المساعد الشخصي الرقمي

مشاهدة النسخة كاملة : مسطلحات حوش الجامعة



ود ام تريبات
23-07-2007, 07:58 AM
الجامعات السودانية الناظر لها من وراء السور يرى الشباب والبنيات اللذيذات يتهادون ثنائي وفراد ومجموعات كاطياف الود ونسمات الامل .. ذلك حال الناظر على سطح ذلك المحيط المسمى جامعة .
المتعمق في بحر تلك الجامعات يرى امواج الخلاف والاختلاف العميق والسطحى على مواضيع مصيرية مواضيع اتفهه مما يمكن ان يصور كل حسب ثقافته
اليوم اتحدث عن مصطلحات تطلق داخل المجتمع الطلابي تحديداً السياسي :

سليقة :

تطلق على السكين التي يحملها الطالب للحماية الشخصية .. ويقال ان الشخص( سالق) اي يخمل سليقة ( سكين ) . ويقال ان فلان ( سلقوهو ) اي تم طعنه بسكين .

جفره

جفرة تطلق على نوع محدد من السكاكين تمتاز بطولها وشكلها المميز .. ولعل كلمة (جفره ) اتت من الكلمة الدارجة ( جفير ) وهو بيت السيف . وتستعمل ككلمة سر في كثير من الاوقات لبدء الهجوم بين التنظيمات السياسية داخل الجامعة اذ يقال ( جفره ) اي هجوم .

امونة

تطلق على افراد جهاز الامن المتواجدون داخل حوش الجامعة ايام الانتخابات ... ويشار الية ايضاً بحركة رفع الاصبع الصغير لليد اليمنى اذا كان موجدو في المكان ويصعب الافصاح عن ذلك بالكلام .

ولي عودة

صديق بلال
23-07-2007, 08:20 AM
الجامعات السودانية الناظر لها من وراء السور يرى الشباب والبنيات اللذيذات يتهادون ثنائي وفراد ومجموعات كاطياف الود ونسمات الامل .. ذلك حال الناظر على سطح ذلك المحيط المسمى جامعة .
المتعمق في بحر تلك الجامعات يرى امواج الخلاف والاختلاف العميق والسطحى على مواضيع مصيرية مواضيع اتفهه مما يمكن ان يصور كل حسب ثقافته
اليوم اتحدث عن مصطلحات تطلق داخل المجتمع الطلابي تحديداً السياسي :

سليقة :

تطلق على السكين التي يحملها الطالب للحماية الشخصية .. ويقال ان الشخص( سالق) اي يخمل سليقة ( سكين ) . ويقال ان فلان ( سلقوهو ) اي تم طعنه بسكين .

جفره

جفرة تطلق على نوع محدد من السكاكين تمتاز بطولها وشكلها المميز .. ولعل كلمة (جفره ) اتت من الكلمة الدارجة ( جفير ) وهو بيت السيف . وتستعمل ككلمة سر في كثير من الاوقات لبدء الهجوم بين التنظيمات السياسية داخل الجامعة اذ يقال ( جفره ) اي هجوم .

امونة

تطلق على افراد جهاز الامن المتواجدون داخل حوش الجامعة ايام الانتخابات ... ويشار الية ايضاً بحركة رفع الاصبع الصغير لليد اليمنى اذا كان موجدو في المكان ويصعب الافصاح عن ذلك بالكلام .

ولي عودة


فعلا مصطلحات غريبة وعجيبة وخاصة تتداول بين وسط قد وصل إلى مستوى عالي من التعليم... والسؤال هو ماذا تعلم هؤلاء في المراحل التعليمية إلى أن وصلوا إلى الجامعة... ربما قد تعلموا كيفية التعامل مع الأسلحة البيضاء ليكونوا في النهاية جزارين!!!

عثمان جلالة
23-07-2007, 09:25 PM
الحبيب ود ام تريبات ... والله رجعتنا كده .. (11) سنه لي ورا .. في زمنا .. ما كانت المصطلحات دي موجودة .. ولا يمكن كل جامعة عندها مصطلحاتها حسب الراهن الزمني .. حلوه الراهن دي .. لكن كان في برلوم ... أو برلومة وهم طلاب السنة الأولى ..والطريقه العثمانية .. وهي الأكل بدون دفع الحساب .. وغواصة .. للأشخاص الذين ينضمون لتنظيمات الوسط .. من التنظيمات الأخرى .. يمينية كانت أم يسارية لكن البوست جميل ... واصل واصل في انتظار المزيد

ود ام تريبات
23-07-2007, 11:58 PM
فعلا مصطلحات غريبة وعجيبة وخاصة تتداول بين وسط قد وصل إلى مستوى عالي من التعليم... والسؤال هو ماذا تعلم هؤلاء في المراحل التعليمية إلى أن وصلوا إلى الجامعة... ربما قد تعلموا كيفية التعامل مع الأسلحة البيضاء ليكونوا في النهاية جزارين!!!

