المساعد الشخصي الرقمي

مشاهدة النسخة كاملة : اغاني عن مدني


انيس التوم
02-08-2007, 09:27 PM
فلنجعل هذه البوست توثيقاً لكل الاغاني والاشعار التي تغنى بها كل اهل السودان تمجيداً وحباً لمدينة ودمدني علي الاقل مقطع واحد للمشاركة
قالوا لي مدني الجميلة مدني يا اجمل خبر
السلامى
04-08-2007, 12:03 AM
فكرة جميلة الاخ أنيس وياحبذا لو كانت القصيدة كاملة احيييك عليها
خالد النور
04-08-2007, 10:05 PM
مالو أعياه النضال بدنى وروحى ليه مشتهيه ودمدنى
محمد أحمد الشيخ
05-08-2007, 01:48 AM
في مدني يا خواني لي محبوب جفاني

.................

أنا لي حب أول في قسمك الأول
ابوندى
05-08-2007, 12:06 PM
عاوزين مقاطع صوتية وخصوصاً لى صديق متولى وتنائى الجزيرة يا اخوانا
خالد النور
05-08-2007, 08:44 PM
قامت لى محبه فى مدنى شارع القبه
mahagoub
29-08-2007, 02:35 AM
مدنى يا مدنى ويا شباب مدنى مدنى الخضار مدنى الجمال
مدنيّة
29-08-2007, 03:16 AM
ياانيس كلمات بس ولا اغاني صوت !!

لو صوت انا بجيب ليكم باذن الله
انيس التوم
30-08-2007, 05:39 PM
ياانيس كلمات بس ولا اغاني صوت !!

لو صوت انا بجيب ليكم باذن الله


لوعندك صوت بكون اجمل يا مدينة وتسلمي والله
خالد أحمد الصول
31-08-2007, 10:41 PM
أرض المحنة
الزبير محمد عبدالفضيل
02-09-2007, 09:30 PM
مدني يا اجمل خبر
((أبــوعاذر))
28-09-2007, 01:43 PM
شباب مدني الله فوقوا
نعم الشباب خلقه وادب
عمر معتصم
29-09-2007, 12:20 PM
شكرا لكم علي المشاركات
انيس التوم
05-10-2007, 04:09 AM
شكرا لكم علي المشاركات

تسلم اخي عمر معتصم في انتظار المزيد من الاغاني
hamad2
10-10-2007, 07:06 AM
مدني الحنينة كتبت ليك
قدست لي ريدك هواك
وعشقنا للازرق عشانك
وعبدنانجم في سماك
حبيناللزول البريدك حباك
حباك فطرة واحتواك
hamad2
20-10-2007, 04:34 PM
رحم الارض البكر أنفرا
بعد ما ضاقت بيك سنوات
يا جنياتنا ابشرو اعرضو
يا بنوت سون غنوات
قولو النمشي البلد الناضرة
خيراً عامراً .. ماليا الشارع بالخيرات
**********
غناي بقولو عليك يا مدني
عليك يا دوح
يا فرح الروح
قمح البلدان
مدني اصالة .. حضارة .. حصيفة ..
وغادة رهيفة تحس بي ألمنا و الآهات
**********
مدني العيش اللقمة الهانية
الأم الحانية ..الصوت المادح في الخلوات
مدني العشق الظاهر
صادق .. وطاهر
وبيه نفاخر في الساحات
مدني غناوي ..ومدني حكاوي .. ومدني حجاوي الحبوبات
مدني اللوز الفتح دابو
الفول القام في الحواشات
مدني النيل للداير خيرها
وكانت ويل للخواجات
مدني سياسة ..
مدني ثقافة ..
تراث في الماضي وفي الجايات
**********
رحم الأرض الجابك أنتي
وجاب الخير يفضل سنوات
فرحان بولادتِك .. بي بنوتك .. بي أبداعك .. بي الجنيات
hamad2
20-10-2007, 04:35 PM
رحـــــــــــــــــــــــــــــــــــــــــم الارضـــــــــــــــــــــــــــــــ
moh_alnour
20-10-2007, 04:40 PM
كنت أزورو ابوي ود مدني وأشكي ليهو الحضري والمدني
ليت حظي يسمح ويسعدني طوفة فد يوم في ربوع مدني
okasha
22-10-2007, 12:42 AM
من ارض المحنة

و

من قلب الجزيرة
عماد السائح
23-10-2007, 12:12 PM
إعتذار
افتقدتك
لما نار الدنيا لهبت في حشاي
وافتقدتك ,,,,, لما اظلم خاطر الوهج
المولع في جواي ,,,,,,,,,,,,,,,,
وافتقدتك يوم لقبتك ,,,,,,,
لا إنتي إنتي
ولا انا الزول الزمان.
ضاعت مراكب الريدة تاهت ياحنان ,,,,,,,,,,,
**********
مدني يا عز المدائن
يا فرح طفل الجنائن
كيف اشوفك كيف اجيلك
وكيف يكون بينا اللقاء ...
نفسي ادخل في جواك
ارجع الزمن اللكان ----
نسمة يانيل المدينة
من جناين ود شقدي .
نوبة ياقنديل تهدي
شدة الالم الجواي ,,,
يمه من شاطوط محاية
بكره داخل امتحان
واللا قولك -- بسمة من زولا بحبو
تكفي مليون امتحان....
عركي بالله غني لينا
عن حبيبتي بقلكم ...........
وعن أنين الغربة ينزف
بالإرادة *** بدون إرادة .
يدوزن اللحن الحزييييين
قيثارة الألم البكاء
بلا انيييين .
يا مجد عزة ماضي كان
يامدني يا احلى مكان.
حليل زمان وياحليل مكان .
*****************
القصيده الكان كتبتها ليك زمان
ضاعت....
ذي ماضاع مني الزمان
ذي ما ضاع مني الزمان
ذي ما ضاع مني الزمان

عماد حسين السائح 2006 ابريل
عماد السائح
23-10-2007, 12:27 PM
هي مشاركة قديمة ولا بأس طالما شعر لمدني
إعتذار
افتقدتك
لما نار الدنيا لهبت في حشاي
وافتقدتك ,,,,, لما اظلم خاطر الوهج
المولع في جواي ,,,,,,,,,,,,,,,,
وافتقدتك يوم لقبتك ,,,,,,,
لا إنتي إنتي
ولا انا الزول الزمان.
ضاعت مراكب الريدة تاهت ياحنان ,,,,,,,,,,,
**********
مدني يا عز المدائن
يا فرح طفل الجنائن
كيف اشوفك كيف اجيلك
وكيف يكون بينا اللقاء ...
نفسي ادخل في جواك
ارجع الزمن اللكان ----
نسمة يانيل المدينة
من جناين ود شقدي .
نوبة ياقنديل تهدي
شدة الالم الجواي ,,,
يمه من شاطوط محاية
بكره داخل امتحان
واللا قولك -- بسمة من زولا بحبو
تكفي مليون امتحان....
عركي بالله غني لينا
عن حبيبتي بقلكم ...........
وعن أنين الغربة ينزف
بالإرادة *** بدون إرادة .
يدوزن اللحن الحزييييين
قيثارة الألم البكاء
بلا انيييين .
يا مجد عزة ماضي كان
يامدني يا احلى مكان.
حليل زمان وياحليل مكان .
*****************
القصيده الكان كتبتها ليك زمان
ضاعت....
ذي ماضاع مني الزمان
ذي ما ضاع مني الزمان
ذي ما ضاع مني الزمان

عماد حسين السائح 2006 ابريل
ahmed algam
23-10-2007, 01:29 PM
من ارض المحنة ومن قلب الجزيرة
okasha
24-10-2007, 02:35 AM
ما له اعياه النضال بدني

روحي ليه مشتهيه ود مدني

ليت حظي سمح واسعدني

طوفه فد يوم بي ربوع مدني

كنت أزوره ابويا ود مدني

واشكي ليه الحضري والمدني

آه علي حشاشتي ودجني

وحنيني ولوعتي وشجنى

دار ابويا ومتعتي وعجني

يا سعادتي وثروتي ومجني

حين سألنا حاوي الوصب

من خمايل قرية القصب

قالوا جات سيرتك علي النصب

ونحن بين الروضة والقصب

صنفه بعرها قالن إن تصب

تربط الأحلام مع الخصب

كان حبيبنا وحاشا ما نصبي

ومن زمان فارقنا وهو صبي

تاني ما سمعنا انقطع خبره

يا حليلم طشوا ما اتخبروا

واحدة فيهن قالت انجبروا

فقر ابونا

وخدمة النبرو

الكنانة أكرمت نزلي

واغدقت من خيره كل زلي

إن حييت أو مت في الازل

ده مقدر طبعه في الازل

غايته بختم نفثتي الخطرت

بي تحية من حشاي شطرت

للتدور والطايره والما طارت

وسلاما ما الغصون خطرت
عثمان حسين
12-11-2007, 05:57 AM
الاخ انيس...
خلي الباشمهندس عماد حسين يلحن القصيدة لانها عجبتني جدا وانا حامتعك في الاداء ..
في اغاني واشعار كثيرة ما مقصود بيها مدني ولكن.... جنونا مني.... اي اغنية رمز وحنين لمكان او وطن بوديهو لمدني .........
اي قصيدة من الشعر الجاهلي ليومنا هذا كذلك ...
لو سمحت لي عندي بعض الابيات لمجنون ليلي للمشاركة ........
ناصر عمر دبيب
12-11-2007, 09:55 AM
ولااسيب مدني واجي اسكن حداكه من ارض من المحنة من قلب الجزيزة
ahmed algam
24-04-2010, 09:30 AM
انتي من وين يابنية ناوية علي وين السفر


مدني يااجمل خبر
هيثم صديق
28-04-2010, 06:07 AM
في الذمن الصعب الكل تعب بريد المحن والناس الحنان .مدني فيها النيل الجاري وصابي في عروق ابناء نابع البسمة الضحك الهمس
انيس التوم
19-05-2010, 07:14 PM
الشكر للاخوة الأعزاء لرفع هذا البوست


ومزيد من الابداع ونواصل ما انقطع

طوال الثلاث سنوات
روبش
20-05-2010, 01:11 AM
في الجزيرة نزرع قطنا نزرع نتيرب نحقق املنا