عصيده للعذابه فى رمضان

[منتهى]

طبعا العزابه بحبوا العصيده جدا
واليكم طريقه ساهله وبسيطه جدا:-
اولا نجيب زبادى ونحط عليه كورنفلور (نشاء)
يعنى اثنين كاسه زبادى وخمسه ملاعق كبيره
نشاء وتضعهم على ماء يغلى حوالى كاسة عصير
بعدين خليها ثلاثه دقائق على النار ( جربوها وحاتدعوا لى)

والله يا اخى الشبح لو اعرف عنوانك لاوصلها لحدى عندك
وشكرااااااااا على المرور

[الشبح]

طبعا العزابه بحبوا العصيده جدا

دي هي عصيدتك العازمة ليها الناس؟

ياحليلكم يا شباب اليومين ديل مساكين ح تشبعتوا بيرقر وشاورما وسندوتشات فول والله يكتر في محلات السندوتشات والتيك اوي علشان ما تجوعوا.

[هشام السماني إبراهيم]

دي هي عصيدتك العازمة ليها الناس؟

ياحليلكم يا شباب اليومين ديل مساكين ح تشبعتوا بيرقر وشاورما وسندوتشات فول والله يكتر في محلات السندوتشات والتيك اوي علشان ما تجوعوا.

والله الكلام زي العسل شكلك من اليومين ديل


بس يا منتهى العصيدة ما بحبوها العزابة بس حتى المتزوجون لهم وقفة عندها





سلملم

[الشبح]

يا هشام البنت دي غشتنا شفنا العنوان وجينا نفتش العصيدة دي رغم إنو ما عزابة بس زي ما إنت قلت كل الناس بيحبوا العصيدة - بس شفنا العنوان وجينا ما لقينا حاجة لا عصيدة ولا ملاح ولا حتى كباية عصير يعني غشتنا ساكت. إنت شايف عصيدة هنا؟

[محمد بابكر سنهوري]

ولله عصيدتك شكلها بيضاء وناعمة بس ياطري دي بتنفع مع العزابة انا في رأي بعد اليوم الطويل ده ماأظن دي عايزة عزابي عمر 7شهور

[moh_alnour]

ما قلتي لينا يا منتهي عصيدتك دي بياكلوها بملاح شنو ، أوعي تقولي لينا ملاح روب

[هشام السماني إبراهيم]

يا هشام البنت دي غشتنا شفنا العنوان وجينا نفتش العصيدة دي رغم إنو ما عزابة بس زي ما إنت قلت كل الناس بيحبوا العصيدة - بس شفنا العنوان وجينا ما لقينا حاجة لا عصيدة ولا ملاح ولا حتى كباية عصير يعني غشتنا ساكت. إنت شايف عصيدة هنا؟

والله يا قريبك اخوك جاي كاتل ملف حاااااااااااااااار وكان معاي ملاح تقلية وملاح نعيمية

اقولن يا غربتي ومالاقي عصيدة ليهن مع الملف اتكشحن لا لمينا في ملاح ولا عصيدة والفطور بقى ابري ابيض سااااااااااااااااااااااي

[ود المطامير]

دى ما عصيده للعذابه يا .. منتهى ...
عصيدة العذابه بنى كربو سااااى
تملى نص الحله مويه وتديها شوية ملح وشوية دقيق
وبعدما تفور المويه نمسك الحله بالكرعين وواحد يكب الدقيق وواحد
يخمج ولما الأول يفتر يجى التانى ونختها على النار ويتكرر فاصل الخمج كم مره
وبعد داك لما تنجض نقلبها فى الصنيه والله لو دردقتيها فى الواطه ما تشيل تراب
دى عصيدة العذابه .

