سؤال ولكل رجل بصراااااااااااااااااااحه

[امنية بكري]

دائما وابدا المرأة هي المتهم الوحيد في اهمالها وعدم اعتنائها بنفسها

بعد مضي فتره من الزواج وغالبا ما يسلط الرجال السنتهم على الزوجه المهمله

وبانها السبب الرئسي في بحث الزوج عن امرأة اخرى تهتم بنفسها وبحيويتها مقارنه بها


ولكن الا يوجد رجال ايضا يهملون انفسهم واناقتهم بعد الزواج ؟فلماذا تكون المرأة وحدها هي المتهمة؟

ولذلك اوجه سؤال لكل رجل وبصراحه هل تتجمل لزوجتك ام تهتم بنفسك فقط خارج البيت ؟

[هشام السماني إبراهيم]

ولكن الا يوجد رجال ايضا يهملون انفسهم واناقتهم بعد الزواج ؟فلماذا تكون المرأة وحدها هي المتهمة؟

الاخت امنية


الملام في اهمال الزوج لنفسه هي (( الزوجة )) فهي من عليها الاهتمام به كما تهتم بمنزلة واولاده

[هشام السماني إبراهيم]

ولذلك اوجه سؤال لكل رجل وبصراحه هل تتجمل لزوجتك ام تهتم بنفسك فقط خارج البيت ؟

اختي

ليس الرجل من يتجمل فالتجمل من عادات المراة

ولكن يهتم بلبسة ونظافتة واناقتة ((بهندامه))


لا بد على الزوج الاهتمام بشكلة داخل منزلة كما في الخارج فانا ارى انه شيئ طبيعي لا بد منه سواء للزوجة او لا



سلمت


دمت في رعاية الله وحفظة

[عبدالرحيم سعيد]

اختي امنية مالبسنا البدل الا بعد الزواج ..فتور العواطف تلعب الدور الاكبر اذا كان الزواج من اجلها اما اذا كان زواجا نبيلا لاجل تكثير الامة المحمدية والانجاب والصون اكيد تلازمه الجماليات من الطرفين اقصد الشياكة طبعا وانشاء الله نراك دائما شيك ومواضيعك شيك

[صلاح ودالطاهر]

اختي امنية هذا موضوع في الوتر الحساس ولكن يقال وراء كل رجل عظيم امراه ولك الشكر اختي

[مدنيّة]

ياعزيزتي نحن في مجتمع ذكوري يحلل للرجل ما يحرمه علي المراة
وهي دائما في موضع اتهام


ورحم الله ابن عباس عندما ساله رجل : لماذا تتزين وتخضب لحيتك وتضع الريح الطيب ؟
قال انني اتزين لزوجتي كما احب ان تتزين لي

[الزبير محمد عبدالفضيل]

ورحم الله ابن عباس عندما ساله رجل : لماذا تتزين وتخضب لحيتك وتضع الريح الطيب ؟
قال انني اتزين لزوجتي كما احب ان تتزين لي


فعلا العنايه بالزوج مهمه داخل المنزل وخارجه والاهم بالمنزل

وطبعا النظافه من الايمان

مشكوره علي الطرح

[امنية بكري]

اخي العزيز هشام انا اشكرك على مرورك

ولكن التزين ليس بمفهوم العاميه مكياج وابصر ايه

لا حلاقه لحيتك زينه وتسريح شعرك ايضا زينه

ولماذا هذه من اهتمامات المرأة ايضا

لا تضع اللوم علينا بل اللوم على من يهمل نفسه

وعلى الاقل احنا ما بنفتش راجل تاني لما رجالنا يهملوا روحن والف شكر وتحيه

[امنية بكري]

الاخ الغالي صلاح

تسلم انشالله ومليون تحيه ليك كمان

والف شكر لمرورك

[امنية بكري]

اخي العزيز عبد الرحيم سعيد

شكرا لمرورك وتسلم وبجد اتمنى انو كل الرجال

يحافظوا على اناقتم دائما

[بابكر]

الاخت امنية


الملام في اهمال الزوج لنفسه هي (( الزوجة )) فهي من عليها الاهتمام به كما تهتم بمنزلة واولاده


اذا لم تهتم المرأة بزوجها فأنها فاشله بكل المقاييس!!!! والله انا زوجتى تهتم بى فى كل شئون حياتى كبيرة وصغيره جزاها الله كل خير
الجزاء

[امنية بكري]

الاخت العزيزه مدنية

اكيد احنا محرومين من اي شئ

لانو احنا نسوان لكن امرنا لله

وتسلمي ياغاليه

[امنية بكري]

