فنجاط
30-08-2007, 02:36 AM
تقريبا اذا اي واحد ضرسو وجعو قبل ما يفكر يمشي الي دكتور الناس ح تقول ليهو امشي مستشفي الجيش هم 100 ال100 في الاسنان او مستشفي الاسنان مدني خصوصا انهم مدعومين دعم شامل كامل من حكومة الولاية . كلام جميل شديد
انا شخصيا وقعت في الفخ ده اول حاجة مشيت مستشفي الاسنان مدني دفعت الرسوم وقدرها 7جنيهات برقم الايصال 7074719 وزارة المالية و الاقتصاد الوطني ... اول حاجة الشخص الكشف لي غالبا هو ما طبيب اسنان و الله اعلم عشان هو بكشف على وخاتي سفة كبيييرررررة في خشمو و تحت اخدمعاي 5 ثواني وقال لي عايز حشوة (جيد) شكلو السفة عاملة مفعولها قال لي امشي قسم الحشوات مشيت و اتعرضت لعملية كشف تاني بس المرة دي غير انا راقد راقد و حوالي 17 بنت اكرر تاني 17 بنت بشرحو ليهم بي و فاتحين خشمي لحدي ما علقتا و الشخص البشرح قال لي امشي ادفع الرسوم 17 جنيه ومشيت وجيت تاني بعد يوم و معاي رسوم الحشوة و قبل الدفع قالو لي اتاكد من الدكتور . لقيت دكتور امير لاظ في الفطور ساعتين ماجاء و قالوا لي تاني في دكتور اسمو احمد دفع الله امشي ليهو اما ده اخير امير لاظ في الفطور ده ماسك ليهو جريدة و هرشني ليك بي نهرا ( ما عندي حشوات هنا ) قلنا ليهو وين سمح ما ردا علي لحدي ما الشمار قتلني و مشيت اشتريت نفس الجريدة الكان شايلها عشان اشوف الكان شاغلو في الجريدة عن مرضاهو شنو بالمناسبة احمد (ضفع الله) ده رئيس قسم الحشوات في المستشفي .
خليهم ناس مسشفي الاسنان ديل ما اشتغلو بينا وهمشونا ونمشي بنفس الضرس لي ناس المستشفي العسكري ديل كمان قصتهم جميلة شديد من الباب قالوا الرسوم 10 جنيه دفعناها برقم الايصال ب 17649 للمعلومية الايصال مكتوب في اعلاه ( الصندوق القومي لتطوير الخدمات الطبية بالقوات المسلحة ) امانة العلاج الاقتصادي ( الولايات) الجميل في الامر انتظرت اقل من ساعة و انا مستمتع برائحة حمامات النساء وخشيت قابلت الدكتورة كشفت علي و ده الحديث الدار بينا ....
قالت لي : ضرسك عايز حشي
قلت ليها : احشيهو سمح
قالت لي : للاسف الكرسي بتاع الحشو ما عندنا
قلت ليها : يعني اجيب كرسي من بيتنا زي المدارس زمان و لا شنو
قالت لي : و هي بتضحك لا..لا تعال الاسبوع الجاي بنحشي ليك
قلت ليها : الحشوة سمح خليها ممكن تختي لي في صحن
الملاحظات :
انو الناس المرضي الاقيتهم في مستشفي العساكر كلهم قلعو ليهم ضروسهم يعني لو عايز تقلع ضرس امشي للعساكر احسن لك خبرا هم .
الاغرب من ده كلو كل الدكاترة المزكورين اعلاه كشفو على و ما لابسين جونتيات او قلفزات طبية في يديهم لحدي ما شكيت قلت احتمال الدولة منعت الجونتيات لكن لقيت رجل المرور لابس جونتيات بيضاء .
لاحظ انو ناس مستشفي الاسنان خرجو اول دفعة اطباء اسنان قبل كم شهر وهم مدعومين من الحكومة و الجامعة .
لاحظ تاني معاي الايصال بتاع العساكر مكتوب عليهو امانة العلاج الاقتصادي وكشفهم بي 10 جنيه و لحدي حسي خسران 30 جنيه و الضرس قاعد بضحك على و شكلو موللف .
طيب التطوير المكتوب في الايصال بتاع العساكر وين ولا قاصدين حاجة تاني ..
الصحة في مدني متدهورا للغاية .. و نواصل ...
انا شخصيا وقعت في الفخ ده اول حاجة مشيت مستشفي الاسنان مدني دفعت الرسوم وقدرها 7جنيهات برقم الايصال 7074719 وزارة المالية و الاقتصاد الوطني ... اول حاجة الشخص الكشف لي غالبا هو ما طبيب اسنان و الله اعلم عشان هو بكشف على وخاتي سفة كبيييرررررة في خشمو و تحت اخدمعاي 5 ثواني وقال لي عايز حشوة (جيد) شكلو السفة عاملة مفعولها قال لي امشي قسم الحشوات مشيت و اتعرضت لعملية كشف تاني بس المرة دي غير انا راقد راقد و حوالي 17 بنت اكرر تاني 17 بنت بشرحو ليهم بي و فاتحين خشمي لحدي ما علقتا و الشخص البشرح قال لي امشي ادفع الرسوم 17 جنيه ومشيت وجيت تاني بعد يوم و معاي رسوم الحشوة و قبل الدفع قالو لي اتاكد من الدكتور . لقيت دكتور امير لاظ في الفطور ساعتين ماجاء و قالوا لي تاني في دكتور اسمو احمد دفع الله امشي ليهو اما ده اخير امير لاظ في الفطور ده ماسك ليهو جريدة و هرشني ليك بي نهرا ( ما عندي حشوات هنا ) قلنا ليهو وين سمح ما ردا علي لحدي ما الشمار قتلني و مشيت اشتريت نفس الجريدة الكان شايلها عشان اشوف الكان شاغلو في الجريدة عن مرضاهو شنو بالمناسبة احمد (ضفع الله) ده رئيس قسم الحشوات في المستشفي .
خليهم ناس مسشفي الاسنان ديل ما اشتغلو بينا وهمشونا ونمشي بنفس الضرس لي ناس المستشفي العسكري ديل كمان قصتهم جميلة شديد من الباب قالوا الرسوم 10 جنيه دفعناها برقم الايصال ب 17649 للمعلومية الايصال مكتوب في اعلاه ( الصندوق القومي لتطوير الخدمات الطبية بالقوات المسلحة ) امانة العلاج الاقتصادي ( الولايات) الجميل في الامر انتظرت اقل من ساعة و انا مستمتع برائحة حمامات النساء وخشيت قابلت الدكتورة كشفت علي و ده الحديث الدار بينا ....
قالت لي : ضرسك عايز حشي
قلت ليها : احشيهو سمح
قالت لي : للاسف الكرسي بتاع الحشو ما عندنا
قلت ليها : يعني اجيب كرسي من بيتنا زي المدارس زمان و لا شنو
قالت لي : و هي بتضحك لا..لا تعال الاسبوع الجاي بنحشي ليك
قلت ليها : الحشوة سمح خليها ممكن تختي لي في صحن
الملاحظات :
انو الناس المرضي الاقيتهم في مستشفي العساكر كلهم قلعو ليهم ضروسهم يعني لو عايز تقلع ضرس امشي للعساكر احسن لك خبرا هم .
الاغرب من ده كلو كل الدكاترة المزكورين اعلاه كشفو على و ما لابسين جونتيات او قلفزات طبية في يديهم لحدي ما شكيت قلت احتمال الدولة منعت الجونتيات لكن لقيت رجل المرور لابس جونتيات بيضاء .
لاحظ انو ناس مستشفي الاسنان خرجو اول دفعة اطباء اسنان قبل كم شهر وهم مدعومين من الحكومة و الجامعة .
لاحظ تاني معاي الايصال بتاع العساكر مكتوب عليهو امانة العلاج الاقتصادي وكشفهم بي 10 جنيه و لحدي حسي خسران 30 جنيه و الضرس قاعد بضحك على و شكلو موللف .
طيب التطوير المكتوب في الايصال بتاع العساكر وين ولا قاصدين حاجة تاني ..
الصحة في مدني متدهورا للغاية .. و نواصل ...