البوبار الفاضى

[ودكمبال]

معذرة ليس كل اصابع اليد متساويه ولا كل المدردم ليمون بس الماعارف بيقول مغتربين بوبار فاضى والجيب اقصى ليو حد اسبوعين وبعده بنكشف المستور شوفو لى 200 لزوم الضرائب وتاجيل الخدمه وحق التاشيرة .والبشوفهم وهم جايين ظازه يقول اريتنا بحالهم شاى خفيف وسكر خفيف وده بيعمل لى حيرقان وعندى حموضة زائده .طيب وقت الشغلة مابتغطى ذى ما قال واحد صاحبى .الفشخرة لزومها شنو.
الخوف كلو من العودة واخير ما ترجعوا لانو كل الاموال الجمعتوها ما يتعالج الامراض الكسبتوها وشىء مهم حليل الناس الماتو بشوقهم لشوفتكم.

[معتز الريح]

ود كمبال الحبيب ..
التأشيرة الجاتك لقيتها مضروبة ولا شنو؟؟؟ ..

[صديق بلال]

معذرة ليس كل اصابع اليد متساويه ولا كل المدردم ليمون بس الماعارف بيقول مغتربين بوبار فاضى والجيب اقصى ليو حد اسبوعين وبعده بنكشف المستور شوفو لى 200 لزوم الضرائب وتاجيل الخدمه وحق التاشيرة .والبشوفهم وهم جايين ظازه يقول اريتنا بحالهم شاى خفيف وسكر خفيف وده بيعمل لى حيرقان وعندى حموضة زائده .طيب وقت الشغلة مابتغطى ذى ما قال واحد صاحبى .الفشخرة لزومها شنو.
الخوف كلو من العودة واخير ما ترجعوا لانو كل الاموال الجمعتوها ما يتعالج الامراض الكسبتوها وشىء مهم حليل الناس الماتو بشوقهم لشوفتكم.

والله يا ود كمبال... نسأل الله تعالى السلامة والعافية للجميع...

[ودكمبال]

ود كمبال الحبيب ..
التأشيرة الجاتك لقيتها مضروبة ولا شنو؟؟؟ ..

العملاق / معتز
ابدا والله وتاشيرتى من اجل دراسات عليا بس عايزين نكشف اوراق المغتربين ونستفيد من خبراتهم لانو احتمال الشغلة تجر ونقدر نجهز مبرراتنا من الان .
قف
الماعندو خبره يسال مجرب

[ودكمبال]

والله يا ود كمبال... نسأل الله تعالى السلامة والعافية للجميع...

الغالى صديق/
ربنا يرد غربتكم بس حقو الواحد ما يطول ويختصر الشغلة والعمر ما معروف

[هشام السماني إبراهيم]

العملاق / معتز
ابدا والله وتاشيرتى من اجل دراسات عليا بس عايزين نكشف اوراق المغتربين ونستفيد من خبراتهم لانو احتمال الشغلة تجر ونقدر نجهز مبرراتنا من الان .
قف
الماعندو خبره يسال مجرب

والله الحنك عندك

وكل واحد بي ظروفو والظروف تخليك خروف

سلملم

[ودكمبال]

والله الحنك عندك

وكل واحد بي ظروفو والظروف تخليك خروف

سلملم

الغالى/ Doom99
الظروف الظروف الظروف دى الشماعه وشاطىء راحة المنهزمين من الايقاع اليومى للحياه من خلق الظروف ...البشر اكيد .
تخريمه///
كل شىء من فعل البشر يمكن تغيره

[طارق محمد الحسن]

واللة ياود كمبال صدقت المغتربين ديل عندهم جنس بوبار التقول والدنهم برة البلد دى اها اول حاجة تلقاهو غير ليك طريقة كلامو وبقى سعودى عديل كدا وتلقى الواحد نسى ملاح الويكة والبامية والكسرة وعمل فيها بياكل مندى وبس والبوبار دا حدو اسبوعين تلاتة وبعد داك شوف الانبراش داير حق الرجعة ورسوم المغادرة وداير حق الليمزين لمن اصل اها فى داعى لى جنس دا واللة حقو تجو تتلمو على اهلكم ساكت والبلد دى مابتقصر معاكم .....عليكم اللة ارجعو

[ودكمبال]

واللة ياود كمبال صدقت المغتربين ديل عندهم جنس بوبار التقول والدنهم برة البلد دى اها اول حاجة تلقاهو غير ليك طريقة كلامو وبقى سعودى عديل كدا وتلقى الواحد نسى ملاح الويكة والبامية والكسرة وعمل فيها بياكل مندى وبس والبوبار دا حدو اسبوعين تلاتة وبعد داك شوف الانبراش داير حق الرجعة ورسوم المغادرة وداير حق الليمزين لمن اصل اها فى داعى لى جنس دا واللة حقو تجو تتلمو على اهلكم ساكت والبلد دى مابتقصر معاكم .....عليكم اللة ارجعو

الغالى/ طارق
العرجاء لمراحها والماعندو قديم ماعندو جديد والعمليه ماشماتة بس الناس ديل هاربين من الواقع .
وشكرا على المرور