تصويت لترشيح أكثر عضواً نشطاً وفعَالاً بمنتديات ودمدني ---الجائزة تذكرة سفر إلي لندن

[portbail]

شروط المسابقة كالأتي :-

1- أن يكون عضواً بمنتديات ودمدني
2-علي العضو أن يصوت مره وأحدة فقط
3-علي العضو أن يكون قد أمضي بالمنتديات أكثر من سنة
4-أن يرسل الفائز صورة من جواز سفره
5- أن يكون الفائز حسن السلوك ولم يتم إدانته خارج ودأخل السودان في أي قضية
6- لا يحق للعضوا التصويت لنفسه
7-تذكرة السفر تستخرج بإسم الفائز ولا يمكن إسترجاع قيمتها ولا يمكن تظهيرها لشخص أخر
8- أخر يوم للتصويت يوم 31/10/2007م
9-أي أصوات بعد التاريخ المحدد تكون لاغية ولا يؤخذ بها.


*** كما توجد شروط أخري سوف نوافيكم بها بعد الإنتهاء من عملية التصويت

مع وأمنياتي بالتوفيق للجميع

[مدنيّة]

انت جادي في كلامك يا بورتبيل بالانجلش :eek:

[بدر الدين محمد]

نبدأ التصويت ولا لسع؟

[عثمان جلالة]

الرائع بورتبيل انجليزي ... كلام سمح بس ظلمتونا بي مدة السنة دي ... العبرة بفعالية المشاركة مش بالمدة ... الكلام دا مش عشاني براي عشان مجموعة كبيرة تفعل مشاركاتها في المنتدى وتبدع.

اقتراح..............

بعدد وفعالية المشاركات والنشاط مع سحب المده!!!!!:rolleyes:

[portbail]

علي بركة الله ... شباب حسب الشروط فقط


مع حبي

[مدنيّة]

اقتراح..............

بعدد وفعالية المشاركات والنشاط مع سحب المده!!!!!:rolleyes:

انا ضد الاقتراح دا

غتاتة مني ساااااي عشان نقلل من ناس جلالة ديل ما ينافسونا في التذكرة دي
يعني ماممكن تبقوا مغتربين وكمان عايزين تذاكر:mad:

[ابوالنور]

بروتو والله دي جديده كرت وبعدين تقويما مع اللوتري

اها نشوف الناس رايا شنو وبنجي صادين

[عثمان جلالة]

انا ضد الاقتراح دا

غتاتة مني ساااااي عشان نقلل من ناس جلالة ديل ما ينافسونا في التذكرة دي
يعني ماممكن تبقوا مغتربين وكمان عايزين تذاكر:mad:



الرائعة مدوون ... قالوا ليك دي تذكره بس يعني ما في كاش .. من ما يسمعوك ناس الحله ماشه لندن .. الوصايا بتكتر .. لو ثنيتي اقتراحي بشوف ليك بطاقة ائتمانية برصيد ... كويس وبالجنيه الاسترليني ..يعني تدخليها في الصرافه وتطلع ليك القروش هبطرش ... أحسن ليك:rolleyes:

[samar_taha]

والله يا بورتبيل انجليزي بااالغت معانا
وانتي كمان يا مدنية أنا معتبراك صحبتي طلعتي مع الخيانة
تستبعودنا عشان جديدين
أنا شخصيا بضم صوتي لي صوت جلالة ودخلونا المسابقة يا جماعة ما تبقوا غتيتين زي مدنية

[ابوندى]

اخى بورتبيل بالانجليزى اقترح تعديل الشروط بالمشاركات الفعالة والتى لها دور فى خدمة مدنى والجزيرة وليس الدردشات , مع شكرى

[رضا حسن محمد]

ارشح الزول الاسمو رضا حسن محمد عثمان
وما فى زول يترشح معاهو ما تبقوا دمكم تقيل

[مختار بازى]

