مصر، حيث وضعوا (المسكين) محمد نجيب في الرئاسة، ولما اطمأنوا الى أن أرجلهم ثبتت في (الواطه) قاموا بانقلاب داخلي ضد محمد نجيب، ووضعوه في شقة تفتقد الى ابسط وسائل الراحة بقية عمره، فمات مريضاً وحيداً لم يغادر شقته المتواضعة طيلة الفترة ما بين الانقلاب عليه في (1953 تقريباً) وحتى ساعة وفاته..

إلا أن النميري قد كان (مفتح) اكثر من محمد نجيب، وربما استفاد من قصة محمد نجيب فتغدى بالشيوعيين (الختوه رئيس الى ان يستتب ليهم الأمر) قبل أن يتعشوا به.. ولكن النميري بعد 16 سنة (بس) مرق زي مرقة الأدمن دي ولم يعد إلا مواطن عادي في حكم البشير (كون ان كلاهما عسكر، وكلاهما جاء بانقلاب)..

أيها المواطنون الثوار الأحرار

يا ربي حأكون زي محمد نجيب، واللا زي نميري (في البداية)، واللا زي نميري في النهاية؟ والله كلها ما حلوه..

أيها الانقلابيون الثوار الأحرار
لقد عملتو الانقلاب ولم تشاوروني.. ولو شاورتوني لقلت لكم أن اسمي بس عجبكم لأنو شكلو زي شكل اسم انقلابي شهير، بس ما كان فيه داعي تكتبوا الاسم ثلاثي، يكفي ثنائي بس.. عشان ياخد رونق وهيبه.. (عمر حسن)
ايها المواطنون الثوار الأحرار
بما الانقلاب تم، ولا مناص من التراجع حتى لا (نشرط) عين الذين عملوا الانقلاب، ولكن عليهم أن يعملوا حسابهم أني ما حاديهم فرصة يعملوا علي انقلاب (بعد أن يستتب لي الأمر) واسافر برضو في اجازة الى مدني نهاية هذا الشهر، أصلي جني وجن الانقلابات المضادة، والانقلابات (المحمد نجيبية).. وعشان ما تعملوا كده حأعين جيش من بتاعين الأمن الخاص، يعني انتو ذاتكم بقيتو تحت المجهر..

ايها المواطنون الثوار الأحرار

لقد تجبر وتكبر أعضاء الحكومة السابقة، لذلك قمنا بهذا الانقلاب التصحيحي، لقد وصل في عهدهم سعر البوست الواحد الى ألف ليره تركية، ووصلت قيمة الاشتراك في المنتدى الى عشرة ريالات بعد أن كان ثلاث مليمات لا غير (فيها بارد وعشاء وبوكيه ورد)..

لقد عاث اعضاء الحكومة السابقة فساداً فصاروا يوزعون الألقاب الرسمية على من يشاؤون من المحاسيب، فامتلأت البلد (قصدي المنتدى) بالأعضاء البلاتينيين والماسيين، وتركوا النحاس والحديد لخلق الله المساكين..

لقد ملأ الرئيس السابق جيوبه من الرسائل الخاصة والبوستات الجميلة وجمع في يديه السلطة التشريعية والتنفيذية وكمان القضائية، وترك للدهماء البوستات (الأي كلام)، وترك لبقية اعضاء الحكومة السلطة القضائية والتنفيذية وكمان التشريعية..

أيها الأخوة أعضاء المجلس الانتقالي العالي
شيلو شيلتكم لما الادمن يكتشف الانقلاب ويقوم بسحب كلمات السر منكم، وتقعدوا في الطراوه، اوعوا تكبوا الزوغه وتخلوني (براي).. اصلوا انا بيني وبينكم (بخاف من الضلمّه)!

وانها لثورة حتى النصر

عاصفة .. عاصفة.. عاصفة

هو يا اخوانا البيان مش بصدروا الناطق الرسمي؟

شبارقة
18-07-2007, 06:45 AM
يا ناس المعارضة ختوني معاكم في الاحتياط (وياريت لو خليتو اسمي مع الانقلابيين السريين)
عشان أنا بخاف من المشانق ، وبرضو بخاف من الفلس وداااااااااااااااااااير السلطة ...

كدي نشوف نهاية دبابات الآدمن!!

عمر البشير
18-07-2007, 07:10 AM
ايها الساده/ تم ارسال طاقم امني الي الاخ/ شبارقه بعد ان تبينه انه يسير البلبله والشائعات وسوف يتم اجراء اللازم حياله، حتي يكون عظه لغيره، ولا عزر لمن انزر.
الحارس الامني

شبارقة
18-07-2007, 07:43 AM
ايها الساده/ تم ارسال طاقم امني الي الاخ/ شبارقه بعد ان تبينه انه يسير البلبله والشائعات وسوف يتم اجراء اللازم حياله، حتي يكون عظه لغيره، ولا عزر لمن انزر.
الحارس الامني

أنا معاااااااااااااااااااااااكم ...





لمن نشوف آخرها شنو!!!


بس في المشانق معا معااااااااااااااااااااااااااااااااااااااااكم!!

عمر البشير
18-07-2007, 07:48 AM
أنا معاااااااااااااااااااااااكم ...





لمن نشوف آخرها شنو!!!


بس في المشانق معا معااااااااااااااااااااااااااااااااااااااااكم!!

العصا المرخيه دي خلينا منها، يا معانا يا مع التانيين. اختار واحد من الاثنين
الحارس الامني.

admin
18-07-2007, 10:25 AM
انتو الطاقية دي ما بتقدروا تقلبوها

لو سمحتو كلو واحد فيكم ادينا مقاس رقبتو كم .. والداير بالرصاص يسجل بدري عشان الرصاص حبه

التيمان
18-07-2007, 11:07 AM
اى جيبو اللبش


خلونا انحنا ناقصين

نزار حسن محمد
18-07-2007, 11:23 AM
بسم الله الرحمن الرحيم
في اجتمعاع طارئ لمجلس الادارة في يوم الثلاثاء الموافق 17/7/2007 اصدر البيان التالى
نسبة للظروف الصحية التى يمر بها رئيس المجلس السابق والظروف الصعبة التى تمر بها بعض الوحدات في منتديات ود مدنى والقصور المصاحب لهذه الظروف فقد قرر المجلس الاتى .
1 ــــ حل مجلس الادارة الحالى
2 ـــــ حل مجلس المشرفين الحالى
3 ــــ اعفاء رئيس المجلس السابق ونائبه من المجلس
4 ــــ اعفاء الضباط الثلاثة من مناصبهم وتحويلهم للصالح العام
5 ــــ تعيين المشير / عمر حسن غلام الله رئيسا للمجلس المؤقت
6 ــــ تعيين عميد طيار / مهيرة نائبا للرئيس للمجلس المؤقت
7 ــــ تعيين اللواء اركان حرب / مدنية رئيسا لمجلس الاشراف المؤقت
8 ــــ تعيين الرائد / صلاح الطاهر ناطقا رسميا باسم المجلس المؤقت
9 ــــ تعيين الرائد / ود البشير حارسا امنيا للمقالين ووضعهم تحت الاقامة الجبرية
8 ــــ يظل المشرفين الحاليين في مناصبهم لتصريف الاعمال حتى اصدار قرار من المجلس المؤقت

والسلام عليكم ورحمة الله وبركاته

صدر تحت توقيعى
فريق ركن / ابو الله جابـــــو
عضو المجلس المؤقت
18/7/ 2007

بيان مختصر من قائد جيوش الردع ...عميد ابوسفروق
بعد ان تم مدهمة ابوشوارب وهو متخفى وحالق شنبوووو...وقال الروووووب خلونى
تم التحفظ عليه فى مكان سرى وذلك لى عامل السن ..والسكرى والضغط ..ومرض حامد

هشام السماني إبراهيم
18-07-2007, 11:25 AM
انا اخر واحد يادوب جيت قلتا النشوف الحاصل شنو


لقيتها حصلت ضرب النار

هشام السماني إبراهيم
18-07-2007, 11:27 AM
وانا مع الحكومة القديمة ومن المؤيدين ليها ادامها الله وحفظها

هشام السماني إبراهيم
18-07-2007, 11:28 AM
سودانا فوق





منتديات مدني فوق فوق فوق






.

نزار حسن محمد
18-07-2007, 11:29 AM
بيان هام

من رئيس المجلس المؤقت

لقد اعتاد الانقلابيون أن يضعوا (رجلاً مسكيناً) في (وش المدفع)، ثم اذا استتب لهم الأمر أزاحوه، أو ذبحوه، أو وضعوه تحت الإقامة الجبرية لنهاية عمره، فقد فعلها (الضباط الما أحرار) في مصر، حيث وضعوا (المسكين) محمد نجيب في الرئاسة، ولما اطمأنوا الى أن أرجلهم ثبتت في (الواطه) قاموا بانقلاب داخلي ضد محمد نجيب، ووضعوه في شقة تفتقد الى ابسط وسائل الراحة بقية عمره، فمات مريضاً وحيداً لم يغادر شقته المتواضعة طيلة الفترة ما بين الانقلاب عليه في (1953 تقريباً) وحتى ساعة وفاته..

إلا أن النميري قد كان (مفتح) اكثر من محمد نجيب، وربما استفاد من قصة محمد نجيب فتغدى بالشيوعيين (الختوه رئيس الى ان يستتب ليهم الأمر) قبل أن يتعشوا به.. ولكن النميري بعد 16 سنة (بس) مرق زي مرقة الأدمن دي ولم يعد إلا مواطن عادي في حكم البشير (كون ان كلاهما عسكر، وكلاهما جاء بانقلاب)..

أيها المواطنون الثوار الأحرار

يا ربي حأكون زي محمد نجيب، واللا زي نميري (في البداية)، واللا زي نميري في النهاية؟ والله كلها ما حلوه..

أيها الانقلابيون الثوار الأحرار
لقد عملتو الانقلاب ولم تشاوروني.. ولو شاورتوني لقلت لكم أن اسمي بس عجبكم لأنو شكلو زي شكل اسم انقلابي شهير، بس ما كان فيه داعي تكتبوا الاسم ثلاثي، يكفي ثنائي بس.. عشان ياخد رونق وهيبه.. (عمر حسن)
ايها المواطنون الثوار الأحرار
بما الانقلاب تم، ولا مناص من التراجع حتى لا (نشرط) عين الذين عملوا الانقلاب، ولكن عليهم أن يعملوا حسابهم أني ما حاديهم فرصة يعملوا علي انقلاب (بعد أن يستتب لي الأمر) واسافر برضو في اجازة الى مدني نهاية هذا الشهر، أصلي جني وجن الانقلابات المضادة، والانقلابات (المحمد نجيبية).. وعشان ما تعملوا كده حأعين جيش من بتاعين الأمن الخاص، يعني انتو ذاتكم بقيتو تحت المجهر..

ايها المواطنون الثوار الأحرار

لقد تجبر وتكبر أعضاء الحكومة السابقة، لذلك قمنا بهذا الانقلاب التصحيحي، لقد وصل في عهدهم سعر البوست الواحد الى ألف ليره تركية، ووصلت قيمة الاشتراك في المنتدى الى عشرة ريالات بعد أن كان ثلاث مليمات لا غير (فيها بارد وعشاء وبوكيه ورد)..

لقد عاث اعضاء الحكومة السابقة فساداً فصاروا يوزعون الألقاب الرسمية على من يشاؤون من المحاسيب، فامتلأت البلد (قصدي المنتدى) بالأعضاء البلاتينيين والماسيين، وتركوا النحاس والحديد لخلق الله المساكين..

لقد ملأ الرئيس السابق جيوبه من الرسائل الخاصة والبوستات الجميلة وجمع في يديه السلطة التشريعية والتنفيذية وكمان القضائية، وترك للدهماء البوستات (الأي كلام)، وترك لبقية اعضاء الحكومة السلطة القضائية والتنفيذية وكمان التشريعية..

أيها الأخوة أعضاء المجلس الانتقالي العالي
شيلو شيلتكم لما الادمن يكتشف الانقلاب ويقوم بسحب كلمات السر منكم، وتقعدوا في الطراوه، اوعوا تكبوا الزوغه وتخلوني (براي).. اصلوا انا بيني وبينكم (بخاف من الضلمّه)!

وانها لثورة حتى النصر

عاصفة .. عاصفة.. عاصفة

هو يا اخوانا البيان مش بصدروا الناطق الرسمي؟

بعد مدهمة الناطق الغير رسمى عمر
وجد متخفى داخل الحمام وبيده حبوب المشير عبد الحكيم عامر ..وقبض قبل ان ينتحر
سيعلق فى الساحه العامه ..ليكن عبر لمن لايعتبر ...

هشام السماني إبراهيم
18-07-2007, 11:32 AM
لو اديتوني كرسي بوريكم مكان المدسين كلهم والعملاء السرين

نزار حسن محمد
18-07-2007, 11:33 AM
بيان رقم 2 جاء ني الاتي تم توجيه ودالبشير لقبض والتحرك بسرعه علي المطلوبين ونفيدكم بان هنالك تعينات سوف تصدر في وقت لاحقاً


الناطق الرسمي باسم الحكومه

قبض على المدعــــــــــــــو ودالطاهر ..وهو يرتدى سروال وفردة سفنجه شمال ويحمل فى كتفيه صنية زلابيه من اجل التضليل .. الان يرقد بسجن شالى وهو يعانى من مغص حاد
سيعدم بالساحه العامه

ود المطامير
18-07-2007, 11:36 AM
انتو الطاقية دي ما بتقدروا تقلبوها

لو سمحتو كلو واحد فيكم ادينا مقاس رقبتو كم .. والداير بالرصاص يسجل بدري عشان الرصاص حبه
أنا غايتو داير كرسى كهربائى
وأكان الكهرباء قطعت ما على .

نزار حسن محمد
18-07-2007, 11:43 AM
شوهد احد المطلوبين يغادر مطار ابو ظبي في طائرة خاص ويحمل عصاه ملتويه تسمي السفروق وقد تم الابلاغ عنه، وسوف يكون في انتظاره بمطار الخرطوم اللواء اركان حرب مدنية، وسوف تقوم باجراء اللازم حيال ذلك.
الحارس الامني للمقالين

ودالبشير ..ياخوانا ..جنا ومسك الزلط ..وقال انا جديد فى الحته دى ..واخيرا انفقع بالبكاء وقال انا صغير وما عرسته .. حولت اوراقه الى المفتى العام





..

نزار حسن محمد
18-07-2007, 11:51 AM
ياخوانا نحن الان فى غرفة العمليات ومعى الادمن والعقيد ابو النور والرئد شاكسس والرائد التيمان ...الرائد كبك ...الرائد رسكال ... مازالت القوات تبحث عن المختفين ..لنا عوده
عميد ابوسفروق

التيمان
18-07-2007, 11:57 AM
انحنا معاك يا ريس



ههههههههههههههههههههه

هشام السماني إبراهيم
18-07-2007, 12:01 PM
أنا غايتو داير كرسى كهربائى
وأكان الكهرباء قطعت ما على .



