المساعد الشخصي الرقمي

مشاهدة النسخة كاملة : بالله عليكم شوفو



أبو مهدي371
25-09-2007, 12:58 AM
ماذا اقول وماذا اكتب اليكم اسفي علي كل من هجر الديار وتغرب اسفي علي وطن شرد الاجيال اسفي علي امة ضاع مجدها اسفي عليك ياسودان .
بعد كل هذا الاسف اسرد اليكم هذه الواقعة الشنيعة بكل ماتحمله من معني .
وهي ان لي قريبا بالرياض له بنت تدرس بالفصل السادس الابتدائي بمدارس الرياض ذهبت يوما لهم في زيارة عائلية وكنت ادردش مع البنت وابيها فقلت للبنت هل تعرفين اقاربك في السودان قالت نعم فلان وعلان وكلهم موجودين بالمملكة ضحكت عليها .
والتفت الي ابيها مشترطا عليه اذا بنتك انشدت النشيد الوطني سوف اعطيها مائة ريال هدية مني والتفت علي البنت هيا انشدي نشيد الوطن برايكم هل افلحت ام ماذا ليتها انشدته واخطات في الكلمات ولكن هيهات الصغيرة بكل ماتحمله من براءة انشدة النشيد الوطني (السعودي) وبدقة متناهية فقلت لها الم تحفظي نشيد السودان قالت ولم اسمع به قط .
لا اقول وداعا ايها والوطن ولكن اقول عاش ( ابو متعب ) كافل الايتام .
مع مودتي ايها السودان الحبيب .
ومعى العلم ان البنت كانت تنزل اجازة السودان معى اهلها سنويا .
بالله عليكم شوفو مصائب الغربة والاغتراب .

hesho
25-09-2007, 01:07 AM
دي كويسة انها فهمت كلامك واتكلمت معاك في غيرها حتى لهجته مغيرة وعاداته خلاص ويقولك انا غير هنا ما اقدر اعيش والله يكون في العون

مدنيّة
25-09-2007, 01:07 AM
لا دي مش مصائب الغربة والاغتراب
دي مصائب الاهل اللي عايزين ينفكوا من اصلهم بكل الصورة المعروفة والغير معروفة

احب اذكر ليك انه اخونا رضا حسن يجزيه الله الف خير عن اولاده لما كانوا في السودان جونا زيارة زظوجته روت لي انه في المدرسة كان عندهم احتفال ومفروض ينشدوا النشيد الوطني ولد رضا اعترض وقال انه ما ح ينشد الا النشيد الوطني السوداني وكان كان باصرار الولد

قارن بين الحادثتين
ودا مغترب ودا مغترب

لا نلقي اللوم علي الغربة وانما علي من يحاول التنصل من سودانيته

أبو مهدي371
25-09-2007, 01:16 AM
حقيقت ياهشو في بجم كثير من عيال المغتربين.
وتسلم علي المرور .

أبو مهدي371
25-09-2007, 01:19 AM
لك التحية اختي مدنية انا معك لكن هيهات ان نقل ليس العيب فينا الغربة هي لها القدح المعلى في زعزعت الوازع الوطني عند صغار المغتربين .
ومشكورة علي المرور .

عبدالرحيم سعيد
25-09-2007, 08:21 PM
اخي ابومهدي ونحن نقول سوداننا سوداننا ارض الجدود والاب
فيه وجدت مأكلي
فيه وجدت مشربي
سماءه من فضة
وارضه من ذهب
ونيله مبارك
يجري بماء طيب
والآن (أطلال نبكيها ايضا من البعد)
حال الدنيا

مجاهد
25-09-2007, 08:37 PM
حقيقة مرة .. فعلا ما قالته مدنية .. دي حقيقة الاهل الذين يريدون أن يتنصلو من أصولهم .. أو بمعنى آخر تبديل العادات .. بل الواجبات .. ( وبالبلدي : دي مرارة الغربة .. عندي واحد من معارفي سأل ولدو : ياود عمك فلان مات .. رد الابن وبكل بساطة .. هو عمي دا مش كفيلك يا بابا ... - احترامي للكفلاء - ولكن الصدمة أن عمه شقيق والده .. لزم ...
موضوعك عوز تثبيت يا أبو مهدي .. لك التحية :mad::mad:.

عمر البشير
25-09-2007, 09:40 PM
وما خفي كان اعظم.اخي ابو مهدي ليس الغربة كلها محاسن ولا كلها عيوب. والعاقل من تدارك تلك العيوب وقام باصلاحها. وربنا يصلح الحال.
وتقبل تحياتي.