المساعد الشخصي الرقمي

مشاهدة النسخة كاملة : الليلة فطرتو بي شنو ؟؟؟


بدر الدين محمد
15-09-2007, 04:16 AM
لا زلنا في الخرطوم . . المايقوما نعض بالنواجز والنوايب على العادات السمحة في رمضان وأولها الفطور في الشارع ...
من بدري اشترينا الفرشات وقبل الفطور بي نص ساعة الشباب يقشوا ويفرشوا .. ثم تأتي الصواني من هنا وهناك .. الدناقلة والمحس والشايقية يجيبو القراصة شي بالدمعة وشي بالتقلية ونحنا ناس الجزيرة بنجيب اللقمة البوخها يلوي بالتقلية وبالويكة والبامية المفروكة والنعيمية ..
ومرة مرة تلقى صحن الفول والطعمية
والقواسم المشتركة صلطة الروب والبليلة العدسية والكبكبيه
اما المشروبات الحلو مر سيد الجميع بلا منازع والآبريه الابيض وبقوا يلونونه اصفر احمر خضر (زي شفق المغارب) ايضا الكركرديه والقونقوليس والعرديب ثم القمردين والعصاير المستوردة

ثم وبعد الصلاة تدار القهوة والونسة حتى صلاة التراويح ...

انتو فطرتو بي شنو وكيف ولييه؟؟؟ ... ثقفونا !!!
جيفارا
15-09-2007, 04:35 AM
استازنا الغالي
تغبل الله منا ومنكم انشاء الله

والله نحنا زي ما تقول فطرنا بي :-
1/ بلح
2/فول
3/بيض
4/سمبوسة
5/سلطة روب
6/سلطة خضار
7/طعمية
8/سجوق
9/كبدة


والاكل رجع زي ما هو
بدر الدين محمد
15-09-2007, 04:44 AM
استازنا الغالي
تغبل الله منا ومنكم انشاء الله

والله نحنا زي ما تقول فطرنا بي :-
1/ بلح
2/فول
3/بيض
4/سمبوسة
5/سلطة روب
6/سلطة خضار
7/طعمية
8/سجوق
9/كبدة


والاكل رجع زي ما هو

ما هو لازم يرجع ؟؟؟؟ وين العصيدة البعد ما تكمل تلقى الصحن بوخه طالع
انتو في ياتو مغترب
ود المطامير
15-09-2007, 11:06 AM
الحبيب .. بدرالدين
نحنا عصيدتنا دقيقها ذى اللكوكه
والويكه قعادها فى التلاجه بقت ذى السفايه
لا طعم لا ريحه
يا حليلك يا بلد .
نزار احمد كوارتي
15-09-2007, 12:21 PM
الأخ بدر الدين
لفت إنتباهى سؤالك أو بمعنى أدق ضربنى فى مقتل(ما داير أقول ليك أزيتنى).
والله العظيم بنفطر بى رز وجداد طعمو زى الما فى حاجه وبنشرب عصاير جاهزه . وينك يا آبرى ونشاء وبليله غايتو الله يكون فى العون. حليلك يا شارع بيتنا وحليل إتفضلو يا جماعه.
بدر الدين محمد
15-09-2007, 11:17 PM
الحبيب .. بدرالدين
نحنا عصيدتنا دقيقها ذى اللكوكه
والويكه قعادها فى التلاجه بقت ذى السفايه
لا طعم لا ريحه
يا حليلك يا بلد .

ما كنا في السعودية زمااان بنصوم ما بنحس بالصوم وبنفطر وما بنحس بالفطور ولا اذكر الا فطور الحرم قهوة عربية تسطل وسمبوكسا وموية زمزم تمسح الصدر
بدر الدين محمد
15-09-2007, 11:20 PM
الأخ بدر الدين
لفت إنتباهى سؤالك أو بمعنى أدق ضربنى فى مقتل(ما داير أقول ليك أزيتنى).
والله العظيم بنفطر بى رز وجداد طعمو زى الما فى حاجه وبنشرب عصاير جاهزه . وينك يا آبرى ونشاء وبليله غايتو الله يكون فى العون. حليلك يا شارع بيتنا وحليل إتفضلو يا جماعه.

والعجب كان لقيت ليك بروش فيها عصيدة دارفورية بي ويكاب ولا كول تأكل وتلحس اصابعيك .. متين الاذان يأذن
okasha
16-09-2007, 01:10 AM
والله انا مجوبك فطوري وخلى بالنية


(دي ملحوظة(اناقاعد داخلية))
بدر الدين محمد
16-09-2007, 02:06 AM
خلاص الليلة تجي تفطر معانا وكان ما الليلة تختار اليوم
وده تلفوني 0121712100
admin
16-09-2007, 02:14 AM
[RIGHT]
انتو فطرتو بي شنو وكيف ولييه؟؟؟ ... ثقفونا !!!

كل عام وانتم بخير يا بدرالدين .. والفطور عندكم .. واللقمة دي اساسية لو مافي ببقى دا ما فطور رمضان ولا ماكدا .. لكن الصراحة لقمة بي بامية مفروكة دي ما جربتها .. احكي لينا
عثمان جلالة
16-09-2007, 02:36 AM
استاذنا بد الدين .... تصوم وتفطر على خير ... والتحية عبرك لأهلنا في المايقوما .. والله ذكرتنا زمنا ... سمح بالحيل .. أنا رمضان الفات كنت في السودان ... وكان أحلى رمضان .. والواحد صحن العصيده ... ما يفكوهو منو ألا بالاحتياطي المركزي ... لكن حاليا ... زي ما قال ليك ود المطامير ... فطور لا لون له ولا طعم ولا رائحة ... والله ييسر الحال :p[/SIZE]="Purple"]
بورتبيل
16-09-2007, 03:04 AM
استــــاذنــا بدر الديـــــــــن رمضــــان كريم وكل عام وانتم بخيــــــــــر

(قـــــال لقمــة بي باميــة مفــروكة ما جربا .. تجربـــا ويــن في عين شمس ,, ولا فــي المنيـــرة )D:D:D:

الا فطـــــــــورنا نحنـــا خليه سااااي لا بتلاك ولا بنبلع ,, على الرغــــــم من انــو غالبيــة المكونــات ســـودانية بس الطعــم متغيير.
admin
16-09-2007, 03:16 AM
الا فطـــــــــورنا نحنـــا خليه سااااي لا بتلاك ولا بنبلع ,, على الرغــــــم من انــو غالبيــة المكونــات ســـودانية بس الطعــم متغيير.

