المساعد الشخصي الرقمي

مشاهدة النسخة كاملة : بوتيك برتبيل للكلام الجميل



الصفحات : 1 [2]

بورتبيل
07-08-2007, 03:08 AM
مرحاتنا شرابهن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن.. جرّن.. فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد .. السعن آ بنية
القربة كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر لبن الشاي بالعملة

بورتبيل
07-08-2007, 03:08 AM
سمح الخمج الفوق أسيادو
سمح العز المن أجدادو
الجنيات المشو ما عادو
كان بالردة أكان اتنادو
غرب حامد وشرق بلة
كانوا بحلبو الضرع الدلة
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إيه والله

بورتبيل
07-08-2007, 03:09 AM
ذات في يوم والغيمة تهتّف مطرا نقّع
فوق نوار الطلح الفقع
ريحة البرد إن جاتك عطرا فايت خمر الفوق أردافا مجضع
شفنا الوادي يقشقش في دمعات الليل
والتعل الشايل بدا يتفقع

تلب حامد فوق مخلوفة أب زور واتربع
طلق الرسن أب زمة وسوّا خبيبا بدّع
هوّد في رقّاب الصي
لا قوه ثلاثة زبيدية
خالفين سيقانن فوق السنكيت ورقاب ألبل بيناتن مرخية
محجوبات بالخرز الفصلو السوميت
كل واحد درقة وسيف وطبنجية وباقي جرابن مليان دلميت
الجنيات اتقبلو وضاقو الحارة وضاقو المرة
وكان حجازن صقر الجو
حامد كان عارفين ضاقوه رجال قبالكن
شوفو أرزاقكم أخير من ضو
حامد عوج الطندب آ وليدات
عوج الطندب نار القصب الهبلت ما بتعدلو
شوفو شلوخو تلاتة مطارق رقدن
وكل تلاتة يمين سياف اتقبلو
حبوب القارح ... ما دلة
ولدا ما ختالن زلة
شن قولك فيهو عليك الله
بالحيل آ جني إيه والله

بورتبيل
07-08-2007, 03:12 AM
وينا مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يهّود ونحن نهّود.. عاد أماتن ينادن ليهن
نمشي على القيزان نتقادم.. أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ رسيان وميقّن
زولن كان خدران ومحقّن
من الشوفة عروقو يطقّن
كان الدنيا بصح تتخلا
كن بركن معاهن فوق رملاة الحلة
الا كمان بنشوفا مذلة

المكاشفى
08-08-2007, 05:30 PM
ياحبيبنا بورتبيل والله الشوق كتلنا
شنو ؟؟؟ ما مشتاقين ياخى الدقيقه عندكم بى
نصف ريال اتكرم سمعنا صوتك
والله اجنا نزله السودان نفعت مع البوتيك
جبت بضاعه مجنونه جن كان خابرين كدى
كان نزلناك من زمان ..... وان شاء الله تبقى
على ابو علا يجيب معاه الجديد المفيد...

بورتبيل
14-08-2007, 11:16 PM
الخبــــــر اللكيـــد الليــلة المكــــاشفي جابـــــــــــــــو
قــــــــــال الوادي ســــال واتــــــــغرنن تبــــــــــــابو
ان ســـــــــالونا نحــــنا قعـــــــــــــادنا شن اسبابو
لا مصــــــــروف ولا زولاً بنسلابــــــــــــــــو

بورتبيل
19-08-2007, 11:35 PM
الهـــــــــــــلال الليـلـــــــــــة نفرح بيهــــــــو
صعد لنصف النهائــــــي و صفقن ايديهــــــو
مابنفع (الاهـــــلي) غير الفوز و(اسيك) لابد ليهو

الهـــــــــــلال الليله نوَر والاهلي كايس الصعود يفتش ليـهو
ما خسانا نحنا صعدنا والداير الشكل اليمد كرعيهو
بنكسرن كان بقن حديد ولا اسمنتي ويبقن ذي اضنيهو

نزار حسن محمد
19-08-2007, 11:55 PM
الهـــــــــــــلال الليـلـــــــــــة نفرح بيهــــــــو
صعد لنصف النهائــــــي و صفقن ايديهــــــو
مابنفع (الاهـــــلي) غير الفوز و(اسيك) لابد ليهو

