تنيه

[مرتضى ساتى]

الاخوه الاعضاء فى البدايه مبروك للهلال والمريخ
ارجوا من الاخوه الاعضاء الالتزام ببوست هلاريخ فى اعلى المنتدي الرياضى للنقاش وكل ما يهم العملاقين وهذا ما لزم التنبيه عنه
ومن لن يلتزم سوف نقوم بحذف الموضوع واذا تكرر ذلك سوف ينذر العضو
وللجميع منى الاحترام والتقدير

[وليد عمر سعيد]

الاخ مرتضي

لك التحيه والاحترام

اود بداية ان اشكركم على مسعاكم الطيب واهتمامكم بالقسم الرياضي وان دل على شئ انما يدل على شخصيتكم الرياضيه

ثانيا وجهة نظر واختلاف الراي لا يفسد للود قضيه

انا كاحد اعضاء المنتدى وزوار الرياضي باستمرار واجهة المشرفين قبل كدا نفس المشكله حقت الهلال والمريخ والمريخ والهلال وراي الجميع في ذلك انو الناس تنزل مواضيعها عن فرقها عادي
وكون يكون في موضوع واحد مثبت ماعاجب كثيرين وانا الان اتكلم عن نفسي فقط !

ارجو انا تتقبلو راي بصدر رحب وراجيا منكم اخذ راي الجميع قبل اصدار قرارات اشبه بالشرطه العسكريه .

مع ودي !!

[معتصم عيدروس]

الاخ مرتضى تحياتي
انا اكثر المعارضين لوجود مواضيع الهلال والمريخ في المنتدى الرياضي، وكنت قد اقترحت ان يتم تقسيم المنتدى الرياضي الى قسمين .. قسم يسمى المنتدي الرياضي العام وآخر يسمي منتدي ودمدني الرياضي..

واظن ان هذا هو الاسلم اذ لا يمكن ان تضع كل المواد التي تخص الهلال والمريخ في بوست واحد لأن كل واحدة منها ستكون بخاصية مختلفة عن الاخرى.. فما رايكم ادام الله فضلكم

[النزير محمد شريف]

الاخ مرتضى تحياتي
انا اكثر المعارضين لوجود مواضيع الهلال والمريخ في المنتدى الرياضي، وكنت قد اقترحت ان يتم تقسيم المنتدى الرياضي الى قسمين .. قسم يسمى المنتدي الرياضي العام وآخر يسمي منتدي ودمدني الرياضي..

واظن ان هذا هو الاسلم اذ لا يمكن ان تضع كل المواد التي تخص الهلال والمريخ في بوست واحد لأن كل واحدة منها ستكون بخاصية مختلفة عن الاخرى.. فما رايكم ادام الله فضلكم


الاستاذ معتصم


والله ميه الميه

انا من انصار فكرتك


مع مودتي

[الزعيم]

الأخ : مرتضى ساتى
لك التحية
أبدأ من نهاية مشاركة الأخ معتصم عيدروس

الاخ مرتضى تحياتي
واظن ان هذا هو الاسلم اذ لا يمكن ان تضع كل المواد التي تخص الهلال والمريخ في بوست واحد لأن كل واحدة منها ستكون بخاصية مختلفة عن الاخرى..

* وضع كل المواضيع التى تكتب عن هلال مريخ فى بوست واحد هذا خطأ كبير فى تقديرى وبحكم مشاركتى فى العديد من المنتديات العربية فى عالمنا العربى لم أجد هذا التحجيم ..

* وضع كل المواضيع فى بوست واحد يحد من حرية التعبير ونحن فى زمن الحريات ..

* الإبداع يحتاج لمساحة حرة من غير تقييد ..

* الإعلام الرياضى مناط به دور كبير لدفع عجلة التقدم الرياضى فى بلادنا ، لذا نريد من موقع ودمدنى أن يكون الرائد فى تحريك الإعلام الرياضى ..

* حرية التعبير تعتبر من أهم مميزات الصحافة الحرة ونحن فى الألفية الثالثة نريد للسودان التقدم فى كل ضروب الحياة ..

* دعونا نكتب بكل إحترام وشفافية .. ويجب علينا أن تحترم الغير ،، نختلف فى الرأي ونتفق فى المبدأ ..

الكلام كثير يا شباب أرجو أن أكون تمكنت من توصيل فكرتى لكم ..

ولنا عودة
إبقوا معنا
الزعيم

[مرتضى ساتى]

الاخ وليد شكرا لمداخلتك الجميله جمال اهلى ناس ابوقرط بس يا وليد مافاى عسكريه هنا نحن خصصنا بوست وفتحنا بوست للتنبيه والناس بدات تتداخل فى ا لموضوع بشكل جميل وحتى نتفق على راي واحد لك مودتى
الاخ عيدروس راي جميل وبرضو ننتظر اراء الجميع عسى ولعل
النذير انا مصر اقول مابس زيدنا من دلك شويه واهو اتنين مع بعض وحاضرين
الزعيم القادم بقوه حاضرين يازعيم وبرضو اختلاف الراي ما بفسد للود قضيه
ومنتظرين راي المشرف العام

[الزعيم]

لك التحية أخى مرتضى
وحقاً أنت رائع ،، ونحن فى إنتظار رأي المشرف العام .

