هل أنا خواااااف ؟؟؟ [الأرشيف]

ود المطامير

29-08-2007, 10:01 PM

GREY MAN

29-08-2007, 10:58 PM

دا صاح الصاح يا ود المطامير والما بخاف من مرتو ما راجل
والبقول غير كده عندو معاك قصد

مختار بازى

29-08-2007, 11:43 PM

هل أنا خواف ولأ دا الصاح ؟؟؟

القال منو؟؟؟
والله انا عايز اسير بي نهجك دا من هسة خلي يقولوا انا خواف!!

بورتبيل

29-08-2007, 11:45 PM

دا الصـــــــاح طبعــــــــاً

الا النسالك انتا ال21 سنة دي كنتا شغال بتودي القروش وين يا حبيبنا..؟؟؟؟

مدنيّة

29-08-2007, 11:47 PM

الله يخليها ليك ياود المتامير

والنساء لو ادوهن وزارات المالية في بلدنا دي
كان امورنا كلها مشت تمام التمام
وخلي اللي عايز يقول يقول

همسة : تنسي ترد علي سؤال بورتبيل :D

ود المطامير

29-08-2007, 11:49 PM

ال
دا صاح الصاح يا ود المطامير والما بخاف من مرتو ما راجل
والبقول غير كده عندو معاك قصد
الله يديك العافيه
والله طمنتنى تب .

ود المطامير

29-08-2007, 11:50 PM

القال منو؟؟؟
والله انا عايز اسير بي نهجك دا من هسة خلي يقولوا انا خواف!!
تسلم يا حبيب قلبى .. مختار ..
أكان كدا خليهم يقولوا على خواف .ساااى .

ود المطامير

29-08-2007, 11:52 PM

دا الصـــــــاح طبعــــــــاً

الا النسالك انتا ال21 سنة دي كنتا شغال بتودي القروش وين يا حبيبنا..؟؟؟؟
وحاة الله أنا زاتى سألت نفسى السؤال دا
وما لقيت ليهو إجابه يا ود عمّى
بس بت أخوك فى سنتين نجضت الإمور تمام التمام
وحيرتنى أنا زاتى فى نفسى من زمان ليه ما عملت كدا ؟؟؟

ود المطامير

29-08-2007, 11:54 PM

الله يخليها ليك ياود المتامير

والنساء لو ادوهن وزارات المالية في بلدنا دي
كان امورنا كلها مشت تمام التمام
وخلي اللي عايز يقول يقول

همسة : تنسي ترد علي سؤال بورتبيل :D

والله يا .. مدنيه .. يا أختى أنا معاك
بالجد أنا مغترب من سنوات طويله وكان ممكن أعمل وأعمل
بس البركه فى أم عمرو اللى عملتو فى سنتين ما كنت بحلم بيهو .

بدر الدين محمد

29-08-2007, 11:55 PM

انا عندي اتنين ماسكين مفاتيح العربية ونسخ من مفاتيح الدولاب وبستلموا الموبايل من ما اصل البيت واغنيتهم المتفقين علي الاعجاب بيها (بابا بغسل العدة) ... اها في أرجل مني ؟؟؟؟

ابوالنور

30-08-2007, 12:03 AM

ربنا يديم المودة والاحترام بينكم يا رب

صديق بلال

02-09-2007, 09:22 AM

يا شباب .. عندى سؤال محيرنى شديد
أنا لما تزوجت بت المطامير وجبتها الإمارات
وحاة الله كم سنه وهى ما عارفه راتبى كم ولأ كم
والحال ماشى والحمد لله وكل شئ تمام التمام
بس من سنتين هى شالت بطاقة البنك والإمور الماليه
كلها بقت عندها واللى عملته هى فى سنتين ما عملتو أنا فى 21
سنه إغتراب .. وسؤالى هو هل أنا خواف ولأ دا الصاح ؟؟؟

هنيئا لك يا ود المطامير ببنت المطامير... فوجود بنت المطامير معاك هذا بالدنيا كلها... وعلى فكرة ليست كل النساء لهن نفس حكمة وتفكير بنت المطامير... والله يديم بينكما المعروف ويبارك لكما في حياتكما....

ود المطامير

02-09-2007, 09:34 AM

انا عندي اتنين ماسكين مفاتيح العربية ونسخ من مفاتيح الدولاب وبستلموا الموبايل من ما اصل البيت واغنيتهم المتفقين علي الاعجاب بيها (بابا بغسل العدة) ... اها في أرجل مني ؟؟؟؟
ههههههههههههههههههههههه
ههههههههههههههههههههههههههههه
أكان كدا أنا من يوم الليله بنوم غرير العين
صاحابى وزميلى ذى تب تانى شنو عاد ؟

ود المطامير

02-09-2007, 09:44 AM

ربنا يديم المودة والاحترام بينكم يا رب
جميل أنت فى دنيتى .. ورائع بكل معانيك
بس أولادى مجننى بالسؤال

_ يا بابا الخفاش دا منو ؟
ونا أقوم وأشرح ليهم دا عمكم أنور وهو شقلبتو الشهفوفه
وهم يسألونى
_ شهفوفه يعنى شنو ؟
بالحق يا حبيب قلبى رد عليهم شهفوفه يعنى شنو ؟ .

ود المطامير

02-09-2007, 09:50 AM

هنيئا لك يا ود المطامير ببنت المطامير... فوجود بنت المطامير معاك هذا بالدنيا كلها... وعلى فكرة ليست كل النساء لهن نفس حكمة وتفكير بنت المطامير... والله يديم بينكما المعروف ويبارك لكما في حياتكما....

تسلم ... تسلم وحاة ربى ربى الله يديك العافيه
بيت المطامير حقتى دى لو لقيتها قبل عشره سنوات بس
كنت زمان من رأسماليين الخرطوم .. عمارات وعمارات بس الحمد الله
هى لحقتنى فى ضربات الجزاء .
من قلبى أقول ليك الله يديك العافيه .

mahagoub

02-09-2007, 10:10 AM

اولا شنو الغيبه ليك وحشة وبعدين خواف خواف ما الخواف ربا عياله وبعدين ما تفتح لينا مواضيع زى دى المره بتراجع وراى

ود المطامير

02-09-2007, 10:20 AM

اولا شنو الغيبه ليك وحشة وبعدين خواف خواف ما الخواف ربا عياله وبعدين ما تفتح لينا مواضيع زى دى المره بتراجع وراى
هههههههههههههههههههههههههههههههههه
ههههههههههههههههههههههههههههههههههههههههههههه
حبيب قلبى يا من أحببته من غير أن أسمع به
ما هو دا قصدى أحرش عليكم وزارة الداخليه
وحاة الله من جيت وشفتك عرفتك زولى تب وتب .

mahagoub

02-09-2007, 10:26 AM

انت صدقت ولا شنو ما شايفنى ماكن كيف . ( بس ما تقول ليا ده قلبك )

هشام السماني إبراهيم

02-09-2007, 11:17 AM

هي انا جيت غلط ولا شنو

لكن يا ود المطامير ورغم اخوك عزابي الزوجة بتنظم الامور احسن من الرجل

وخليك قريب بعد اعرس بقوليك راي

هشام السماني إبراهيم

02-09-2007, 11:19 AM

انت صدقت ولا شنو ما شايفنى ماكن كيف . ( بس ما تقول ليا ده قلبك )

تعرف من ناحية القلب دي فقريبي اغلب الوقت قلبو دليلو وصادق معاو يا عمو محجوووب :rolleyes:

انيس التوم

02-09-2007, 04:29 PM

يا شباب .. عندى سؤال محيرنى شديد
أنا لما تزوجت بت المطامير وجبتها الإمارات
وحاة الله كم سنه وهى ما عارفه راتبى كم ولأ كم
والحال ماشى والحمد لله وكل شئ تمام التمام
بس من سنتين هى شالت بطاقة البنك والإمور الماليه
كلها بقت عندها واللى عملته هى فى سنتين ما عملتو أنا فى 21
سنه إغتراب .. وسؤالى هو هل أنا خواف ولأ دا الصاح ؟؟؟

والله ميه ميه وربنا يديها ليك طولة العمر وحياة كلها حب وحنان
تخريمه

والماعندو مرة يقبل وين ناس اصرفك اصرفك عليك الله يا الله والحايه التجي

خالد النور

02-09-2007, 08:52 PM

يا شباب .. عندى سؤال محيرنى شديد
أنا لما تزوجت بت المطامير وجبتها الإمارات
وحاة الله كم سنه وهى ما عارفه راتبى كم ولأ كم
والحال ماشى والحمد لله وكل شئ تمام التمام
بس من سنتين هى شالت بطاقة البنك والإمور الماليه
كلها بقت عندها واللى عملته هى فى سنتين ما عملتو أنا فى 21
سنه إغتراب .. وسؤالى هو هل أنا خواف ولأ دا الصاح ؟؟؟

والله دا صاح الصاح، لكن ورينا عملت كيف عشان نخلى أم محمد تعمل زيها

mahagoub

03-09-2007, 10:48 AM

قلبى المن نشوه للبنات هواى ما تقول قلبك دليلك الكلام ده ما بيمشى مع الحكومة

عبدالرحيم سعيد

04-09-2007, 07:10 PM

ياخي ياريت كل الناس تخاف زي خوفك داي ماكان عدت عشرات السنين غربة ووجع اما سمعت اخي خيركم خيركم لاهله بارك الله لك فيها وفيك لها وابلغنا مبلغكم

ود المطامير

05-09-2007, 12:47 AM

انت صدقت ولا شنو ما شايفنى ماكن كيف . ( بس ما تقول ليا ده قلبك )
أول شئ مبروك البيت الجديد
قصدى المنتدى ما تقوم تفرح تقول وقعت ليك جائزه هع هع هع
وتانى شئ إياهو زاااتو .

