المساعد الشخصي الرقمي

مشاهدة النسخة كاملة : صُدفه غريبه جداً .. جداً .


ود المطامير
24-10-2007, 10:50 AM
أنا من قمت ووعيت الدنيا دى وأنا بحب كتل الكلاب والكدسه والفيران
أى كلبه فى المطامير تجيب ليها كم جريو طوالى بينادونى وأخمهم فى جرد
وأجرى بيهم الخور والشفع يجرو وراى .. أمسك جريو باليد دى وجريو باليد دى
وأفك جريو فوووق فى الهوا وأصفقو بالتانى أكان إتلطشو فوق فى الهوا
خلاص بتلحسو وأكان جليتو بتم الناقصه بالعكاز .. وسمونى كتال الكلاب ..
أها ... الكدسه .. كدايس الفريق لو سمعن صوتى ساااى فى لمحة بصر تلقاهن فى آخر فرع فى الشدر .. والكديس لو ماشى فى آخر الدنيا وأكون عارف حجرى ما بيحصلو بس لازم أفك فيهو حجر .. مجهجهن جهجه بالطريقه الصاح
والفيران .. نقبضهم حيين ونرميهم للكدسه .. غايتو .. وغايتو .
أها .. جيت أبوظبى .. بالله شهرين بس إشتغلت ولحد اليوم لى فى شغلى 21 سنه
عارفين شغال شنو ؟؟
كتال كلاب وكدسه وفيران
هع هع هع هع
ابراهيم
24-10-2007, 11:36 AM
والله انت عامل زي اخوك العبد لله عنده غرام
انا بمشي وبجيك لأنو الموضوع انا بفتش ليهو من زمان.
عزيز عيسى
24-10-2007, 11:58 AM
سبحان الله يا ودالمطامير الصدفة الأغرب من ذلك كنت قبل دقائق بتكلم مع واحد
صحبي بخصوص كتيل الكلاب من قبل البوليس زمان.. وإتناقشنا في الموضوع
قلت ليهو زمان البوليس تلقاهو حايم في الأحياء وشايل البندقية ويكتل في الكلاب
بدون فرز (كاوبوي).. يعني الكلب السعران والكلب غير السعران كله عند البوليس
صابون.. (سرتانا لايرحم).
ياخي زمان لما كنت صغير كان عندنا كلب إسمه (بوبي) واحد من الخواجات اللي كانوا
شغالين فريزين في القطن أعطاه للوالد هدية.. الكلب من سلالة أوربية ومن النوع البفهم
الكلام.. يعني لو قلت ليهو أجلس هنا وما تتحرك بيجلس في محله وما يتحرك إلا إذا
طلبت منه إنو يتحرك.. وما بيلمس أو يأكل أي شيء أبدا إلا يدوه ليهو.
المهم في يوم من الأيام كان البوليس (كتال الكلاب) حايم في الفريق وشغال ليك
طاخ طاخ يكتل في الكلاب.. كلبنا بوبي كان داخل البيت.. بالله بس ختت رجله
بره البيت تقول البوليس كان حارسه ويقوم يلقطه ليك بطلقة ويخليهو لينا جثة
هامدة.. تصدق البيت كله كان بيبكي.. وأنا أكثر واحد كنت ببكي لأنه بوبي كان
صحبي شديد أيام الطفولة..
قلت للوالد إلا أمشي أكتل البوليس الكتل صحبي بوبي دا ذاتو..
بالله شفت ذي القساوة دي كانت كيف زمان.. تصدق من ديك كنت كاره حاجة
إسمها بوليس.. لغاية ما الظروف جابتني وسكنت معاهم في إشلاق البوليس.
أها هسع طلعت لينا إنت اللي بتضرب كلبين بحجر واحد.
مختار بازى
24-10-2007, 01:28 PM
والله انا كل ما اقول شقـــــــــــــي بتجيب ليك موضـــــــــــوع تثبت لي فيهو انكـ اشقي من الشقاوه زاتا

