ونسة مع عمك تنقو ...

[عمك تنقو]

قلب أخضر يسوقني دوما لتصفح ارتعاشات المشاعر في هذا المنتدي ولكن للأسف عمك تنقو راجل سرمدي ينتشي دائما بالإلفة ( ولوف ) أغيب وأجي وعايز ألقي الناس زي ماهي
دوما والمنتدي يمد لي لسانه ساخرا ( لن أستوعب لك كل المشاعر ) والروض في هذه المساحة ينبت كل يوم زهرة !!
صديقي ود المأذون اتصل ويتصل بي دوما وقلت له مازحا أين أنتم وكتاباتكم ؟ قال لي وين ياتنقو أمشي أكتب في العام تجي تفتش موضوعك بعد شوية تلقاهو قلع في الشرفة :D

كم سررت بالمقابلة الاذاعية التي تكلم فيها ود الماذون عن ودمدني وابنائها في المهجر والمنتدي الذي اشاد به كثيرا وبابنائه المؤسسين واعجبني أكثر نفيه البات في انحياز ابناء مدني في المنتدي وغيره واعتزازه بالمدينة والمنتدي .. شكرا لك ياصاحب الفوضي الهادئة والمنظمة !!

وبمناسبة الاذاعة التقيت برجل في احدي الصرافات عماني الجنسية في العقد السابع من عمره وسمعني أقول لموظفة الصرافة التحويل ( لأمدرمان ) ونظر لي مليئا ثم اتجه نحوي وهو يشد يدي ويقول لي بالحرف الواحد ( هنا أمدرمان ) هذه الاذاعة استمعت لها في شرق أفريقيا وتحديدا مدينة دار السلام منذ خمسين عاما !! وأردفت معقبا وماهي الاذاعات التي استمعت لها في ذلك الوقت أيضا فقال : لندن وصوت العرب !!
وتذكرت علي الفور ما آلت اليه حالنا الآن وبالأخص سودانير التي كانت بصيت الميدلست
والبرتش إير والكويتية حيث لم تظهر أسماء الطيران الحالية وقتها .

