حضروا يوم الجمعة هم والفرح واخرون ..............( صور)

[صلاح ودالطاهر]

بسم الله الرحمن الرحيم
وبه نستعين


احبتي اعضاء منتديات ودمدني الحبيبة يوم الجمعة 3/8/2007م المكان دار جمعية ودمدني الخيرية التي فتحت زراعيها لاستقبال اعضاء منتديات ودمدني حضروا هم معهم الفرح والغبطه والمسره والاخرون هم هموم السودان عامه والجزيره ود مدني علي وجه الخصوص فكان حضور الاخوان
1/ الاستاذ/ عمر سعيد النور 2/ الاستاذ/ مدني عباس يس 3/ الاستاذ/ فتحي مرزوقي 4/ الباشمهندس / قصي سيد أحمد 5/ الاستاذ/ علي مرسي 6/ الاستاذ/ مجدي سنجر 7/ عمنا خليفه حميده شيخ العرب 8/عمنا عثمان الليثي 8/ الاستاذ / معز (ودام تريبات) 9/الاستاذ/ عثمان (جلاله )10/ الاستاذ/ مصطفي دعلوب 11/ الاستاذ مجاهد 12/ الاستاذعمر ودالبشير 13/ الاستاذعمادعبدالشكور 14/ الاستاذ /مجاهد سوباوي 15/ وحبيبنا الباشمهندس باسطه 16/ سعادة المستشار / مرتضي يوسف العركي حلمابي 17/ الاستاذ / الشاذلي الجمري 18/ وشخصي الضعيف


المعتزرون
1/ الاستاذ/ صالح ابوشوارب 2/ الاستاذ حيدر شبندر 3/ الاستاذ /ناصر ابراهيم 4/ الاستاذ/ صلاح الدين ابا 5/ الاستاذ زاهر6/ بكري كسلا
6/ سعادة المستشار عوض صقير
الحضور عبر الهاتف

1/ الاستاذ / نزار حسن (ابوسفروق ) 2/ الاستاذ/ هشام (دوم 99)

الحضور وجدانياً

كل اعضاء منتديات ودمدني في جميع مشارق الارض ومغاربها
سوف اوافيكم بصور هذا اللقاء الصوره الاولي استاذنا عمر سعيد النور واستاذنا مجدي سنجر

[صلاح ودالطاهر]

الاخ والاستاذ الوقور فتحي مرزوقي

[صلاح ودالطاهر]

الاستاذ/ والدينمو المحرك مدني عباس يس (وديس)

[صلاح ودالطاهر]

الاخ الوقور والاب الحنون والصديق الوريف اذا جلست معه كانك تعرفه منذ زمن بعيد الاستاذ/ مجدي سنجر

[صلاح ودالطاهر]

دائما في حدقات العيون ابناء ودمدني والجزيره

[باسطه]

والله ياود الطاهر عملتها فينا وأنا أقول الغتسه دي ماساي ليك يومين ماظاهر في البوستات دي أتاريك فوق راي بس عليك الله أعزل لينا أحسن صورة ولو في طريقة جيبة من بعيد ولو في طريقة تاني أعمل تظليل للوش وكمان لو فيها مجال ماتجيبه خالص هههههههههههههه
يازول خير وبركة بس يوم الجمعة الجاية أبقى عشرة على موضوع اللقيمات ده عشان جلالة مايزوغ من الإجتماع:D :D :D

[معتز الريح]

ود الطاهر يا خطير ..
نشكرك على توثيق هذه اللحظات الجميلة ..
ومنتظرين باقي الناس ..
باسطه وجلالة ودعوب وباقي الحضور ..

[معتز الريح]

شنو يا صلاح ؟؟
وين باقي الصور .. منتظرين ..

[صلاح ودالطاهر]

ياخوانا شيلو الجلاله لود جادالله الرجل الحبوب الباسم

[مدنيّة]

لمة في الحرم يارب

منتظرنك ياود الطاهر ببقية العقد الفريد

[خالد النور]

إنشاء الله دايماً متلمين

[صلاح ودالطاهر]

هو بشحمو ولحمو فيه اصالة السودان وروعة اهل الجزيره وصاحب رأي سديد

[صلاح ودالطاهر]

فيه روعة الريف وروعة اهل الجزيره وحلويات الكريمت هو عمر ودالبشير يستقبل في مكالمات هشام دوم واخونا نزار حسن

[صلاح ودالطاهر]

راجل فكاهي درجه واحد يخليك تضحك لمن يمسك مغس وهو الجنن رضا ودحسن وخلاهو يسافر بالسودانيه وخلاهو مايشتري جوال

[صلاح ودالطاهر]

ده ياخوانا سوباوي رجل فنان واديب و.........و...........و....... لااسطيع ان اتكلم عن سوباوي اخاف لا امنحه حقه

[صلاح ودالطاهر]

عماد عبد الشكور ذالك الرجل الصامت يتحدث بادب جم لا تسمع له صوتاً رغم عن ذالك في الكرسي الساخن براي درجه اولي

