الرومان يهزم سيد الأتيام

[هيثم عبدالعال]

تغلب فريق الإتحاد مدني على نده الأهلي في اللقاء الذي جمع بينهما بإستاد مدني بهدفين مقابل هدف أحرز للإتحاد وديع الرشيد وزهير زكريا وللأهلي مصعب وبهذه النتيجه يتأهل الإتحاد لدور الثمانيه في منافسة كأس السودان .
مبروك للإتحاد وهاردلك للأهلي

[صلاح الدين محمد]

مبروك للاتحاد

وعقبال الكاس

بس ممكن نتيجة الاهلي والاتحاد في الممتاز

[هيثم عبدالعال]

مباراة الأهلي والإتحاد في الممتاز لعبت يوم 5/8 والأهلي فاز أربعه / صفر
أهلاوي ولا شنو يا صلاح الدين ؟

[مدنيّة]

مبارك للرومان
وهاردلك اهلي مدني

[صابرحسين]

أنت عارف يا هيثم أنا زمان كنت بكون مساهر في الحلة وبنتظر باص جاموس بعد نهاية المباراة ومن خلال الحوار بين الموجودين بالباص بكون عرفت كل مادار من احداث المباراة وفي مباريات أهلي إتحاد بكون مركز أكثر وعندما يصل الباص مايو بكون مستعد للحوار والمغالطات أكثر من الذي شاهد المباراة ، لك الشكر أخي هيثم وألف مبروك للإتحاد ، ومزيداً من التقدم لأندية مدني في كل المنافسات 0

[هيثم عبدالعال]

مبارك للرومان
وهاردلك اهلي مدني
برضو بالأحمر يامدنيه ،، ما في أصفر وأسود ؟ على العموم مقبوله منك

[مدنيّة]

برضو بالأحمر يامدنيه ،، ما في أصفر وأسود ؟ على العموم مقبوله منك

ولا يهمك ياهيثم

مبارك للرومان

[هيثم عبدالعال]

يعني تاكل الناس حنك ساي يا صابر
نتمنى تقدم كل أندية مدني وإن شاء الله ترجع لزمن المشاركات الخارجيه

[هيثم عبدالعال]

أيوه كده يا مدنيه
ولا كنت أحرش ليك ملك الحذف يحذفها ليك

[nasir]

تمنيت ان يفوز الاتحاد في الممتاز
ويفوز الاهلي في دوري السودان
انت فسر
قفشات اهلي اتحاد لاتنهي ابدا وحمي مبارياتها الذ من النتيجة نفسها
ورجفتها والله تخلي الواحد يدخل الحمام مائة مرة من دون ان يفعل شئ
اسل الكوتش
لك الود ابو احمد

[مدنيّة]

ولا كنت أحرش ليك ملك الحذف يحذفها ليك

:D :D :D :D :D

[هيثم عبدالعال]

عزيزي ناصر
نسأل الله أن يوفق الإتحاد وأن يقيل عثرته ويخرج من دائرة الخطر
لو كانت أندية مدني تفعل كما بعض المدن !!! لكانت نتائج مبارياتهم مع بعض تخدم المحتاج لكن زي ما قلت لسه أهلي إتحاد ومكاجره وكده

[Madanawi]

مبروك للرومان وعقبال عودة الكأس الى مدني

[ابوالنور]

الف مبروك للرومان وهاردلك لي سيد الاتيام
بي الاخضر كيف معاك يا هيثم

[محمد أحمد الشيخ]

مبروك يا هيثم
طبعا الرومان جاري في دمك
ونحن نموت من الحسرة
لكين والله بالتوفيق للأتحاد لاني لعبت فيه كرة سلة

[مرتضى يوسف العركي]

كم رائع ان تتجادل في الاهلي والاتحاد وكم رائع ياصابر حسين الهترشات ويارائع انت زي لعبك اخي ناصر وان فاهم البتقصدو كلها في حضرة مدني
مبروك للرومان وهاردلك سيد الاتيام فالمنتصر مدني اولا واخيرا
كل الدعوات لفرق مدني في الخروج من المواقع الخطرة على روليت الممتاز .

[ناصر عمر دبيب]

هيثم مبروك للاتحاد لكن قالوا الاهلي مالعب بلعبين الاساسين الاهلي هو في النهاية سيد الاتيام

[هيثم عبدالعال]

مدناوي: نتمنى عودة الكأس لمدني ولأندية مدني كل التقدم
أبوالنور: يعني مبروك للإتحاد الفوز على الأهلي بشعار الجزيرة حلوه منك
باسطه : والله العظيم أنا أهلاوي من سنة دو ،لكن أحسن يكون في نديه شويه
الحلامابي : هاردلك ياقطب ونشاركك الأمنيات ونضيف صعود شيخ الأنديه النيل للممتاز كمان
ناصر عمر :زمان الأهلي ما كان عندو حاجه إسمها أساسيين وما أساسيين ، على كل مبروك للإتحاد وهاردلك للأهلي .

[عوض صقير]

كنا نتمناه
فى الممتاز وليس كأس السودان
لموقفنا المتأزم

[صلاح الدين محمد]

الرياضي / هيثم عبد العال
سلامات والله انا اهلاوي حتي الثمالة

لكن برضو من الناس البتدخل الاستاد يوم يكون الاتحاد لاعب مع اي تيم برا مدني

وبكورك لمان حسي انقرش وبتنرفز شديد لمان الاتحاد اضيع ليو الصيني

وكنتا اتنمي لو كانت النتيجة معكوسا عشان دمدني وشباب مدني واهلي مدني واتحاد مدني وجزيرة مدني

ويا مدني لي مدني

[هيثم عبدالعال]

الأخ عوض صقير : فعلاً كنا نتمنى أن يكون الفوز في مباراة الدوري الممتاز لأن الإتحاد يحتاج لأي نقطه حتى يخرج من منطقة الخطر غايتو ربنا يستر خاصه وأن معظم مبارياته المقبله صعبه جداً وأولها مع المريخ .

[هيثم عبدالعال]

صلاح الدين .. تحيه أيها الرياضي عاشق أندية مدني
وأنا كمان أهلاوي منذ الميلاد
وربنا يهون على الإتحاد ويثبت في الممتاز ويصعد النيل كمان عشان مدني وناس مدني الحلوين