هل الولد لو مارطب او عندو قروش برضو بيهو

[wadmdni511]

كدى مسؤوليين من الخير...
والله الزمن ده ياجماعه بقى غريب فى سوال انطرح على وحابى نتناقش فيهو .

الولد لو ماعندو قروش البت ماحترضى بيهو فى احناك كده جلونا منها الحاجات المثاليه الزمان ديك بس خصوصاً فى الزمن ده انا لاحظت كتير من الحاجه دى شنو لا حوله اى بت اول حاجه بتختها فى باله الولد المقرش المرطب ذى مابقول الكثيرون ده حاجات الزمن ده . وياما حنشوف شكلو الزمن ده اغرب واغرب .

نحنا زاتو كدى نعرف اخواتنا ديل رايم شنو او حيقولو شنو ......

[ابوندى]

المهم انو يكون جادى في كلامو ومستعد يمشى المشوار واكيد حيلقى واحدة بت حلال من بنات حواء , وكلام القروش دا يا ودمدنى511 مظاهر ساكت والمرطب دا حا يجى يوم يبقى ما مرطب والمهم ما بعد العرس
همسة : كلنا وقت ارتبطنا ما كان عندنا التكتح , بس عزمنا المشوار والحمد لله براك شايف الصورة الرمزية

[wadmdni511]

تسلم يا ابو ندى على الكلام اللذيذ ده طبعا ممكن اى زول القى البت بت الحلال بس جد صعب يابوى ديل اى وحده بقت خلاص شايفه نفسها . بس بينى وبينك ذاتو الاولاد بقو بسيطيييييييين تانى نشوف كلامهم ده كيف هههههههههههههه

ولا شنو

[أبو مهدي371]

لكن بعزة امي عندي الفين وعشرين لوما جن عشرة خطبنك من امك تف لي في وشي
وابقي راجي شيلتك بلواري بنات الزمن ده كضابات يمين بالله اول ماتحس انها القطر قرب لي محطتها تقول ليك راجل المراة حلو حلا .
وماتشيل هم ياولدي نحن في البيت راجل وخمس بنات ابقي مارق .

[خالد أحمد الصول]

و الله تصدق أنا مهموم علي مستقبل بناتي لما أراه دائما من شباب هذا الجيل ... يلبسون لبس الاناث و يحلقون الرؤس بطريقة ما أنزل الله بها من سلطان و يعتمدون علي اهلهم في أي شي .. حتي في بيتي لا يساعدني أبنائي إلا قليلا ... فقد كنا نعتمد علي أنفسنا و بدأنا الصرف عليها ومنذ اللإبتدائي ..... أصدقك القول ... إذا تقدم لبنتي شاب مكافح يعتمد علي نفسة و يحمل هموم أسرته و يصرف عليها و يعرف المسؤلية تماما ... لا أتردد أبدا في تزويجها له دون أن أعرف هل هو ميسور الحال أم لا

[أبو مهدي371]

حبابك الف يابوا البنات يمين بالله كلامك احلي من الشهد ومافيه ميل تب وكلام ود قبائل اصيل بس الشباب اليبقوا مارقين .

[صلاح الدين محمد]

العزيز / ودمدني511

موضوعك جميل جدا وبتناول شي واقعي

واحب اقول ليك انو الرطوبة ما كل شي لانو في ناس مرطبين لمان الرطوبة بقت قاوت

وفكرة الارتباط وتحمل المسؤلية ده برا حساباتهم ونوع ده لو عندي مية بت ما بدي ضفر من

واحده فيهم .

وفي واحدين قرش ما عندو بس مسؤول وبقدرو المسؤولية وديل في الزمن الده اصبحو قليلين

ومشكلة الشباب اليوم بقت في الاختيار لانو بنات الزمن ده رقم كترهم برضو الواحد صعب القي

عجبو زي ما بقولو اهلنا .

[wadmdni511]

والله تسلمو كلكم على الناقاش الجميل ده وجد توضيحات حلوه . وتسلم كتييييير سيادة الصول جد كلام موزون وفى كلامو بس دى نظرتك انته بس شوف نظرة البنات ممكن انته اكون ليك ضلع كبير فى هذا الشان بس اغلب البنات تفكيرم بقى كده .بس ماكلهم ولا كل الاسر ولا ولا ولا الخ..... بس ربنا اذيد من امثالك وجد ربنا اعرس لى كل عاذب واديهو بت الحلال ذى مابقولو .