تلفون بدرالدين ياهو دا فوق .. الدور الرابع من هنا اول بوست على شمالك بتلقى مكتوب في الباب رقم 9.. اتصل عليهم وامشي افطر معاهم الليله في المايقوما ههههههههههههههههههههههه
طلال الصول
16-09-2007, 03:21 AM
استاذ بدر الدين وانت بالف صحة وعافية يارب

وكان الفطور بتاع رمضان كلامكم دا اكان يعذبنا ساي النقول ليك ياسيدي اول يوم رمضان نسيت الفطور في امان الله ولمن افتكرتو اسكت بس حاجات اشي من التلاجة واشي من تحت السرير شغل عزابة وكدا والعصاير جاهز والا غاز والحمد لله
الفارس البنفسجي
16-09-2007, 09:36 AM
الاساسيات


عجوة
زبيب
تين
سلطة روب (للاسف بالخيار ما بالعجور)
ابري
عصير (ليمون + برتقال + منقا + مشكل+موز باللبن)


تتغير من وقت لآخر
شوبة عدس
شوربة لحمة
دجاج بالفرن
كفتة بالفرن
يعني نواشف بس
وبنحاول نبعد عن الزيت بقدر المستطاع


لك التحية حبيبنا بدر الدين وتصوم وتفطر علي خير
sooka
16-09-2007, 09:52 PM
والله يابدر الدين انت عزفت على وتر حساس في دواخل المغتربين وكل واحد كان صابر على الغربة قللت ليهو صبرو، خاصة لمايتذكر عاداتنا وتقاليدنا السمحة في هذا الشهر الكريم ، والفطور وماادراك ماالفطور الذي تلعب فيه الويكة اهم العناصر، لكن لو ركزنا شويه بنلقى قصة الفطور الفي الشارع دى شبه انتهت وبدت تتلاشى خصوصا في العاصمة القومية (الا مارحم ربي) يعنى في الاطراف والاحياء الشعبية ، والله يقدرك وتكون ساعة الفطور في العمارات ولا الرياض حقك راح ونيم ماح تلقاهو عشان تفطر بيهو ، انا عايزة اسأل الحاصل شنو؟ منو المسئول عن ضياع العادات الحلوة دي؟ هل هو الزمن البقى شماعتنا ؟ ولا الناس اتغيرو؟ ولا الظروف الاقتصادية الزي الزفت؟
بدر الدين محمد
17-09-2007, 02:16 AM
والله يابدر الدين انت عزفت على وتر حساس في دواخل المغتربين وكل واحد كان صابر على الغربة قللت ليهو صبرو، خاصة لمايتذكر عاداتنا وتقاليدنا السمحة في هذا الشهر الكريم ، والفطور وماادراك ماالفطور الذي تلعب فيه الويكة اهم العناصر، لكن لو ركزنا شويه بنلقى قصة الفطور الفي الشارع دى شبه انتهت وبدت تتلاشى خصوصا في العاصمة القومية (الا مارحم ربي) يعنى في الاطراف والاحياء الشعبية ، والله يقدرك وتكون ساعة الفطور في العمارات ولا الرياض حقك راح ونيم ماح تلقاهو عشان تفطر بيهو ، انا عايزة اسأل الحاصل شنو؟ منو المسئول عن ضياع العادات الحلوة دي؟ هل هو الزمن البقى شماعتنا ؟ ولا الناس اتغيرو؟ ولا الظروف الاقتصادية الزي الزفت؟

شكرا للمرور وشكرا لي شيل هم العادات والتقاليد ..
بدر الدين محمد
17-09-2007, 02:19 AM
لكن الصراحة لقمة بي بامية مفروكة دي ما جربتها .. احكي لينا

ده الكنا خايفين منو ؟؟ وانا ذاتي ما كنت مصدق انو في سندوتشات فاصوليا الا لما القطر خسر بينا في الرهد!!
بدر الدين محمد
17-09-2007, 02:22 AM
استاذنا بد الدين .... تصوم وتفطر على خير ... والتحية عبرك لأهلنا في المايقوما .. والله ذكرتنا زمنا ... سمح بالحيل .. أنا رمضان الفات كنت في السودان ... وكان أحلى رمضان .. والواحد صحن العصيده ... ما يفكوهو منو ألا بالاحتياطي المركزي ... لكن حاليا ... زي ما قال ليك ود المطامير ... فطور لا لون له ولا طعم ولا رائحة ... والله ييسر الحال :p[/SIZE]="Purple"]

الحي بلاقي والزمن بدور وتاني ما تلقى اليفكك من اللقمة والكسرة
بدر الدين محمد
17-09-2007, 02:24 AM
استــــاذنــا بدر الديـــــــــن رمضــــان كريم وكل عام وانتم بخيــــــــــر

(قـــــال لقمــة بي باميــة مفــروكة ما جربا .. تجربـــا ويــن في عين شمس ,, ولا فــي المنيـــرة )D:D:D:

الا فطـــــــــورنا نحنـــا خليه سااااي لا بتلاك ولا بنبلع ,, على الرغــــــم من انــو غالبيــة المكونــات ســـودانية بس الطعــم متغيير.

كدي اشرح للآدمن الـ( بني كربو) عشان نحنا نستفيد
بدر الدين محمد
17-09-2007, 02:28 AM
استاذ بدر الدين وانت بالف صحة وعافية يارب

وكان الفطور بتاع رمضان كلامكم دا اكان يعذبنا ساي النقول ليك ياسيدي اول يوم رمضان نسيت الفطور في امان الله ولمن افتكرتو اسكت بس حاجات اشي من التلاجة واشي من تحت السرير شغل عزابة وكدا والعصاير جاهز والا غاز والحمد لله

شكرا ود الصول ذكرتني فطور العذابة .. مرة كان عندي ملحق تاريخ في الجامعة كان في رمضان .. نمت قريب المغرب صحيت لقيت الداخلية ما فيها غير نوى البلح وفتات الرغيف .. ما كان عندي حل الا اطلع النخلة في ركن الداخلية وافطر في قمة النخلة بي بلح ني وموية من الكولر
بدر الدين محمد
17-09-2007, 02:31 AM
الاساسيات


عجوة
زبيب
تين
سلطة روب (للاسف بالخيار ما بالعجور)
ابري
عصير (ليمون + برتقال + منقا + مشكل+موز باللبن)


تتغير من وقت لآخر
شوبة عدس
شوربة لحمة
دجاج بالفرن
كفتة بالفرن
يعني نواشف بس
وبنحاول نبعد عن الزيت بقدر المستطاع


