هاشم ميرغنى

[عبدالمنعم الصديق(خدرا)]

الاعزاء محبى الاستاذ الراحل هاشم ميرغنى
لكم التحيه بقدر هامة هذا العملاق الذى رحل عن دنيانا باكرا
اتمنى لو تخصصوا بوست لاعمال هذا الاستاذ
وعشمى فيكم كبيرا ان تدلونى اين اجد له شرائط سى دى صوره وصوت
بحثت فى الرياض وفى شتى المدن السعوديه
تصوروا وجدت الشرائط الهابطه بالكوم
ولم اجد اغنيه واحده لهذا العملاق
حاجه موسفه مش كدا ؟؟؟؟؟؟؟
لك الرحمه ايها الاستاذ ذو الاحساس المرهف
انا وين ادسك
اشيلك فى اعماق عيونى
واخاف النظر يجرح يمسك
اشيلك جوه الجوه
وبرضو الناس تحسك
انا وين ادسك
......................
واللايمنى فيك ياحالى انشالله يصيبو حالى
عنب الشام بريدو الا منالو غالى

[عبد الحفيظ علقم]

هاشم ميرغني فنان عظيم وغايه في الروعة وانا ايضا من المعجبين به اخي عبد المنعم لكن شكلك ماحتلقي في الرياض لكن كان جيت السودان تمشي بس اقرب محلا ت cd حتلقي العاوزو لكن ممكن تشوف موقع youtube.com وتعمل بحث في هاشم ميرغني حتلاقي صورة وصوت

[سواااح]

هشام مرغني
رقم في وجدان المستمع السوداني
رقم ذو قيمة عاطفية كبيرة جدا
عليه الرحمة

[عبدالمنعم الصديق(خدرا)]

هاشم ميرغني فنان عظيم وغايه في الروعة وانا ايضا من المعجبين به اخي عبد المنعم لكن شكلك ماحتلقي في الرياض لكن كان جيت السودان تمشي بس اقرب محلا ت cd حتلقي العاوزو لكن ممكن تشوف موقع youtube.com وتعمل بحث في هاشم ميرغني حتلاقي صورة وصوت
الاخ عبدالحفيظ علقم
لك التحيه وكل سنه وانت طيب
الله يبشرك بالخير وانا نازل السودان بعد شهر اتمنى ان اجد ضالتى هناك
عزيز ياعزيز ماهنت وقاسى الزمن الشالك انت
قاسى الزمن الشال ابو صداح
الغ رحمه ونور عليه

[عبدالمنعم الصديق(خدرا)]

هشام مرغني
رقم في وجدان المستمع السوداني
رقم ذو قيمة عاطفية كبيرة جدا
عليه الرحمة
الغالى سواح
لك التجلة وكل سنه زانت طيب
شكرا على المرور ايها الغالى

[عمر معتصم]

لك الشكر الاخ عبدالمنعم للتاحة هذة السانحة عن العملاق هاشم ميرغني الذي قدم للفن السوداني روائع الغناء وهو فنان ذو صوت جميل ارجو من جميع الاعضاء التوثيق لهذا الفنان ومدنا بي مقطتفان من اغانية ولكم الشكر جميعا

[عبدالمنعم الصديق(خدرا)]

لك الشكر الاخ عبدالمنعم للتاحة هذة السانحة عن العملاق هاشم ميرغني الذي قدم للفن السوداني روائع الغناء وهو فنان ذو صوت جميل ارجو من جميع الاعضاء التوثيق لهذا الفنان ومدنا بي مقطتفان من اغانية ولكم الشكر جميعا
عمر معتصم
كل سنه وانت طيب وربنا يحقق الامانى
فعلا يااخى اضم صوتى لصوتك ويجب ان نؤرخ اهذا العملاق
*****************
من فارقك قلبى جفنى قط لا نام
اقضى الليالى حزين عاضض على الابهام
ياحمام الايك اغريهو منى السلام
قل ليهو الزمان فرقنا الكون بقالى ظلام
تمام ياحبى تمام الحب قسم واقسام
متين تعود حالتنا تتبدل الايام؟؟؟؟

[فدوى الحسن]

الفنان المهندس المعماري

----------------------

الفنان المهندس المعماري هاشم ميرغني
له العديد من الصولات والجولات في الساحه الفنية السودانية........
سطر اسمه من ذهب في قلوب كل السودانيين ,,,,,,,,,,
له خصوصية في فنة الراقي ,,,,,,,,,,,,,,
صوته رقراق نغمه حنينه !!!!!!!!!!!!!!!!!!!!!!!!!!!!!

لم يكرس نفسة للفن نسبة لظروف الهجره والغربة التي كان يعيش فيها
وايضاً اضافه لظروفه الاكاديمية !!!!!!!!!!!!!!!!!!!!!!!!
الا انة بارغم من ذلك فقد شتل فينا انواع من الغنوات الجميله الرهيفه وكفي انه هاشم مرغني
ولندع اغانية تتحدث عنه اكثر ..........................

[فدوى الحسن]

انت وانا من حقنا نفرح نطير زى الفراش
لمكان بعيد ما زارو زول قبلنا
انت وانا من حقنا
نلملم عقاب الزكريات
كان الزكرى تانى تلمنا
عارفنو ظلم الهوى كم غبن قلوبنا وحزنا
يومنا الفرحنا مع الخيال
وقلنا الفرح من حقنا
بشرنا بى فال الفراق
زى ماحرم عشاق كتيير من قبلنا
انت وانا نبقى عشاق للابد
نشيل الغرام فى دمنا
لاانت تنسيه ولا انا
انت وانا عاشقين رهاف
ساكنين ضفاف شتل الامانى وحبنا
انت وانا من حقنانسكن فى الكواكب
وفى قصر لغيرنا ابدا مااتبنى
نسامر النجوم يزورنا القمر
الحسى لو جافة الضهور ما بغبنا
ورجعنا تانى تانى تانى
لقينا الصبر الاصلو مزروع عندنا
انت ياروحى وامانى
الزول الجميل الاصلو مخلوق مننا
وشنو الفضل مابقيت انا وباقى الحكايه المحزنه
انسان بريد عينيك كتييير
عشق حكايتك وادمنا
لم رجع خطوي ولقاك
بقى يكره الغربه المريره ويلعنا
ياربنا ياربنا ياربنا
العشنا من ظلم الهوى
مايعيشو زولا بعدنا
انت وانا
نبقى عشاق للابد
نشيل الغرام فى دمنا
لا انت تنسيهو ولاانا ولا انا




وللاستماع اضغط علي الرابط التالي
http://www.sudaneseonline.com/Sudane.../ente_wana.ram

[فدوى الحسن]

ماخلاص قلبى اصبح
من عذابك فى الاسى
وهجير شديد
وجعاتو ماشافن مساء
يوم القى ابتسامتك
ابتسامك والصباح
ويوم القى
فى عمقى الجراح
والعطف منك
ياسماح يتلاشى راح
عاد اقبل وين واحكى الوجعه
ياتو خديد اشيل الدمعه
وياتو حنين يجيب الراح
اشيل كلماتك واسافر
اذكر بسيماتك واساهر
خلى طيفك يبقى هاجر
يخلينى فى مسحة حزن مابتنطرح
مازى وجيهك كل يوم
يصبح سمح يموت جرح
وجيبى جرح
وقليبى لامات لافرح
اقبل وين
واحكى الوجعه ياتو خديد اشيل الدمعه
وياتو حنين يجيب الراح

[فدوى الحسن]

تخدعنى بى كلمات غرام
وابقى مقتول انا بالكلام

اسير فى سجنك
لى زمن مكتوب على النوم حرام

بقيت اخاف من الفرح
لانه بعده بجى الخصام

لانى عارف انى فيك
والا فينى وانا الملام

جيت تقول البينا راح
ما اصلوا رايح من بدا

ما اصلوا صرخات من غريق
حتى البحر ما برددا

وعشمى فى الزمن العنيد
غنواتى فيك ما يخلدا

خلفت فى قلبى الجراح
خلفت فيه ذكرى وصدا

[فدوى الحسن]

لحظك الجرّاح




لحظك الجرّاح
أذاي فيه ، وفيه الطرب والراح
مناي يا زهرة الأفراح
للقلوب شرّاح
مبتعد شيء عجيب ، مسجون وعندو سَرَاح
بيّ ضاق الكون ، لا أجدلو بَرَاح
منّي فارق ، وشال نوم عيوني ورَاح
عمري أضحى مُبَاح
وفي الغرام لا أقصد غير لقاك أرباح
سِرِّي ليك يُبـاح
مع الظلام تتبسم وليلي يبقى صباح
جيش غرامك زَاح
هَـدَّ حِصـن المُهجة ، ولي دِمَاي نَزَّاح
وعقلي كـاد ينزاح
وقُلّي هجرك جَـدْ يا جافي ولاّ مِـزاح
ليك مُحَي وضَّـاح
وليك جبين بي نور ماء الحياءْ نَضّـاح
والدمع فضَّـاح
وبي سِـرْ هواي البَيْ تعلمبو دون إيضَاح
تِعبَت الأصْـفَاح
وطرفي جافى النوم من طِيب عبيرو الفاح
من جفونو صِفَـاح
في مِبيسمو عقد الدُر ، في صدرو جوز تفاح

