كديسة رفاعه ؟؟؟؟؟ [الأرشيف]

بابكر

22-09-2007, 06:29 AM

القصه دى حكاها لى واحد من رفاعه { اسمو كمال الحسين }
قال ,, كان فى واحد من شباب رفاعه ولد طيب ومؤدب !! يجى من العمل الساعه {2 } ظهرا كل يوم وفى المساء يحضر العشاء بتاعو كان كوارع وكان لحمة رأس !!وفى اثناء الاكل بتجى كديسه !! كل مره اخينا يديها اكل ويقول ليها {{اكلى ان شاء الله ناكل فى عرسك }} وفى يوم من الايام وهو راجع من الشغل والدنيا حر لقى ليك بنت ذى القمر واقفه فى الطريق !! البنت سلمت عليهو بى اسمو !! وقالت ليهو ,, ابوى عازمك الليله عشان الليله عرسى !! اخينا قال ليها لكن انا مابعرفك ولابعرف ابوك!!
قامت قالت ليهو تتذكر كديستكم اللى كنت بتديها الاكل وتقول ليها ان شاء الله ناكل فى عرسك !!!
انا الكديسه وابوى من ملوك الجن وهوعازمك الليله
قام اخينا قال ليها طيب نمشى كيف ؟؟
قالت ليهو غمض !! ولمن غمض لقى ليك نفسو فى مكان غريب !! الضبايح والاكل والدلوكه والهيصه !!
قامت ودتو لى راجل كبير وعرفتو بأنه ابوها !! الراجل احترمه وشكره على معاملته الطيبه لابنته !!!وقعد ليك كم يوم مع الجماعه يهيص !!!
{{{فلاش باك }}}
الجماعه هناك فقدوا الولد واحد يقول والله انا اسع شفتو جنب البيت وواحد يقول شافو مشى على البحر !!
المهم الجماعه فرشوا وعملوا العزاء ثلاثة ايام
وانتهى العزاء
وهناك الولد استأذن من ناس الكديسه !!قاموا الجماعه ادوهوشوال مليان حاجات
وقالوا ليهو اغمض عينيك !! ولمن فتح !! لقى نفسو قدام باب بيتهم!!
وتعال شوف الزغاريد !!والفرح!!
بعدين فى الليل !! ابوه سأله ,, انت يافلان كنت وين ؟؟؟
والله كنت فى عرس كديستنا
ياولد اتكلم كويس ! انت مجنون ولاشنو ؟؟
والله يابا كنت فى عرس كديستنا!!
اكيد انت جنيت!!
وعمك جاب السوط وهاك ياضرب فى الولد !!
واخينا مصر على كلامو!! بعدين !! تذكر فجأة الشوال الادوهو ليهو !!!
قال لابوه ! كدى افتح الشوال ده !!!
الراجل فتح الشوال !! لقى ليك فيهو اشياء غريبه !! ليست من السودان !! عنب اروبى !! وبرتقال شكلو غريب,, ودره شامى واشياء ليس هذا موسمها !!!قام الراجل صدق ولدو,, وصفق يدينو,, وقال سبحان الله !!!

هشام السماني إبراهيم

22-09-2007, 06:57 AM

سبحان الله

بابكر يا خوي كدي افطر واشرب القهوة وبرجع ليك تاني
:cool:

تخريمة على وزن رفاعة :rolleyes:

البنطون بالفا :D

مختار بازى

22-09-2007, 08:04 AM

ســـــــــــــــبحان الله,,,

لكن كديستكم رهيبة يا ناس رفـــــــــــــاعة

لكن ما بتلحق كديسة عمدتنا:D:D

هشام السماني إبراهيم

22-09-2007, 08:20 AM

ســـــــــــــــبحان الله,,,

لكن كديستكم رهيبة يا ناس رفـــــــــــــاعة

لكن ما بتلحق كديسة عمدتنا:D:D

والله العمدة البهرشو كديسة دا لقيتو هنا بس:p

مختار بازى

22-09-2007, 08:29 AM

والله العمدة البهرشو كديسة دا لقيتو هنا بس:p

ها زول ها منو القال ليك دا كلام جــــــــــــرايد سااااااااااااااي

علـــي اللقيمات نهرا منو الحـــــــــــلة كلها تضاير:D:D

حافظ الليبى

22-09-2007, 10:04 AM

بابكر ؟؟؟؟؟؟؟؟؟ مالك علينا ونحنا ناقصين؟؟؟ كدى قول بسم الله
وانتا هسه وين انشاء الله معاك ناس حافظين القرآن ؟؟؟؟؟؟؟؟
اذا ما لقيت احد بيقرآ ليك هشام ولابازى؟؟؟؟؟؟؟؟؟؟؟؟؟؟؟؟؟
همســـــــــه؟؟؟؟؟؟؟؟

:D

:D

:D

دى قويه يا بكور لكن انا ما بكلم احد

فدوى الحسن

22-09-2007, 01:33 PM

سبحان الله ربنا يحفظنا والله في الدنيا عجائب...

فدوى الحسن

22-09-2007, 01:35 PM

يااااااااااااااااا جماعة النفاج كلو بقى كدايس حايمة
كديسة ود المطامير اليومها تم وماتت...
وكديسة رفاعة العرست...

الله لينا يا نااااااااااااس

moh_alnour

22-09-2007, 02:48 PM

بابكر يا أخوي في رمضان دا برامج الكاميرا الخفية بتكتر ورينا الكاميرا مختوتة وين

عبدالمنعم الصديق(خدرا)

22-09-2007, 02:49 PM

والله يابابكر يااخوى
دى الكديسه ولا بلاش
مازى كديسة ودالمطامير الملتو فقر

ود المطامير

23-09-2007, 01:52 AM

ها زول ها منو القال ليك دا كلام جــــــــــــرايد سااااااااااااااي

علـــي اللقيمات نهرا منو الحـــــــــــلة كلها تضاير:D:D
مش كدا عليك الله يا فرده ؟

ود المطامير

23-09-2007, 01:53 AM

والله يابابكر يااخوى
دى الكديسه ولا بلاش
مازى كديسة ودالمطامير الملتو فقر
المشكله يا فرده
يجينى أبوها ويقول داير الديه

ود المطامير

23-09-2007, 01:56 AM

يااااااااااااااااا جماعة النفاج كلو بقى كدايس حايمة
كديسة ود المطامير اليومها تم وماتت...
وكديسة رفاعة العرست...

الله لينا يا نااااااااااااس
ههههههههههههههههههه
وجايى الدور على أم سيسى .

بابكر

23-09-2007, 02:27 AM

المشكله يا فرده
يجينى أبوها ويقول داير الديه
الله يجازى محنك ياود المطامير والله ضحكتنى لمن الوليه قالت مالك جنيت ؟؟ فلت ليها تعالى شوفى ود المطامير كاتب شنو ؟؟

شاحد الله يا ود المطامير ابوها يلاقيك ويقول ليك داير الديه !!!!!

بابكر

23-09-2007, 02:31 AM

والله يابابكر يااخوى
دى الكديسه ولا بلاش
مازى كديسة ودالمطامير الملتو فقر
والله دى كديسه تمام ياعبد المنعم !!!

بابكر

23-09-2007, 02:34 AM

بابكر يا أخوي في رمضان دا برامج الكاميرا الخفية بتكتر ورينا الكاميرا مختوتة وين
يامحمد نور !!القصه حقيقيه كما حكاها المصدر !!!

بابكر

23-09-2007, 02:38 AM

يااااااااااااااااا جماعة النفاج كلو بقى كدايس حايمة
كديسة ود المطامير اليومها تم وماتت...
وكديسة رفاعة العرست...

