عاوزين مدني أجمل من الخرطوم

[النور محمد يوسف]

إخواني الأعزاء
هي ليست دعوة عنصرية ..... ففي تجميل المدن يسمح أن يتنافس المتنافسون....... فهذه المدينة قد حباها الله بمميزات جغرافية هائلة وبموقع لو كان في أي بلد آخر غير السودان لجعل منه أكبر منتجع للسياحة والرفاهية وتذوق الجمال... وذكرت الخرطوم هنا لحبي للخرطوم واعجابي بالخطى الحثيثة الرامية لتجميلها.

دعوتي هذه تبأ باقتراح بسيط جدا وأتمنى ان تأتي الاقتراحات تترى بعده لنأخذ باحسنها عونا للقائمين على هذه المدينة الوادعة الآمنة الهادئة الرزينة..... دعوتي بعد موافقة مديري المنتدى....هي فتح المجال لمهندسي وفناني الجزيرة (التشكيليلين) في هذا المنتدى لتقديم ابداعاتهم في تصميم المباني السكنية وفي ابتداع الخرائط والتصاميم للجسور وللزراعيين في رسم ابداعاتهم في تشكيل الحدائق وتزيين الشوارع بالاشجار والورود حسب خبراتهم وحسب اطلاعاتهم ومشاهداتهم سواء على الطبيعة أو عبر الانترنت ...وليشارك في ذلك الكهربائبون ومهندسو الديكور وخبراء البيئة .... وبذلك يتجمع لمدينة مدني كم هائل من التصاميم المتكاملة تكون متاحة لجميع مواطنيها وملزمة عند انشاء أي خطة سكنية بدلا من ترك الأمر على هوى المالك حتى ولو كان مزاجه العمراني مشوها للمدينة.... مع مراعاة النواحي الشرعية في التصميم وتزويد كل من اراد تشييد منزل بأساسيات البناء ولزوم توفيره للحد الأدنى من الجماليات المقترحة في تنفيذ البناء مع التركيز على توفير المنتزهات وميادين الرياضة وتوزيعها توزيعا هندسيا على كل المدينة ..... فيجب أن تكون طموحاتنا عالية وبإذن الله لن تكون إمكانيات ود مدني عاجزة بالوفاء....


ولنجعل من كل بيت لوحة ومن كل حي حديقة ومن كل شارع بهرجة اخضرارا وانارة.

[الزبير محمد عبدالفضيل]

أشكرك اخي علي هذا الطرح وفعلا مدني أذا وجدت عنايه جماليه ومكياج كامل سوف تكون أحسن متجع سياحي علي القاره الافريقيه

ونهيب بكل الفنانيين ومختصين البساتين والبحوث الزراعيه لتزيين شوارع وميادين ودمدني


بالثياب الخضراء والورود الزاهيه حتي تكتمل زينة ودمدني وتاخذ رونقها بيم المدن

والنداء للجمييييييييييييييييييييييييع وبدون فرز هبوا لخدمة ست المدائن (ودمدني الجميله)

[عثمان جلالة]

يا ريت يا أبو محمد مدني تكون اجمل المدن ... وتصبح أحسن منتجع .. عشان أملاكنا الهناك دي .. ندخل منها .... وعشان حبنا الكبير والجم لمدني ... والجزيره .. وده الدور الطبيعي لعاصمة أكبر مشروع زراعي في العالم .. دعوة للإقتراحات ..

[المهاجم2]

شكرا اخى ولكن ود مدنى اجمل من الخرطوم بالفعل

[النور محمد يوسف]

شكرا اخى ولكن ود مدنى اجمل من الخرطوم بالفعل

نطمع في إيجاد آلية دائمة تجعلها أجمل واجمل إذا ما قورنت بغيرها واحسب أن تلك الآلية تتمثل في ابداعات أبنائها بعد تجهيز القنوات لتسهيل انسيابيتها.
اشكرك أخي المهاجم على المرور ويدك معانا أو قل حلقك معانا كما هو الآن لننادي في الافاق ان جودوا ابناء مدني وعباقرتها بمدخراتكم الفنية لمدني عروسة المدائن

[okasha]

مشكور والله



نريدها دعوة عنصرية





بعدين كلام تجميل دا هنا والله

واقرب حاجة امسك شارع الجمهورية

[النور محمد يوسف]