ظاهرة الفساد في السودان تفشت واصبحت رائحتها مقرفة وطاردة ، تشرفت بوجود ستة شبان أطباء علي مائدة فطور رمضان في المنزل وكانوا قد حضروا للعمل هنا في مستشفيات السلطنة حديثا وامتد النقاش مطولا عن الفساد في الأدوية وفضيحة الإمدادات الطبية الأخيرة في وزارة الصحة التي كانت تبيع للأمة السودانية دواء يخالف كل المعايير والمواصفات !!! حيث تم الثراء الفاحش وتطاولت المباني في جميع أحياء العاصمة وأصابتني الدهشة بالفعل عندما قال أحدهم أنه كان في مأمورية طبية في دنقلا لمدة ستة شهور وعمل توكيلا لصديقه لصرف الرواتب وتسليمها لأسرته بالعاصمة وهاتفه صديقه تلفونيا بأن الادارة المالية التابع لها الطبيب رفضت صرف الراتب ، فانتظر الطبيب نهاية المأمورية وعاد للخرطوم وهو يمني نفسه بمبلغ محترم يساعده وأسرته علي مطالب الحياة حيث اتجه في اليوم التالي من وصوله لصرف رواتبه للفترة التي قضاها في دنقلا ويحكي لنا الطبيب بأنه وقف أمام البنت المحاسبة التي قابلته بفتور ( ومساخة ) اسمك منو ؟ رقمك كم ؟ مرتبك كم ؟ وصقع عندما سمعها تقول له بالمناسبة مرتباتك دي انت صرفتها وده توقيعك !!!
فنظر الي التوقيع وتمالك اعصابه ذاكرا لها انه كان في دنقلا وهذا ليس توقيعه والأمر فيه لبس وخداع ! فانتفضت الموظفة صارخة في وجهه كيف تقول ذلك نحن حرامية ؟ وخرج رئيس الحسابات من مكتبه مندهشا للصراخ ( في شنو ) ؟ وحكت له الموظفة الحاصل مؤكدا رئيس الحسابات كلامها وهنا انطلق الطبيب خارجا وهو يصيح : انتو قايلين البلد دي فوضة مافيها كبير ويحكي انه سمع من ورائه صوت ينادي يا ابن العم دقيقة ! اسمعنا وعندها كان في الشارع !
لحسن حظه وجد احد اصدقائه راكبا ( موتر ) وهو في كامل هيئته وكان بدينا طويلا يرتدي بدلة فحكي له القصة وطلب مساعدته ( الشكية لي ابيدن قوية ) صعدا للمكتب وهناك تظاهر صديقه بانه مسؤول كبير وبتلك الهيئة وبصوت جهوري وصارم سأل البنت ورئيس الحسابات في شنو ؟ الزول ده مالو ماصرف رواتبه ؟
أبدا والله ، نحن قلنا ليهو يا ابن العم اصبر شوية نشوف موضوعك ده وحقك مابروح ! فانتفض صديقه والتفت الي الطبيب اسمع بعد نص ساعة اذا ما قبضت تعال لي في المكتب وانصرف خارجا ممثلا للدور كاملا جاعلا ناس الحسابات في ( سيك ويك ) معتقدين أن هذه الشخصية مصيبة كبيرة وبذلك لتعرفوا مدي وصول حالة السودان الادارية أي علي مستوي الناس التعبانة الموظفين الذين يتعاملوا مثل ما يعملو الكبار هناك ومثل هذا العمل لن يقدم عليه أحد لولا أن رأي رؤسائه ورؤوس رؤسائه يفعلون ويحمون أنفسهم بأنفسهم واليكم حكاية مرتبات ولدنا الطبيب التي تصلح بأن تكون فلما سودانيا ينافس أفلام الغرب في الإحتيال !!
جلس الطبيب وهنا انكسر خاطر البنت المحاسبة وهي ترمقه بعين منكسرة ولكنها عين خبيرة بهذه الأمور قائلة له : تصور البنت زميلتي دايما موقعانا في مشاكل ؟ فقال لها الطبيب زميلتك منو ؟ ومالها ووينها ؟ فأخذته ودخلت به علي رئيس الحسابات الذي أبدي بدوره أسفه بأن الموظفة زميلة المحاسبة تزوجت وأخذت راتبه للستة شهور ووقعت بالفعل علي ذلك علي أن ترد المبلغ فيما بعد ولم نتوقع حضورك فجأة !
طيب البت دي وين أسه ؟ فذكروا لها أنها عادت لتوها من شهر العسل .. وفي لحظات أمسك رئيس الحسابات الطبيب من يده وخرج به مهرولا ولم يجد نفسه الا في سيارة آخر موديل ياباني دفع رباعي وتاهت بهم في شوارع الخرطوم مخاطبا اياه : اسمع انت داير قروشك ولا حاجة تانية !!
ويذكر انه وقفت بهم السيارة أمام منزل عادي ولكنه محاط بسياج مراقبة قوية حسب احساسه الداخلي ودلف به داخلا وهناك وجد عدد هائل من الموظفات وأمامهم رزم فلوس أرقام عالية فأخذ رزمة وعدّ منها مبلغ من المال معطيا اياهو الطبيب ( صاحبنا قبض ) وخرج به والتفت اليه قائلا خلاص ارتحت !
فقال له الطبيب عندك تلفون البت العروس دي وعليك الله اديني تلفونك بالمرّة !
هالو ، هالو ، ازيك ياعروس شهر العسل كيف بالله ؟
انت منو ، معاي منو : فقال لها أنا منو ؟ أنا ما الخزينة نسيتي ولا شنو ؟؟

حاشية :

كان هذا الشاب من أوائل السودان الذين دخلوا جامعة الجزيرة كلية الطب وقضي بها ستة سنوات دراسة وبعدها سنة خدمة وسنتين امتياز وستة سنوات خدمة قبل أن ينتقل لهذه المأمورية حديثنا ... ليجد نفسه أمام الجوازات والهجرة ليهجر وطنه وأسرته ويبدأ مشوار طويل وطويل وطويل وآه منك يابلد !!

[صالح ابوشوارب]

اولا انشاء الله اكون اول من يدخل هذا الباب الانيق وسوف اعود بعد قرأة البوست
ولكن وحشتنا يافردة

[مختار بازى]

الاستاذ الفاضل

بعد التحية والاحترام والعود احمــــــــــد فقد افتقدناك بكثرة

ونتمني ان تعود كسابق عهدك وتملاء صفاحات المنتدي بالحــــــــب والسرور

ولكن هنالك مواقف ومواقف وهـــــــــذا قليل من كثير للمواقف التي دعت للغربة والغربة

نصل يتغلغل إلى أن يصل إلى العمق فيصبح الجرح في الأعماق وعندها لا نستطيع إيقاف النزيف .

للغربة سياط تترك آثارها على أجسادنا وأرواحنا و نظراتنا و أنفسنا فلا نستطيع الخلاص

منها أبد الدهر لتكون مرسومة على الجبين تعلن للجميع عن تعاستنا .

قد تكون الغربة حلا أمثل عندما ينبذنا الوطن من شناعة اعمال ال........
وتلفظنا أرضه ..

وتحملنا ريحه إلى البعيد ..