الهـــــــــــلال الليله نوَر والاهلي كايس الصعود يفتش ليـهو
ما خسانا نحنا صعدنا والداير الشكل اليمد كرعيهو
بنكسرن كان بقن حديد ولا اسمنتي ويبقن ذي اضنيهو

ايوووووووى وتانى ايوووووووووى
وده اليوم الدايرنه لك ..ياسودانا مبروك عليك
***
وهل لى هلالو ظهر بان لى الليله
***
ذى بدر الهلال الهله الطاف الفريق والحله
***
وكم نظرنا هلال ما شوفنا هلاله ما اظن هلال يشفينا غيره هلاله
***
وتيت ..وتيت ..بروتبيل حديد..فى حديد

صلاح ودالطاهر
20-08-2007, 04:26 AM
تما م يا بورتبيل اها كدي النثبت البوتيك ده

بورتبيل
21-08-2007, 12:55 AM
يــــــا ود الطاهــــــــــــر البوتيـــــــــك انتا الا يكون سبتو بي صمغ ونشف !!!!

الحكــــــاية شنـــــــــو كلو يوم عايز تسبتو وليوم الليلة ما شفنا دبوسه فوقو!!

ان شاء الله المانع خير يا اخوي!!

المكاشفى
01-10-2007, 04:10 AM
الحبيب بورتو انتو السوق ده رحلوه
ولا شنو لى زمن كايس البوتيك ما لاقيه
جبتو بى ناس المباحث وبركه ابواتى
اها ياناس تعالو رجعو القديم وسو النم
والله الواحد بقى فى حاله يرثى لها لمات
يدخل المنتدى ويلقاهو مضبلن والناس فاره
والقديم اتبدل والعتيق اتبلل والحمد لله
اها ادخلو على البوتيك البضاعه الجديده جات.

بورتبيل
03-10-2007, 11:06 AM
هووووووووووووووووي
ود المطاميــــــــــــر حذف البوتيك 5 مرات
والمرة الساته رجعــــــــــو ؟؟
في شنو ما عارف ,, الله يكضب الشينــة
يكون ناس الضرائب ولا ناس البلديــة ؟؟ يا ربي يكونو ديل ناس شنــو ( الخدمة الالزامية) ؟؟

المكاشفى
05-10-2007, 12:44 AM
يا مدثر اخوى ود المطامير بدور
يتعلم الحلاقه فى رؤوس اليتامى
وداير يتعلم الحزف وود الطاهر يتعلم
الثبيت وقالو اخير لهم يتعلموا فى حق
اخوانهم باقى مابزعلوا وله كيفن؟؟؟؟

ود المطامير
06-10-2007, 11:06 AM
quote=بورتبيل;243464]هووووووووووووووووي
ود المطاميــــــــــــر حذف البوتيك 5 مرات
والمرة الساته رجعــــــــــو ؟؟
في شنو ما عارف ,, الله يكضب الشينــة
يكون ناس الضرائب ولا ناس البلديــة ؟؟ يا ربي يكونو ديل ناس شنــو ( الخدمة الالزامية) ؟؟[/quote]يا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ

ود المطامير
06-10-2007, 11:07 AM
يا مدثر اخوى ود المطامير بدور
يتعلم الحلاقه فى رؤوس اليتامى
وداير يتعلم الحزف وود الطاهر يتعلم
الثبيت وقالو اخير لهم يتعلموا فى حق
اخوانهم باقى مابزعلوا وله كيفن؟؟؟؟
الله يديك العافيه
والله براك تخرب

بورتبيل
07-10-2007, 11:56 AM
اسف تماماً اخي ود المطاميــــــــــر ( فلك في القلب مكاناً حفياً)

لم اقصد ان اشهر بك ولا ان اضعك في موضع الاتهام
ولقد علمت القصة تماماً وعلمت سر هذا العبث واعلم تماماً ان يدك بعيدة كل البعد عن هذا العبث الشيطانــي
لك العتبـــــــــــى حتى ترضى ( هكذا رسائل الادراة ) ومردودة ليك في مسماها

ود المطامير
08-10-2007, 10:43 PM
اسف تماماً اخي ود المطاميــــــــــر ( فلك في القلب مكاناً حفياً)

لم اقصد ان اشهر بك ولا ان اضعك في موضع الاتهام
ولقد علمت القصة تماماً وعلمت سر هذا العبث واعلم تماماً ان يدك بعيدة كل البعد عن هذا العبث الشيطانــي
لك العتبـــــــــــى حتى ترضى ( هكذا رسائل الادراة ) ومردودة ليك في مسماها
تسلم كتير أخوى الحبيب ..
والحمد لله سحابة صيف وعدت
عكس ما كان يتمنى ذاك الذى لا ضمير لديه
كان قصده التفرقه ولكن ما يجمعنا من حب فى الله
أقوى من بث السموم بين الأحبه
وحصل خير يا أحب الناس .

