المساعد الشخصي الرقمي

مشاهدة النسخة كاملة : براءة طفل أدخلتني في دوامة


باسطه
16-09-2007, 10:41 AM
ما أسهله من سؤال وما أصعبها من إجابة

جرس المنبه يرن الساعة تشير إلى التاسعة والنصف صباحاً حان وقت الدوام الرمضاني أقتلع أعضائي اقتلاعاً لتفارق الفراش وبشيء من النشاط المفتعل مع كئابة تسيطر على الأوضاع بتذكر المكتب والأوراق والملفات والمكالمات الهاتفية والبرنامج اليومي المعهود الممل تحاملت على نفسي وخرجت وبعد انقضاء نهار مجهد من العمل تشير الساعة إلى الثالثة والنصف حان وقت العودة فتحت باب المنزل وهنالك كان الاستقبال حافل من قبل الأطفال ( خالو محمد جاء خالو محمد جاء ) ثلاث أطفال في الحسبان أنا خالهم كانت الهتافات من قبل الطفلين واكتفى أصغرهم ( إياد ) أن يراقب بصمت تبادلت القبل معهم ومازال إياد يراقبني ولم ينطق بكلمة , دخلت إلى الغرفة واستلقيت في أقرب كرسي ومع قليل من الآآآآهااات والأفأفات تبعني إياد ومازال ينظر إلي وفي عينيه سؤال وبعد وهلة قال لي خالو محمد مشيت وين؟ الإجابة مشيت الشغل يا حبيبي إقترب مني أكثر وجاء السؤال الذي لم يكن بالحسبان سؤال ينم عن مدى براءة الأطفال وطفوفية أفكارهم قال لي : طيب إنته كل يوم بتمشي الشغل ليه؟ ما تقعد تلعب معانا!!! آآآآه ما أسهله من سؤال وماأروعه من طلب وماأصعبها من إجابة.!
بماذا سأرد عليه ! ياترى إن شكوت له حال الدنيا سيعي ماأقول ؟ ياترى إن طرحت عليه مشاريعي وأهدافي التي أسعى لتحقيقها سيجد إجابة لسؤاله !
إن قلت له أني أسعى ليكون لي طفل مثلك عندما أعود للمنزل يهتف ويقول بابا جاء بابا جاء ( قولوا آآآمين مني جاي ولناس هشام دووووم ولناس دعوووب والجماعة الطيبين الباقين هههههههههههه).
سؤاله أثار مواجع وقلب صفحات من الهموم التي كنت أطبطب عليها في كل صباح بقولي صبراً فلك يوم.
غرقت أفكاري في دوامة من التساؤلات والأحلام الوردية لم أفق منها إلا على صوت الطفل وهو يناديني ( ياخالو الفطور جاء)
حقاً إن الطفولة إحساس جميل , كم تمنيت في حينها أن أكون بعمر إياد حتى ينحصر تفكيري في حفظ أوقات المسلسلات الكرتونية وأوقات المرح.

بالله عليكم ماذا لو وجه هذا السؤال لأحدكم هل ستتعامل مع الإجابة بجدية لربما لاتتقبلها عقلية ذلك الطفل أم بأسلوب فكاهي وقد لاتكون الاجابة مقنعة ترضي رغباته الطفولية , والعديد العديد من المواقف الطفولية الرائعة التي أتمنى أن نتشاركوني بها حتى نعيش لحظات بريئة من خلال هذا البوست .
وياريت من أصحاب الخبرات في التعامل مع الأطفال أن يسعفوني بإجابة عشان ماأتخته في وضع ذي ده تاني.

وتقبلوا فائق إحترامي,,
سواااح
16-09-2007, 02:04 PM
غرقت أفكاري في دوامة من التساؤلات والأحلام الوردية لم أفق منها إلا على صوت الطفل وهو يناديني ( ياخالو الفطور جاء)
حقاً إن الطفولة إحساس جميل , كم تمنيت في حينها أن أكون بعمر إياد حتى ينحصر تفكيري في حفظ أوقات المسلسلات الكرتونية وأوقات المرح.


الطفولة فترة لو استطعنا

ان ندفع مقابل عودتها

ذهبا لفعلنا دون تردد ..