لك التحية حبيبنا بدر الدين وتصوم وتفطر علي خير

الله الله متين يأذن المغرب ..
انا خايف مدنية ومدناوي يقفلوا البوست ده (بجرح الصيام)
بدر الدين محمد
18-09-2007, 01:03 AM
والله يابدر الدين انت عزفت على وتر حساس في دواخل المغتربين وكل واحد كان صابر على الغربة قللت ليهو صبرو، خاصة لمايتذكر عاداتنا وتقاليدنا السمحة في هذا الشهر الكريم ، والفطور وماادراك ماالفطور الذي تلعب فيه الويكة اهم العناصر، لكن لو ركزنا شويه بنلقى قصة الفطور الفي الشارع دى شبه انتهت وبدت تتلاشى خصوصا في العاصمة القومية (الا مارحم ربي) يعنى في الاطراف والاحياء الشعبية ، والله يقدرك وتكون ساعة الفطور في العمارات ولا الرياض حقك راح ونيم ماح تلقاهو عشان تفطر بيهو ، انا عايزة اسأل الحاصل شنو؟ منو المسئول عن ضياع العادات الحلوة دي؟ هل هو الزمن البقى شماعتنا ؟ ولا الناس اتغيرو؟ ولا الظروف الاقتصادية الزي الزفت؟
عودة للاخت سكينة
بالامس كنت فاطر في الصحافة ولاحظت في الطريق من الحاج يوسف الى الصحافة كثرة الافطارات الجماعية وموائد الرحمن
اغرتنا ثرامس المياه والعصاير واسالت لعابنا
نا مدني الجربو يجو الخرطوم في مغيرب نهار يوم في رمضان شافو الناس البسدو الطريق للعابرين بغرض اجبارهم للنزول لمشاركتهم الافطار وانا شخصيا لدي تجربة في شارع مدني .. وانشالله الناس تحافظ على العادات دى
بدر الدين محمد
18-09-2007, 09:48 AM
اواصل
اليوم القراصة اكلناها جوة البيت الجو كان فيه سحاب وبروق ورعود ورشاش وقالوا الجزيرة مطرانه
روبش
18-09-2007, 10:47 AM
اخي .. بدرالدين
لك التحية .. ورمضان كريم
والله نحن عندنا نفس الاصناف لكن فاقدين حاسة الذوق .. اتخيل انت بتفطر داخل شقة ما بتشوف حد بتسمع الاذان بالشباك او عن طريق التلفاز .. والله يا بدرالدين اشتقنا للبرش وجلسة الاخوان والجيران .. وبنتمنى ان نشوف شخص عابر طريق وما يغشى حد عشان تمسكو يفطر معاك وتأخذ الاجر .. حليلك يا بلد
okasha
18-09-2007, 09:54 PM
عمنا بدر الدين متعك الله بالصحة والعافية

وانشاء الله حا البى هذه الدعوة قريبا جدا

ورمضان كريم
بدر الدين محمد
19-09-2007, 10:21 PM
اخي .. بدرالدين
لك التحية .. ورمضان كريم
والله نحن عندنا نفس الاصناف لكن فاقدين حاسة الذوق .. اتخيل انت بتفطر داخل شقة ما بتشوف حد بتسمع الاذان بالشباك او عن طريق التلفاز .. والله يا بدرالدين اشتقنا للبرش وجلسة الاخوان والجيران .. وبنتمنى ان نشوف شخص عابر طريق وما يغشى حد عشان تمسكو يفطر معاك وتأخذ الاجر .. حليلك يا بلد

الاخ روبش رمضان كريم عليكم
وانشاء الله تبلغوا العيد في اتم العافية
معليش دي ضريبة التغرب عن الاهل
تخيل امس ومن خلال هذا البوست لبى دعوتي المتواضعة الاخ okasha وفطر معانا في الشارع وشربنا القهوة له الشكر ولك التحية
اعتماد
20-09-2007, 12:27 AM
انا كمواطنة من قري الجزيرة الاكلة المفضلة لدي العصيدة بالتقلية البوخها يلوي والنعيمية وتخلو مائدتنا من الفول ومشتقاته بجانب الحلومر والآبري وبعد الافطار نووووووووووم تقيل
بدر الدين محمد
20-09-2007, 12:28 AM
انا كمواطنة من قري الجزيرة الاكلة المفضلة لدي العصيدة بالتقلية البوخها يلوي والنعيمية وتخلو مائدتنا من الفول ومشتقاته بجانب الحلومر والآبري وبعد الافطار نووووووووووم تقيل

والتراويح وغسيل العدة متييييييييين؟؟؟
ومتين يأذن المغرب
اعتماد
20-09-2007, 12:32 AM
الفطور يجب ان يبدأ بتمرات ثم بعد ذلك العصيدة بالتقلية والنعيمية والبليلة والعصائر المختلفة وربنا يعطينا اجر هذه الشهر الكريم
اعتماد
20-09-2007, 12:34 AM
غسيل العدة بكرة وربنا يعييننا لكن يااستاذ لو غسلنا العدة النوم بطيييييييير
اعتماد
20-09-2007, 12:45 AM
اعجب كثير بأهلي ناس الجزيرة وبرفعوا رأسي دائما بكرمهم تجد الواحد منهم يقيف في الزلط ويظل يؤشر بعمامته لتوقيف العربات ويقوم بإكرامهم حافي القدمين ولايأكل الا عندما يتاكد من إكرام الضيوف هكذا بلادي دائما
Madanawi
20-09-2007, 01:30 AM
انتو فطرتو بي شنو وكيف ولييه؟؟؟ ... ثقفونا !!!




والله بالجد يا أستاذ بدرالدين الواحد يفتقد فطور السودان ولمة الأهل والجيران والفطور في الشارع أمام البيت .. وإتفضل يا زول .. حبابك عشرة .. وبعد التراويح طبعا نمشي "نفرق المويات" وكنا دائما ما نذهب اما الى مركز الشباب بود أزرق أو ميدان الشهداء لتوفر الأضاءة وكثرة الزوار. وهاك يا دافوري ولا كورة سلة أو طائرة.

المهم نحن الآن في جدة .. غربة أخف من مثيلاتها في كثير من الدول والمدائن الأخرى .. كل شئ تقريبا متوفر هنا .. العصيدة والتقلية عندنا في البيت أساسية ولا مجاملة في هذا الأمر .. الآبري "الحلو مر" لاعب أساسي يومياً السودانيون يجتمعون على موائدهم في شكل زيارات أو إفطارات تجمع بعض الأهل أو الأصدقاء والمعارف .. الا انها لا تصل الى تلكم الحياة التكافلية في السودان.

الجميل في رمضان هنا .. أن الناس معظمها تكون على درجة عالية من الايمانيات .. والحرم على بعد 70 كيلومتر من جدة يعني الناس بين الفينة والأخرى يصلون ويفطرون في الحرم بالإضافة الى أداء العمرة .. تقبل الله من الجميع،،

وكل عام والجميع بخير ،،
okasha
20-09-2007, 02:07 AM
طبعا امس فطرت مع عمنا بدر الدين لكن اهم حاجه اقولها ليكم حاجة ماحتتوقوعوها

اكتشاف خطيييييييييييييير

انا خلى عمنا يقولو ليكم

وكان عمل نائم انا حوريكم بس اصبروا
مدنيّة
20-09-2007, 02:22 AM
طبعا امس فطرت مع عمنا بدر الدين لكن اهم حاجه اقولها ليكم حاجة ماحتتوقوعوها

اكتشاف خطيييييييييييييير

انا خلى عمنا يقولو ليكم

وكان عمل نائم انا حوريكم بس اصبروا

اعتبره من هسي عمل نائم
وقولها لينا انت
عشان ماعندنا صبر يااوكاشة :D
طلال الصول
20-09-2007, 02:36 AM
اعتبره من هسي عمل نائم
وقولها لينا انت
عشان ماعندنا صبر يااوكاشة :D



والله يامدنية لقيتك خطيييييييييييييييييييييييرة عدييييييييييييييييييييييل
بدر الدين محمد
20-09-2007, 10:56 PM
اعجب كثير بأهلي ناس الجزيرة وبرفعوا رأسي دائما بكرمهم تجد الواحد منهم يقيف في الزلط ويظل يؤشر بعمامته لتوقيف العربات ويقوم بإكرامهم حافي القدمين ولايأكل الا عندما يتاكد من إكرام الضيوف هكذا بلادي دائما

ديل اهلي .. اقيف في الدارة واتحزم واقول للدنيا ديل اهلي
بدر الدين محمد
20-09-2007, 10:59 PM
والله بالجد يا أستاذ بدرالدين الواحد يفتقد فطور السودان ولمة الأهل والجيران والفطور في الشارع أمام البيت .. وإتفضل يا زول .. حبابك عشرة .. وبعد التراويح طبعا نمشي "نفرق المويات" وكنا دائما ما نذهب اما الى مركز الشباب بود أزرق أو ميدان الشهداء لتوفر الأضاءة وكثرة الزوار. وهاك يا دافوري ولا كورة سلة أو طائرة.

