غذاء الجمعية والمنتديات يوم الجمعة في استراحة دانة الشرق بالرياض والدعوة عامة

[مرتضى يوسف العركي]

اسم المشروع : دعوة لتناول غذاء الجمعة في جو عائلي وأسري كبير
الزمان : الجمعة 31/ أغسطس /2007م الموافق 18/شعبان /1428هـ
المكان : استراحة ( دانة الشرق ) الدائري الجنوبي قبل مخرج 18 بعد حدقة المناخ الملك عبد العزيز وبعد حوش العويضة ومحطة البنزين والمسجد ( لو تكرم الأخ ود الطاهر ومدنا في هذا البوست بالخريطة )

المستهدفون : كل اسر وعوائل أبناء الجزيرة وود مدني وكذلك العذابة وأصدقائهم إن وجدوا في الوطن الحبيب ( جمعية خيرية + منتديات + أبناء الوطن من حدب وصوب )

مدير المشروع : الأستاذ الوالد عمر سعيد النور
الغرض من المشروع ( إنسان الجزيرة )
1. الترابط الاجتماعي والتعارف الأسري لإنسان الجزيرة وربطهم بالقيم الخيرية والتكافلية .
2. التحضير لإقامة اليوم المفتوح لمدني و الجزيرة ثاني أيام عيد الفطر المبارك ( اجتماعات اللجان )
3. تجميع زكاة الفطر خلال رمضان ود مدني من خلال مناقشة التجهيزات الخاصة لإفطاري الجمعية والمنتديات خلال شهر رمضان وكيفية تجميع زكاة الفطر.
4. أمور العضوية وموضوعات أخرى

الراعي للمشروع :
الله سبحانه وتعالى ومن بعده مجلس أمناء الجمعية وكل أبناء الجزيرة ومدينة ود مدني في الرياض وما حولها وكل من يمكنه الحضور والمشاركة في هذه التظاهرة الاجتماعية الكبرى .

المعينات الفنية والآليات الخاصة بالمشروع :
نية صافية حقت أهلنا الطيبين وانتمائهم للجزيرة الحبيبة وعلى الله متوكلين .

مكونات غذاء المشروع :
امتثالا لقرار ضبط المصروفات وترشيدها للأهل الطيبين لا توجد ذبائح وستقوم كل أسرة بمدنا بما توفر لديها من كسرة وملاح أساسيات وما تجود به من غير ذلك إذا رأت و توفر ذلك ( بس سمعت انو في لقيمات ما بنغالي وكمان مديدة حلبة وتمر وشاي حليب وقهوة شوية إبداعات ثقافية وفكاهية وألعاب للأطفال )
همسة صغيرة :
على الأقل الواحد لو جاب الأسرة والأطفال بربطهم بإخوانهم المتواجدون وكمان بالبلد
وعلى الأقل وزارات الداخلية تعرف انو الراجل البجتمع في الجمعية لأوقات طويلة نيتو الخير للبلد وما قاعد يفكر في مرأة ثانية ولربما يفكرن في تكوين روابط نسائية تساعدنا كمان .( احسبوها صاح )

تعالو مستنينكم وجيبوا معاكم ناس تانين أحبابكم

أخوكم
مرتضى يوسف العركي
مساعد الأمين العام للإعلام

[التميمي]

قال صلى الله عليه وسلم: "من أحب أن يبسط له في رزقه وينسأ له في أثره فليصل رحمه"

تحيه لكم عظيمه على جهودكم ، بارك الله فيكم وفي جهودكم الطيبه ، وجعلها صدقة جارية لكم .