مشكور والله



نريدها دعوة عنصرية





بعدين كلام تجميل دا هنا والله

واقرب حاجة امسك شارع الجمهورية

أخي عكاشه..... تحياتي ولك تقديري واحترامي ...... وسؤالي اليك عزيزي الغالي ...لماذا لا تكون مداخل ومخارج مدينتنا الحبيبة مشل شارع الجمهورية وأحلى..... فلتتضافر الجهود والعقول والابداعات ..... ولنبدا أولا بتغيير الشكل الروتيني للمحلات بالسوق ومحطات البنزين وكتابة اللافتات على الواجهات في شكل لوحات جذابة وأبابعاد ومقاييس عالمية... ثم نعرج على تنويع الاشجار... في الشوارع والحدائق والمنتزهات... فمناخنا يصلح لجميع انواع الاشجار من البرازيل ومن استراليا ومن اوربا وروسيا.....الى متى نظل على النيم واللبخ ....والى متى تظل الكاروهات بمنظرها هذا تجوب الشوارع ...اليس من امكانية لتزيين تلك الكاروهات ولا أقول منعها .... والزام سائقيها بهندام معين ....لتكون واجهة سياحية بالاضافة الى الخدمات التي تقدمها..... ننتظر منك مقترحات في هذا الشأن .... ولك شكري وتحياتي

[النور محمد يوسف]

يا ريت يا أبو محمد مدني تكون اجمل المدن ... وتصبح أحسن منتجع .. عشان أملاكنا الهناك دي .. ندخل منها .... وعشان حبنا الكبير والجم لمدني ... والجزيره .. وده الدور الطبيعي لعاصمة أكبر مشروع زراعي في العالم .. دعوة للإقتراحات ..

جلالة يا غالي ..... اعرف أنك صنو للاناقة والشياكة....أفلا تتحفنا بمرئياتك حيال تجميل مدينتنا مدني الحبيبة..... ننتظر منك الكثير .... ولا عدمناك... ففي مشمش عيون تقول ....أحب الجمال فاتحفوني به....أحب الهواء الأنيق فجهزوا لي بنيته التحتية....أفننتظرها حتى تلومنا على تقصير في حقوقها لدينا!!!!

[اسامة الباهى]

حقيقة يالنور ودمدنى دى صغيرة شديد ومحتاجة شوية اجتهاد من اهلها وجهد من الحكومة فى اتساع الشوارع المسفلتة وسفلتة الغير مسفلت و زائدا الانارة وهى لصغر حجمها ما اظنها مكلفة !! والا رايكم شنو

[النور محمد يوسف]

حقيقة يالنور ودمدنى دى صغيرة شديد ومحتاجة شوية اجتهاد من اهلها وجهد من الحكومة فى اتساع الشوارع المسفلتة وسفلتة الغير مسفلت و زائدا الانارة وهى لصغر حجمها ما اظنها مكلفة !! والا رايكم شنو

الباهي.... من الاسم يتضح اهتمامك بالبهاء.....ونشكرك على تعقيبك والتعليق...فان تطوير وتزيين وتجميل مدني مسئولية ومسئولية كبيرة على عاتق بنيها ودمدني ....لا يكفي القول بل العمل بل الفعل ...ويا جماعة مدني تحتاج الكثير في مجال التطوير.....

[hesho]

كلامك جميل وياريت اذا اتفقنا كلنا لترقية وجمال ام المدائن

[محمد السر سناده]

والله مشكور كتير علي الموضوع الجميل ده فعلاً مدني تحتاج الي ابنها المهندسين والزراعييين وفي كل المجالات لكي تصبح مدينه في غاية الجمال

[النور محمد يوسف]

والله مشكور كتير علي الموضوع الجميل ده فعلاً مدني تحتاج الي ابنها المهندسين والزراعييين وفي كل المجالات لكي تصبح مدينه في غاية الجمال

مدني بإذن الله جاية ...وبقوة.... وفي أحلى حلة ....ولن نسمح بوجود متخاذل مهما علا موقعه ..... وأقدمت الحضارة وأقدمت العدالة وأقدمت التضحيات

[خالد عثمان]

يا ناس مدني بطلو غرووووور وخلو الفلهمة الفاضية دي وعيشو الواقع مدني مدني وما ادراك ما ودمدني انتو ما عاقلين ولا شنو والله البيسمع مدني تقول القبة تحتها فكي لعلمكم مدني اكبر مستعمرة للفقر و المرض ولو انتو صحي بتحبو مدني قدامكم التحدي واقف ليه سنين و لا الحكاية مدني بلد النضمي

[rasheed]

كلام جميل والله ،، بس أخونا خالد ده مالو مشاتر كده ،، مع أنو توقيعه الصلاة على الرسول الحبيب صلى الله عليه وسلم ،، والصلاة والسلام عليه قال تفاءلوا خيراً تجدوه ،، ياخي لو ما عاوز تشارك خلينا من الصفصطائية بتاعتك دي كما لاحظت في البوست الخاص بيك وأنو الناس متفلهمة ومغرورة ،، (( فليقل خيراً أو ليصمت ))،، وأنا شايف أحسن تصمت لأنو الناس مستضيفينك ساكت لأنك سجلت قريب كده وليك زي عشرة مشاركات منها أتنين مكاجرة والباقي ما أطلعت عليهم يعني لساك جديد لنج وما عارف الحاصل شنو 00 وما بتعرف قول 00 بلادي وإن جارت علي عزيزة 00 وناس خالد وإن ضنوا علي كراااااااااااااام ،، لكن إن قبلوا عليك جماعة المنتدى ديل علا تخلي المنتديات دي وتشوف ليك منتدى تاني كان لقيتلك واحد وزي ما قال سمل الحلفاوي اللي هو ما من مدني (( لف زي ما تلف 00 غير ودمدني ما حتلقى منتدى )) لكن عارف أنك رغم ده ما حتخلي مدني مهما قالوا ليك وقالوا عنك لأنك 00 بس من مدني 00 بدون زعل يا خالد عثمان وسلام 00

