**(( الشــــــطـــــة ))**

[زيزي]

الشطة
.................................................. ..........

حبيبتي I love you

ومن حبك I shall die

من شِدّة ما إنتِ beatiful

شعري الفي راسي fly

I see في عيونك sea

I can't swim براي

when I see you في الـ road

going to the shop بي جاي

cutting the زلط

on foot with shoes small and high

I don't know what I can do

I can't believe my eye

سماحتك عقّدتني عديل

أعاين ليك دموعي تسيل

أكُر في الحمدو عشرين مرّة

وأقرى معاها سورة الفيل

ولمن تمسكي المنديل وتمسحي بيو كحل عينيك

لمّي الدمعة فوقوا تسيل

أعاين في عيونك ديل

وأقول أريتني كان منديل

ما بنفع كلام يا ريت

نوعي ده ما شَبَه منديل

ملامحي قريبة للصارقيل!

كيفن بس أكون منديل

ولمّا تقومي منعدلة

وتقدلي ليك كم قدلة

أفنجط بي وراك ســــــــــــاي

التقول سخلة

أعاين وأقول هَمَلة

وحلاة القدلة في أهلها

حليوه وتمشي بي جَهلها

وتتقصّد مشي الأصلة

وأنا الفجغوني بي عَدلة

أنا اليادوب في دنيا الريد

مناي يا رب سلام في الإيد

عيونك زي عيون الصيد

كُبار زي خروف العيد

تكهربي بيها خلق الله

ونوعي ده عاد جنونو يزيد

وأقول يا رب تسلّم لي أو ساكت

تأشّر لي، وكان غمزت ده يوم العيد

وعينيك طالعا بينها طوّاف

لا الكبكابة لا الرجّاف

تقول رشّوني بي البفباف

يجيني رعاف

وأقعد ألف، عيوني ترِف

وأقول أكيد ده أثر فطور الفول

لمنّ تضحكي في نُكته

التقول لبعوني بي شنطة

وأكب فوق العصير شطّة

وأقرطع ما أسيب نُقطة

وأقول "يا سلام عصير لُقطة"

وإنتِ تقولي"بالغت وشربت الشطّة يا إنتَ"

مالها الشطّة، ما شربات عصير كُفته

عصير جركان من الدُكّان

يترشّه في صحن فتّة

ما مهم شرابي الشطة

والمهم الكلمة "بالغت "

و "شربت الشطّة يا إنتَ"

[مختار بازى]

زيزي




























































لكن الشـــــــــــــــــــطة ما عندكم:D:D:D

[GREY MAN]

مافي كلام
كلام ابداع
ابداع ورده
ورده شوق
شوق للريد
ريد للشطه
شطة زيزي يا بازي

[مختار بازى]

مافي كلام
كلام ابداع
ابداع ورده
ورده شوق
شوق للريد
ريد للشطه
شطة زيزي يا بازي

والله الشطة الا عند زيزي:D

لكن ما قلتا لي ما حــــرقتك زي:D:D:D

[مختار بازى]

انتظر شووووووووف ناس هيك بطحنو الشطة دي كيف
هههههههههههههههههههههههههههههههههه

[GREY MAN]

يا اخوي دي زي شطة ود المطامير دايره خروف دعوب الجاريهو من اول رمضان ده

[مختار بازى]

يا اخوي دي زي شطة ود المطامير دايره خروف دعوب الجاريهو من اول رمضان ده

يا معلم دعوووووووووب من غير خروف بطحنا خليك بي خروفوداك والله يطحنا الكمبو والقري الجمبو معاهو:D:D:D

[ود المطامير]

يا اخوي دي زي شطة ود المطامير دايره خروف دعوب الجاريهو من اول رمضان ده
وحات الله يامان
أنا جدى كان بيشيل الشطه فى الجزلان
وصدقنى لما صحن الشطه يكمل بنقوم من الأكل
حتى ولو ما شبعنا

[عبدالمنعم الصديق(خدرا)]

شطتكم دى يازيزى
.....................
قبانيت عديل
العتى وين ؟؟؟؟
الدكوه وين ؟؟؟
البصل الابيض الكبار وين؟؟؟؟؟؟
ودعوب وين ؟؟؟؟؟؟
العضه وين ؟؟؟؟؟
باااااااااااااااااااع وين ؟؟؟؟؟؟؟
انا وين؟؟؟؟؟؟؟
انا جااااااااااااااااااااااااهز
يس زول اكل ساكت

[عبدالمنعم الصديق(خدرا)]

والشاف خدرتى دى بارت
ماكضب
لكن الخدره بالشطه كيف ياودالمطامير ؟؟؟

[madaniboy]

لاكين يازيزي ماخطيرة عديييييييييييييل
تشكري

[مجاهد]

زيزي الشطة عندكم لكن .. دايرة ليها سلطة بس .. هههههههه ... احلى كلام والله .. نفسنا شوية من أنين الغربة ....

