نموذج سوداني لم ينقرض بعد

[ود ام تريبات]

تجده في كل مكان يجب ان يكون فيه .. هاش باش يخدم الناس حفيان .. هميم متى ما دعى داعي الشهامة وجده هناك .. نموذج لسوداني قد تجده في كل المدن والقرى والفرقان نفس النموذج رجل يتحاكى الناس بنبله ووقفته مع الناس في الحارة والبارده دون من ولا اذى.. تجده هناك في الاتراح والافراح يكفي في الضيوف وينده للوليدات جيبو تلحيقة لناس ود فلان في الديوان الفلاني ودوا ناس حلة فلان ديوان فلان حامل الشاي ياتي الى الدواوين يصب الشاي للضيف بنفسه ينتقل من مكان الى اخرى كالفراشة بين الازاهير ناشراً سيرته الطيبة بتعاملة الجميل ..
كريم كما يجب ان يكون الكرم عشاي ضيوف الهجعة .. له ديوان لا تعلوه اسوار او ان له باب لا يقفل من الداخل ابداً ..
هذا نموذج سوداني موجود برغم مرارات الايام والزمن التعيس الاغبر .. كل ما رأيته كدت ابكي فرحاً نعم لازلنا بخير لطالما فينا مثل هذا الرجل ..

[abomazeen]

تجده في كل مكان يجب ان يكون فيه .. هاش باش يخدم الناس حفيان .. هميم متى ما دعى داعي الشهامة وجده هناك .. نموذج لسوداني قد تجده في كل المدن والقرى والفرقان نفس النموذج رجل يتحاكى الناس بنبله ووقفته مع الناس في الحارة والبارده دون من ولا اذى.. تجده هناك في الاتراح والافراح يكفي في الضيوف وينده للوليدات جيبو تلحيقة لناس ود فلان في الديوان الفلاني ودوا ناس حلة فلان ديوان فلان حامل الشاي ياتي الى الدواوين يصب الشاي للضيف بنفسه ينتقل من مكان الى اخرى كالفراشة بين الازاهير ناشراً سيرته الطيبة بتعاملة الجميل ..
كريم كما يجب ان يكون الكرم عشاي ضيوف الهجعة .. له ديوان لا تعلوه اسوار او ان له باب لا يقفل من الداخل ابداً ..
هذا نموذج سوداني موجود برغم مرارات الايام والزمن التعيس الاغبر .. كل ما رأيته كدت ابكي فرحاً نعم لازلنا بخير لطالما فينا مثل هذا الرجل ..


البلد لســه بخير ... تلسم يا أخوي الكريم

[مختار بازى]

البلد لســه بخير ... تلسم يا أخوي الكريم

والله البلد لسة ولسة بالف خير وربنا يديم الخير كمان وكمان

[ود الاغبش]

ودا الخلاني

اقول للدنيا انا سوداني

و الله شوفنا كتير من خلق الله

لكن اعظم من السوداني و ربي مافي

[محمد أحمد الشيخ]

تجده في كل مكان يجب ان يكون فيه .. هاش باش يخدم الناس حفيان .. هميم متى ما دعى داعي الشهامة وجده هناك .. نموذج لسوداني قد تجده في كل المدن والقرى والفرقان نفس النموذج رجل يتحاكى الناس بنبله ووقفته مع الناس في الحارة والبارده دون من ولا اذى.. تجده هناك في الاتراح والافراح يكفي في الضيوف وينده للوليدات جيبو تلحيقة لناس ود فلان في الديوان الفلاني ودوا ناس حلة فلان ديوان فلان حامل الشاي ياتي الى الدواوين يصب الشاي للضيف بنفسه ينتقل من مكان الى اخرى كالفراشة بين الازاهير ناشراً سيرته الطيبة بتعاملة الجميل ..
كريم كما يجب ان يكون الكرم عشاي ضيوف الهجعة .. له ديوان لا تعلوه اسوار او ان له باب لا يقفل من الداخل ابداً ..
هذا نموذج سوداني موجود برغم مرارات الايام والزمن التعيس الاغبر .. كل ما رأيته كدت ابكي فرحاً نعم لازلنا بخير لطالما فينا مثل هذا الرجل ..

الحبيب الراقي ود أم تريبات
لك تحياتي
هذا نتاج طبيعي لأي سوداني وكتر خير أجدادنا وأبهاتنا علي التربية الصحيحة وما بزلوه في سببيل أستقامة المعوج .
ولك سلامي أين ما كنت أيها الراقي

[ابوندى]

سوداننا لسه بخيرو وباهل خيرو والحمد لله لسه الديوان المفتوح وناس( ابو مروة) والتكافل والكرم موجود في احياءنا الشعبية وقرانا ,

ملحوظه- ابومروه : ابو مروءه

اما اذا دار سؤالك عن الاحياء الجديدة فاصبحت كلها مثل الحي الراقي (((الوحيد))) عندنا سابقا , مجرد صالون داخلى لزائرك المعروف وقاصدك , والمشكلة ان مدنى اصبحت بعضها اسوار جديدة وعالية ومغلقة

[مرتضى يوسف العركي]

استاذنا ود ام تريبات المعز
التحية عبركم للمحمد احمد الطيب الخدوم ود البلد الفزعة بما يحمل من قيم واصالة وتواضع بادب الحيشان والضيفان نعم صديقي لازلنا بخير والخير فيكم لابراز هذه القيم العالية
اكرر شكري على الطرق الرائع لذلك الانسان الرائع
مع الود

[عثمان جلالة]

أمحمد ود الطاهر آآآ جنا وكت الخريف كان كتير بلحليل .. وانقطع البص وعطل بالرجال والنساوين والاطفال ... فوق ضهرالحله ... ما مشي ليهم بي روحة وحلف عليهم طلاق إلا يجو يرتاحو وياكلوا ... وجوا دخل الرجال على الديوان والنسوان على مرتو والساعة 12 باليل .. ضبح ليهم وقال للمره عوسي الكسرة .. وأكلوا تب وشبعوا وحمدو الله وتاني يوم الصباح رجعوا أهلهم ... بالله يا ود ام تريبات فكرك كم مره كانت حامل سمت ولدا من اليوم داك أمحمد ود الطاهر !!!!!!

[ود ام تريبات]

البلد لســه بخير ... تلسم يا أخوي الكريم

نعم دي البلد البفر جنياتا لقدام

[ود ام تريبات]

البلد لســه بخير ... تلسم يا أخوي الكريم

نعم دي البلد البفر جنياتا لقدام

abomazeen
اشكر لك هذه الاطلالة الرائعة

[ود ام تريبات]

والله البلد لسة ولسة بالف خير وربنا يديم الخير كمان وكمان

الحبيب مختار بازي

البلد يدوم خيرها بيكم .. ولنتفق على ان لا تضيع هذه القيم في زحمة الدنيا المسرعة

لك الود كل الود

[ود ام تريبات]

ودا الخلاني

اقول للدنيا انا سوداني

و الله شوفنا كتير من خلق الله

لكن اعظم من السوداني و ربي مافي

هو السوداني اينما كان يحمل معه وصايا تلك الارض الجميلة( ابقى عشرة )

شكراً على المرور

[ود ام تريبات]

الحبيب الراقي ود أم تريبات
لك تحياتي
هذا نتاج طبيعي لأي سوداني وكتر خير أجدادنا وأبهاتنا علي التربية الصحيحة وما بزلوه في سببيل أستقامة المعوج .
ولك سلامي أين ما كنت أيها الراقي

الرائع جداً
محمد احمد الشيخ

كم كان سيكون لهذه الحياة طعم لا يطاق لو اننا لم نكن نتاج تلك الثقافة الفريدة ..

لك صادق حبي

[صديق بلال]

تجده في كل مكان يجب ان يكون فيه .. هاش باش يخدم الناس حفيان .. هميم متى ما دعى داعي الشهامة وجده هناك .. نموذج لسوداني قد تجده في كل المدن والقرى والفرقان نفس النموذج رجل يتحاكى الناس بنبله ووقفته مع الناس في الحارة والبارده دون من ولا اذى.. تجده هناك في الاتراح والافراح يكفي في الضيوف وينده للوليدات جيبو تلحيقة لناس ود فلان في الديوان الفلاني ودوا ناس حلة فلان ديوان فلان حامل الشاي ياتي الى الدواوين يصب الشاي للضيف بنفسه ينتقل من مكان الى اخرى كالفراشة بين الازاهير ناشراً سيرته الطيبة بتعاملة الجميل ..
كريم كما يجب ان يكون الكرم عشاي ضيوف الهجعة .. له ديوان لا تعلوه اسوار او ان له باب لا يقفل من الداخل ابداً ..
هذا نموذج سوداني موجود برغم مرارات الايام والزمن التعيس الاغبر .. كل ما رأيته كدت ابكي فرحاً نعم لازلنا بخير لطالما فينا مثل هذا الرجل ..

الله يعطيك العافية يا أخ ود أم تريبات... فكلامك الجميل هو تأكيد ما يتداوله القاصي والداني من العالم عن الشعب السوداني الطيب... ولك منا كل التقدير والإحترام...

[ود ام تريبات]

سوداننا لسه بخيرو وباهل خيرو والحمد لله لسه الديوان المفتوح وناس( ابو مروة) والتكافل والكرم موجود في احياءنا الشعبية وقرانا ,

ملحوظه- ابومروه : ابو مروءه

اما اذا دار سؤالك عن الاحياء الجديدة فاصبحت كلها مثل الحي الراقي (((الوحيد))) عندنا سابقا , مجرد صالون داخلى لزائرك المعروف وقاصدك , والمشكلة ان مدنى اصبحت بعضها اسوار جديدة وعالية ومغلقة


ابودندى

اذا كان بود مدني اسوار عالية فتوجد اضعافها دواوين ليس لها ابواب لضيوف الليل ..

وفي البسمع فيهم يا ابو مروووه بفرارو ينط من جوه يبادر ليك من غير تأخير ..
ده الشعب الحر الفيهو بسر

لك التحية ولود مدني خالص الحب

[ود ام تريبات]

استاذنا ود ام تريبات المعز
التحية عبركم للمحمد احمد الطيب الخدوم ود البلد الفزعة بما يحمل من قيم واصالة وتواضع بادب الحيشان والضيفان نعم صديقي لازلنا بخير والخير فيكم لابراز هذه القيم العالية
اكرر شكري على الطرق الرائع لذلك الانسان الرائع
مع الود

استاذي الراقي / الحلامابي

لك وقفة اجلال لك ولرفاقك الطيبين انتم من لازال يمسك بجذوة هذه القيم الجميلة انتم من نتعلم من نكرانهم لذاتهم وفزعتهم لاهلهم وسعيكم للخير دون من ولا اذي انتم استاذى الذين اعطيتمونا درساً لم نكن لنتعلمه لو لم تكونوا بيننا ..

هوالدعاء من وراء ظهر الغيب لكم ممزوج بحب هذه الارض الذي جمعنا

[ود ام تريبات]

أمحمد ود الطاهر آآآ جنا وكت الخريف كان كتير بلحليل .. وانقطع البص وعطل بالرجال والنساوين والاطفال ... فوق ضهرالحله ... ما مشي ليهم بي روحة وحلف عليهم طلاق إلا يجو يرتاحو وياكلوا ... وجوا دخل الرجال على الديوان والنسوان على مرتو والساعة 12 باليل .. ضبح ليهم وقال للمره عوسي الكسرة .. وأكلوا تب وشبعوا وحمدو الله وتاني يوم الصباح رجعوا أهلهم ... بالله يا ود ام تريبات فكرك كم مره كانت حامل سمت ولدا من اليوم داك أمحمد ود الطاهر !!!!!!