الزعيم

[محمد مصطفي]

السلام عليكم


والله ياخي النقطه دي بزات انا ما كنت داير اتكلم فيها لانو قبال كده انا اتكلمته فيها وفي ناس زعلو مني وبدون زكر اسامي قالو تاني ما بخشو المنتدي لكن يا خونه كده ما صاح معليش يا امرتضي ساتي انك تخلي المواضيع البتخص الهلال والمريخ في بوست واحد

وقبال كده برضو حصل ترشيح وتصويت في نفس الكلام ده والترشيح ده انتهي علي شنو انتهي علي انو منتدي ود مدني للجميع يعني هلال مريخ اهلي مدني وكل المباريات العالمية والداخلية



وده راي مع احترامي لي رايكم


دمتم بود يا رياضين ،،،،،،

[مرتضى ساتى]

حلوه منك يا عضو يافضى ونحن مع الاغلبيه الى ان نتوصل لحل وسط يفيد الجميع تخريمه :انت ما ذكرته اسم الشخص الذى قال ما بخش المنتدى ولكن قلتوا عديل المهم ياحبيب نشكرك لانك طلعتنى من دبرسه بضحكه خاصه ولك الاحترام

[محمد مصطفي]

اخي الاكبر مرتضي ساتي ان شاء الله دئماً مطلعنك من الدبرسه

انا شايف ما حصل اي جديد في البوست بتاع الهلال والمريخ ان شاء الله بس ما تكونو دايرين تخلو علي كده

ما شايف لي اي تصويت ارو من السادة المشرفين انا ينظرو في المشكله دي

ولينا عودة



ودمتم بود يا رياضيين ،،،،

[وليد عمر سعيد]

حبيبنا / مرتضي لك التحيه مجدداَ

الهلال او المريخ ،، المريخ او الهلال

جزء لا يتجزء من اي رياضي من مدني او من خارجها
ولو رجعت لاي موضوع حول المشاكل البتواجه الاهلي او اي بوست عن انديه مدني بتلقا الردود فيها ضعيفه
تانيا معانا اعلاميين ما مستفيدين منهم اي شئ في نقل اي خبر عن الانديه في مدني
كلو حشو كلام لقاءات وحوارات ما بتخدمنا نحن كناس بعيدين عن مدني وعن اخبارها الرياضيه
واسلوبهم في الطرح اصلا اسلوب نقد اكتر من انو معلومه او خبر ان صح التعبير .

ياريت تعيد النظر في قراركم المتخذ
مع الاعتبار بالشئ الحاصل في القسم الرياضي من مواضيع وما يحتاجه الزائر الرياضي

ولي عوده !

[مرتضى ساتى]

الاعضاء الكرام نتمنى من الله عز وجل ان يوفقنا فى اداء رسالة الاشراف على منتدى مدنى ونصل معا الى ما نتمناه نحن وانتم
توصلنا الى حل وسط وانشاء الله يرضى الجميع وهو يتمثل فى فتح بوست ومثبت لكل العملاقيين ونتمنى ان نشهد تنافس لاظهار مقدرة كل العاشقين لهلاريخ (ماعايز اقول اسم واحد قبل التانى حتى لاافتح لنفسى باب ما اقدر عليه) والله من وراء القصد

[وليد عمر سعيد]

الاخ/مرتضى

اخر ماقلته ان الناس تسوط على الفكره فمن اين جاء قراركم الاخير !!!!

بعدين يا مرتضى هم الفريقين الفضلوا لينا بصراحه يعني وماعندنا غيرهم نقعد ندقق في انو دا منتدى مدني ولازم يتكلم عن مدني بس
الهلال والمريخ في قمة تالقهم من الوطنيه ومن الاخلاق الرياضيه انو نقيف معاهم بكل حواسنا مش من خلال بوست واحد ونكتفي بيو !
بعدين اسمح لي يعني بس ماعايز اقول كلام الناس تقول انا ماعندي ولاء لمدني او بسئ للرياضه في مدني بس هي وين !!!!!!!!!!!!!!!!!!!!!!!!!!!
مع الاحترام اخ مرتضى بس انا معترض على الفكره وعلى قراركم دا
وبطلب من رئيس مجلس الاداره واعضاء مجلس الادارة وكل المشرفين سواء كان عام او مشرف لقسم معين التدخل في هذا الموضوع .
انتظر ردكم على من اين اتى قراركم مع العلم انو نحن اتفقنا على التسويط

مع ودي !

[الزعيم]

الاعضاء الكرام نتمنى من الله عز وجل ان يوفقنا فى اداء رسالة الاشراف على منتدى مدنى ونصل معا الى ما نتمناه نحن وانتم توصلنا الى حل وسط وانشاء الله يرضى الجميع وهو يتمثل فى فتح بوست ومثبت لكل العملاقيين ونتمنى ان نشهد تنافس لاظهار مقدرة كل العاشقين لهلاريخ

ده كلام زي اللقيمات ....
* أوافقك الرأي بأن يكون بوست الهلال منفصل عن بوست المريخ .. وهذا شئ جميل ..
* المواضيع التى تخص نتائج مباريات هلال مريخ تكتب فى البوست الذى يخص الفريق ..
* من أراد أن يكتب موضوع خاص (يحمل وجهة نظره عن هلال أو مريخ) يمكنه الكتابة فى المنتدى الرياضى .
* نسأل الله التوفيق لنا ولكم وأرجو أن نساهم معاً نحو إعلام رياضى واعى ..