المهم نحن الآن في جدة .. غربة أخف من مثيلاتها في كثير من الدول والمدائن الأخرى .. كل شئ تقريبا متوفر هنا .. العصيدة والتقلية عندنا في البيت أساسية ولا مجاملة في هذا الأمر .. الآبري "الحلو مر" لاعب أساسي يومياً السودانيون يجتمعون على موائدهم في شكل زيارات أو إفطارات تجمع بعض الأهل أو الأصدقاء والمعارف .. الا انها لا تصل الى تلكم الحياة التكافلية في السودان.

الجميل في رمضان هنا .. أن الناس معظمها تكون على درجة عالية من الايمانيات .. والحرم على بعد 70 كيلومتر من جدة يعني الناس بين الفينة والأخرى يصلون ويفطرون في الحرم بالإضافة الى أداء العمرة .. تقبل الله من الجميع،،

وكل عام والجميع بخير ،،

اهو دا بقى الفرق معانا فطور الحرم والتضلع من موية زمزم وتهريب السمبوسة للداخل والقهوة بالهيل .. الله يرفع القدم وينادينا المنادي
بدر الدين محمد
20-09-2007, 11:01 PM
اعتبره من هسي عمل نائم
وقولها لينا انت
عشان ماعندنا صبر يااوكاشة :D



نااااايم يا مدنية
ويا اوكاشا نتفق قبل التصريحات اديك رقم التلفون تاني؟؟؟
نزار حسن محمد
21-09-2007, 04:34 AM
الحبيب الغالى ..الاستاذ بدر الدين
كل بوست تكتبه عباره عن لوحة فنان تمحى الاحزان ..وفى كل دواخل البشر يوجد فنان
**
هيجتنى الذكرى ... تعرف ياستاذ بدرالدين هذا رمضان رقم17 وانا بعيدا عن قبة السنى وفريقنا
عامره حلقة الذكر ..وياحليلك يا بلدنا ...
ساكون معك عبر هذا البوست ..فى حكاوى ..وحكاوى...رمضان فى روسيا .. رمضان فى القاهر .. رمضان فى دول الخليج ..ورمضان فى بلاد الشام.. ورمضان فى بلاد الواق ..واق ..الخ
لك تحياتى ولى جميع اهل بلادى ..ولى عوده
بدر الدين محمد
21-09-2007, 10:44 AM
الحبيب الغالى ..الاستاذ بدر الدين
كل بوست تكتبه عباره عن لوحة فنان تمحى الاحزان ..وفى كل دواخل البشر يوجد فنان
**
هيجتنى الذكرى ... تعرف ياستاذ بدرالدين هذا رمضان رقم17 وانا بعيدا عن قبة السنى وفريقنا
عامره حلقة الذكر ..وياحليلك يا بلدنا ...
ساكون معك عبر هذا البوست ..فى حكاوى ..وحكاوى...رمضان فى روسيا .. رمضان فى القاهر .. رمضان فى دول الخليج ..ورمضان فى بلاد الشام.. ورمضان فى بلاد الواق ..واق ..الخ
لك تحياتى ولى جميع اهل بلادى ..ولى عوده
والجميع ينتظرون آذان المغرب في روسيا والقاهرة والشام وينتظرون الموائد الدسمة .. ولك الود والتقدير
معتز الريح
21-09-2007, 11:50 AM
أستاذنا الحبيب بدرالدين محمد ..
رمضان كريم .. تصوم وتفطر على خير ..

ذكرتني أيام العزوبية .. وفطور الكلفته ..
علبة فول .. وتمرات .. وأي عصير ..
وجهجهة العشاء ..
كانت أيام جميلة ..

أما الآن والحمد لله .. الفطور يشابة أي فطور عادي ..
العصيدة في المقدمة مع النعيمية ..
ولا يهم بعد ذلك ما يأتي معها ..
moh_alnour
21-09-2007, 11:57 AM
رغم أنني مقيم في جدة أم جداد ، لكن ما أكثر المطاعم السودانية فيها ، فطرنا بي :
قراصة مع الدمعة
وأيضاً توجد عصيدة بالتقلية والنعيمية ( ملاح الروب للذين لا يعرفون النعيمية ) وتوجد الكسرة والحلو مر وأيضاً اللقيمات ( طبعاً دي حتفرح أخونا دعوب )
ومع ذلك اشتقنا للفطور في الشارع مع الأهل والجيران والأصحاب
بدر الدين محمد
21-09-2007, 10:03 PM
أستاذنا الحبيب بدرالدين محمد ..
رمضان كريم .. تصوم وتفطر على خير ..

ذكرتني أيام العزوبية .. وفطور الكلفته ..
علبة فول .. وتمرات .. وأي عصير ..
وجهجهة العشاء ..
كانت أيام جميلة ..

أما الآن والحمد لله .. الفطور يشابة أي فطور عادي ..
العصيدة في المقدمة مع النعيمية ..
ولا يهم بعد ذلك ما يأتي معها ..

الليلة فاطر معانا معتز الريح؟؟؟ رمضان كريم
بدر الدين محمد
21-09-2007, 10:08 PM
رغم أنني مقيم في جدة أم جداد ، لكن ما أكثر المطاعم السودانية فيها ، فطرنا بي :
قراصة مع الدمعة
وأيضاً توجد عصيدة بالتقلية والنعيمية ( ملاح الروب للذين لا يعرفون النعيمية ) وتوجد الكسرة والحلو مر وأيضاً اللقيمات ( طبعاً دي حتفرح أخونا دعوب )
ومع ذلك اشتقنا للفطور في الشارع مع الأهل والجيران والأصحاب

شرفتنا في برشنا الليلة mohalnour زمان كنا بناكل البلدي في مطعم السودة في بني مالك هل لا زال موجود؟؟؟
ابوجود
21-09-2007, 11:43 PM
الاستاذ بدر الدين
لك التحيه
ورمضان كريم
حقيقه بوستك بيفطر عديل
من كميه التشكيله لكل واحد من المتداخلين

والله نحن فى بلد الغربه
بقينا مابنحس بى رمضان
مع زحمه العمل
فطور داخل الشقق
مافى لمه
مافى فرشات فى الشارع
مافى صوانى بتتطاقش
تسمع كشكشه الجكاكه من بعيد
ده جايب ملاح روب ده جايب ويكه
ده جايب ملاح ويكاب ده جايب ملاح لوبه