جلالة يارائع

ُامحمد ود الطاهر وتد من اوتاد الكرم في لتلك الارض الجميلة ... تصدق ياجلالة انو انا اتعرفت على صديق في الجامعة من منطقة النيل الابيض اسمو اسامه اتعرفته عليهو لانو في يوم من الايام جا في الليل يوم مطرة وجاء محمد ود الطاهر وحلف عليهو هو والمعاهو .. وعرف انو الحلة دي اسمها ام تريبات .. وقال لي انو الراجل الاكرمنا ما ورانا اسمو بس سألنا منو لمن جينا طالعين .. التحية لاُمحمد ود الطاهر ذلك الرجل الذي فاق حد الوصف في نبله وكرمه ...

[ود ام تريبات]

الله يعطيك العافية يا أخ ود أم تريبات... فكلامك الجميل هو تأكيد ما يتداوله القاصي والداني من العالم عن الشعب السوداني الطيب... ولك منا كل التقدير والإحترام...


ود بلال

هي تلك الارض الساحرة تصبغنا بلون الانسانية الصحيح وتمنحنا ما نحتاجه من قيم لنعش بها بين القاصي والداني بكل فخر مرفوعي الرؤوس .

لك حبي صديقي ود بلال

[مدنيّة]

كيف يكون الحال لو ما كنت سوداااني
واهل الحاااارة ما اهلي !!

[s nger]

نعم والله نفخر بان ننتمى الى هذا البلد العظيم

[ود ام تريبات]

كيف يكون الحال لو ما كنت سوداااني
واهل الحاااارة ما اهلي !!

الرائعة جداً

مدنية


يا امضفاير قودي الرسن واهتفي فليحيى الوطن

نعم لنا ان نفاخر انا من صلب هذا الشعب المعلم في كل شيء .

لك مع فائق احترامي وتقديري لهذا المرور الذهبي كل الود

[ود ام تريبات]

كيف يكون الحال لو ما كنت سوداااني
واهل الحاااارة ما اهلي !!

الرائعة جداً

مدنية


يا امضفاير قودي الرسن واهتفي فليحيى الوطن

نعم لنا ان نفاخر انا من صلب هذا الشعب المعلم في كل شيء .

لك مع فائق احترامي وتقديري لهذا المرور الذهبي كل الود

[ود ام تريبات]

نعم والله نفخر بان ننتمى الى هذا البلد العظيم

الغالي

s nger

لنا كل الفخر الرائع سنجر ان نتمي لهذا الشعب المدرسة

لك الود وكل حبي

[عمر سعيد]

أخي الحبيب ( ود أم تريبات )
سلامٌ من الله عليك ورحمةٌ منه وبركات

صدقت ... فالسودانيون مازالوا بخير ... وازدادت هذه القناعات لدينا بعد الاغتراب والاحتكاك بالشعوب الأخرى ... ونحمد الله كثيراً أن أهلنـا رغم المعاناة ... وضيق ذات اليد ، إلاَّ أنهم يعضون بالنواجذ على تلك الأخلاق العريقة التي ميزتنا عن بقية الشعوب ... وأكدوها في معاملاتهم " إيثار .. نجدة .. علو همة .. تكاتف .. تعاضد .. مودة .. رحمة .. وفاء .. كرم " ... قال تعالى ( ويؤثرون على أنفسهم ولو كان بهم خصاصة ومن يوق شح نفسه فأولئك هم المفلحون ) .

تراهم يتصرفون بتلقائية وبساطة مترفعين عن الأثرة وحب الذات .. لا يصطنعون المعروف .. يقبلون عليك وأساريرهم منبسطة ... وهناك العديد من الأمثلة على تفرد هذا الشعب العظيم ... قدم لمحة منها الأخ ( جلاله ) .. ولا يسع المجال هنا لإيرادها .. وجميعها تدل دلالة واضحة على ذلك ... فقط أسمحوا لي أن أورد لكم هذه الحادثة :