والله من وراء القصد ..

الزعيم

[محمد مصطفي]

السلام عليكم


والله انا بايد كلام وليد ابوقرط ويا اخ مرتضي مع احترامي ليك مفروض اكون في دمقراطية
علي راي الناس كلها ما علي راي شخص واحد بعدين مع احترامي لي مدني وناس مدني انحنا نقول الحقيقه ماف كوره في مدني وما في مدني بس في السودان كلو عارفين لي عشان ناس الهلال والمريخ بشترو اللعيبة الفي السودان كهم ابقي نحن نشجع منو ؟ بعدين انا شايف في بوستات بتتكلم عن برشلونه وفرق بره السودان يعني كده صح حقو الناس تكون واقعية وتعرف تميز وتعرف الصاح من الغلط .


ومع احترامي ليك مرتضي انتو اتخذت قرار خلاص ما اظن انك تتراجع فيه لكن المنتدي الرياضي ما اظن نجي راجعين ليه تاني .

دمتم بود يا رياضيين

وخلاص تمنياتي لكم

اخوكم كبك،،،،،،


وشكرا ليكم .........

[عوض صقير]

بعملية تثبيت بوست يخص المريخ وآخر يخص الهلال نكون قد قمنا بتمييز المريخ والهلال عن بقية الأندية واعطيناهم مكانة لم نعطيها لأنديتنا وهذا أقتراح بمراجعة ذلك وأن يكون كل أندية السودان سواسية دون تحيز وتمييز لماذا كلما نفتح المنتدى الرياضى نجد المريخ والهلال فى أعلى الصفحة وأتمنى أن يكون التثبيت لمواضيع تهم الجميع

[الزعيم]

السلام عليكم
بعدين انا شايف في بوستات بتتكلم عن برشلونه وفرق بره السودان يعني كده صح حقو الناس تكون واقعية وتعرف تميز وتعرف الصاح من الغلط .
ومع احترامي ليك مرتضي انتو اتخذت قرار خلاص ما اظن انك تتراجع فيه لكن المنتدي الرياضي ما اظن نجي راجعين ليه تاني .

عزيزى كبك ،، لك التحية والتقدير
أرجو أن تسمح لي بمداخلة بسيطة ... أختلاف الرأي لا يفسد للود قضية ,, بوست برشلونة ، ريال مدريد ، مانشستر ، ميلان ، ليون ، بايرميونخ ... إلخ هى عبارة عن تباين لوجهات النظر ،، فكل إنسان له ميوله وحبه ،، ونحن فى زمن الحريات لذا المنتديات عبارة عن منتجع يتحدث فيه الأعضاء عن دواخلهم بشكل حر ..
*************************
أما بخصوص أنك إنسحابك من المنتدى ،، أعذرنى فهذا قرار خاطئ أرجو العدول عنه لأن المنتدى ليس ملك لأحد وإنما للجميع ،، مع إحترامى لأصحاب المقامات .. وإنسحابك يعتبر هروب ،، والهروب كان سببه عدم الإستجابه لطلبك وهذا يعنى أنك متعصب لرأيك ،، أرجو أن تكون على قدر عطاءك الثر الذى قدمته لمدنى والرياضة ..
أعذرنى على تلك المداخلة وهى من إحساسى بفقدان مثل هذا القلم الرصين .. إرجع وعودى لأهلك وناسك فهم يحتاجونك وفوقهم السودان ..

وسلمتم

الزعيم

[محمد مصطفي]

مشكور اخ الزعيم علي المداخله الجميلة

انا ما لمن قلت تاني ما اظن نجي راجعين المنتدي الرياضي ما قاصد اني تاني ما بخش لكن ما بكون زي اول ده القاصدو ما هروب وانا واحد من الناس عارف في حاجه اسمها الراي والراي الاخر لكن جد ما حاكون زي الاول وانا في منتدي ود مدني عموماً لو رجعته اكتر منتدي انا متواجد فيه الرياضي لكن انا شايف القرار بتاع البوست ده ما صاح

وشكراً

[مرتضى ساتى]

الاخوه الاعضاء يعنى مافى داعى للزعل نحن وانتم من اجل منتدى مدنى نعمل وسوف نصل الى الافضل انشاء الله يعنى مافى راي نهائى الا برأى المجموعه. عملنا بوست واحد ورجعنا وغيرنا كل بوست لوحده والقادم احلى يعنى فى ديمقراطيه وفعلا المنتدى ليس ملك لاحد و الصبر شويه وبنصل باذن الله الى حل يرضى الجميع ولنعمل من اجل منتدى جميل راقى ولكم منى الاحترام والتقدير

[الزعيم]

شكراً أخى كبك
شكراً أخى مرتضى
شكراً لكل من شارك برأيه فى هذا الموضوع ..

دعونى أشرح لكم بشكل أفضل ..
* يا إخوانى أرجو منكم زيارة أي منتدى آخر ،، وبالتحديد منتدى عربى مثلاً خليجى أو مصرى شوفوا المنتديات مقسمه كيف .. مقسمه بشكل رائع .. يعنى لو عاوز تعرف أخبار الأهلى المصرى مثلاً تذهب قسم الكرة العربية وتفتح بوست الأهلى وكذلك أخبار مانشستر يونايتد تذهب قسم الكرة العالمية وتفتح بوست الكرة الإنجليزية وتختار مانشستر مثلاً ..
* يا أخوانى الموضوع ده أديناه أكثر من حقه .. أرجو أن ننهى هذا الموضوع لأن الجدل فيه بيظنطى .. مع إحترامى للرأي الآخر ولكن الجدلية هنا ليست فى مكانها ..
* مثلاً أنا كاتب مشاركة بعنوان (خاص لمحبى برشلونة الإسبانى) فمن أراد معرفة أخبار برشلونة يفتح هذا البوست يقرأ ويشارك برأيه ..

عذراً أحبائى فإنى أرى ضياع الوقت فى أمر بسيط وليس فيه أحتكارية أو عدم إحترام لرأي أحد ،، عليه أرجو أن نشوف موضوع آخر يقدم ويطور هذا المنتدى والموقع عموماً ..

وسلمتم

الزعيم

[محمد مصطفي]

والله يا وليد ما مفهوم الحاصل شنو

[مرتضى ساتى]

شكراً أخى كبك
شكراً أخى مرتضى
شكراً لكل من شارك برأيه فى هذا الموضوع ..

دعونى أشرح لكم بشكل أفضل ..
* يا إخوانى أرجو منكم زيارة أي منتدى آخر ،، وبالتحديد منتدى عربى مثلاً خليجى أو مصرى شوفوا المنتديات مقسمه كيف .. مقسمه بشكل رائع .. يعنى لو عاوز تعرف أخبار الأهلى المصرى مثلاً تذهب قسم الكرة العربية وتفتح بوست الأهلى وكذلك أخبار مانشستر يونايتد تذهب قسم الكرة العالمية وتفتح بوست الكرة الإنجليزية وتختار مانشستر مثلاً ..
* يا أخوانى الموضوع ده أديناه أكثر من حقه .. أرجو أن ننهى هذا الموضوع لأن الجدل فيه بيظنطى .. مع إحترامى للرأي الآخر ولكن الجدلية هنا ليست فى مكانها ..
* مثلاً أنا كاتب مشاركة بعنوان (خاص لمحبى برشلونة الإسبانى) فمن أراد معرفة أخبار برشلونة يفتح هذا البوست يقرأ ويشارك برأيه ..

عذراً أحبائى فإنى أرى ضياع الوقت فى أمر بسيط وليس فيه أحتكارية أو عدم إحترام لرأي أحد ،، عليه أرجو أن نشوف موضوع آخر يقدم ويطور هذا المنتدى والموقع عموماً ..

وسلمتم

الزعيم

الاخوه المتداخلين اقتبست كلام الاخ الزعيم ولانه ده الاقتراح الان جاري تنفيذه مع مجلس الاداره واتمنى الصبر من الجميع
وبخصوص نقل موضوع نتائج مدنى سوف ارسل لك رساله خاصه اشرح لك فيها الموضوع الاخ وليد

[روبش]

اخوتي الاعزاء ..
كل شخص ادلى برأيه في هذا الموضوع له وجهة نظر خاصة واكيد مقبوله ومحترمه . ولكن هنالك خصوصية فيفترض تكون الاولوية لها وهي ( ودمدني ) تلك الاحرف الجميلة التي بداخل كل منا .. فلها حقوق وواجبات .. فالاحقية لهذه المدينة الرائعة حتى ولو غابت عن المحافل الرياضية .. فالمسؤولية التي تقع على عاتقنا باظهارها بأي صورة من الصور على ان تكون شامخه وعاليه دائماً .. فهي لا تصنع نفسها ولكن نحن ابنائها من يصنعها كلا في موقعه .. فنحمد الله على أننا التقينا في هذا المنتدى الرائع منتدى ودمدني خاص بأبناء مدينة ودمدني ليس إلا .. نعم ننادي بالحريه ونؤمن بها ولكن الاولى مدينتنا .. عندما نكتفي منها بعدها نفكر في الاخرين ...
اخوتي .. اتمنى ان تكون الرؤيه واضحة وثاقبه ونتجه صوب مدينتنا ونناقش جميع ضروبها ..
- الدوري الاسباني والانجليزي .. القنوات الفضائية ما مقصره .
- الدوري العام ( هلال مريخ ) الجماعة ما مقصرين مطبلين كويس ..
- الباقي نحن عايزين نطبل لمدينتنا ومحتاجين لكل ابنائها ..

أخوتي .. هذا رأي ومتروك للنقاش واتمنى أن نجد حل يرضي الجميع .
والله ولي التوفيق

[معتصم عيدروس]

يا اسامة ينصر دينك

الكلام دا قلناه زي مائة مرة كده .. لكن في النهاية قلنا نصل لي حل وسط .. لهم هلاريخهم ولنا مدنينا ..