وتسلم ياود المهدى وحبيبنا صلاح
وجد الزمن ده بقت المسؤليه جد صعبه ونادر مابتحملوها الشباب ديل ذى ماقال سيادة الصول
بس ربنا استــــــــــــــــــــــــــر

[ودكمبال]

الاخ ودمدنى511
بعد التحيه
الموضوع جميل لكن يامعلم سنة 2020 نحن بنكون فى خبر كان والبوره كتتلتنا على العموم الزمن اتعكس والاولاد بفكروا فى البت المريشه وعندها دخل وتشهد بذلك مقاعد الدراسة وكان ما مصدق روح الجامعات وانا بعرف امهات بصرفوا الغالى والنفيس عشان البت تتعلم ليس من اجل العلم ولكن لكى تضمن لها زوج فى زمن انعدام الرجال وفقط البفكروا فى العريس المريش البنات اللاتى لم ينلنا قسط من التعليم ولهن حسن الجمال .
لكن البت ذات الموهلات العلميه والدخل الثابت(الترطيبة) بتفكر بنفس الوتيره عايزه ولد عسوله وجميل وحنكوش طول الوقت امام المرأه مش هى المتزوجاه وهى البتعمل والله يستر ما طالبوا بالجلوس على حفرة الطلح واذا حصل فان المولد سيحمله ابوه تسعة اشهر وبنشوف رجال بتلد والله يستر على الزمن الجاى والزمن ا..........................
و
د
ك
ب
ا
ل



















0

[reemna]

ana mn raykm wawl shy btfkr fyh albnt hw algrwsh sah bs dy yatw bt dy al sthya al rasha mlyan whm w frag w ma tsdg anw albnat klhm wahd zy alawlad tmam wantw kman alakdh grwsh afdl mn almflsh wl shnw al mhm btlga zwltk akyd bs asbr whtshwf

[wadmdni511]

هسى المشكله اتغيرت والكلام ده عرفتو بعد تفكير كتير وحقايق اللتمستها من بعض الشباب والذين ضاقت بيهم الواسعة ذى مابقولو بس جد اتقلبت قلبة غريبة .
لو ملاحظين فى بدايت كلامنا كنا بنتكلم عن الولد والمجتمع لوماكلو جزأ كبير منو وتفاصيل قضية حتكبر بس هسى بقى الولد يفكر فى البت العندها قروش (مرطبة) والكلام ده كلو طبعاً ماعلى كل الاولاد بس ديل شباب الالفية الثالثة والعولمة وجد حاجة محزنة لانو كدة حتندسر القيم والمبادى الناس الكانت بتعيش بيها ومن اجلها عايشة بس جد حاجة محيرة جدا
بس رايكم شنو فى التفكير السائد بقى عند اغلب الشباب ...

[ناصر عمر دبيب]

ياودمدني 511 الحكاية مش فلوس الكلام الاخلاق

[mamdoh]

من زاوية اخرى أشياء تضمن الحياة السعيدة وهو التكافو المادي بين الطرفين ويحفظ الاحترام بينهما أذا كان هنالك طرف حالته المادية احسن من الثاني حتي ولو كانوا اهله سوف تكون هناك مذلة للطرف الاخر ولذلك حبيبنا المصطفي (ص) اوصانا بالظفر بذات الدين

[معروف الجزولي]

والله بصراحه يا اخي ود مدني ناس الزمن ده بقو عجيبين المتعلم منهم والامي كل همهم قروش ولو ما عنك قروش مافي بت بتوافق بيك حتي لو كانت بنت عمك ولو كان عندك دكتوراه- وطوالي عمك اقول ليك البت قالت عايزه تكمل تعليمها وبعد اسبوعين تسمع بان خطبها واحد مقندل تاجر جمله في سوق العيش-- ولا مش كده يا اخوانا

[mamdoh]

ياصلاح انا عارف انتم ماعندكم اخت ماكان ترد , الموضوع ده للواحد العندو اخت انشاء الله تكون اولادك كلهم بنات قول امين

[saleh farah]

والله موضوع جميل جدا
لكن تعالوا ناخده حبه حبه من غير تسرع
تعالوا نسأل نفسنا سؤال
ماهى مقومات الزواج ؟ يعنى بالعربي كده الواحد لما يجى اتزوج مفروض اكون وضعه كيف وعندو شنو ؟
1- هل يعمل ؟
2- هل يملك بيت ؟ ولماذا البيت
طبعا الاخلاق والمثاليات مطلوبة واهم ولكن دعوا نقاشنا يكون فى حدود الماديات .
واول سؤال منى لكيم لو جاء اى عريس لاخت اي منا او ابنته ماهو تعليقه على حالة العريس الماديه ؟