لكن اتاريكـ عندك تار قــــــــديم مع الكدســــــــــــة

الله يطول في عمرك ويديك الصحــــــــــــــة والعافــــــــــية,,
ود المطامير
24-10-2007, 04:21 PM
والله انت عامل زي اخوك العبد لله عنده غرام
انا بمشي وبجيك لأنو الموضوع انا بفتش ليهو من زمان.
عمّى الحبيب ابراهيم
أى عليك الله تعال سريع
والله شكلك كدا أخطر منى .
ابراهيم
24-10-2007, 06:16 PM
القصة بدت زمان ايام الجهل اها الواحد كان البراءة تحسها في عيونو .. المهم الكهربا كانت قاطعة وانا قاعد براي الناس مشو الجامع صلاة المغرب .. دخلتني خوفة قلت مالي ومال الهم الحوش واسع الهواء يحرك ليك الاكياس حسيت الشغلانة زي بيت الشبح قمت دخلت جوة الاوضة لقيت ليك كديس اسود وعيونو زي الجمر واقف في نص الاوضة وقدر ما هرشتو ما حرك رمش شبكتو ليك بس بس والكديس عامل اضان الحامل طرشة .. طوالي شلت سفنجتي ومشيت الجامعة خالي طالع من الجامع لقاني قال لي يا ود مالك مخلوع كدة قلت ليهو الكديس حمر لي ووقف لي في نص الاوضة المهم من هناك بدا حقدي للكدايس والكدايس المجاورة وبجي بحكي لي باقي الحكاوي انت بس لوك الصبر.
ابراهيم
24-10-2007, 06:25 PM
ياخي زمان لما كنت صغير كان عندنا كلب إسمه (بوبي) واحد من الخواجات اللي كانوا
شغالين فريزين في القطن أعطاه للوالد هدية.. الكلب من سلالة أوربية ومن النوع البفهم
الكلام.. يعني لو قلت ليهو أجلس هنا وما تتحرك بيجلس في محله وما يتحرك إلا إذا
طلبت منه إنو يتحرك.. وما بيلمس أو يأكل أي شيء أبدا إلا يدوه ليهو.


والله يا عزيز بي بوبي دي خطر لي سؤال، ليه أغلب كلاب السودان اسمهم بوبي اي مكان تمشيه تلقي فيه كلب اسمه بوب هو الاسم دة جا من وين.
لكن كلبكم دة يا عزيز كلب مهذب ورومانسي ... ياخ نحن جيرانا كان عندهم كلب اسمه رامبو لو ناس الحلة ما إتأكدو انو رامبو مربوط زول بطلع من بيتهم ماف ومرات شفع المدارس بتأخرو من المدرسة بي سببو .. رامبو لو "هوهو" في بيتهم بعمل رعب في الحي وعادي جداً تلقى الواحد جاء خاش بيتهم بالحيطة عشان ما يجي بي شارع رامبو ..
والبوليس لو عرف طبع بوبي ما كان كتلو لكن يضمنو كيف ما يكون زي رامبو؟
عماد عبدالشكور
24-10-2007, 08:00 PM
سفاح الكلاب أقصد كتال الكلاب ودالمطامير المجهجه الكدايس والفيران . ابو ظبط دي فيها كدايس وكلاب وفيران حايمة ساااااااااااااااكت كدا ؟
لك خالص تحياتي
شبارقة
24-10-2007, 09:45 PM
زووووووووول سأل الراجل دا شغال شنو مافي!!
الزول دا ياناس شغال في البلدية ..
أول كان بتاع جمكسين ،، تاني لمن كبر والاسطوانة تقلت عليهو مسكوهو قسم الفئران والقطط والكلاب المتشردة ، ومن ديك وعيك ، هسي ما تشوفو فصاحتو .. الجريو الصغير يجهجهو ، ، ،
ود المطامير
24-10-2007, 10:08 PM
سبحان الله يا ودالمطامير الصدفة الأغرب من ذلك كنت قبل دقائق بتكلم مع واحد
صحبي بخصوص كتيل الكلاب من قبل البوليس زمان.. وإتناقشنا في الموضوع
قلت ليهو زمان البوليس تلقاهو حايم في الأحياء وشايل البندقية ويكتل في الكلاب
بدون فرز (كاوبوي).. يعني الكلب السعران والكلب غير السعران كله عند البوليس
صابون.. (سرتانا لايرحم).
ياخي زمان لما كنت صغير كان عندنا كلب إسمه (بوبي) واحد من الخواجات اللي كانوا
شغالين فريزين في القطن أعطاه للوالد هدية.. الكلب من سلالة أوربية ومن النوع البفهم
الكلام.. يعني لو قلت ليهو أجلس هنا وما تتحرك بيجلس في محله وما يتحرك إلا إذا
طلبت منه إنو يتحرك.. وما بيلمس أو يأكل أي شيء أبدا إلا يدوه ليهو.
المهم في يوم من الأيام كان البوليس (كتال الكلاب) حايم في الفريق وشغال ليك
طاخ طاخ يكتل في الكلاب.. كلبنا بوبي كان داخل البيت.. بالله بس ختت رجله
بره البيت تقول البوليس كان حارسه ويقوم يلقطه ليك بطلقة ويخليهو لينا جثة
هامدة.. تصدق البيت كله كان بيبكي.. وأنا أكثر واحد كنت ببكي لأنه بوبي كان
صحبي شديد أيام الطفولة..
قلت للوالد إلا أمشي أكتل البوليس الكتل صحبي بوبي دا ذاتو..
بالله شفت ذي القساوة دي كانت كيف زمان.. تصدق من ديك كنت كاره حاجة
إسمها بوليس.. لغاية ما الظروف جابتني وسكنت معاهم في إشلاق البوليس.
أها هسع طلعت لينا إنت اللي بتضرب كلبين بحجر واحد.
عمّى الحبيب .. عزيز عيسى
صدق من قال القلوب لبعضيها