عشان كده اقترحنا انو المنتدى يتم مثل المنتدى الثقافي
قسم للرياضة العالمية والعربية وقسم للهلال والمريخ

[محمد مصطفي]

الاخوه الرياضيين

انا داير اعلق علي كلام روبش

انا داير اقول ليك كلام يا ربوش اي انا من مدني لكن في ناس كتار جدا جدا ما من مدني ومشتركين في منتدي ود مدني طيب ديل بياتو حق انت حتجبهم انهم اتكلمو عن اندية مدني ولا ما اعلقو علي الرياضي وبرجع ليك اني انا من مدني طيب مفروض اني اشجع اندية مدني طيب الليله لو خشيت الاستاد مثلاً مبارة بين الاهلي والمريخ او مع الهلال بتلقي انو ناس مدني بشجعو في الهلال او المريخ وده ما صاح انا معاك في الحته دي لكن انحنا ما نسال نفسنا الناس دي لي بتعمل كده لي بتشجع في الخصم ؟؟؟؟؟؟؟؟؟

وشكراً......

[معتصم عيدروس]

اسمح لي يا كبك اعلق ليك نيابة عن روبش

اولاً منو القال حا نمنع الناس البخشوا وهم ما من مدني .. ما قلنا المنتدى الرياضي يتقسم زيو زي اي منتدي محترم لي اقسام .. قسم الرياضة السودانية ودا خاص بالهلال والمريخ والموردة .. وكسلا وبورتسودان والقضارف واي حاجة تانية بتخص الرياضة السودانية عموماً.. وقسم حا يكون خاص بالرياضة العالمية والعربية ودا واضح اختصاصه من اسمه..

اما بالنسبة للنقطة الثانية .. فاولاً نسأل سؤال هل البشجعو هلال مريخ ديل من مدني ولا قاطعين الكبري ، ولا جايين بالبصات من الخرطوم عشان يشجعوهم..
لو كانو من مدني يبقى دا عيب كبيررررررررر انحنا ما مفروض نسكت عليه .. واذا كانوا قاطعين الكبري أو جايين مع الهلال والمريخ من الخرطوم محل الطيارة بتقوم والرئيس بنوم يبقى ما من حقنا نمنعهم .. لكن المفروض علينا اننا نشجع فرقنا ونبصر الجماهير بضرورة تشجيعها ..
لانو دا البحصل في كل المدن الراقية والمتحضرة .. ولو شفت في مصر القريبة دي الاهلي ولا الزمالك لما يلعبوا في الاسماعيلية تقول لي كلامك صاح يا عيدروس..

يعني يا كبك وانت ود مدني مفروض يكون عندك الفهم دا وعند كل الناس .. وعشان كده دايرينك تكون معانا في تشجيع اندية مدني .. لانو الهلال والمريخ ديل ما بنفعونا بي حاجة وحا نجي نبكي ونتحسر تاني لو فريق من مدني هبط من الممتاز .. ولا رايك شنووووووووووووووو؟؟؟؟؟؟؟؟؟؟؟؟

[عوض صقير]

ياجماعة ده أسمو منتدى

وبالتالى يحق لأى عضوء كتابة مايحلو له فيما يتعلق بالرياضة
مادام كتابته لاتتعارض مع لوائح وقوانين المنتدى

مع أقتراحنا بعدم تخصيص أو تثبيت فريق دون بقية الفرق

[معتصم عيدروس]

يا مولانا عوض صقير يبدو انك تغرد خارج السرب ، او ان هناك شيئاً في نفس يعقوب.. انت لو قريت الكلام ما كان كتبت الكتبته لانو اصلاً مافي زول منع زول من الكتابة ..
:mad:

[مدنيّة]

اما بالنسبة للنقطة الثانية .. فاولاً نسأل سؤال هل البشجعو هلال مريخ ديل من مدني ولا قاطعين الكبري ، ولا جايين بالبصات من الخرطوم عشان يشجعوهم..
لو كانو من مدني يبقى دا عيب كبيررررررررر انحنا ما مفروض نسكت عليه .. واذا كانوا قاطعين الكبري أو جايين مع الهلال والمريخ من الخرطوم محل الطيارة بتقوم والرئيس بنوم يبقى ما من حقنا نمنعهم .. لكن المفروض علينا اننا نشجع فرقنا ونبصر الجماهير بضرورة تشجيعها ..
يعني يا كبك وانت ود مدني مفروض يكون عندك الفهم دا وعند كل الناس .. وعشان كده دايرينك تكون معانا في تشجيع اندية مدني .. لانو الهلال والمريخ ديل ما بنفعونا بي حاجة وحا نجي نبكي ونتحسر تاني لو فريق من مدني هبط من الممتاز .. ولا رايك شنووووووووووووووو؟؟؟؟؟؟؟؟؟؟؟؟

والله ياعيدروس انا شفت استاد مدني يوم مبارة المريخ والاهلي
بالله اعلام المريخ المرفوعه فيه اكتر من المرفوعة في استاد المريخ بالعرضة
بالله ديل كلهم يعني اما قاطعني الكبري اما زي انا ( محل الرئيس بنوم والطيارة بتقوم ) !!
طب المشجعين ليها شنوووو انتووو في مدني ؟؟

[معتصم عيدروس]