ارشح الزول الاسمو رضا حسن محمد عثمان
وما فى زول يترشح معاهو ما تبقوا دمكم تقيل




وانا برشح رضا حسن محمد عثمان

اها لقيت دمي كيف؟

[هشام السماني إبراهيم]

والله يا بورتبيل انجليزي بااالغت معانا
وانتي كمان يا مدنية أنا معتبراك صحبتي طلعتي مع الخيانة
تستبعودنا عشان جديدين
أنا شخصيا بضم صوتي لي صوت جلالة ودخلونا المسابقة يا جماعة ما تبقوا غتيتين زي مدنية

ضموني معاكم برتوبيل شوف لينا طريقة








تخريمة :

مدنية عليكي الله مغتربين الخليج دا اغتراب كلها ساعة ونص في السودان يعني الفي بورسودان بيصل بعدنا بي كتير:D

[خالد النور]

التذكرة معاها الفيزا؟؟؟

[portbail]

التذكرة معاها الفيزا؟؟؟


الأخوة بمنتديات ود مدني دي مش دردشة دي حقيقة و قامت بالرعاية جهة ما سوف نفصح عنها لأحقاً ...

وسوف تقوم بتوفير الأتي :-

(1) تساعد في الحصول علي الفيزا بالتأكيد
(2) تساعد في حجز السكن للحصول علي الفيزا

المطلوب من المشترك

(1) جواز سفر ساري المفعول لم يتم طلب رفض فيزا للممكلة المتحدة أو أوربا
(2) أن لا يكون مشترك بمنظمة إرهابية
(3) لديه كشف حساب بنكي لفترة لا تقل عن 6 شهور كحد أدني
(4) سيتحمل تكاليف السكن والإقامة في المملكة المتحدة

[samar_taha]

(2) أن لا يكون مشترك بمنظمة إرهابية


أها يا مدنية الشرط ده طلعك من المسابقة عجبني ليك ( مش إنتي تبع الحيكومة , وعارضتي المحاولة الإنقلابية الفاتت , في إرهاب أكتر من كده )
أسا لو كنتي خليتي الغتاتة كان سقتك معاااي

[نزار حسن محمد]

وانا عندى تذكره سفر برضووو.... العوته كاب الجداد وبالعكس
شروط المسابقه
سجل اسمك واطلع بره ..

[portbail]

وصلني الأتي علي الرسائل الخاصة :


السلام عليكم ورحمة الله
اخي الفاضل عايزة اسالك من موضوعك في العام بتاع التذكرة اذا كان حقيقة ام لا
عشان ما نشد الناس للموضوع واحنا غير متاكدين
لك تقديري واحتراماتي

أؤكــــــــد جديتي في الموضوع أعلاه وأرجو أن تعمم الفكرة حتي يكون منتدي ودمدني من أكثر المنتديات فاعلية وترابطاً وكما أعد بإن هنالك مسابقة أخري جوأئزها سوف تعلن في حينها
ولكم حبي

[samar_taha]

والله يا نزار شكلنا لا لامين في لندن ولا حتى في كاب الجداد
لينا الله احنا

[عثمان جلالة]

والله يا نزار شكلنا لا لامين في لندن ولا حتى في كاب الجداد
لينا الله احنا


:p الرائعة سمر طه ... الوحش يقتل ثائرا والأرض تنبت ألف ثائر ... يا كبرياء الجرح لو متنا ... لحاربت المقابر

مادام دايرين يطلعونا بره المنافسه .... نواصل إبداعنا .. عشان مدني والجزيرة .. عشان الاجيال القادمة .. عشان الوجه المشرق للمنتدى

وغداً تأتلق الجنة أنهارا وظلا .. وغداً ... ننسى فلا نأسى على ماض تولى:p

[ود ام تريبات]

الراقي بورت بيل (بالانجليزي )

اثني ما طرحة الاخ جلالة من ان مدة التسجيل لا تعني الفعالية والعكس ..

ولك في كل الحوال خالص الود علي الفكرة الجميلة .