ناس البوليس ديل زمان كان بجونا كل سته شهور
مره حامو فريقنا كلو مالقو كلب قاموا سألو واحد
قالوا ليهو نحنا عارفين الناس ديل داسين الكلاب ورينا
البيوت الفيها كلاب
قال ليهم ... هوى ها هو عروه مخلى ليهو كلب حايم ؟
لكن والله بوبى ما يستاهل .. كان مؤدب أكتر من ود المطامير فى جهلو
صلاح ودالطاهر
24-10-2007, 10:09 PM
ودالمطامير شكيت محنك
ود المطامير
24-10-2007, 10:20 PM
القصة بدت زمان ايام الجهل اها الواحد كان البراءة تحسها في عيونو .. المهم الكهربا كانت قاطعة وانا قاعد براي الناس مشو الجامع صلاة المغرب .. دخلتني خوفة قلت مالي ومال الهم الحوش واسع الهواء يحرك ليك الاكياس حسيت الشغلانة زي بيت الشبح قمت دخلت جوة الاوضة لقيت ليك كديس اسود وعيونو زي الجمر واقف في نص الاوضة وقدر ما هرشتو ما حرك رمش شبكتو ليك بس بس والكديس عامل اضان الحامل طرشة .. طوالي شلت سفنجتي ومشيت الجامعة خالي طالع من الجامع لقاني قال لي يا ود مالك مخلوع كدة قلت ليهو الكديس حمر لي ووقف لي في نص الاوضة المهم من هناك بدا حقدي للكدايس والكدايس المجاورة وبجي بحكي لي باقي الحكاوي انت بس لوك الصبر.

يا الحبيب
الكديس الأسود كان تخصصى
عشان الناس بخافوا منو وبيقولوا شيطان
والنوع دا هو الوحيد الباخد على كتلو قروش .
ود المطامير
24-10-2007, 10:24 PM
والله انا كل ما اقول شقـــــــــــــي بتجيب ليك موضـــــــــــوع تثبت لي فيهو انكـ اشقي من الشقاوه زاتا

لكن اتاريكـ عندك تار قــــــــديم مع الكدســــــــــــة

الله يطول في عمرك ويديك الصحــــــــــــــة والعافــــــــــية,,
حبيب قلبى ... مختار ..
تسلم والله وربنا يديك العافيه
ويحفظك لينا .. آمين يا رب العالمين
ود المطامير
24-10-2007, 10:28 PM
سفاح الكلاب أقصد كتال الكلاب ودالمطامير المجهجه الكدايس والفيران . ابو ظبط دي فيها كدايس وكلاب وفيران حايمة ساااااااااااااااكت كدا ؟
لك خالص تحياتي
العمده الحبيب
أبوظبى زاتها فيها كلاب بس فى كلاب حالها أحسن من حال عالم كتار

بس فى الضواحى فى كلاب ذى حقات المطامير وصدقنى الفار بجيب
بحق السودان تلاته ما مغتربين صح ؟
ود المطامير
24-10-2007, 10:33 PM
زووووووووول سأل الراجل دا شغال شنو مافي!!
الزول دا ياناس شغال في البلدية ..
أول كان بتاع جمكسين ،، تاني لمن كبر والاسطوانة تقلت عليهو مسكوهو قسم الفئران والقطط والكلاب المتشردة ، ومن ديك وعيك ، هسي ما تشوفو فصاحتو .. الجريو الصغير يجهجهو ، ، ،
هع هع هع هع
حبيب قلبى .. شبارقه ..
عليك نور شغال فى البلديه
ولحد هسى الشغل الأساسى هو الجبكسين
مكافحة الملاريا ومعاها الكلاب والكدسه والفيران
وديل كلهن مع بعض اسمهم حماية البيئه

