اهداء لكل الاحباب الغايبين (والله مشتاقين)

[ابراهيم]

الغنية من كلمات الشاعر الوريف اسماعيل حسن واداء الفنان الجميل صلاح مصطفي
وكمية من الطرب ..
اهدي الاغنية لكل الغايبين .. وناس القسم الثقافي بصورة خاصة سوباوي وسامبا وناصر الباشا وكاظم وsalah وبدر الدين وعبد المجيد عشرية ولواء ومهيرة وسميرة واميمة عشرية وكل الاحباب الجميلين وياخ والله مشتاقين.



طال علينا فراقكم والله يا غايبين
قدر ما ننسي العلينا برضو مشتاقين


الخدود الشاربة من لون الشفق
عند المغارب
ديل خدودك سيدي .. سيد الناس يا سيد الحبايب
العيون طرتني زول من اهله غايب
والشعر في كتيفه يتهادل سبايب
والله مشتاقين


في عينيك تظهر لي دنيا
دنيا شوقك فيها ظاهر
الاماني الحلوه هايمة
زي بحور ما ليها اخر
الكليمة الطيبة منك زادي
وحياتك لي باكر
والامل فارد جانحو
ديمة زي عينيك مسافر
والله مشتاقين


الغروب يسألني منك
وأمسياتنا في شوق إليك
الرمال الناعمة
مشتاقة لي مشيك
الطيور الراحلة
في ضل المساء بتسال عليك
كيف تفارق الضفة
والنيل هان عليك
والله مشتاقين


طال علينا فراقكم
والله يا غايبين
قدر ما ننسي العلينا
برضو مشتاقين

لتحميل الغنية (http://www.4shared.com/file/27947309/e2ba72ca/__online.html)

[sambaaa]

أشواق لا تحدها كل الأماكن .. لكل الأشقاء الغائبين ..
لك الشكر يا برهوته وانت تنعش دواخلنا وتتفقد زكرانا .. وأعاهدك .. سنظل هنا كل العمر .
http://dc41.4shared.com/download/27947309/e2ba72ca/__online.wma?tsid=20071204-163410-91690093

[ابراهيم]

أشواق لا تحدها كل الأماكن .. لكل الأشقاء الغائبين ..

لك الشكر يا برهوته وانت تنعش دواخلنا وتتفقد زكرانا .. وأعاهدك .. سنظل هنا كل العمر .



يا سامبا عزيز
توقعت حضورك وكعادتك لم تخزلني
وهكذا انت جميل في كل الأزمان

[hamad2]

تسلم ابراهيم ياراقي ولو سمحت لي انزل الاغنية
بصوت العميد ومهداء ليك

[ابراهيم]

تسلم يا حمدتو يا راقي احساسك
وصلت والله
وهسي بهجة