ما بتقطع بس قالو الكهرباء بق زي الموبايل شحن




المختصر



جيب كرتك معاك عشان اشحنو قبل الكهريب

ود المطامير
18-07-2007, 12:03 PM
أوريكم شبارقه متخبى وين ؟؟؟؟

هشام السماني إبراهيم
18-07-2007, 12:08 PM
أوريكم شبارقه متخبى وين ؟؟؟؟




يا قريبك اصبر شايفك عاوز تعترف قبل الضغط اصبر لما يعزبوك شوية

zoolfrda
18-07-2007, 06:16 PM
بسم الله الرحمن الرحيم
في اجتمعاع طارئ لمجلس الادارة في يوم الثلاثاء الموافق 17/7/2007 اصدر البيان التالى
نسبة للظروف الصحية التى يمر بها رئيس المجلس السابق والظروف الصعبة التى تمر بها بعض الوحدات في منتديات ود مدنى والقصور المصاحب لهذه الظروف فقد قرر المجلس الاتى .
1 ــــ حل مجلس الادارة الحالى
2 ـــــ حل مجلس المشرفين الحالى
3 ــــ اعفاء رئيس المجلس السابق ونائبه من المجلس
4 ــــ اعفاء الضباط الثلاثة من مناصبهم وتحويلهم للصالح العام
5 ــــ تعيين المشير / عمر حسن غلام الله رئيسا للمجلس المؤقت
6 ــــ تعيين عميد طيار / مهيرة نائبا للرئيس للمجلس المؤقت
7 ــــ تعيين اللواء اركان حرب / مدنية رئيسا لمجلس الاشراف المؤقت
8 ــــ تعيين الرائد / صلاح الطاهر ناطقا رسميا باسم المجلس المؤقت
9 ــــ تعيين الرائد / ود البشير حارسا امنيا للمقالين ووضعهم تحت الاقامة الجبرية
8 ــــ يظل المشرفين الحاليين في مناصبهم لتصريف الاعمال حتى اصدار قرار من المجلس المؤقت

والسلام عليكم ورحمة الله وبركاته

صدر تحت توقيعى
فريق ركن / ابو الله جابـــــو
عضو المجلس المؤقت
18/7/ 2007


بيان أهم من حامين أمن المنتدى

تم وبحمد الله السيطرة التامة على الموقف ... وتم إيقاف وإنذار كل من اشترك في هذا العمل التخريبي

والقائمة لدينا تطول

مدنيّة
18-07-2007, 10:46 PM
هووووووووووووووي ياناس الانقلاب المنسب اللي ادتوني ليه دا ماعايزاه:mad:

اها شفتوا حكومتنا قوية كيف وكل السلطات في يدها
توقف العايزاه وتخلي العايزاه :cool:

وتيت تيت حكومتنا حديد


همسة : عاد يا 114 البيان ماعندك لكن :D

معتز الريح
18-07-2007, 11:08 PM
يا اخوانا شوفو لينا حل ..
نربي الدقن ولا نحلقها ..
ما تجهجهونا ؟؟؟

ود ام تريبات
19-07-2007, 12:05 AM
بيان هام من قطاع الناس العاديين جداً :

بسم الله ثم بسم الناس كلهم بدون فرز

بعد ان ظلت الجماهير تراقب طوال ال 48ساعة الماضية هذا الهرج والمرج واللغط والغلط بصبر يحدوه الامل في تعديل هذا الوضع ( المائل ) إلا ان قوى الظلام لا زالت تتخبط في ماهو غير منطقي !!

اولاً :
تطالب الجماهير باطلاق صراح كل الشرفاء والشرفاء فقط !

ثانياً :
الجماهير تؤيد التغيير المستند الى الشرعية الجماهيرية ( ما الجماهيرية الليبية لانها بتاعت شماااارات ).

ثالثاً :

لا تزال كل القوى الثورية تتمترس على خندق المعارضة ( عشان الفنادق والهملة )

رابعاً :

لن تفلت الافعى وان حشدت اصاطين الجحيم وحصنت اوكارها

فالثورة الشعبيةالكبرىاضرمت فوق المآذن نارها

عمر البشير
19-07-2007, 01:40 AM
هووووووووووووووي ياناس الانقلاب المنسب اللي ادتوني ليه دا ماعايزاه:mad:

اها شفتوا حكومتنا قوية كيف وكل السلطات في يدها
توقف العايزاه وتخلي العايزاه :cool:

وتيت تيت حكومتنا حديد


همسة : عاد يا 114 البيان ماعندك لكن :D



يا مدنية تعملي العمله وتزوقي، يعني نموت ليكم برانه كده، والمشانق المعلقه ده عملنها لي منو، اها انا بختار الرمي بالرصاص، عشان نشوف المشانق دي علقوها ساي ولا بكوسو ناسها. وبعدين نحنا صغار المساهمين، يعني قبضوا علي الصغار وخلو الهوامير لافين.

مدنيّة
19-07-2007, 01:44 AM
هي ياود البشير بركة الاطلقوا سراحك ، عقبال ود الطاهر وعمك ابوشوارب :D

نسيحة مجانية مني ليك :
في حالات الانقلاب خليك قريب ومتابع وشوف الرياح بترسي علي وين وارمي شبكتك
ان شاء الله وقع ليك ;)

عمر البشير
19-07-2007, 02:36 AM
هي ياود البشير بركة الاطلقوا سراحك ، عقبال ود الطاهر وعمك ابوشوارب :D

نسيحة مجانية مني ليك :
في حالات الانقلاب خليك قريب ومتابع وشوف الرياح بترسي علي وين وارمي شبكتك
ان شاء الله وقع ليك ;)




نصيحتك مقبوله، بس لكن انا ما غشوني قالو لي تقبض الناس واول واحد انقبض هو انا يعني بدل ارمي رموني، غايتو الواحد كان عمل ليهو حركه شويه ادمن (ابو كبيره)ما يخليو، بس بعدين خلونا نحسب عشان ما نموت ليكم ساي.وقالو(الشكيه لي ابوايدا قويه)

صلاح ودالطاهر
19-07-2007, 03:08 AM
يا قريبك اصبر شايفك عاوز تعترف قبل الضغط اصبر لما يعزبوك شوية



لا يغرنكم كلام من قال انهم سيطروا علي الاوضاع لا زالت الاوضاع تحت يدنا ونحن لها وهذه الكتيبه التي يعتمد عليها ابوسفروق تم السيطره عليها والان جاري البحث عنابوسفروق لانهو معهومفاتيح البنك المركزي كما يمكننا اختراق جميع الاجهزه الامنية وهذا هي كما عودتنا دائما الجرائد الحكومية بحباط المحاوله وذالك غير صحيح ولازالت الاوضاع تحت سيطرتنا وهم يستخدمون جهاز التحكم المركزي ونحن سوف نسعي للسيطره عليه ] فرفرة الموت كما يقولون ودمتم [الناطق الرسمي باسم المجلس الانتقالي
مشاققه
سوف نوافيكم بتكوين الحكومه فترقبوا
[http://sudanson.com/alslamalwatany.mp3[/url

مدنيّة
19-07-2007, 03:16 AM
هي ياود الطاهر اللنك دا خاتيه هنا لشنووو ؟؟:eek:


ولا دا في اتار الانقلاب !!!:D

مدنيّة
19-07-2007, 03:17 AM
شايفاك عدلته سرعة سرعة:D

صلاح ودالطاهر
19-07-2007, 03:23 AM
يا اخوانا شوفو لينا حل ..
نربي الدقن ولا نحلقها ..
ما تجهجهونا ؟؟؟


نحن صامدون ولن نتحرك كما وعدناكم بوزارة الخارجيه

مشاققه
نشكر اتصالكم ونحن علي حسب وعدنا بس لابد ان يكون الجوال برفقتكم وليس كما فعل صاحبنا فلان

صلاح ودالطاهر
19-07-2007, 03:26 AM
شايفاك عدلته سرعة سرعة:D





رفيقة الدرب والكفاح المسلح نحن وعدنكم باننا هنا وليس هنالك حيث الكهرباء المقطوعه وسوف نوافيكم بالصور التي تثبت القبض علي ابوسفروق ونحن نعلم باجتماع غدا وشراب الشاي مع الزلابيه المدنكله في منزل ود حمدتو كما افادت مصادرنا السرية

مختار بازى
19-07-2007, 03:30 AM
الحاصل شنو يا اخوانا ورونا عشان نشوف نحنا مع منو فيكم

عمر البشير
19-07-2007, 03:32 AM
يا ود الطاهر دي نسميها شنو فرفرت مضبوح ولا شنو الحاصل، اها منصبنا اديتوه لي منو تاني عشان تورطو اقوم من النوم يلقي نفسو نايم في السجن زينا. الله يكون في العون.

صلاح ودالطاهر
19-07-2007, 03:50 AM
نحن جند الله جند الوطن (http://sudanson.com/alslamalwatany.mp3)



ايها المواطنون الشرفاء لقد تم القبض علي واحد تاني ويحمل الرقم 207038 وهو عميل سري من الحيكومه واراد افشال المحاوله الانقلابيه والدليل علي ذالك مشاركته الوحيده وهو انزال الموسيقي ولقد قامت فرقه مكونه من عدد كبير من العمداء والرواد من مهجمة سجن شالي واطلاق الرائد ودالبشير الذي وجده في حالة غسيل مخ من قبل ابوسفروق وتمت اعادت برمجته مره اخري وسوف يفيدكم بما فعلوه به داخل معتقلهم الهالك من انعدام الماء والكهرباء
ووسوف نوافيكم بكل جديد
الناطق الرسمي باسم المجلس

صلاح ودالطاهر
19-07-2007, 04:02 AM
الدليل علي هروب ابوسفروق ورفيقه والدليل من الذين احتموا بهم
http://wadmadani.com/vb/showpost.php?p=207211&postcount=103

صلاح ودالطاهر
19-07-2007, 04:08 AM
بيان أهم من حامين أمن المنتدى

تم وبحمد الله السيطرة التامة على الموقف ... وتم إيقاف وإنذار كل من اشترك في هذا العمل التخريبي

والقائمة لدينا تطول


تمت سيطرتنا كامله الدليل هو كرسيك الذي يتلولح وهو فاضي وزبابتك التي تدل علي المعارك الشرسه

مشاققه
اعددنا لك منصبا علي حسب التفاق المبرم بيننا
اكبر دليل علي هروب ابوسفروق ورفيقه
http://wadmadani.com/vb/showpost.php?p=207211&postcount=103 (http://wadmadani.com/vb/showpost.php?p=207211&postcount=103)

عمر البشير
19-07-2007, 04:16 AM
ايها المواطنون الشرفاء لقد تم القبض علي واحد تاني ويحمل الرقم 207038 وهو عميل سري من الحيكومه واراد افشال المحاوله الانقلابيه والدليل علي ذالك مشاركته الوحيده وهو انزال الموسيقي ولقد قامت فرقه مكونه من عدد كبير من العمداء والرواد من مهجمة سجن شالي واطلاق الرائد ودالبشير الذي وجده في حالة غسيل مخ من قبل ابوسفروق وتمت اعادت برمجته مره اخري وسوف يفيدكم بما فعلوه به داخل معتقلهم الهالك من انعدام الماء والكهرباء
ووسوف نوافيكم بكل جديد
الناطق الرسمي باسم المجلس

الظاهر عليك يا ود الطاهر ماسك علي زمام الامور بس انا اعفاني من الشفتو في السجن ده شيتا اهول، احكيلكم كلام انا فيه ما بتقول، قايم الصباح وانا في السجن اتجول،ما عارف الحصل وكلامي ثابت عليه وما بتحول.وفجاء قالولي رحوع مطلوق صراحك وفي المنتدي اتجول.

عمر البشير
19-07-2007, 05:25 AM
طبعا كلمت اعفيني هذه لزوم التضليل وتمام سيادتك لقت تم تصوير كل السجون الوهميه للقوات الحكوميه وذهبنا علي حسب الاسطلاعت التي كانت في الرابط فيما يخص ابوسفروق ورفيقه ووجدنهما خايضين في مياه الخريف التي لم تستطيع البلديه في الحيكومه السابقه علي فتح المجاري ومازال البحث جاري عن الذي ترك كرسيه يتلولح امام وخلف ..........

نزار حسن محمد
20-07-2007, 04:41 AM
بيان ..هام
http://sudanson.com/alslamalwatany.mp3
*******
انى ارى رؤساً قد اينعت وحان قطافها وانى لقاطفها ...
اعلان العفو العام من سعادة الفريق الادمن رئيس مجلس الحكومه لكل المرتزقه والمارغين
بقلب رب الاسره وعميد العائله عفونا عن المارغين والمتسلقين طالبى الجاه والسلطه ...
على ان يسلمو انفسهم ويقرو بذنبهم خلال 48 ساعه من تاريخه...
وإلا سيجدون ما لايحمد عقباه ونوصى كل الاعضاء باخلاء النفاج خلال الساعات القليله القادمه..حيث ستكون هنالك عمليات اباده بالمدفعيه الثقيله والكيماؤى شبيها بما جرى فى معركتنا فى قريه ((حلبجه))

وان عدتم عدنــــــــــــــــــــــــــــــــــــــا...

صدر تحت توقيعى
قائد القوات الجويه والبريه والبحريه
عقيد اركن حرب
ابوسفروق

http://sudanson.com/alslamalwatany.mp3












9

عمر البشير
20-07-2007, 07:58 AM
يا ابو سفرووق بعد تحصل القصر فاضي تقوم تجي بي دباباتك ده كلام شنو ولا ذي ما قالو الحرب خدعه.
يعني اليوم ود الطاهر عشان ما موجود تجي وتحتل القصر.

تخريمه
غاب ابو شنب ولعب او ضنب ههههههههههه

صالح ابوشوارب
20-07-2007, 11:44 PM
ايها الاحرار
يا اعضاء شعبنا
انتظروا البيان الهام من المجلس الانتقالى بعد ان تكشفت المؤامرة الاخيرة

عضو المجلس ابو شوارب



http://sudanson.com/alslamalwatany.mp3

رضا حسن محمد
21-07-2007, 12:41 AM
يا ااخوانا دى بيان ولا موجات صوتية حقة مرة حامل (altrasound)

عمر البشير
21-07-2007, 02:39 AM
يا ااخوانا دى بيان ولا موجات صوتية حقة مرة حامل (altrasound)

ياخوي يا رضا الفلسفة حقتك دي خلينا منها، انتظر القرار حق ابو شوارب وبعدين بنعرف كان موجات صوتيه ولا كهرومغنطيسية؟.

