المساعد الشخصي الرقمي

مشاهدة النسخة كاملة : كان نفسي أقولك من زمان



أبو مهدي371
30-07-2007, 12:19 AM
كان نفسي أقولك من زمان
بالكاتمو في سري ومكتوم في حشاي
مدسوس سنين
كان نفسي أولك من زمان
بالشايلو في عيني معزة وفي القلب ريدا
يخاف الغربة واشوق والحنين
زاملني زي خاطر الفرح وقتين يقاسم الهم عذاب
وقتين مدامعي تكون جزا وتفتح مباهج الليل ظنون
كان نفسي أقولك من زمان
سطوة محاسنك عندي ماكسرة جفون

وقت العيون تعبرني زي خاطر المساء
كان نفسي أولك من زمان
سطوة محاسنك عندي ماالرخام الفي الحرير
وقت الثغير يجدعني بي حرف القسا
سطوة محاسنك عندي وقتين كبرياءك ينهزم
لطيبتي بلفظة
وقتين مشاعرك تنسجم في عمري
تنفح قلبي بي رعشة حنان
سطوة محاسنك عندي وقتين شوقي يصبح في هواك
لعزة مابتعرف هوان
كان نفسي أقولك من زمان عينيك وحاتك غربتي
وأهلي وبلادي الفيها ضائع لي زمن
وأنا كنت دايرك من زمان
أشرح حكايتي معاكي الف
أحكيه وازيد القول ولف
وأتمني لو قلبك عرف
كان من زمان
من ما قلبي يتحكر
زمان الغربة في جرح الاسى