الرائع

صديق بلال

لكل مجتمع مصطلحات يتعارف عليها .. ولعل استعمال السلاح الابيض وغير الابيض في الجامعات ثقافة دخيلة على هذا الوسط الراقي . وله خلفياته التي سياتي الحديث عنها وعن مسبباتها ولكل تنظيم داخل الجامعة رؤيته في من الذي بداء هذه الظاهرة الخطيرة ..

لك الود وكل الحب على المرور

ود ام تريبات
24-07-2007, 12:00 AM
الحبيب ود ام تريبات ... والله رجعتنا كده .. (11) سنه لي ورا .. في زمنا .. ما كانت المصطلحات دي موجودة .. ولا يمكن كل جامعة عندها مصطلحاتها حسب الراهن الزمني .. حلوه الراهن دي .. لكن كان في برلوم ... أو برلومة وهم طلاب السنة الأولى ..والطريقه العثمانية .. وهي الأكل بدون دفع الحساب .. وغواصة .. للأشخاص الذين ينضمون لتنظيمات الوسط .. من التنظيمات الأخرى .. يمينية كانت أم يسارية لكن البوست جميل ... واصل واصل في انتظار المزيد

جلالة
ياحبيب

لكل زمان رجال ولكل جامعة مصطلحات خاصة إلا انني هنا احاول ان اجمع المسطلحات المتفق عليها تقريباً في اوساط المجتمع الجامعي عموماً .

واصل كتابات مصطلحاتك ( للتاريخ ) في زمنكم السمح داك ..

وابقى قريب

ود ام تريبات
24-07-2007, 12:17 AM
ونواصل المسطلحات التي تعارف عليها في الوسط الجامعي على ايامنا وحسب اعتقادي انها لا زالت سارية المفعول ختى تاريخة وربما استحدثت مصطلحات اخري تعتبر اكواد للتعامل بين الطلاب ..

كديس :

تطلق على الكادر السري للتنظيم الذي تنتمي له او الذي لا ينتمي له الطالب اذ يقال ان فلان كديس التنظيم الفلاني .. او ان فلان كديس كذا .

متراس :

تطلق على مكان تجمع الطلاب من التنظيم المحدد او القائمة الانتخابية المحددة ليلة فرز النتائج . ويقال عنها متاريس اذ اخذت كلمة ( متراس )من متاريس .

شاش :

تطلق على العضو غير الفعال في التنظيم المحدد او الطالب الغير فعال في وسطه الجامعي او على الطالب الفاشل في اي مجال في الجامعة .. اذ يقال ان فلان شاش جداً في كذا .

ركن نقاش :

منبر للنقاش يطرح فيه التنظيم رؤيته المحددة في قضية محددة او يطرح فيه التنظيم برامجه وسياستة وخطه داخل الجامعة .. ولعل هذه الظاهرة فريدة في العالم اذ بشكلها الموجود في الجامعات السودانية لا يوجد له مثيل في العالم ..

كولنق

هو شعر يقوله افراد التنظيم للدعوة لركن نقاش او اي نشاط للتنظيم داخل الجامعة او لحشد الطلاب للتظاهر او لدعوة افراد التنظيم المحدد للتجهيز لمصادمة مع جهة اخري داخل او خارج الجامعة .. ولكل تنظيم لون محدد من الشعر يتميز به .. وللكولنق طريقة القاء خاصة تختلف عن الالقاء الشعري المعروف . ويكون الشعر بصوت مرتفع مسموع ولكل تنظيم كوادر متخصصة في هذا المجال ..

ود ام تريبات
25-07-2007, 01:46 AM
ونواصل


حليف

تطلق على الصديق الذي تجاوز حد الصداقة الى ما بعدها والحليف يكون رفيق دائم لحليفة داخل الجامعة وخارحها .. وتطلق ايضاً على التقارب الذي يكون بين التنظيمات في فترات الانتخابات ويكون التحالف اما مرحلي لانجاز مرحلة محددة او تحالف دائم ... وغالباً ما يكون الحليف رفيق حليفة في كل الاوقات وينجزون البرامج سوياً ..

تيم حماية

يتكون من رئيس للتيم وافراد . وتكون مهمة تيم الحماية حماية مراكز الانتخابات من التزوير او نسف الصناديق ومن مهامة ايضاً توفير الحماية للاشخاص المهمين داخل التنظيم سواء بحماية دائمة لهم او بتخبئتهم في مخابيء غير معروفة ..

كولا

تطلق على القنبلة اليدوية الصنع المسماة ( ملتوف ) .. وغالباً ما تصيب الشخص المستهدف بحروق شديدة دون ان تؤدي الى قتله .. وتستخدم غالباً لحرق السيارات ونسف صناديق الاقتراع..

