المساعد الشخصي الرقمي

مشاهدة النسخة كاملة : سلام عليكن اللهل


اسامة الباهى
08-10-2007, 05:45 AM
سلام عليكن الاخوان والاخوات علكم طيبين . نعل مافى زول ابى الكسرة
يمين انحن الحمد لى الله كويسين جميعا طب
دحين انحنا امبارح خبزولنا الخبيز والليلة خبزولنا برضو .. حبيبة الكهرباء الجبتها كملت (جت) وحبة الواقودات الجبتهن برضهن لحقنها ..
يمين سولنا الناعم والعك والغريبة يمين الغريبة سوولها الحلى حقتها دهب والماص .. صدق ياللخو ..
وكان ما مصدق تعال باركلنا العيد تشوف القدامة الت الحلاوة مولعة (جت) تلمع من بعيد دحين تعال لا جاى .. العيد مبارك

ودالباهى --- تكنو
فدوى الحسن
08-10-2007, 08:32 AM
كل سنة وانت طيب وربنا يحقق الاماني للجميع
عبدالمنعم الصديق(خدرا)
08-10-2007, 11:45 AM
الباهى
كل سنه وانت طيب
نحن جايين نبارك العيد
شاهى لبن مقنن باللقيمات قبل الخبيز
الخبيز دا كان كترنا فيهو بحمينا الفطور
الا جيب ليك صحن صحنين نتصبر بيهم
ودعوب دا كب ليهو صحن فى جيبو عشان ما يفطر
مختار بازى
08-10-2007, 12:04 PM
سلام عليكم عــــــــــــيد موبارك علينا عليكم كل ســــــــــــــــنة طيبين طيبين

اســـــــــــــامة كل سنة وانت طيب

علا الداهية البتلف براها نشيل منها الخبيز دا كيفن عاد تعال جيب حبل اربطا لينا دعوووب ليهو ساعـــــــــة بيصارع عشان يفتحها,,
اسامة الباهى
08-10-2007, 10:40 PM
تعال آخوى لاجاى على الضل والضرة من الهجيرى دى اكان ما عجبك الخبيز بالشاى عندنا القراصة بالخدرة . اما الشاهى باللقيمات دا بعد القهوة ,, وشاينا دحين بى لبن البهايم . يمين كان جيتنا تقول لى اسكت كب ..

العيد مبارك ---
تكنو - ودمدنى -ودالباهى
التحية لأسامة حمد الباهى ولوالده الخليفة حمد الباهى خليفة الختمية بمسجد الشهيد د. ودالريس بعووضة شرق التحية له ولرفقائه ولطادر اللجان الشعبية بعووضة الاخ محمد احمد عبدالله بشارة (محمد بشار) الذى لا نامت له عين حتى اكمل بناء وتشييد مسجد الشهيد الريس بعووضة ,, ودمت يا ودبشارة لخدمة الحى

من جعفر الرشيد (تكنو )
الاخ اسامة الباهى
صلاح ودالطاهر
08-10-2007, 10:53 PM
كل سنة وانت طيب وربنا يحقق الاماني للجميع
هشام السماني إبراهيم
08-10-2007, 11:43 PM
كل سنة وانت طيب وربنا يحقق الاماني للجميع
عثمان جلالة
09-10-2007, 12:45 AM
ها جنا ها ......... العيد مبارك عليكم ... خيرا جانا وجاكم .......... أها نحنا آآآ اللخو لا بندورلنا خبيز ولا يحزنون .... بندورلنا عصيده بى ملاح نعميه .... وصحن الليل شطة وبصل ... عندكم ولا يفتح الله !!!!!!
اسامة الباهى
09-10-2007, 01:08 AM
يمين حر`م تخش لاجوة فى التكل ان مافى العصيدة نكرها ليك باقى دقيقة العصيدة راقد بالكوم عندنا والنعيمية اسكت ساكت اسأل اسامة الباهى دا يقولك عنها يمين نسويها فى الخلا بلا سبة اها دحين بتجى والا عندك كلام تانى ... كان ما بتجى فى التكل تعال فى الراكوبة حقتنا فى هوا همبريب بارد وعنقريب هبابى .. كدى تعال شوفو .. وجيب معاك حاج احمد وولدو الضو (( تعال ومعك آخرون ))

تكنو / مارنجان عووضة
ودالباهى اسامة

الدايرنا يلقانا قاعدين تحت راكوبة ودالفضل نصة نهار
هشام السماني إبراهيم
09-10-2007, 03:51 AM
ها جنا ها ......... العيد مبارك عليكم ... خيرا جانا وجاكم .......... أها نحنا آآآ اللخو لا بندورلنا خبيز ولا يحزنون .... بندورلنا عصيده بى ملاح نعميه .... وصحن الليل شطة وبصل ... عندكم ولا يفتح الله !!!!!!



والله كلام يخلي الواحد يفطر :p


اهم شي النعيمة وكدا :rolleyes:
اسامة الباهى
10-10-2007, 04:41 AM
يمين ان مافاطر مابتمرق مننا ساى
والله حقك وحق حاجة السرة نصرو ليك فى صرة ونديك اياه بس ما تدى للبطان الفى القوز ديك حبابك عشرة بلا كشرة

الشاعر قالها :
إن وديتك ارقى تعرفى تشيلى الصفيحى وتردى
وإن قالولك مراحنا جعان تعرفى تمعطى السعدى
وحات إسم الله من نص حوض إلا تمسكك الوردى

دا كلام الشاعر ان ما فهمتو قولى اللفهمك إياهو

تحيات تكنو واخونا اسامة الباهى سيد الاسم
mahagoub
20-10-2007, 01:47 AM
اسامه كيف حالك
كل عام وانت والوالد حمد بخير
شهيتنا الخبيز رسل لينا صحن وضرضرو بالسكر