ود المطامير

05-09-2007, 12:49 AM

هي انا جيت غلط ولا شنو

لكن يا ود المطامير ورغم اخوك عزابي الزوجة بتنظم الامور احسن من الرجل

وخليك قريب بعد اعرس بقوليك راي
جيت من وين ؟ الألعاب ؟
مستنيك .. مستنيك على نار

ود المطامير

05-09-2007, 12:53 AM

تعرف من ناحية القلب دي فقريبي اغلب الوقت قلبو دليلو وصادق معاو يا عمو محجوووب :rolleyes:

كلمو .. كلمو ... كلموووو

ود المطامير

05-09-2007, 01:08 AM

والله ميه ميه وربنا يديها ليك طولة العمر وحياة كلها حب وحنان
تخريمه

والماعندو مرة يقبل وين ناس اصرفك اصرفك عليك الله يا الله والحايه التجي

الحبيب الكورى
الله يديك العافيه على الدعوات الطيبه
والله ناس أصرفك أصرفك ديل يا الحبيب
بتجيهم الجاياهم تب .

ود المطامير

05-09-2007, 01:12 AM

والله دا صاح الصاح، لكن ورينا عملت كيف عشان نخلى أم محمد تعمل زيها
ما دام دا إنت يا .. خالد .. حبيب قلبى قلت كدا
خلاص أنا مبسوط جد جد
عملت الصناديق ( الجمعيات ) والشهر والتانى بنقبض خمشه كبيره
هع هع هع هع . وطوالى نشترى قطعة أرض فى السودان .

ود المطامير

05-09-2007, 01:23 AM

قلبى المن نشوه للبنات هواى ما تقول قلبك دليلك الكلام ده ما بيمشى مع الحكومة
هواى ساى وبس ؟ والله والله هواى وبكاى

ود المطامير

05-09-2007, 01:33 AM

ياخي ياريت كل الناس تخاف زي خوفك داي ماكان عدت عشرات السنين غربة ووجع اما سمعت اخي خيركم خيركم لاهله بارك الله لك فيها وفيك لها وابلغنا مبلغكم

تسلم والله يا حبيبنا ... عبدالرحيم ..
ويكفينى فخرا وسعاده
هذه الدعوات الطيبات وربنا يحفظ لك كل غالى وعزيز ..
آمين يا رب العالمين .

مرتضى يوسف العركي

05-09-2007, 05:17 AM

الحبيب ود المطامير الصفي النقي :
عليك الله .............
ولا اقول ليك ما ترسل الحكاية في رسالة خاصة .........
في انتظارك ...........
الله يخلي ليك ام عمرو وعمرو واخوانو مع التحية

ود المطامير

05-09-2007, 10:25 AM

الحبيب ود المطامير الصفي النقي :
عليك الله .............
ولا اقول ليك ما ترسل الحكاية في رسالة خاصة .........
في انتظارك ...........
الله يخلي ليك ام عمرو وعمرو واخوانو مع التحية
حبيب قلبى مرتضى
هع هع هع هع
حاضر إنت تأمر وبس .
وربنا يخلى ليك كل غالى وعزيز
من الأعماق ليك كل المحبه والإحترام .

zoolfrda

05-09-2007, 10:31 AM

ربنا يخليكم لبعض يا عروة وماشاء الله عليكم

صلاح الدين محمد

05-09-2007, 11:59 PM

والله يا ود المطامير منكم نستفيد

وانا في سنة اولي زواج في الغربة

وتاني بجيك دحين انا داير درس عصر في الموضوع ده

خالد علونى

29-01-2012, 11:02 AM

دا صاح الصاح يا ود المطامير والما بخاف من مرتو ما راجل
والبقول غير كده عندو معاك قصد

شفتوا الكلام دا كيف

حكم والله

يعني ولا في داعي لي الكدايس ولا غيروا

وكان دايرة تضبح هي الكديسة خليها التضبحا

عنكوليب

29-01-2012, 11:07 AM

يا علوني هووووي نوم نومك ،،،، ضبحتها زماااااان والكان كان !!!

تصبح على خير !!!!

ود المطامير

29-01-2012, 11:43 AM

شفتوا الكلام دا كيف

حكم والله

يعني ولا في داعي لي الكدايس ولا غيروا

وكان دايرة تضبح هي الكديسة خليها التضبحا
يا حولاااااااااااااااااا

دا بحتو من وين يا فرده ؟

وكمان فى العام وكتاحة أيمن هوا ;)

معتز الريح

31-01-2012, 06:27 AM