عزيز أنت يا وطني ... برغم .... [الأرشيف]

مشاهدة النسخة كاملة : عزيز أنت يا وطني ... برغم ....

عثمان جلالة

10-09-2007, 11:51 PM

حبان قسانا ... رمضان كريم عليكم ... وربنا يجعل أيامكم خير ومحبه ... ويرزقكم بالخير .. والجنه ... آآآآآمين بركة من صلى وقال يا الله وبركة الشهر المبارك ..

أها .. والله الكلام دا واقف لي في حلقي ... كان ما قلتو .. ما برتاح .. من حلقة أمير الشعراء .. حقت ناس روضه بت الحاج .. لامن شفت ليك علم السودان دا يرفرف كده في شاطيء الراحه ... حسيت بى راحه عجيبه ... والفرحة زادت بالانتصارات حقت الهلال والمريخ والفريق القومي .. والله اسم السودان وعلم السودان .. دايرنو يكون عالي .. وفوق الجميع ...

إنه إحساس غريب وعجيب بالسعادة الغامرة .. تمشى في الشوراع وفي مدن الغربة وانت مزهو بأنك تنتمي لهذا البلد ... (معاي انتو ولا لا) ..

اللهم أجعل علم بلادي يرفرف في كل المحافل .. وأجعل أيام شعبنا أفراح وانتصارات وعلى كل المستويات ... باقي لينا بس ناس السياسة .... برضو دايرنهم يفرحونا بانتصارات في أمورهم كلها .. وأولها سلام دارفور ..

أسي أنا لو سألوني ... أجمل موقف مره بيك

بقول .... قدله في شوراع دولة اجنبيه .... بعد انتصار .... سوداني:p

وعزيز انت يا وطني ... برغم قساوة المحن

عبدالرحيم سعيد

10-09-2007, 11:59 PM

نخوة وجبت علي الكل دمت

مدنيّة

11-09-2007, 12:03 AM

وعزيز انت يا وطني ... برغم قساوة المحن

مافي ذلك شك ياجلالة

وسودانا فوووق

خالد النور

11-09-2007, 12:04 AM

القومة ليك يا وطنى
وطنا بإسمك كتبنا ورطنا

والله يا أخى عثمان أنا بقرا فى البوست بتاعك لمن شعر جلدى قام

حافظ الليبى

11-09-2007, 12:05 AM

عزيز انت يا وطني ++++++++ برغم قساوة المحن
تسلم حبيبنا ود جلاله الرائع.....
عزيز انت يا وطني برغم قساوة المحن
برغم صعوبة المشوار ورغم ضراوة التيار
سنعمل نحن يا وطني لنعبر حاجز الزمن
حياتك كلها قيم تتوج همة شماء
فكم فى الدرب من ضحو وكم فى الخلد من شهداء..
وطني تنكسر الاقلام ويتغوص ابحرة المداد ..خوفا ومهابة لجلالة قدرك
وطني تتباعد الكلمات فلا شئ يبقي من الذاكرة غير اسمك ...
وطني تتقافز الافراح هنا وهناك وتخجل وتقول كيف الوصول الي مقامك..
وطني وان شغلت بالخلد عنة نازعتني فى الخلد نفسي ..
تحية تعظيم وتجلة لك ايها الوطن النييل

عثمان جلالة

11-09-2007, 12:13 AM

نخوة وجبت علي الكل دمت

حصل جربت الاحساس ده في غربه ... والله لا يوصف ... (أقول للدنيا أنا سوداني)

mahagoub

11-09-2007, 12:13 AM

انحنا عزاز من زمن بعيد والكل بيعمل لينا حساب سودانى يا زول ابعد منه ليك الحق تفخر ما انت سودانى

عثمان جلالة

11-09-2007, 12:17 AM

وعزيز انت يا وطني ... برغم قساوة المحن

مافي ذلك شك ياجلالة

وسودانا فوووق

البركه يا مدنيه الما قلتي مريخنا فوق .. قبل سودانا فووق .. تعرفي البجيب الشك شنو ... الانتهازيه .. والفساد .. وبيع الوطن عشان مال ولا سلطه ولا جاه ... وبنبنيهو البنحلم بيهو يوماتي

عثمان جلالة

11-09-2007, 12:20 AM

القومة ليك يا وطنى
وطنا بإسمك كتبنا ورطنا

والله يا أخى عثمان أنا بقرا فى البوست بتاعك لمن شعر جلدى قام

انت شعرة جلدك كلبت .. والله يا خالد .. أنا متابع روضه ... ودموعي ديل جاريات وانا شايف علمنا يرفرف ... لأنو في ناس كده ... ما معترفين .. اننا بننتمي حتى للغة العربية