[فدوى الحسن]

عـــــشــــان أهـــــلــــك



عـشان أهلك بخليكِ وأشيل في جرحي ماضيكِ

أحـاول وبـرضى ما قادر عشان أنسى وأنسيكِ

كـتير الـدمعه فـي عـينيك تشوفيني وتخبيها

تـخافي عـلى أشيل همك وعيونك تحكى بالفيها

وقـدر مـا يقولوا ليك عني عشان ريدتنا تنسيها

تـداري الآهـه بـالبسمه وريـدتك لي تزيديها

ودائـمـا ده الـمبيكِ وعـشان أهـلكِ بـخليكِ

غـريبه نـعيش زي الأغراب وما نتهنى بالريده

وكـلما نـشتل الأفـراح تـجي الأقدار تمد إيده

تـشيل أمـل العمر كلو وتبكى عيوني يوم عيده

وصحى القالوهو في الريده بتعرف بس ظلم سيده

وأنـا الـشقيان أرضـيكِ عـشان أهلك بخليكِ

سنيني العشتها في ريدك حرام لا خنت لا خنتي

أغـيب منك سنين وسنين وألاقيك انت بي إنتِ

وقدر ما يلوموني معاك عشاني اللوم كتير شلتي

وكـلما يـقيفوا في دربي أشيلك دمعه في صمتي

وبـس مـجبور أقـول ليكِ عشان أهلك بخليكِ

[فدوى الحسن]

حــــــــــــان الــــــزفـــــاف





ماتصدقيهم لو قالو ليك جنيت ..جنيت
ماأنا بعدك ما عندي عقلاً بيهو اجن
ماتصدقيهم لو قاليو ليك درويشاً
مودر إسمو في فقدك ..
بان أكتب قصايدك ..ليل وكل ليل
أكتب حروفك واندفن
جنيت .. جنيت..
وجيتي تسأليني شن سويت
أنا ماطوعتو حرفك
وبي جفاك غنيت
عزفت هواك شراع مكسور
وشهقتة أنفاس الغرق دوبيات
جنيت .. جنيت..
رسيت ليك من غير مراسي وشط
لاخفت غضب الموج ولا اتضاريت
بس خفت العمر يمشي
وأبقي مرسيه لي زولا صبح ياريت
أنا طول عمري كنت ليك نعم.. وماعرفت أبيت
جنيت ..جنيت

حــان الـزفـاف حـالـي كـيـفن بوصفو
يـا ريـت هـواك لـي مـا انـقسم
ولا قلبي ريدك نذفو


قــالـوا الـبـعـيش الـدنـيـا يــامـا تـشـوفـو
تـشقيهو بـي فـرقة عـزيز
بـالحسرة ريـقو تنشفو
وإن شـاء الله مـا يـحصل فـراق
لـقلوب بـعد .. إتولفو

بـس قـولي لـي أنـساك كـيف
وأنـا.. قلبي ريدك محنو
أبـحر سـنين فـي كـون هـواكي
الـليله فـاقد مأمنو
ولـو ده الـحصاد مـن كل ريد
ناس قيس صحيح إتجننو

جـوني الـصحاب
أنـا قالوا لي شافوها في توب الزفاف
شـافوا الـدموع وإتحسروا
والشوق غمام في عيونها طاف
مـــش عـــاد حـــرام ســاكـن الـضـفاف
يــنــشـرة فــــي عــمــرو الــجـفـاف
طول عمري بزرع في الورود
وحصادي شوك آخر المطاف

[فدوى الحسن]

هسـه خايف من فراقك



لـســه خــايــف مــن فــراقـك لـما يحصل يبقي كيف
زى ورد فـى عـز نداهــو خـوفـى بكره يزورو صيف
مـن عــرفـتـــك كـنـتــا حـاسـس الزمن لى ما بسيبك
وكـنـــتـا حاســس رغــم ريـدى إنـى زى الما حبيبك
والـحـنــان الـبـيـنـا ولف لا نـصــيــبى ولا نـصــيبك
والـزمــان عــارف مصـيرنا حــقو لى ما كان يجيبك