اخخخخخخخخخ
الله يفكنا من الغربه اللعينه
ويرجعنا لى بلدنا
مع اهلنا العزاز

وياغربه فكينـــــــــــــــــــــــــــــــــــــــــا

لك التحيه

ابوجود
بدر الدين محمد
22-09-2007, 02:48 AM
الاستاذ بدر الدين
لك التحيه
ورمضان كريم
حقيقه بوستك بيفطر عديل
من كميه التشكيله لكل واحد من المتداخلين

والله نحن فى بلد الغربه
بقينا مابنحس بى رمضان
مع زحمه العمل
فطور داخل الشقق
مافى لمه
مافى فرشات فى الشارع
مافى صوانى بتتطاقش
تسمع كشكشه الجكاكه من بعيد
ده جايب ملاح روب ده جايب ويكه
ده جايب ملاح ويكاب ده جايب ملاح لوبه

اخخخخخخخخخ
الله يفكنا من الغربه اللعينه
ويرجعنا لى بلدنا
مع اهلنا العزاز

وياغربه فكينـــــــــــــــــــــــــــــــــــــــــا

لك التحيه

ابوجود

مافى فرشات فى الشارع
مافى صوانى بتتطاقش
تسمع كشكشه الجكاكه من بعيد
ده جايب ملاح روب ده جايب ويكه
ده جايب ملاح ويكاب ده جايب ملاح لوبه
اسلوبك مغري .. تعبيرك جميل .. الناس دي كلها لعابها حيسيل
شكر للمرور الجميل
okasha
22-09-2007, 02:58 AM
والله مدنية شماراتك دى مابتخليها

لكن امرى لله

الحقيقة هم شمارين
الاول ودا الحا اقولو

انو عمنا بدر الدين عندو النية يعمل معرض تشكيلى فى مدنى وتحديدا فى قصر الثقافة


التانى اتفاوض معاى واتفق معاى انى ما ازيعو

انت ارضى بدا !!!!ولا دا ما مالى عينك

وكان حصل اى جديد انظرى التانى
طلال الصول
22-09-2007, 03:05 AM
سنين وسنين والله 10 سنين والا 11 الواحد بقى ما بعد وما حضرت رمضان في السودان
كل العندنا منو حسي زكريات بس والله
المشكلة يا عم بدر الدين انو حتى لو اكلنا الاصناف الفي السودان نفسها عصيدة تقلية آبري .... الخ النكهة والا حساس وطقطقة الجكاكة زي ما قال ابو وجود ليها طعم مختلف ورائع صعب الواحد يحسو مهما يكون
بدر الدين محمد
22-09-2007, 03:13 AM
سنين وسنين والله 10 سنين والا 11 الواحد بقى ما بعد وما حضرت رمضان في السودان
كل العندنا منو حسي زكريات بس والله
المشكلة يا عم بدر الدين انو حتى لو اكلنا الاصناف الفي السودان نفسها عصيدة تقلية آبري .... الخ النكهة والا حساس وطقطقة الجكاكة زي ما قال ابو وجود ليها طعم مختلف ورائع صعب الواحد يحسو مهما يكون

سمعت حمد الريح بغني ..

شوق لأهلي والصحبة
شوق لكل جميل في الحي
شوق للشينة لو صعبة

انت كاتلك الشوق سااااااى
بدر الدين محمد
22-09-2007, 03:15 AM
والله مدنية شماراتك دى مابتخليها

لكن امرى لله

الحقيقة هم شمارين
الاول ودا الحا اقولو

انو عمنا بدر الدين عندو النية يعمل معرض تشكيلى فى مدنى وتحديدا فى قصر الثقافة


التانى اتفاوض معاى واتفق معاى انى ما ازيعو

انت ارضى بدا !!!!ولا دا ما مالى عينك

وكان حصل اى جديد انظرى التانى

خليك صامد
اوعي تفصح بالموضوع
ابوجود
22-09-2007, 09:55 AM
التحيه لك استاذنا بدر الدين
وايضا التحيه للاخ طلال الصول
ولكل الاخوه المتداخلين
صاحبنا طلال ده مش كاتله الشوق بس
ده اكيد بكون كاتلاه الجبنه البتجى بعد الفطور
فى الفرشات وبعدين مع البليله
وقعده الشباب بعد الفطور
ياااه حاجه روعه صحى صحى
لك تحياتى مره اخرى اخى طلال
وربنا يرد غربتنا يارب
قول اااامين

ابوجود
moh_alnour
22-09-2007, 02:16 PM
شرفتنا في برشنا الليلة mohalnour زمان كنا بناكل البلدي في مطعم السودة في بني مالك هل لا زال موجود؟؟؟

نتشرف بالجلوس معكم في برشكم العامر يا أستاذ بد رالدين ، بني مالك تضم أكبر وأفضل المطاعم السودانية ودي دعوة ليك عشان تعيد شيء من الماضي .
sooka
22-09-2007, 10:30 PM
شوربة خضار
سلطة روب
فول
طعمية
لحمة او سجوك او فراخ
سامبوسة
سلطة طماطم
العصيدة طبعا ومرات لما يغيروا لقراصة بدمعة انا بصر على العصيدة
الشئ الوحيد البتغير على طول الملاح
ولا في فطور في الشارع ولا يحزنون
ولا في فرشة على الارض ولايتربعون
كلو على الطربيزة وبالملاعق وبرضو تقول لي فطور زمان !!!!!!!!! ياحليل حبوباتنا
بدر الدين محمد
22-09-2007, 11:48 PM
التحيه لك استاذنا بدر الدين
وايضا التحيه للاخ طلال الصول
ولكل الاخوه المتداخلين
صاحبنا طلال ده مش كاتله الشوق بس
ده اكيد بكون كاتلاه الجبنه البتجى بعد الفطور
فى الفرشات وبعدين مع البليله
وقعده الشباب بعد الفطور
ياااه حاجه روعه صحى صحى
لك تحياتى مره اخرى اخى طلال
وربنا يرد غربتنا يارب
قول اااامين

ابوجود

والله الناس دي كلها كاتها الشوق والعصيدة بالتقلية
بدر الدين محمد
22-09-2007, 11:52 PM
نتشرف بالجلوس معكم في برشكم العامر يا أستاذ بد رالدين ، بني مالك تضم أكبر وأفضل المطاعم السودانية ودي دعوة ليك عشان تعيد شيء من الماضي .