الجريو يجهجه منو ؟؟ هع .. أنا أبوك آعمرو .
ود المطامير
24-10-2007, 10:35 PM
ودالمطامير شكيت محنك
هوى ها آلكاشف آخوى هو
إنت لسه شفت محن ؟
عزيز عيسى
25-10-2007, 03:33 AM
والله يا عزيز بي بوبي دي خطر لي سؤال، ليه أغلب كلاب السودان اسمهم بوبي اي مكان تمشيه تلقي فيه كلب اسمه بوب هو الاسم دة جا من وين.

والبوليس لو عرف طبع بوبي ما كان كتلو لكن يضمنو كيف ما يكون زي رامبو؟
نفس السؤال سألته لواحد قبل كده.. قال لي الأنجليز المستعمرين زمان كان بيربوا كلاب
وبسموها (بوبي).. أها السودانيين خطفوا الإسم من الخواجات وبقوا يسموا بيها كلابهم
علشان الواحد يقولوا عليه راجل إنجليزي خالص.
تصدق يا ودالمطامير سكنت في حي إشلاق البوليس في مدني أكثر من سنتين لكن ما شفت لي يوم
واحد عسكري شايل البندقية ويكتل كلاب الإشلاق.. شفت غتاتة العساكير ديل كانت
كيف؟ فالحين في كتيل كلاب الناس.
كدي النسأل بابكر ودالصول يورينا السر في كده شنو؟
عزيز عيسى
25-10-2007, 03:52 AM
قاليك مرة في واحد أدروب مشي زار بورتسودان..
وفي يوم من الأيام مشي سكر ليك لط وجاء ماشي بالليل في زقاق..
المهم أدروب ماشي في الشارع ويترتح يمسك من حيطة لي حطية..
بعد شوية هجموا عليه أربعة كلاب كبار من النوع مكنة 6 سلندر و 8 سلندر..
زنقوه ليك زنقة شديدة وينبحوا فيهو..
أدروب شاف ليهو حجز في الواطة وبسرعة دنقر يرفع الحجر علشان يرميهو في
الكلاب.. أدروب يجر في الحجر والحجر ما عايز يطلع كلو كلو.. لأنه ثابت والأرض
حجرية..
في النهاية أدروب قال: والله أنا أصلو ما شفت ذي ناس بورتسودان ديل
بالليل بربطوا الحجار وبفكوا الكلاب.
ود المطامير
25-10-2007, 10:56 PM
تصدق يا ودالمطامير سكنت في حي إشلاق البوليس في مدني أكثر من سنتين لكن ما شفت لي يوم
واحد عسكري شايل البندقية ويكتل كلاب الإشلاق.. شفت غتاتة العساكير ديل كانت
كيف؟
عمّى العزيز .. عزيز عيسى
والله نحنا زمان يوم يجونا البواليس لكتل الكلاب
بيكون دا يوم عيدنا نحنا الشُفّع نباريهم ليك اليوم كلو

ونحنا هنى بنصطاد الكدايس بالمصائد وعندى بندقيه
بصطاد بيها الكدايس المابتدخل المصيده .. والكديس ذكى جدا
والله فعلا صدفه غريبه جدا .. زمان بحب يوم يجونا البواليس
لكتل الكلاب بالبندقيه و10 سنوات وأنا عندى بندقيه لإصطياد
الكدايس ولى فى هذا مئات المواقف .
mahagoub
26-10-2007, 03:29 AM
شكيت محنك يا ود المطامير
لمان انت فارس مع الكلاب والفيران مالك جارى واطى مع الضببه
يا فارس الحوبه يا كاتل الكلاب
مكتول مدنى
26-10-2007, 07:59 AM
والله ياودالمطامير ماجيت بجديد على ناس الشرفة ديل كلهم كدة هسى الوالد مايشوف ليه ضب ولا فار ولا كديسة ولا بكضب طوالى بنهى الموضوع وبخصوص حملات البوليس دى والله عذبتنى عذاب كان عندى كلب بوليسى قاعد الليل كله جوة البيت والصباح بدرى طلع قعد فى كوم رملة قدام البيت وجو العساكر كتلوه فى محله مع انه منهم وفيهم كلهم بوليس والغريبة الكلاب الكانت مجتمعة معاه كلها كلاب صعاليق ساى هربت اول ماشافت العساكر من بعيد لانها عاصرت حملات زى قبل كدة وعندهم خبرة فى الهروب وهو طبعا قال العساكر زملا مابسالونى لكن غدروا بيه

