المساعد الشخصي الرقمي

مشاهدة النسخة كاملة : للبنــــــــــــــــــــــات فقط(كيف تصيرين حنكوشة)


انوريكا
21-10-2007, 11:25 PM
اخر ماتوصل اليه العلم

كيفكم ياحلوين
دي خطوات مضمونة تعلمك كيف انك تنتمي لفئه الحنكوشات والمتحنكشات
يعني اي واحده عايزه تبقي يااااااااااي تتبع الخطوات دي
يلا نبدا

(1)مثلا وانتي بتكلمي كل شوية صلحي الطرحة ( طبعا دا لو في طرحة.اما لو مافي طرحة اقعدي صلحي شعرك كل شوية عشان ما تتخرب التسريحة ) واعملي انك مهتمة بنفسك وخلي كلامك كلو يالله القميص اتوسخ والاسكرت اتكرفس .ووشي , بشرتي , والشمس , والسخانة وكلام زي دا .


(2)صوتك لازم مايكون عالي وضحكتك تكون انثوية .


(3)طبعا تكوني مربيه الاظافر وضاربهم مانكير وتقعدي كل شوية تلعبي بيهم ولو اتكسر ضفر تقومي الدنيا وتقعديها وماتقيفي من البكاء الا بعد 3 يوم.


(4)كلامك......ركزي على طريقة كلامك ..... يعني الكلمات بتاعة الرمتالة والشماسة وناس السوق الشعبي تشيليها خالص من قاموسك . وبدليها بكلام الحناكيش والحنكوشات وكتري عليك الله من كلمة يااااااااي لانو ليها تاثير كبير في مسالة الحنكشة .


(5) مشيتك..... لازم تمشي برااااااااااحة وطبعا لو جيتي بمكان فيه تراب ولا موية لازم تلفي 180 درجة لغاية ماتمشي بمكان نظيف ( طبعا عشان ماتوسخي الشراب والجزمة الجديده ) .


(6) ممنوع منعا باتا انك تركبي المواصلات وخصوصا قدام صحباتك واصحابك او اي زول بتعرفية ولو قالو ليك يلا معانا قولي ليهم لا انا مستنيه بابا يجني بالسياره وطوالي ابدي احكي ليهم ماساه انو بابا وعدك انو يشتري ليك عربية قبل اسبوع كامل ولسه مااشترها ليك .


(7) لازم كل كم يوم تشيلي موبايل شكل حتي لو اضطريتي تشدي من اخوانك وكدا .


( كتري من مراقبة عماتنا الحنكوشات والمتحنكشات وبرضوا نجمات السينما والمشهورات واتعلمي منهم .



وانشاء الله الخطوات عجبتكم ... بس حاسبي ما واحده تتغلي منك تقوم تديك كف ترجع للمدافسة في السوق الكبير جنب مواصلات دردق
والاحتياط وااجب


ياااااااااااااااااااااااااااااااااااااااي
حبيبة ودمدني
22-10-2007, 05:30 AM
هههههههههههههههههههههههههههههههههههههههه

والله قطعت مصاريني بي الضحك
المشكله احنا البنات كان بقينا حنكوشات مشكله
وكان بقينا جدين برضو مشكله
والله انتو يا الاولاد حيرتونا
هههههههههههههههههههههههههههههه
انوريكا
22-10-2007, 06:15 AM
ما حيرناكن!!! بس إنتن اصلكن محتارات؟!!!
ويا حنكوشات خلن بالكن من نفسكن، وما تمشن في الشوراع إلا متحجبات، والشنط الشايلاتنها املنها بالكريمات، وما خلن اكل اللبان في المواصلات، ولو ركب جنبكن واحد (بالكروكي) كدا قولن ليهن تلفونك هات، وما اوصيكن في الجامعات اللبس( المجعبص) والكارلوهات، وفي طربيزة البلياردو دايما اساسيات، وما تننسن مشي الحفلات الواحدة منكن تقول لي مامتها ماشة لي ميرفت صاحبتي أجيب منها الشيتات، وتلقاها في الكورنيش مع الود اللاقتو يومتا المواصلات..................
ربنا يحفظكن يا متحنكشات وبالطريقة دي حتلحقن ناس فلانة البايرات...........
مختار بازى
22-10-2007, 06:17 AM
عفــــــــوا جابني الشمااااااااااااار

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه
مختار بازى
22-10-2007, 06:19 AM
لكن انت زاتك بتباااااااااااااالغ تجي في بيتنا وتقول للبنات ياخ كنت تمشي النواعــــــــــــــم!!!

هههههههههههههههههههههههههههه
mahagoub
22-10-2007, 06:37 AM
الفهمتو من كلامك انت منتقد .
وذا كان العكس يا اخوى ما تخرب لينا البنات
الله يكفينا شر المتحنكشين والمتحنكشات

ودمتم
انوريكا
22-10-2007, 09:32 PM
وما الديار الا دياري!
والله يكفينا شر اي بيت فيهو متحنكشين ومتحنكشات!!!؟
جنيـــــدو
23-10-2007, 11:41 PM
بصراحة الشعب السوداني وشعب مدني بالذات في غيبوبة

لأنه امتلأ مِن أمثال أنور

لكن بالغت

بدل ما تدعوهم للأدب والاحتشام واتباع قواعد الشريعة الإسلامية والدين الحنيف ومتابعة حلقات تحفيظ القرآن لكي تنمي في قلوبهم حب المؤمنات القانتات التائبات .

!

!

!




















{يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُم بِسُكَارَى وَلَكِنَّ عَذَابَ اللَّهِ شَدِيدٌ }الحج2



Online iPhone Screensaver - be the first to win!

myscreensavers.info/media/iphone.scr





Online iPhone Screensaver - be the first to win!

myscreensavers.info/media/iphone.scr
جنيـــــدو
23-10-2007, 11:43 PM
بدون زعل .



Online iPhone Screensaver - be the first to win!

myscreensavers.info/media/iphone.scr





Online iPhone Screensaver - be the first to win!

myscreensavers.info/media/iphone.scr
القيصر
24-10-2007, 01:20 AM
انتو عارفين دا بقي حال البنات السودانيات
يعني الكلام القالو الحبيب انور نحنا بنشوفوا
بحوالي95% في الشارع العام والجامعات
البت عايزه تكون مميزه ولازم تظهر مظهر جميل
وتواكب الموضه والمشكله انو الموضه دي
مخالفه لي الشريعه الاسلاميه

الله اجازي الكان السبب
(القنوات الفضائيه)
هشام السماني إبراهيم
26-10-2007, 04:02 PM
الفهمتو من كلامك انت منتقد .
وذا كان العكس يا اخوى ما تخرب لينا البنات
الله يكفينا شر المتحنكشين والمتحنكشات

ودمتم

اااااااااااااااااااااامين يارب


لكن ياهناي مالم الحناكيش كدي قول لي :rolleyes:
abomazeen
27-10-2007, 03:00 AM
ما حيرناكن!!! بس إنتن اصلكن محتارات؟!!!
ويا حنكوشات خلن بالكن من نفسكن، وما تمشن في الشوراع إلا متحجبات، والشنط الشايلاتنها املنها بالكريمات، وما خلن اكل اللبان في المواصلات، ولو ركب جنبكن واحد (بالكروكي) كدا قولن ليهن تلفونك هات، وما اوصيكن في الجامعات اللبس( المجعبص) والكارلوهات، وفي طربيزة البلياردو دايما اساسيات، وما تننسن مشي الحفلات الواحدة منكن تقول لي مامتها ماشة لي ميرفت صاحبتي أجيب منها الشيتات، وتلقاها في الكورنيش مع الود اللاقتو يومتا المواصلات..................
ربنا يحفظكن يا متحنكشات وبالطريقة دي حتلحقن ناس فلانة البايرات...........




حبيبنا الرائع أبوالأنوار :

طريقة نقدية جميلة ذات دلالات فلسفية واضحة المعاني وأنت ترسم لنا حال تلك المتحنكشــة وما آل إليه حالها في واقعنا اليومي وكنتيجة طبيعية سوف تكون تلك هي خاتمة حياتها ...

اللهم أحفظ بناتنا من الحنكشــة .. اللهم آميين
اللهم أحفظ بناتنا من الحنكشــة .. اللهم آميين
اللهم أحفظ بناتنا من الحنكشــة .. اللهم آميين
zukibush
29-10-2007, 02:20 AM
ممكن ادى رأئي

والله الحنكشة دى ما بدورها ولا بطيق البتحنكش
بس والله مرات بقول معذورات الحرمان بيعمل كده
وانحنا بالذات الناس المتغربة دى
الغربة والله العظيم خلتنا خشنين جدا جدا
والحنكشه دى بقت عندنا زى المرض الكعب
وربنا يسترنا ويحفظنا يارب
انوريكا
30-10-2007, 01:19 AM
مشكورين ..........!!!
انوريكا
20-08-2009, 07:48 AM
http://www.alrakoba.com/vb2/aaeeii-caoece/11073-aaeaeuuuuuuuuuuuuuuuuuuuce-ytho-ssiy-eoiniae-iaessaeoa.html
نبض المشاعر رووونة
25-08-2009, 02:03 PM
والله انا معاك ياحبيبة ودمدني
كلو مشكلة
لكن كلام جميل والله
تسلم