معروف الجزولي
21-10-2007, 02:41 AM
مدثر ازيك يا اخوي وكيف حالك-- سعادتي لا توصف وانا داخل بوتيكك بس عندي ليك بعض الملاحظات-- اول حاجه دايرك تعمل دعايه في التلفزيون وتاني شي عين ليك موظفه من الحسنوات علشان تجزب الزباين ويا ريت لو كانت من اصدقاء المنتدي انا عن نفسي اكد ليك بكل عليك يومي اشتري منك حاجه انشاء الله باندا
ولك حبي

بورتبيل
24-10-2007, 01:14 AM
الحبيب ود الجزولــي :
شكــراً ليك على الملاحظــــات دي وتعرف بالنسبـــــــة للبوتيك دا معروض للبيــــع لانــــــــو الشغلــــــة بقت ما بجيب حقهــــــا ,, لو حابي تشتري بنزل ليــــك السعر للاخر - يعني بتمن فيــــــــــزا وكدا :D:D بعديــــــــن بالنسبـــــــة للبضاعــــة بقت بايره بورة المنتــــــــدى الثقافــــــي .
اخيـــــــــــراً يا معروف لك عاطــــــــر التحايــــــــا وانت بيننا لا تبخل علينا بالمواصلــــة.

صلاح ودالطاهر
24-10-2007, 04:16 AM
الحبيب ود الجزولــي :
شكــراً ليك على الملاحظــــات دي وتعرف بالنسبـــــــة للبوتيك دا معروض للبيــــع لانــــــــو الشغلــــــة بقت ما بجيب حقهــــــا ,, لو حابي تشتري بنزل ليــــك السعر للاخر - يعني بتمن فيــــــــــزا وكدا :D:D بعديــــــــن بالنسبـــــــة للبضاعــــة بقت بايره بورة المنتــــــــدى الثقافــــــي .
اخيـــــــــــراً يا معروف لك عاطــــــــر التحايــــــــا وانت بيننا لا تبخل علينا بالمواصلــــة.


لي تقفلو كدي هاك البضاعة دي

العندو السقو مابعدم الركابا
والجرب ركوب الخيل بفرزانجابا
والخالط كرام الناس بعرف انسابا
ود برتبيل عزه وشرف ومهابا
**************************
طرق لسان قول وسمع القاعدين
قولاًمافشر شعراًرصين ورزين
قولاُ فوق ولد يملا ويكيل العين
ودبرتبيل الطيب الفارس الحنين
*************************
ودبرتبيل حلال الشبك عندو الغروض مقضية
وزي مزناُ هطل ايديو التملي سخية
ودبرتبيل الدخري حبيب قلبي ونور عينيه
**********************************
ودبرتبيل ماهو الاهوج الطايش الكلامو مشاتر
يوزن كلمتو وبالطيبة ديمة مباشر
وفي الصعاب تلقاهو اسداُهادر
فشاش لي غبينتو الليلة قبال باكر

ود المطامير
24-10-2007, 08:20 AM
لي تقفلو كدي هاك البضاعة دي

العندو السقو مابعدم الركابا
والجرب ركوب الخيل بفرزانجابا
والخالط كرام الناس بعرف انسابا
ود برتبيل عزه وشرف ومهابا
**************************
طرق لسان قول وسمع القاعدين
قولاًمافشر شعراًرصين ورزين
قولاُ فوق ولد يملا ويكيل العين
ودبرتبيل الطيب الفارس الحنين
*************************
ودبرتبيل حلال الشبك عندو الغروض مقضية
وزي مزناُ هطل ايديو التملي سخية
ودبرتبيل الدخري حبيب قلبي ونور عينيه
**********************************
ودبرتبيل ماهو الاهوج الطايش كلامو مشاتر
يوزن كلمتو وبالطيبة ديمة مباشر
وفي الصعاب تلقاهو اسداُهادر
فشاش لي غبينتو الليلة قبال باكر

هع .. والله يا الكاشف آخوى ولا ود دكين زاتو
بس كان تخت شريط ترجمه متحرك

أخوى .. بورتبيل .. الحبيب
المنتدى ككل .. يحتاج إلى إسعافات وجراحه مستعجله

بورتبيل
25-10-2007, 01:11 AM
لي تقفلو كدي هاك البضاعة دي

العندو السقو مابعدم الركابا
والجرب ركوب الخيل بفرزانجابا
والخالط كرام الناس بعرف انسابا
ود برتبيل عزه وشرف ومهابا
**************************
طرق لسان قول وسمع القاعدين
قولاًمافشر شعراًرصين ورزين
قولاُ فوق ولد يملا ويكيل العين
ودبرتبيل الطيب الفارس الحنين
*************************
ودبرتبيل حلال الشبك عندو الغروض مقضية
وزي مزناُ هطل ايديو التملي سخية
ودبرتبيل الدخري حبيب قلبي ونور عينيه
**********************************
ودبرتبيل ماهو الاهوج الطايش الكلامو مشاتر
يوزن كلمتو وبالطيبة ديمة مباشر
وفي الصعاب تلقاهو اسداُهادر
فشاش لي غبينتو الليلة قبال باكر
ان خليت ناس ود الطاهـــــر الدنيا تبقى كابــــــه
وان لقيتم بتلقى هواك انقذ وزيد الجقلابـــــه
من غيركم لا غنايً حنين ولا بتنسمع الربابه
انتو اهلــي وانتم الصادقين ما فيكم الكضابه

وخربانة ام بناياً قش واتعــدم الورتابـه

صلاح ودالطاهر
25-10-2007, 01:17 AM
فايتني وين وانا في رجاك
ضيعت احلي سنين عمر
قابض علي جمر البعاد
وبي صبري حيرت الصبر
قضيت ليالي الغربة
بي الويل والنحيب
بتقول لي خائف الفراق
عائز اجيك نمسح
وجع كل السنين الموحشه
ونتوج الريد بي العديلة
ونبني جنه ونفرشا
ونكتب علي لوح الزمن
اجمل حروف وننقرشا
وتبقي السعادة تكون ختام
قصة غرمنا المدهشه

بابكر بورتبيل
26-10-2007, 10:50 AM
تحياتي

كلامكم جميل .. بالحيل سمح ومرتب
مليان حكم ، وبالنصيحة موضب

ليكم سلامي جميع .. وبالتحايا مكرب
والاشواق بحر أزرق .. من مدني جاري
عمرو تب ما ينضب

بورتبيل
27-10-2007, 11:09 AM
اهلاً بعــودتك بابكــــــر واتمنى ان تواصل فالبيت بيتك

عمر البشير
27-10-2007, 07:35 PM
ياسلام علي الكلام الجميل

بابكر بورتبيل
27-10-2007, 10:01 PM
ناس البوتيك سلام-

كلامكم جميل .. بالحيل سمح ومرتب
مليان حكم ، وبالنصيحة موضب

ليكم سلامي جميع .. وبالتحايا مكرب
والاشواق بحر أزرق .. من مدني جاري
عمرو تب ما ينضب
__________________

واهديكم واحدة من قصائد ناس الحقيبة:

ما بنسى ليلة كنا تايهين في سمر .. بين الزهور .. أنا وانت والنيل والقمر

وين يا جميل يوم كنا تايهين في سمر .. من انسنا اتمتعنا بي جني الثمر

كم قلبي بالانفاس لانفاسك غمر .. والجو سكر من ربك اتعطر خُمٍٍَِِر

ما بنسى ليلة كنا في شاطيء النهر .. نتعاطر خمر الحب بكاسات الزهر

والبدر مرق ظلمته وسفر ازدهر.. في النيل سطع بي نوره واتقطع بهر

الليل هدا والجو صفا .. وغاب الاتر .. والنسيم يجيب من توتي اصوات المتر

أنا يا حميل بي صوت ضميري المستتر .. من شعري كم اسمعتك الحان في وتر

شفنا النجوم تنظرنا بي نظرة شذر .. لما القمر في افقه بي غيابه اعتذر

صافين عُفاف .. يا حبيبي خالن من قذر في هوانا لا واشي ولا مراقب حذر

أنا بي غرامك يا حبيبي دمعي انفجر .. أنا بي غناك ايقظت سكان الشجر

قُبّال أراك أنا صرت في حيرة وضجر .. اليوم حظيت بلقاك يا ظبي الحُجر

___________________

وستتوالي قصائد الحقيبة الرائعة من خلال هذا البوتيك الجميل

بس أدونا معاكم رف عشان نرص فيهو هذه الابداعات

مع شكري وتقديري

بابكر بورتبيل
22-12-2007, 01:37 AM
كل عام وانتم بخير وعافية

والله نضمكم كلو بالحيل سمح وفرائد

وبوتيك بورتو مليان بالكلام النابه

ليكم سلامي جميع

ولي مدني الاحترام الزائد

المكاشفى
27-12-2007, 03:12 PM
حباب ود البشير وحباب بابكر
ابقوا لى جوه ... وانا فاكر البوتيك شالتو السعوده
اتاريه واقف شامخا شموخ صاحبو
ببقى بجيكم بالجديد.....

المكاشفى
18-01-2008, 11:50 AM
يا مدثر ياود ياحكومه
وينك ماظاهر مشتاقيييييين
عديييييييييييييييييييل كدى

بورتبيل
19-01-2008, 12:08 AM
يا مدثر ياود ياحكومه
وينك ماظاهر مشتاقيييييين
عديييييييييييييييييييل كدى
كشة الحبيب الليلة الدرب جابك
تسلم يا اللخو وخلاص مسكناهو حجابك
تلقانا محل جيت وان فتا بنعدد اسبابك

كشة الجميل مرحب والف مرحب بيك حبابك

قاعدين يا الحبيب - ونسال بشدة عن اخباركم انتم

خالد علونى
16-06-2011, 11:08 PM
واحد من بوستات الزمن الجميل




نزلـــــــــت منى دمــــــــــعه
والامـــــــــــــــــه مجتمعــــه
واليوم كــــــــان جمـــــــعـــه
يا فارم الإمــــــــــــــــــــــعــه
حبيب روحى يا ابو لمــــــعــه

ابوالنور
17-06-2011, 07:43 AM
يا حليلكم يا ناس الزمن الجميل

واحد من بوستات الزمن الجميل




نزلـــــــــت منى دمــــــــــعه
والامـــــــــــــــــه مجتمعــــه
واليوم كــــــــان جمـــــــعـــه
يا فارم الإمــــــــــــــــــــــعــه
حبيب روحى يا ابو لمــــــعــه

mahagoub
20-06-2011, 04:00 AM
يا المكاشفى الماوس بتاعك ده بمشى؟؟
ولا مدقره بحجر لزوم التجمل

بورتبيل
24-06-2011, 12:15 AM
يا جماعة الناس دي بتبحت في شنو ..!! يا اخي الكلام دا زمااااااااان نحنا خليناهو

يجيك الحبيب خالد علوني -يذكرك بقصة الريد القديمة

وابو النور يبتسم ويرخي اضانو للاستمتاع بالحديث

اما الاخلاء مكاشفي ومحجوب يدفرو فيك

المسافر
24-06-2011, 12:01 PM
بورتبيل
المكاشفي
والله مشتاقين ليكم بجنون
ومفقدنكم جدا
وينكم مختفيين كده
بالله خليكم على تواصل
وده رجاء يا حلوين يا طاعمين
والله كانت أيام جميلة ورائعة

mahagoub
24-06-2011, 09:16 PM
ياسلام علي الكلام الجميل

الكلام جميل بس انت وين يا ود البشير

mahagoub
24-06-2011, 09:18 PM
يا جماعة الناس دي بتبحت في شنو ..!! يا اخي الكلام دا زمااااااااان نحنا خليناهو

يجيك الحبيب خالد علوني -يذكرك بقصة الريد القديمة

وابو النور يبتسم ويرخي اضانو للاستمتاع بالحديث

اما الاخلاء مكاشفي ومحجوب يدفرو فيك

ما الجماعه ما مدننا فرصه نسمع لازم ندافر