شينين شنا تعالو شوفو

[المهاجم2]

واحد شين شين شنا شديدة من شدة ما شين
قالوا عندو عين وااااااااحدة فى نص وشو
واحوص كمان وكرعيهو الاتنين شمال
ويدو اليمين فيها 9اصابع والشمال اصبعين
ونخرتو بادية من الشلوفة التحتانية
وشلوفتو التحتانية باديه من عضم الترقوة
امو الولدتو اول ما شافتو قالت الله غالب
ابوهو طلق امو وقبل يصل البيت عمل حادث رقد 3سنه فى المستشفى
خرجوه طقشتو عربية جنب باب المتشفى مات
وامو كانت راكبه فى العربية الكتلت ابوه
حصلت ليها شقوق فى الرجل اليمين رقدوها مستشفى
الممرض جاييى ماشي سير الدرب وقعو
وقع فى كراع ام الولد الشين كسرا مرة واحدة
خرجوها مشت البيت كويسة نامت الكديسة عضتا
رجعوها المستشقى المستشفى وقع وهى كانت جوة
ماماتت طلعوها من تحت الانقاض قرصا دبيب ماتت

لقا ليهو واحدة كمان قالت ليهو جيب ولى امرك
انتا شفتا لى الشنا شنو
شينه كمان دى قالو والعهده على الراوي قال بتشوف لكن عين ماعندها
وحوصة برضو
وكرعيها فيها خمسه ركب وكوع
ويديها طول العصاية دى ياتو عصاية الله اعلم
وخشما كان قفلتو بيدخل نص عيشة
امها قالو كانت شغالة عتالى
ياخ دى قالو عامود فقرى ما عندها
مدرسة الحى ابت تقبلا لبسوها باروكة وعيك لما قبلوها ف مدرسة الاولاد
واضانا التانية قامت بعد خمس سنين
المهم شنه حنضل عديل كدا
وطبعا دى ما تعبت اهلها كتير

صراحة كدا يا شباب انا تعبتا وبكرة اتمها ليكم

[هشام السماني إبراهيم]

سبحان الله

شنا مابالغة كدي منتظرك بالباقي






سلام

[المهاجم2]

اوكي جدا والباقى جايى

[صلاح ودالطاهر]

ياخي ده شين لمن غلط

[أبو مهدي371]

اخي المهاجم كنت عاوز اطلب قبل ان تنزل هذا البوست ان تنزل لينا صورتك لكن عندما تكلمت عن نفسك بهذه الصفات حمت الله بان سكت من كلامي ياخي دا انت شين شنا مامعقولة .
وربنا يشوف حالك ويصلحك .
مع خالص مودتي .

[المهاجم2]

شكرا ليك اخونا ابو مهدى اما عن الصورة انا لحدى الآن ما عندى صورة وانا خايف انزل صورتى الفطور يغلبك وابقى سببتا ليك سوء تغذية وما معروف البحصل بعد كدا ومستشفيات ومشاكل
يا اخونا خليك كدا مرتاح

[النيرو]

يا خوي كفاية الوصفتو لينا عازين نهاية سعيدة لفلم الرعب دا وعلي شرط مايكون عندو جزء ثاني , عشان الواحد عينو مرقت برة ودايرة ليها شهر عشان ماترجع مكانها.

[المهاجم2]

لالا اذا كان كدا الجزء التانى خلو مادام عيونكم مرقت فى الجزء الاول التانى دا يقدها عديييييييييل كدا وانا ما احب اسبب ليكم الضرر