[الشريف الهندي]

الغالي بورتبيل شكرا ليك كتير على اهتمامك ده بانشاء المسابقة دي هنا في المنتدى
وانت فعلا اضافه حقيقه بالجد ومن نوع مختلف وجميل جدا ...
بلا شك لا اظن وجود اي عدم مصداقيه في حديثك لدى اي شخص ونشكرك جميعا ...
وتفاعلا مني معك في الموضوع ...
اقوم بترشيخ الرائع الجميل ...... (سواباوي ) .......
وانا متاكد انو لو مشى حيجي راجع ويحكي لينا وكأننا كنا معاهو كلنا
فرايكم شنو كلكم ياجماعه ترشحو معاي سوباوي

[مدنيّة]

وصلني الأتي علي الرسائل الخاصة :



أؤكــــــــد جديتي في الموضوع أعلاه وأرجو أن تعمم الفكرة حتي يكون منتدي ودمدني من أكثر المنتديات فاعلية وترابطاً وكما أعد بإن هنالك مسابقة أخري جوأئزها سوف تعلن في حينها
ولكم حبي

شكرا ليك كتير علي جديتك وعلي سعيك لاعلاء المنتدي
ويلا ياجماعة شدوا حيلكم

[portbail]

الموقف حتي الآن :-
1- رضا حسن محمد عثمان تم ترشيحة بواسطة ( نفسه ) لا يحتسب التسويط
2- رضا حسن محمد عثمان تم ترشيحة بواسطة مختار بازى لم يتجاوز سنة تاريخ الأنتسابDec 2006 لا يحتسب التسويط
3-سواباوي تم ترشيحة بواسطة الشريف الهندي ( تمت الموافقة ) دخول المنافسة إستيفاء الشروط

[ود ام تريبات]

لم نلقى رد على مناشداتنا حتى تاريخة !!!!

هل لا يجوز للعضو الذي لم يكمل عام كامل الترشيح ؟؟؟

[مدنيّة]

لم نلقى رد على مناشداتنا حتى تاريخة !!!!

هل لا يجوز للعضو الذي لم يكمل عام كامل الترشيح ؟؟؟

من خلال رد بورتبيل بالانجليزي يا ود ام تريبات يتضح انه لا يجوز للعضو الذي لم يتجاوز السنة الترشيح

[الفارس البنفسجي]

ارشح الاخت مدنية
فهي تستحق الجائزة وبجدارة
فاعلة ، نشطة ، حاضرة

تخريمة : هي مالمت في الإغتراب
دا ، احسن ليها تشم الجو الأوربي
دا على حقيقتو

[samar_taha]

نشجب وندين ونستنكر
وعايزين ندخل المسابقة يا إما نعمل اضرااااااااب ومظاهرات ونحرق العربات ونكسر القزاز

[مختار بازى]

نشجب وندين ونستنكر
وعايزين ندخل المسابقة يا إما نعمل اضرااااااااب ومظاهرات ونحرق العربات ونكسر القزاز

والله يا سمر بستاهلي الجايزة لكن الشروط حرمتك ارجي اللاب توب والنت ولا حقهم :D

[محمد أحمد الشيخ]

أذا كان الموضوع جادي
برشح مدنية
وأذا كان ما جادي
تشربي ما تروي

[عمر البشير]

يا ناس هوي انا برشح ليكم عضو جديد
اللهو































مدنية

[portbail]

1-سواباوي تم ترشيحة بواسطة الشريف الهندي ( تمت الموافقة ) دخول المنافسة إستيفاء الشروط
2-مدنية تم ترشيحة بواسطة الفارس البنفسجي ( سقوط التسويط ) لان الفارس البنفسجي قد تم الانتساب : Nov 2006

ملحوظة : المرشح والذي يقوم بعملية الترشيح لأزم يستوفي الشروط ( تريبات معليش دي شروط الجهة الراعية وما علي الرسول إلا البلاغ )