اللهم أرنا الحق حقاًَ وأرزقنا اتباعه ، وارنا الباطل باطلا والهمنا اجتنابه

أخوكم التميمي

[مدنيّة]

ياسلام عليكم يا ناس مدني في كل زمان ومكان


همسة : لما ذكرت وزارة الداخلية انا فكرتك قاصد الوزارة الحقيقة الا بعد كدا عرفت المقصود :D

[مرتضى يوسف العركي]

الدكتور التميمي
السلام عليكم ورحمة الله تعالى وبركاته
اهلا بصديقنا وحبيبنا واستاذنا السعودي الحبيب اهلا بصاحب الدار السوداني قبلنا جميعا اهلا بالمملكة العربية السعودية قيادة وشعبا بلد الرسالة وقبلتنا الطاهرة ...وموطن كثير السودانين شاكلتي و الذين لا يجدون الا ترحابا واحتراما اهلا به مرتين لاستجابته للعودة قلما قاصدا انيقا في المنتدى وكم سعيد بان تبدأ عودته من خلال هذا البوست الذي يجمعنا على دروب الخير والتكافل والقيم الاسلامية السمحة .
لن نرضى الا حضورك مع علمي بالمشغوليات عسانا ان نصيب خيرا فيما تحمله من علم السلوكيات المستمد من شرعنا الحنيف .
الشكر لله عز وجل والشكرمن بعده للحبيب صلاح ود الطاهر الذي سخره الله في استمرار هذا التواصل .
التحية لكم سعادة الدكتور التميمي ونحن انتظار ......

[ابوزيد محمد نور]

ســــــــــدد الله خطاكم نــــحو الخير للاهل تك الجميله ( ودمدنى ) وزادكـــــم تـــــــرابطاً

[عثمان جلالة]

حاضرين .. أستاذنا الحلامابي ... والعذابه ناس دعوب ... ما ينسوا ال (50) ريال .... ونتمنى أن تكون ... جلسة في الخير وللخير وعلى الخير لأهلنا الطيبين ... ونفترق .. يالكثير المثير .. من البرامج التي تصب في خدمة مجتمعنا وتطويره
(ولنكن ..... رجال أختصهم الله بقضاء حوائج الناس ... حببهم إلى الخير وحبب الخير إليهم)

[باسطه]

الأستاذ مرتضى الحلامابي

لك كل الشكر والتقدير على هذا الطرح الجميل

وبمشيئة الله سنكون بين الحاضرين وياريت كل القريب والبعيد يحاول يشاركنا في اللمة الجميلة دي وياريت ماتكتر الإعتذارات ( ناس ظروف عائلية ووزارات الخارجية والحكومات ) ياريت بقدر الإمكان نحاول نتلمه في اليوم ده عشان نعرف بعضنا أكتر ونجتمع بالناس الماقابلناهم من الأعضاء وأهل الجزيرة وأبناء ود مدني وياريت أي زول فينا يساهم بدقيقة من التلفون( بمدأ الحاضر يبلغ الغايب ) عشان الجمع يكون أكبر وأعم.

مداخلة: ياجلالة الدنيا آخر شهر في داعي تجيبوا لينا سيرت الخمسينات دي بعدين انا الحاجة العارفة الموضوع ده كان ( 25 ) ريال بتين بقى (50) ولا ده لزوم السعي وكده!! مطلع حقك بره والله حريف لكن كدي لحدي مايجي دعوب نشوف الموضوع ده.

وتقبلوا فائق إحترامي.

[مصطفي دعوب]

هكذا دائماً أستاذنا الحلامابي سباقاً للخير ومتقدماً في كل صغيرة وكبيرة .
جعلها الله في ميزان حسناتك
والتحية للأستاذ عمر سعيد النور الرجل القامة .
وإنشاء الله يكون تجمع للخير وفرصة للتعارف أكثر بين الأخوان ونريد أن يكون اجتماع جامع لكل الأعضاء والأخوان والأهل بالرياض وما حولها .
وكذلك التحضير لليوم المفتوح من خلال هذا التجمع ووضع التصورات النهائية ومناقشة كل مواضيع اليوم المفتوح ثاني أيام العيد . وبحث عمل اللجان الثقافية والاجتماعية .
موفقين بأذن الله

[مرتضى يوسف العركي]

ياسلام عليكم يا ناس مدني في كل زمان ومكان


همسة : لما ذكرت وزارة الداخلية انا فكرتك قاصد الوزارة الحقيقة الا بعد كدا عرفت المقصود :D



اكيد ياستي ما انت وزارة داخلية للمسكين دفعتنا ابو العيال لازم ما تحسي باخطارك سعيد بمروركم الانيق كالعادة

[عثمان جلالة]

الأستاذ مرتضى الحلامابي

لك كل الشكر والتقدير على هذا الطرح الجميل

وبمشيئة الله سنكون بين الحاضرين وياريت كل القريب والبعيد يحاول يشاركنا في اللمة الجميلة دي وياريت ماتكتر الإعتذارات ( ناس ظروف عائلية ووزارات الخارجية والحكومات ) ياريت بقدر الإمكان نحاول نتلمه في اليوم ده عشان نعرف بعضنا أكتر ونجتمع بالناس الماقابلناهم من الأعضاء وأهل الجزيرة وأبناء ود مدني وياريت أي زول فينا يساهم بدقيقة من التلفون( بمدأ الحاضر يبلغ الغايب ) عشان الجمع يكون أكبر وأعم.

مداخلة: ياجلالة الدنيا آخر شهر في داعي تجيبوا لينا سيرت الخمسينات دي بعدين انا الحاجة العارفة الموضوع ده كان ( 25 ) ريال بتين بقى (50) ولا ده لزوم السعي وكده!! مطلع حقك بره والله حريف لكن كدي لحدي مايجي دعوب نشوف الموضوع ده.

وتقبلوا فائق إحترامي.

رائعنا ........... باسطه ... رفعناها لى خمسين .. لأنو دعوب صايم من امس قال ... منها نستعد لى رمضان ... ومنها ... نفضي البطون .... يعني .... جايينا زول دوااااااااااس:p

[مصطفي دعوب]

مداخلة: ياجلالة الدنيا آخر شهر في داعي تجيبوا لينا سيرت الخمسينات دي بعدين انا الحاجة العارفة الموضوع ده كان ( 25 ) ريال بتين بقى (50) ولا ده لزوم السعي وكده!! مطلع حقك بره والله حريف لكن كدي لحدي مايجي دعوب نشوف الموضوع ده.

وتقبلوا فائق إحترامي.

والله يا باسطة جلالة ده اي حاجة عاوز يمسح فيها شنبو
لكن عشم ابليس في الجنة
وما حانخليهو يمسك القروش بس عندو مهمة واحدة يوم الجمعة
يمسك الابريق ويغسل لي اعماموا
( الحلو تعال غسل لي اعمامك ديل !! )

[عثمان جلالة]

والله يا باسطة جلالة ده اي حاجة عاوز يمسح فيها شنبو
لكن عشم ابليس في الجنة
وما حانخليهو يمسك القروش بس عندو مهمة واحدة يوم الجمعة
يمسك الابريق ويغسل لي اعماموا
( الحلو تعال غسل لي اعمامك ديل !! )

ضحكتني .... أأأأأأ الممسوخ ... الله يجازي محنك

مشاققه

بركه الاعترفت ...... انا حلو :p

[مرتضى يوسف العركي]

ســــــــــدد الله خطاكم نــــحو الخير للاهل تك الجميله ( ودمدنى ) وزادكـــــم تـــــــرابطاً

القامة المنتصبة في سماء بلادي
ابو زيد
زادكم الله خيرا والقا بقدر ما تقدمون ونامل ان يجعلنا الله دوما عند حسن ظنكم تحياتي لاخواني بلتقي مدني والتحية لست المدائن

[مرتضى يوسف العركي]

حاضرين .. أستاذنا الحلامابي ... والعذابه ناس دعوب ... ما ينسوا ال (50) ريال .... ونتمنى أن تكون ... جلسة في الخير وللخير وعلى الخير لأهلنا الطيبين ... ونفترق .. يالكثير المثير .. من البرامج التي تصب في خدمة مجتمعنا وتطويره
(ولنكن ..... رجال أختصهم الله بقضاء حوائج الناس ... حببهم إلى الخير وحبب الخير إليهم)

استاذنا انت ايها الجليل جلالة
والله يا عثمان كلما اتمعن في تفاعلكم ازداد ثقة في الخير المتاصل في انساننا ياريت نحشد كثير من الاسر لهذا المسعى القاصد تحياتي لشخصكم .

[الفارس البنفسجي]

تأبي النفس إلا أن تشارك
ويأبي الوجدان إلا أن يعاضد
وتأبي الغيرة إلا أن تزاحم

لكم محبتي

[صالح ابوشوارب]

اخى العزيز مرتضي الاخوة اعضاء المنتديات والجمعية ..دائما حظى لايساعدنى في اللقاء بكم وبجمعكم الكريم .. حيث سوف اسافر مع العائلة الى المدينة المنورة وذلك لزيارة الاخ صلاح بحيري بالمستشفى حيث ان الاخ صلاح له صلة قربة بنا وهو ابن خالة زوجتى .

[خالد النور]

زادكم الله ترابطا وسدد خطاكم، إنشاء الله دوما متلمين

[صلاح ودالطاهر]

الوصف
الدائري الجنوبي لقادم من الغرب للشرق طريق الخرج الجنوبي يمسك خدمه علي اليد اليمين حديقة مناخ الملك عبدالعزيز ثم بعده العويضة ثم محطة بترول وبعدها مسجد لف يمين اول استراحة هي استراحة دانة الشرق جوالات الاتية للاتصال
سعادة المستشار /مرتضي حلامابي 0501464578- 0553075933
الاستاذ/مدني عباس 0552638560
استاذنا عمر سعيد النور0515119412
الاستاذ/ حاتم مرزوقي 0508111006

[مختار بازى]

ان شاء الله دوما ملمومين في ســـــــــــــــــاعة خير



تفويتة
شايفكم اتعديتو مرحلة اللقيمات:D :D

[صلاح ودالطاهر]

ان شاء الله دوما ملمومين في ســـــــــــــــــاعة خير



تفويتة
شايفكم اتعديتو مرحلة اللقيمات:D :D
ودبازي مالك علينا هسع المنطط عيونو يجي جاري

[ود ام تريبات]

حاضرين .. أستاذنا الحلامابي ... والعذابه ناس دعوب ... ما ينسوا ال (50) ريال .... ونتمنى أن تكون ... جلسة في الخير وللخير وعلى الخير لأهلنا الطيبين ... ونفترق .. يالكثير المثير .. من البرامج التي تصب في خدمة مجتمعنا وتطويره
(ولنكن ..... رجال أختصهم الله بقضاء حوائج الناس ... حببهم إلى الخير وحبب الخير إليهم)



يا جلالة

انت حتى المناسبات السعيدة دي داير تاخد فيها ( كميشون) ياخ ده شنو ده .

مووووووووووووووزة

اسباب قيام الثورة المهدية :
1.......
2...........

3- الضرايب الباهظة وطريقة جمعها القاسية !!!!!

[مرتضى يوسف العركي]

الاحبة :
محمد التاج باسطة
مصطفى دعوب
عثمان جلالة
ضياء الدين الفارس البنفسجي
صالح ابو شوارب
خالد النور
صلاح الطاهر
مختار بازي
المعز ود ام تريبات
التحية لكم وانت تزينون سماواتنا تداخلا سمحا طالما كان في معين التكافل الاجتماعي والتراحم وصلة الرحم ليتنا جميعا حضور وان تعسر ذلك فالنوايا والدعوات تكفي هذاالجمع في مواصلة المسير القاصد لله ولهذه الجزيرة الخضراء
اشكركم كثيرا وجعل ايامنا كلها تواصلا وصلة رحم واقرار قيم خيرة تكافيلية فهي كلها طاعات
والسلام

[صلاح ودالطاهر]

اتمني للجميع الخير والبركه ولمه في الحرم

[مجدى سنجر]

أهلنا الكرام .... ان شاء الله حاضرين وصائمين وعند رؤيتكم فاطرين.
ونحنا أشباه العزابة كيف حسابهم.... جزء أكل وجزء فلوس!!!!!
غايتو انا حأجيب الشاي وبعد كده ربنا يقدرنا على جلالة وعمولاته العجيبة..
لكم الود

[الزبير محمد عبدالفضيل]

ســــــــــدد الله خطاكم نــــحو الخير للاهل تك الجميله ( ودمدنى ) وزادكـــــم تـــــــرابطاً

الشكر موصول للاخ الحليمابي علي هذا التواصل الكبير والي الامااااااااااااام

وللجميع أجمل التحايا