صالح ابوشوارب
21-07-2007, 02:57 AM
بيان رئاسي رقم 2أ /7ب /2007
اولا : ــــ
بعد الثورة التصحيحية التى قمنا بها فقام الرئيس المخلوع وزبانيته باستعمال أسلحة ممنوعة حتى يعودوا (مفتكرين الكراسي حتكون طول العمر ) وعليه فقد قمنا برفع الامر الى مجلس الامن و المجتمع الدولى ( طبعا امريكا بس ) .. وبعد ان شرحنا لها الظروف التى قامت من اجلها الثورة وقبولنا الشروط التى أملتها علينا وهي ان نقاطع اسرائيل ونفتح الحدود العربية .
فقد تم انزار الرئيس المخلوع .. وتهديده بان اسمه وزلابيته سوف يدرج مع الارهاربيين ولذلك تراجع الرئيس المخلوع واختفي وزلابيته من غير ان يتركوا اثرا

ثانيا :قبول استقالة الرئيس المؤقت المشير / عمر حسن غلام الله (تحت تحت طبعا هو ما استقال لكن مهمته انتهت لانو محبوب لدى ناس المنتدى لذلك عملناهو رئيس ذى ما قال ليكم لانو هو سياسي بارع )

ثالثا :
ترقية نفسي ورفع الرتبة الى رتبة مشير وتعيين نفسي رئيسا للمجلس (الفي ايدو القلم ما بيكتب نفسو شقى )

رابعا :
تعيين المشير معاش / عمر غلام الله سفيرا لدى احدى دول البترول وهي دولة فريق الحلبة (اشبع ياريس موز ومنقه مزوبرة سااااى )
خامسا :
حيث ان اللواء اركان حرب مدنية كانت سوف تقوم بانقلاب يوم 17/7/2007 قبل انقلابنا التصحيحى وباعتراف منها عندما طلبنا منها التعاون معنا لكى تستولى على الاذاعة وتبث الموسيقي العسكرية فتخاذلت ( عملت فيها رايحه ) فقد قررنا بحقها الآتى
أ ـــ فصل اللواء اركان حرب مدنية من الخدمة وتجريدها من الرتب العليا وتركها برتبة جندى
ب ــ تحويلها الى السجن النسائي قسم (عمل الجوراى ) (وهو نوع من القراصة الناشفة للمساجين ) (خلى الرئيس المخلوع ينفعك )

سادسا :
فصل نائب الرئيس المؤقت عميد طيار / مهيرة ونفيها الى جزيرة في عمان ( ياحليلك يا مهيرة الحكومة انقلبت ورجعت تانى وانت ما جايبه خبر )
سابعا :
ترقية الرائد / صلاح مطر ( اقصد الطاهر ) الى رتبة لواء وتعيينه نائب للرئيس ابو شوارب

ثامنا :
يتم تعيين المستشار شبارقة رئيسا للمحكمة العسكرية التى سوف يشكلها لمحاكمة المسئولين (بالله يا شبارقة ما تحاكم اى واحد فيهم لانو لو حاكمتهم بيجى يوم واحد ينط فيها ويحاكمنا عشان كدى اعمل نايم وقول عفا الله عما سلف )
ترقبوا بيانات اخرى فيها مطاردات للفئة الضالة وتعيين حكومة
والسلام عليكم ورحمة الله وبركاته
المشير ابو شوارب

عمر البشير
21-07-2007, 03:04 AM
ده الكلام كدي القرارات ولا بلاش المهم السجن كسرو عشان تاني ما يخوتنا فيه، وعشان ذاتو نقدر ننوم ونحنا مطمئنين شويه، ما الواحد يقوم من النوم يلقي نفسو في السجن.
يا ريس شنو انت نسيتنا ولا شنو الحاصل نحنا لسا في رتبتنا القديمه زودونا ان شاء الله نجيمه.

مدنيّة
21-07-2007, 03:12 AM
وحاة الله يا ابوشوارب ضحكتني جنس ضحك

غايتو الانقلابات عندكم

:D :D :D :D :D

عمر البشير
21-07-2007, 03:14 AM
وحاة الله يا ابوشوارب ضحكتني جنس ضحك

غايتو الانقلابات عندكم

:D :D :D :D :D



هوي يا جندي كدي اعملي تباه بعدين اتكلمي مع حضرة المشير ابو شوارب.

تخريمه.......
ما في احترام للرتب ولا شنو

مدنيّة
21-07-2007, 03:23 AM
هوي يا جندي كدي اعملي تباه بعدين اتكلمي مع حضرة المشير ابو شوارب.

تخريمه.......
ما في احترام للرتب ولا شنو

ود البشير ياخوي اعمل حسابك :mad:









تااااااااااني عايز تدخل السجن ولا شنووو:D

عمر البشير
21-07-2007, 03:46 AM
ود البشير ياخوي اعمل حسابك :mad:









تااااااااااني عايز تدخل السجن ولا شنووو:D



وين ده بعدكم تاني. انتو ما خلاص زمانكم فات وغنايكم مات. هو رئيسكم زاتو هرب تاني منو البقبضنا. هههههههههههههههههههههه

صالح ابوشوارب
21-07-2007, 03:46 AM
بيان رئاسي رقم 3 أ /7ب /2007

اولا :
يتم ترقية الرائد / ود البشير الى رتبة مقدم

ثانيا :
تتحرك قوة عسكرية قوامها 20 جندى ومعها عشرة رقشات بقيادة المقدم / ود البشير من كبرى حجة عشة متجه الى حى بانت وذلك لقبض الرئيس المخلوع ومحاكمته وتوجيه اتهام توريس المنتدى لابنه الكبير ( عامل فيها ديقراطى )
ثالثا :

تعيين السيد / ود ام تريبات بالقوات المسلحة ومنحة رتبة عقيد
رابعا :

تتحرك قوة قوامها خمسون جندى من خور ابو شنب بقيادة / العقيد ود ام تريبات متجهة الى كل من قرية ود الشافعى وقرية درويش وبركات للقبض على نزار كوف والتعليمات تنص على تفتيش كمبو بركات خاصة (لانو نزار كوف دايما متواجد في الكمبو)

ترقبوا
ابوشوارب

عمر البشير
21-07-2007, 03:50 AM
اها يا مدنية اعملي حسابك ولا اول حاجه القوه العندي ده بصل بيها الي مقركم وتاني بتحرك لادا المهمه الموكله لي. ولا رايك شنو

114
21-07-2007, 04:03 AM
كدي نشوف نهاية دبابات الآدمن!!

ما تخاف يا شبارقه، دبابات الأدمن من ورق، وقيل من مادة أثيرية غير ملموسة..

114
21-07-2007, 04:07 AM
لو سمحتو كلو واحد فيكم ادينا مقاس رقبتو كم .. والداير بالرصاص يسجل بدري عشان الرصاص حبه

انا معاهم؟ انا معاهم؟

114
21-07-2007, 04:14 AM
وانا مع الحكومة القديمة ومن المؤيدين ليها ادامها الله وحفظها


يا doom99

نحن زاتنا ما الحكومة القديمة.. بل عملنا ثورة تصحيحية، يعني ما (شلنا) الرئيس، بس صححناهو..

صلاح ودالطاهر
21-07-2007, 04:26 AM
بصفتي نائب رئيس المجلس والناطق الرسمي تم ارسال القوات علي حسب التعليمات وجاءتني الاشاره الاتيه
1/ اشاره رقم 101 من المقدم ودالبشير تفيد وجود الادمن في وحل من الطين يمد رجل قدام ورجل وراء وهذا اكبر دليل علي فشل الحيكومه السابقة في الاستعداد المبكر للخريف مما ادي الي قفل جميع مجاري المياه وتراكم جيوش من البعوض علي الرئيس المخلوع ويحله الحله بله من الملاريا
2/ وتفيد الاشاره بان المدعو نزار كوف والملقب بي البوسروق كيماوي شوهد وسط الدرادر يحاول جمع فلول القوات المهزومه وكانت حاجه نعومه العكليته تغني اغاني الحماسه للقوات المجلس ووصلتني هذه المقاطع من غنياتها

غنيت بالعديل للعيال النفاج 00 البيلفو الضعيف ويلحقو الضايق
جنيات النفاج الليله تنتر00 ويابو سفروق والادمن قول للجدادك كر
قرار وزاري الاتي نصه :-
1/ تعين ودالمطامير النائب الثاني للرئيس المجلس ومنحه رتبة لواء
2/ تعين رضا ودحسن وزير للقوه والتحدي
3/ تعين المقدم ركن ودالبشير وزيرا للدفاع والطيران ارضي جوي
4/ / تعين الرائد مختار بازي نائبا لوزيرا للدفاع وحاكم لاقليم النفاج
5/ العقيد ركن ودام تريبات وزيرا للثقافه ومفتشا عاما عن اموال الشعب المنتداوي
6/ الرائد ركن ابوعُلا وزيرا للشئون المنتديات وخاصه منتدا نواعم
وسوف نوافيكم باعضاء الحكومه الانتقاليه
صدر تحت توقيع

114
21-07-2007, 04:56 AM
بعد مدهمة الناطق الغير رسمى عمر

الحمد لله انا ما الناطق الغير رسمي ولا الناطق الرسمي..

انا بس الرئيس يا نزار، يعني ما انا الدخلت الحمام ومعاي حبوب عبد الحكيم عامر.. ثم تاني زاتو نحن ما عندنا حمام في بيتنا، بنتبرد في الترعة..

مختار بازى
21-07-2007, 05:11 AM
الله اكبر ولا نامت اعين الجبنا


يلا يا منو هوي احسن تضايروا خلاص انا ما بعرف الضر ب التحت تحت داك بضرب تحت الحزام علي طول
رائد ركن مختـ بازي ــــــــــــــــــار

رضا حسن محمد
21-07-2007, 05:14 AM
ابدا لحكم الفرد لا
بالدم لحكم الفرد لا
تحيا الديمقراطيه كم
نفديك يا مستقبلا

رضا حسن محمد
21-07-2007, 05:15 AM
قيادة سيادة حرية
مكان الفرد تتقدم قيادتنا الجماعية
مكان السجن مستشفى
مكان المنفى كلية
مكان الطلقة عصفورة
تحلق حول نافورة
وتمازح شفع الروضة

رضا حسن محمد
21-07-2007, 05:19 AM
ابيت الكلام المغتغت وفاضى وخمج
رجع لك قليبى المبشتن يفتش معاك حروف الغناوى العصية
اقول السكاكر رمتنا وابتنا وكفانا كضب
اقول البنات المفتح صدورن
يقالدن رشاشك ويخلن حبيبن كضب
اقول العساكر تبارى الكبارى
وتفتش قلوب الصغار الشلوخن هوية

رضا حسن محمد
21-07-2007, 05:21 AM
حرب لا لا لا
كبرى اسبتالا
صالة للثقافة
تسرح الغزالة
جنبها الزرافة
بتمن طبنجة
احسن الكمنجة
احلى شتل منقة
احسن الحليب

مهيرة
21-07-2007, 05:43 AM
[QUOTE=صالح ابوشوارب;208367][CENTER]بيان رئاسي رقم 2أ /7ب /2007
اولا : ــــ
بعد الثورة التصحيحية التى قمنا بها فقام الرئيس المخلوع وزبانيته باستعمال أسلحة ممنوعة حتى يعودوا (مفتكرين الكراسي حتكون طول العمر ) وعليه فقد قمنا برفع الامر الى مجلس الامن و المجتمع الدولى ( طبعا امريكا بس ) .. وبعد ان شرحنا لها الظروف التى قامت من اجلها الثورة وقبولنا الشروط التى أملتها علينا وهي ان نقاطع اسرائيل ونفتح الحدود العربية .


ثانيا :قبول استقالة الرئيس المؤقت المشير / عمر حسن غلام الله (تحت تحت طبعا هو ما استقال لكن مهمته انتهت لانو محبوب لدى ناس المنتدى لذلك عملناهو رئيس ذى ما قال ليكم لانو هو سياسي بارع )


[SIZE="6"][COLOR="RoyalBlue"]استاهل قلت ليهو حوَل في حسابي في ماليزيا مليار دولار قال لي أصبري شوية .. عجبني ليك :D
ثالثا :
ترقية نفسي ورفع الرتبة الى رتبة مشير وتعيين نفسي رئيسا للمجلس (الفي ايدو القلم ما بيكتب نفسو شقى )

ولو ماسوَيت كده تكون ما أبو شوارب :D :D

رابعا :

حيث ان اللواء اركان حرب مدنية كانت سوف تقوم بانقلاب يوم 17/7/2007 قبل انقلابنا التصحيحى وباعتراف منها عندما طلبنا منها التعاون معنا لكى تستولى على الاذاعة وتبث الموسيقي العسكرية فتخاذلت ( عملت فيها رايحه ) فقد قررنا بحقها الآتى
أ ـــ فصل اللواء اركان حرب مدنية من الخدمة وتجريدها من الرتب العليا وتركها برتبة جندى
ب ــ تحويلها الى السجن النسائي قسم (عمل الجوراى ) (وهو نوع من القراصة الناشفة للمساجين ) (خلى الرئيس المخلوع ينفعك )

:D هههههههههههههههههههههههههههههه :D خبر داير ليهو ضبيحة :D

سادسا :
فصل نائب الرئيس المؤقت عميد طيار / مهيرة ونفيها الى جزيرة في عمان ( ياحليلك يا مهيرة الحكومة انقلبت ورجعت تانى وانت ما جايبه خبر )

يطرشني ماسمعت الا اول البارح جابو لي الخبر ضباط متسلقين في كل الحكومات وآخر تحية وانضباط ومعاهم 3 خرفان وبوكس هايلكس جديد قالوا لي لزوم خدمات الأسرة .. شفتوا النفاق ده كيف !!!

صلاح ودالطاهر
21-07-2007, 11:23 PM
سوف نزيع عليكم بعد قليل التشكيل الوزاري فترقبوا

مدنيّة
21-07-2007, 11:29 PM
يعني يامهيرة بتضحكي فيني بعد ما جردوني من رتبتي !!:mad:
ثمح اصبري لي:mad:







بركة انتي زااااااااتك الفصلوك:D

مدنيّة
21-07-2007, 11:31 PM
سوف نزيع عليكم بعد قليل التشكيل الوزاري فترقبوا

وحاة الله يا ود الطاهر
خليتوني احلم بالانقلابات
والطيارات وحريق خليه سااااااااااااي



























































اها النبي فيكم مي شان الحلم اللي حلمته امبارح دا وقطع لي نومي بصوت الرصاص
ادوني اي حاجة معاكم
ماعايزة وزارة كااااااااااااملة
خلوني وكيل وزارة وحاة الله برضي بيها :D

صلاح ودالطاهر
21-07-2007, 11:52 PM
1/ تعين ودالمطامير النائب الثاني للرئيس المجلس ومنحه رتبة لواء
2/ تعين لواء ركن سوباوي رئيساً للوزراه وحاكم مكلف لاقليم المنتدي الثقافي
3/ تعين لواء رضا ودحسن وزير للقوه والتحدي وحاكما مكلف لاقليم منتدي مدنيات
4/ تعين المقدم ركن ودالبشير وزيرا للدفاع والطيران ارضي جوي
5/ / تعين الرائد مختار بازي نائبا لوزيرا للدفاع و نائب حاكم لاقليم النفاج
6/ العقيد ركن ودام تريبات وزيرا للثقافه ومفتشا عاما عن اموال الشعب المنتداوي
7/ الرائد ركن ابوعُلا وزيرا للشئون المنتديات وخاصه منتدا نواعم
8/ الرائد ركن ابوياسر وزير للشئون الاجتماعيه حاكم مكلف لمنتدي المقترحات والمناسبات
9/ الرائد ركن محاسب الوجيه معتز ودالريح وزيراً للخارجيه وحاكم مكلف لاقليم المنتدي العام
10/ الرائد ركن المكاشفي وزير شئون المغتربين وحاكم مكلف لاقليم منتدي النفاج
11/ الرائد ركن حقوقي شبارقه وزير دوله للعدل في النفاج
12/ الرائد ركن حقوقي عوض صغير وزير العدل والقوانين المنتدياتيه
13/ النقيب ابورجاء وزير دوله بالخارجية وكبير المفوضين للتفاوض مع دولة فريق الطمله
والحلبه لتسليم الرئيس المخلوع وابوسفروق
14/ النقيب حقوقي ابوشوتال وزيرا للثروه الرعويه
15/ نقيب شماراتي غيداء نورالدين وزيرا وحاكما لاقليم الالعاب
صدر تحت توقيع / المشير ابوشوارب
الناطق الرسمي باسم المجلس

عمر البشير
21-07-2007, 11:57 PM
اها النبي فيكم مي شان الحلم اللي حلمته امبارح دا وقطع لي نومي بصوت الرصاص
ادوني اي حاجة معاكم
ماعايزة وزارة كااااااااااااملة
خلوني وكيل وزارة وحاة الله برضي بيها :d
[/color][/size][/font][/quote]

مدنية انت تابيها مملحه تفتشي ليها قروض.

معتز الريح
22-07-2007, 12:03 AM
سابعا :
ترقية الرائد / صلاح مطر ( اقصد الطاهر ) الى رتبة لواء وتعيينه نائب للرئيس ابو شوارب


والله يا ود الطاهر بعد الغلطة دي حقو تحرد الإنقلاب ده

معتز الريح
22-07-2007, 12:13 AM
1/9/ الرائد ركن محاسب الوجيه معتز ودالريح وزيراً للخارجيه وحاكم مكلف لاقليم المنتدي العام

تمام سعادتك ..
أجي أحلف متين؟ .. ولا بدون حليفة؟ ..