[samar_taha]

والله يا بورتبيل دي ما سبقك عليها زول
يعني ولا نرشح ولا نترشح والله ده الظلم بي عينو
( وما ظلمونا ولكن كانوا أنفسهم يظلمون )
وأنا لازلت أشجب وأدين وأستنكر وأضم صوتي لأصوات أخواني جلالة وود أم تريبات .
إذا ما حندخل في المرشحين على الأقل خلونا نشارك في الترشيح

[portbail]

والله يا بورتبيل دي ما سبقك عليها زول
يعني ولا نرشح ولا نترشح والله ده الظلم بي عينو
( وما ظلمونا ولكن كانوا أنفسهم يظلمون )
وأنا لازلت أشجب وأدين وأستنكر وأضم صوتي لأصوات أخواني جلالة وود أم تريبات .
إذا ما حندخل في المرشحين على الأقل خلونا نشارك في الترشيح

أختي سمر
آسف علي سوء الفهم ولكن نحن بصدد تقييم أداء الذي قاموا بإلأشتراك منذ عام ماذا قدموا لهذا المنتدي ومدي إطروحاتهم الثقافية والإجتماعية وغيرها حتي يحفز الجميع لتقديم الأفضل وإنشاء الله دورك بجي في يوم من الأيام كما أفيدك علماً بإنه لا يحق لي التصويت والترشيح لأنني لم أكمل عام ومع ذلك تحمست للموضوع الذي أري فيه خير كثير بإذن الله لهذا المنتدي الهدف وأحد وعالم الله هو الريادة وجذب الأفكار والأطروحات الجميلة وتبني الموضوعات الهادفة وقد لا حظت إن العديد من المنتديات قد أنساقت لسفاسف الأمور ومنها ما تميز حتي تم الأشادة به عالمياً كمنتدي سودانيز أون لاين الذي خصصت له برنامج كامل في البي بي سي لندن وأزيدك من الشعر بيت إن عضوية سودانيز أون لاين صارت منحصرة علي الكتاب والمبدعين فقط فقد صارت صعبة المراد والمنال ولذلك نود أن نضاهي ونسبق هؤلاء وغيرهم بإلإطروحات البناءة والهادفة حتي يكون لنا قصب السبق علي الجميع لأننا عودنا الجميع علي النبوغ والتفوق فليكن ديدننا ونهجنا في الحياة أسف للأطالة

ولكم شكري وتقديري

[مدنيّة]

والله يا بورتبيل دي ما سبقك عليها زول
يعني ولا نرشح ولا نترشح والله ده الظلم بي عينو
( وما ظلمونا ولكن كانوا أنفسهم يظلمون )
وأنا لازلت أشجب وأدين وأستنكر وأضم صوتي لأصوات أخواني جلالة وود أم تريبات .
إذا ما حندخل في المرشحين على الأقل خلونا نشارك في الترشيح

هي يابتي انتي في دا ولا في اللي بيجي يرشحني كله عضو جديد:(
ياقول الفارس لا اغتراب لا لندن :o

[بورتبيل]

الرائع : عمر مصطفى .. بورتبيل بالانجليزي

اولاً احي فيك روح المبادرة .. واشكرك على هذا الكرم الفياض منك .. ولو انني عندي بعض الاعتراضات على شروط الترشيح....
واتسال هل هناك جوائز اخرى .. ولا اكون طفولياً اذا سالتك عن من هى الجهة التي تمنح مثل هذه الجوائز الثمينة.

وساعود اليك حتماً ان شاء الله .. ولك كل المنى

[portbail]

الرائع : عمر مصطفى .. بورتبيل بالانجليزي

اولاً احي فيك روح المبادرة .. واشكرك على هذا الكرم الفياض منك .. ولو انني عندي بعض الاعتراضات على شروط الترشيح....
واتسال هل هناك جوائز اخرى .. ولا اكون طفولياً اذا سالتك عن من هى الجهة التي تمنح مثل هذه الجوائز الثمينة.

وساعود اليك حتماً ان شاء الله .. ولك كل المنى


عزيزي مدثر
أشكرك علي ردك الجميل ... دعوة للخير والجمال ... الشروط لها مآرب ترجع للجهة الراعية قد أسلفت زكرها ... هنالك العديد من الجوائز ... وقد طرحت المسابقة الثانية 000 الجهة الراعية سوف نفصح عنها لاحقاً
مع خالص حبي وتقدير

[الشريف الهندي]

معذره استاذ بورتبيل
لقد اخطأت أنا في كتابت اسم سوباوي
الاسم الصحيح هو (سوباوي)
خالص تحياتي ....

[هشام السماني إبراهيم]

الاخ :بورتبيل بالانجليزي

والله كلامك جميل وما اقدر اقول ليك غير جزاك الله خيرا و بارك الله فيك علي سعيك لاعلاء المنتدي واسم مدينة ودمدني الحبيبة



تشكراتي


دمت في رعاية الله وحفظة






اخوك : هشام

[portbail]

الاخ :بورتبيل بالانجليزي

والله كلامك جميل وما اقدر اقول ليك غير جزاك الله خيرا و بارك الله فيك علي سعيك لاعلاء المنتدي واسم مدينة ودمدني الحبيبة



تشكراتي


دمت في رعاية الله وحفظة






اخوك : هشام

عزيزي Doom99

مشكور علي الأشادة والتصحيح مع أمنياتي للجميع بالتوفيق

مع حبي وتقديري

[عمر بابكر]

ارشح الهامة
القامة
العطر النافذ


ســـــــــــــــــوبـــــــــــــــــــــــاوي

[صالح ابوشوارب]

اخي portbail لك منى اجمل تحية

ارشح المربي الفاضل الاستاذ / صلاح ود الطاهر

[portbail]

ارشح الهامة
القامة
العطر النافذ


ســـــــــــــــــوبـــــــــــــــــــــــاوي


عزيزي عمر بابكر
الموقف كالأتي :-

1-سوباوي تم ترشيحة بواسطة الشريف الهندي ( تمت الموافقة ) دخول المنافسة إستيفاء الشروط
2-سوباوي تم ترشيحة بواسطة عمر بابكر ( تمت الموافقة ) دخول المنافسة إستيفاء الشروط

[portbail]

اخي portbail لك منى اجمل تحية

ارشح المربي الفاضل الاستاذ / صلاح ود الطاهر



الأستاذ صلاح أبوشوارب
الموقف من التصويت
1-سوباوي تم ترشيحة بواسطة الشريف الهندي ( تمت الموافقة ) دخول المنافسة إستيفاء الشروط
2-سوباوي تم ترشيحة بواسطة عمر بابكر ( تمت الموافقة ) دخول المنافسة إستيفاء الشروط
3- صلاح ود الطاهر تم ترشيحة بواسطة صلاح أبوشوارب( تمت الموافقة ) دخول المنافسة إستيفاء الشروط

[صلاح ودالطاهر]

اخي portbail لك منى اجمل تحية

ارشح الاخ الفاضل سوباوي

[portbail]

اخي portbail لك منى اجمل تحية

ارشح الاخ الفاضل سوباوي

الأستاذ صلاح ود الطاهر
الموقف من التصويت
1-سوباوي تم ترشيحة بواسطة الشريف الهندي ( تمت الموافقة ) دخول المنافسة إستيفاء الشروط
2-سوباوي تم ترشيحة بواسطة عمر بابكر ( تمت الموافقة ) دخول المنافسة إستيفاء الشروط
3- صلاح ود الطاهر تم ترشيحة بواسطة صلاح أبوشوارب( تمت الموافقة ) دخول المنافسة إستيفاء الشروط
4-سوباوي تم ترشيحة بواسطة صلاح ود الطاهر ( تمت الموافقة ) دخول المنافسة إستيفاء الشروط