يا مدنية يعني نخليه للقاطعين الكبري والجايين من محل الطيارة بتقوم .. وللطابور الخامس من ابناء المدينة الذين يشجعون الفرق الزائرة ولا نعمل شنو

[مرتضى ساتى]

والله يا معتصم رغم انك موجود فى الخرطوم ولكن احى فيك روح الوطنيه

[مدنيّة]

يا مدنية يعني نخليه للقاطعين الكبري والجايين من محل الطيارة بتقوم .. وللطابور الخامس من ابناء المدينة الذين يشجعون الفرق الزائرة ولا نعمل شنو

في حاجة يامعتصم انت ماقادر تفهمها
انه الميول دي حاجة لا شعورية
بتتحكم في الانسان
مابيعني اني من الحتة الفلانية يعني لازم اشجع فريق الحتة الفلانية
الواحد بيقوم بيلقي نفسه بشجع فريق معين بغض النظر انه تبع وين؟
وبعدين زي ما زمان قلت ليكم انتو ورونا الرياضة اللي في مدني دي من خلال كتاباتكم عنها مش من خلال الامر والنهي وانه احنا من مدني خلامجبورين نشجع اندية مدني والسلام
وقبل كدا عملت ليكم اخحصائية عن الصفحة الاولي في المنتدي الرياضي وكانت كتاباتكم عن مدني ضعيفة جدا وبعد كدا مصرين تفصلونا من بقية السودان واهو في الاخر استسلمنا عشان نقدم اي حاجة لمدني بس حتة الاهواء والتشجيع دي مااعتقد في زول بيقدر يحولها من زول او يغيرها

[مدنيّة]

والله يا معتصم رغم انك موجود فى الخرطوم ولكن احى فيك روح الوطنيه

لو هي روح وطنية كان اتكلم عن السودان كله
بس هي روح مدنية
وبرضو بنحيه عليها
مع قناعتي التامة انه مافي زول بيقدر يغير انتماءات زول

[مرتضى ساتى]

انا شايف ان الناس زي بدات تقتنع بالفكره بتاعت بوست هلاريخ وهم الان داخلين بقوه يعنى الاقليه معترضه وحسب الديمقراطيه نمشى براي الاغلبيه

[روبش]

اخي العزيز .. كبك
لك التحية والاحترام ..
اعلم جيداً بأنك من مدني ولا شك في ذلك .. ومرحب بكل قادم خارج مدني لهذا المنتدى ونشيلو بعيونا .. بس في حاجة يا كبك لو استسلمنا بنفقد مدني .. بعدين على فكرة انت قايل نحن ما بنشجع الهلال أو المريخ .. واؤكد ليك انا هلالابي على السكين لكن الكلام لمن يكون عن مدني بننسى نفسنا.. وعلى فكرة مساطب الاتحاد والاهلي ما يجلس فيها إلا اتحادي أو أهلاوي يعني مشجعين باقي فرق مدني ما بجلسوا فيها ناهيك عن انو يشجع الهلال أو المريخ .. أما اللوحات فهي خليط لباقي فرق مدني ومشجعين فرق العاصمة ومعظمهم خارج مدني ..وده مشكلتنا يا كبك ... انظر للسوق بتلقى حد من مدني كلهم من اطراف مدني .. يعني ناس مدني بعيدين كل البعد عن مدينتهم ونحن عايزين نتوحد جميعا عشان ما نفقد مدني ..
اخي كبك .. ناس الاهلي والاتحاد وجزيرة الفيل محتاجين لينا اكثر في هذه المرحلة وكنت اتمنى ان يكتب احد عن مستوى الاهلي الاخير امام المريخ رغم الخسارة فكل من تابع اللقاء عبر التلفاز او المشاهدة الحية يجزم بأن الاهلي قادم بقوة ..
اخيرا أخي كبك لك التحية ونتمنى التوفيق للجميع

[وليد عمر سعيد]

انا شايف ان الناس زي بدات تقتنع بالفكره بتاعت بوست هلاريخ وهم الان داخلين بقوه يعنى الاقليه معترضه وحسب الديمقراطيه نمشى براي الاغلبيه

منو القال كدا يا مرتضى

بالعكس الناس دي اغلبيتها رافضه وممكن ترجع لي الموضوع بتاع افيدوني يا اهل الرياضي بتاع مزوني الكان مثبت وانت شلتو شوف راي الناس
وهسي برضو الناس دي رائيها زي هناك تماما

تخريمه

شايف المساله اخدت طابع التجريح اكتر من النقاش !!!!!!!!!!!!!!!!!!!!!!!!!!!!!!!

بطالب اخونا ........ يلوك الصبر شويه .

[محمد مصطفي]

السلام عليكم يا رياضييين

انا داير اقول حاجه واحد

والكلام ده موجه لي معتصم عيدروس لانو انا ما عارف بقيت الاعضاء موجودين وين حاليا اتخيل لي انو مدنية في الخرطوم ومرتضي في الدوحه لكن يا اخ معتصم انا من مدني ما مرقته نهاي وشايف الحاصل كلو انت ختيت لي انو الجوه الاستاد ديل قاطعين الكبري ولا جاين من الخرطوم طيب انا قلت ليك امسك اي شلليه قاعده في الحي ولا في اي حته في مدني بتلقاهم بتكلمو عن الهلال والمريخ ما حصل لقيت لي واحد بتكلم عن الاهلي ولا الجزيرة والاتحاد لي

انحن نتكلم بصراحه وين الكوره في مدني وين انا داير زول اوريني يا خوانه الناس تكون واقعية انحن كلهم فضل لينا فريقين بس الهلال والمريخ .