عثمان جلالة

11-09-2007, 12:25 AM

"Magenta"]عزيز انت يا وطني ++++++++ برغم قساوة المحن
تسلم حبيبنا ود جلاله الرائع.....
عزيز انت يا وطني برغم قساوة المحن
برغم صعوبة المشوار ورغم ضراوة التيار
سنعمل نحن يا وطني لنعبر حاجز الزمن
حياتك كلها قيم تتوج همة شماء
فكم فى الدرب من ضحو وكم فى الخلد من شهداء..
وطني تنكسر الاقلام ويتغوص ابحرة المداد ..خوفا ومهابة لجلالة قدرك
وطني تتباعد الكلمات فلا شئ يبقي من الذاكرة غير اسمك ...
وطني تتقافز الافراح هنا وهناك وتخجل وتقول كيف الوصول الي مقامك..
وطني وان شغلت بالخلد عنة نازعتني فى الخلد نفسي ..
تحية تعظيم وتجلة لك ايها الوطن النييل [/COLOR]

حافظ .. حفظك الله ... والله يخلي ليك كدايسك .. قول آمين :p
بلادي أهلا يا بلادي .. الف تحيه ليك .. من الأعادي ... من حقك .. تفخر

عثمان جلالة

11-09-2007, 12:29 AM

انحنا عزاز من زمن بعيد والكل بيعمل لينا حساب سودانى يا زول ابعد منه ليك الحق تفخر ما انت سودانى

لكن يا عمي المحجوب .. قبل الانتصارات دي .. كترت فينا نكات ..الكسل .. وفرقنا كلها ... كانت بتنغلب .. من خمسه وانت طالع .. لكن بعد الضنقناهو مع الانتصارات دي .. تاني ما بنرضى بى هزيمة .. وراسنا دايما مرفوعة فووووووووووووووووق

mahagoub

11-09-2007, 12:34 AM

لكن يا عمي المحجوب .. قبل الانتصارات دي .. كترت فينا نكات ..الكسل .. وفرقنا كلها ... كانت بتنغلب .. من خمسه وانت طالع .. لكن بعد الضنقناهو مع الانتصارات دي .. تاني ما بنرضى بى هزيمة .. وراسنا دايما مرفوعة فووووووووووووووووق

كل شعب بياخد نصيبه من الباقين ويا قلنا وياما قلنا وسودانا فوق

حافظ الليبى

11-09-2007, 07:09 AM

حافظ .. حفظك الله ... والله يخلي ليك كدايسك .. قول آمين
بلادي أهلا يا بلادي .. الف تحيه ليك .. من الأعادي ... من حقك .. تفخر
اااااااااااااااااااامين يارب العالمين؟؟؟؟
انتا عارف ياجلاله انا بحب البسس شديد؟؟
همسه؟؟؟:D
بينى وبينك فى راجل ما بيحب البسس

GREY MAN

11-09-2007, 07:58 AM

الله يكرمك في الدارين
سودانا دايما فوق

هيثم عبدالعال

11-09-2007, 08:53 AM

عثمان جلالة

11-09-2007, 10:15 PM

كل شعب بياخد نصيبه من الباقين ويا قلنا وياما قلنا وسودانا فوق

كلامك صحيح 100 % ... لنا أن نعمل في صمت .. لنبني هذا الوطن الجريح .. سلمت

عثمان جلالة

11-09-2007, 10:17 PM

اااااااااااااااااااامين يارب العالمين؟؟؟؟
انتا عارف ياجلاله انا بحب البسس شديد؟؟
همسه؟؟؟:D
بينى وبينك فى راجل ما بيحب البسس

الله يعلم .. جنس حب:p
ومش بسسنا بس أي حاجه من بلدنا نبقنا ... دومنا .. ولالوب بلدنا .. ولا كيت كات الناس:D

عثمان جلالة

11-09-2007, 10:19 PM

الله يكرمك في الدارين
سودانا دايما فوق

ويكرمك يا أيها الرجل الرمادي ... ويعلي مراتبك ... في الدارين .. آآآآآمين

عثمان جلالة

11-09-2007, 10:22 PM

العزيز عثمان جلالة
جيت لينا في جرح ، والله هو شعور لا يوصف وأظنه فعلاً يتضخم في الغربه ليجعلك تحس نفسك تكاد تلامس السماء بأصابعك ، ، ، وعزيز أنت يا وطني .... ولن أعترف بباقي العبارة التي أتمنى ان تزول ويلفها النسيان يوماً ما ليبقى وطناً دون محن وبلا قساوة .