شكر mohalnour على تهييج الذكريات واكتب لينا بالتفصيل .....
الجمري
23-09-2007, 12:09 AM
الأستاذ بدر الدين لك التحية
رمضان كريم تصوم وتفطر على خير تقبل الله منا ومنكم صالح الأعمال
طبعاً فطورنا كلو طبيعي سلطات عصاير ليمون ابريه برتقال وشوية هتش زي مابقولو ماتنسى سيدة الصفره العصيده الساخنة مع ملاح الكنوبو تشيل منو اثنين يخليك تقع جنو ..
الأخوه والأساتذة الكرام عندي فكره .
صح في البلد دي في عزابة ممكن أخواتنا المعانه في المنتدى يقدمو ليهم مساعدة خفيفه
بطربقة تحضير وجبات ..
رايكم شنو ؟؟؟
بدر الدين محمد
23-09-2007, 12:22 AM
شوربة خضار
سلطة روب
فول
طعمية
لحمة او سجوك او فراخ
سامبوسة
سلطة طماطم
العصيدة طبعا ومرات لما يغيروا لقراصة بدمعة انا بصر على العصيدة
الشئ الوحيد البتغير على طول الملاح
ولا في فطور في الشارع ولا يحزنون
ولا في فرشة على الارض ولايتربعون
كلو على الطربيزة وبالملاعق وبرضو تقول لي فطور زمان !!!!!!!!! ياحليل حبوباتنا

هاك الفطور دا
http://www.fahad.com/mrsmom/pics/dyay.jpg

http://www.gorashi.com/images/docu0005.jpg
بدر الدين محمد
23-09-2007, 11:22 PM
الأستاذ بدر الدين لك التحية
رمضان كريم تصوم وتفطر على خير تقبل الله منا ومنكم صالح الأعمال
طبعاً فطورنا كلو طبيعي سلطات عصاير ليمون ابريه برتقال وشوية هتش زي مابقولو ماتنسى سيدة الصفره العصيده الساخنة مع ملاح الكنوبو تشيل منو اثنين يخليك تقع جنو ..
الأخوه والأساتذة الكرام عندي فكره .
صح في البلد دي في عزابة ممكن أخواتنا المعانه في المنتدى يقدمو ليهم مساعدة خفيفه
بطربقة تحضير وجبات ..رايكم شنو ؟؟؟

الطلب محول للنواعم .. عندنا منتدى كامل للنواعم واولادنا العذابة ما بعرفوا يعملوا العصيدة؟؟؟؟
بالله كلموا لينا سوار الياسمين ونور العيون
نزار حسن محمد
24-09-2007, 12:09 AM
السلام عليكم ..ياناس ...
كدى زحو شويه انقعد معاكم فى البرش ده ...
الاستاذ..بدرالدين ..اليوم سوف ابداء لكم من روسيا ..وحليل زمن الصبا الماضى وحليلنا منها الزايله...
طبعا ياخوانا فى الروسيا وتحديد فى شهر رمضان
ما بنطلع من الداخليه الى للشديد القوى ..يعنى لو قمت وطلعت نص النهار ..اخير تفطر قبل ماتطلع يعنى صيام بايظ ..بايظ... لهذا لم نكون نطلع من ..الداخليه
ما اتذكره خلال شهر رمضان..كنت قبل مغيب الشمس بساعه ..اشغل على المسجل شريط قران ..وبعد ذلك شريط مدائح الشيخ السمانى احمد عالم ..بشكل يومى
بعد نهاية الشهر باسبوع اتانى مجموعه من الطلبه من فنزويلا كانوا يسكنون معنا فى نفس الطابق ..وسالونى بالحاح عن ذلك الشريط الذى كنت استمع اليه خلال شهر كامل فى ساعه معينه
وفهمت قصدهم فقلت لهم ذلك الشريط هو القران الكريم ..واخرجت لهم الشرئط ..وعندما استمعه اليه قالو ا لى ..نعم ولكن مانقصده الشرئط الثانى
فعرفت انهم يقصدون شرئط المادح السمانى احمد عالم ..ياسبحان الله كم كانت سعادتهم بعد ان طبعت لهم نسخه من الشرئط..
وللحديث بقيه ...اليوم على الشوربه ياجماعه
والحكومه بتكورك لى ...بجيكم يرواق ..سلام
بدر الدين محمد
24-09-2007, 02:09 AM
اتفضل على البرش .. قربوا ليه القراصة دي ..
سؤال اعتراضي التركين ممكن نفطر بيه
اها واصل في الافطار الروسي
عمروو
24-09-2007, 09:55 PM
كل عام والجميع بخير وتصومو وتفطروا على خير .. والليلة حنفطر بي عصيدة وملاح تقلية انشاء الله مع الحاجات الثانوية التانية
http://www.9ofy.com/up3/kkkk.jpg
AbuMustafa
24-09-2007, 10:25 PM
http://www.moq3.com/img/uploads/b5l04989.jpg (http://www.moq3.com/img/)
AbuMustafa
24-09-2007, 11:08 PM
عمنا بدر الدين متعك الله بالصحة والعافية

وانشاء الله حا البى هذه الدعوة قريبا جدا

ورمضان كريم


يا أوكاشا
أنا كمان عازمك فطور معاي وكل أصحابك وضروري تصلني
العنوان
موبايل 0924445070
جبره
جوار ديوان الزكاة
عمر مصطفي محمد

التحية و الشكر للأخ بدر الين لهذا البوست الجميل وجعله الله في ميزان حسناته وله خالص شكري وتقديري ومتعه الله بالصحة والعافية
نزار حسن محمد
25-09-2007, 12:55 AM
اتفضل على البرش .. قربوا ليه القراصة دي ..
سؤال اعتراضي التركين ممكن نفطر بيه
اها واصل في الافطار الروسي

توش دخلنا فى الموضوع ..بالنسبه للتركين ..لو فطرة بيه غايتو ...المحس ..والحلفاويين
عندهم مناعه طبيعيه ... يازول تركين فى رمضان لا اله الا الله محمد الرسول الله ..تعرف دايرك برميل مويه وبرضو بتكون عطشان...
بجيك راجع ..عشان نكمل الافطار فى روسيا ..ونعرج على بقية الدول ..سلام
بدر الدين محمد
25-09-2007, 01:02 AM
يا أوكاشا
أنا كمان عازمك فطور معاي وكل أصحابك وضروري تصلني
العنوان
موبايل 0924445070
جبره
جوار ديوان الزكاة
عمر مصطفي محمد

التحية و الشكر للأخ بدر الين لهذا البوست الجميل وجعله الله في ميزان حسناته وله خالص شكري وتقديري ومتعه الله بالصحة والعافية



لك كل الشكر اخونا ابو مصطفى
بدر الدين محمد
25-09-2007, 01:06 AM
توش دخلنا فى الموضوع ..بالنسبه للتركين ..لو فطرة بيه غايتو ...المحس ..والحلفاويين
عندهم مناعه طبيعيه ... يازول تركين فى رمضان لا اله الا الله محمد الرسول الله ..تعرف دايرك برميل مويه وبرضو بتكون عطشان...
بجيك راجع ..عشان نكمل الافطار فى روسيا ..ونعرج على بقية الدول ..سلام