والـفــرح فـى دربـى عــارفــو اصـلـو ما بطول كتير
زى غــمــام فى سـمــايـا عـدا سابنى فى عز الهجير
كـم فـراش عـلى ورده طلّ اصـلـو مـا قـايــلاه بيطير
فــات وراح شــايـل هـنـاه خـوفـى من نفس المصير

حـقـــو يــا عـيـنـى تـوالـفـى الـصـبــر قـبـال فراقها
انتى عارفه الجاى بكره برضو تزهدى فى اشتياقها
كم عيون فى اليده غرقت والزمـن من ريـدها ساقها
ما كتير القلـبـو حـبــه يــــامــا كــم فـى هـواه لاقاها

يـا زمـن عـلـمـــنى انـســـى الـمـحـال نسيانه عيونه
حــتــى لــو أيـامى طــالت مــا اظــنى اعيـش بدونه
مــا اظــن ايـــامى تــانى زى حـنــانه تكــون حنونه
انـتـى خــونى زمــانى كـــــلو إلا اوعــك يوم تخونه

[فدوى الحسن]

إنتي مامشتاقة لي



انتى مامشتاقة لي ولا ماعارفة العلي

يعنى مامشتاقة لي ولا ماعارفة العلي

لو خلاص خليتى ريدى يكفينى خاتمك فى اييدى

مازمان قبال اسيبك فراقى كان صعب عليك

شلت جرحى وفت منك همى بس كان كيف اجيك

جيت بى شوق الدنيا كلو داير احس بى شوقى فيك

بس لقيت اللهفة راحت حتى عينيكى ما عينيك

مازمان قبال افارقك قلتى لى اوعك تطول

قلبى دايما فى رجاك المحال غيرك يبدل

عشت بعدك كلى ذكرى امسى بى طيفك واقيل

الليله قلبك لونسانى غير عيونك وين اقبل

شلت فرحى وجيت اسالمك قايلك انتى تحسى بى

انتى ما انتى الزمان لامن قليبك بالفرح يحضن اييدى

انتى ما انتى الزمان اصلى مامصدق عينى

داير افوت ياغاليه منك ابكى واحضن فى الاسيه

[فدوى الحسن]

غيب وتعال


غيب وتعال
غيب وتعال..تعال وتعال
غيب وتعال تلقانا نحنا يانا نحنا يانا نحنا
ما غيرتنا ظروفنا ولاهزتنا محنة
كم بعنا في الغرام واشترينا
غير هواك ماربحنا
ياحبابنا وشياينا وربابنا وياسمحنا
غيب وتعال تلقانا بي نفس الايادي
الراجفة مشتاقة في ساعة سلامك
تلقانا بنفس القلوب الطيبة
ديمة ديمة تطرب من كلامك
تلقانا بنفس المشاعر الطيبة
ديمة ديمة تطرب من كلامك
تلقانا بنفس القلوب
الياما حزنت لما فقدت ابتسامتك
والله بعدك ياغالي
لاغنينا لا انشرحنا

غيب وتعال
تعال لينا وتعال لينا وتعال لينا وتعال لينا وتعال لينا وتعال لينا.......
تعالنا يا انبل عواطف طافت الدار الحزينة
تعال لنفوسنا
انت يامنبع عذابة وانت مصدر اليمة
تعال لي ليالينا البواكي
الكانت بتطرب يازين
يوم تجينا يالخطي الواعدة ورزينة

لا نسيناك واسترحنا
لا لقيناك وفرحنا
لا نسيناك واسترحنا
انت غيب وتعال
غيب وتعال تلقانا نحنا يانا نحنا يانا نحنا

[فدوى الحسن]

كنوز الدنيا


لو كنوز الدنيا راحت
صدقيني روحتا ما بتاثر
انا اشتريت بيك عمري كلو
ما في غير فقدك بيخسر
لو عجزت النظرات تعبر
خلي الغنا البكاي إفسر
لو وهبتك عمري كلو.. كلو ..
تلقيني في ريدك مقصر

اصلي من شفتك وحاتك
ناوي ابنيلك خميلة
لي جمال ما شوفنا زيو
للعيون نادرة وكحيلة
خوفي تبقي زي ندرة عينوك
في الوداد دايما بخيلة
تنسجي الازهار عقودك
وتبقي شوفتك مستحيلة

الغنيوة الحلوة ضاعت
الحروف بيصعب اقولا
كنت في عينا نجمة
في سماها بعيد وصولا
كنت في عينا دمعة
لسواك صعب نزولا
بقيتي في عينا دمعة
لسواك صعب نزولا
العيون ما شايف غيرك
كفيفة لما يفوتا زولا