لتتركنا في الإقامة الجبريةخارج حدوده ..دون أن يرق قلبه لتوسلاتنا ولا تجدي معه قصائد

استعطافنا واستجدائنا ولا يطربه شدونا ولا يحرك فؤاده حبنا له وعشقنا لثراه .

عندها نضطر لحزم حقائبنا وذكرياتنا وما بقى من كرامتنا ..

ونبدأ في البحث عن وطن جديد ..

وطن يقبل بنا ويأوينا ..

وحنيننا يشدنا إلى الوطن الأول ..

وكرامتنا تدفعنا في المضي قدما للبحث عن وطن جديد يتبنانا ...

ولكن الحنين يعذبنا ..

والبعد عن أرضنا يذبحنا من الوريد إلى الوريد .. ونكون على يقين تام بأننا سنعـــــــــــــود

يوم الي حضن الأم الرؤؤم


الســــــــــــــــــــــــــــــــــــــودان ,,,

لك فائق احترامي وودي,,

[moh_alnour]

آه يا بلد آه
وكفى

[عمك تنقو]

اولا انشاء الله اكون اول من يدخل هذا الباب الانيق وسوف اعود بعد قرأة البوست
ولكن وحشتنا يافردة

عزيزي الغالي .. أبو صلاح
تاوقت يعني وماجييتني راجع :D
فعلا والله فردة نحن جيل تحرمني منك وليالي عبد العزيز المبارك واذكر انا
والمرحوم ربيع ابو عيسي طيب الله ثراه والاستاذ امين موسي اطال الله في عمره
كنا نشتم رائحة الحفلات ونذهب اليها كداري وين ووين وبمجرد وصولنا يتلهفنا الاستاذ
عبد العزيز المبارك ( الحفلة انتهت ) عربيتكم مالها اتعطلت ولا شنو كدي تعالو اتعشو :D
وكلما انظر اليك يا ابوصلاح احسبك اصغر سنا مني وفردتنا في اللون ( حلبة يعني ) والنظارات .. وست اللهيج السكري .. يديك العافية وعايزك في الماسنجر .

[عمك تنقو]

الاستاذ الفاضل

بعد التحية والاحترام والعود احمــــــــــد فقد افتقدناك بكثرة

ونتمني ان تعود كسابق عهدك وتملاء صفاحات المنتدي بالحــــــــب والسرور

ولكن هنالك مواقف ومواقف وهـــــــــذا قليل من كثير للمواقف التي دعت للغربة والغربة

نصل يتغلغل إلى أن يصل إلى العمق فيصبح الجرح في الأعماق وعندها لا نستطيع إيقاف النزيف .

للغربة سياط تترك آثارها على أجسادنا وأرواحنا و نظراتنا و أنفسنا فلا نستطيع الخلاص

منها أبد الدهر لتكون مرسومة على الجبين تعلن للجميع عن تعاستنا .

قد تكون الغربة حلا أمثل عندما ينبذنا الوطن من شناعة اعمال ال........
وتلفظنا أرضه ..

وتحملنا ريحه إلى البعيد ..


الســــــــــــــــــــــــــــــــــــــودان ,,,

لك فائق احترامي وودي,,

شكرا ابني مختار البازي وقت تكون احدي الضحايا الذين لفظ بهم الوطن خارجا في رحلة المجهول وهذا قدرك وقدر الكثيرين .. لك الله يا ابني معافا موفقا منتصرا عائدا بسلاحك العلمي وتراثك الوطني للعشيرة والأهل والآسرة ..

[عمك تنقو]

آه يا بلد آه
وكفى

قلت وكفيت يا محي .. شكرا لك علي المرور ودامت لك العافية

[صالح ابوشوارب]

الحبيب تنغو
والله مشتاقين . اتصلت عليك على الرقم 00971507877187 طبعا شلتو من نزار لكن للاسف جرس وما في رد .
فعلا الآن النفوس تغيرت وكل واحد عايز يستولى حق الغير بدون وجه حق ولكن المؤسف تواطؤ رئيس المكتب مع الموظفة واجابته العجيبة
( رئيس الحسابات الذي أبدي بدوره أسفه بأن الموظفة زميلة المحاسبة تزوجت وأخذت راتبه للستة شهور ووقعت بالفعل علي ذلك علي أن ترد المبلغ فيما بعد ولم نتوقع حضورك فجأة) يعنى شنو هو الدكتور داخل معاهم صندوق ولا شنو (اخدت الصرفة بدلو)

[مثني ودالعيكوره]

بلدي هو البلد الوحيد الذي لم يعد للاندهاش مكان فيه

فكل شئ متوقع وجائز وعاااااادي بحصل

ويا بلد المهريّه هردتي كلاي وجعك جوائّ

[امير عبدالباقي]