الله لينا يا نااااااااااااس
وانت شفت حاجه يافدوى باقى ليك كديس ود المطامير الداير الديه بتاعة بنتو !!!!

بابكر

23-09-2007, 02:41 AM

عماد عبدالشكور

23-09-2007, 02:43 AM

بسم الله
الله يكفينا شر الكدايس .
تخريمة
الكديسة دي عندها اخوات ولا وحدانية

بابكر

23-09-2007, 02:44 AM

ها زول ها منو القال ليك دا كلام جــــــــــــرايد سااااااااااااااي

علـــي اللقيمات نهرا منو الحـــــــــــلة كلها تضاير:D:D
مالك قمت تلخبط يامختار الحكايه شنو هى اسع جاتك ؟؟؟؟؟

بابكر

23-09-2007, 02:49 AM

سبحان الله

بابكر يا خوي كدي افطر واشرب القهوة وبرجع ليك تاني
:cool:

تخريمة على وزن رفاعة :rolleyes:

البنطون بالفا :D

انت اسع مالك خايف ياهشام !!!

ود المطامير

23-09-2007, 02:57 AM

الله يجازى محنك ياود المطامير والله ضحكتنى لمن الوليه قالت مالك جنيت ؟؟ فلت ليها تعالى شوفى ود المطامير كاتب شنو ؟؟

شاحد الله يا ود المطامير ابوها يلاقيك ويقول ليك داير الديه !!!!!
هههههههههههههههههههههه

جارنا بنغالى وعجوز ومخالف لقوانين الإقامه
طلع من غرفتو وماشى للصلاه لقى ضب جمب الباب
ضربو وكتلو
مشى صلى وهو راجع لاقتو الشرطه وسألوهوا من البطاقه وصاحبنا كب البيرنق
قبضوهو وسفروهو وسبحان الله ما كان فى كشه ولا شئ .
وكل الناس قالوا دا الضب
ومن اليوم داك بيتنا إتملى ضببه عشان أنا بقيت مابكتلهن .

بابكر

23-09-2007, 12:08 PM

هههههههههههههههههههههه

جارنا بنغالى وعجوز ومخالف لقوانين الإقامه
طلع من غرفتو وماشى للصلاه لقى ضب جمب الباب
ضربو وكتلو
مشى صلى وهو راجع لاقتو الشرطه وسألوهوا من البطاقه وصاحبنا كب البيرنق
قبضوهو وسفروهو وسبحان الله ما كان فى كشه ولا شئ .
وكل الناس قالوا دا الضب
ومن اليوم داك بيتنا إتملى ضببه عشان أنا بقيت مابكتلهن .

انت يا ود المطامير خايف مالك !!ماعندك اقامه ولاشنو؟؟؟؟؟؟؟؟

بابكر

23-09-2007, 12:10 PM

بسم الله
الله يكفينا شر الكدايس .
تخريمة
الكديسة دي عندها اخوات ولا وحدانية

عندها اخوات ياعماد داير ليك واحد !! مسيار ولا عرفى ؟؟؟؟؟؟؟؟

ود المطامير

24-09-2007, 03:26 AM

انت يا ود المطامير خايف مالك !!ماعندك اقامه ولاشنو؟؟؟؟؟؟؟؟
عندى إقامه وفيها سنتين يا .. بابكر .. يا عمّى
بس خايف من كتل الضب
يكون ليهو مضاعفات أخرى غير التسفير .

عبدالمنعم الصديق(خدرا)

24-09-2007, 02:28 PM

انت ياود المطامير والله طاير ليك ضب ساى فى راسك
من يوم الضب الكتلو اخوك بعود الطوريه فوق راسك

ود المطامير

24-09-2007, 02:35 PM

انت ياود المطامير والله طاير ليك ضب ساى فى راسك
من يوم الضب الكتلو اخوك بعود الطوريه فوق راسك
ولسه الدور جايى على أم سيسى .