في أحدى ليالي شهر رمضان من السنة الماضية ... حضر لي بدار الجمعية أخاً فاضلاً من أبناء العيكورة ... وقدم لي تقريراً مختصراً مفاده أنه زار صديقاً قديماً بمنزله بحي منفوحة ( ذكر أسمه ـ وهو من أسرة معروفة ) ... وقال وضح لي من خلال هذه الزيارة ، أنه يمر وأسرته بظروف صعبة للغاية ، وحكى لي أنه كان يسكن معهم بمنزلهم بمدني .. طوال فترة الدراسة الثانوية ... وأنه يود تقديم مساعدة مالية له ، إلاَّ أنه لا يريد أن يحرج ذلك الشخص .. ويضعه في موقف ضعف ... لذا فقد آثر أن يحضر إليِّ لأتولى مهمة توصيل تلك المساعدة المالية بإعتبار أننـا جمعية خيرية ، وقد لا يجد ذلك الشخص حرجاً معي ... ثم مد لي ظرفاً بداخله مبلغاً محترماً .. واستحلفني بالله أن لا أذكره عند ذلك الأخ ... ليس هذا فحسب ... بل ذهب إلى ابعد من ذلك ، أن سار أمامي دليلاً بسيارته ، حتى وصلنا لناصية الشارع ، فأشار بيده للمنزل وأنسحب في هدوء .

بالله عليك أين يمكن أين تجد نموذجاً كهذا ؟!! ...

لا أجد أخي ود أم تريبات من الكلمات ما يمكن أن يعبر عن ذلك سوى ما جاء بمشاركة نجمة كل الشهور ( مدنية ) :

أنا لو ما جيت من زي ديل كان وا ااأسافاي ، وا اامأساتي وااا زّلي
تصوّر كيف يكون الحال لو ما كنت سوداني
وأهل الحارّة ما أهلي تصوّر

[عماد عبدالشكور]

بـــــــــــلادي أنـــــــــا.... بلاد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
وكم نخلات تهبهب في جروفا الساق
وبقرة حلوبة تتضرّع وليها ضرع
بـــــــلادي أنـــــــــا ....تشيل الناس ، كل الناس وساع بي حيلا وليلا يسع
وتتدفق مياه النيل على الوديان
بياض الفضة في وهج الهجير بيشع
بلادي سهول .... بلادي حقول ....بلادي الجنة للعاشوها
ولى البرّة بيها سمع
[بلادي... بلد ناســــــــاً تكرم الضيف
وحتى الطير يجيها جعان ومن أطراف تكيها شبع
بلادي بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلادي أمان ، بلادي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار واتنبر
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلــــي
أقول بعضي
ألاقيهم تسرّبوا في مسارب الروح
بقوا كُلـــي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معايا ، معايا زي ضليّ
أنا لو ما جيت من زي ديل كان وا ااأسافاي ، وا اامأساتي وااا زّلي
تصوّر كيف يكون الحال لو ما كنت سوداني
وأهل الحارّة ما أهلي تصوّر......

[عماد عبدالشكور]

ما عشقتك لجمالك
إنت أيه من الجمال
أو هويتك لخصالك
أنت أسمى الناس خصال
أو لي روحك لجلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهاهو
من مناظر السبر صفحة
من رهيد البردي لوحة
من نخيل الباوقة طرحة
من مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصح و طريقنا باين
يا شبابنا نقيف نعاين
الأمل معقود علينا
والعمل ظمآن إلينا
بي سواعدنا ونضالنا
في جنوبنا وفي شمالنا
غيرنا مين يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلموا كان في الغربة نسمة
من أريج بلدو البحبو
جينا في لهفة مشاعر
ليك تزحمنا الخواطر
نبني مجدك يا بلادي

--------------------------------------------------------------------------------

[ود ام تريبات]

أخي الحبيب ( ود أم تريبات )
سلامٌ من الله عليك ورحمةٌ منه وبركات

صدقت ... فالسودانيون مازالوا بخير ... وازدادت هذه القناعات لدينا بعد الاغتراب والاحتكاك بالشعوب الأخرى ... ونحمد الله كثيراً أن أهلنـا رغم المعاناة ... وضيق ذات اليد ، إلاَّ أنهم يعضون بالنواجذ على تلك الأخلاق العريقة التي ميزتنا عن بقية الشعوب ... وأكدوها في معاملاتهم " إيثار .. نجدة .. علو همة .. تكاتف .. تعاضد .. مودة .. رحمة .. وفاء .. كرم " ... قال تعالى ( ويؤثرون على أنفسهم ولو كان بهم خصاصة ومن يوق شح نفسه فأولئك هم المفلحون ) .

تراهم يتصرفون بتلقائية وبساطة مترفعين عن الأثرة وحب الذات .. لا يصطنعون المعروف .. يقبلون عليك وأساريرهم منبسطة ... وهناك العديد من الأمثلة على تفرد هذا الشعب العظيم ... قدم لمحة منها الأخ ( جلاله ) .. ولا يسع المجال هنا لإيرادها .. وجميعها تدل دلالة واضحة على ذلك ... فقط أسمحوا لي أن أورد لكم هذه الحادثة :

في أحدى ليالي شهر رمضان من السنة الماضية ... حضر لي بدار الجمعية أخاً فاضلاً من أبناء العيكورة ... وقدم لي تقريراً مختصراً مفاده أنه زار صديقاً قديماً بمنزله بحي منفوحة ( ذكر أسمه ـ وهو من أسرة معروفة ) ... وقال وضح لي من خلال هذه الزيارة ، أنه يمر وأسرته بظروف صعبة للغاية ، وحكى لي أنه كان يسكن معهم بمنزلهم بمدني .. طوال فترة الدراسة الثانوية ... وأنه يود تقديم مساعدة مالية له ، إلاَّ أنه لا يريد أن يحرج ذلك الشخص .. ويضعه في موقف ضعف ... لذا فقد آثر أن يحضر إليِّ لأتولى مهمة توصيل تلك المساعدة المالية بإعتبار أننـا جمعية خيرية ، وقد لا يجد ذلك الشخص حرجاً معي ... ثم مد لي ظرفاً بداخله مبلغاً محترماً .. واستحلفني بالله أن لا أذكره عند ذلك الأخ ... ليس هذا فحسب ... بل ذهب إلى ابعد من ذلك ، أن سار أمامي دليلاً بسيارته ، حتى وصلنا لناصية الشارع ، فأشار بيده للمنزل وأنسحب في هدوء .

بالله عليك أين يمكن أين تجد نموذجاً كهذا ؟!! ...

لا أجد أخي ود أم تريبات من الكلمات ما يمكن أن يعبر عن ذلك سوى ما جاء بمشاركة نجمة كل الشهور ( مدنية ) :

كيف يكون الحال لو ما كنت سوداااني
واهل الحاااارة ديل ما اهلي !!

الرائع روعة هذه الارض البكر

استاذي / عمر

هي الرجولة والكرم وكل ما هو جميل ملتصقة بهذا الشعب اينما كان . تجري في مسارات شرايننا كما الحياة ، هنيئاً لهذا الوطن ثروة انسانة وعاداته وموروثاته الكريمة التي لا يخالجها الصداء .
ذلك الذي اتاك في دار الجمعية هو نموذج لوفاء الانسان السوداني وفاء فطري مولود معنا رضعناه حليب ابيض كما ارواح امهاتنا . هو السوداني منفرد وحده بقيم الانسانة النبيلة الاصيلة هو شعب برغم سود الليالي ومر الايام ظل كما هو لا تؤثر فيه عومل التغير المتسارعة لهذه الدنيا .

لك كل الشكر استاذي على هذه المداخلة القيمة ..

[ود ام تريبات]

بـــــــــــلادي أنـــــــــا.... بلاد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
وكم نخلات تهبهب في جروفا الساق
وبقرة حلوبة تتضرّع وليها ضرع
بـــــــلادي أنـــــــــا ....تشيل الناس ، كل الناس وساع بي حيلا وليلا يسع
وتتدفق مياه النيل على الوديان
بياض الفضة في وهج الهجير بيشع
بلادي سهول .... بلادي حقول ....بلادي الجنة للعاشوها
ولى البرّة بيها سمع
[بلادي... بلد ناســــــــاً تكرم الضيف
وحتى الطير يجيها جعان ومن أطراف تكيها شبع
بلادي بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلادي أمان ، بلادي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار واتنبر
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلــــي
أقول بعضي
ألاقيهم تسرّبوا في مسارب الروح
بقوا كُلـــي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معايا ، معايا زي ضليّ
أنا لو ما جيت من زي ديل كان وا ااأسافاي ، وا اامأساتي وااا زّلي
تصوّر كيف يكون الحال لو ما كنت سوداني
وأهل الحارّة ما أهلي تصوّر......