عم التنقو الشوق كتير وين غائب عننا
هل القصه حقيقيه ؟؟؟؟ والله دي مصيبه معقول ده يحصل او حصل

[مرتضى يوسف العركي]

المسكون تنقو
اتحفتنا مفردة والما ... بوجع متحكر ... هكذا الحال ... ياريت قلمك الانيق يواصل وبدون فواصل اقبلني متابعا ومترقبا للوجع النبيل من خلال ادبكم العميق ...
تحياتي

[Jamal Elmahi]

الوجيه توم الروح أخوي تنقو
ريحتك بتجيب الضهبان جري للمنتدي ...كر علينا من الدنيا الحدها ما بتلحق تاخدنا حوفاء من الاحبه والناس الطيبين الاصيلين أولاد البلد وتلبسنا لوم الشدر من راسنا لي كرعينا ...وتبقي ذكراكم الطيبه هي سلوانا والملاذ ..هي المأوي والهمبريب والرزاز ..

مشاققه...
الونسه والحكاوي يخلوها ليك والله أنا محروق ماشي مع الدكتور الحجل بالرجل لغاية ما أستلم قريشاتو بس لي هسه المغصه كاتلاني وهيّجت علي الدبس ....
تحياتي للاسره الكريمه ...
قف ...
إطلالة الوجيه الفرده أبشوارب عبّقت المكان بأريج من ود قيحه ...ألا ليت الزمان يعود يوماَ..
فأخبره بما فعل الله جابو ....

عم الله جابو

[نزار حسن محمد]

عم تنقو ..
بركه الجيت ..بركه الجيت
وينك يالحبيب ..
برغم مايحمله البوست من ..وجـــــــع
لكن شوف الفراشات حوله بتحوم كيف
قرب ..تعال ..ما تبتعد ،،،

[عمك تنقو]

الحبيب تنغو
والله مشتاقين . اتصلت عليك على الرقم 00971507877187 طبعا شلتو من نزار لكن للاسف جرس وما في رد .
فعلا الآن النفوس تغيرت وكل واحد عايز يستولى حق الغير بدون وجه حق ولكن المؤسف تواطؤ رئيس المكتب مع الموظفة واجابته العجيبة يعنى شنو هو الدكتور داخل معاهم صندوق ولا شنو (اخدت الصرفة بدلو)

ابوصلاح اتصل علي هذا الرقم : في سلطنة عمان :
99369307 00968

داخل معاهم صندوق :D كلامك ده محامي مابقولو !
يازول قلت ليك الحكاية نهب عديل وخربانة من كبارها !

[عمك تنقو]

بلدي هو البلد الوحيد الذي لم يعد للاندهاش مكان فيه

فكل شئ متوقع وجائز وعاااااادي بحصل

ويا بلد المهريّه هردتي كلاي وجعك جوائّ


بلدي هو البلد الوحيد الذي لم يعد للاندهاش مكان فيه

فكل شئ متوقع وجائز وعاااااادي بحصل

ويا بلد المهريّه هردتي كلاي وجعك جوائّ

ود العيكورة صدقت القول بدليل غسيل الكلي في السودان مجانا ونسبة للزحمة يمكن لك أن تجلس تحت ضل أي شدرة داخل المستشفي وتغسل :D .. قالوا سراير مافي والناس المهرية كلاها بقت بالملايين وأهو عملو ليكم غسيل الكلي مجانا .. يلا .. انهرو !!

[عمك تنقو]

المسكون تنقو
اتحفتنا مفردة والما ... بوجع متحكر ... هكذا الحال ... ياريت قلمك الانيق يواصل وبدون فواصل اقبلني متابعا ومترقبا للوجع النبيل من خلال ادبكم العميق ...
تحياتي


مرتضي ود العركيين ...

أصبح السر جهر في بلدي
وضلنا وقف مازاد

لك حبي وتحياتي لمرورك المشرف .

[عمك تنقو]

الوجيه توم الروح أخوي تنقو
ريحتك بتجيب الضهبان جري للمنتدي ...كر علينا من الدنيا الحدها ما بتلحق تاخدنا حوفاء من الاحبه والناس الطيبين الاصيلين أولاد البلد وتلبسنا لوم الشدر من راسنا لي كرعينا ...وتبقي ذكراكم الطيبه هي سلوانا والملاذ ..هي المأوي والهمبريب والرزاز ..

مشاققه...
الونسه والحكاوي يخلوها ليك والله أنا محروق ماشي مع الدكتور الحجل بالرجل لغاية ما أستلم قريشاتو بس لي هسه المغصه كاتلاني وهيّجت علي الدبس ....
تحياتي للاسره الكريمه ...
قف ...
إطلالة الوجيه الفرده أبشوارب عبّقت المكان بأريج من ود قيحه ...ألا ليت الزمان يعود يوماَ..
فأخبره بما فعل الله جابو ....

