شعراء منتديات ودمدني

[الفارس البنفسجي]

الشعر عذوبة وتناغم في اختيار المفردات ... تجليات وهبات يحظى بها البعض دون البعض ... لما لا تكون لدينا مساحة لنعرف فيها من هم شعراء هذا المنتدى وماذا كتبوا ...ولماذا يكتبون ... وكيف يكتبون.تعالوا هنا يا شعراء هذا المنتدى لسافر في بحور الشعر ... ونقدم النقد الذاتي والنقد للآخر بإيجابية واريحية وشفافية مفرطة في التداول ... لصقل المهارات الشعرية ... وتداول هذه الخبرات ونوثق لكم قصائدا ًلتكون مادة مسجلة للتاريخ ولمدني ولك عشاق الكلمة الجميلة.

إنها دعوة للتزاوج
ودعوة للتحليق في لغة الضاد
لنقدم مادة شعرية نقية بهية

نأمل من كل شاعر تقديم قصيدة
ودعونا نسافر معكم لاثيريات الوجدان

[امنية بكري]

عرس صبيحه بت النور


كو كوكو كوكو باب البيت الكبير كوكو

يا بت صبيحه محاسن الباب ده ماتجرن

الباب فتح وواقف شاب حلاتو صلاة النبي احسن

ده بيت النور ود سوسن

ردت صبيحه ياهو بيت النور ود سوسن

وانتي صبيحه ستهن

ست منو يا جنا انا صبيحه بت النور

يا بنات امشو نادوا ابوكن امشن

جرت صبيحه يابا يابا الباب فيو وليد راجيك

وانتوا ما فضلتنوا خلاص خشن

اهلا حبابك ياجنا حبابك اتفضل

والله يا عم النور انا جاييك ودايرك تأمن

آمن شنو ومن منو قول يا ولد انضم

تآمن بتك معاي انا داير صبيحه بت النور ستهن

وست المحاسن وسرهن

وجمال عيونا البنعسن

وحلات خدودا الوردن

جمال قواما الفارعن

ياولدي كدي خير خلينا نشاورن

وارد عليك برايهن

صبيحه الوليد القبيل جاي طالبك

انا وجاي لي انا ديل منو الدلنوا وخبرن

يا امي في الراي اشاورن

وكان رضيتوا برايكم بقبلن




الليله العديله ليك يا بت النور ود سوسن

جاك العريس بالمال واخواتوا وقفن

الليله العديله ليك يا ود سوسن

صبيحه جاها عريس وخالاتوا بمدحن

وعريسا جاب الشيله كم

ماهو سيد الرجال حلال المحن

وصبيحه ختت حنتا وصحباتا جن

وصبيحه قالت للبنات عقبالكن

انشااااااااااالله كلكن تعرسن

والبنات قالوا آآآآآآآآمين وكوركن

ده اليوم الدايرنو ليك يا صباح

مبروك عليك يا صباح وقامت وقامن جرتغن

وايوووي يووي يوي الجارات زغرتن

وصبيحه امها واخواته من الفرحه لامن بكن

وعريسنا جاء وصبيحه دست ضحكتا

وغنوليها لامن رقصت وفريعاتا اتمايلن

والنساوين بزغرتن وعريسنتا شال شبال وجوهوا يبشرن

وساق عروسو والبنات ماشات قدما من العين ببخرن

ساق عروسو وفات للعسل ومكانو كان في سرهم

عقبال البنات وعديله ليكن كلكن

[الفارس البنفسجي]

الأخت الموقرة امنية
لي عودة لأحلق على مفردات القصيدة
لنبحث عن نوافذ الإبداع وتقديم النقد البناء


فلك الإمتنان على المشاركة

[طارق التوم]

حاجه رائعه وشجاعه منك تكونى اول من يكتب بس السؤال الناس البتكتب الشعر فى ودمدنى بالكوم وين راحو لانو دى فرصه للتفاكر والاستفاده من الاحسن والاسبق للتعلم والتشاور وابداء الراى في ما كتب وجد انا كنت منتظر هذه المبادره وسوف اشارك بالقديم والجديد