رائعنا .. هيثم .. بحجم حبك للوطن .. أحيييك تحية تغسل كل أحزاننا .. وتبني كل ما تهدم ... وتجرف في طريقها ... كل الزبد .. ليبقى ما ينفع الناس

عوض صقير

11-09-2007, 10:28 PM

أخى
عثمان جلالة

قالوا

حب الأوطان من الإيمان

تسلم

عمر البشير

11-09-2007, 10:55 PM

تسلم يا عثمان جلالة والله ده المحرية فيك.
ويحق لك انت تفتخر وانت تنتمي الي السودان.
وسودانا فوق فوق.

عثمان جلالة

11-09-2007, 11:21 PM

أخى
عثمان جلالة

قالوا

حب الأوطان من الإيمان

تسلم

استاذنا عوض .. رمضان كريم عليك . وعلى كل اهلنا وقرانا ومدنا وشجرنا وانهارنا وبحورنا ... من حلفا لى نمولي ... اللهم اجعلنا من المؤمنين

عثمان جلالة

11-09-2007, 11:24 PM

تسلم يا عثمان جلالة والله ده المحرية فيك.
ويحق لك انت تفتخر وانت تنتمي الي السودان.
وسودانا فوق فوق.

ود البشير ... وينك يا الحبيب .. اليومين ديل الظاهر الافغاني حا تيهو معاك قرض ... ان شاء الله دايما سودانا فوووووق:p

مرتضى يوسف العركي

12-09-2007, 03:57 AM

ده الكلام
وكفى حاشرب شاي مسخ اتباعا للرجيم فكلامك سكر كافي
لك الود والتجلة
ايها المحلق جلالة

النور محمد يوسف

12-09-2007, 03:58 AM

أسي أنا لو سألوني ... أجمل موقف مره بيك

بقول .... قدله في شوراع دولة اجنبيه .... بعد انتصار .... سوداني:p

وعزيز انت يا وطني ... برغم قساوة المحن [/SIZE][/COLOR][/QUOTE]

كدا يا داب نطمئن أنك بتكون معانا .....وأنا اشهد أن عثمان الكلام القالوا دا من جوة قلبو.... وتحيا مشمش .... فلو عنك تسعة حاتقول كيف

متالق عثمان .... وذكرنا بافراحنا .... ففي سردها بلغتك السلسة حلاوة
وفتك بعافية .....ورمضان كريم

عمر البشير

12-09-2007, 04:23 AM

ود البشير ... وينك يا الحبيب .. اليومين ديل الظاهر الافغاني حا تيهو معاك قرض ... ان شاء الله دايما سودانا فوووووق:p

نحمدو ونشكرو الا انت الخاتي معك قرض ختو في سرك

عثمان جلالة

12-09-2007, 04:44 AM

ده الكلام
وكفى حاشرب شاي مسخ اتباعا للرجيم فكلامك سكر كافي
لك الود والتجلة
ايها المحلق جلالة

لك التحليق وحدك ... ولنا أن نفتح أفواهنا ... دهشة وانتظارنا ... لحصاد فكركم وعطائكم ..

همسة

يا حليل الشاي يا ود العركي ... رمضان هجمنا .....:p

عثمان جلالة

12-09-2007, 04:49 AM

أسي أنا لو سألوني ... أجمل موقف مره بيك

بقول .... قدله في شوراع دولة اجنبيه .... بعد انتصار .... سوداني:p

وعزيز انت يا وطني ... برغم قساوة المحن [/SIZE][/COLOR]

كدا يا داب نطمئن أنك بتكون معانا .....وأنا اشهد أن عثمان الكلام القالوا دا من جوة قلبو.... وتحيا مشمش .... فلو عنك تسعة حاتقول كيف

متالق عثمان .... وذكرنا بافراحنا .... ففي سردها بلغتك السلسة حلاوة
وفتك بعافية .....ورمضان كريم[/QUOTE]

أنا معاكم .. بس نضفوا المحل حقكم شويه :pهههههه لو عندي تسعة .... كان سكت عن الكلام المباح ... ورمضان كريم عليك وعلى وليداتك .. والله يعينك على الصيام والمدارس .. وزيادة الاسعار :D

عثمان جلالة

12-09-2007, 04:51 AM

نحمدو ونشكرو الا انت الخاتي معك قرض ختو في سرك

ههههه يا اخوي لالوب بلدنا ... ولا قرض الأفغان ..... والناس السمان :p