عم الله جابو

انت عارف ياجمال رمضان كلو وأيام العيد أشيل وأرسل ليك في الرسائل وبتمشي لكن مافي أي اشارة انك استلمتها أو لا .. واحد شافني محتار ، قال لي انت بترسل وين ، قلت ليهو أمريكا .. قام قال لي وكمان بتكتب بالعربي انت قايلو في المحيريبة :D
واتضح انو امريكا لازم تكتب بالرطانة واخدت مقلب انا ..
مشتاق ليك يا فردة
تحياتي للاسرة الكريمة .

[عمك تنقو]

عم تنقو ..
بركه الجيت ..بركه الجيت
وينك يالحبيب ..
برغم مايحمله البوست من ..وجـــــــع
لكن شوف الفراشات حوله بتحوم كيف
قرب ..تعال ..ما تبتعد ،،،

نزار الغالي .. خليتك شاويش ! وجيت لقيتك لواء :D اسع انت فرقك شنو من المحاسبة دي
الشالت قروش الطبيب ده :D
مشتاقين ليك ولي صحن سلطة كبييييييييييير بالدكوة وعيش حار من فرن السوق الجديد :D

[mahagoub]

والله انحنا ما ضعنا عديل يا تنقوا
سرقت رواتب
اختلاس
نهب مال عام
وقال عايزين البلد تتقدم ورجوع الكوادر العامله فى الخارج
رحمال يا ربنا بهذا البلد المنكوب ولسه فى حروب

[ابوالنور]

قلب أخضر يسوقني دوما لتصفح ارتعاشات المشاعر في هذا المنتدي ولكن للأسف عمك تنقو راجل سرمدي ينتشي دائما بالإلفة ( ولوف ) أغيب وأجي وعايز ألقي الناس زي ماهي
دوما والمنتدي يمد لي لسانه ساخرا ( لن أستوعب لك كل المشاعر ) والروض في هذه المساحة ينبت كل يوم زهرة !!
صديقي ود المأذون اتصل ويتصل بي دوما وقلت له مازحا أين أنتم وكتاباتكم ؟ قال لي وين ياتنقو أمشي أكتب في العام تجي تفتش موضوعك بعد شوية تلقاهو قلع في الشرفة :D

كم سررت بالمقابلة الاذاعية التي تكلم فيها ود الماذون عن ودمدني وابنائها في المهجر والمنتدي الذي اشاد به كثيرا وبابنائه المؤسسين واعجبني أكثر نفيه البات في انحياز ابناء مدني في المنتدي وغيره واعتزازه بالمدينة والمنتدي .. شكرا لك ياصاحب الفوضي الهادئة والمنظمة !!

وبمناسبة الاذاعة التقيت برجل في احدي الصرافات عماني الجنسية في العقد السابع من عمره وسمعني أقول لموظفة الصرافة التحويل ( لأمدرمان ) ونظر لي مليئا ثم اتجه نحوي وهو يشد يدي ويقول لي بالحرف الواحد ( هنا أمدرمان ) هذه الاذاعة استمعت لها في شرق أفريقيا وتحديدا مدينة دار السلام منذ خمسين عاما !! وأردفت معقبا وماهي الاذاعات التي استمعت لها في ذلك الوقت أيضا فقال : لندن وصوت العرب !!
وتذكرت علي الفور ما آلت اليه حالنا الآن وبالأخص سودانير التي كانت بصيت الميدلست
والبرتش إير والكويتية حيث لم تظهر أسماء الطيران الحالية وقتها .

