مناقيش عشان الحناكيش

[عبدالمنعم الصديق(خدرا)]

يااخوانا والله الحناكيش ديل انا اعمل ليهم شنو؟؟؟؟؟؟؟؟
لغتهم غير لغتنا
كلامهم غير كلامنا
اكلهم زاتو غير اكلنا
ناس بيتزا وبيرغر وماعارف شنو
انا هسى عايز افتح ليهم مدرسه
اعلمهم كلامنا
وممكن تتطوعو معاى

[عبدالمنعم الصديق(خدرا)]

الحصه الاولى
اللقمه بتاعتنا دى هم بيقولو ليها عصيده ليه؟؟؟؟؟
ولا عشان يعنى مصفيه عندهم وبشدوها فى الحله وبياكلوها بالمعالق هسه الناس ديل سمعو بام دورور والجلول
وديل الناس البلفو من سوق لى سوق بالبكاسى
وبعضهم بى كرعيهو من حله لى حلة وديل ناس البدول
البدول اهلى ناس النايل بور الشايلين العده وببدلوها بالهدوم
اها واتحداهم كان سمعو بال (بو)
الجرس ضرب
يلا شتات يافرد

[هشام السماني إبراهيم]

عبد المنعم اخوي ما تتحسس :p :D

اها انا اول واحد في الفصل اشرح يا استاذ:cool:



شنو الحصة مدتها دقيقة ولا شنو :D

[هشام السماني إبراهيم]

الجرس ضرب
يلا شتات يافرد



حسي اشرح فردة وشتات دي وبعدين ((عكو))

[مختار بازى]

يااااااااااااااااااااااااااي براحـــــــــــــــــــة دا شنو الوحش دا يا استاذ بالله شوف الوحش دا مالو معاي ما عارفو جاري كدا لا حق شنو
ههههههههههههههههههههههههههههه

[ود المطامير]

يا أستاذ .. يا أستاذ
أنا كلمت بابا وماما وقالوا لى ما عندنا مانع تسجل
فى مدرسة عبد الرحيم بس على شرط الصف يكون مكيّف ؟

[هشام السماني إبراهيم]

انا عاوز افهم شي الاستاذ غياب دي كيفن

[راسكال]

ههههههههههههههههههههههه


كلام غريب انا شايف حنكوش بجازف بحياتو وعاوز ياكل داوندرمه

واحد يلحقو

هههههههههههههههه

[عبدالمنعم الصديق(خدرا)]

عبد المنعم اخوي ما تتحسس :p :D

اها انا اول واحد في الفصل اشرح يا استاذ:cool:



شنو الحصة مدتها دقيقة ولا شنو :D

انا مامتحسس ياحبيب
لكن انت متحسس من
العكو

[عبدالمنعم الصديق(خدرا)]

حسي اشرح فردة وشتات دي وبعدين ((عكو))
آىىىىىىىىىىىىىىىىىى
انا عارفك متحسس من العكو

[عبدالمنعم الصديق(خدرا)]

يااااااااااااااااااااااااااي براحـــــــــــــــــــة دا شنو الوحش دا يا استاذ بالله شوف الوحش دا مالو معاي ما عارفو جاري كدا لا حق شنو
ههههههههههههههههههههههههههههه
معليش يابازى
نكلم ليهو بابا

[عبدالمنعم الصديق(خدرا)]

يا أستاذ .. يا أستاذ
أنا كلمت بابا وماما وقالوا لى ما عندنا مانع تسجل
فى مدرسة عبد الرحيم بس على شرط الصف يكون مكيّف ؟
يازول الحناكيش وصلو الشرفه؟؟؟؟؟؟
انا سمعت والله قالو فى حمار فى حلتكم انتحر
مشى وقع البحر وغرق
القصه دى صحى ياود المطامير
انا استقيتها من مصادر موثوق بها
وفى يوم زمان انا كنت ماشى من الشرفه للحنضلاب مالقيت عربيه لامن اجرت كارو
وبرضو تقول لى مكيف
مكيف باص افراس

[مختار بازى]