بعدين انا قلت قبل كده الكوره في السودان وفي مدني ما بتتقدم عارفين لي لانو احسن اللعيبة بشتروهم ناس هلال والمريخ .


بعدين داير ارجع لي كلام مرتضي يا مرتضي وينم الناس القالت ليك انحن اقتنعنه ممكن نشوفهم عشان الكلام ما اكون ساي يا خوانه الكلام ده ما صاح .


دايرين تقسمو المنتدي الرياضي قسمو داير تخلو كده خلو


لانو منتدي ود مدني عامتا كده بقي بشتغل براي ناس معينين ما الرياضي بس لا المنتدي كلو


وشكرا ......

[nasir]

اخي مرتضي لك الود
للجميع
مداخلة بطعم مسيخ
ماهو العنوان الذي يحمله هذا الموقع ؟؟؟؟؟؟؟؟؟؟؟؟؟؟؟؟؟ اعلي الصفحة
ما معني الانتماء؟؟
ما معني التشجيع؟؟
ان نحن توصلنا للاجابة فقد اتفقنا وان لم فسيكون الجدل في حلقة مفرغة!!!!
الاقربون اولي بالمعروف ((اولي لك فاولي))
للكل احترامي وتقديري

[عوض صقير]

يا مولانا عوض صقير يبدو انك تغرد خارج السرب ، او ان هناك شيئاً في نفس يعقوب.. انت لو قريت الكلام ما كان كتبت الكتبته لانو اصلاً مافي زول منع زول من الكتابة ..
:mad:

حبيبنا عيدروس الشغلانة واضحة ومامحتاجة لدرس عصر والموضوع ده على ما أعتقد تم حسمه من قبل وكان القرار بأن المنتدى الرياضى للجميع فلماذا إثارة الموضوع مرة أخرى ولماذا الأصرار لجعل العلاقة بين المريخ والهلال وأندية مدنى علاقة عداوة ومشاحنات ولماذا الكراهية الزائدة لأندية الهلال والمريخ يلا ياجماعة خلو روحكم رياضية وخلونا من التعصب الأعمى الذى لايخدم ولايفيد وتذكروا أنو مدنى مدينة سودانية

[معتصم عيدروس]

اللهم لا نسألك رد القضاء ولكن نسألك اللطف فيه

(لا حول ولا قوة الا بالله العلي العظيم)

[عوض صقير]

العزيز
مرتضى ساتى

من خلال مداخلات الأعضاء يبدو أن الصورة أصبحت واضحة
وأن معظم الشباب لايرغبون فى تقسيم المنتدى

ونتمنى أن يكون المنتدى الرياضى منتدى واحد يتسع للجميع
بكل ألوانهم

ويجب أن تكون الوحدة هى شعارنا وفى هذه المرحلة بالذات

وتشكر أخى مرتضى لسعة صدرك وحسن تقبلك لكل الآراء

[محمد مصطفي]

انا بايد كلام الاخ الاكبر عوض صقير وزي ما واضح ليك يا معتصم عيدروس انو المسئله دي انحسمت من زمان انو منتدي ود مدني للجميع لي تاني تفتحو الباب ده

وارجو من المشرفين انو اعيدو النظر في الحته دي

ويلا يا اخونا خلو منتدي ود مدني للجميع


ودمتم بود ،،،،

[مرتضى ساتى]

ياجماعه واحدى واحدى وبالصبر كل الامور بتتظبط

[مرتضى ساتى]

اولاً منو القال حا نمنع الناس البخشوا وهم ما من مدني .. ما قلنا المنتدى الرياضي يتقسم زيو زي اي منتدي محترم لي اقسام .. قسم الرياضة السودانية ودا خاص بالهلال والمريخ والموردة .. وكسلا وبورتسودان والقضارف واي حاجة تانية بتخص الرياضة السودانية عموماً.. وقسم حا يكون خاص بالرياضة العالمية والعربية ودا واضح اختصاصه من اسمه..
انا بقول الصاح صاح والغلط غلط ده ياجماعه كلام عيدروس يعنى الراجل ما قال لا لهلاريخ بالعكس بدون حساسيه كلاموا واضح وبعدين نحن حنعمل ولا عملنا قسم لهلاريخ ده معناه نحن ميزنا هلاريخ ما همشنا العملاقين

[مرتضى ساتى]

ده كلام زي اللقيمات ....
* أوافقك الرأي بأن يكون بوست الهلال منفصل عن بوست المريخ .. وهذا شئ جميل ..
* المواضيع التى تخص نتائج مباريات هلال مريخ تكتب فى البوست الذى يخص الفريق ..
* من أراد أن يكتب موضوع خاص (يحمل وجهة نظره عن هلال أو مريخ) يمكنه الكتابة فى المنتدى الرياضى .
* نسأل الله التوفيق لنا ولكم وأرجو أن نساهم معاً نحو إعلام رياضى واعى ..