ظاهرة الفساد في السودان تفشت واصبحت رائحتها مقرفة وطاردة ، تشرفت بوجود ستة شبان أطباء علي مائدة فطور رمضان في المنزل وكانوا قد حضروا للعمل هنا في مستشفيات السلطنة حديثا وامتد النقاش مطولا عن الفساد في الأدوية وفضيحة الإمدادات الطبية الأخيرة في وزارة الصحة التي كانت تبيع للأمة السودانية دواء يخالف كل المعايير والمواصفات !!! حيث تم الثراء الفاحش وتطاولت المباني في جميع أحياء العاصمة وأصابتني الدهشة بالفعل عندما قال أحدهم أنه كان في مأمورية طبية في دنقلا لمدة ستة شهور وعمل توكيلا لصديقه لصرف الرواتب وتسليمها لأسرته بالعاصمة وهاتفه صديقه تلفونيا بأن الادارة المالية التابع لها الطبيب رفضت صرف الراتب ، فانتظر الطبيب نهاية المأمورية وعاد للخرطوم وهو يمني نفسه بمبلغ محترم يساعده وأسرته علي مطالب الحياة حيث اتجه في اليوم التالي من وصوله لصرف رواتبه للفترة التي قضاها في دنقلا ويحكي لنا الطبيب بأنه وقف أمام البنت المحاسبة التي قابلته بفتور ( ومساخة ) اسمك منو ؟ رقمك كم ؟ مرتبك كم ؟ وصقع عندما سمعها تقول له بالمناسبة مرتباتك دي انت صرفتها وده توقيعك !!!
فنظر الي التوقيع وتمالك اعصابه ذاكرا لها انه كان في دنقلا وهذا ليس توقيعه والأمر فيه لبس وخداع ! فانتفضت الموظفة صارخة في وجهه كيف تقول ذلك نحن حرامية ؟ وخرج رئيس الحسابات من مكتبه مندهشا للصراخ ( في شنو ) ؟ وحكت له الموظفة الحاصل مؤكدا رئيس الحسابات كلامها وهنا انطلق الطبيب خارجا وهو يصيح : انتو قايلين البلد دي فوضة مافيها كبير ويحكي انه سمع من ورائه صوت ينادي يا ابن العم دقيقة ! اسمعنا وعندها كان في الشارع !
لحسن حظه وجد احد اصدقائه راكبا ( موتر ) وهو في كامل هيئته وكان بدينا طويلا يرتدي بدلة فحكي له القصة وطلب مساعدته ( الشكية لي ابيدن قوية ) صعدا للمكتب وهناك تظاهر صديقه بانه مسؤول كبير وبتلك الهيئة وبصوت جهوري وصارم سأل البنت ورئيس الحسابات في شنو ؟ الزول ده مالو ماصرف رواتبه ؟
أبدا والله ، نحن قلنا ليهو يا ابن العم اصبر شوية نشوف موضوعك ده وحقك مابروح ! فانتفض صديقه والتفت الي الطبيب اسمع بعد نص ساعة اذا ما قبضت تعال لي في المكتب وانصرف خارجا ممثلا للدور كاملا جاعلا ناس الحسابات في ( سيك ويك ) معتقدين أن هذه الشخصية مصيبة كبيرة وبذلك لتعرفوا مدي وصول حالة السودان الادارية أي علي مستوي الناس التعبانة الموظفين الذين يتعاملوا مثل ما يعملو الكبار هناك ومثل هذا العمل لن يقدم عليه أحد لولا أن رأي رؤسائه ورؤوس رؤسائه يفعلون ويحمون أنفسهم بأنفسهم واليكم حكاية مرتبات ولدنا الطبيب التي تصلح بأن تكون فلما سودانيا ينافس أفلام الغرب في الإحتيال !!
جلس الطبيب وهنا انكسر خاطر البنت المحاسبة وهي ترمقه بعين منكسرة ولكنها عين خبيرة بهذه الأمور قائلة له : تصور البنت زميلتي دايما موقعانا في مشاكل ؟ فقال لها الطبيب زميلتك منو ؟ ومالها ووينها ؟ فأخذته ودخلت به علي رئيس الحسابات الذي أبدي بدوره أسفه بأن الموظفة زميلة المحاسبة تزوجت وأخذت راتبه للستة شهور ووقعت بالفعل علي ذلك علي أن ترد المبلغ فيما بعد ولم نتوقع حضورك فجأة !
طيب البت دي وين أسه ؟ فذكروا لها أنها عادت لتوها من شهر العسل .. وفي لحظات أمسك رئيس الحسابات الطبيب من يده وخرج به مهرولا ولم يجد نفسه الا في سيارة آخر موديل ياباني دفع رباعي وتاهت بهم في شوارع الخرطوم مخاطبا اياه : اسمع انت داير قروشك ولا حاجة تانية !!
ويذكر انه وقفت بهم السيارة أمام منزل عادي ولكنه محاط بسياج مراقبة قوية حسب احساسه الداخلي ودلف به داخلا وهناك وجد عدد هائل من الموظفات وأمامهم رزم فلوس أرقام عالية فأخذ رزمة وعدّ منها مبلغ من المال معطيا اياهو الطبيب ( صاحبنا قبض ) وخرج به والتفت اليه قائلا خلاص ارتحت !
فقال له الطبيب عندك تلفون البت العروس دي وعليك الله اديني تلفونك بالمرّة !
هالو ، هالو ، ازيك ياعروس شهر العسل كيف بالله ؟
انت منو ، معاي منو : فقال لها أنا منو ؟ أنا ما الخزينة نسيتي ولا شنو ؟؟

حاشية :

كان هذا الشاب من أوائل السودان الذين دخلوا جامعة الجزيرة كلية الطب وقضي بها ستة سنوات دراسة وبعدها سنة خدمة وسنتين امتياز وستة سنوات خدمة قبل أن ينتقل لهذه المأمورية حديثنا ... ليجد نفسه أمام الجوازات والهجرة ليهجر وطنه وأسرته ويبدأ مشوار طويل وطويل وطويل وآه منك يابلد !!