دمـــــــــــــــــت ،،
باسطه
16-09-2007, 02:47 PM
الأستاذ سواااح
تحية طيبة
فعلاً الطفولة عالم جميل من الأحاسيس
ليت الزمان يعود
وتسلم على مرورك الكريم
امنية بكري
16-09-2007, 02:57 PM
ابن عمي العزيز باسطه

الطفوله ايام لاتنسى ولقد عشنا طفولتنا ولربما كنا نسال اكثر من ذلك


فالاطفال يفكرون ولهم هموم ايضا ولكن كل منا تكون همومه واهتماماته


بقدر سنه انت تريد بناء اسره وانا همي ان اربي بناتي


وابوك همه ان تكملوا تعليمكم وحياتكم العمليه فكلا بما يشغله مشغول


والف شكر وتحيه ليك
باسطه
16-09-2007, 03:11 PM
الأخت أمنية لك الشكر على المرور اللطيف

كم جميل أن يكون لنا أحلام نسعى لتحقيقها كلٌ بما تهوى نفسه وكم هو قاسي ذلك الحلم
فأمنياتي لك وللجميع بالتوفيق
moh_alnour
16-09-2007, 03:16 PM
ربي ما تحرم بيت من الاطفال

تخريمة : يعني ابو الهش بقى علم على رأسه نأر كل الناس بتضرب بيهو المثل في العزوبية ، ولا يا أبو الهش مصيبتك مصيبة ( على نفسها جنت براقش ) حسي لو كنت بتلعب نضيف وبتشوت بتركيز ما كان حصل الحصل ، علمت الناس كلها الشوفت الضفر وخاصة جاري ود الليبي والله الكورة بقينا نجيبا من حي الهوارة .
عثمان جلالة
16-09-2007, 11:06 PM
أيها الرائع باسطة ... سرد واقعي بأسلوب أكثر من رائع ... وخيال خصب .. وتصوير بليغ .. لك التحية .. ولأطفالنا ... دنيا من أمنيات ومنى ...

تعرف لو كان السؤال لي أنا بجاوبه .... عشان اللعب يكون يومي وفي كل وقت عملنا جدول ... انتو تلعبوا بالصباح ... ونحن نجي نلعب بالليل ... والداير يلعب منكم معانا يجي يلعب :d
مدنيّة
16-09-2007, 11:22 PM
تعرف ياباسطة اطفال الزمن دا حاجة مبالغة

هسي انت لما كنت طفل اسئلتك كلها كانت اسئلة اسمح لي اني اقول عليها (اسئلة غبية ) انا وانت وكل اطفال زمان ( زمان يعني دي قبل 15 سنة بس ;))

بس الان اسئلتهم بالجد بتحير وبتدخل الواحد في دوامة
موني بتي الكبيرة وهي بتشاهد في مسلسلات قنوات الاطفال بتسالني يا ماما هم عايزين يعملوا شنو ؟
يعني انا الا ابقي ليها مؤلف عشان ارد علي اسئلتها دي:(

وعلي فكرة ياباسطة احلي حاجة في الدنيا دي هي الاطفال ربنا يتم ليك مرادك ويبعدك من ناس هشااام دوووم :cool: ويرزقك بالذرية الصالحة يارب


وربي ما تحرم بيت من الاطفال
باسطه
17-09-2007, 01:34 AM
ربي ما تحرم بيت من الاطفال

تخريمة : يعني ابو الهش بقى علم على رأسه نأر كل الناس بتضرب بيهو المثل في العزوبية ، ولا يا أبو الهش مصيبتك مصيبة ( على نفسها جنت براقش ) حسي لو كنت بتلعب نضيف وبتشوت بتركيز ما كان حصل الحصل ، علمت الناس كلها الشوفت الضفر وخاصة جاري ود الليبي والله الكورة بقينا نجيبا من حي الهوارة .

