المساعد الشخصي الرقمي

مشاهدة النسخة كاملة : حبوبتــــك ... كيف ؟؟؟



مثني ودالعيكوره
28-10-2007, 02:21 AM
الحبوبه: كانت (هل ياتري مازالت؟؟) نبع الحنان ومخزن الحكم و جراب الراي السديد... وعصارة الدفئ الصافي.... هي الحصن الدافي والدنيا منافي ،،،، هي الحجاز لمن يترفع العكاز ... هي النور عندما تظلم علينا الدنيا .... هي الدعوات الصادقه الحانيه التي لا تشوبها ذرة رياء ولا يعلق بها عالق (ودعتك لي امين والوداعه لا حديدةً تطاك لا عدواً يتغفاك)...
من منّا لم تحجه حبوبتو بالحكايات الجميله والتي تحمل في جنباتها المواعظ والحكم والدروس .. واعتقد ان الحبوبات كن يحملن قدره تصويريه عجيبه ، فيستطعن ان يحببنّ ويحفذن احفادهن في الفروسيه والشهامه ويزرعن قيماً فاضله في نفوس النشئ من خلال تلك الاحاجي والقصص..
ومن منّا من لم يحاول خداع حبوبتو واخذ قروشها من (مفحضتا) محفظتها وهي تكون علي علم بما تفعل لكنها تداري عليك ... وكم كانت الملتجي من ضرب ابيك وتأنيب امك وهي تقول (ما تدقوهو بكره بكبر والبعمل فيهو دا ببقي حكاوي)... وكم منّا من نام وهو متسخن ومغبر من اثر اللعب و(الدافوري) ثم يصبح ويجد نفسه بهئيه نظيفه (يلمع) من اثر (المسوح) وريحه زيت السمسم تفوح من كل بدنه...

فهل اخذت المسلسلات الوقت الممنوح للحبوبات؟؟؟
وهل التجتال و playstation لم تترك للحبوبات مساحه في قلوب الاطفال؟؟؟؟
هل حبوبات الزمن دا (ناس حبوبه نسرين ) كما ناس حبوبتي بت الفكي؟؟؟؟
هل نسلم بإندثار زمن الحبوبات ؟؟؟؟

وقال الماعندو كبير يشتري كبير ... والماعندو قديم الترابه دي في خشمو

مع عاكر مودتي

النور محمد يوسف
28-10-2007, 02:43 AM
مثنى ود العيكورة---- حبايبي ناس ابو الريش ..... محمد ابراهيم الحاج البشير.... طريتنا زمان .... واحمد ربك أنو بحبك وخلاك تستمتع بزمن الحبوبات .... الناس مش ما عايزين... ما لاقيين حبوبات....ناس جريندايزر وباربي.... وطقوم فله.... وما علينا .... الحاجة أم الاختراع .... حبوبة اليوم دا ذاتا بتفتش معانا للبديل.... ما راضيا بقسمتا...... وهي ذاتا بتبكي على دور حبوبتا..... بس الناس تكتِّر النظارات .... والعدسات ..... التفزيون والكمبيوتر بجيب خبر عيونن..... عكس الحبوبة ...تسمع تشاهد وانت تحت لحافك... العيون كبار والصحة فل..... وسمعني الصلا على الحبيب.

مختار بازى
28-10-2007, 04:17 AM
مثني كل سنة وانت طيب وليك وحشــــــــــــــــــــــة والله,,,


حبوبتــــك ... كيف ؟؟؟


الله يرحمها رحمـــــــــــة واسعة يارب

لكن الحمـــــد لله عملت لي الكتير والمثير وحجتني حجا زمان وكان يا مكان,,

لكن حبوبة اليوم ما بنقول تلاشت منها الحكاوي والحجج فهي كما هي لكن منو الفاضي مع البلاي استيشن والديجتال عشان يقعد يستمع لي حجاها

الامن رحم ربي وكان محظوظ حظ متل الليلك دا:D:D

عبدالرحيم سعيد
28-10-2007, 08:22 PM
الله يرحمهما جميعا هن الزمن الجميل الذي لا يعود

صلاح ودالطاهر
29-10-2007, 12:37 AM
ودالعيكور يا حليل حبوباتنا والله يرحمن

مثني ودالعيكوره
29-10-2007, 02:05 AM
مثنى ود العيكورة---- حبايبي ناس ابو الريش ..... محمد ابراهيم الحاج البشير.... طريتنا زمان .... واحمد ربك أنو بحبك وخلاك تستمتع بزمن الحبوبات .... الناس مش ما عايزين... ما لاقيين حبوبات....ناس جريندايزر وباربي.... وطقوم فله.... وما علينا .... الحاجة أم الاختراع .... حبوبة اليوم دا ذاتا بتفتش معانا للبديل.... ما راضيا بقسمتا...... وهي ذاتا بتبكي على دور حبوبتا..... بس الناس تكتِّر النظارات .... والعدسات ..... التفزيون والكمبيوتر بجيب خبر عيونن..... عكس الحبوبة ...تسمع تشاهد وانت تحت لحافك... العيون كبار والصحة فل..... وسمعني الصلا على الحبيب.

ابو النور ... سلامات .... مشكور علي المرور الانيق... وتقبل سلام العكاره من د/محمد الي مثني.... والحمد لله الذي جعلنا نستمتع بحبوباتنا

وذكرتني بالعيون الكبار طرفه لي حبوبتي ... مره قالت انو خلاص عويناتها بقن ما بشوفن و بقت تدخل الخيط في الابره يا الله يا الله... فضحكت وقلت ليها والله انا هسي ما بقدر ادخل الخيط في الابره ... والف صلاه وسلام علي المصطفي...