انا طبعا مناسب الدناقلة الرطانه ناس ارقو جربت الملوحة او التركين .. لم ترق لي وهي ليست في حلاوة الفسيخ (ان صح ان الفسيخ حلو)
وقالوا الواحد بعد ما ياكل الملوحة ياكل سبعة تمرات والا .. يشيل شيلتو مع الموية
بدرينا
25-09-2007, 09:01 PM
الله يا بدر الدين عطشتنا وجوعتنا من الصباح ..
إنت عارف أنا فكرتا أقوم أرجع البيت وأعمل الأكلات دي كلها واجهزا من أسي .. وبعدين أقوم أنزل فيها بالصف واحدة واحدة والبحصل يحصل .. أصلو أنا في حاجات هنا طولتا منها وفي حاجات ما شفتهها ذاتو .. بس بتحتاج زول يجي يعملا لي .. زي الحاجة حقت ناس الشمالية دي البتاكل بعدا سبعة بصلات ولا سبعة شمعات ما عارف ..
بدر الدين محمد
26-09-2007, 01:05 AM
http://www.sudanartistunion.com/vb/uploaded/172/DSC01128.JPG

افطار جماعي للدفعة 30 كلية الفنون والذين تخرجوا في العام 1980
اكلنا شنو؟؟؟؟
اهم شي (البطيخ)
اللقمة بي التقلية
اشترينا دمعة ونسينا الرغيف
بليلة
بدر الدين محمد
26-09-2007, 12:13 PM
الله يا بدر الدين عطشتنا وجوعتنا من الصباح ..
إنت عارف أنا فكرتا أقوم أرجع البيت وأعمل الأكلات دي كلها واجهزا من أسي .. وبعدين أقوم أنزل فيها بالصف واحدة واحدة والبحصل يحصل .. أصلو أنا في حاجات هنا طولتا منها وفي حاجات ما شفتهها ذاتو .. بس بتحتاج زول يجي يعملا لي .. زي الحاجة حقت ناس الشمالية دي البتاكل بعدا سبعة بصلات ولا سبعة شمعات ما عارف ..

مرحب بدرينا .. رمضان كريم عليكم
moh_alnour
26-09-2007, 03:26 PM
والله يالمصطفى صينيتك دي زي ما قال سيد جرسة رخصة عديل كدا ، والله لكن جرستنا جرسة
حسن سادة
26-09-2007, 10:56 PM
بالنسبه للتركين ..لو فطرة بيه غايتو ...المحس ..والحلفاويين
عندهم مناعه طبيعيه .


ويلٌ لكل همزة لمزة
واللهم إني صائم
بدر الدين محمد
27-09-2007, 03:21 AM
ويلٌ لكل همزة لمزة
واللهم إني صائم
ظللنا نبحث عن حسن سادة
افتش ليه في التاريخ وأسأل عنه الاجداد
واسأل عنه المستقبل اللسع سنينه بعاد

افتش ليه في اللوحات وفي البوست الوقف ما زاد

يعني لما تجينا الزيارة تكون تلغرافية ..
عبدالمنعم الصديق(خدرا)
27-09-2007, 01:33 PM
لا زلنا في الخرطوم . . المايقوما نعض بالنواجز والنوايب على العادات السمحة في رمضان وأولها الفطور في الشارع ...
من بدري اشترينا الفرشات وقبل الفطور بي نص ساعة الشباب يقشوا ويفرشوا .. ثم تأتي الصواني من هنا وهناك .. الدناقلة والمحس والشايقية يجيبو القراصة شي بالدمعة وشي بالتقلية ونحنا ناس الجزيرة بنجيب اللقمة البوخها يلوي بالتقلية وبالويكة والبامية المفروكة والنعيمية ..
ومرة مرة تلقى صحن الفول والطعمية
والقواسم المشتركة صلطة الروب والبليلة العدسية والكبكبيه
اما المشروبات الحلو مر سيد الجميع بلا منازع والآبريه الابيض وبقوا يلونونه اصفر احمر خضر (زي شفق المغارب) ايضا الكركرديه والقونقوليس والعرديب ثم القمردين والعصاير المستوردة

ثم وبعد الصلاة تدار القهوة والونسة حتى صلاة التراويح ...

انتو فطرتو بي شنو وكيف ولييه؟؟؟ ... ثقفونا !!!
والله يابدرالدين بختكم
نحنا خايفين نطلع باكلنا الشارع
تقوم البريقا تشيلنا نحنا وموياتنا
مع حبى لك
وتقبل الله منا ومنكم
وكل عام وانت والجميع بالف خير
عبدالمنعم الصديق(خدرا)
27-09-2007, 01:39 PM
http://www.moq3.com/img/uploads/b5l04989.jpg (http://www.moq3.com/img/)
دقيقه ياجماعه اغسل يديى واجى
بدون عزومه انا معاكم معاكم
بدر الدين محمد
28-09-2007, 10:16 AM
دقيقه ياجماعه اغسل يديى واجى
بدون عزومه انا معاكم معاكم

اتفضل يا زول .. الف مرحب بيك ..منتظرينك
okasha
28-09-2007, 09:38 PM
عمنا بدر الدين مازلت صامد لكن اغرب حاجة مدنية الما قدرت علينا

عليك الله نحنا ما ابطال

انت عارف الايامات الفاتت دى بجى اعين لى صينيتكم وبمشى
okasha
28-09-2007, 09:44 PM
يا أوكاشا
أنا كمان عازمك فطور معاي وكل أصحابك وضروري تصلني
العنوان
موبايل 0924445070
جبره
جوار ديوان الزكاة
عمر مصطفي محمد

التحية و الشكر للأخ بدر الين لهذا البوست الجميل وجعله الله في ميزان حسناته وله خالص شكري وتقديري ومتعه الله بالصحة والعافية




ما عندك مشكلة استاذ عمر وانشاء الله قبل ما ارجع مدنى حا اصلك


وانتظرنى


اهم حاجة الكركدى يكو ن بارد
بدر الدين محمد
29-09-2007, 12:00 AM
عمنا بدر الدين مازلت صامد لكن اغرب حاجة مدنية الما قدرت علينا

عليك الله نحنا ما ابطال

انت عارف الايامات الفاتت دى بجى اعين لى صينيتكم وبمشى

طيب خليك صامد معاى .. والصينية منتظرة تكرار الزيارة ..
AbuMustafa
29-09-2007, 12:03 AM
ما عندك مشكلة استاذ عمر وانشاء الله قبل ما ارجع مدنى حا اصلك


وانتظرنى


اهم حاجة الكركدى يكو ن بارد


يازول حبابك عشره بلا كشره
بدر الدين محمد
29-09-2007, 12:24 AM
يازول حبابك عشره بلا كشره

شنو يا جماعة نحنا هنا
AbuMustafa
30-09-2007, 12:55 AM
شنو يا جماعة نحنا هنا

الأخ بدر الدين إنت الخير والبركة والله ، ولك الآجر مرتين وقد شرفنا الأخ عكاشة بمنزلنا بجبره لكن للأسف لم نطلع للشارع لطبيعة سكان المنطقة كل زول لابت في شقته حركات بنادر ... لكن بحمد الله جلسنا جلسه ظريفه جداً وقد حل علينا ضيفاً كريماً و أصيلاً وهو نموزج لشباب ودمدني المثقف لقد سعدنا حقيقة بوجوده بيننا و أتنباء له بمستقبل زأهر إنشاء الله ربنا يوفقه في حله وترحاله ونفعنا الله بعلمه .
طبعاً الأخ عكاشه نصر الدين طالب بجامعة الخرطوم مدرسة العلوم الرياضيه
okasha
30-09-2007, 02:34 AM
طيب خليك صامد معاى .. والصينية منتظرة تكرار الزيارة ..