معليش يابازى
نكلم ليهو بابا

انا بابي آلي لو في حد مضاياك متروحش المدرسة دي تاني والقدع دا عمال يضاي فيا علي طول تتصرف معاه ولا اكلم لو بابي
هههههههههههههههههههههههه

[هشام السماني إبراهيم]

عبد المنعم


اسمو بابي

[عبدالمنعم الصديق(خدرا)]

ههههههههههههههههههههههه


كلام غريب انا شايف حنكوش بجازف بحياتو وعاوز ياكل داوندرمه

واحد يلحقو

هههههههههههههههه
ده منو دا ياراسكال
اوعى يكون doom99
هو اسمو دوم!!!!!!!!!!
عمرك شفت ليك دوم حنكوش؟؟؟؟؟؟؟؟؟
رغم انو قال مابعرف العكو ولا الجكو

[هشام السماني إبراهيم]

انا بابي آلي لو في حد مضاياك متروحش المدرسة دي تاني والقدع دا عمال يضاي فيا علي طول تتصرف معاه ولا اكلم لو بابي
هههههههههههههههههههههههه

الحنكشة عندك يا قريبك ههههههههههههههههههههههه

[هشام السماني إبراهيم]

كدي وريني العكو دا شنو وبخليك تسكن معانا

[عبدالمنعم الصديق(خدرا)]

انا بابي آلي لو في حد مضاياك متروحش المدرسة دي تاني والقدع دا عمال يضاي فيا علي طول تتصرف معاه ولا اكلم لو بابي
هههههههههههههههههههههههه
لا لا عليك الله ماتكلم بابى

[عبدالمنعم الصديق(خدرا)]

عبد المنعم


اسمو بابي
انا بابى حديد
انت بابك شنو؟؟؟؟؟؟؟
خشب ولا حديد

[ود المطامير]

يازول الحناكيش وصلو الشرفه؟؟؟؟؟؟
انا سمعت والله قالو فى حمار فى حلتكم انتحر
مشى وقع البحر وغرق
القصه دى صحى ياود المطامير
انا استقيتها من مصادر موثوق بها
وفى يوم زمان انا كنت ماشى من الشرفه للحنضلاب مالقيت عربيه لامن اجرت كارو
وبرضو تقول لى مكيف
مكيف باص افراس
هى ها .. دا كان زمان هسى نحنا دخلنا العولمه
والحمار بقى شى تراثى نوقفوا فى نص الحوش وأبوى العمده يشرح لينا
إنو دا حمار .. كان زمان بيشتغل حمار .. للحطب والكارو وفى أغلب
الأحيان بكون كريسيدا للمشاوير الخاصه .

[عبدالمنعم الصديق(خدرا)]

انا عاوز افهم شي الاستاذ غياب دي كيفن
الاستاذ غياب يااستاذ
لانو حلتنا غرقت
وانا هسه جاى اخفج فى الطين من الكمير
ده كلو عشان اشرح ليكم
وانتو كمان قدرو ظروفى
انا حماره مكاديه اجيكم بيها ماعندى
وبتاع الحنطور هناى جارنا داك قلتا ليهو شيلنى معاك قال لى انا ماشى ادقق الزريعه لنسوان الحله عشان بكره عندهم مداده
اها نبدا الحصه
ولا مااكلتو شندوتشات البيرقر ؟؟؟؟؟؟؟؟؟

[هشام السماني إبراهيم]

انا بابى حديد
انت بابك شنو؟؟؟؟؟؟؟
خشب ولا حديد


بابي ستارة اشرح ولا بندك الحصة دي تاني

[عبدالمنعم الصديق(خدرا)]

الحنكشة عندك يا قريبك ههههههههههههههههههههههه
حنكشه موديل2008

[عبدالمنعم الصديق(خدرا)]

كدي وريني العكو دا شنو وبخليك تسكن معانا
ماانا يافرده لو وريتك العكو
انت الحا تجى تشيل لى سريرى توديهو عزبتكم

[عبدالمنعم الصديق(خدرا)]