والله حبيبنا هشو براهو العامله في روحوا كل مايدخل ليهو بوست يقعد يولول البوره البوره هههههههههه الظاهر الزمن إنقلب البوره قلبت على الرجال وكان ماجاب سيرت العرس مابتفوتو سيرت الشواكيش ههههههههههههه الله يحضرنا عرسك ياهشوووو عشان تشوف ليك شيتن تاني تهلوس بيهو قول آآآآمين
وكان على ود الليبي بشوت ضفاري بكرعينو الاتنين ههههههههههههه وكان بقت على الهواره يادابك إنته قريب الله يستر من الجاي الناس كانت حفيانه وهسي لبست الكدارات
باسطه
17-09-2007, 01:36 AM
تعرف ياباسطة اطفال الزمن دا حاجة مبالغة

هسي انت لما كنت طفل اسئلتك كلها كانت اسئلة اسمح لي اني اقول عليها (اسئلة غبية ) انا وانت وكل اطفال زمان ( زمان يعني دي قبل 15 سنة بس ;))

بس الان اسئلتهم بالجد بتحير وبتدخل الواحد في دوامة
موني بتي الكبيرة وهي بتشاهد في مسلسلات قنوات الاطفال بتسالني يا ماما هم عايزين يعملوا شنو ؟
يعني انا الا ابقي ليها مؤلف عشان ارد علي اسئلتها دي:(

وعلي فكرة ياباسطة احلي حاجة في الدنيا دي هي الاطفال ربنا يتم ليك مرادك ويبعدك من ناس هشااام دوووم :cool: ويرزقك بالذرية الصالحة يارب


وربي ما تحرم بيت من الاطفال

هههههههههههههههههههههههههههههههههههههههههههههههه

والله يامدنية يا أختي عجبني أسلوب الجمع بتاع أنا وإنت وكل أطفال زمان ( هسي بيني وبينك كده قبل خمستااااشر سنة حاسبه روحك معانا هههههههههه

وناس هشااااااام دوووم ديل موضوعهم منتهي من الليلة الواحد يعمل شخيت ويقيف بعيد عشان مايهدو فينا ههههههههههههههههه
مدنيّة
17-09-2007, 01:45 AM
( هسي بيني وبينك كده قبل خمستااااشر سنة حاسبه روحك معانا هههههههههه

[/SIZE][/COLOR]



اي حاسباها

:mad::mad::mad::mad::mad:
Madanawi
17-09-2007, 03:02 AM
التحية لك يا باسطة وللصغير أياد ولكل الأطفال

كثيرا ما يفاجئك طفل ما بسؤال قد لا نتوقعه منه

أو نحسب ان السؤال لا يتناسب مع مقدراته الفكرية

الا ان واقع الحال يقول ان للاطفال مهارات ادراكية واسعة

ومقدرات خيالية لربط الاحداث بالحديث لتتبلور هكذا اسئلة

يجب ان لا نستصغر صغير هو كبير وقادر على اثبات ذلك،،،
رضا حسن محمد
17-09-2007, 03:10 AM
[QUOTE=مدنيّة;236506]تعرف ياباسطة اطفال الزمن دا حاجة مبالغة

هسي انت لما كنت طفل اسئلتك كلها كانت اسئلة اسمح لي اني اقول عليها (اسئلة غبية ) انا وانت وكل اطفال زمان ( زمان يعني دي قبل 15 سنة بس ;))

بس الان اسئلتهم بالجد بتحير وبتدخل الواحد في دوامة
موني بتي الكبيرة وهي بتشاهد في مسلسلات قنوات الاطفال بتسالني يا ماما هم عايزين يعملوا شنو ؟
يعني انا الا ابقي ليها مؤلف عشان ارد علي اسئلتها دي:(

وعلي فكرة ياباسطة احلي حاجة في الدنيا دي هي الاطفال ربنا يتم ليك مرادك ويبعدك من ناس هشااام دوووم :cool: ويرزقك بالذرية الصالحة يارب


وربي ما تحرم بيت من الاطفال[/QUOTE

يا حليل قبل 15 سنة لمن كنا فى اولة ابتدائى
مرتضى يوسف العركي
17-09-2007, 04:07 AM
يا سلام......... يا باسطة
على هذه الاتكاءة
استراحة من زحمة الاشياء
بصفاء طفولي عجيب
ليتنا وليتنا اقل مما نحمل ..............حتى لاندهش في اكثر مما نحمل
لك الود
بابكر
17-09-2007, 10:06 AM
الابن الرائع {خالو محمد } اهنئك تهنئة حارة فأنت تمتلك قلما رائعا, سلسا,, جذابا . نصيحتى لك ...ان تواصل الكتابة ,,, فأنت تمتلك ناصيتها

اتمنى لك التوفيق
باسطه
17-09-2007, 02:42 PM
أيها الرائع باسطة ... سرد واقعي بأسلوب أكثر من رائع ... وخيال خصب .. وتصوير بليغ .. لك التحية .. ولأطفالنا ... دنيا من أمنيات ومنى ...