من ناحية الصمود خلاص اتفقنا


اما تكرار الزيارة صعبة شدييييييييييييييييييييد وكان بودى تتكرر لكن هنالك منهو اقوى منى ومنك الا وهو نداء مدنى


(خلاص حزمنا الامتعة ويا مدنى جاك زول)
عماد عبدالشكور
30-09-2007, 02:38 AM
استاذنا بدر الدين
انا الليلة عاملين لي قراصة حااااااااااااااااارة بي مش . اها رأيك شنو ؟ تجينا ؟
okasha
30-09-2007, 02:50 AM
الأخ بدر الدين إنت الخير والبركة والله ، ولك الآجر مرتين وقد شرفنا الأخ عكاشة بمنزلنا بجبره لكن للأسف لم نطلع للشارع لطبيعة سكان المنطقة كل زول لابت في شقته حركات بنادر ... لكن بحمد الله جلسنا جلسه ظريفه جداً وقد حل علينا ضيفاً كريماً و أصيلاً وهو نموزج لشباب ودمدني المثقف لقد سعدنا حقيقة بوجوده بيننا و أتنباء له بمستقبل زأهر إنشاء الله ربنا يوفقه في حله وترحاله ونفعنا الله بعلمه .
طبعاً الأخ عكاشه نصر الدين طالب بجامعة الخرطوم مدرسة العلوم الرياضيه


لك منى فائق الاحترام والتقدير وحقيقة هذا اطراء افتخر به وشهادة اعتز بها واقدرها



طبعا امس حصلت الكورة فى الشرقىوكانت وانتهت الواحدة صباحا وكانت للوداع


ودمت زخرا لهذا المنتدى بابداعتك وتواصلك

وكل سنة وانت طيب
okasha
30-09-2007, 03:00 AM
استاذنا بدر الدين
انا الليلة عاملين لي قراصة حااااااااااااااااارة بي مش . اها رأيك شنو ؟ تجينا ؟

عمنا بدرالدين بعرفو كويس عشان كدا لودايرو يجييييييك خلى القراصة بالدمعة
بدر الدين محمد
30-09-2007, 03:36 AM
(خلاص حزمنا الامتعة ويا مدنى جاك زول)

في رعاية الله .. سلم على محمد خضر (جلدة - الدندون)


استاذنا بدر الدين
انا الليلة عاملين لي قراصة حااااااااااااااااارة بي مش . اها رأيك شنو ؟ تجينا ؟

والله يا عماد انا فاهم انك في السعودية .... عموما ادينا رقم تلفونك ونتفاهم
عماد عبدالشكور
30-09-2007, 04:05 AM
في رعاية الله .. سلم على محمد خضر (جلدة - الدندون)
والله يا عماد انا فاهم انك في السعودية .... عموما ادينا رقم تلفونك ونتفاهم

دا رقم تلفوني 00966551537436
عمر معتصم
01-10-2007, 12:27 AM
استاذنا / بدر الدين السلام عليكم ورمضان كريم وربنا يعيده علي الامه الاسلاميه بالخير واليمن والبركات وتصومو وتفطروا علي خير
اولا احب ان اشكرك علي هذا الموضوع الجميل
والله معظم السودانين لهم عاده في رمضان وانا اظن انها لا تووجد او انها نادره وهي الافطار في الشارع في مجموعات زكما قلت الموائد فيها مختلف الاكل ويتسيده الابري واللقمه والخ....
ونحن نفخر بالعادات السودانيه التي انما تدل علي طيبه وكرم هذا الشعب الجميل وشكرا لك علي هذا الموضوع مره ثانيه
بدر الدين محمد
01-10-2007, 01:44 AM
استاذنا / بدر الدين السلام عليكم ورمضان كريم وربنا يعيده علي الامه الاسلاميه بالخير واليمن والبركات وتصومو وتفطروا علي خير
اولا احب ان اشكرك علي هذا الموضوع الجميل
والله معظم السودانين لهم عاده في رمضان وانا اظن انها لا تووجد او انها نادره وهي الافطار في الشارع في مجموعات زكما قلت الموائد فيها مختلف الاكل ويتسيده الابري واللقمه والخ....
ونحن نفخر بالعادات السودانيه التي انما تدل علي طيبه وكرم هذا الشعب الجميل وشكرا لك علي هذا الموضوع مره ثانيه

ونحن نفخر بالعادات السودانيه ونفخر بمرورك علينا .. الف شكر
بدر الدين محمد
02-10-2007, 01:01 AM
اها يا جماعة الخير .. رمضان بقى في نهاياتو والزمن ضايق .. عزايم كتيرة وايام قليلة .. الاسواق بقت زحمة خاصة في الفترات المسائية ....
مشاهداتكم شنو
portbail
02-10-2007, 04:34 AM
اها يا جماعة الخير .. رمضان بقى في نهاياتو والزمن ضايق .. عزايم كتيرة وايام قليلة .. الاسواق بقت زحمة خاصة في الفترات المسائية ....
مشاهداتكم شنو


طيب يا عمنا بدر الدين رمضان كريم طيب مدام مصر نوريك الحاصل شنوا طبعاً الفطور كارب يلا أتفضل <a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020114.gif" border=0 ></a>...
http://www.moq3.com/img/uploads/ZSw31688.jpg (http://www.moq3.com/img/)
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
يلا يازول ما تختشي
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
البيت بيتكم يلا يازول
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
http://www.moq3.com/img/uploads/AdY31887.jpg (http://www.moq3.com/img/)

اهه رأيك شنوا ، الزيتون داء ما بتأكل في رمضان يالا يا ود يا مصطفي جيب لينا زياده <a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020074.gif" border=0 ></a>
عمر معتصم
02-10-2007, 10:01 AM
الاخ بورتبيل شكرا ليك علي المشاركه كاننا فطرنا معاك لكن وين القهوة والشاي
بدر الدين محمد
04-10-2007, 12:11 PM
طيب يا عمنا بدر الدين رمضان كريم طيب مدام مصر نوريك الحاصل شنوا طبعاً الفطور كارب يلا أتفضل <a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020114.gif" border=0 ></a>...
http://www.moq3.com/img/uploads/ZSw31688.jpg (http://www.moq3.com/img/)
.target="_blank"><img src="http://content.sweetim.com/sim/cpie/emoticons/00020074.gif" border=0 ></a>
مرحب قريبنا بورتبيل العائد ... صينيتكم مركبة وكدى جوعتونا
بدر الدين محمد
07-10-2007, 10:35 PM
الاخ بورتبيل شكرا ليك علي المشاركه كاننا فطرنا معاك لكن وين القهوة والشاي
اما القهوة البقلو بنها في القلاية والبدقو بنها في الفندق وويختوها في الشرقرق والجبنه ام وقاية ... فارقة اكيد مع المغتربين
بدر الدين محمد
09-10-2007, 03:47 AM
http://www.sudanartistunion.com/vb/uploaded/172/129498610_1171c485c9.jpg

لا اوحش الله عنك يا شهر رمضان