هى ها .. دا كان زمان هسى نحنا دخلنا العولمه
والحمار بقى شى تراثى نوقفوا فى نص الحوش وأبوى العمده يشرح لينا
إنو دا حمار .. كان زمان بيشتغل حمار .. للحطب والكارو وفى أغلب
الأحيان بكون كريسيدا للمشاوير الخاصه .
ودالمطامير
والله الحنكشه فينى وفيك مابتجى تب
الشرفه طالما فيها بحر وجناين وكماين وبلدات
لازم يكون فيها حمير تتعب فى الشغل لحدى ما تنتحر
هسى آآآخوى انا دايرك تساعدنى نشرح للحنكش ديل
رايك شنو؟؟؟؟؟
مع تحياتى لناس الشرفه الكبيره وناس حلة البحر وحلة فوق

[هشام السماني إبراهيم]

مالك يا هناي بقيت تتكلم بي الالغاز كدا

[مختار بازى]

الحنكشة عندك يا قريبك ههههههههههههههههههههههه

واماااااااااااااااااال ايةههههههههههههههههه

[هشام السماني إبراهيم]

واماااااااااااااااااال ايةههههههههههههههههه



انتا ياعريس البدلة من باريس

[عبدالمنعم الصديق(خدرا)]

مالك يا هناي بقيت تتكلم بي الالغاز كدا
بخاف
والله
بخاف
ياهناى
وماتجيب لى الهواء

[هشام السماني إبراهيم]

:D
بخاف
والله
بخاف
ياهناى
وماتجيب لى الهواء

الحنكشة عندك يا هناي تخااااااااااااااااااااااااااااااااااف:D

[مجدى سنجر]

عمو حيمو لو بتعرف تموت الخروف (جزار) بابى قاليك تعال موت لينا الخروف وقشروا

[هشام السماني إبراهيم]

عمو حيمو لو بتعرف تموت الخروف (جزار) بابى قاليك تعال موت لينا الخروف وقشروا

ههههههههههههههههههههههههههههههههه ههههههههههههههههههههههه هههههههههه


قلتى لي تقشير لكن ياهناي ماباااااااااااااالغتة عدييييييييييل:D

[عبدالمنعم الصديق(خدرا)]

عمو حيمو لو بتعرف تموت الخروف (جزار) بابى قاليك تعال موت لينا الخروف وقشروا
بموتوا ليكم و
بقشروا
لكن على شرط تدونى فستانو اعمل لى
كوللر

[هشام السماني إبراهيم]

بموتوا ليكم و
بقشروا
لكن على شرط تدونى فستانو اعمل لى
كوللر

بس اشرح الاخيرة دي :rolleyes:

[عبدالمنعم الصديق(خدرا)]

بس اشرح الاخيرة دي :rolleyes:
فستان الخروف *** جلد الخروف
الكوللر ******* يعنى السعن يعنى قربة المويه يعنى التلاجه
ياابو الحناكيش

[جيفارا]

يااااااااااااااااااااااااااي براحـــــــــــــــــــة دا شنو الوحش دا يا استاذ بالله شوف الوحش دا مالو معاي ما عارفو جاري كدا لا حق شنو
ههههههههههههههههههههههههههههه



مخو مالك مركب قناع ( متخفى ) والله سمعته كلامك كنت قايله واحد تاني

[هشام السماني إبراهيم]

فستان الخروف *** جلد الخروف
الكوللر ******* يعنى السعن يعنى قربة المويه يعنى التلاجه
ياابو الحناكيش

مشكور يا عمو :D :rolleyes:

[مصطفي دعوب]

للحنضلاب


الحنضلاب دي اكلة ؟؟؟؟؟؟؟؟؟؟؟؟؟؟؟

[مصطفي دعوب]

يا استاذ عمتك دي لمها عليك شوية مغطيه علينا السبورة

[عبدالمنعم الصديق(خدرا)]

الحنضلاب دي اكلة ؟؟؟؟؟؟؟؟؟؟؟؟؟؟؟


سمك خالى شوك
اتفضل معانا يادعوب
انا ماعارفك جنك اكل
قفلت مطاعم غبيراء كلها
الله يستر على ناس العباسيه وعمك خليل

[عبدالمنعم الصديق(خدرا)]

يا استاذ عمتك دي لمها عليك شوية مغطيه علينا السبورة
عمة اب نضارتين
ولا عمة حسين خوجلى
ولا عمة ترباس
ولا عمة ودالجبل
الم ليك ياتا فيهم

[هشام السماني إبراهيم]

يا استاذ عمتك دي لمها عليك شوية مغطيه علينا السبورة

حسي يا دعووووووووب انتا طالب ولا مدير ولا وكيل ولا ولي امر الطالب ود البشير :D

[هشام السماني إبراهيم]

عمة اب نضارتين
ولا عمة حسين خوجلى
ولا عمة ترباس
ولا عمة ودالجبل
الم ليك ياتا فيهم

اضربو بي عمه سفروووووووق:p

[عبدالمنعم الصديق(خدرا)]

اضربو بي عمه سفروووووووق:p
عمة ابسفروق
ولا كرفنة هناى

[هشام السماني إبراهيم]

عمة ابسفروق
ولا كرفنة هناى

خلي كرفتتي دي ;) ابسفروق ماعندو عمة لكن الطاقية بتعمل الازم

قالو صحبك زلقو ملاح بامية مفروكة شفتا سوات الشي دا :D

[عبدالمنعم الصديق(خدرا)]

خلي كرفتتي دي ;) ابسفروق ماعندو عمة لكن الطاقية بتعمل الازم

قالو صحبك زلقو ملاح بامية مفروكة شفتا سوات الشي دا :D
يستاهل
هو الوداهو ياكل المفروكه حفيان شنو؟؟؟؟؟؟؟؟؟

[هشام السماني إبراهيم]

يستاهل
هو الوداهو ياكل المفروكه حفيان شنو؟؟؟؟؟؟؟؟؟

تقول شنو بس شلاقت ناس ع س ي لا ت ساي واتشاكل في الضلعة مع عمي :D

[mahagoub]

هى ها .. دا كان زمان هسى نحنا دخلنا العولمه
والحمار بقى شى تراثى نوقفوا فى نص الحوش وأبوى العمده يشرح لينا
إنو دا حمار .. كان زمان بيشتغل حمار .. للحطب والكارو وفى أغلب
الأحيان بكون كريسيدا للمشاوير الخاصه .

احى انا يا ود الراحات

[mahagoub]

يا استاذ عمتك دي لمها عليك شوية مغطيه علينا السبورة

انت المقعدك ورا فى صف الشماشه شنو

[mahagoub]

الحنضلاب دي اكلة ؟؟؟؟؟؟؟؟؟؟؟؟؟؟؟

لا شربه عشان تفك البطن

[هشام السماني إبراهيم]

لا شربه عشان تفك البطن

عليك الله دا شكل ما بعرف الحنضلاب قادر الله كمان حنكووووووووش:rolleyes::p

[مصطفي دعوب]

احى انا يا ود الراحات

ههههههههههههههههههههههه
هههههههههههههههههههههههه
ههههههههههههههههههههههههه
ههههههههههههههههههههههههه

[مصطفي دعوب]

انت المقعدك ورا فى صف الشماشه شنو

تقول شنو ياعمووووووووووووووووو

الجماعة الورا ديل كلهم طوال وقاعدين يسفو

وبعدين بتلبوا بي الشباك عشان يحجزو صحانة الفطور من بدري

[هشام السماني إبراهيم]

احى انا يا ود الراحات

هههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههههههه


دي قوية عدييييييييييييييل انتا عندك مشكلة مع اولا د الراحات يا مجووووووووب:D

[هشام السماني إبراهيم]

تقول شنو ياعمووووووووووووووووو

الجماعة الورا ديل كلهم طوال وقاعدين يسفو

وبعدين بتلبوا بي الشباك عشان يحجزو صحانة الفطور من بدري

هي ياشقي الحال وانتا بعد دا كلو :eek: لا تلبت بي شباك ولا كابستا فطور ولا سفيت نان دا كلو شنو من الزعل لعلو ههههههههه:D:rolleyes: