المساعد الشخصي الرقمي

مشاهدة النسخة كاملة : حظي الاقيكم


مجاهد
08-09-2007, 10:28 AM
حظي الاقيكم
اصابحكم واماسيكم
وانا من عذاب الغربه جاييكم
وقدر ما لفيت ودورت
ابدا منكم وانتهي بيكم
******
وحظي الاقيكم
انا الولهان000
شايل شعور انسان
في الذكري والنسيان
زادي ريدكم وعينكم
*****
وحظي الاقيكم
في الصباح واليل
وانتو اللي قلبي دليل
تاج راسو والإكليل
وانتو الفرحتو بيكم
*****
وحظي الاقيكم
وقول ليكم عن الريده والاحلام
وعن قسوة الايام
وقصيده وقصة احكيكم
****
وحظي الاقيكم
انا البي شوقكم خلاص جنيت
وانا الفي شوقكم طفت وسعيت
وانا الفي ريدكم بعت واشتريت
بعت الروح
بعت الدم0000
شريت الهم
وهمي اراضيكم
*****
حظي الاقيكم
ارتاح انا من حزني العلي
ومن ريدكم الكاوي قلبي كي
انا الجيت قاطع مسحات
طاويها طي
مشتاق بس طلة عينكم
وحظي الاقيكم
******
وحظي اكون في ود مدني ..

ودمتم
هشام السماني إبراهيم
08-09-2007, 11:37 AM
وحظي الاقيكم
في الصباح واليل
وانتو اللي قلبي دليل
تاج راسو والإكليل
وانتو الفرحتو بيكم

والله يا مجاهد فرحت قلبي بي كلامك

ويا فرحت مدني بيك

سلمت عزيزي

دمت في رعاية الله وحفظة
مجاهد
08-09-2007, 12:04 PM
مدني منورة بيك يا عزيزي هشام .. ومشكور على مرورك .. هكذا عهدناك ...
moh_alnour
08-09-2007, 01:09 PM
تسلم كتير يا مجاهد وحظنا نحن الألتقيناك في منتدى ود مدني ود مت لعروس المدائن