مدنيّة
22-07-2007, 12:32 AM
اها النبي فيكم مي شان الحلم اللي حلمته امبارح دا وقطع لي نومي بصوت الرصاص
ادوني اي حاجة معاكم
ماعايزة وزارة كااااااااااااملة
خلوني وكيل وزارة وحاة الله برضي بيها :d
[/color][/size][/font]

مدنية انت تابيها مملحه تفتشي ليها قروض.[/QUOTE]

هي ما لقيت في وزارات بتتوزع قلت النلحق لي اي حاجة في سكتكم





همسة : السجن الاخير كان كيف بالله ؟؟

ود ام تريبات
22-07-2007, 12:33 AM
تقرير عن سير الاداء في الفترة الفاتت

اولاً بعد التحقيق والمتابعة الشديدة ( مان تو مان ) تم القبض على المدعو ( ر.ح ) بعد مسح ميداني لكل الكنابي الجمب بركات وكل الكنابي الفرعية التانية وبتعاون من الشباب البالم مرتااااااااااح والسيدات بإعات الفرح المعباء في القوارير والاكياس تم القبض على ذلك الفار من العدالة وايداعة ( بالصراف الآلي ) سجن كوبر القالوا كسروه ده .

ثانياً :

بالنسبة لاموال الناس ( ماااااااال الناس كنااااااس ) الماكولة الضحى الاعلى دي .. الناس ديل هربوها الى الخارج بس ما بعيد بنجيبها ..
بعدين الناس ديل بالمناسبة قسموا الكاش ده ساااااااااااي اي زول جر شعبتو وشال ليه كوم مرارة .. لكن ابناء الثورة الصادقين سيردوا تلك الخرفان اقصد الاموال الى حظيرة الوطن !!!

دمتم ودام ابناء الثورة خنجراً في وجه كل ضال عن الطريق العديييييييييييل

مدنيّة
22-07-2007, 12:36 AM
تمام سعادتك ..
أجي أحلف متين؟ .. ولا بدون حليفة؟ ..

حليفة شنو ياود الريح
ابقي داخل لجوة بس :D

هشام السماني إبراهيم
22-07-2007, 12:51 AM
شنو ياجماعة نسيتوني شوفو لي اي حاجة في طريقكم انشاء الله سواق لي مدنية :D :D











تخريمة :

بعد تعين مدنية طبعا;)

صلاح ودالطاهر
22-07-2007, 01:32 AM
تقرير عن سير الاداء في الفترة الفاتت

اولاً بعد التحقيق والمتابعة الشديدة ( مان تو مان ) تم القبض على المدعو ( ر.ح ) بعد مسح ميداني لكل الكنابي الجمب بركات وكل الكنابي الفرعية التانية وبتعاون من الشباب البالم مرتااااااااااح والسيدات بإعات الفرح المعباء في القوارير والاكياس تم القبض على ذلك الفار من العدالة وايداعة ( بالصراف الآلي ) سجن كوبر القالوا كسروه ده .

ثانياً :

بالنسبة لاموال الناس ( ماااااااال الناس كنااااااس ) الماكولة الضحى الاعلى دي .. الناس ديل هربوها الى الخارج بس ما بعيد بنجيبها ..
بعدين الناس ديل بالمناسبة قسموا الكاش ده ساااااااااااي اي زول جر شعبتو وشال ليه كوم مرارة .. لكن ابناء الثورة الصادقين سيردوا تلك الخرفان اقصد الاموال الى حظيرة الوطن !!!

دمتم ودام ابناء الثورة خنجراً في وجه كل ضال عن الطريق العديييييييييييل

عشان كده تمت ترقيتك الي لواء اها المقدم وزير الدفاع بس عاجبوه الرتبه ذي زولك العقيد ماعائز يزيد

سوباوي
22-07-2007, 02:13 AM
إلى السادة قيادات حيكومة الحركة التصحيحية ومن مقام رئاستنا في الوزارة وتكليفنا

بالإقليم الثقافي .. ندفر مارشات من التحايا ومجنزرات من التقدير تنسف متاريس الأرض

وتضاير كتايب الضوء .. آها حملة الشوق والتحايا والتقدير دي بنزحف بيها قصاد

حيكومتنا وكل الملتفين حولها والمؤيدين ونخندق جوة قلوبهم .. ونشوف المنتفعين

النحنا عارفنوهم والمتسلقين .. لكن دي حيكومة ملساء تتسلق تتزحلق طوالي ..

وحيكومة يدها طرشة تلم في المتزحلقين ديل تهجرهم تحت يدها عمر وخمسة مواسم

صيف .. هذا من جهة أولى ..

و من جهة ثانية، لا يهدف المقال الى الانخراط في المساجلات السياسية و الأيديولوجية و

الحزبية المتنامية في الأثير الإلكتروني السوداني في اعقاب هذه الأزمة، إنما هدفه إبداء

بعض الملاحظات و الاستنتاجات الأولية حول التداعيات و الإنعكاسات المترتبة على هذه

المحاولة الانقلابية التي جاءت لتخلط المنتديات في ملف تجربة التحول الإسفيري

الديموقراطي التي يعيش هذا المنتدى الأبي منذ حوالي فترة من الزمن، كتجربة ربما

كانت فريدة في السياق الإلكتروني الإسفيري .

آها نجي بعد كده للسناريوهات المحتملة لما بعد العاصفة:

بعد إفشال المحاولة الانقلابية، و استعادة الرئيس المنتخب وبقيادة الجسور

صالح أبو شوارب و حكومته المدنية ((شفتي يا مدنية أخوك من هنا لهنا عاوز يحشر

أسمك في الحكاية دي لأنو الكيكة دي إن لحقت خلصت الرماد كال حماد)) حماد دي

أنا قاصدها ما يجيئ واحد يقولي كمان أنا حماد ده هو أسمي وورد في البيان .. ،

بإمكاننا كوزراء أن نتساءل عن ما ذا بعد؟ و ما العمل؟ و كيف سيكون المستقبل

الأسفيري للمنتدى ؟ و ما هي التطورات المحتملة و الآفاق المنظورة لمرحلة ما

بعد المحاولة الفاشلة من الطقمة السابقة والتي بدأت في فتح أقسام المنتديات من

غير أي دراسة ؟

آها يا ود الطاهر يلا أدينا حقنا الخطاب ده كدي مكرب ولا نقوم نحييد ليك الجماهير

دي ونديهم ليك من نوع .. وحرم دي إن لحقنا قلناها إلا نجيبم ليكم وملتوفاتم في

جيوبهم .. كدي هسة حاسبونا على الخطاب ده لأنو حكومات المنتدى ده ما مضمونة

بكرة واحد يعمل ليهو كم باس ورد ويخت قدام أسمه تلالتة دلبليو كبيرة كده ويقول ليك

حيكومة تصحيح التصحيحية آها نبقى في جنس ده .. آها عشان كده الحساب ولد ..

عمر البشير
22-07-2007, 02:31 AM
هي ما لقيت في





همسة : السجن الاخير كان كيف بالله ؟؟

[/QUOTE]

كان ما معروش المطر صابي علينا بس اصبحت ولكيناهو كسرو


غايتو الواحد يكتب ليه كلمه واحده طوالي يلقي الكلبوش.

صلاح ودالطاهر
22-07-2007, 04:12 AM
إلى السادة قيادات حيكومة الحركة التصحيحية ومن مقام رئاستنا في الوزارة وتكليفنا

بالإقليم الثقافي .. ندفر مارشات من التحايا ومجنزرات من التقدير تنسف متاريس الأرض

وتضاير كتايب الضوء .. آها حملة الشوق والتحايا والتقدير دي بنزحف بيها قصاد

حيكومتنا وكل الملتفين حولها والمؤيدين ونخندق جوة قلوبهم .. ونشوف المنتفعين

النحنا عارفنوهم والمتسلقين .. لكن دي حيكومة ملساء تتسلق تتزحلق طوالي ..

وحيكومة يدها طرشة تلم في المتزحلقين ديل تهجرهم تحت يدها عمر وخمسة مواسم

صيف .. هذا من جهة أولى ..

و من جهة ثانية، لا يهدف المقال الى الانخراط في المساجلات السياسية و الأيديولوجية و

الحزبية المتنامية في الأثير الإلكتروني السوداني في اعقاب هذه الأزمة، إنما هدفه إبداء

بعض الملاحظات و الاستنتاجات الأولية حول التداعيات و الإنعكاسات المترتبة على هذه

المحاولة الانقلابية التي جاءت لتخلط المنتديات في ملف تجربة التحول الإسفيري

الديموقراطي التي يعيش هذا المنتدى الأبي منذ حوالي فترة من الزمن، كتجربة ربما

كانت فريدة في السياق الإلكتروني الإسفيري .

آها نجي بعد كده للسناريوهات المحتملة لما بعد العاصفة:

بعد إفشال المحاولة الانقلابية، و استعادة الرئيس المنتخب وبقيادة الجسور

صالح أبو شوارب و حكومته المدنية ((شفتي يا مدنية أخوك من هنا لهنا عاوز يحشر

أسمك في الحكاية دي لأنو الكيكة دي إن لحقت خلصت الرماد كال حماد)) حماد دي

أنا قاصدها ما يجيئ واحد يقولي كمان أنا حماد ده هو أسمي وورد في البيان .. ،

بإمكاننا كوزراء أن نتساءل عن ما ذا بعد؟ و ما العمل؟ و كيف سيكون المستقبل

الأسفيري للمنتدى ؟ و ما هي التطورات المحتملة و الآفاق المنظورة لمرحلة ما

بعد المحاولة الفاشلة من الطقمة السابقة والتي بدأت في فتح أقسام المنتديات من

غير أي دراسة ؟

آها يا ود الطاهر يلا أدينا حقنا الخطاب ده كدي مكرب ولا نقوم نحييد ليك الجماهير

دي ونديهم ليك من نوع .. وحرم دي إن لحقنا قلناها إلا نجيبم ليكم وملتوفاتم في

جيوبهم .. كدي هسة حاسبونا على الخطاب ده لأنو حكومات المنتدى ده ما مضمونة

بكرة واحد يعمل ليهو كم باس ورد ويخت قدام أسمه تلالتة دلبليو كبيرة كده ويقول ليك

حيكومة تصحيح التصحيحية آها نبقى في جنس ده .. آها عشان كده الحساب ولد ..
وحاتك ياسوباوي كان عارف الكلام ده بطلع منك كان زمان قلبته الحيكومه دي كدي يا مدنيه شوفي رئيس مجلس وزراء المنتديات ده كيف ماشرط للارض تسلم ياريس

مهيرة
22-07-2007, 05:19 AM
تم تكوين معارضة خارج البلاد ولكل من يرغب عليه اللحاق بنا :confused:
عاش الأدمن .. عائد عائد يا أدمن :) سحقا سحقا للخونة :rolleyes:

مطلوب من الأخ (( الفلاني )) تحويل المبالغ إياها لتمويل المعارضة :(
وعلي الضباط الثلاثة والمشرفين والمراقبين العمل في صمت لسحق التمرد
والانقلابيين :cool:

صلاح ودالطاهر
22-07-2007, 05:32 AM
تم تكوين معارضة خارج البلاد ولكل من يرغب عليه اللحاق بنا :confused:
عاش الأدمن .. عائد عائد يا أدمن :) سحقا سحقا للخونة :rolleyes:

مطلوب من الأخ (( الفلاني )) تحويل المبالغ إياها لتمويل المعارضة :(
وعلي الضباط الثلاثة والمشرفين والمراقبين العمل في صمت لسحق التمرد
والانقلابيين :cool:


مهيره تسلمي علي التهاني الحاره وخليكم في سطوح الفنادق خارج حدود دولتنا الابيه ومطلبكم بعودة الرئيس المخلوع هي احلام ظلوت

المكاشفى
22-07-2007, 01:55 PM
1/
10/ الرائد ركن المكاشفي وزير شئون المغتربين وحاكم مكلف لاقليم منتدي النفاج



بسم الله الرحمن الرحيم
الواحد سعيد جدا بالتكليف وانشاء الله يكون
عند حسن الظن .........
يا اخوانى محتاجين لى حليفه ولا فى ثقه
انا عارف الثقه متوفره بس قلت اشوف.
المخصصات كامله طبعا كمان ماتقول
بادى لى عماره يادابك شطبت الارضى
اها يااخوانا المسأله دى نهائيه ولا فيها
سكسيك وجري احسن الكبر دخل ومابنقدر
على الجرى
وانوه للحكومه التصحيحيه والفت انتباهها
للطابور داخل صفوفنا الصندوق اصلو بتفتح
من ناحيتهم وكمان تنظيم المعاشيه مهيره يسير
بخطى حثيثه لابد من ردع التخطيط مع الشراره الاولى

صلاح ودالطاهر
22-07-2007, 09:19 PM
الحق ياوزير العدل مهير ه جابت الادله

صلاح ودالطاهر
22-07-2007, 09:23 PM
بسم الله الرحمن الرحيم
الواحد سعيد جدا بالتكليف وانشاء الله يكون
عند حسن الظن .........
يا اخوانى محتاجين لى حليفه ولا فى ثقه
انا عارف الثقه متوفره بس قلت اشوف.
المخصصات كامله طبعا كمان ماتقول
بادى لى عماره يادابك شطبت الارضى
اها يااخوانا المسأله دى نهائيه ولا فيها
سكسيك وجري احسن الكبر دخل ومابنقدر
على الجرى
وانوه للحكومه التصحيحيه والفت انتباهها
للطابور داخل صفوفنا الصندوق اصلو بتفتح
من ناحيتهم وكمان تنظيم المعاشيه مهيره يسير
بخطى حثيثه لابد من ردع التخطيط مع الشراره الاولى



الرائد ركن كشه حبيب الكل ماتخاف كل الامور تسير علي ما يرام والامن مستتب امس تم الا تصال بابوسفروق وطبعا الحكومه بتعتنا ارسلت له طياره وحاتك من فات مدني قال علي وعلي اعدائي وطلب مني انا امن له مركز مرموق في حكومتنا وانا وعدته بذلك

ود المطامير
23-07-2007, 01:19 AM
هع هع هع
انا النائب التانى
تمام والله وكدا ح أضمن فى المفاوضات لا بيطالبوا بيها ولا بيقلعوا بيتى
يحيا العدل ... يحيا العدل .

114
23-07-2007, 04:16 AM
همسة : عاد يا 114 البيان ماعندك لكن

ده هالتو يا مدنية بيان مستعجل (ما قعدنا ليهو في الواطه وجهبزناه)، اصلو الانقلابيين فاجأوني باتصال هاتفي بحدوث الانقلاب، وخلوني الـ (آخر من يعلم) رغم انهم ختوني الرئيس..

(ده هالتو) دي ما غلطة مطبعية، انا قاصد كده، لاني في اللحظة البكتب فيها المداخلة دي اتذكرت نكتة الحلفاوي القدموه الناس في الصلاة عشان يؤمهم، وبعد الصلاة قالوا ليهو: ما شاء الله يا مولانا.. صلاتك سمحه خلاص، قال ليهم: هالتو دي بلا ودو (وضو).. مع الاعتذار للحلفاويين..
(وجهبزناه) دي برضو ما غلطة مطبعية، ما هي جهزناه، وجهبزناه جايه من جهبوز، يعني حاجه تمام.. مدنكله

114
23-07-2007, 04:48 AM
أوريكم شبارقه متخبى وين ؟؟؟؟

يا doom99 ود المطامير عايز يبقى شاهد ملك وينفد بجلده، كان عايز يزوغ من الاعدام قال عايز الإعدام بالكرسي الكهربائي، وخاتي في بالو قطوعات الكهرباء المستمرة في الخريف ده، وقالوا ليهو جيب معاك شريحتك حقت الكهرباء، لكن القالو ليهو كده ما عارفين انو كان عندك شريحة (الجمرة الخبيثة) واللا عداد عادي في النهاية الكهرباء بتقطع (نظراً للطمي في الخزان، والهواء قطع اسلاك الأبراج الناقلة للكهرباء من سنار)، وهو بيني وبينك خاف الكهرباء ما تقطع لو جاب معاهو شريحتو، فقال احسن يبقى شاهد ملك ويضحي بشبارقه!!

114
23-07-2007, 09:41 AM
انحنا معاك يا ريس

ههههههههههههههههههههه

ياتو ريس يا التيمان؟ الريس المخلوع واللا الريس الخالع الريس المخلوع؟

مختار بازى
23-07-2007, 10:34 AM
.................................................. .................................................. .
.................................................. .................................................. .
.................................................. .................................................. ...
.................................................. .................................................. .....
.................................................. .................................................. .........
.................................................. .................................................. .........


رائد ركن مختـ بازي ـــــــــــــــــــــــــــار

ود المطامير
23-07-2007, 10:55 AM
ما بتقطع بس قالو الكهرباء بق زي الموبايل شحن




المختصر



جيب كرتك معاك عشان اشحنو قبل الكهريب

عاوزين تموتونى بالجمره الخبيثه ؟؟؟؟
هع هع هع

ود المطامير
23-07-2007, 10:59 AM
يا قريبك اصبر شايفك عاوز تعترف قبل الضغط اصبر لما يعزبوك شوية

أنا عندى رأى تانى
عذبوا شبارقه والإعتراف علىّ
موافقين ؟

ود المطامير
23-07-2007, 11:30 AM
يا doom99 ود المطامير عايز يبقى شاهد ملك وينفد بجلده، كان عايز يزوغ من الاعدام قال عايز الإعدام بالكرسي الكهربائي، وخاتي في بالو قطوعات الكهرباء المستمرة في الخريف ده، وقالوا ليهو جيب معاك شريحتك حقت الكهرباء، لكن القالو ليهو كده ما عارفين انو كان عندك شريحة (الجمرة الخبيثة) واللا عداد عادي في النهاية الكهرباء بتقطع (نظراً للطمي في الخزان، والهواء قطع اسلاك الأبراج الناقلة للكهرباء من سنار)، وهو بيني وبينك خاف الكهرباء ما تقطع لو جاب معاهو شريحتو، فقال احسن يبقى شاهد ملك ويضحي بشبارقه!!
هههههههههههههههههههههههههههههه
والله ضحكتنى من القلب .
أنا إخترت الكرسى الكهربائى عشان قطوعات الكهرباء اليومين
دول كتيره وقلت أجيب شبارقه فلو الكهرباء قطعت فى نص الإعدام
بيطلع بعاهه مستديمه .

صلاح ودالطاهر
23-07-2007, 09:18 PM
.................................................. .................................................. .
.................................................. .................................................. .
.................................................. .................................................. ...
.................................................. .................................................. .....
.................................................. .................................................. .........
.................................................. .................................................. .........


رائد ركن مختـ بازي ـــــــــــــــــــــــــــار

شكيت محنك يا ودبازي ده شفره انا فهمتها تمام لكن ماتزعل بس حبيت امزح ولك العتبي حتي ترضي رسالتك وصلت ياودامي

صلاح ودالطاهر
23-07-2007, 09:21 PM
بيان هام تمت تركيت الرائد ركن مختار بازي الي رتبة مقدم ركن وتعينه حاكم مكلف للمنتدا النواعم ونتمني له التوفيق والسداد وارمي قدام موش تقوم تخلينا وره وتنسي شعاراتك

نزار حسن محمد
23-07-2007, 10:11 PM
بيان رئاسي رقم 2أ /7ب /2007
اولا : ــــ
بعد الثورة التصحيحية التى قمنا بها فقام الرئيس المخلوع وزبانيته باستعمال أسلحة ممنوعة حتى يعودوا (مفتكرين الكراسي حتكون طول العمر ) وعليه فقد قمنا برفع الامر الى مجلس الامن و المجتمع الدولى ( طبعا امريكا بس ) .. وبعد ان شرحنا لها الظروف التى قامت من اجلها الثورة وقبولنا الشروط التى أملتها علينا وهي ان نقاطع اسرائيل ونفتح الحدود العربية .
فقد تم انزار الرئيس المخلوع .. وتهديده بان اسمه وزلابيته سوف يدرج مع الارهاربيين ولذلك تراجع الرئيس المخلوع واختفي وزلابيته من غير ان يتركوا اثرا

ثانيا :قبول استقالة الرئيس المؤقت المشير / عمر حسن غلام الله (تحت تحت طبعا هو ما استقال لكن مهمته انتهت لانو محبوب لدى ناس المنتدى لذلك عملناهو رئيس ذى ما قال ليكم لانو هو سياسي بارع )

ثالثا :
ترقية نفسي ورفع الرتبة الى رتبة مشير وتعيين نفسي رئيسا للمجلس (الفي ايدو القلم ما بيكتب نفسو شقى )

رابعا :
تعيين المشير معاش / عمر غلام الله سفيرا لدى احدى دول البترول وهي دولة فريق الحلبة (اشبع ياريس موز ومنقه مزوبرة سااااى )
خامسا :
حيث ان اللواء اركان حرب مدنية كانت سوف تقوم بانقلاب يوم 17/7/2007 قبل انقلابنا التصحيحى وباعتراف منها عندما طلبنا منها التعاون معنا لكى تستولى على الاذاعة وتبث الموسيقي العسكرية فتخاذلت ( عملت فيها رايحه ) فقد قررنا بحقها الآتى
أ ـــ فصل اللواء اركان حرب مدنية من الخدمة وتجريدها من الرتب العليا وتركها برتبة جندى
ب ــ تحويلها الى السجن النسائي قسم (عمل الجوراى ) (وهو نوع من القراصة الناشفة للمساجين ) (خلى الرئيس المخلوع ينفعك )

سادسا :
فصل نائب الرئيس المؤقت عميد طيار / مهيرة ونفيها الى جزيرة في عمان ( ياحليلك يا مهيرة الحكومة انقلبت ورجعت تانى وانت ما جايبه خبر )
سابعا :
ترقية الرائد / صلاح مطر ( اقصد الطاهر ) الى رتبة لواء وتعيينه نائب للرئيس ابو شوارب

ثامنا :
يتم تعيين المستشار شبارقة رئيسا للمحكمة العسكرية التى سوف يشكلها لمحاكمة المسئولين (بالله يا شبارقة ما تحاكم اى واحد فيهم لانو لو حاكمتهم بيجى يوم واحد ينط فيها ويحاكمنا عشان كدى اعمل نايم وقول عفا الله عما سلف )
ترقبوا بيانات اخرى فيها مطاردات للفئة الضالة وتعيين حكومة
والسلام عليكم ورحمة الله وبركاته
المشير ابو شوارب





بيان هام رقم 2 .....
ترقبوه بعد قليل ... سعادة العميد اركان حرب ..ابوسفروق

نزار حسن محمد
23-07-2007, 10:13 PM
http://sudanson.com/alslamalwatany.mp3

بيان هام رقم 2 ... والاخير..
ترقبوه بعد قليل .... سعادة العميد اركان حرب ..ابوسفروق

نزار حسن محمد
23-07-2007, 10:14 PM
http://sudanson.com/alslamalwatany.mp3

بيان هام رقم 2 ... والاخير..
ترقبوه بعد قليل ..سعادة العميد اركان حرب ..ابوسفروق

صلاح ودالطاهر
23-07-2007, 10:49 PM
http://sudanson.com/alslamalwatany.mp3

بيان هام رقم 2 ... والاخير..
ترقبوه بعد قليل ... سعادة العميد اركان حرب ..ابوسفروق

تم القبض على الهارب صلاح ود الطاهر ..سنوافيكم بالتفاصيل ..الخزى والعار للمندحرين

صالح ابوشوارب
23-07-2007, 10:54 PM
بيان هام رقم 2 .....
ترقبوه بعد قليل ... سعادة العميد اركان حرب ..ابوسفروق


انا .. اوافقكم بانضمام ابوسفروووق لانك انسان بقوة اسد
لا عملاء بيننا *** لا مصلحجية بيننا ..يعيش ابوسفروق

abu_ola
23-07-2007, 11:50 PM
1/
7/ الرائد ركن ابوعُلا وزيرا للشئون المنتديات وخاصه منتدا نواعم
صدر تحت توقيع / المشير ابوشوارب
الناطق الرسمي باسم المجلس


تمام يا فُنــــــدم

سوف نبذل قصارى جهدنا في تنفيذ الأوامر الصادرة و سوف نحمي الثورة بدمائنا و ارواحنا

و سوف نوافي سعادتكم بالتقارير اليومية عن سير العمل بولاية النواعم و سوف نعمل على جمع المعلومات الإستخبارتاية عن كل نواعم المنتدي

نزار حسن محمد
24-07-2007, 12:09 AM
بيان ...هام...

على جميع المتوجدين داخل قرية النفاج اخلاء المنطقه خلال 24 ساعه ..سيكون هناك ضرب مكثف بقنابل الهاون والمدفعيه الثقيله وان دعت الضروره سوف نستخدم السلاح الكيمائى
صدر تحت توقعيى
من دخل مكتب رئاسة الحاكم العام
عميد اركن حرب .
ابوسفروق

رضا حسن محمد
24-07-2007, 12:29 AM
يا جماعة عليكم امان الله هاتفنى صلاح ود الطاهرقبل شوية وقال لى نحن ورطنا اخوك ونسخنا الكلام بتاعومن عندنا ( يعنى الكلام دة دبر بواسطة صلاح وابوشوارب
كما هددنى صلاح اذا افشيت السر سيخبر نزار بانو انا قلت ليهو ان مرت نزار بنخوفو وكل ما يزعلا بشترى ليها دهب
وهاانذا انحاز لود امى ابيع الخونة
والنصر لهلال السودان

عثمان جلالة
24-07-2007, 12:30 AM
نحن ضد الضد ... ضد الانقلابات وضد الحكومات وضد القيادات ... لكن كان .. وفرتوا لينا .. مستقبل مضمون .. وحساب في سويسرا ... وفيلا في القاردن سيتي .. وبدل وعربيتين واحده لي وواحدة للمدام ممكن أشترك معاكم بس البدفع أكتر:p

رضا حسن محمد
24-07-2007, 12:32 AM
يا جماعة عليكم امان الله هاتفنى صلاح ود الطاهرقبل شوية وقال لى نحن ورطنا اخوك ونسخنا الكلام بتاعومن عندنا ( يعنى الكلام دة دبر بواسطة صلاح وابوشوارب
كما هددنى صلاح اذا افشيت السر سيخبر نزار بانو انا قلت ليهو ان مرت نزار بتخوفو وكل ما يزعلا بشترى ليها دهب
وهاانذا انحاز لود امى وابيع الخونة
والنصر لهلال السودان

رضا حسن محمد
24-07-2007, 12:34 AM
[وواحدة للمدام ممكن أشترك معاكم بس البدفع أكتر:p [/SIZE][/COLOR][/QUOTE]

انت يا جلالة مدامتك المخوفاك دى
والله العظيم امس قال لى ودالطاهر انك بتخاف منها موت واول ما دوامك ينتهى الساعة خمسة تقوم جارى ليها جرى

نزار حسن محمد
24-07-2007, 01:19 AM
بيان ...هام...

على جميع المتوجدين داخل قرية النفاج اخلاء المنطقه خلال 24 ساعه ..سيكون هناك ضرب مكثف بقنابل الهاون والمدفعيه الثقيله وان دعت الضروره سوف نستخدم السلاح الكيمائى
صدر تحت توقعيى
من دخل مكتب رئاسة الحاكم العام
عميد اركن حرب .
ابوسفروق

التحذير الاخير

مدنيّة
24-07-2007, 01:47 AM
يا جماعة عليكم امان الله هاتفنى صلاح ود الطاهرقبل شوية وقال لى نحن ورطنا اخوك ونسخنا الكلام بتاعومن عندنا ( يعنى الكلام دة دبر بواسطة صلاح وابوشوارب
كما هددنى صلاح اذا افشيت السر سيخبر نزار بانو انا قلت ليهو ان مرت نزار بتخوفو وكل ما يزعلا بشترى ليها دهب
وهاانذا انحاز لود امى وابيع الخونة
والنصر لهلال السودان

يا رضا ياخوي قالوا زولا غيرك مرته مخوفاه مافي
شوف ليك شغلة تانية

بعدين ماقلنا ننسي موتوع الرياضة دا عشان الامور تمشي تمام

مدنيّة
24-07-2007, 02:08 AM
نحن ضد الضد ... ضد الانقلابات وضد الحكومات وضد القيادات ... لكن كان .. وفرتوا لينا .. مستقبل مضمون .. وحساب في سويسرا ... وفيلا في القاردن سيتي .. وبدل وعربيتين واحده لي وواحدة للمدام ممكن أشترك معاكم بس البدفع أكتر:p

انا زاااااااااتي زي جلالة
بس الصراحة عايزة تلاتة عربات
وحدة لي وحدة لابو البنات ووحدة للبنات - شفتوا انا قنوعة كيف ماقلت عربيتين للبنات واكتفيت بوحدة بس لاني بقدر الظروف :( -

مدنيّة
24-07-2007, 02:12 AM
بيان ...هام...

على جميع المتوجدين داخل قرية النفاج اخلاء المنطقه خلال 24 ساعه ..سيكون هناك ضرب مكثف بقنابل الهاون والمدفعيه الثقيله وان دعت الضروره سوف نستخدم السلاح الكيمائى
صدر تحت توقعيى
من دخل مكتب رئاسة الحاكم العام
عميد اركن حرب .
ابوسفروق

التحذير الاخير

دقيقة دقيقة يا نزار اطلع انا وبعدين اضربه ليهم ضرب عنيف

ابوالنور
24-07-2007, 02:16 AM
بيان ...هام...

على جميع المتوجدين داخل قرية النفاج اخلاء المنطقه خلال 24 ساعه ..سيكون هناك ضرب مكثف بقنابل الهاون والمدفعيه الثقيله وان دعت الضروره سوف نستخدم السلاح الكيمائى
صدر تحت توقعيى
من دخل مكتب رئاسة الحاكم العام
عميد اركن حرب .
ابوسفروق

التحذير الاخير


ده سفروقك الكط الجيتنا بيه في الحفله يا نزرا ولا سفروقن تاني

أمير عبداللطيف
24-07-2007, 04:23 AM
وصلتنى رسالة تهديديه من الانقلابيين ، وطلبوا منى ازالة صورة تكريم الآدمن وأشوف لى بلد أقبل عليها !!!!!!!!!!!!!!!!!!!!!!
بالنظر للبيان الانقلابى الاول وجدته تعبان جدا ( رئيس مشير ونائبه عميد فى وجود اعضاء برتبة الفريق واللواء ؟؟؟ ) والبيان ذاااااااتو بتوقيع عضو فى المجلس المزعوم ، لا الرئيس لا الناطق الرسمى !!! ولاتوجد اى مؤشرات لرؤئ مستقبليه وخلوا المشرفين مواصلين وديل العندهم اللعب ذاااااتو ياداقسين !!! ودى كلها مؤشرات على هشاشة الموضوع ...
بعد جرسة بعض اعضاءالمجلس المزعوم من مداخله واحده للزعيم الآدمن نرى ان الامر فى طريقه للتلاشى التلقائي ،،،،،
ونحن من جانبنا وكاجراء اولى امرنا بعدم اجراء اى معاملات هجرية للمشاركين فى هذا العمل المعزول وسحب جواز كل من يتقدم لمعاملة فى السفارات السودانية (فى الرياض وجده بدأ التنفيذ ) وللذين بالداخل ارسلت معلوماتهم للجهات الامنيه لاجراء الازم ،،،

العاوز يتخارج يقول الروووب ويرفع الراية البيضاء

zoolfrda
24-07-2007, 06:59 AM
اللييييييييلة

شكلوا حيكون بيان كاااااااااااااااااااارب


انا قاعد جنب الفاكس منتظر

الفارس البنفسجي
24-07-2007, 07:14 AM
وصلتنى رسالة تهديديه من الانقلابيين ، وطلبوا منى ازالة صورة تكريم الآدمن وأشوف لى بلد أقبل عليها !!!!!!!!!!!!!!!!!!!!!!
بالنظر للبيان الانقلابى الاول وجدته تعبان جدا ( رئيس مشير ونائبه عميد فى وجود اعضاء برتبة الفريق واللواء ؟؟؟ ) والبيان ذاااااااتو بتوقيع عضو فى المجلس المزعوم ، لا الرئيس لا الناطق الرسمى !!! ولاتوجد اى مؤشرات لرؤئ مستقبليه وخلوا المشرفين مواصلين وديل العندهم اللعب ذاااااتو ياداقسين !!! ودى كلها مؤشرات على هشاشة الموضوع ...
بعد جرسة بعض اعضاءالمجلس المزعوم من مداخله واحده للزعيم الآدمن نرى ان الامر فى طريقه للتلاشى التلقائي ،،،،،
ونحن من جانبنا وكاجراء اولى امرنا بعدم اجراء اى معاملات هجرية للمشاركين فى هذا العمل المعزول وسحب جواز كل من يتقدم لمعاملة فى السفارات السودانية (فى الرياض وجده بدأ التنفيذ ) وللذين بالداخل ارسلت معلوماتهم للجهات الامنيه لاجراء الازم ،،،

العاوز يتخارج يقول الروووب ويرفع الراية البيضاء


الناس دي ما بتجي إلا بالهرشة
ونحن غايتو دي قعدة بين طرفي
الرحى. ونحن مع البوفر لينا
لقمة العيش.

ود المطامير
24-07-2007, 08:15 AM
الناس دي ما بتجي إلا بالهرشة
ونحن غايتو دي قعدة بين طرفي
الرحى. ونحن مع البوفر لينا
لقمة العيش.

إنت حكايتك حكايه
من بقيت من ناس العلالى وشوفتك بقت ذى هلال رمضان
ولأ يا ربى تكون من مشيت لناس هناى ديك بقيت ما فاضى لينا ؟؟؟

نزار حسن محمد
24-07-2007, 09:25 AM
وصلتنى رسالة تهديديه من الانقلابيين ، وطلبوا منى ازالة صورة تكريم الآدمن وأشوف لى بلد أقبل عليها !!!!!!!!!!!!!!!!!!!!!!
بالنظر للبيان الانقلابى الاول وجدته تعبان جدا ( رئيس مشير ونائبه عميد فى وجود اعضاء برتبة الفريق واللواء ؟؟؟ ) والبيان ذاااااااتو بتوقيع عضو فى المجلس المزعوم ، لا الرئيس لا الناطق الرسمى !!! ولاتوجد اى مؤشرات لرؤئ مستقبليه وخلوا المشرفين مواصلين وديل العندهم اللعب ذاااااتو ياداقسين !!! ودى كلها مؤشرات على هشاشة الموضوع ...
بعد جرسة بعض اعضاءالمجلس المزعوم من مداخله واحده للزعيم الآدمن نرى ان الامر فى طريقه للتلاشى التلقائي ،،،،،
ونحن من جانبنا وكاجراء اولى امرنا بعدم اجراء اى معاملات هجرية للمشاركين فى هذا العمل المعزول وسحب جواز كل من يتقدم لمعاملة فى السفارات السودانية (فى الرياض وجده بدأ التنفيذ ) وللذين بالداخل ارسلت معلوماتهم للجهات الامنيه لاجراء الازم ،،،

العاوز يتخارج يقول الروووب ويرفع الراية البيضاء

بسم الله ..والحمدلله ..وكفى

من العميد اركن حرب ...ابوسفروق
الى شعبنا الكريم ...
بعد ان تم تلغيم جميع انحاء قرية النفاج بالسلاح الكيميائى..
ولسعة صدر الحكومه القياديه ..وتقديرا منا لسعادة الفريق
امير عبد الطيف ..حامى ..حمى ..امن الحكومه...
فقد تما التقاضى عن نسف النفاج ..وذلك تقديرا لى شخصه الكريم..
سوف نعلن لكم اسماء الانقلابين ..وكل من تعدى وافترى.. على اهل الحكومه
وسوف تشاهدون المحاكم العادله لكل المرتزقه والمأجورين..
والعزه لاهل المنتدى ولا نامت اعين الجبناء

صدر تحت توقعى من مكتب القياده العليا
عميد اركن حرب ...ابوسفروق

نزار حسن محمد
25-07-2007, 12:06 AM
اسماء بى قائمة الانقلابين المندحرين..حتى اعداد هذا البيان
تم القبض على عقيد اركان قش..صلاح ودالطاهر وهو متنكر فى ذى بائع متجول بالاحياء بى بيع بديل الملابس بالعده...ووجده داخل القفه التى كان يحملها مسدس اطفال يعمل بالماء رشاش
***
تم القبض على الناطق الرسمى عمر غلام الله وهو يرتدى ملابس الفراعنه داخل استديو art
حيث يصور المسلسل التلفزيونى الجديد (( وليد دارفور بمشى معاك الليله )) بطولة هيفاء وهبى ونانسى عجرم والتايه الطرشه.. وجد مع المتهم صاروخ ورقى مصنوع من قرطاس التسلى بين ملابسه..

مازال المتهم الرئيسى ابوشوارب هاربا من قبضتنا ..وتفيد مصادرنا بانه مختفى داخل حفره بحى ام سويقو..سنفيدكم باخر الاخبار ..لحظة القبض عليه وسوف تصور هذه الحظه ..
***
تم القبض على الجنود (( ال.. كشا.. مشا)) ود المطامير ،سوباوى ، المكاشفى ، ابوعلاء ، والبقيه تاتى...
ترقبوا المحاكم العادله ..فى ساحة القصر ..
عاش ..اهل المنتدى ..والخزى والعار للمخربين

عميد اركان حرب ..ابوسفروق

مدنيّة
25-07-2007, 12:17 AM
يا نزار ياخ محمد نجيب دا هي اقصد 114 دا خلوه
ياخ دا لا يده لا كراعه جابوا ليه ورق بس وهو قراءه

وود الطاهر دا لقيتو موبايله فاتح ولا مقفول ؟ باقي انا عارفة السبب :D

ابوشوارب دا بتلقوه في مكتب ود الطاهر ساكن سكنه فيه :cool:


اي خدمات يا سعادتك احنا حاضرين







همسة : الظرف الرسلته لي المبلغ اللي كان فيه ما عجبني ياخ المرة الجاية زوده حبة انت عارف الظروف

ود ام تريبات
25-07-2007, 02:10 AM
بركة الما قبضونا ....!!! عشان عارفننا مساكين وناس الصحاف ساكت

عثمان جلالة
25-07-2007, 03:08 AM
[وواحدة للمدام ممكن أشترك معاكم بس البدفع أكتر:p [/SIZE][/COLOR]

انت يا جلالة مدامتك المخوفاك دى
والله العظيم امس قال لى ودالطاهر انك بتخاف منها موت واول ما دوامك ينتهى الساعة خمسة تقوم جارى ليها جرى[/QUOTE]

رضا انا مخوفاني وكان داير أتأخر بتصل عليها من جوالي بقول ليها بتأخر شويه ... لكن إنت بتتصل من وين ... الجوال شالوه منك ... ده ما كلامي ده كلام الجماعة :p

صلاح ودالطاهر
25-07-2007, 10:27 AM
[quote=نزار حسن محمد;210242]اسماء بى قائمة الانقلابين المندحرين..حتى اعداد هذا البيان
تم القبض على عقيد اركان قش..صلاح ودالطاهر وهو متنكر فى ذى بائع متجول بالاحياء بى بيع بديل الملابس بالعده...ووجده داخل القفه التى كان يحملها مسدس اطفال يعمل بالماء رشاش
***
تم القبض على الناطق الرسمى عمر غلام الله وهو يرتدى ملابس الفراعنه داخل استديو art
حيث يصور المسلسل التلفزيونى الجديد (( وليد دارفور بمشى معاك الليله )) بطولة هيفاء وهبى ونانسى عجرم والتايه الطرشه.. وجد مع المتهم صاروخ ورقى مصنوع من قرطاس التسلى بين ملابسه..

مازال المتهم الرئيسى ابوشوارب هاربا من قبضتنا ..وتفيد مصادرنا بانه مختفى داخل حفره بحى ام سويقو..سنفيدكم باخر الاخبار ..لحظة القبض عليه وسوف تصور هذه الحظه ..
***
تم القبض على الجنود (( ال.. كشا.. مشا)) ود المطامير ،سوباوى ، المكاشفى ، ابوعلاء ، والبقيه تاتى...
ترقبوا المحاكم العادله ..فى ساحة القصر ..
عاش ..اهل المنتدى ..والخزى والعار للمخربين

عميد اركان حرب ..ابوسفروق[/
quote]
قالو في المثل حلم الجعان عيش وارقد ياقمح مالك يودحسن انا امس امرته عقيد طبيب ابوقفه والعقيد طبيب ابوطاقيه يشوف حالتك من الهلاويس والبرجله بالبتهضرب بيها دي وربنا يكون في عون كل من يقلبوا عليهو الحكومه ياهو بيكون ذي حالتك دي
الان وصلني التقرير الاتي مرفق معه الصور التي تدل علي ان الرئيس المخلوع مخفج الطين وربنا يكضب الشينه

عمر البشير
25-07-2007, 11:38 AM
وصلتنى رسالة تهديديه من الانقلابيين ، وطلبوا منى ازالة صورة تكريم الآدمن وأشوف لى بلد أقبل عليها !!!!!!!!!!!!!!!!!!!!!!
بالنظر للبيان الانقلابى الاول وجدته تعبان جدا ( رئيس مشير ونائبه عميد فى وجود اعضاء برتبة الفريق واللواء ؟؟؟ ) والبيان ذاااااااتو بتوقيع عضو فى المجلس المزعوم ، لا الرئيس لا الناطق الرسمى !!! ولاتوجد اى مؤشرات لرؤئ مستقبليه وخلوا المشرفين مواصلين وديل العندهم اللعب ذاااااتو ياداقسين !!! ودى كلها مؤشرات على هشاشة الموضوع ...
بعد جرسة بعض اعضاءالمجلس المزعوم من مداخله واحده للزعيم الآدمن نرى ان الامر فى طريقه للتلاشى التلقائي ،،،،،
ونحن من جانبنا وكاجراء اولى امرنا بعدم اجراء اى معاملات هجرية للمشاركين فى هذا العمل المعزول وسحب جواز كل من يتقدم لمعاملة فى السفارات السودانية (فى الرياض وجده بدأ التنفيذ ) وللذين بالداخل ارسلت معلوماتهم للجهات الامنيه لاجراء الازم ،،،


العاوز يتخارج يقول الروووب ويرفع الراية البيضاء

لو قلنا زبادي او لبن رايب ما يمشي اهو كلو مشتقات الحليب وكان بقت علي الراية البيضاء هينه العمه موجوده بتخارجنا :D :D :D

abu_ola
25-07-2007, 10:10 PM
الرقم خ م / 14 / ص / 002

القيادة الوسطي

ولاية النواعم

سري و عاجل

تفيد معلوماتنا الاستخبارية بأن ولايةا لنواعم قد اصبحت مأوي للمتسللين و الخارجين عن القانون فقد تم القبض على مجموعة من مساندي النظام البايت متخفين في زي النواعم و اشباه الحناكيش و قد قامت اجهزتنا الباسلة برصد تحركاتهم و بعد تحديد مواقع تجمعهم تم ألقاء القبض عليهم كما تمت جمع و مصادرة كافة الأسلحة المضبوطة في موقعهم متمثلة في كيمات من كريمات الروز و الديانا و الفيرأند لفي ، و تم العثور على مجموعة من الشامبوهات و كريمات التسريح إضافة للدلكة و اللخوخة و غيرها من الأسلحة المصنعة محلياُ كما تم العثور على عدد 2 استشوار و زجاجات معبأة بزيت دابر في موقع اخر داخل ولاية النواعم علماً بأن قائد المجموعة قد فر الى الحدود الجبلية بين ولاية النواعم و ولاية الألعاب


رائد ركن
أبو عُلا
قائد قوات القيادة الوسطي
عضو المجلس الإستشاري العسكري
مستشار وزير الدفاع لشئون النواعم و الحناكيش
والي ولاية النواعم

abu_ola
25-07-2007, 10:18 PM
بسم الله ..والحمدلله ..وكفى

من العميد اركن حرب ...ابوسفروق
الى شعبنا الكريم ...
بعد ان تم تلغيم جميع انحاء قرية النفاج بالسلاح الكيميائى..
ولسعة صدر الحكومه القياديه ..وتقديرا منا لسعادة الفريق
امير عبد الطيف ..حامى ..حمى ..امن الحكومه...
فقد تما التقاضى عن نسف النفاج ..وذلك تقديرا لى شخصه الكريم..
سوف نعلن لكم اسماء الانقلابين ..وكل من تعدى وافترى.. على اهل الحكومه
وسوف تشاهدون المحاكم العادله لكل المرتزقه والمأجورين..
والعزه لاهل المنتدى ولا نامت اعين الجبناء

صدر تحت توقعى من مكتب القياده العليا
عميد اركن حرب ...ابوسفروق






سري و خاص جدا

يفتح بحضور مستشاري وزير الدفاع و اعضاء المجلس الأستشاري العسكري


القيادة الوسطي

ولاية النواعم


تم ارسال فرقة من القوات الأمنية الخاصة مزودة بعدد 3 رقشات و 2 أمجاد و 15 حمار و مزودة بالعصي و السلب و الحبال للإستيلاء على كارو البث المتنقلة التي يذيع منها العميد المنشق أبو سفروق بياناته الدخانية

و سوف نوافيكم بالشمارات لحظة ورودها لدينا



التاية شمارات
جارة ناس أم عُلا
زوجة الرائد ركن أبو عُلا
قائد قوات القيادة الوسطي
عضو المجلس الإستشاري العسكري
مستشار وزير الدفاع لشئون النواعم و الحناكيش
والي ولاية النواعم

نزار حسن محمد
25-07-2007, 11:41 PM
خبر عاجل

سوف نبث لكم اللقاءالمباشر
مع العميد اركن حرب ابوسفروق
وهو يستجوب..العقيد اركن قش ..صلاح ودالطاهر..بسجن شالا..وهو تحت حراسة العائد لصفوف الحكومه رقيب ود البشير
ويظهر فى الشرئط التسجلى الجندى ابوعلا وهو يقوم بعمليه النظافه للسجن

صالح ابوشوارب
26-07-2007, 01:06 AM
بيان ...هام...

على جميع المتوجدين داخل قرية النفاج اخلاء المنطقه خلال 24 ساعه ..سيكون هناك ضرب مكثف بقنابل الهاون والمدفعيه الثقيله وان دعت الضروره سوف نستخدم السلاح الكيمائى
صدر تحت توقعيى
من دخل مكتب رئاسة الحاكم العام
عميد اركن حرب .
ابوسفروق

التحذير الاخير


ايها العميد المزعوم ابو سفروق
سوف يتم القبض عليك قريبا . ونحن نملك كل الدلائل التى سوف نقدمك بها للمحاكمة
فانت مطلوب في عدة قضايا ولن تلخمنا بسفروقك ولا حتى سلوكتك فانت تعلم بانك قمت بالنصب على الاخوان في الامارات والبحرين وقطر في جمع اموال لصيانة مسجد ابوسنون وجامع بانت حتى وصلت بك الجراءة لجمع اموال لصيانة جامع الحكومة يا مفترى
ولا زال الاخوة في نيابة جمع الاموال والنيابة العامة والمباحث العامة وقسم البصمة يجمعون كل الدلائل التى تقع في المواد 232 النصب على خلق الله والمواد 340 و 341 من اين لك هذا والمادة 351 جمع الاموال للمشاريع الخيرية وانفاقها للمصلحة الشخصية وبناء عمارة مكتوب عليها (شقي الايام) (على الأمن يا زيدان)

صالح ابوشوارب
26-07-2007, 01:10 AM
دقيقة دقيقة يا نزار اطلع انا وبعدين اضربه ليهم ضرب عنيف


انتى يا ام البتين جنيتى .. الله يجيبوا ليك طيب هل من المعقول واحد اسمه
(سلوكة ولا سفروق بيعمل حاجة )

صالح ابوشوارب
26-07-2007, 01:13 AM
وصلتنى رسالة تهديديه من الانقلابيين ، وطلبوا منى ازالة صورة تكريم الآدمن وأشوف لى بلد أقبل عليها !!!!!!!!!!!!!!!!!!!!!!
بعد جرسة بعض اعضاءالمجلس المزعوم من مداخله واحده للزعيم الآدمن نرى ان الامر فى طريقه للتلاشى التلقائي ،،،،،
لمعاملة فى السفارات السودانية (فى الرياض وجده بدأ التنفيذ ) وللذين بالداخل ارسلت معلوماتهم للجهات الامنيه لاجراء الازم ،،،

العاوز يتخارج يقول الروووب ويرفع الراية البيضاء


يا سيادة المقدم / امير
القصة شنو ادوك نجمة وقعدت شايل المكرفون .. وبعدين نجمة ما خايلة في كتفك العريض ده (ماشاء الله )
انت بس شيل صورة تكريم الآدمن المخلوع و تعال عندنا عزل ليك كم تاج على كم نجمة واقفلهم بي مقصين على الاقل الدبابير تملأ الكتف والعين اما لو قبضت لى ابو سفروك تعال عزل كم نيشان وبعدين بالمناسبة عربية كامرى 2007 تكون راكب ولابس رسمى وقاعد على شكل زاوية منفرجة وجادع كوعك وكتفك بره العربية مليان دبابير. مع العلم السيارة مكيفة لاكن ( لزوم البوبار)



ابوالكرم ابو شوارب
رئيس المجلس

نزار حسن محمد
27-07-2007, 05:18 AM
[
QUOTE=صالح ابوشوارب;210724]
ايها العميد المزعوم ابو سفروق
سوف يتم القبض عليك قريبا . ونحن نملك كل الدلائل التى سوف نقدمك بها للمحاكمة
فانت مطلوب في عدة قضايا ولن تلخمنا بسفروقك ولا حتى سلوكتك فانت تعلم بانك قمت بالنصب على الاخوان في الامارات والبحرين وقطر في جمع اموال لصيانة مسجد ابوسنون وجامع بانت حتى وصلت بك الجراءة لجمع اموال لصيانة جامع الحكومة يا مفترى
ولا زال الاخوة في نيابة جمع الاموال والنيابة العامة والمباحث العامة وقسم البصمة يجمعون كل الدلائل التى تقع في المواد 232 النصب على خلق الله والمواد 340 و 341 من اين لك هذا والمادة 351 جمع الاموال للمشاريع الخيرية وانفاقها للمصلحة الشخصية وبناء عمارة مكتوب عليها (شقي الايام) (على الأمن يا زيدان) [/QUOTE]

مازال البحث جارى على الرئيس المخلوع ..عريف ابوشوارب ..وقد وجدنا عدة منشورات موزعه فى مناطق متفرغه ... لن يفلت من ايدينا الخونه المندحرين... و سنوفيكم بكل التفاصيل ..
عميد اركن حرب
ابوسفروق

صلاح ودالطاهر
27-07-2007, 12:17 PM
خبر عاجل

سوف نبث لكم اللقاءالمباشر
مع العميد اركن حرب ابوسفروق
وهو يستجوب..العقيد اركن قش ..صلاح ودالطاهر..بسجن شالا..وهو تحت حراسة العائد لصفوف الحكومه رقيب ود البشير
ويظهر فى الشرئط التسجلى الجندى ابوعلا وهو يقوم بعمليه النظافه للسجن..

حلم الجعان عش ذي حلم فلان وجد تحت المخده حضرت ولم اجدك

صالح ابوشوارب
27-07-2007, 08:19 PM
هام مع التحية
ندعو لاجتماع عام لمجلس القيادة ومجلس الوزراء وذلك لمناقشة الخطاب الذى حملته مندوبة المجتمع الدولى لمجلس القيادة
نرجو الحضور في مكتب مجلس القيادة في شندى فوق في الساعة الثانية عشر مساء اليوم السبت
وشكرا
ابوشوارب

أمير عبداللطيف
28-07-2007, 06:38 AM
يا سيادة المقدم / امير
القصة شنو ادوك نجمة وقعدت شايل المكرفون .. وبعدين نجمة ما خايلة في كتفك العريض ده (ماشاء الله )
انت بس شيل صورة تكريم الآدمن المخلوع و تعال عندنا عزل ليك كم تاج على كم نجمة واقفلهم بي مقصين على الاقل الدبابير تملأ الكتف والعين اما لو قبضت لى ابو سفروك تعال عزل كم نيشان وبعدين بالمناسبة عربية كامرى 2007 تكون راكب ولابس رسمى وقاعد على شكل زاوية منفرجة وجادع كوعك وكتفك بره العربية مليان دبابير. مع العلم السيارة مكيفة لكن ( لزوم البوبار)

ابوالكرم ابو شوارب
رئيس المجلس


دى الجقلبه ذااااااااااااااتها ،، أنا الدبابير شايل خمسه اسى فى كتفى شايفها تقيله خلاص لعظم مسؤليتها !!! تقول لى تعال شيل ذياده ؟ وفى حكومه متهالكه وغير شرعيه ؟؟ والحكايه جايبها ليها عربات ( عربتى الحاليه كامرى 2007 ) ما عندك عرض احسن من كده ؟ عموما انا ممكن ابقى ليكم وسيط وأخلى ناس ابوسفروق ديل يرضو بعفى الله عن ما سلف ،، رأيكم شنو ؟؟ الاجابه سريع قبل ما اغيير العرض دا ،،

صالح ابوشوارب
28-07-2007, 07:21 AM
( عربتى الحاليه كامرى 2007 ) ما عندك عرض احسن من كده ؟


عارفك طماع عشان كده شركتليك بي كامرى 2007 ولذلك تغير العرض .. ماعندنا مانع من لاندكروزر 2007 واللون اسود ومظلله والاريل الطويل عليك . انشاء الله تخت حديدة 6 لينيا .. عشان تمشي تزور الادمن المخلوع في شالا .. طبعا اذا ما نقلوهو جبيت .. على الاقل يسيح من الشحم ده
مع تحياتى
اوع من الطمع يمكن نقلبه ديمقراطية ..

صلاح ودالطاهر
29-07-2007, 01:34 AM
اها يازعيم ابو الله جابو منتظرين الاوامر

نزار حسن محمد
29-07-2007, 08:46 PM
جأنا البيان الاتى....
تم القاء القبض على الزعيم المزعوم ابوالله جابو..دخل حفره بمزرعه بالجروف التحتيه بى ام سويقه..بعد ان حفر اتباعه خندق للهروب عبر كبرى حنتوب ..وجهزت له مزرعه بمنطقة الشرفه بركات ..وقد داهمت قواتنا المزرعه والتى وجدة بها كل المستندات
والاسماء المطلوبه ..سنوافيكم بالتفاصيل بعد قليل...
عميد اركان حرب
ابوسفروق

ود المطامير
29-07-2007, 11:39 PM
جأنا البيان الاتى....
تم القاء القبض على الزعيم المزعوم ابوالله جابو..دخل حفره بمزرعه بالجروف التحتيه بى ام سويقه..بعد ان حفر اتباعه خندق للهروب عبر كبرى حنتوب ..وجهزت له مزرعه بمنطقة الشرفه بركات ..وقد داهمت قواتنا المزرعه والتى وجدة بها كل المستندات
والاسماء المطلوبه ..سنوافيكم بالتفاصيل بعد قليل...
عميد اركان حرب
ابوسفروق
أفادنا السيد ... وداللحمر مسؤل المزرعه المزكوره
إنها محصنه ولم يقربها حد وتم دحر قوات الحيكومه
إلى ما بعد أم عليله .

نزار حسن محمد
30-07-2007, 01:11 AM
أفادنا السيد ... وداللحمر مسؤل المزرعه المزكوره
إنها محصنه ولم يقربها حد وتم دحر قوات الحيكومه
إلى ما بعد أم عليله .

الاعزاء ...
وجد مراسلنا فرصه نادره وهى وجود العميد اركن حرب ابوسفروق..فى حوش القرقراب
واجرى معه هذه الدردشه
ياسعادة العميد ..بالله احكى لنا كيف كانت لحظات القبض على العريف ود المطامير ..
[COLOR="Purple"]والله انا ماعرفت اضحك ولا ابكى ...يعنى العريف ود المطامير انا عارفه متزوج ..حلف بالتميته..وتحيها.. بانه مامتزوج وانه داير اعرس يادوب ...بعد ..داك قام اتكلم بره من راسه وشتم ودالطاهر ..واليوم الاتعين فوقه عريف فى النفاج ...غايتو احنين....فى النهايه العساكر جابو ليه قزازه كدى قام استغفر ونعل ابليس وناس الانقلاب ..والان موجود فى غرفة نقاه واستجمام ..لحين الاستجواب
COLOR]][/SIZE]

صلاح ودالطاهر
30-07-2007, 09:44 AM
جأنا البيان الاتى....
تم القاء القبض على الزعيم المزعوم ابوالله جابو..دخل حفره بمزرعه بالجروف التحتيه بى ام سويقه..بعد ان حفر اتباعه خندق للهروب عبر كبرى حنتوب ..وجهزت له مزرعه بمنطقة الشرفه بركات ..وقد داهمت قواتنا المزرعه والتى وجدة بها كل المستندات
والاسماء المطلوبه ..سنوافيكم بالتفاصيل بعد قليل...
عميد اركان حرب
ابوسفروق

ايها المدعو ابوسفروق انك ذكرت بانك قبضت علي ابو الله جابو ونحب ان نصحح معلوماتك ابو الله جابو هذا ابن زعيم الحركه ثانيا اكبر دليل علي فقدان قدرتك العقليه اقصد القتاليه كلامك الاتي نصه ( دخل حفره بمزرعه بالجروف التحتيه بى ام سويقه..بعد ان حفر اتباعه خندق للهروب عبر كبرى حنتوب ..وجهزت له مزرعه بمنطقة الشرفه بركات ..وقد داهمت قواتنا المزرعه والتى وجدة بها كل المستندات)
هذا اكبر دليل ولو ربط ليهو جربكس كلب غير ممكن ان يصل لهذه المناطق المتباعده
ثالثا في مازكرت انه تم القبض :eek: :eek: :eek: علي السيد النائب الثاني ودالمطاريش اقصد ود المطامير هذا افتراء بعيد عن الحقيقه بدلالة وجودها في بيته بالقياده العامه وهو جالس يسقي في النجيله لان الحارس نسي ان يسقيها:confused: :confused: فاستمتع بذالك ولنا عوده لدحض افتراءتكم



اها هاكم اكبر دليل علي فقدان ابوسفروق قوته العقلية اقصد القتاليه
http://www.wadmadani.com/vb/showpost.php?p=210655&postcount=147

نزار حسن محمد
30-07-2007, 09:35 PM
[QUOTE=صلاح ودالطاهر;212533]

ايها المدعو ابوسفروق انك ذكرت بانك قبضت علي ابو الله جابو ونحب ان نصحح معلوماتك ابو الله جابو هذا ابن زعيم الحركه ثانيا اكبر دليل علي فقدان قدرتك العقليه اقصد القتاليه كلامك الاتي نصه ( دخل حفره بمزرعه بالجروف التحتيه بى ام سويقه..بعد ان حفر اتباعه خندق للهروب عبر كبرى حنتوب ..وجهزت له مزرعه بمنطقة الشرفه بركات ..وقد داهمت قواتنا المزرعه والتى وجدة بها كل المستندات)
هذا اكبر دليل ولو ربط ليهو جربكس كلب غير ممكن ان يصل لهذه المناطق المتباعده
ثالثا في مازكرت انه تم القبض :eek: :eek: :eek: علي السيد النائب الثاني ودالمطاريش اقصد ود المطامير هذا افتراء بعيد عن الحقيقه بدلالة وجودها في بيته بالقياده العامه وهو جالس يسقي في النجيله لان الحارس نسي ان يسقيها:confused: :confused: فاستمتع بذالك ولنا عوده لدحض افتراءتكم



اها هاكم اكبر دليل علي فقدان ابوسفروق قوته العقلية اقصد القتاليه
http://www.wadmadani.com/vb/showpost.php?p=210655&postcount=147]

ايها المناضلين الاحرار
كما عودتكم الحكومه المركزيه ..على توضيح الحقائق ..فقد راينا ان نطلعكم على كل التفاصيل والدلائل ..التى صرح بها العميل عقيد اركن قش ود الطاهر ..وقد طلب ان يصبح شاهد ملك .. ولكن المحكمه العسكريه العليا رفضت ان تجعله شاهد ملك..
واليكم بعض من تصريحاته ...
1/ ياودالطاهر .. كيف انضميت للانقلابين وماهى وظيفتك
الاجابه: كان يوم متل الطين اليوم الشفته فوقه ابوشوارب... غشانى وقال لى عازمك سمك فى مطعم حسن جادالله ..بعد ما اكلت ساقنى شاى لكن حسيت بى تخدير فى عضامى ... وماصحيت
الا ..فى مكان كدى مابعرفه لقيت نفسى راقد فى سرير وجنبى ابوشوارب وعيونه حمر..وبحلب لى فى ناقه ..سقانى لبن الناقه ..اشهد الله الليل كله خلنى ماشى جاى من الحمام ...بعد داك قال اسمع ياود الطاهر ناس الحكومه سافره ..وانا قررت اقلب الحكومه ..وانت عليك تجيب لنا الشمارات ..وتطبخ.. وتعوس الكسره ..وتحضر للاجتماعات..2/

ماهى اخر التعليمات التى تلقيتها من العريف ابوشوارب...قال لى اعمل لى موص ..ونشأ..عشان كان حيله ماشايله ..وبقى اسف الصعود بعد ماكان بدخن بنسون..وشوف عينى كفت ود البشير ..ود المطامير ..وابوعلا ..وبقى ذى المجنون ..اتكلم بره من راسه ...ود الطاهر شكرا
عليكم الله بتسوى لى شنوا
اصبر ياودالطاهر بتعرف كل شى فى وقته
لا عليكم البينى ما بينكم بتسوى لى شنووو
اسكت ياود الطاهر وخليك اسد
ياخوانا انا حيلى مات ...
خلاص سكته ..سنوافيكم بى بقية التصريحات فى وقتا اخر...