مثني ودالعيكوره
29-10-2007, 02:13 AM
مثني كل سنة وانت طيب وليك وحشــــــــــــــــــــــة والله,,,



الله يرحمها رحمـــــــــــة واسعة يارب

لكن الحمـــــد لله عملت لي الكتير والمثير وحجتني حجا زمان وكان يا مكان,,

لكن حبوبة اليوم ما بنقول تلاشت منها الحكاوي والحجج فهي كما هي لكن منو الفاضي مع البلاي استيشن والديجتال عشان يقعد يستمع لي حجاها

الامن رحم ربي وكان محظوظ حظ متل الليلك دا:D:D

الرائع بازي....

اتدي كيف افتقدك؟؟؟

العزير .... بازي ربنا يحقق علي الاماني ويجعل كل الاحلام العالقه قيد التحقيق

الحمد لله الذي متعك بحبوبتك وحكاويها ....

هل من طريقه لسد فجوة الحبوبات؟؟؟

تقبل حار اشواقي...

مثني ودالعيكوره
29-10-2007, 02:16 AM
الله يرحمهما جميعا هن الزمن الجميل الذي لا يعود


مشكور الاخ ودسعيد علي الاطلاله....

هل فينا ان نرسم لوحه لزمن جميل جديد ... يحمل بعض ملامح الزمن الانيق؟؟

لك الود كله اخي عبدالرحيم

مثني ودالعيكوره
29-10-2007, 02:48 AM
ودالعيكور يا حليل حبوباتنا والله يرحمن

ودالطاهر ... ليك سلام طاهر ونقي

قصدت من خلال هذا الموضوع ان نحاول ملئ الفراغ الذي نتج من غياب الحبوبه ودورها

الاساسي في المجتمع ولم اقصد المعني الحرفي للعنوان.

اذ اشعر ان اختفاء دور الحبوبه من خارطة الاسره امر خطير يحتاج لتدارك وتدارس ويجب

ردم الهوه ..

تقبل امتناني ...

mahagoub
07-11-2007, 02:26 AM
وين حبوبات الكمبوتر ومجال الونسة والموضة .......... الى حبوبات زمان وايام زمان الزمن الجميل الا ليت

الزبير محمد عبدالفضيل
07-11-2007, 03:35 AM
مشكور ود العيكوره علي هذا الطرح الجميل في ذكري أجمل شيء في حياتنا الا وهي

(((((( الحبووووبه )))))) كلمه جميله تبعث الحب والحياة


الحبوبه هي الماده التي تتماسك بها الاسره

الحبوبه هي تملاء البيت بالحكمه والمواعظ

الحبوبه هي دليل الصغار للنوم

الحبوبه هي بنك المعلومات للاجيال القادمه

الحبوبه هي نجمه ساطعه في عالم غائبه عنه العادات والتقاليد الاصيله

الحبوبه هي المعرفه هي المدرسه هي التايه هي الشايه

الحبوبه هي حاجه التايه وحاجة سعاد وحاجة هديه وحاجه نفيسه وحاجه اسيا وحاجه امنه

وحاجه بتول وحاجه ام الخير وحاجه الشول حاجه وحاجه

والمثل بيقول : ماعندو كبير يشتري ليه كبير

والله يرحمهم برحمته أحياء وأموات

هشام السماني إبراهيم
07-11-2007, 04:35 AM
ودالعيكور يا حليل حبوباتنا والله يرحمن


حليل الكزلك
حليل المنقد والهبود
حليل الراكوبة
وحليل
وحليل
وحليل
وحليل
ذكرتني ايام
الله يرحمك يا حبوبه (( يا يمه))

ابراهيم
17-12-2007, 08:00 PM
مثني ودالعيكوره
تحياتي يا عزيز
اين انت اياها الجميل
هذا الموضوع نحتاجه كثيراً
ونحتاجك يا جميل

المكاشفى
17-12-2007, 10:01 PM
والله يامثنى موضوع مهم جدا
والله يخلى الحبوبات
وياولدنا الزمن ماشى يبهت شويه
شويه لمات نصل ناس جدتو سوزان
بكون لا اهميه للحبوبات لكثره ارتباطاتها
ولك ودى

سواااح
22-12-2007, 09:27 PM
يا حليل زمان

وايام زمان

يا يمة لو تتذكري !!!!!

ود قلبه
14-01-2008, 02:52 AM
يا ود العيكوره سلام انا عندى حبوبه واحده ربنا يطراه بالخير ولى منها سنتين ونفسي طبعا اجتمع بيها والثانيه ربنا يرحمها رحمه
غرزه

شيماء سلامه
14-01-2008, 09:51 AM
مشكووووووور على الموضوع الحلو

بورتبيل
21-01-2008, 12:12 AM
مثنى العاكر .. بالصفاء
ترى هل لعشق الحبوبات بديل .. ام هل للجلوس مع الحبوبة مازال الحنين ياخذ فينا كل مآخذ

وهل لغيابكم عنّا اسباب تتعلق بالحبوبة
اتمنى مواصلة السير في هذه الدروب المنهكة باجترار الذكريات
واتمنى عدم انقطاعكم .. نحن في غاية الاسف عن عدم السؤال عنكم

ود غرب المناقل
21-01-2008, 03:07 AM
يا سلام عليك