الاخ العزيز الزبير

تسلم على مرورك ونورتنا كتييييييييييييييير



الف سلام وتحيه ليك

[امنية بكري]

ان تهتم المرأة بزوجها شئ

اخي بابكر
وان يهتم هو بنفسه لاجلها شئ اخر


يعني حرام لو اشترى بجامه جديده بلون هي بتحبو

او استعمل الريحه الهي بتحبها مع انها قد تكون ما عاجباو

والف شكر ليك

والله يخلي ليك المدام ويديم المحبه يارب

وده كلو لسعادتهم يعني اهتمام وعناية متبادلة

[النور محمد يوسف]

ولذلك اوجه سؤال لكل رجل وبصراحه هل تتجمل لزوجتك ام تهتم بنفسك فقط خارج البيت ؟

الأخت أمنية ..... نعرف أن الزيجات الناجحة والتي تعمر طويلا هي التي تكون المرأة فيها مداومة وباستمرار على التجمل واستعمال أفضل وأحدث ما تم ابتكاره في عالم المكياج...نجدها وهي في السبعين من عمرها تتدخن وتتخضب وتلبس أجمل ما لديها من زينة وتهتم بهندام زوجها واسرتها وديكور منزلها وتكريس الرعاية لمقتنياته من ورود أو لوحات أو تحف.....هي الأساس واذا حصل التقصير من جانبها فالكارثة بجلاجل .... وذلك لعظم دورها وأهمية بصماتها على المسارات والدروب التي يسلكها الرجل....مدانة جدا إذا قصرت في هذا الجانب فلا أحد يجيد هذا الدور مثلها......وهذا شرف للنساء لا نستطيع بلوغه رغم محاولاتنا المتكررة .....محاولات فقط ....لم ترق الى مرحلة الالتزام
ولك تحياتي.... النور

[عمر البشير]

ربنا يديم السعادة.
اختي الكريمة المعاملة الزوجية بحر واسع ولا نستطيع ان نحصره في هذا البوست. ولك اتمني ان تكون المداخلات فيها. نصائح وان تعرفونا واجب كل من الزوج تجاه الزوجة وواجب الزوجة تجاه الزوج. لكي تعم الفائدة.
ولانو نحنا ما بنقدر نفيدكم بشي في هذا المجال. لانو نحنا لسا ما ادونا ليهو المقرر ده.

فارجو ان تنورونا اكرمكم الله.
ودمتم.

[امنية بكري]

اخي النور كل ما قلته صحيح


ولكن الا نستحق بعد كل هذا ان نحس بان ازواجنا يهتمون بانفسهم لاجلنا


يعني حلوه الوحده تشوف راجلا السنه كلها بالعراقي ومنكش شعرو

وما بلبس ويتريح ويسرح الا مارق

اكيد لا وبصراحه مافي راجل بيرضى مرتو تقول ليو قوم سرح

ولا غير هدومك لانو ما حيفهما اكيد بالمعنى الهي بتقصدو

والف شكر

[امنية بكري]

اخي العزيز عمر

بنتمنا ليك انك تخش الحياة دي باسرع وقت

وانشالله تستفيد من تجاربنا كلنا

والهدف انو الفائده تعم

[hesho]

"]حقيقة اشكرك على موضوعك افتكر انه ايضا لازم على الرجل التزين لان التزين ليس مايفهمة البعض انه خاص للنساء فقط الله تبارك وتعالى يقول: {ولهن مثل الذي عليهن بالمعروف}(البقرة -228) وكان بعض الصالحين يلبس الثياب النفيسة ويقول: إن لي نساء وجواري فأزين نفسي كي لا ينظرن لغيري وتقبلي مرورى وكل سنه وانتم طيبين [/COLOR]

[امنية بكري]

الاخ العزيز الف شكر ليك وتسلم

[بورتبيل]

الاخت العزيزه مدنية

اكيد احنا محرومين من اي شئ

لانو احنا نسوان لكن امرنا لله

وتسلمي ياغاليه
صدقي دمعتي جرت وحننتيني عديــــــــــل ( مسكينات)

لكن بقول بالجــــد الدين والمجتمع الســوداني المتميز قد كفلا للمــراة من الحقوق ما يميزهـــا حقاً عن الرجال , اما اذا دار الســــؤال عن التـــزين والاهتـــمام كل للاخـــر فاعتقــد ان اي واحد فيهما يهمل هذا الامر يكون قد قصـــر في حق الاخــــــر والحيــــاة الزوجيـــة يجب ان تقوم على اسس ايمانية عميقة ( والنظافة من الايمان). وصلى الله على سيدنا محمد