الاستاذ
emad mohammed

حقاً

أنا لو ما جيت من زي ديل كان وا ااأسافاي ، وا اامأساتي وااا زّلي
تصوّر كيف يكون الحال لو ما كنت سوداني
وأهل الحارّة ما أهلي تصوّر

لك كل الشكر

[nezar]

نحن من نفر عمروا الارض حيث ما قطنؤا

[ود ام تريبات]

نحن من نفر عمروا الارض حيث ما قطنؤا



الرائع
nezar

لك الود على هذا المرور الجميل

[Madanawi]

هو حال أهل السودان عموما

المكارم غرقنا ساسها
والتكافل الاجتماعي الذي لا مثيل له في أي مكان

لله درك يا وطني،،

[ود المطامير]

ود أم تريبات يا صاحبى ... مشتاقين والله
والله إنت صحفى وباحث جميل وأنيق وممتع
وبتبحث لينا عن قامات وطن نعتز ونفخر بيها

مش ذى ناسا الكلمه والتانيه فولر ومولر
فاكرين بذكر أسماء الخواجات مع إحترامى لعلمهم
دا مش معناه خلاص حلقنا عاليا فى أفق الثقافه
الثقافه ها هنا .. مع عمى دا .. شيال التقيله وضواى
لضيوف هجعة الليل .
معليش يا الحبيب شطحت بس أقول ليك
كتر آخوى وأبحث لينا عن ناس بلدى الطيبين .

[ود ام تريبات]

هو حال أهل السودان عموما

المكارم غرقنا ساسها
والتكافل الاجتماعي الذي لا مثيل له في أي مكان

لله درك يا وطني،،


نحنا ابخرس بنملاه وبنكرم ضيفنا

ونحنا الفوق رقاب الناس مجرب سيفنا

لك حبي
Madanawi

على مرورك

**********************

ابخرس : هو صحن كبير جداً له حلقات من النحاس على جوانبه ليحمل منها ويكون غالباً مصنوع من الخشب والخرس هي الحلقة التي تزين انف المراءة وتكون غالباً مصنوعة من المعادن النفيسة كالذهب او الفضة ...

[ود ام تريبات]

ود أم تريبات يا صاحبى ... مشتاقين والله
والله إنت صحفى وباحث جميل وأنيق وممتع
وبتبحث لينا عن قامات وطن نعتز ونفخر بيها

مش ذى ناسا الكلمه والتانيه فولر ومولر
فاكرين بذكر أسماء الخواجات مع إحترامى لعلمهم
دا مش معناه خلاص حلقنا عاليا فى أفق الثقافه
الثقافه ها هنا .. مع عمى دا .. شيال التقيله وضواى
لضيوف هجعة الليل .
معليش يا الحبيب شطحت بس أقول ليك
كتر آخوى وأبحث لينا عن ناس بلدى الطيبين .

الحبيب

والله مشتاقين ليك رسمي كده ..

والله يا ود المطامير كل ما الواحد يتوه في الدنيا دي يلاقي ليه زول سوداني اصيل جداً يخليهو يرجع للبلد والناس والطيبة ويخليهو يتذكر انو الانسانية تنبع من هناك من وطني .
ياخوي ناس فولر ديل خليهم في ابراجم الصانعنها من وهمهم دي لانهم اختاروا انهم يتعالوا على هذا الانسان الحقيقي أُمحمد احمد ود الارض المنها جانا فولر وبولر وبقية الخواجات التانيين ..
انت فولر ده ببقى لغردون شي ؟؟