صلاح ودالطاهر
30-07-2007, 09:54 PM
[quote=نزار حسن محمد;212657]ايها المناضلين الاحرار
كما عودتكم الحكومه المركزيه ..على توضيح الحقائق ..فقد راينا ان نطلعكم على كل التفاصيل والدلائل ..التى صرح بها العميل عقيد اركن قش ود الطاهر ..وقد طلب ان يصبح شاهد ملك .. ولكن المحكمه العسكريه العليا رفضت ان تجعله شاهد ملك..
واليكم بعض من تصريحاته ...
quote]

تعرفوا ياجماعه الحاصل لابوسفروق ده شنو طبعا هذه فقدان قدرته العقليه الثلاثيه وربنا يكضب الشينه ..

مرتضى يوسف العركي
31-07-2007, 04:25 AM
استشعارا لحجم الخطر المحدق وانطلاقا من واجبنا الوطني نحو الوحدة والتعايش السلمي في هذه المرحلة الحرجة وتاكيدنا لدور منظمات المجتمع المدني وتفويتا لفرصة التدخل الاجنبي في شؤون المنتدى فانني آليت على نفسي خاصة عندي جلابية سمحة وشال متين جدا وكرش محترمة ان احمل لواء التوافق الوطني سعيا وراء وئد الفتنة بغية المصالحة الوطنية من خلال لجنة الوفاق الوطني والتي ستضم جميع المخلصين والاجاويد ابان جلاليب غالية وشالات زاهية وعمم سويسرية وحتى تكون هذه اللجنة محايدة سيتم المشاركة فيها من اعضاء المنتدى من غير زوي الميول السياسية سواء للحكومة او الانقلابين الجدد باعتبار تكوينها سوداني مائه بالمائة وسيكون الحل سودانيا بما يرضى جميع الاطراف المتنازعه عليه وحتى تتم المشاورات في عضوية هذه اللجنة نطلب وقف اطلاق النار وقف الاعتداءات والعدائيات ووقف كافة مظاهر العنف وتحكيم صوت العقل وعلى فكرة اول قعدة لهذه اللجنة ستكون فيها ضبائح مبالغة لانني اعتقد ان الشيات والشطوط والعضة الثمينة تاثر قلوب الاطراف ومعهاها شوية كيتة واللقطة حتكون حلوة بالله اتطلع لترشيحات هذه اللجنة بالسرعة التي يتطلبها الموقف وعاش الشعب السوداني الفضل .....

محمد الفاضل
31-07-2007, 04:36 AM
اسشعارا لحجم الخطر المحدق وانطلاقا من واجبنا الوطني نحو الوحدة والتعايش السلمي في هذه المرحلة الحرجة وتاكيدنا لدور منظمات المجتمع المدني وتفويتا لفرصة التدخل الاجنبي في شؤون المنتدى فانني آليت على نفسي خاصة عندي جلابية سمحة وشال متين جدا وكرش محترمة ان احمل لواء التوافق الوطني سعيا وراء وئد الفتنة بغية المصالحة الوطنية من خلال لجنة الوفاق الوطني والتي ستضم جميع المخلصين والاجاويد ابان جلاليب غالية وشالات زاهية وعمم سويسرية وحتى تكون هذه اللجنة محايدة سيتم المشاركة فيها من اعضاء المنتدى من غير زوي الميول السياسية سواء للحكومة او الانقلابين الجدد باعتبار تكوينها سوداني مائه بالمائة وسيكون الحل سودانيا بما يرضى جميع الاطراف المتنازعه عليه وحتى تتم المشاورات في عضوية هذه اللجنة نطلب وقف اطلاق النار وقف الاعتداءات والعدائيات ووقف كافة مظاهر العنف وتحكيم صوت العقل وعلى فكرة اول قعدة لهذه اللجنة ستكون فيها ضبائح مبالغة لانني اعتقد ان الشيات والشطوط والعضة الثمينة تاثر قلوب الاطراف ومعهاها شوية كيتة واللقطة حتكون حلوة بالله اتطلع لترشيحات هذه اللجنة بالسرعة التي يتطلبها الموقف وعاش الشعب السوداني الفضل .....

الاخ مرتضي سعادة المستشار انا اوايد بشده كلامك العقلاني واطالب الانقلابين باطلاق جميع افراد الحكومه السابقه بمافيهم ابوسفروق والجلوس للطاولة الحوار وارشح اللجنه تكون براستك ونفوضك بمناسبة الجلابيه الجميله وانشاء الله تكون بيضا مكويه وتسلم يارائع علي طرحك الجميل

صلاح ودالطاهر
01-08-2007, 01:17 AM
اخي مرتضي تشكر انت وعاشق مدني علي اثبات الحق واثبات نجاح ثورتنا التصحيحية ونحن في انتظار كلام ابوسفروق الذي ارسلنا له بعثه طبيه للكشف علي قواه العقليه اقصد القتاليه ومرحب بحوار الجلابيه البيضاء مكويه

نزار حسن محمد
01-08-2007, 10:33 PM
اخي مرتضي تشكر انت وعاشق مدني علي اثبات الحق واثبات نجاح ثورتنا التصحيحية ونحن في انتظار كلام ابوسفروق الذي ارسلنا له بعثه طبيه للكشف علي قواه العقليه اقصد القتاليه ومرحب بحوار الجلابيه البيضاء مكويه


اركن قش صلاح ودالطاهر ...وجد داخل زنزانته..وهو يحاول الاتصال بالمستشار مرتضى ..لكى نعفى عنه ..
الاخوه المناضلين ..
ترقبوا ..البيان الهام من اعضاء قيادة الحكومه المركزيه ..بعد الاجتماع الطارى مع مندوبة الامم المتحده ..لمنتدى ودمدنى ..المناضله ..مــــــــــــــــــدنيه ...
العميد اركن حرب
ابــــــــوسفروق

صلاح ودالطاهر
02-08-2007, 01:15 AM
اركن قش صلاح ودالطاهر ...وجد داخل زنزانته..وهو يحاول الاتصال بالمستشار مرتضى ..لكى نعفى عنه ..

الاخوه المناضلين ..
ترقبوا ..البيان الهام من اعضاء قيادة الحكومه المركزيه ..بعد الاجتماع الطارى مع مندوبة الامم المتحده ..لمنتدى ودمدنى ..المناضله ..مــــــــــــــــــدنيه ...
العميد اركن حرب

ابــــــــوسفروق



العميد المخلوع ابوسفروق للمره المليون سوف نرسل لك البعثه الطبية المكونه من العقيد طبيب ابوقفه والعقيد طبيب ابوطاقيه ومعهم العقيد طبيب نفسي ود ابو دومات انت لم تقراء الخطاب الموجه من المستشار حلمابي وهو الذي سعى الينا ونحن لم نتصل باي كائن يذكر لكن هذه اتصالتكم انتم من داخل المعتقلات واما عن مدنية في عميل سري وعندنا الادلة التي تثبت ذالك ونفرض اي اشكال ابراز العضلات ارسكم لا يا كباكه

هشام السماني إبراهيم
02-08-2007, 01:25 AM
هو في حكومة من غير شعب





وين الشعب





وين كلمتو هنا



راس .......... مطلب شعب

صلاح ودالطاهر
02-08-2007, 01:45 AM
هو في حكومة من غير شعب







وين الشعب






وين كلمتو هنا





راس .......... مطلب شعب


اها انت ما واحد من الشعب وقلت راس منو مطلب شعبي

نزار حسن محمد
02-08-2007, 07:09 AM
الشعب هو الحكومه ..والحكومه هى الشعب
تنفيذا لرغبة الشعب فى مطالبته بى رؤس الانقلابين
فليس لدينا سوى الرضوخ لرغبة الشعب..
عميد اركن حرب
ابوسفروق

هشام السماني إبراهيم
02-08-2007, 09:48 PM
المطلوب من الحكومة تشكيل لجنة سريعة والنزول الي الشارع للتأكد من اصوات الشعب ليكون الحكم منصفا


التوقيع :
واحد من الشعب الفضل



الشعار


راس ..... مطلب شعب

نزار حسن محمد
03-08-2007, 09:00 AM
المطلوب من الحكومة تشكيل لجنة سريعة والنزول الي الشارع للتأكد من اصوات الشعب ليكون الحكم منصفا

قرار عاجل .... تم تعين العميد هشام ..doom99 لتشكيل لجنة ليكون الحكم منصفا و سريع والنزول الي الشارع وفوري....

صالح ابوشوارب
04-08-2007, 01:29 AM
بسم الله الرحمن الرحيم
بعد الاجتماع المشترك بين اعضاء مجلس القيادة ومجلس الوزاراء وذلك لمناقشة بعض المواضيع المهمة على ساحة المنتدى وهى : ــــ
1 ــ الخطاب الذى حملته البايركس قنقوليزا من المجتع الدولى ويتلخص في الآتى
أ ــ المجتمع الدولى يغريكم السلام بس يا اخوانا مجلس الشربوت قالت عامل ليهم دوشة في موضوع مجلس القيادة وحكم الفرد والديمقراطية ولذلك بتقول ليكم المجتمع الدولى ما عندو مانع انتو تكونوا في الكرسي بس عايزة شوية شمار ولذلك بتطلب مننا حل مجلس القيادة وتحويله الى حزب وتعيين جماعتنا اعضاء مجلس شعبي والرئيس ينتخب بس بشرط لازم يجيب موافقة 75% من اعضاء مجلس الشعب (طبعا جماعتنا)

*************
2 ــ وكذلك المجلسين ناقشوا موضوع المجتمع المدني بقيادة رجل البر والاحسان المستشار الحلامابي والاخ ashig madni والوساطة التى قاموا بها وطلبهم اطلاق (سراح الاخوة) التائبين فقد قرر المجلس الآتي

******1 ــ اطلاق سراح الاخوة في المعارضة والسماح لهم بتشكيل احزاب
2 ــ اصدار عفو رئاسي وعفى الله عما سلف ( نقدم السبت عشان الاحد )
3 ــ الانتخابات تجرى خلال شهر من فك الاخوان عشان يستعدوا للانتخابات
4 ــ الانتخابات سوف تكون بمراقبة اصدقاؤنا المجتمع المدنى
5 ــ سوف نسمع اصوات اعداء الديمقراطية ولكن عندنا قانون مكافحة الارهاب جاهز ..


وشكرا

zoolfrda
04-08-2007, 06:39 PM
وعلى فكرة اول قعدة لهذه اللجنة ستكون فيها ضبائح مبالغة لانني اعتقد ان الشيات والشطوط والعضة الثمينة تاثر قلوب الاطراف .....

أنا متأكد إنو لجنة دي أهدافا ... حتكون ناجحة أكيد ... ولابد علينا من دعمها وبشدة ....

نزار حسن محمد
04-08-2007, 10:38 PM
فى ساعه متاخره من الليل ..كانت هناك محاولات ياسه من وسطاء من بعض الاخوه رؤساء دول مجاوره تدخلوه فى عملية واساطه ودعوه لى انعقاد اجتماع فى احدى المنتجعات بى جنوب افريقيا
السافنا بعد ان تعهد الانقلابين بدفع رسوم الاقامه وتذاكر السفر لوصول بعض اعضاء الحكومه المركزيه لحضور هذا الاجتماع والذى سيكون به كل ملذات الحياه ..ولكن هياهات فقد وصل الخبر الى العميد ابوسفروق والذى قام بالاتصال مباشرة بى سفارتنا بجنوب افريقيا السافنا وطلب من سفيرنا تقديم خطاب لى الانتربول و حجز المطلوبين.. للقياده العليا عبر بوليس الانتربول
وسيقوم العميد اركن حرب /امير عبد الطيف على طائرة خاصه لى احضار المطلوبين ...
الله اكبر ..الله اكبر ...الله اكبر

والسلام عليكم ورحمة الله وبركاته
عميد اركان حرب
ابوسفروق

ود المطامير
05-08-2007, 02:49 AM
علمنا من مراسلنا أن القمه المصغره التى تمت فى شرم الشيخ
كانت قمه ناجحه بين جميع الأطراف بدليل رؤية الإبتسامه الواسعه
وشرب البيبسى والكولا حيث تم حزم كل القضيا العالقه بين الشعوب العربيه
بين أبو سفروق وعمّى أبو الله جابو وتومى صلاح وتم الإتفاق على توزيع الثروه
والسلطله على كل من ليس لديه ثروه وسلطه ... يحيا العدل ... تحيا شرم الشيخ
مكان الونسه على حساب الشعوب .
ود المطامير يتحمل المسؤليه .

مرتضى يوسف العركي
05-08-2007, 05:37 AM
بيان هام من لجنة الوفاق الوطني
الشعب السوداني الفضل
بكل الفخر والاعزار وبجهد سوداني خالص قامت لجنة الوفاق الوطني ممثلة في الاخ AshigMadni الاخ Zolfrda وشخصي المتواضع طيلة الفترة الماضية بجهد خارق اوليناه كثير من السرية المطلوبة بعد ان استعرضنا الاخطار الماثلة والتحركات الدولية باعتبار طرفي النزاع ابو سفروق والله جابو مجرمي حرب وما تمخض عنة الترحكات الكوندليزواية من احالتهما لمحكمة الحرب الدولية وتفويتا للفرصة للطامعين من اذناب الاستعمار القديم والجديد وبعد الاتصالات المكثفة والرحلات المكوكية لطاقم اللجنة سواء على مستوى شرم الشيخ او جنوب افرقيا توصلت اللجنة لما يلي :
1/ تامين كافة الاطراف المتنازعة عن رغبتهم في تحقيق السلام العادل وعدم شق المنتدى واخماد نار الفتنة .
2/ محاولة زيادة عدد اللجنة وياجماعة الخير دايرين ناس يكونوا فرد لابو سفروق وكمان فرد لابو الله جابو عشان يساعدونا في التحنيس والناس لازم يكونوا فرد وشلة قديمة يحلفوا عليهم لو دعى الامر وصلاح الطاهر ده خلو لي عديل كدة بشيل ليه هدية كم عراقي هبابي وعنقريب والقهوة دي ما حتيف من حوشوا في السودان وحنجيب ود المطامير فردتو يعملوا الدايرنو وليس ما يمنع من توليته وزيرا للتربية والتعليم ونفتح ليه وود المطامير وزير الثقافة والاعلام
3/ القناعة بان الولائم والشيات والضبائح اقرب الطرق لقلوب المتعاركين .
4/ تشكيل لجنة موازية من الحريم لاقناع زوجات كل من الله جابو وابو سفروق والادمن وصلاح الطاهر دي كانت فضت من الدكتوراة وكذلك ام عمرو لود المطامير وكافة المتسببين في المشاكل باعتبار انو حريمهم بقدورا عليهم .
5/ تلتزم اللجنة بان الولائم في اطار لم الشمل ستكون بالداخل وحنوفر الضان هبطرش والشطوط سودانية ولا داعي لتكاليف السفر حيث يمكن الاستفادة منها في التتكل وتوفير المزيد من العزومات اليها نكهة غير واحسن من جنوب افريقية وشرم الشيخ .
على فكرة كل هذه المقترحات نقتنع بان تجد حافزا لدى الجهات المتعاركة وعلينا جاي علينا جاي عارفين الناس دمها فائر وروحها محرقاها وحنوفر فرق كيتات لزوم الترويح .
ونتحفظ على حقوقنا في هذه الوصفة السحرية التي يمكن حل كثير من المشاكل لكثير من الجهات المتخاصمة والمتعركة الاخرى .
وياجماعة الخير حلو المسالة عشان نشوف حلول اخرى للمناطق التي ستتمرد خاصة ام تريبات وبرتبيل ومايو نص وناس اللقد .
عاش التوافق الوطني وعاش قوى الشعب العاملة ( اسف للخطا المطبعي الاخير ) وانا ما بتاع مظاهرات زمان بس بحرق اللساتك عشان المدرسة يقفلوها حينها سعادتي لاتوصف .