[عبدالرحيم سعيد]

يااخي الظاهر ماحيقدر المكبوس ينافسها

[منتهى]

والله الكلام زي العسل شكلك من اليومين ديل


بس يا منتهى العصيدة ما بحبوها العزابة بس حتى المتزوجون لهم وقفة عندها





سلملم
طبعا انا عارفه انو الكل بحب العصيده بس انا بفتكر انو المتزوجين حريمهم مابيقصروا معاهم وبشكرك جدااااا على المرور

[منتهى]

ولله عصيدتك شكلها بيضاء وناعمة بس ياطري دي بتنفع مع العزابة انا في رأي بعد اليوم الطويل ده ماأظن دي عايزة عزابي عمر 7شهور

اخى محمد والله مقاس العصيده الوصفت انا بيكفينا كلنا فى البيت بس انتوا لو عايزينها اكبر حاولوا زيدوا الزبادى والمويه
وتسلم على المرور

[منتهى]

ما قلتي لينا يا منتهي عصيدتك دي بياكلوها بملاح شنو ، أوعي تقولي لينا ملاح روب

ههههههههها كدى جربها باى ملاح وانا متاكده انك حاتدعى لى
وشكرا على الطله

[منتهى]

والله يا قريبك اخوك جاي كاتل ملف حاااااااااااااااار وكان معاي ملاح تقلية وملاح نعيمية

اقولن يا غربتي ومالاقي عصيدة ليهن مع الملف اتكشحن لا لمينا في ملاح ولا عصيدة والفطور بقى ابري ابيض سااااااااااااااااااااااي
لو عارفين كان رسلنا ليك فطور كامل مش عصيده وبس
وتسلم على المرور

[منتهى]

دى ما عصيده للعذابه يا .. منتهى ...
عصيدة العذابه بنى كربو سااااى
تملى نص الحله مويه وتديها شوية ملح وشوية دقيق
وبعدما تفور المويه نمسك الحله بالكرعين وواحد يكب الدقيق وواحد
يخمج ولما الأول يفتر يجى التانى ونختها على النار ويتكرر فاصل الخمج كم مره
وبعد داك لما تنجض نقلبها فى الصنيه والله لو دردقتيها فى الواطه ما تشيل تراب
دى عصيدة العذابه .

هههههها معقوله بتاكلوا الكلام دا و الله صيغة مبالغه انتوا ما حاتخسرواحاجه جربوها بتاعتى
وشوفوا وتسلم على المرور

[منتهى]

يااخي الظاهر ماحيقدر المكبوس ينافسها

شكرا على المرور

[الشبح]

والله يا قريبك اخوك جاي كاتل ملف حاااااااااااااااار وكان معاي ملاح تقلية وملاح نعيمية

اقولن يا غربتي ومالاقي عصيدة ليهن مع الملف اتكشحن لا لمينا في ملاح ولا عصيدة والفطور بقى ابري ابيض سااااااااااااااااااااااي

لقيت الآبري الأبيض دا وين ؟ أنا فطرت بي موية ساكت - هاهاهاهاهاهاهاها

[الشبح]

تعرفي يا منتهى إنت أشتريت كتاب عن الطبيخ جديد بس دي صفحة الحلو والكاسترد ما صفحة العصيدة. هاهاهاهاها
وشكراً ليك وعلشان دعوتك إلا أسويها وأشوف طعمها كيف وأقول ليك.

[منتهى]

تعرفي يا منتهى إنت أشتريت كتاب عن الطبيخ جديد بس دي صفحة الحلو والكاسترد ما صفحة العصيدة. هاهاهاهاها
وشكراً ليك وعلشان دعوتك إلا أسويها وأشوف طعمها كيف وأقول ليك.
عليك الله يا الشبح حاول اتقنها عشان ماتجيك ما مظبوطه وبعدين تقول ماحلوه (الزبادى والنشاء حاول اخلطم بالخلاط وليك السر دا لو بتحبها خميره بل قنقليس وصفى المويه بتاعتو فى الزبادى قبل ما تختو فى الخلاط)
وقول لى بعد داك رايك شنو