[ود المطامير]

والشاف خدرتى دى بارت
ماكضب
لكن الخدره بالشطه كيف ياودالمطامير ؟؟؟
عليك الله يا حبيب قلبى .. عبدالمنعم شيل صحن
ملاح الخدره دا .. والله كلما أشوف صحنك دا مصارينى بيكوركن
والله لما مشيت البيت قلت لأم عمرو داير ملاح خدره ذى ملاح منعم أخوى دا
وفتحت ليها النفاج عشان تشوف ملاحك .. أها .. هى شالت صورة الصحن
وأدخلتها فى بحث قوقل لترجمة وإستخلاص المواد والمكونات الملاحاتيه
وبعد ما عرفت المكونات عملت لينا ملاح الخدره وبرضو ما طلع ذى ملاحك دا
وقالت لى ... صاحبك دا ... عمتى نظيره ما بتلحقو
جوعتنى والمغرب باقى ليهو ساعه ونص .. شكيت محنك .

[هشام السماني إبراهيم]

تخريمة :

احي انا من الشطة

بس ياربي شطة قبانيت

هع هع


سلمت يازيزي

سلملم

[GREY MAN]

وحات الله يامان
أنا جدى كان بيشيل الشطه فى الجزلان
وصدقنى لما صحن الشطه يكمل بنقوم من الأكل
حتى ولو ما شبعنا

بالله يا ود المطامير اتخيل معاي صاحبك دعوووووب وجلاله قاعدين في نص الحوش في عنقريب هبابي وخاتين ملاح عبد المنعم وشطة زيزي وفي اللحظه الاخيره جو داخلين ناس ود البشير ورضاء وهشام وبازي......تفتكرو الناس دي تعمل شنو؟؟؟؟

[ود المطامير]

بالله يا ود المطامير اتخيل معاي صاحبك دعوووووب وجلاله قاعدين في نص الحوش في عنقريب هبابي وخاتين ملاح عبد المنعم وشطة زيزي وفي اللحظه الاخيره جو داخلين ناس ود البشير ورضاء وهشام وبازي......تفتكرو الناس دي تعمل شنو؟؟؟؟
ههههههههههههههه
غايتو دول لو إتلموا فى صحن
منعم أخوى دا .. عواسة قراصه سااااى
منعم يدينو بيتعوجو
الله يلمهم ويلمنا فى ساعة خير
ودعوب قبيل كان معاى فى الماسنجر
وبيسلم عليكم وهو مشغول شديد
وناس السعوديه اللى بيقول ليك مشغول يا صاحبى
معناتو الكفيل واقف ليهو ذى حنبل المطر
وقال بعد العيد جايكم بالتقيله

[عبدالمنعم الصديق(خدرا)]

عليك الله يا حبيب قلبى .. عبدالمنعم شيل صحن
ملاح الخدره دا .. والله كلما أشوف صحنك دا مصارينى بيكوركن
والله لما مشيت البيت قلت لأم عمرو داير ملاح خدره ذى ملاح منعم أخوى دا
وفتحت ليها النفاج عشان تشوف ملاحك .. أها .. هى شالت صورة الصحن
وأدخلتها فى بحث قوقل لترجمة وإستخلاص المواد والمكونات الملاحاتيه
وبعد ما عرفت المكونات عملت لينا ملاح الخدره وبرضو ما طلع ذى ملاحك دا
وقالت لى ... صاحبك دا ... عمتى نظيره ما بتلحقو
جوعتنى والمغرب باقى ليهو ساعه ونص .. شكيت محنك .
ودالمطامير
حياك الله وحيا عمرو وامه
امكن نسيتو الشمار الاخدر المفروم دقاق
ولا امكن ماقطعتو الباميه ورميتوها مع الخدره
ولا امكن مافركتوها بكمونيه مصارين بقر
جربو مره تانيه
مع امنياتى لكم
القراصه جيبو ليها دقيق قمح بقشرو اوعا الاسترالى الفاخر
نصيحه ماتفتح الكمبيوتر قبل المغرب
كان الخدره جرحت صيامك ولا زلقتك انا مامسئول
تخريمه
ودالطاهر وين؟؟؟؟؟
انا مفكر اخرج من النص عشان هو يظهر
بالله ياود المطامير كلمه كده ولا كده القا ليك ناطى لى فى حلقى
امكن رمضان مجرسو ياربى ولا شنو؟؟؟؟؟؟