[نزار حسن محمد]

اوفيت وكفيت يالرشيد الاسد

[النور محمد يوسف]

يا ناس مدني بطلو غرووووور وخلو الفلهمة الفاضية دي وعيشو الواقع مدني مدني وما ادراك ما ودمدني انتو ما عاقلين ولا شنو والله البيسمع مدني تقول القبة تحتها فكي لعلمكم مدني اكبر مستعمرة للفقر و المرض ولو انتو صحي بتحبو مدني قدامكم التحدي واقف ليه سنين و لا الحكاية مدني بلد النضمي

أخي خالد عثمان ....هل توافقني أن مدني تحتاج فعلا للشباب المتحمس من امثالك ...الشباب الغيور على مدني لمجابهة هذا التحدي .... وما لم تفصح عنه في رسالتك فأعتقد أنني فهمت أنه تجميلها وتزيينها وجعلها أجمل مدن العالم ....ونحن فعلا نتفاخر بمدني وغيورون عليها .... ونحبذ ان يغتر كل بنيها بانتمائهم اليها.... ومدني عندما يراها البعض أكبر مستعمرة للفقر والمرض نحاول بكل أريحية وحلم تصحيح هذه المعلومة له...فنقول مدني اطعمت السودان كله لسنين عددا... وتظل مدني العطاء لسنين لاحقة بإذن الله ...فارادة بنيها أنبتت من الصخر أزهارا وظلا.... وبهذا الحماس أخي خالد عثمان ندعوك فابواب مدني مشرعة في جميع الميادين لتقديم ما تستطيع نحو تطويرها
ولك تقديري

[بابكر]

ولنجعل من كل بيت لوحة ومن كل حي حديقة ومن كل شارع بهرجة اخضرارا وانارة.
شكرا يا النور على الطرح الجميل !!ويلا يا شباب همتكم!!!

[النور محمد يوسف]

كلام جميل والله ،، بس أخونا خالد ده مالو مشاتر كده ،، مع أنو توقيعه الصلاة على الرسول الحبيب صلى الله عليه وسلم ،، والصلاة والسلام عليه قال تفاءلوا خيراً تجدوه ،، ياخي لو ما عاوز تشارك خلينا من الصفصطائية بتاعتك دي كما لاحظت في البوست الخاص بيك وأنو الناس متفلهمة ومغرورة ،، (( فليقل خيراً أو ليصمت ))،، وأنا شايف أحسن تصمت لأنو الناس مستضيفينك ساكت لأنك سجلت قريب كده وليك زي عشرة مشاركات منها أتنين مكاجرة والباقي ما أطلعت عليهم يعني لساك جديد لنج وما عارف الحاصل شنو 00 وما بتعرف قول 00 بلادي وإن جارت علي عزيزة 00 وناس خالد وإن ضنوا علي كراااااااااااااام ،، لكن إن قبلوا عليك جماعة المنتدى ديل علا تخلي المنتديات دي وتشوف ليك منتدى تاني كان لقيتلك واحد وزي ما قال سمل الحلفاوي اللي هو ما من مدني (( لف زي ما تلف 00 غير ودمدني ما حتلقى منتدى )) لكن عارف أنك رغم ده ما حتخلي مدني مهما قالوا ليك وقالوا عنك لأنك 00 بس من مدني 00 بدون زعل يا خالد عثمان وسلام 00
هوِّن عليك أخي رشيد..... أنا متأكد أن أخانا خالد سيكون أكثر الناس حماسا لتزيين مدني وسوف يكون أقرب الناس اليك مودة لأنك أبديت حماسة حسب قوية لم يكن يتوقعها لأنه حسب اعتقادي لا يقصد ماذهبت اليه بل يقصد أن التحدي أمامنا ويلاكم جميعا نحوه...وبعدين الاخ خالد سيفهم أنك غيور جدا بدليل العبارة التي أوردتها في نهاية المداخلة " رغم ده ما حتخلي مدني مهما قالوا ليك وقالوا عنك لأنك 00 بس من مدني 00 "

وهكذا أبناء مدني ... بركان يغلي حتى يرون مدينتهم فوق في هام السحب
وتسلموا رشيد وخالد

[ناصر عمر دبيب]

لازم الناس تجتهد وتنفذ في البال ايد علي ايد تجدع بعيد