[صلاح ودالطاهر]

بجد هو باسطه راجل مبسوط رجل متواضع ذي عملو في الهندسه ذالك هو المهندس باسطهه

[صلاح ودالطاهر]

حكيم اولاد مدني راجل فيه تطور الحاضر واصالة الماضي ورقي المستقبل هو عمنا شيخ العرب

[صلاح ودالطاهر]

استاذنا الشاذلي الجمري يمثل عراقة واصالة مربع 11 مدني

[صلاح ودالطاهر]

الرجل المهذب صاحب الابتسامه الوقوره الباشمهندس قصي سيد احمد

[صلاح ودالطاهر]

تعرفو ياجماعه الراجل ده يحب مدني لدرجة النخاع ويحب يخدم كل البيحب مدني في تجرد ونكران ذات راجل بسيط بساطة ناس مربع 11 كبير مع الكبير وصغير مع الصغير ده علي مرسي الشهير بعلماء

[محمد أحمد الشيخ]

مبالغة يا ود الطاهر

هذا ما كنا نحتاج له

[صلاح ودالطاهر]

المستشار مرتضي يوسف العركي جاء من السودان يحمل هموم مدني تكلم حتي نظرنا الدمع علي عيناه رجل احب مدني وعمل المستحيل من اجلها

[صلاح ودالطاهر]

تعرفوا الراجل ده لايترك الجمعيه دائماً حضور دائماً مشارك دائماً يحمل في داخله روح ودمدني

[صلاح ودالطاهر]

حضر عشان يشاركنا فله الشكر ابن بانت مجاهد

[صلاح ودالطاهر]

عمكم انا ودالطاهر

[عثمان جلالة]

صورتك انت وين يا ود الطاهر ... مالك داسيها ... طلعها سريع

[صلاح ودالطاهر]

مقتطفات من اللقاء وانتم من خلال الصور بتعرفو صورة كل واحد ربنا يوفقنا جميعا ويحفظهم

[صلاح ودالطاهر]

مقتطفات متفرقات من اجتماع

[عثمان جلالة]

الله يديك العافيه ... يا عمنا ود الطاهر ... ما قصرت تب ... كفيت ووفيت .. لك كل الحب

[صلاح ودالطاهر]

صور متفرقه من اللقاء

[صلاح ودالطاهر]

هم الرائعون هم الرائعون ابناء الجزيره عامه وودمدني خاصه

[صلاح ودالطاهر]

اخونا مصطفي دعوب اصره اصرار شديد ننزل ليهو صورتو وكت كان مع ناس حقيبة الفن وذكر لنا ان هذه الصوره اخذت في اواخر الاربعينيات واوائل الخمسنيات واستجبنا لطلب اخونا مصطفي دعوب اها يارضا شوف صورة صاحبك

[صلاح ودالطاهر]

هذه ايضا صوره لمصطفي دعوب في احدي حفلات حقيبة الفن وهذه استراحة محارب قديم

[صلاح ودالطاهر]

احبتي هذا قليل من كثير ولنا عوده مع جمال اولاد المنتدى واولاد مدني

[مصطفي دعوب]

والله يا ود الطاهر ماخفتا فيني الله تب
الناس تجيبهم ملونين وانا تجيبني ابيض واسود
وكمان حقيبة الفن ؟ لكن عليك الله مابشبه ميرغني المأمون وحسن جمعة .
وانا زمان في الثلاثينيات سنة 77 كنت كورس لفنانا الكبير ود الطاهر .
دي برضو انكرها !!
وتاني الاجتماعات دي بحضرها وانا لابس عباية سوداء ( خيمة ) انصار سنة بس .

[عمر سعيد]

الأخ الحبيب الأستاذ الشاب( صلاح ود الطاهر )

الشكر لك أيها الأخ الحبيب ... وأنت تتحفنـا بهذا ( النقل الحي ) لفعاليات ( لقاء الجمعة ) .. والذي نأمل مخلصين أن يكون له ما بعده ... وهي مناسبة نؤكد لكم من خلالها أننـا على العهد ... وسنوفي بإذنه تعالى بما التزمنا به من تجهيز مكتب بكامل ملحقاته ( للمنتديات ) بدار الجمعية .

تبقى أن نذكركم بما التزمتم به للأجتماع الأول ... حيث كان الجميع يتلهفون لتذوق ( لقيمات الدكاترة ) ... وسنكون في انتظاركم ، وبقية العقد الفريد يوم الجمعة القادم ، إذا مد المولى الكريم في الآجال .

ولك كل المودة والتقدير ... ولازلنــا في انتظار حديث الشهد من الحبيب ( سوباوي ) .

[ود ام تريبات]

ياود الطاهر ود البشير

شنو البيع ده ؟؟؟ عديييييييييييييييل عينك عينك .. الصورة دي كانت وييييين ما شفناها في صالة الاجتماعات ..
بعدين تشربوا في شنو ؟؟!!

هووووي ياود الطاهر الجنا ده ماقدر محنك ديل ..