[عبدالمنعم الصديق(خدرا)]

بالله يا ود المطامير اتخيل معاي صاحبك دعوووووب وجلاله قاعدين في نص الحوش في عنقريب هبابي وخاتين ملاح عبد المنعم وشطة زيزي وفي اللحظه الاخيره جو داخلين ناس ود البشير ورضاء وهشام وبازي......تفتكرو الناس دي تعمل شنو؟؟؟؟
gry man
والله يعملوا خيانات
والحرب العالميه تقوم عديييييييييييييييل

[زيزي]

زيزي




























































لكن الشـــــــــــــــــــطة ما عندكم:D:D:D

مشكور يامختار بازي

[زيزي]

مافي كلام
كلام ابداع
ابداع ورده
ورده شوق
شوق للريد
ريد للشطه
شطة زيزي يا بازي
جيرمان مرورك هو الأبداع تسلم

[زيزي]

والله الشطة الا عند زيزي:D

لكن ما قلتا لي ما حــــرقتك زي:D:D:D

مالازم تحرقو يابازي دي ما شطة جديدة

[زيزي]

شطتكم دى يازيزى
.....................
قبانيت عديل
العتى وين ؟؟؟؟
الدكوه وين ؟؟؟
البصل الابيض الكبار وين؟؟؟؟؟؟
ودعوب وين ؟؟؟؟؟؟
العضه وين ؟؟؟؟؟
باااااااااااااااااااع وين ؟؟؟؟؟؟؟
انا وين؟؟؟؟؟؟؟
انا جااااااااااااااااااااااااهز
يس زول اكل ساكت
شنو ياعبد المنعم شطتي دي الظاهر علي عجبتك

[زيزي]

لاكين يازيزي ماخطيرة عديييييييييييييل
تشكري

شكرا حمادة

[زيزي]

زيزي الشطة عندكم لكن .. دايرة ليها سلطة بس .. هههههههه ... احلى كلام والله .. نفسنا شوية من أنين الغربة ....
مرورك هو الأحلى يامجاهد

[زيزي]

تخريمة :

احي انا من الشطة

بس ياربي شطة قبانيت

هع هع


سلمت يازيزي

سلملم
دي شطة من نوع اخر ياهشام ماشطة قبانيت
شكرا على المرور

[غيورجدا]

زيزي حمراء ولا خضراء زي ملاح منعم انتو قايلنو خضره ولا ورق دا ما شطة مفرومة .

[مختار بازى]

زيزي حمراء ولا خضراء زي ملاح منعم انتو قايلنو خضره ولا ورق دا ما شطة مفرومة .

لا بالله ؟؟

وهو قاشر بينا السنين دي كلها ملاحي ملاحي وهو شطة مفرومة:D:D

[mahagoub]

شنو ياعبد المنعم شطتي دي الظاهر علي عجبتك

لو كانت مع ام فتفت ولا كبدة ابل ما تخلص

[زيزي]

بشكركم جميعا على المرور الرئع وتقبلو تحياتي

[المكاشفى]

زيزى عاد مابالغتي ياانتي
تشكرى ع الكلمات الجميلات

[زيزي]

بشكركم على المرور الجميل والطلة الحلوة

[المكاشفى]

ابو الزوز كل سنه وانت طيبه
شويه شطه من شطتك الحاره
دى النأكل بيها الشيه والمراره دى

[ناصر عمر دبيب]

http://www.600kb.com/uploads/27b4de6e5f.jpg (http://www.600kb.com)

[Nezooo]

شطتكم لاكن ماشطه ...

تســلمي على الكلمات الجميله ...

والحلمنتيش الابداع تحـياتـي ..

[زيزي]

تسلم على المرور الجميل ولك تحياتي

[ruby]

ههههههههههههههههههه
موضوعك حلو امتعتيني
تسلمي وكتري لينا من كدا

[زيزي]

يسلموووووووووو