[مدنيّة]

لكن بقول بالجــــد الدين والمجتمع الســوداني المتميز قد كفلا للمــراة من الحقوق ما يميزهـــا حقاً عن الرجال

الاسلام نعم كفل لها من الحقوق لا شك في ذلك
ولكن المجتمع السوداني ( والشرقي عموما ) لم يكفل لها ادني حق

[امنية بكري]

الف شكر ليك اخوي بورتبيل


وما قصرت معانا جاملتنا تب



للدموع غرقتنا بيها

[امنية بكري]

وانا بضم صوتي لصوتك


مدنية ليس لدينا اي حقوق ونعامل كاننا لسنا من المجتمع

[عماد عبدالشكور]

النظافة والاهتمام بالنفس والتزيين والاهتمام بالطرف الاخر من اهم واجبات الرجل والمرأه

[امنية بكري]

الف شكر لك ايها العضوء الذهبي

ومرورك وسام ذهب اتشرف به

[ود المطامير]

بصفه عامه
النسوان زاتهن ما بيتجملن إلا وهن طالعات مشوار

بصفه خاصه الحمد لله .. الحمد لله ..الحمد لله .

[طلال الصول]

انا معاك يا اخت امنية في القلتيو وبتفق معاك انت ومدنية واحمل على الرجال في كدا الغريبة جزء كبير منهم بيفقد اهتمامه بنفسه وما بيتجمل علشان زوجتو ودا غلط شائع باعتقادات غريبة شوية محتاجين التوعية والتوجيه فعلا ودا بيوقع على المرأه بنفس اليثية بتاعة الرجل
ودمتم في حفظ الله

[امنية بكري]

اخي ود المطامير

احنا عارفين انو في من يسهى عن ذلك ويهمل

ولكن نريد التوعيه والفائده العامه للجميع

[امنية بكري]

اخي العزيز طلال

اشكرك لانك ظممت صوتك لنا

وما قصرت والف شكر

[Jamal Elmahi]

أول ما خلّصته قراية البوست دا قلته يا ولد كدي اسمع كلام أخواتك أمنيه ومدنيّه.... وقلته كدا قومته نفضته الحر والشر وأخدته ليك دش خطير أبو ليفه ودخلته في الجلابيه البيضا مكويه وأتبخبخته بي ديك ياالريحه الماخمج وشنّقته طاقيتي الهدتا لي نسيبتي وجيت مارق الصاله قابلتني المرا ونططت لي عويناتا وقالت لي سجمي بالليل دا ماشي وين ...قلته ليها جاييكم إنتوا ...قالت لي ياراجل قول بسم الله وجايينا تقوم تقشر كدا !!! ياراجل إنتا جنيت ولاّ عضّاك كلب ...قلته ليها نقشر ليكم ونقلب هوبه ماعاجبكم ...ما نقشر تقولوا مبهدلين ...رسونا علي بر نقشر ولاّ مانقشر...قامت كوركت لي بتها ياسكر الجنيد الحقيني بي كوز مويه لأبوك وحبتين تالينول أنشاء الله تطلع حمّه ما يكون ضرب فيهو سلك ....

ود الماحي

[al-m3lem]

والله يا أمنيه طبعا انا لسه ما اتزوجتا لكن انا شايف اي بنت قبل الزواج مهتمه بنفسها لكن بعد الزواج بهدله شديده ودي حاجه من المره نفسها ماهمها زوجها يشوفا كيف

[امنية بكري]

اخوي الماحي

والله قطعت مصاريني بالضحك


هسه لو انت بتعمل كده طوااااااالي ما كان استغربت

وبعدين كان تقول ليها ده عشان خاطر عيونك

وعلى العموم دي خطوه حلوة منك بهنيك عليها

ولو المره مهمله روحا اي كانت ما بنقصد زوجتك يعني

لما تشوف راجلا كده حتحس براها بدون ما تعلق

حتلقاها قامت وبقت وحده تانيه

والف شكر ليك

[امنية بكري]

اخوي العزيز المعلم

انشالله تعرس وتخش دنيا ومرتك تكون مهتمه بروحا 24ساعه

ويديك الصحه

وبعدين ما كل النسوان بيهملوا روحن


والف شكر ليك

[ابو صهيب]

بصراحة اليوم طرحتي موضوع هام جدا وانا واحد من الناس زوجتي تخاصمني في حالة اشترى ملابس جديدة وازهب بها العمل وانا بقول سوف البس لكي واتزين لك في البيت يعني من حق المراة ان يتزين لها زوجها في البيت

[باسطه]

أول ما خلّصته قراية البوست دا قلته يا ولد كدي اسمع كلام أخواتك أمنيه ومدنيّه.... وقلته كدا قومته نفضته الحر والشر وأخدته ليك دش خطير أبو ليفه ودخلته في الجلابيه البيضا مكويه وأتبخبخته بي ديك ياالريحه الماخمج وشنّقته طاقيتي الهدتا لي نسيبتي وجيت مارق الصاله قابلتني المرا ونططت لي عويناتا وقالت لي سجمي بالليل دا ماشي وين ...قلته ليها جاييكم إنتوا ...قالت لي ياراجل قول بسم الله وجايينا تقوم تقشر كدا !!! ياراجل إنتا جنيت ولاّ عضّاك كلب ...قلته ليها نقشر ليكم ونقلب هوبه ماعاجبكم ...ما نقشر تقولوا مبهدلين ...رسونا علي بر نقشر ولاّ مانقشر...قامت كوركت لي بتها ياسكر الجنيد الحقيني بي كوز مويه لأبوك وحبتين تالينول أنشاء الله تطلع حمّه ما يكون ضرب فيهو سلك ....

ود الماحي


ههههههههههههههههههههههههههههههههههههاااااااااااااا اااي
شكيت محنك والله فركته مصاريني بالضحك لكن طالما إنك بديت في البرنامج ده خليك مواصل وترقب النتائج وكان الوصفه مانجحت خلي أمنية ومدنية يدفعوا ليك تعويض بدل ريحه وبدل لبس وبدل حنك هههههههههههه

[امنية بكري]

اخي الغالي ابو صهيب


اتمنى انك تعمل بالنصيحه وتهتم بنفسك شويه جوا البيت وخصوصا للمدام

وشوف النتيجه وورينا

والف شكر

[امنية بكري]

باسطه مالك علي

هسه كان نجحت مدام فيها بدلات الكل حيقول ما نفعت

والله مافي زول عندو محن غيرك

وعموما شكرا ليك يا خوي

[هيثم عبدالعال]

الأخت أمنية
مبدئياً أؤيد كل ما ذكرت ، بس عن تجربة بقول أن المسألة بيد الزوجه أولاً لأنها تملك التأثير على الرجل إذا أحس بنفورها من مظهره وثانياً لأنها هي التي تتولى الإهتمام بملابسه وتجهيزها فأنا مثلاً برجع من الشغل بلبس ماجهزته ( طبعاً ملابس الشغل ذاتها بتكون جهزتها هي) وثالثاً وده الأهم أن لمسة المرأة في موضوع الأناقة والشياكة والنظافه دوماً تتفوق على الرجل لذلك يمكنها أن تشكل من الرجل نموذج من كل ذلك بإهتمامها بكل تفاصيله .
عموماً بدونكم ما بنقدر نسوي الحبة دي ( مش دايماً بضربوا المثل في البشتنه بالعزابه؟)
مع الإعتذار للعزابة المنظمين .

[عوض صقير]

الرائعة بنت الخال

موضوع غاية فى الأهمية

وبصراحة شديدة الزوج هو السبب الرئيسى فى دفع الزوجة لعدم المبالاة وذلك من خلال تجاهل الزوج وعدم أهتمامه بالزوجة وأحساس الزوجة بتغير حال الزوج .. أهتمام وعناية قبل الزواج ... وعدم أهتمام بعد الزواج ... وبالتالى فهذا التجاهل من الزوج يضعف همة الزوجة ويجعلها غير مهتمة بمظهرها مقابل هذا التجاهل وعدم الأهتمام من الزوج ..... عموماً الزوجة أنسانة وإذا وجدت الأهتمام سوف تبدع ...... ويجب على كل زوج أن يضع فى أعتباره المسئولية الكبيرة التى تقع على عاتق الزوجة ..... وشكراً

[مدنيّة]

الرائعة بنت الخال

موضوع غاية فى الأهمية

وبصراحة شديدة الزوج هو السبب الرئيسى فى دفع الزوجة لعدم المبالاة وذلك من خلال تجاهل الزوج وعدم أهتمامه بالزوجة وأحساس الزوجة بتغير حال الزوج .. أهتمام وعناية قبل الزواج ... وعدم أهتمام بعد الزواج ... وبالتالى فهذا التجاهل من الزوج يضعف همة الزوجة ويجعلها غير مهتمة بمظهرها مقابل هذا التجاهل وعدم الأهتمام من الزوج ..... عموماً الزوجة أنسانة وإذا وجدت الأهتمام سوف تبدع ...... ويجب على كل زوج أن يضع فى أعتباره المسئولية الكبيرة التى تقع على عاتق الزوجة ..... وشكراً

وشهد شاهد من اهلها
وكلامك دا فعلا يااستاذ عوض الحقيقة اللي ما بيعترف بيها كتير من الرجال

[سواااح]

الاخت امنية ..

كل عام وانتي بخير
حسب وجهة نظري المتواضعة
ما لا اقبله لنفسي
لا اقبله لزوجتي
يعني ما ممكن ارضي ان اكون انيق
وانا خارج المنزل فقط
وكمان ما ممكن ارضي
انو زوجتي تتجمل عندما
تريد الخروج من المنزل لاي غرض

دمــــــــــــــــــتي ،،

[امنية بكري]

الاستاذ هيثم عبد العال

الف شكر لمرورك

وعموما مدام انتو بتقدروا يبقى احنا لازم نساعدكم وندعمكم قدر ما نقدر

[امنية بكري]

استاذي العزيز عوض صقير

الف شكر على هذا الرد الذي اثلج صدري

وعلى هذا الدعم

وتسلم استاذي

[امنية بكري]

اختي مدنيه

دومتي سندا لي باذن الله

ولا استغنى عن دعمك لي

الف شكر

[امنية بكري]

اخي العزيز سواح

وهذا ما نسعى اليه ما لا نقبلة لانفسنا لا

نقبله لازواجنا

ودمت لنا

الف شكر

[طلال الصول]

لو كل راجل راعا ربنا صح في زوجتو
وكل ست راعت ربنا حق رعايته في زوجها اكيد حيكون في اختلاف رائع وجميل والدنيا حتكون اجمل صاح

[امنية بكري]

بالتاكيد يا طلال

والدنيا فيها شنو لمن الناس تهمل بعض

الليله عايشه العارف منو بكره ايوة ولا لا

والف شكر ليك يا طلول بيه

[مجاهد]

الاخت امنية ... انت دائما هكذا .. لك مواضيع متميزة وخصوصا في جانب المرأة واستنادا على جانب الرجل .. بمعنى ان كفة المرأة راجحة على كفة الرجل .. عموما الموضوع مهم والاهمال من الطرفين .. خصوصا في هذا الزمن الذي كثرت فيه المشاغل والمشاكل .. كلنا مهملين .. رغم انني غير مرتبط ولكن ارى هذه الاشياء في مجتمعنا بكثرة ...

[امنية بكري]

تسلم اخي مجاهد

بالعكس انا بشوف المواضيع الاكثر اهمية

وانتشار التي غالبا ماتمون المرأة عنصرها الاساسي

ولا تستعجل فموضوعي القادم معكم لا ضدكم

والف شكر

[ابو صفاء]

جزاك الله خيرا على هذا الطرح
الجمال جمال الروح فاذا وجد جمال الروح سوف نرى كل شئ جميل واذا انعدم فالعكس
نحن السودانيين بخلاء حتى في التعابير الجميلة مع زوجاتنا
سئل النبي صلى الله عليه وسلم عن احب الناس اليه قال عائشة . اي قال زوجتي ولم يستحي وهو في مجمع من الصحابة الكبار
ولكن اختى الفاضلة : مع ضغوط الحياه فمسئولية المرأة أكبر في حمل الزوج على ذلك ان قصر بالكلمة الطيبة والروح الحلوة وتوفير وسائل التجمل

[ابو صفاء]

.................................................. .................................................. ............

[منتهى]

اختى الغاليه امنيه
طبعا الرجال حاقرين بينا شديد وعايزين مننا
حاجات هم مابدونا ليها علشان كدى نصيحه
منى ليك اعملى زى ما انا بعمل اشترى انت
الملابس لى زوجك واهديه العطور فى المناسبات
من يوم ما اتزوجت زوجى مابعرف اشترى لى
نفسه ولاكرفته
وشكرررررررا اختى على الطرح الرائع

[امنية بكري]

اخي العزيز ابو صفاء

الف شكر لك ولكن مهما كانت انشغالات الحياة

لا يجب ان يهمل بعضنا بعضا

وتسلم على هذا المرور الجميل

[امنية بكري]

الغالية منتهى

تسلمي على المرور الجميل

وكوني اشتري ليهو اي شئ ما يمنع انو اقل شئ

يلبس لي ويتزين في بيتو ولي مرتو ولا ده بس

لما كان عريس او هو وطالع

والف شكر

[ابو صفاء]