تعرف لو كان السؤال لي أنا بجاوبه .... عشان اللعب يكون يومي وفي كل وقت عملنا جدول ... انتو تلعبوا بالصباح ... ونحن نجي نلعب بالليل ... والداير يلعب منكم معانا يجي يلعب :d


تسلم أخي العزيز عثمان جلالة
فبطلتكم تكمن الروعة ويكمتل الجمال

لكن ماتقول لي على الإجابة بتعرف تخت الكورة في الواطه مازي ناس كده بودوها للهوارة ;););)
والله يخلي ليك مشمش
:D:D:D
moh_alnour
17-09-2007, 02:48 PM
لكن ماتقول لي على الإجابة بتعرف تخت الكورة في الواطه مازي ناس كده بودوها للهوارة ;););)

:D:D:D


قصدك منو يا باسطة والله نحن مرات فهمنا تقيل
باسطه
17-09-2007, 02:50 PM
اي حاسباها

:mad::mad::mad::mad::mad:




هههههههههههههههههههههههههه
براحه مايطق ليك عرق أهم شئ الناس تخلي روحه رياضية
ولايهمك ياستي معانا معانا ( أنا غايتو بعمل رايح ;);) )
باسطه
17-09-2007, 02:57 PM
قصدك منو يا باسطة والله نحن مرات فهمنا تقيل

ههههههههههههههههههههههههه
أوووووه حبيبنا الله يسعلك هسع كان نزلته لتحت شوية مابتلقى روحك براك القلته الكلام ده الجماعة جيرانك البشوتو ضفاري .
ياأخوي خت الرحمن في قلبك الموضوع مادير ليهو فهم الظاهر إنته الليلة كترته من العصيده ;);)
حافظ الليبى
17-09-2007, 02:58 PM
ما كنت أحسب أن للخواطر قدمين تمشي بهما
وعينين ترى بهما :: وأذنين تسمع بها
حتى رأيت نثرك
فما أخطأت بك عين ولا خابت أذن ولا كذبت قراءة.
فأنت مبدع في انتقاء الحروف
ومبدع في مشاعرك تجاه الطفولة
وبانتظار ابداعك المقبله،،

لكي مني خالص الاحترام والتقدير :p
باسطه
17-09-2007, 03:01 PM
[QUOTE=مدنيّة;236506]تعرف ياباسطة اطفال الزمن دا حاجة مبالغة

هسي انت لما كنت طفل اسئلتك كلها كانت اسئلة اسمح لي اني اقول عليها (اسئلة غبية ) انا وانت وكل اطفال زمان ( زمان يعني دي قبل 15 سنة بس ;))

بس الان اسئلتهم بالجد بتحير وبتدخل الواحد في دوامة
موني بتي الكبيرة وهي بتشاهد في مسلسلات قنوات الاطفال بتسالني يا ماما هم عايزين يعملوا شنو ؟
يعني انا الا ابقي ليها مؤلف عشان ارد علي اسئلتها دي:(

وعلي فكرة ياباسطة احلي حاجة في الدنيا دي هي الاطفال ربنا يتم ليك مرادك ويبعدك من ناس هشااام دوووم :cool: ويرزقك بالذرية الصالحة يارب


وربي ما تحرم بيت من الاطفال[/QUOTE

يا حليل قبل 15 سنة لمن كنا فى اولة ابتدائى


ههههههههههههههههههههههههههههههه

والله لكن جنس سلبطه
أهاااا يامدنية هسع في داعي تفتحي لينا باب زي ده
الله يستر مايجينا زول يقول كان في الروضه:D:D:D
بعد ده بنطالب بإرفاق شهادة الميلاد مع التعليق ههههههه
حافظ الليبى
17-09-2007, 03:04 PM
ههههههههههههههههههههههههه
أوووووه حبيبنا الله يسعلك هسع كان نزلته لتحت شوية مابتلقى روحك براك القلته الكلام ده الجماعة جيرانك البشوتو ضفاري .
ياأخوي خت الرحمن في قلبك الموضوع مادير ليهو فهم الظاهر إنته الليلة كترته من العصيده ;);)
انا البعمل رايح؟؟؟؟؟؟؟؟؟؟؟؟
http://www.rayig.com/ch/pic7/0101.jpg
هشام السماني إبراهيم
17-09-2007, 03:10 PM
:mad:
وعلي فكرة ياباسطة احلي حاجة في الدنيا دي هي الاطفال ربنا يتم ليك مرادك ويبعدك من ناس هشااام دوووم ويرزقك بالذرية الصالحة يارب