عثمان جلالة
25-07-2007, 02:03 AM
كلامك دا آآآآ ود أمي بجيب لينا الهوا والامريكان وتنظيم القاعدة ... الحكاية بقى فيها قنابل ... واصل . واصل .. بنجيب ليك عيش وطحنيه في غوانتانامو ... ولا ما نامو:p

ود ام تريبات
26-07-2007, 12:02 AM
كلامك دا آآآآ ود أمي بجيب لينا الهوا والامريكان وتنظيم القاعدة ... الحكاية بقى فيها قنابل ... واصل . واصل .. بنجيب ليك عيش وطحنيه في غوانتانامو ... ولا ما نامو:p


ها جلالة

افوو انت بقيت تلاوز ولا شنو ؟؟
ولا عشان مشمشة ؟ عشان كده نحنا مادايرين نجسب مشمشة ولا امها عشان عارفين الاثار الجانبية للعرس دي !!!

محمد أحمد الشيخ
26-07-2007, 01:36 AM
يا ود أم تريبات صاحبك بقي إلاوز

محمد أحمد الشيخ
26-07-2007, 01:38 AM
دي مجتمعات جامعية ولا بتتكلم عن تنظيم القاعدة يا ود أم تريبات

مدنيّة
26-07-2007, 01:44 AM
دي مجتمعات جامعية ولا بتتكلم عن تنظيم القاعدة يا ود أم تريبات




:D :D :D :D :D

حسن سادة
26-07-2007, 01:47 AM
بوست جميل وشيق ويستحق الإشادة
لكين لسوء الحظ أنا ما قريت الجامعة
ولا مشيتو جنبو إلا وأنا ماشي لي بري المحس
والثانوي ذاتو كملناه بالتلتلة وطلوع الروح
لكين البوست مدنكل

تشكرات

ود ام تريبات
27-07-2007, 09:51 PM
يا ود أم تريبات صاحبك بقي إلاوز

يامحمد الشيخ

ده الفيهو ما خلاص كملت ...بقى زول عيشة ساكت ..

ود ام تريبات
27-07-2007, 09:56 PM
دي مجتمعات جامعية ولا بتتكلم عن تنظيم القاعدة يا ود أم تريبات


ياود الشيخ

ما خفي اعظم من عظيم ...

اكان جيت وريتك بالتفصيل الممل كل جنبة براها كان سياسة كان حبكانا والمشاكل المصاحبة تقول دي بغداد ما جامعة .. بعدين انت ما قاعد تسمع بمقتل طالب مقتل أُمه الطالب ده انت قايل قتلتو حصبه ولا ملاريا .. ؟؟ بكون مات إما بطلقة حييييييييييييييييية او بسكين او بملتوف مطعم بمسامير ؟؟!!! شفت كيف .
بعدين بقى الوليدات حقين (تامنة ديل )يكتلوابعض في بنية (البنية زاته تلقاها عاملة زي ابرة الخياطة ).

لك حبي على مرورك الجميل

ود ام تريبات
27-07-2007, 10:01 PM
المشاركة الأصلية كتبت بواسطة محمد أحمد الشيخ
دي مجتمعات جامعية ولا بتتكلم عن تنظيم القاعدة يا ود أم تريبات





:D :D :D :D :D


بركة المريتي وضحكتي ساكت ...

انا زمان قايل المشرفين ديل ما بدخلوا البوستات حقت المستجدين !!!!

ود ام تريبات
27-07-2007, 10:04 PM
بوست جميل وشيق ويستحق الإشادة
لكين لسوء الحظ أنا ما قريت الجامعة
ولا مشيتو جنبو إلا وأنا ماشي لي بري المحس
والثانوي ذاتو كملناه بالتلتلة وطلوع الروح
لكين البوست مدنكل

تشكرات

الراقي
حسن سادة

ليس كل من بداخل الجامعة يفقهون عنها وليس الذين هم بخارج اسوارها ببعيدن عنها

والقلم ما بزيل بلم ..

شكراً على مرورك الباهي

طارق محمد الحسن
28-07-2007, 01:54 AM
اخى الكريم واللة اثرت فينا شجونا ايام ممارسة العمل السياسى بالجامعة والانتخابات والسهر والترشيح والطعون واللة ايام انشاء اللة ترجع تانى

رضا حسن محمد
28-07-2007, 06:18 AM
البوست جميل يا اللخو

نحن فى زمنا كانت الكديسة دى البت السمحة
سلام

ود ام تريبات
28-07-2007, 07:23 AM
اخى الكريم واللة اثرت فينا شجونا ايام ممارسة العمل السياسى بالجامعة والانتخابات والسهر والترشيح والطعون واللة ايام انشاء اللة ترجع تانى

ياطارق ياحبيبنا

دي ايام لن تعود ابداً لانها جميلة والجميل يمر دوماً مسرعاً ..

وتبقى الذكريات زاد لبقية المشوار

ود ام تريبات
28-07-2007, 07:26 AM
البوست جميل يا اللخو

نحن فى زمنا كانت الكديسة دى البت السمحة
سلام

ده زمن شنو يارضا ؟؟ ... والله البنات في زمنكم كانن ما مغيمات !!!!!

هسي البت السمحة بقى اسمها ( قطعة ) ورقوها من كديسة بقى اسمها ( لبوة ) زوجة الاسد