امرنا الله ان نأخذ زينتنا عند كل مسجد
هذا دليل على ان الزينة والمظهر الجميل له آثارا طيبة في النفوس
ودليل على رقي الانسان
فقط اختنا الفاضلة :
ضغوط الحياة وما يلاقيه الرجل في كده وراء لقمة العيش قد يقصر في هذه الاشياء وهنا مسئولية الزوجة في حمل الزوج على ذلك بالكلمة الطيبة والروح الحلوة وتوفير وسائل التزين

[امنية بكري]

انا معك اخي

ولكن لا يمكن ان نرمي كل شئ على كاهل المرأة

واذا لم يتزين يكون التقصير في المرأة

[abu_ola]

الغالية امينة بكري

لكي الشكر على هذا الطرح المفيد بإذن الله و أتمني ان تكون كل أخواتنا في المنتدي مثلك في الطرح و النقاش خصوصا في القضايا الأسرية حتى نعلم ماذا تريد نسائنا و أخواتنا من أزواجهم لينعم الجميع بالسعادة و الهناء .

أول شي يجب على الزوجين أن يعرفا جيد مدي أهمية الزينة لكل منهما فالعين بريد القلب فقد تنفر النفس من مجرد النظر
ثانياً يجب على المرأة أن تهتم بزينتها و بيتها و على الزوج مثل ذلك و أكثر فعليه ان يهتم بنفسه و ملبسه و مظهره داخل المنزل كما عليه ان يدفع بزوجته نحو ذلك ان كانت مقصرة نوعاً ما فما ضره ان يسألها عن نوع الملابس و المظهر الذي تحب أن تراه عليه فما تراه العين ينعكس على النفس فقد تألف النفس شي لمنظره و قد تنفر منه لمنظره لذا نجد ان ديننا الحنيف امر الزوجين معا ان يتجملا لبعضهما البعض فقد سالت احدي الصحابيات السيدة عائشة رضي الله عنها عن الزينة للزوج فقالت لها ان استطعتي أن تقتلعي عينيك و تضعيهما بصورة أجمل مما هن عليه فافعلي ( او بمعنى ذلك ) كما أن الصحابي الجليل عبد الله بن عباس قد كان يتزين و يتعطر لزوجته و قد قال ( إني أتزين لزوجتي كما تتزين لي ) و المقصود الزينة التي تناسب الرجال

و على الرجال الإهتمام بأنفسهم قبل مطالبة زوجتاهم بذلك فالكل بشر و الكل له نفس تألف و تنفر ....

أخي الزوج ما أجمل أن تكون مهندما متعطراً و حولك زوجة صالحة معجبة بك و بهندامك فتعلم أخي الزوج أن لكل ساعة لباسها فما يضيرك أن تدع لزوجتك فرصة المشاركة في اختيار الملابس المنزلية التي تحب أن تراك فيها أو العطور التي تحب رائحتها عليك ؟؟ و تذكر قول الله سبحانه و تعالى ( هن لباسكم لكم و أنتم لباس لهن ) و قوله ( لهن مثل الذي عليهن بالمعروف و للرجال عليهن درجة ) فالمعلوم أن اللباس يعني للإنسان الستر و الطمانئنة و المظهر الحسن فكيف تكون لباس لها و هي تنفر من ملبسك أو لا يعجبها عطرك ؟؟ أما المعروف المقصود في الآية الآخري فيدخل فيه المعاملة الطيبة و حسن المظهر و الحديث اللين و كل أوجه المعروف عامة كما وردت في الآية مطلقة

تجمل أخي الزوج الحبيب و اكسب قلب زوجتك و فوقه أجر من الله سبحانه و تعالى

[امنية بكري]

الف شكر لك اخي العزيز

والله كفيت ووفيت

وده هدفنا انو احنا تسعى الى ما قد يجلب لنا ولو قيراط سعاده واحد

الف شكر لك وتسلم لمرورك الاكثر من رائع

[Almostshar]

حسنا

أحببت ان أكتب رأي شخصي عن مجريات هذا الموضوع . فالحديث عن التزين والتجمل لدى الرجل بعد الزواج في رأيي أن السبب في إهماله يعود إلا المرأة أو الزوجة بشكل غير مباشر . بحيث ان تجمل المرأة من المتطلبات الأنثوية لديها والرجل كلنا نعلم إحتياجاته الجمالية , فهو محدود التجمل عكس الأنثى فالأبواب أمامها مفتحة لكل نواحي الجمال . قصدي من الحديث السابق أن المرأة بأسلوب تجملها والطريقة التي تستخدمها في ذلك هي تجبر الرجل على البحث عن التنوع في التجمل أو يكون على مستوى معين من النظافة المطلوبة ( حديثي عن البيت السوداني ) . ليست الحلاقة وغسل الثياب هو المقصود ، أكيد هناك طرق أخرى بأن تساعده الزوجة على اختيار العطر الفلاني او تسأله من فترة لأخرى عن شيء كان يتحلى بجماله كان قد تركه . واعتذر عن قصر المشاركة ولكن ساعود

[امنية بكري]

الف شكر لمرورك هذا اولا


وثانيا انت ترمي اللوم على المراة مع انها تهتم


ببيتها وزوجها ولكنها لا يمكن ان توجهه لاهتمامه بنفسه


وما اقصده انا ان يرتدي ويهتم كما لو كان يريد الخروج

فحينها لا يوجهه احد لان يتزين فلماذا توجهه وهو داخل بيته


الف شكر لك ولمرورك الجميل

[امنية بكري]

الف شكر لمرورك هذا اولا


وثانيا انت ترمي اللوم على المراة مع انها تهتم


ببيتها وزوجها ولكنها لا يمكن ان توجهه لاهتمامه بنفسه


وما اقصده انا ان يرتدي ويهتم كما لو كان يريد الخروج

فحينها لا يوجهه احد لان يتزين فلماذا توجهه وهو داخل بيته


الف شكر لك ولمرورك الجميل

[النور محمد يوسف]

اخي النور كل ما قلته صحيح


ولكن الا نستحق بعد كل هذا ان نحس بان ازواجنا يهتمون بانفسهم لاجلنا


يعني حلوه الوحده تشوف راجلا السنه كلها بالعراقي ومنكش شعرو

وما بلبس ويتريح ويسرح الا مارق

اكيد لا وبصراحه مافي راجل بيرضى مرتو تقول ليو قوم سرح

ولا غير هدومك لانو ما حيفهما اكيد بالمعنى الهي بتقصدو

والف شكر

معاك كل الحق فيما ذهبت اليه .... أتزين لزوجتي مثلما أحبها أن تتزين لي.... ثم أن التزين شكر لنعمة الخالق ... فالمتذمر الذي لا يطيق نفسه لا يتجمل ....أفليس هذا في باب التضجر وعدم الرضا... وأمرنا خالقنا أن بنعمة ربنا نحدِّث.... فالزينة تتحدث عن النعمة من خالقك اليك

ودمتي أختنا أمنية ....مزيدا من الطرق في هذا المجال ففعلا زهجنا من الشعور المنكشة

[امنية بكري]

الف شكر وتحيه

ويديك العافيه على رايك ده

[mohammedfatah]

والله موضوع فى السلك بس انتو عارفين العيب فى التربية والسلوكيات منها سلوكيات العرس مثلا العروس اهلها قبل شهر وزيادة يمسكوها فى البيت واخر اهتمام وتجهيز للعريس والف نوع ريحة ودلكة ووووو باقى حاجات السودانية اما العريس المغلوب على امره بس قبل العرس بيوم على الساونا يسلقوهو والحلاق يجزو شعرو والعرس طوالى
وتقولوا ليه الواحد ما بيهتم بى روحوا بعد العرس
بع
العرس الواحد بيكون عازب والعروس من الاهتام المتير بزوجها الجديد تبدا تعلف فيهو والله من غير ما يوم تقول ليهو عليك الله امشى العب رياضة كرشك بقت كبيرة لا ماتهتما وهوا طبعا طوالى داير المدام تكون 100% وبرضوا تقولوا ليه دى سلوكيات مغروسة فينا ربنا يعينا ويغيير العيوب الفينا

[روبش]

الاخت ... أمنيه
التحية لكي على هذا الموضوع الهام .. واكيد التزين سمة جميلة لابد وأن تتوفر في الجانبين .. والجزء الاكبر منها مقصود به المرأة .. فكلما ظهرت المرأة بمنظر جميل بالمقابل تجد الرجل كذلك والعكس صحيح .. بمعنى أن ندور المرأة كبير في هذا الجانب .. الموضوع شيق اختي أمنيه ويديك العافيه

[عاشقة الهلال]

كوني له أرضاً يكن لك سماء، وكوني له مهاداً يكن لك عماداً، وكوني له أمة يصر لك عبداً، الصحبةُ بالقناعة والمعاشرةُ بحسن السمع والطاعة وفعلا وراء كل
عظيم امرأة