ده دكتور ولاء الدين ولا شنو
تسلم يا عم تنقو وما عدمناك انشاءالله

[okasha]

والله ياعمك تنقو الشوق كتييييييييير كتييييييير



بعدين ظاهر عليك كنت لابد لينا فوق راى ولا شنو



ومشكور عشان ظهرت لينا المتجرسين من الغربة



وكمان عشان اعمامنا فى المنتدى بدوا يظهروا

[ود المطامير]

عمّى الحبيب
تحياتى وأشواقى
رؤية إسمك تملأ المكان عبق وأريج الحكاوى
التى تتسرب إلى النفس بكل سهوله ويسر

وكم نلهث خلف قلمك نتجرع إكسير البلد ونتنسم ريحة الدعاش
وبها نشعر بنسه تبرد لهيب البعاد

قلت لى الدكتور قاعد فى دنقلا يطعن ويكشف ويساهر على راحة الناس
والهوامير هناك يتاجروا برواتبه ؟
والحاله دى دا دكتور المفروض هم يسهروا على راحته الماديه والنفسيه
لكن الله معاك يا بلد

قلت لى .. قلع فى الشرفه
هع هع هع هع
أتمنى من القلب أن تكون كما أود لك وللعائله الكريمه
والرجاء ثم الرجاء عدم الإنقطاع وأن تتحفنا كل إسبوع
برائعه من روائعك المدهشه .

[عمك تنقو]

والله انحنا ما ضعنا عديل يا تنقوا
سرقت رواتب
اختلاس
نهب مال عام
وقال عايزين البلد تتقدم ورجوع الكوادر العامله فى الخارج
رحمال يا ربنا بهذا البلد المنكوب ولسه فى حروب

الدفعة محجوب والله تقوم ترجع غير الكنكان والصعود ما تلقي حاجة :D
المشكلة كان قلت ليك أمشي كندا اسه تقوم تزعل مني :D
نحن فرحنا اصلو ماتم يوم يامحجوب !!
حتي الكورة متنفس الشعب السوداني فرحتو مابتم فيها !!
شكرا علي المرور .

[عمك تنقو]

والله ياعمك تنقو الشوق كتييييييييير كتييييييير



بعدين ظاهر عليك كنت لابد لينا فوق راى ولا شنو



ومشكور عشان ظهرت لينا المتجرسين من الغربة



وكمان عشان اعمامنا فى المنتدى بدوا يظهروا

okasha

وين لنت يا ابني ؟

آخر مرة شفتك يوم مباراة الهلال مع الفريق النيجري وانت كنت مدرب الفريق :D
مشتاقين والله ليك كمان .. وبنتلاقي .

[عمك تنقو]

عمّى الحبيب
تحياتى وأشواقى
رؤية إسمك تملأ المكان عبق وأريج الحكاوى
التى تتسرب إلى النفس بكل سهوله ويسر

وكم نلهث خلف قلمك نتجرع إكسير البلد ونتنسم ريحة الدعاش
وبها نشعر بنسه تبرد لهيب البعاد

قلت لى الدكتور قاعد فى دنقلا يطعن ويكشف ويساهر على راحة الناس
والهوامير هناك يتاجروا برواتبه ؟
والحاله دى دا دكتور المفروض هم يسهروا على راحته الماديه والنفسيه
لكن الله معاك يا بلد

قلت لى .. قلع فى الشرفه
هع هع هع هع
أتمنى من القلب أن تكون كما أود لك وللعائله الكريمه
والرجاء ثم الرجاء عدم الإنقطاع وأن تتحفنا كل إسبوع
برائعه من روائعك المدهشه .

:D خليتك تاجر عيش في سوق أم ضريسة جيت لقيتك مشرف النفاج !! علي الطلاق عافي منك تب وقت دخلت لي حكومة الاشراف .. الفلاحة يا بوي فايتاك وين .. :D
ليك شوق ارادب وتقليعة حبيبك في الشرفة !! نشلوا ودفنوا ولو مشي لي غادي كان راح فيها ..
أشكرك يا مقنع بنات جعل .. لك التحية مني واليك وبنتقابل انشاء الله كان الله أده في العمر بقية ..

[عمك تنقو]

ده دكتور ولاء الدين ولا شنو
تسلم يا عم تنقو وما عدمناك انشاءالله


أبو النور :D مابلاش أسامي :D أبدا والله مش دكتور ولاء الدين .. اذا عايز اسموا رسل لي في الخاص ..
أشكرك علي المرور ودايما عافية .

[ود المطامير]

:D خليتك تاجر عيش في سوق أم ضريسة جيت لقيتك مشرف النفاج !! علي الطلاق عافي منك تب وقت دخلت لي حكومة الاشراف .. الفلاحة يا بوي فايتاك وين .. :D
ليك شوق ارادب وتقليعة حبيبك في الشرفة !! نشلوا ودفنوا ولو مشي لي غادي كان راح فيها ..
أشكرك يا مقنع بنات جعل .. لك التحية مني واليك وبنتقابل انشاء الله كان الله أده في العمر بقية ..
مشكور والله من الأعماق يا عمّى الحبيب
مع أمنياتى القلبيه باللقاء فى ساعة خير
ولك منى التحيه العطره والاحترام .

[عزيز عيسى]

الطيب ليك وحشة.. يازول وينك؟

الجماعة قلنا ليهم ختيارات المنتدى فيهم الصمغ
لكن مين بيقنع الديك..
كلام ذي الدرر.. خليتنا نتابع معاك ونعايش القصة من أولها لغاية أخرها
بكل إحاسيسنا.. والحمد لله عرفنا البحصل في البلد.. الواحد فينا بقي
يستغرب لنوعية الأفعال دي.. ياخي الإجرام في السودان فاق وفات الحد
وكما أصبح يخوف ناس (تكساس) ذاتم..
لي فترة بحاول أعرف عمنا عباس بنك إتعلم سرقة البنوك في أي
منطقة في تكساس فقط كنوع من حب الإستطلاع.. تصدق بعد قصتك
دي غيرت رأي قلت أحسن أشوف الناس دي إتعلمت النصب والأحتيال
دا من وين؟
عندي حساب وأسهم في واحد من البنوك في الخرطوم.. لي حوالي 27 سنة ما راجعته..
تفتكر بيكون إتلحس ولا لسه الأرباح بتتراكم.. غايتو ما أظن أبني ظني على
أمل بأني سأتقاضى حسبة كبيرة مثل أخينا الدكتور.. لكن لو رجعت السودان
ووجدتها مبلغ كبير سأقوم بتوزيعها على المساكين.

عليك الله تاني ما تنقطع.. أبقى قريب ذي ما قال الأخوان
لنعيد ذكرى الماضي التليد.

ودي وتقديري.

[عمك تنقو]

لي فترة بحاول أعرف عمنا عباس بنك إتعلم سرقة البنوك في أي
منطقة في تكساس فقط كنوع من حب الإستطلاع.. تصدق بعد قصتك
دي غيرت رأي قلت أحسن أشوف الناس دي إتعلمت النصب والأحتيال
دا من وين؟
عندي حساب وأسهم في واحد من البنوك في الخرطوم.. لي حوالي 27 سنة ما راجعته..
تفتكر بيكون إتلحس ولا لسه الأرباح بتتراكم.. غايتو ما أظن أبني ظني على
أمل بأني سأتقاضى حسبة كبيرة مثل أخينا الدكتور.. لكن لو رجعت السودان
ووجدتها مبلغ كبير سأقوم بتوزيعها على المساكين.

عليك الله تاني ما تنقطع.. أبقى قريب ذي ما قال الأخوان
لنعيد ذكرى الماضي التليد.

ودي وتقديري.


العزيز جدا /عزيز عيسي
دفعة المنتدي والاشراف الفخري .. ازيك يا خواجة !
مشتاقين .. وكمان داير تعرف عباس بنك نهب البنك كيف انت ماعارف !
ده يا خوي زمان مافي فضائيات ده قرا كتب أرسين لوبين ودخل البنك نهارا جهارا
( جعلية سااااااكت ) ..
عمك عباس الزيو في الزمن ده يصلي بالناس :D
بنتقابل .. يديك العافية ...

[mahagoub]

الدفعة محجوب والله تقوم ترجع غير الكنكان والصعود ما تلقي حاجة :D
المشكلة كان قلت ليك أمشي كندا اسه تقوم تزعل مني :D
نحن فرحنا اصلو ماتم يوم يامحجوب !!
حتي الكورة متنفس الشعب السوداني فرحتو مابتم فيها !!
شكرا علي المرور .

بينى وبينك كندا كبرنا عليها
نحن فى انتظار الفرح بوجودكم بيننا
( الكورة )؟؟؟؟ ما توجع لى قلبى
تخريمة
اسدك يخوف عديل كدى !!

[عمك تنقو]

[SIZE="6"][COLOR="green"]اسدك يخوف عديل كدى !!


محجوب الأسد النتر .. يديك العافية .. نحن عدنا بقوة مادام أنتم موجودون