للإستماع اضغط علي الرابط التالي :
http://www.sudaneseonline.com/Sudane...z_al_dunya.wma

[عبدالمنعم الصديق(خدرا)]

فدوى بت الحسن
الله يديك العافيه
لما ارجع جيزان بقعد ليك بمهله لكن هنا الوضع صعب
انا كل يوم فى مكان
اللايمنى فيك ياحالى
انشالله يصيبوا حالى
عنب الشام بريدوا الا منالو غالى

[mohammedfatah]

لا حول ولاقوة الله بالله
انا فتحت الموضوع قايل الاقى غنية جديدة اتفاجاة بخبر وفاة الفنان هاشم ميرغنى
والله الف رحمه عليه وجعل الله الجنة مثواه ولعن الله الغربة التى تجعل الانسان بعيد عن الاخبار

[النور محمد يوسف]

الأخ عبد المنعم.....ألا توافقني أن طرحك لهذا الموضوع خلانا نقف مبهورين بنشاط واطلاع الاخت فدوى الحسن .... بصراحة كدا بُهرتُ بها وهي تأتينا بالاكتوبريات وانبهر لنشاطها الدافق الان....في مناسبتين حبيبتين لنفسي...اكتوبر والمرحوم هاشم ميرغني....لك التحية أخي عبد المنعم ولك شكرنا فدوى وعيني باردة ما شاء الله وتبارك الله لا قوة الا بالله ...بس ما عارف الرابط دا ما اشتغل عندي ليه

[مثني ودالعيكوره]

اللهم ارحم الرائع هاشم ميرغني ... واجعل الجنه سكنه... وتقاضي عن زلاته ... وردنا اليك رداً جميل...

ومشكور الرائعه فدوي... ومشكور الاخ عبدالمنعم الذي رمي بالحجر في البِركه فحركها

ودمت متحابين...

[عبدالمنعم الصديق(خدرا)]

لا حول ولاقوة الله بالله
انا فتحت الموضوع قايل الاقى غنية جديدة اتفاجاة بخبر وفاة الفنان هاشم ميرغنى
والله الف رحمه عليه وجعل الله الجنة مثواه ولعن الله الغربة التى تجعل الانسان بعيد عن الاخبار
العزيز محمد فتاح
لك التحيه
انت وين ماعرفت بخبر وفاة الاستاذ هاشم ميرغنى وهو توفى قبل اكتر من سنه
نسأل الله له الرحمه وان يلهمنا نحن محبيه حسن العزاء
لك الشكر على مرورك
اتمنى ان نوفق لانزال كافة اعماله فى هذا البوست
ويلا همتك معنا

[عبدالمنعم الصديق(خدرا)]

الأخ عبد المنعم.....ألا توافقني أن طرحك لهذا الموضوع خلانا نقف مبهورين بنشاط واطلاع الاخت فدوى الحسن .... بصراحة كدا بُهرتُ بها وهي تأتينا بالاكتوبريات وانبهر لنشاطها الدافق الان....في مناسبتين حبيبتين لنفسي...اكتوبر والمرحوم هاشم ميرغني....لك التحية أخي عبد المنعم ولك شكرنا فدوى وعيني باردة ما شاء الله وتبارك الله لا قوة الا بالله ...بس ما عارف الرابط دا ما اشتغل عندي ليه
الاخ العزيز النور محمد يوسف
لك التحايا اخى وانت تمر بهذا البوست
اوافقك الرأى بنشاط الاخت فدوى ماشاء الله عليها وعلى اتطلاعها وافقها الواسع وهى من امدتنى بهذا الرابط
هذا الرابط فى سودانيز اون لاين مكتبة الاغانى السودانيه
لك الشكر اخى الرائع واتمنى ان ارى مساهماتك فى هذا البوست
حتى نحيى ذكرى انسان عزيز علينا
مع حبى لك ايها العزيز

[عبدالمنعم الصديق(خدرا)]

اللهم ارحم الرائع هاشم ميرغني ... واجعل الجنه سكنه... وتقاضي عن زلاته ... وردنا اليك رداً جميل...

ومشكور الرائعه فدوي... ومشكور الاخ عبدالمنعم الذي رمي بالحجر في البِركه فحركها

ودمت متحابين...
الاخ مثنى ود العيكوره
لك الحب وللعيكوره التى اتيت منها
اشكرك اخى وهذى دعوة مفتوحه لك لاثراء هذا البوست بكل الحب والجمال تأملا فى روائع الرايع هاشم ميرغنى
مع حبى لك