[معتز الريح]

يا أخوانا ده شنو الجمال ده ..
تسروا النظر وتشرحوا النفس ..
ربنا يحفظكم ..

[معتز الريح]

يا ود الطاهر .. بالله بلغ التحيات لعلي مرسي علماء..
وحلومي وعارف فوله ..

[معتز الريح]

ويا ود دعوب أطمئن ..
برضو أوجه من رضا ود حسن ..

[باسطه]

بجد هو باسطه راجل مبسوط رجل متواضع ذي عملو في الهندسه ذالك هو المهندس باسطهه


تسلم يا أستاذنا ود الطاهر ويديك ألف عافية على النقلات التي تجسد حلاوة اللقاء وعقبال مانتلمه مع باقي أعضاء المنتدى وفي الحرم إنشاء الله

[عماد عبدالشكور]

عمكم انا ودالطاهر

استاذنا ود الطاهر
اخيرا اعترفت انك عمنا
الله يديك الصحة والعافية

[مختار بازى]

والله لمــــــــــــــــة عايز اقول ليكم في الحرم وانتو في الحرم عقبااااااااالنا كدي يارب
والله الواحد بيفتقد للامات الزي دي ولكن عزانا الوحيد انكم بتربطونا بالصور الجميلة والواحد بيعيش معاكم بالوجدان وربنا يلمنا في ساعــــــــــــــــــــتة خير ان شاء الله

[مختار بازى]

أعزل لينا أحسن صورة ولو في طريقة جيبة من بعيد ولو في طريقة تاني أعمل تظليل للوش وكمان لو فيها مجال ماتجيبه خالص هههههههههههههه

والله يا باسطة احلي من كدا ماف انت كنتة قاشينا سااااااااي اتاريك بالطاقية ماشاء الله
وبرضو تقول لي :D craig david

[مصطفي دعوب]

ويا ود دعوب أطمئن ..
برضو أوجه من رضا ود حسن ..



والله دي كنت واثق منها بس كنت عايز واحد يأكدها لي .

البركة فيك يا ود الريح طمنتني .

[عمر البشير]

ما احلاهم شالو معاي الهم بالجمله ، هي مدني كما عودتنا دائما حاضرة ولاية الجزيرة بان تلم الشمل وتقرب البعيد، ولكم التحية اخواني جلاله وصلاح علي التجسيد الحي.وان شاء الله لمه في الحرم.

[صلاح الدين]

ربنا اديكم العافية وعين الحسود فيها مليون عون ، موفقين موفقين بإذن الله . هكذا أهل مدني .

[خطاب العبيد]

مشكور الاخ صلاح ود الطاهر على التعريف بالشخصيات المهمة فى المنتدى والاعمدة التى قام عليها هذا المنتدى .

ونتمنى من الجميع التفاعل ووضع صورهم فى بوست على المنتدى مع كامل البيانات حتى يتسنى لنا التعرف بالجنود الذين يعملون من خلف الكواليس فكثيرامانرى الاسماء ولانرى الصوروقدنكون لم نعطى الكثيرين منهم حقهم من حيث السن والمقام فعذرا للجميع وربنا يجمع شملناكلنا فى مدنى ونلتقى الاخوان والاحباب فى المنتدى الرايع ده


لك كل الشكروالتقدير

[باسطه]

والله يا باسطة احلي من كدا ماف انت كنتة قاشينا سااااااااي اتاريك بالطاقية ماشاء الله
وبرضو تقول لي :D craig david


ههههههههههههههههههههههههههههههههههههه
يديك العافية
ماشايف الصورة بتاعت كرد ديفيد شلناها بعد ماهويتنا إنكشفت ختينا ليكم صورة أيام الجامعة

[مختار بازى]

ههههههههههههههههههههههههههههههههههههه
يديك العافية
ماشايف الصورة بتاعت كرد ديفيد شلناها بعد ماهويتنا إنكشفت ختينا ليكم صورة أيام الجامعة

احلي من كدا ماف يديكم العافية

[مجدى سنجر]

الاخ ود الطاهر والابن كما يحلو له
وجودك فى الاجتماع اعطى رونق خاض، أما أخراجك للإجتماع فهو الابداع.
لقد عكست الاجتماع بصور معبره اكثر من الكلمات.
وأظن اهل المنتدى الغير حاضرين للاجتماع يكاد يكونوا سمعوا كل كلمة فية من خلال صور ود الطاهر.

ولكم الود

[خالد النور]

إنشاء الله نشوفكم دوما متلمين وربنا يجمعنا بيكم يا أروع ناس

ربنا يحفظكم ويخليكم لأم المداين ود مدنى

[ابوندى]

الله يخليك لي مدنى استاذنا ود الطاهر
معاك حسينا وكأننا معاكم والاهم من ذلك الصور والتى بالطبع اضفناها لمكتبتنا الخاصة
ودمت

[صلاح ودالطاهر]

اول لقاء بين اعضاء المنتدى وجمعية ودمدني الخيرية بالرياض