:mad:


يعني انحنا في رمضان بدل تدعو لي بلتوفيق والخير تقولو كدا والله دي ما كانت محرية منكم والبركة في الشوات (( هو عارف نفسو )) :mad:
باسطه
17-09-2007, 03:12 PM
يا سلام......... يا باسطة
على هذه الاتكاءة
استراحة من زحمة الاشياء
بصفاء طفولي عجيب
ليتنا وليتنا اقل مما نحمل ..............حتى لاندهش في اكثر مما نحمل
لك الود


لك كل الود أستاذي مرتضى

فما أروع الحياة عندما تبتسم وما أروع تلك الإبتسامة حينما تتمثل في براءة طفل

الأطفال وريد كل بيت فليحفظ الله أطفالنا
حافظ الليبى
17-09-2007, 03:15 PM
:mad::mad:





يعني انحنا في رمضان بدل تدعو لي بلتوفيق والخير تقولو كدا والله دي ما كانت محرية منكم والبركة في الشوات (( هو عارف نفسو )) :mad:

هههههههههههههههههههههههههههههههه؟؟؟؟؟
تماااااااااااااااااااااااااااااااااااااااااااااااا ااااااام :cool::cool::cool:
باسطه
17-09-2007, 03:24 PM
الابن الرائع {خالو محمد } اهنئك تهنئة حارة فأنت تمتلك قلما رائعا, سلسا,, جذابا . نصيحتى لك ...ان تواصل الكتابة ,,, فأنت تمتلك ناصيتها

اتمنى لك التوفيق


ليست سوى نقاط حبر حاولت أن ترقى إلى مقامكم فأنتم الخير والبركة فلعل إضافتنا المتواضعة أن تحوز على رضاكم فلك كل الود والتقدير على هذا المرور اللطيف
مجاهد
17-09-2007, 03:32 PM
عزيزي باسطة .. ( يا سنير) تحية واحترام ..
- ما عندك عوجة تب يا ولدنا ... انت مؤلف من الدرجة الاولى .. والاعجب .. انك مبرمج .. لكن اقول ليك حاجة .. حكاية الاطفال دي بتخلي الواحد
يتكلم موية دهب زيك .. رجعتنا لي ايام زمااااان والطفولة البريئة .. وايام ما بترجع تاني ابدا ..
قلبت المواجع .. وزدت الاهات وعاودنا الحنين .. آآآآآآخ .. ما اصعب الدوامات العايشين فيها .. شيئ لا بد منه ... على العموم ما في داعي للبكاء .. مشكور جدا على البوست الرائع دا ..
باسطه
17-09-2007, 03:37 PM
:mad::mad:


يعني انحنا في رمضان بدل تدعو لي بلتوفيق والخير تقولو كدا والله دي ما كانت محرية منكم والبركة في الشوات (( هو عارف نفسو )) :mad:

حبيب قلبي هشو الله يعلم إني أول زول دعيت ليك شوف نهاية موضوعي
ربي يعلم إن حاسبيك ( الجمرة بتحرق واطيها ) عشان كده زول غيري بحس بيك ماف بعدين ناس مدنية ديل مابقو مامات عشان كده مابسعلو فيك
وعلى العموم عشان ماتزعل علينا
الله يعرس ليك ويديك أحمد ومحمد ونونو وتتو ووووووو ويمله ليك البيت أطفال آآآآآآآآمين
أهاااا كده كيف;);):rolleyes:
باسطه
17-09-2007, 03:48 PM
ما كنت أحسب أن للخواطر قدمين تمشي بهما
وعينين ترى بهما :: وأذنين تسمع بها
حتى رأيت نثرك
فما أخطأت بك عين ولا خابت أذن ولا كذبت قراءة.
فأنت مبدع في انتقاء الحروف
ومبدع في مشاعرك تجاه الطفولة
وبانتظار ابداعك المقبله،،

لكي مني خالص الاحترام والتقدير :p


الرائع حافظ الليبي

عجزت أصابعي عن كتابة كلمة شكر فأنت أسمى مما يدور في وجداني وأرفع من كلمات تحلق في مخيلتي
فلك كل الود والإحترام على طلتك البهية
باسطه
17-09-2007, 03:59 PM
انا البعمل رايح؟؟؟؟؟؟؟؟؟؟؟؟
http://www.rayig.com/ch/pic7/0101.jpg


لا لا لا لا لا لا لا لا لا لا لا
ماتفهمني غلط ده ماكلامي أنا ده كلام صاحبك قال إنك قطعته نفسو بالجري والشليت ;) صحي الكلام ده
هههههههههههههههههه
باسطه
17-09-2007, 04:16 PM
عزيزي باسطة .. ( يا سنير) تحية واحترام ..
- ما عندك عوجة تب يا ولدنا ... انت مؤلف من الدرجة الاولى .. والاعجب .. انك مبرمج .. لكن اقول ليك حاجة .. حكاية الاطفال دي بتخلي الواحد
يتكلم موية دهب زيك .. رجعتنا لي ايام زمااااان والطفولة البريئة .. وايام ما بترجع تاني ابدا ..
قلبت المواجع .. وزدت الاهات وعاودنا الحنين .. آآآآآآخ .. ما اصعب الدوامات العايشين فيها .. شيئ لا بد منه ... على العموم ما في داعي للبكاء .. مشكور جدا على البوست الرائع دا ..


العزيز مجاهد ليك وحشه والله ولجامعة الجزيرة ولكل الأحباب في ذلك الصرح العظيم
بعدين بالنسبة للكتابه موضوع البرمجه ده والعصر الحاصل ياهو البخلي الزول يتكئ على مرافئ الصفاء التي تكمن في كل المشاعر الرقيقة المتجسدة في عيون البراءة التي يمتلكها هؤلاء الأطفال.
وتسلم ياأخي على المرور اللطيف وإلى لقاء في القريب العاجل
باسطه
17-09-2007, 11:52 PM
شوفوا الأمورة دي
ماأروع الإحساس وأنت تنظر إلى هذه الصورة أحس بروعة الكون وجماله في العيون البريئة دي
مدنيّة
17-09-2007, 11:57 PM
والله يا باسطة مافي اجمل من الاطفال في الدنيا دي

ربنا يوعدك في القريب العاجل

والبوست بتاعك جميل وعايز ليه جية بمزاااج عشان تشوف اطفال الزمن دا بيعلموا شنو وما تقارنهم بينا ( بالمناسبة 15 سنة دي انا زودتها بس عشان ادخلك معانا :D )
باسطه
18-09-2007, 01:03 AM
التحية لك يا باسطة وللصغير أياد ولكل الأطفال

كثيرا ما يفاجئك طفل ما بسؤال قد لا نتوقعه منه

أو نحسب ان السؤال لا يتناسب مع مقدراته الفكرية

الا ان واقع الحال يقول ان للاطفال مهارات ادراكية واسعة

ومقدرات خيالية لربط الاحداث بالحديث لتتبلور هكذا اسئلة

يجب ان لا نستصغر صغير هو كبير وقادر على اثبات ذلك،،،


الرائع بروعة أم المدائن
لك كل الود والتقدير على هذه الإطلالة اللطيفة

فعلاً إن أطفال هذا الجيل يمتلكون بداهة فكرية عالية تجعلنا في موضع تعجب وكما قلت هنالك أسئلة نستغرب من كون أن عقلية هذا الطفل الصغير تدرك وتربط الأحداث بهذا الشكل
ولكن السؤال هنا هل هو نبغ فكري مكتسب من جهة معينة ( المنزل – المدرسة – وسائل الإعلام) أم هو توارث فكري من قبل الأبوين أم أن هنالك أسباب أخرى!!!
باسطه
18-09-2007, 01:08 AM
والله يا باسطة مافي اجمل من الاطفال في الدنيا دي

ربنا يوعدك في القريب العاجل

والبوست بتاعك جميل وعايز ليه جية بمزاااج عشان تشوف اطفال الزمن دا بيعلموا شنو وما تقارنهم بينا ( بالمناسبة 15 سنة دي انا زودتها بس عشان ادخلك معانا :D )


آآآآآآآمين يارب ويديك العافية يامدنية

أووووووووووووك ألحقوني تعالو شوفوا مدنية قالت شنوووووووووو
زودت الخمستاااااشر سنة عشان أنا أدخل:eek::eek::eek:
هووووووي يامدنية أنا صعيل وجاهل ههههههههه:D:D:D
طيب ناس هنااااااي وهنااااااي تزيدي ليهم كم عشان يدخلوا معانا
والله في جماعة كده إلا تضربي عمري في إتنين عشان يدخلو في الرينج ده
moh_alnour
18-09-2007, 01:58 PM
:mad::mad:





يعني انحنا في رمضان بدل تدعو لي بلتوفيق والخير تقولو كدا والله دي ما كانت محرية منكم والبركة في الشوات (( هو عارف نفسو )) :mad:


صدقت والله يا هشام ود الليبي دا بقى شوات خلاص ( الحوار الغلب شيخو ) وكمان مرات يصلحها للناس في خط تمنتاشر ويقول ليهم شوتو ، وبالمناسبة دي أنا أديتو ليك كرت أصفر وإنذار شفهي في الماسنجر وتاني كان كررا إلا يشوف ليهو منتدى في خميس مشيط يضفر فيهو .
حافظ الليبى
18-09-2007, 02:32 PM
صدقت والله يا هشام ود الليبي دا بقى شوات خلاص ( الحوار الغلب شيخو ) وكمان مرات يصلحها للناس في خط تمنتاشر ويقول ليهم شوتو ، وبالمناسبة دي أنا أديتو ليك كرت أصفر وإنذار شفهي في الماسنجر وتاني كان كررا إلا يشوف ليهو منتدى في خميس مشيط يضفر فيهو .




لا تحزن إذا جاءك سهم قاتل من أقرب الناس إلى قلبك
:eek::eek::eek::eek::eek:
فسوف تجد من ينزع السهم ويعيد لك الحياه والإبتسامه.
باسطه
18-09-2007, 03:01 PM
صدقت والله يا هشام ود الليبي دا بقى شوات خلاص ( الحوار الغلب شيخو ) وكمان مرات يصلحها للناس في خط تمنتاشر ويقول ليهم شوتو ، وبالمناسبة دي أنا أديتو ليك كرت أصفر وإنذار شفهي في الماسنجر وتاني كان كررا إلا يشوف ليهو منتدى في خميس مشيط يضفر فيهو .


هههههههههههههههههههههههههههههههههه
:D:D:D:D:D:D:D:D
سامع ياود الليبي الكلام ده
أنا ما قلتش حاجه;);)
حافظ الليبى
19-09-2007, 10:15 AM
هههههههههههههههههههههههههههههههههه

:D:D:D:D:D:D:D:D
سامع ياود الليبي الكلام ده

أنا ما قلتش حاجه;);)

والله يا باسطه سامع الكلام وشوف عين عديل ؟؟؟؟؟؟؟؟؟؟؟؟؟
وانا بقول لمحمد في ضحكه جديده نازله السوق وهي
هعهعهعهعهعهعهعهعهعهعهعهعهعهعهعهعهعهعهعهعه
مختار بازى
19-09-2007, 10:23 AM
باســــــــــــطة حفظك الله ورعاك وســــــــير علي

هـــــــذا الدرب فانت مشروع لكاتب رائع..

اخـــــــــــــوك بازي,,
باسطه
19-09-2007, 12:55 PM
باســــــــــــطة حفظك الله ورعاك وســــــــير علي

هـــــــذا الدرب فانت مشروع لكاتب رائع..

اخـــــــــــــوك بازي,,


الأخ العزيز باااازي
تسلم ويديك ألف عافية

بروعتكم وإطلالتكم ودعمكم لنا تكمن الروعة فأنتم قدوتنا وأساتذتنا فلك كل الود أخي على هذا الدعم المعنوي.
وتقبل فائق إحترامي
باسطه
19-09-2007, 12:58 PM
والله يا باسطه سامع الكلام وشوف عين عديل ؟؟؟؟؟؟؟؟؟؟؟؟؟
وانا بقول لمحمد في ضحكه جديده نازله السوق وهي
هعهعهعهعهعهعهعهعهعهعهعهعهعهعهعهعهعهعهعهعه


عليك الله ياود الليبي أديني 2 كيلو من الضحكة دي وصلحه لي والزيادات أهم شئ ومعاك كيس شطه عليك الله
هعهعهعهعهعهعهعهعهعهعهعهعهعهعهعهعهعهعهعهععهعهعهعهعه عهعه
ترنيمه حزن
21-09-2007, 11:45 PM
اكبر كذبه عشناها متى نكبر ...
ترى كذا احلى كذا جمل
كذا لا ضغط لا سكر ......
ياااااااااااااااااحليل ايام زمان ايم لعبتي ولعبتك ايام الواحد ماعندو اي هم غير الضحك واللعب ....
غاااايتو دنيا غريبه كبرنا وكبرت احزانا ....

الله يسهل بس يا باسطه....
باسطه
23-09-2007, 01:12 AM
اكبر كذبه عشناها متى نكبر ...
ترى كذا احلى كذا جمل
كذا لا ضغط لا سكر ......
ياااااااااااااااااحليل ايام زمان ايم لعبتي ولعبتك ايام الواحد ماعندو اي هم غير الضحك واللعب ....
غاااايتو دنيا غريبه كبرنا وكبرت احزانا ....

الله يسهل بس يا باسطه....


ترنيمه حزن في البداية حمد الله على السلامة وعاش من شافك
وين الغيبات الطويلة دي؟
ولك كل التحية والتقدير على مرورك اللطيف

والله صدقت في قولك أكبر كذبة عشناها متى نكبر؟
وين نحن من الضحكه الصادقه البتطلع من الأعماق!! وين نحن من العفوية والشفافية !!البتدي الدنيا لون تاني غير النحن شايفنو ده.
حياتنا بقت كلها ضحكات مصطنعة ونظرات تنم عن قلوب مليئة بالأحقاد والضغينة وكلام لا يكاد يخلو من الهمز واللمز ووووو...... وغيروا من الواقع البنعيشوا المابنعد ولابنحصر
الحياة دي ممكن نقول عليها إنها زي البرميل المليان زفت أسود وفي بداية البرميل طبقة رقيقة من العسل, الطبقة دي تمثل أيام الطفولة والبراءة العشناها وبعد كده الحمد لله .
والله يستر من الجاي
باسطه
23-09-2007, 01:16 AM
عليك الله في أحلى من كده!!!
باسطه
23-09-2007, 01:24 AM
حتى الحزن في عيون الأطفال لطيف
باسطه
26-09-2007, 02:55 AM
شوفوا الشغل ده
هههههههههههه
مدنيّة
26-09-2007, 03:51 AM
انت ياباسطة ياخوي تعال النسالك

مالك واقع لينا في شفع الخواجات ؟؟؟؟ :mad::mad::mad::mad::mad:

اتفالنا مااااااااااااااالهم

شوف لينا حاجة سودانية بالله
باسطه
26-09-2007, 12:00 PM
انت ياباسطة ياخوي تعال النسالك

مالك واقع لينا في شفع الخواجات ؟؟؟؟ :mad::mad::mad::mad::mad:

اتفالنا مااااااااااااااالهم

شوف لينا حاجة سودانية بالله





جداً يامدنية أديني صنه بس الننكت ليك صورة الجكس بتاعي هسي عمرها سنتين تقريباً حالياً بربي فيها لحدي ماتكبر بس خايفكم تسحروها لي:D:D
ههههههههههههههههه
ترنيمه حزن
27-09-2007, 01:40 AM
الله يسلمك يا بااسطه ويجعل ايامك كلها سعاده والله الواحد ممكن يدفع الوراهو والقدامو عشان يرجع بي اصغر شويا وعايش الدنيا بعيد عن المصايب والبلاوي و...........و...........
واسكت سااااااااااااي من الجااااااااااااي حاجه ماماعروفه بس خليها بالنيه ....

العالم ماشي للمخيف والناس بقت مخيفه اكتر ما عايزه اوصفها بالغابه ؟؟؟ لكن بقول الله المستعااااااااااااااااان....