والله من وراء القصد ..ده كلام العضو الزعيم

[مرتضى ساتى]

اخوتي الاعزاء ..
كل شخص ادلى برأيه في هذا الموضوع له وجهة نظر خاصة واكيد مقبوله ومحترمه . ولكن هنالك خصوصية فيفترض تكون الاولوية لها وهي ( ودمدني ) تلك الاحرف الجميلة التي بداخل كل منا .. فلها حقوق وواجبات .. فالاحقية لهذه المدينة الرائعة حتى ولو غابت عن المحافل الرياضية .. فالمسؤولية التي تقع على عاتقنا باظهارها بأي صورة من الصور على ان تكون شامخه وعاليه دائماً .. فهي لا تصنع نفسها ولكن نحن ابنائها من يصنعها كلا في موقعه .. فنحمد الله على أننا التقينا في هذا المنتدى الرائع منتدى ودمدني خاص بأبناء مدينة ودمدني ليس إلا .. نعم ننادي بالحريه ونؤمن بها ولكن الاولى مدينتنا .. عندما نكتفي منها بعدها نفكر في الاخرين ...
اخوتي .. اتمنى ان تكون الرؤيه واضحة وثاقبه ونتجه صوب مدينتنا ونناقش جميع ضروبها ..
- الدوري الاسباني والانجليزي .. القنوات الفضائية ما مقصره .
- الدوري العام ( هلال مريخ ) الجماعة ما مقصرين مطبلين كويس ..
- الباقي نحن عايزين نطبل لمدينتنا ومحتاجين لكل ابنائها ..
ده كلام العضو روبش

[مزوني]

السلام عليكم وصباح الخير
وانا يا جماعه بقترح تفاديا للمشاكل انو المنتدى الرياضي

يكون للجميع لغاية ما يتم التقسيم كل قسم على حده ولا رايكم شنووووووووو

مشاققه:
الموضوع ده كان اتحسم قبل 7شهور بس !!!
وحسه اتفتح تاني والاراء ياها زاتا والناس ياها زاتا
يعني والله اعلم انو يتلقي حل باخوي واخوك
وماليها الا التقسيم والله من وراء القصد

[مرتضى ساتى]

الرياضه للجميع وكما قال اخونا مزونى وتم والحمد لله والشكر الجزيل لمجلس الاداره الذي قام بفتح بوست جديد وهو الرياضه لللجميع ونتمنا من الله عز وجل ان يكون البوست الجديد يلبى رغبة الاخوه الاعضاء وكلنا من اجل منتدى راقى ديمقراطى والتحيه موصوله للريس الادمن على مجهوداته الرائعه فله منا الاحترام والتقدير

[مرتضى ساتى]

الاخوه الاعضاء تم نقل بوست الهلاريخ الى البوست الجديد الرياضه للجميع وهذا البوست فعلا للجميع وهذا ما لزم التنويه عنه
والله من وراء القصد

[الزعيم]

السلام عليكم ورحمة الله
عفوا أعزائى رواد وأعضاء الموقع ودمدنى .. ومع إحترامى للجميع إلا أننى أرى أننا دخلنا فى جدلية إثبات الذات وهذا يعتبر إنحرافاً عن الهدف المطلوب ..
ما اثاره بعض الأخوه بأن المنتدى يخص مدنى فقط فأقول لهم أنكم على خطأ وما دام المنتدى على الشبكة العنكبوتية أصبح للجميع داخل وخارج السودان .. وما يخص أبناء مدنى يخص أبناء السودان خاصة عندما يتعلق الأمر بالوطنية والمساهمة فى التقدم والتطور فى كل ضروب الحياة ..
نعم أنا لست من ودمدنى ولكنى أحبها ولي فيها ذكريات جميلة لا تنسى .. وعندما كان موقع ودمدنى باللون الأخضر كنت أتلقى رسالة يومية من إدارة الموقع ولم يقل لى أحد أنك لست من ودمدنى ..
عليه أرجو منكم أن نترك النظرة الضيقة والمتمثلة فى العنصرية لمدينتكم ،، لأن السودان للسودانيين .. وأرجو أن نأخذ الأمور بواقعية ،، فالمنتدى الرياضى هو المحرك الأساسى للموقع وعندما أجد بوست (الرياضة للجميع) خارج المنتدى الرياضى فهذا غير منطقى لذا أقترح الأتى :
* تقسيم المنتدى الرياضى إلى الآتى :-
1. أخبار الرياضة :-
- منتديات مدنى الرياضية
الدورى الممتاز
دورى الدرجة الأولى
دورى الدرجة الثانية
دورى الدرجة الثالثة
الدورة المدرسية
الكرة الطائرة
كرة السلة
كرة التنس : طاولة + أرضى
2. الأقسام الفرعية :- الكرة الإنجليزية
- الكرة الإسبانية
- الكرة الإيطالية
- الكرة العربية
- الكرة العالمية (وتشمل باقى الدوريات الأخرى الألمانية ،، الفرنسية .. إلخ)
3. المسابقات :-
-
-
-
4.


والله من وراء القصد وأسأل الله التوفيق لى ولكم ..

وسلمتم
الزعيم - الرياض