لون الفرح الاخضر

[طارق التوم]

مشرق دائمابى طلتكم
نحنا صباحنا--
ومبهج فينا عشان جيتكم
لون افراحنا---
معاكم دائما جايه بشائر
تملاء سمانا--وتنشر فينا
جدائل الوانها
الشوق الامل الكان
من بدرى زمان ما جانا
زغرد وبشر --
ولاقى هنانا
ونحنا عشانكم
وشان نلقاكم
ديمه نقاوم
ونرجى زمان القسوة الظالم
يطلع فجرو يضوى سمانا
ينادى الخطوه --
الشردت من سكتنا
عشان تلقانا
ويوم تلقانا
ملامح الكون تتغير
لون الفرح الاخضر
يصبح انضر
طعم الريد السكر
يزيد جوانا
وفوح الزهر النادى
معاك بتغير
عطرو المدهش
يملا هوانا
وفينا معاك بسكنا جنون
شايلاه عيونا وبيك هيمانه
معاك مسموح للينا يطول
يغازل بدرو الكمل دور
وبيك مسموح
للفرح اتحكريعم دنيانا
ولمن فينا تكونى وتبقى
كل بشاشة الكون الرحلت
ترجع تانىتغنى معانا

[ابوقيس]

تسلم

ولي قدام كلماتك الجميله دي

[خالد حمد موسى]

احيك وان شاءالله دايمابالجديد....

[أبوريلان]

ربنا يخضر أيامك يا طارق التوم