مصطفي دعوب
24-07-2007, 03:48 AM
فن الدوبيت هو أحد الفنون الشعبية الأدبية المنتشرة في السودان منذ القدم، ويسمى أحياناً بالمسدار وجمعها مسادير، وهو عبارة عن مقاطع شعرية يتكون كل مقطع من أربعة أبيات من الشعر، ويتناول الدوبيت موضوعات مختلفة ولكن كلها تدور حول معاني الشجاعة والكرم والحبيبة، وغالباً ما تأخذ أبيات الدوبيت طابع الفخر حيث يفخر الشاعر في أبياته إما بكرمه أو شجاعته أو أي معنىً آخر من المعاني السامية ، وينتشر فن الدوبيت في السودان بصورة أساسية في منطقة البطانة وهذا الإسم يطلق على السهول الطينية الواقعة بين نهر عطبرة والنيل الأزرق، حيث يعيش السكان في هذه المنطقة حياة يغلب عليها طابع البداوة ويهتمون بتربية الماشية كما أن للإبل مكانة خاصة عند أهل البطانة، فنجد أنّ شاعر البطانة يفخر بالجمل الذي يركب عليه بل ويعاتبه أحياناً إذا تلكأ في إيصاله إلى ديار الحبيبة :
يقول أحدهم مخاطباً جمله :
خبك مو مشيك الليلة مالك
تتقل في اليمين وتجر شمالك
بنيتا لي شيوما مشني حالك
رقاداً دونها قط لا تسيهو بالك
ومن أشهر شعراء البطانة الذين ينظمون الدوبيت نجد منهم : الطيب ود ضحوية، الحاردلو أبو سن، يوسف الشوبلي، محمد عوض الكريم، وآخرون.
وهذه بعض من أبيات الدوبيت :
الناس في العروض ما تقيسة بي تيبانة
وما يغرك لباسهم والعروض عريانة
ديل حراس رزق متل التكنو أمانة
زي إبل الرحيل شايلة السقى وعطشانة
الحاردلو
الليلة رقادي كسيدة فوق بريش
وراكوبة تجيب سقط ورشيش
الحماني ما اشيل جمال العيش
هنهين بسون الدغش بي شيش
*** *** *** ***
الليلة زايد علي حسار معتوقة
شايل ليلي غمضة نهار ما بضوق
بت الما انسلخ جلدا وانجلب في سوق
قالو كرفها بنعش للبشم معشوق
*** *** *** ***
مما قمت فوق ساجك مولع ضيك
ماتبعت عر لافية العطاش بريك
السرع والنشاط ما بشبهن لي زيك
تاتي المشية خلي الناس تموت في غيك
*** *** *** ***
الشم خوخت بردن ليالي الحره
والبراق برق من منا جاب القره
شوف عيني الصقير بجناحو كفت الفره
تلقاها ام خدود الليلة مرقت بره
*** *** *** ***
نهدا دق تبل ما هو المدوشش قرو
يلعب حردفي توو المراقد ترو
في بوش العصير الناس يقوموا يبرو
فوق ندادها كرباج النصر بتورو
دعوة الى الصبر على البلا
كبس الهم علىٌ ليلى ونهار مُسرح
الصايدنى لو صاد الحجارة تمرح
لكن رحمة المولى العظيمة تفرح
*** *** *** ***
يقول احد شعرا البطانة فى الغزل
بيضا وفزرة وموية عيونك ناقعة
وانقع من المنقع فى مناقع الناقعة
ماجات تتخبت قبال تعرف الواقعة
بسمت جانا براق خفنا من الصاقعة
*** *** *** ***
الزول السمح يوم الخميس واعدنا
في ديم كسلا إن سافرنامنو ابعدنا
يا عبد الأمين ما شفتوكيف واددنا
تري هادا المنسينا العقاب وبلدنا
*** *** *** ***
الزول السَّمِحْ فـات الكُـبَار والقَـدْرُو
كان شافوه نـاس عبد الله كانوا بعَـذْرُو
السبب الحَمَاني العيـد هنـاك ما أحضرو
دُرْديق الشّبيكي البَنّـتُـو في صـدرو
البنّتو : نوع من الزينة تضع على الصدر ( سلسل ) .
*** *** *** ***
محاولات للتنفيس عن طريق النمَّه!
يا اهلى العزاز جادِع عليكم نمَّه
للوطن البهضرب خاتَّا فوقو الحُمَّه
مرواد الحرب ما بشفى الضغاين ضُمَّه
من بعد الشتات عُقُب البلاد تِتْلمَّه
*** *** *** ***
ما بِنْدورها عيشةً بالنفاق ومظاهر
وما بِنْدوركى يا السافرة ام لباساً ظاهر
نحن اولاد غُبُش كايسنو رزقاً طاهر
من قومة الدُغُش لامِن نجمنا يساهر
*** *** *** ***
رِكِب لِك فوق جموحاً ما بتدور الَّلكه
جيتِك كارِف المحلب بدور الدِّلكه
من جخنوب دروبِك ما بخاف والشِّبكه
دحين يا ام رشيم ارجينى فوق الدَّكه
*** *** *** ***
حلاة القدلة فوق صيدةً اسمها حليمه
يطوطِح كفلها الناس النفوسها سليمه
ترعاها العيون ساوات ضميرها وليمه
انكسر اللجام ركَّبنى فيها جريمه
*** *** *** ***
اخيراً على لسان همباتى محشِّش:
برَّكتَ فيلتى البركبه
وهمبتَّ ريدتِك من غشيم بى عنكبه
ورضيتى بَىْ رغم الفلس والعشكبه
حنَّكتَ لحظات العشم رغم الدلال والجقلبه
لمّن صحيت شفتَ الحلم سايل بحر فى المرتبه
*** *** *** ***
يقول عبد الله ودأبوسن واصفاً إستقبال أهل محبوبته له:
مشيت وجيت لقيت دلوا السلوقي
يجوني الناس يعجوا يقيفوا فوقي
شاكي الغلبة لكن جد شوقي
متل جمل العلوق كل حين أهوقي
*** *** *** ***
ضقنا الحنضل اليانكي وبلعنا المرة
كملت كوتة التمباك صقعنا الجرة
وو كت إتقفلت شقيش قبل بي المرة
نرمي أمرنا في بلد المعاني الحرة
*** *** *** ***
قولو الباقي فوق الموت مكشر نابو
ومارق مخلبو وكايس علي أصحابو
نحن رجالو..نحن أخوانو .. نحن أحبابو
ما يعوج الدرب والليلة قلنا حبابو
*** *** *** ***
صباراً علي النايبات بحاكو أيوب
دروبن عرج علي الماعندو زاد وأرقوب
شيتاً شفتو بي عيني للمرقوب
دفعوا الدية كاش زي ملصة المرقوب
يمشي ام تتالي الليلة باروو وزايرو
اتخنتل متل زرع الذرة الفي جزايرو
نهداً دابوا قام عراوي زرايرو
قال للناس تراهو الموت بشيل الدايرو
*** *** *** ***
الادب الرفيع دارساه بدري دراسة
والذوق والظرف من امهاته وراثة
الا معاي دايما قوة راسه
*** *** *** ***
صادني الصاد (محلق) وابتليت بي غيك
دعجة وكحلة وبضوي مع الكواكب ضيك
رفك عالي فوق للمعالق طيك
وسويتلي صي صي يا المقفره صيك
*** *** *** ***
أيامك مضن زي البروق الرفـن
النوح طال عليك ترع العيون ماجفَّن
تاج حب الوداد راقد معاك إتكفن
الدين والبشاشة إتقالدن وإتوفن
*** *** *** ***
بتشكي عليّ مالك عارفة لي غير الخلقنا مذلة
دحين يا صاحبي أخيرلك بالصبر تتحلى
أنا كان عندي شيتاً يشفي من العلة
كان أولابو روحي القربت تنسلا
يقول أحدهم مخاطباً جمله :
خبك مو مشيك الليلة مالك
تتقل في اليمين وتجر شمالك
بنيتا لي شيوما مشني حالك
رقاداً دونها قط لا تسيهو بالك
ومن أشهر شعراء البطانة الذين ينظمون الدوبيت نجد منهم : الطيب ود ضحوية، الحاردلو أبو سن، يوسف الشوبلي، محمد عوض الكريم، وآخرون.
وهذه بعض من أبيات الدوبيت :
الناس في العروض ما تقيسة بي تيبانة
وما يغرك لباسهم والعروض عريانة
ديل حراس رزق متل التكنو أمانة
زي إبل الرحيل شايلة السقى وعطشانة
الحاردلو
الليلة رقادي كسيدة فوق بريش
وراكوبة تجيب سقط ورشيش
الحماني ما اشيل جمال العيش
هنهين بسون الدغش بي شيش
*** *** *** ***
الليلة زايد علي حسار معتوقة
شايل ليلي غمضة نهار ما بضوق
بت الما انسلخ جلدا وانجلب في سوق
قالو كرفها بنعش للبشم معشوق
*** *** *** ***
مما قمت فوق ساجك مولع ضيك
ماتبعت عر لافية العطاش بريك
السرع والنشاط ما بشبهن لي زيك
تاتي المشية خلي الناس تموت في غيك
*** *** *** ***
الشم خوخت بردن ليالي الحره
والبراق برق من منا جاب القره
شوف عيني الصقير بجناحو كفت الفره
تلقاها ام خدود الليلة مرقت بره
*** *** *** ***
نهدا دق تبل ما هو المدوشش قرو
يلعب حردفي توو المراقد ترو
في بوش العصير الناس يقوموا يبرو
فوق ندادها كرباج النصر بتورو
دعوة الى الصبر على البلا
كبس الهم علىٌ ليلى ونهار مُسرح
الصايدنى لو صاد الحجارة تمرح
لكن رحمة المولى العظيمة تفرح
*** *** *** ***
يقول احد شعرا البطانة فى الغزل
بيضا وفزرة وموية عيونك ناقعة
وانقع من المنقع فى مناقع الناقعة
ماجات تتخبت قبال تعرف الواقعة
بسمت جانا براق خفنا من الصاقعة
*** *** *** ***
الزول السمح يوم الخميس واعدنا
في ديم كسلا إن سافرنامنو ابعدنا
يا عبد الأمين ما شفتوكيف واددنا
تري هادا المنسينا العقاب وبلدنا
*** *** *** ***
الزول السَّمِحْ فـات الكُـبَار والقَـدْرُو
كان شافوه نـاس عبد الله كانوا بعَـذْرُو
السبب الحَمَاني العيـد هنـاك ما أحضرو
دُرْديق الشّبيكي البَنّـتُـو في صـدرو
البنّتو : نوع من الزينة تضع على الصدر ( سلسل ) .
*** *** *** ***
محاولات للتنفيس عن طريق النمَّه!
يا اهلى العزاز جادِع عليكم نمَّه
للوطن البهضرب خاتَّا فوقو الحُمَّه
مرواد الحرب ما بشفى الضغاين ضُمَّه
من بعد الشتات عُقُب البلاد تِتْلمَّه
*** *** *** ***
ما بِنْدورها عيشةً بالنفاق ومظاهر
وما بِنْدوركى يا السافرة ام لباساً ظاهر
نحن اولاد غُبُش كايسنو رزقاً طاهر
من قومة الدُغُش لامِن نجمنا يساهر
*** *** *** ***
رِكِب لِك فوق جموحاً ما بتدور الَّلكه
جيتِك كارِف المحلب بدور الدِّلكه
من جخنوب دروبِك ما بخاف والشِّبكه
دحين يا ام رشيم ارجينى فوق الدَّكه
*** *** *** ***
حلاة القدلة فوق صيدةً اسمها حليمه
يطوطِح كفلها الناس النفوسها سليمه
ترعاها العيون ساوات ضميرها وليمه
انكسر اللجام ركَّبنى فيها جريمه
*** *** *** ***
اخيراً على لسان همباتى محشِّش:
برَّكتَ فيلتى البركبه
وهمبتَّ ريدتِك من غشيم بى عنكبه
ورضيتى بَىْ رغم الفلس والعشكبه
حنَّكتَ لحظات العشم رغم الدلال والجقلبه
لمّن صحيت شفتَ الحلم سايل بحر فى المرتبه
*** *** *** ***
يقول عبد الله ودأبوسن واصفاً إستقبال أهل محبوبته له:
مشيت وجيت لقيت دلوا السلوقي
يجوني الناس يعجوا يقيفوا فوقي
شاكي الغلبة لكن جد شوقي
متل جمل العلوق كل حين أهوقي
*** *** *** ***
ضقنا الحنضل اليانكي وبلعنا المرة
كملت كوتة التمباك صقعنا الجرة
وو كت إتقفلت شقيش قبل بي المرة
نرمي أمرنا في بلد المعاني الحرة
*** *** *** ***
قولو الباقي فوق الموت مكشر نابو
ومارق مخلبو وكايس علي أصحابو
نحن رجالو..نحن أخوانو .. نحن أحبابو
ما يعوج الدرب والليلة قلنا حبابو
*** *** *** ***
صباراً علي النايبات بحاكو أيوب
دروبن عرج علي الماعندو زاد وأرقوب
شيتاً شفتو بي عيني للمرقوب
دفعوا الدية كاش زي ملصة المرقوب
يمشي ام تتالي الليلة باروو وزايرو
اتخنتل متل زرع الذرة الفي جزايرو
نهداً دابوا قام عراوي زرايرو
قال للناس تراهو الموت بشيل الدايرو
*** *** *** ***
الادب الرفيع دارساه بدري دراسة
والذوق والظرف من امهاته وراثة
الا معاي دايما قوة راسه
*** *** *** ***
صادني الصاد (محلق) وابتليت بي غيك
دعجة وكحلة وبضوي مع الكواكب ضيك
رفك عالي فوق للمعالق طيك
وسويتلي صي صي يا المقفره صيك
*** *** *** ***
أيامك مضن زي البروق الرفـن
النوح طال عليك ترع العيون ماجفَّن
تاج حب الوداد راقد معاك إتكفن
الدين والبشاشة إتقالدن وإتوفن
*** *** *** ***
بتشكي عليّ مالك عارفة لي غير الخلقنا مذلة
دحين يا صاحبي أخيرلك بالصبر تتحلى
أنا كان عندي شيتاً يشفي من العلة
كان أولابو روحي القربت تنسلا