وكمان فى شبرقى بنا جوارنا عمارة للايجار بنوها الصينيين وجابو معاهم كلبه جميله خلاص ولدت واكلو الاولاد ولما جو ماشين الكلبه كانت ولفت علينا ففضلت انها تقعد وتبدا حياتا من جديد وعمك الشبرقى عمارته قعدت سنه ونص ما اتاجرت فى يوم مشى اجر ليه عساكر جو كتلو الكلبة واباء عيالا والعيال قال عشان مانعين الناس الايجار............ وكمان عشان الملايكة تطل علينا شوفت كيف
ود المطامير
26-10-2007, 11:10 AM
شكيت محنك يا ود المطامير
لمان انت فارس مع الكلاب والفيران مالك جارى واطى مع الضببه
يا فارس الحوبه يا كاتل الكلاب
عمّى الحبيب .. محبوبنا ..
هع هع هع هع
والله بتكيف شديد أشوف ضب
جارى بالحيطه علشان أنيشو بالسفنجه
لكن ضب يلصق لى فى صلعتى لا لا لا دى ما معانا
هع هع هع هع
ود المطامير
26-10-2007, 11:35 AM
والله ياودالمطامير ماجيت بجديد على ناس الشرفة ديل كلهم كدة هسى الوالد مايشوف ليه ضب ولا فار ولا كديسة ولا بكضب طوالى بنهى الموضوع وبخصوص حملات البوليس دى والله عذبتنى عذاب كان عندى كلب بوليسى قاعد الليل كله جوة البيت والصباح بدرى طلع قعد فى كوم رملة قدام البيت وجو العساكر كتلوه فى محله مع انه منهم وفيهم كلهم بوليس والغريبة الكلاب الكانت مجتمعة معاه كلها كلاب صعاليق ساى هربت اول ماشافت العساكر من بعيد لانها عاصرت حملات زى قبل كدة وعندهم خبرة فى الهروب وهو طبعا قال العساكر زملا مابسالونى لكن غدروا بيه

وكمان فى شبرقى بنا جوارنا عمارة للايجار بنوها الصينيين وجابو معاهم كلبه جميله خلاص ولدت واكلو الاولاد ولما جو ماشين الكلبه كانت ولفت علينا ففضلت انها تقعد وتبدا حياتا من جديد وعمك الشبرقى عمارته قعدت سنه ونص ما اتاجرت فى يوم مشى اجر ليه عساكر جو كتلو الكلبة واباء عيالا والعيال قال عشان مانعين الناس الايجار............ وكمان عشان الملايكة تطل علينا شوفت كيف
أخوى الحبيب ..مكتول مدنى
ههههههههههههههه
هههههههههههههههههه
الله يديك العافيه ضحكتنى من الأعماق
قلت لى صاحبنا عمل فيها فرده وزميل
وقعد فى كوم التراب لما لحق امات طه ؟
هع هع هع ...شكيت محنك والشرامه طبعا خبره شتتوا طوالى

عارف ؟ نحنا هنى بنصطاد الكدايس بالمصائد وبنجمعهم كلهم فى صندوق كبير وبنسممهم بمبيد إسمو لانيت يا زوووول مبيد خطير شديد
المهم بنخلطوا ليهم مع اللحم والتونه أها .. والله والله يوم مسكنا من الجبل كديس قدر العتود ودخلناهو الصندوق وكان فيهو ذى عشره
والسودانيين اللى معاى فى الجزيره مسمين الصندوق دا
غوانتانامو هع هع هع .. أها صاحبى من دخلناهو الصندوق رفض
يأكل من اللحم المسموم ورفض يشرب من المويه المسمومه
بس من يجوع بيخمش كديس ياكلو ويشرب دمو على ّ الطلاق
خلّى لينا الصندوق دا مقبره جت عضام .
فى النهايه الجماعه ضغطوا على أديهو طلقه خافوا يطلع من الصندوق ويجهجه الناس وأخيرا أديتو طلقه .