[نزار الكاشف]

دائما وابدا المرأة هي المتهم الوحيد في اهمالها وعدم اعتنائها بنفسها

بعد مضي فتره من الزواج وغالبا ما يسلط الرجال السنتهم على الزوجه المهمله

وبانها السبب الرئسي في بحث الزوج عن امرأة اخرى تهتم بنفسها وبحيويتها مقارنه بها


ولكن الا يوجد رجال ايضا يهملون انفسهم واناقتهم بعد الزواج ؟فلماذا تكون المرأة وحدها هي المتهمة؟

ولذلك اوجه سؤال لكل رجل وبصراحه هل تتجمل لزوجتك ام تهتم بنفسك فقط خارج البيت ؟

في البداية انا برة الجك.
بس الصراحة المراة هي اللازم تهتم بي مظهرها، لانو كلنا عارفين انو المراة هي عنصر الجذب في العلاقة،، اي نعم الراجل لازم يهتم بي مظهروا بس في البيت ما اعتقد انو مهم يلبس حاجة غير العراقي او الجلابية .. كمان انتي المفروض تجيهيهو ودا برضوا من مهامك الزوجية..
دة كلام زول برة الجك .. كدي انعرس ونشووف
ومشكورة علي الطرح البناء

[Jamal Elmahi]

أم النسب أمنيه ...
نعيب نساءنا والعيب فينا وما لنسائنا عيب سوانا ....
ياريت كان الموضوع وقف علي العراقي والشعر المنكوش دا لو في شعر زاتو...أنا إتخيّل لي مشكلتنا الاساسيه عدم الكلام الحلو ..يعني مع العراقي تلقي الواحد صارّي بوذو ووشو ينعل قفاهو ...يعني كلمه حلوه وبسمه عريضه ومداعبه رقيقه بتقلب العراقي لي بدله وجاكيت آخر موديل والشعر المنكوش لي تسريحه أحدث إستايل ..والصلعه لي شعر وكمان أشقر ...
مشاققه...
أيها الساده رفقاَ بالقوارير...دشوا ليهن كلام حلو تبقي عيشتكم بمبي في بمبي ..وفكوا التكشيره وبطلوا العكننه وما تنسوا آخرتا كوم تراب ...ألا هل بلّغت اللهم فأشهد...

جمال الماحي

[امنية بكري]

اخوي محمد الف شكر ليك ولرايك الجميل


وزي ما انت قلت شوية اهتمام من الاثنين بكون كلو ضابط


ونتمنا السعاده للجميع

[امنية بكري]

الهزيز روبش

يديك الهافيه

بس المراة دايما مهتمه جوة وبرة

اما الرجل برة بس بهتم اشمعنا يعني البرة اهم مننا احنا النسوان

عموما الف شكر

[امنية بكري]

اختي العزيزة عاشقة الهلال

ده كلو صاح

بس تتوقعي انو ممكن يكون كده

اتمنا

الف شكر

[امنية بكري]

اخوي نزار


ما كل شئ على المراة

يعني تاكل وتشرب وتلبس وكمان توجهك انو تلبس ليها


طيب لو على ديل هي بتعملم لانو مافي غيره بسويهم ليك


لكن انت بتعرف كيف لما تجو مارغين الرجال عامه انو

يطقم البنطلون والقميص ويشكهم كيف كيف الشراب زاتو لونهم

وكمان يدي ليك الجزمه اورنيش

ولا الجلابيه البيضاء ومعاها العمه والشال وداك يالمركوب

فما اضن انو بعد ده محتاج زول يوريك كيف تهتم بنفسك في بيتك ولزوجتك تحديدا


الف شكر ونتمنا تخش معانا في المعمعه دي

[امنية بكري]

الغالي جمال الماحي


يديك الف عافيه لرايك الصادق


والف شكر

[جنيـــــدو]

وراء كل رجل ........... إمرأة

المثل ده ما قالوا ساي كده

يعني المرأة المفروض تهتم بكل ما يتعلق بزوجها حتى لا يفكر في غيرها .

[mamdoh]

يمكن طبيعة حياتنا في السودان مافيها خصوصية تساعدهما للاهتمام بانفسهم ومظهرهم . الخصوصية المقصودة يكون لهم بيت منفصل مثل حياة المغتربين في الشقق أفتكر هنا مافي سبب يمنع كل منهما , ايضا في ناس طبيعتهم كدي عدم الاهتمام في الشكل , وكل الناس ماواحد