النور محمد يوسف

25-09-2007, 01:37 AM

الاخ بابكر ....الصيام السنة دي ظنيتو قوي قوي قوي... وأهل الكديسة ديل ما دام عندهم كل الحاجات دي من أوربا المقعدهم في رفاعة شنو ...كديسة مثقفة

بابكر

25-09-2007, 02:56 AM

انت ياود المطامير والله طاير ليك ضب ساى فى راسك
من يوم الضب الكتلو اخوك بعود الطوريه فوق راسك
ياعبد المنعم {ده ملاح خدره ولا ورق ؟؟؟سيلت لعابنا ياخى فى رمضان

بابكر

25-09-2007, 03:14 AM

الاخ بابكر ....الصيام السنة دي ظنيتو قوي قوي قوي... وأهل الكديسة ديل ما دام عندهم كل الحاجات دي من أوربا المقعدهم في رفاعة شنو ...كديسة مثقفة
وكمان عندهم ملاح خدره رأيك شنو ؟؟؟

نزار حسن محمد

08-10-2007, 07:35 PM

عاد النقول النصيحه ياناس ..والله حيلى برد تبببببببببب.. يابابكر حرم عندى حديقه فوق البيت ومن الساعه تسعه لى مواعيد النوم انا اتونس مع الكدايس ..وكمان فى وحده ولدت قبل يومين وتجى ماشى قدامى وتتقدال معاه اتنين من المواليد الجداد .. الله يستر الليله ...
بسم الله الرحمن الرحيم ..ياحافظ ياحفيظ تحفظنا
من الكديس ...

صلاح ودالطاهر

08-10-2007, 10:10 PM

mahagoub

19-10-2007, 06:08 AM

عندى إقامه وفيها سنتين يا .. بابكر .. يا عمّى
بس خايف من كتل الضب
يكون ليهو مضاعفات أخرى غير التسفير .

بينى وبينك شكله مخيف لكن له فوائد كتيره منها نضافة البيت من الحشرات..! بس اهلنا عقدونا منه زمان انو بيبزق فى المكشوف.... نرجع لكديسة بابكر انا كنت متوقع شواله ده يريحه دنيا لكن طلع فواكه

خالد عثمان

19-10-2007, 10:39 AM

انشاء الله يا بابكر ناس حافظ الليبي يسكنو في رفاعة عشان نرتاح من كواريكو دي

بابكر

19-12-2009, 09:51 AM

بس إنتو إنتبهوا من الكدايس !!!

النويري

21-12-2009, 04:47 AM

استاذنا بابكر لك التحية والتقدير

الحديث عن الكدايس يطول طبعاً في السابق كان بقول لينا التيمان بتقلبوا بالليل كدايس وحاجات كتيرة سمعناها عن الكدايس لكن عندي قصة عن كدايس سواكن لو سمعت بيها

حكاها لي جارنا حسين أدريس رجل نكتة وكده المهم القصة بتحكي عن واحد مسافر لبورتسودان وفي سواكن في نزلوا شوية يرتاحوا قبل الوصول لبورتسودان الراجل وهو جالس جاه كديس ولمس إيدوا وقال ليه أنا زوجتي في برتسودان شغالة في المطعم الفلاني ولونها سوداء بي أبيض أمشي وقول ليها زوجك بسلم عليك الراجل ما مصدق الحصل ومشى بورتسودان ودخل المطعم الوصفوا ليهو الكديس وطلب فطور وإذا بالكديسة الوصفوها ليه جات لعندو وباست رجليه وقال ليها زوجك بسلم عليك راح يغسل إيديهو ومشى يحاسب قال ليه الكاشير الحساب مدفوع

محمد النويري-الفقراء

22-12-2009, 02:55 AM

يابابكر اخوي كيف حالك ما القى لي كديسة اعشيها كل يوم عشان القى روحي في بلدا طيرو عجمي