[abomazeen]

دى ما عصيده للعذابه يا .. منتهى ...
عصيدة العذابه بنى كربو سااااى
تملى نص الحله مويه وتديها شوية ملح وشوية دقيق
وبعدما تفور المويه نمسك الحله بالكرعين وواحد يكب الدقيق وواحد
يخمج ولما الأول يفتر يجى التانى ونختها على النار ويتكرر فاصل الخمج كم مره
وبعد داك لما تنجض نقلبها فى الصنيه والله لو دردقتيها فى الواطه ما تشيل تراب
دى عصيدة العذابه .




هع هع هع هع

الصعايدة وصلوا ( أقصد العزابـة ) هاههاهاههاها

دي الطريقة ولا بلاش يا ها زاته العصيدة الما شينــة ؟؟

همسة : ود المطامير يا أخوي هوي عاوزين نفطر بي العصيدة بتاعتك دي ؟؟

[ود المطامير]

هع هع هع هع



الصعايدة وصلوا ( أقصد العزابـة ) هاههاهاههاها


دي الطريقة ولا بلاش يا ها زاته العصيدة الما شينــة ؟؟



همسة : ود المطامير يا أخوي هوي عاوزين نفطر بي العصيدة بتاعتك دي ؟؟

هع هع هع هع
تشرفنا والله يا حبيب قلبى .. أبومازن ..
والله ضحكتنى من الأعماق
الله يديك العافيه

[ود المطامير]

واحد جزار صاحبنا .. كل يوم بنمشى ليهو وبيدينا كمونيه كتيره
يوم عملناها دمعه بالطريقه الصاح وتانى يوم الجمعه وكل السودانيين المتزوجين
المعانا فى العمل بجيبوا فطورهم ونحنا العذابه تلاته أها .. قلبت ليكم الدمعه حقت
الكمونيه ملاح ويكه وعسنا ليها عصيده حقت الوصف أعلاه
والجماعه كل واحد جاب فطورو .. والله .. لمو ليك فى ملاحنا وعصيدتنا بلع صاح
وفطورهم رجعوا بيهو والنسوان زعلن وحردن وحلفت تانى ما يرسلن لينا أى شئ

أها .. عليك الله يا أختى .. برضو تقولى .. عصيده للعذابه ؟؟؟

[منتهى]

والله يا ود المطامير بى صراحه انتوا ما عزابه انتوا متمردين فى جبهة القتال عشان كدى العصيده بتاعتى ما حاتنفع معاكم بس عليك الله ورينى بعد تاكلوا العصيده بتاعتكم دى بتخلوا الحله والله بتاكلوها كمان وعينى بارده عليكم هههههها

[ود المطامير]

والله يا ود المطامير بى صراحه انتوا ما عزابه انتوا متمردين فى جبهة القتال عشان كدى العصيده بتاعتى ما حاتنفع معاكم بس عليك الله ورينى بعد تاكلوا العصيده بتاعتكم دى بتخلوا الحله والله بتاكلوها كمان وعينى بارده عليكم هههههها
هع هع هع
والله العصيده الوصفتيها دى نكب عليها
لبن وسكر ونحلّى بيها بعدما نأكل عصيدتنا

[ابراهيم]

دى ما عصيده للعذابه يا .. منتهى ...
عصيدة العذابه بنى كربو سااااى
تملى نص الحله مويه وتديها شوية ملح وشوية دقيق
وبعدما تفور المويه نمسك الحله بالكرعين وواحد يكب الدقيق وواحد
يخمج ولما الأول يفتر يجى التانى ونختها على النار ويتكرر فاصل الخمج كم مره
وبعد داك لما تنجض نقلبها فى الصنيه والله لو دردقتيها فى الواطه ما تشيل تراب
دى عصيدة العذابه .


والله بالغت يا ود المطامير ياخ دي عصيدة ولا مونة حرة:confused: