المساعد الشخصي الرقمي

مشاهدة النسخة كاملة : نحن زمان شن قلنا ؟



خالد عبدالماجد
03-11-2007, 10:28 PM
ماذا أصاب القلعة الحمراء (الرد كاسل) وماذا دهى الزعيم المتوج عنوة زعيماً ؟
قديماً قلنا أن الهلال دائماً يبني وغيره يهدم ولكن كيف لنا سبيل للإقناع مع المكابرة والنط في الحلق ..
مريخ صعب ضد التعب مريخ شديد يصهر الحديد ..
وصنعنا من الفسيخ شربات .
فأتانا التعب أصنافاً ومن بعده البرونز وليس الحديد فصهرنا . عجايب .
حارس يراوغ بالصدر ولاعب يحرزها بالكعب في مرماه . محن .
وليتها كانت بصوت الرشيد بدوي عبيد على الإذاعة ولكنها منظورة بأعين المراقبين الذين جذبتهم إبداعات الهلال فأتو لمتابعة نجاحاتنا الكروية ولكن أبى المريخ إلا أن يهدم حصون إم درمان وقلاعها ويقضي على الأستار التي نصبناها وأصبحت بها إم درمان محمية مصون .
ولكن ماذا نفعل إنها إرادة المولى التي وضعت المريخ رفيقاً لنا في النزال .
أربعة أهداف في مباراة نهائي وبأرضك ووسط جمهورك !
يالفاجعتكم أيها المريخاب .
عموماً نقل هاردلك للمريخاب الأعزاء امير عبدالباقي والقيصر وحبيبة ودمدني ومدنية ونسأل الله أن يخفف عليكم وقع المصائب القادمة في المغرب وتونس .

بورتبيل
03-11-2007, 10:54 PM
بالامــس تلاشت احلام الكرة السودانية والمريخية بوجه الخصوص - تلاشت بلا امل - وحيث انني لا اعترف بالارض والجمهور الا انني اعشم كثيراً بان يعوض المريخ هذه الخسارة في تونس ويكتسح الصفاقسي في عقر داره ويسترد عافييته ويهزمه 4/ صفر وبهذا ينال الكأس - هذه ليس سخريــة - انما هو حلم وممكن جداً ان يتحقق اذا ان الكرة تعطى من يجتهد - نقف هنا في هذا الاجتهاد.
من ينظر لمسيرة المريخ في هذه البطولة يكتشف بان المريخ كان متارجح جداً في البداية اذ انه خسر في تشاد في اول نزال له مع فريق القطن التشادي ( صفر /2) فريق كالمريخ يريد ان ينال الكاس ينهزم خارج ارضه وفي تشاد تشاد التي لم نسمع بها في اساطير الاولين والقطن التشادي - يهزم زعيم السودان.
ومن ثم عاد المريخ ونازل بقية الفرق في البطولة الا ان جاء الاسماعيلي المصري لاستاد المريخ وخسر من المريخ بضربة جزاء مثلها العجب جيداً - اذ ان المدافع لم يمس العجب ولم يمد رجله اصلاً وسقط العجب كابتن المريخ ممثلاً بارعاً لينال ضربة جزاء ظلماً وبهتاناً - هكذا قال لعيبة الاسماعيلي...!!
ولان العجب عرف انهم لن يستطيعوا ان يحرزوا ولا نصف هدف في الاسماعيلي - لجأ الى حيله الماكرة - وخدع الحكم ونال ضربة الجزاء.
كرة القدم هي كرة الاخلاق والقيم الحميدة - والصدق من اعلى القيم والاخلاق على الاطلاق - والتعمد في مخالفة الصدق وسلك الكذب والتمثيل يجعل من كرة القدم شي لا يطاق ويجعل الظلم على الخصم شي قاسي جداً. وطعم مر للغاية للعيبة وللجمهور.
ذهب المريخ الى نيجيريا بهدفه من ضربة الجزاء في الاسماعيلي - ذهب واتحتج على حكم المبارة وتدخل مازدا بصورة واضحة واحتج على الحكم ( مازدا الذي ينتظره قدر مجهول في البطولة الافريقية الكبري للامم) دخل الى وسط الميدان وطرد الى خارج المعلب وحرم نفسه من مشاهدة المسرحية في الخرطوم. ولو كان مازدا بالامس موجوداً لكان قد دعى لعيبته من الخروج من الملعب - ولكنه عرف ان الصفاقسي سوف يكون قاسي جدا عليهم ولذا اراد ان يغيب وبسبب قوي جدا الا وهو الدخول لارض الملعب في نيجيربا - وفعلها - وشاهد الكورة من منازلهم - واتعشى ونام ولسان حاله يقول انا لو كنتا في كان هزمتا اولاد الهرمة ديل؟؟؟ انا هزمتا منتخبم الوطني كلو وهنا في الخرطوم!!!
عفواً لهذه الشطحة المبالغ فيها - الا اننا نعود الى ان المريخ نال ضربة جزاء في مبارة الاسماعيلي كفلت له الصعود للمبارة النهائية - ولكن الكاس التي شرب منها الاسماعيلي المر - كانت موجود وباستاد المريخ اذ احضرها الصفاقسي معه وسقا منها كل المريخاب في ارجاء الكرة الارضية سقاهم اربعة مرات مُر في مُر سقاهم وهو يقول لهم لسع عندنا هناك في صفاقس جنب البحر الابيض المتوسط تشربوا لمن تعرفوا حاجة.
اللهم لا شماته ولكن المريخ انكشف على حقيقته - اخي خالد - يا تو بلد دي الزعيما يتغلب في ملعبو 4/ صفر ؟؟؟ موريشص وسيشل في بلدهم ما اتغلبو كدي.
تعرف الصفاقسي دا اول مرة يلعب في السودان - فضحونا فضيحة ( انا بكتب ومغطى وشي بيدي صدق)

مدنيّة
03-11-2007, 11:08 PM
المريخ ساير علي نهج الهلال ياخالد وبورتبيل
والبركة فيكم اللي فرشتوا لينا الدرب

esmat
03-11-2007, 11:26 PM
ما قلنا الطير بياكلنا
هاردلك يا المريخ

خالد عبدالماجد
04-11-2007, 01:24 AM
الهلالي الأصيل بورتبيل
والله الجماعة فضيحتهم بقت بجلاجل
غايتو بعد ده تاني ماعندهم معانا حجة مع الفضائح والمهازل المهزلونا ليها وشمتوا فينا الأعادي ومرمطوا بينا الأرض بعد ماقلنا بقى لينا لسان مع التوانسة وناس ساحل العاج والمصريين لكن المريخاب قضوا على طموحاتنا وهدموا مابناه الهلال في الأحراش الأفريقية .
زعيم كرتوني ينهزم أربعة في أرضه ووسط الرد كاسل ولكن هذا هو واقعهم وهذا هو مستواهم .
فشكراً للصفاقسي الذي وضع كل ذا مكانة في مكانه .
قال الرد كاسل قال .

خالد عبدالماجد
04-11-2007, 01:31 AM
العزيزة مدنية
لو سرتم على نهج الهلال ودربه لما أصابكم ماأصابكم ولما تمرمط إسمكم في التراب وسط القارة السمراء .
أربعة ياصفاقسي لكن ماحرام عليك الولد صغير مايستحملش .
الهلال دربه واضح وطريقنا نسير فيه بخطاً ثابته وفق أسس وقواعد ومستوى حقيقي نتميز به وفنيات نتمتع بها مش نفخة كدابة تحيطوا بها فريقكم وتجعلون منه قريناً بالهلال .
قديماً أتيتمونا بفضيحة الجبل الأخضر والخمسة الشهيرة والآن الفضيحة أكبر والمتابعون أكثر وماأقساه من سقوط ذلك الذي يأتي أثناء صعود الآخرين .
غايتو من وعينا في الدنيا دي ذي دي ماشفناها .
وقدامكم لسه الهلال والرجاء والصفاقسي عشان تعرفوا أن الله حق .

خالد عبدالماجد
04-11-2007, 01:32 AM
لسه ياعصمت الطير بفتح في نفسه الوجبة بعدين في تونس .

hamad2
04-11-2007, 09:47 AM
شكراً للاعبي المريخ على ما قدموه.. وينبغي ألا ننسى أنهم أعادوا المريخ للواجهة بعد طول غياب.

* سنبني على ما تحقق.. ولن نعود إلى نقطة الصفر.

* سنحزن.. لكننا لن نعتقل أنفسنا في مربع الحزن طويلاً!

* المسيرة مستمرة.. نحن قوم لا يبطرنا نصر ولا تهزنا هزيمة.



شكرا ياسودانيين يارياضيين

ابراهيم
06-11-2007, 09:22 AM
المريخ ساير علي نهج الهلال ياخالد وبورتبيل
والبركة فيكم اللي فرشتوا لينا الدرب



خلاص دي المبررات
سايرين علي نهجنا ليه
مش انتو الوصيف
ومش انت الزعيم وسيد البلد
قال ساير على النهج قال

على جنب:
انت يا خالد صابر الرباعي دة تونسي مش؟

ابراهيم
06-11-2007, 09:26 AM
ياخ الهلال بني مجد للسودان في البطولة الافريقية
والهلال الزعيم مقبرة الابطال
الهلال عندهم غيرة على الاقل ما بتغلب في ارضه
انته يكون سرته على نهج هلال كمبو حليمة

مدنيّة
06-11-2007, 09:29 AM
ياخ الهلال بني مجد للسودان في البطولة الافريقية


وانت الصادق يابراهيم
الهلال ما بني مجد
الهلال نفضه المجد
اللي في بلده مافي زول سمع بيه

خالد عبدالماجد
06-11-2007, 09:40 PM
* سنبني على ما تحقق.. ولن نعود إلى نقطة الصفر.
ياريت لو تطولوا نقطة الصفر إنتو رجعتو لي النقطة سالب أربعة .


* المسيرة مستمرة.. نحن قوم لا يبطرنا نصر ولا تهزنا هزيمة.
لأنكم قوم تعودتم على الهزائم والإخفاقات فماعادت تحرك فيكم ساكنا .
واحد مريخابي قال في تونس نغلب تلاتة لأن الكورة مدورة .:D
تصدق لو قلت ليك الكورة في تونس مربعة .

بورتبيل
06-11-2007, 10:56 PM
ياخ الهلال بني مجد للسودان في البطولة الافريقية
والهلال الزعيم مقبرة الابطال
الهلال عندهم غيرة على الاقل ما بتغلب في ارضه
انته يكون سرته على نهج هلال كمبو حليمة

تعرف يا ابراهيم ناس كمبو حليمة طبعاً كان عندهم هلال - ومريخ لكين بعد المهزلة التي حدثت قبل ايام اجتمعو وقررو يفرتقو مريخهم دا ويشطبوه تماماً - وبالفعل عملوها وفرتقوه - والان طبعاً بقى عندهم هلال بس - وتحت تحت قالو عايزين يسافرو الخرتوم عشان يلعبو في الرد كاسل ضد زعيم البلد - ويلحقو الموسم دا ويسجلوا ليهم انتصار على المريخ العظيم ويستغلوا الفرصة دي

( قالوا بيت ابوك كان خرب الحق شيل ليك منو عود)

mohammedfatah
06-11-2007, 11:46 PM
عليكم الله انتو جادين فى كلامكم دا والله تستاهلوا الجلد فى نص الحوش
مريخ شنو وهلال شنو الزعلانيين عليهم والله انتو ناس عجيبين بدل ما الناس تفكر انو الاعبين ديل هم الحيمثلو السودان - السودان ياناس الماقاعد يظهر الا على شاشات الاخبار فى جوع ومجاعة وتشرد وفقر وحرب وموت وسياسة كلها خداع وكذب
فكروا فى منتخبنا المن 31 سنة ماوصل نهائيات حيعمل شنو بنفس لاعبين الهلال والمريخ ديل العبقرى مازدا قادم المصريين عقدتنا فى كا حاجة والكميرون الفيرة وزامبيا المجهولة فى غابات افريقيا ونحنا
نحنا الحضارة والتاريخ والماضى لكن بلا حاضــــــــــــــــــــــــــر ولا مستقبــــــــــــــــل
والله منو العوض وعليهو العوض

امير عبدالباقي
07-11-2007, 12:08 AM
للاخوه الهلالاب
حقيقه الهزيمه مره وموجعه ولايختلف عليها اثنان ولاكان يتوقعها احقد هلالابي بان المريخ يطلع مهزوم وليس متعادل ايضا ؛ ولكن هذه هي فلسفه اتوفستر التي جعلت من كل هلالابي ان يخرج سمه وحقده الدفين علي حامل الكاسات التي يحلم الهلال فقط بالنظر اليها وليس حملها ؛ هذه هي حالكم تفرحو لهزيمتنا وعشان كده عمر الهلال ماحيتقدم الي الامام ويحمل له كاس خارجي ؛
عندما كنتم تلعبون في امم افريقيا للابطال كنا نقف معكم بكل جوارحنا وعندما تعادلتم مع الترجي في تونس حزنا لننا توقعنا خروجكم من النجم الساحلي لان الاتحاد الليبي نفس مستواكم وخرج من البطوله العربيه من نفس فريق المجد السوري الذي لم يسمع به احد من قبل كان ارحم لكم وهو في مستواكم ولكن نقول شنو تكبر مدربين قال الاتحاد لو قابلناهو بكون شرس ده قول مدربكم
وفي النهايه اتمني ان نكون عدنا الوازع الوطني ونتالم الي اي مصيبه تحل علينا ولانقف ونتفرج ونفرح لمصائب بعض اتمني التوفيق للهلال في البطولات القادمه مع تصحيح الاخطاء وكذلك للزعيم فريق الصفوه
لكم كل تحياتي
ابراهومه تصدق ذكري برضو تونسيه

مدنيّة
07-11-2007, 10:09 AM
ومجد القاسم جنسه شنو ياامير

خالد عبدالماجد
07-11-2007, 10:29 PM
محمد فتاح
حقيقة لم أفهم وجهة نظرك !
هل تنادي بالإهتمام بالفريق القومي دون الهلال والمريخ ؟

خالد عبدالماجد
07-11-2007, 10:37 PM
العزيز أمير عبدالباقي
لو إنهزم الهلال بمثل هزيمتكم لما سلم من جمهور المريخ ..
هي روح الإنتماء التي تخلق المنافسة وتحفز على الإنتصارات فمن غير مااسميتها بالاحقاد الهلالية لن يكون هناك معنى لإنتصاركم ولامرارة لهزيمتكم ..
أتيتمونا بهزيمة تاريخية بأرضكم لن ندعها تمر مرور الكرام وسنتخذها حداً لتطاولكم على الهلال ونضع فريقكم بها في مكانه الطبيعي .

ابراهيم
09-11-2007, 04:54 PM
وانت الصادق يابراهيم
الهلال ما بني مجد
الهلال نفضه المجد
اللي في بلده مافي زول سمع بيه



المجد فريق معروف يا مدنية وبعدين الناس كانت مركزة على ابطال افريقيا اكتر
والمجد ما بغلب الهلال في ارضه

ابراهيم
09-11-2007, 04:58 PM
تعرف يا ابراهيم ناس كمبو حليمة طبعاً كان عندهم هلال - ومريخ لكين بعد المهزلة التي حدثت قبل ايام اجتمعو وقررو يفرتقو مريخهم دا ويشطبوه تماماً - وبالفعل عملوها وفرتقوه - والان طبعاً بقى عندهم هلال بس - وتحت تحت قالو عايزين يسافرو الخرتوم عشان يلعبو في الرد كاسل ضد زعيم البلد - ويلحقو الموسم دا ويسجلوا ليهم انتصار على المريخ العظيم ويستغلوا الفرصة دي

( قالوا بيت ابوك كان خرب الحق شيل ليك منو عود)


بعد الهزيمة الشطحاء دي يا بورتبيل مفروض ناس كمبو حليمة كلهم "يأهلبو"
وعلى قول المثل "مرمي الله ما بترفع":D

ابراهيم
09-11-2007, 05:09 PM
للاخوه الهلالاب
حقيقه الهزيمه مره وموجعه ولايختلف عليها اثنان ولاكان يتوقعها احقد هلالابي بان المريخ يطلع مهزوم وليس متعادل ايضا ؛ ولكن هذه هي فلسفه اتوفستر التي جعلت من كل هلالابي ان يخرج سمه وحقده الدفين علي حامل الكاسات التي يحلم الهلال فقط بالنظر اليها وليس حملها ؛ هذه هي حالكم تفرحو لهزيمتنا وعشان كده عمر الهلال ماحيتقدم الي الامام ويحمل له كاس خارجي ؛
عندما كنتم تلعبون في امم افريقيا للابطال كنا نقف معكم بكل جوارحنا وعندما تعادلتم مع الترجي في تونس حزنا لننا توقعنا خروجكم من النجم الساحلي لان الاتحاد الليبي نفس مستواكم وخرج من البطوله العربيه من نفس فريق المجد السوري الذي لم يسمع به احد من قبل كان ارحم لكم وهو في مستواكم ولكن نقول شنو تكبر مدربين قال الاتحاد لو قابلناهو بكون شرس ده قول مدربكم
وفي النهايه اتمني ان نكون عدنا الوازع الوطني ونتالم الي اي مصيبه تحل علينا ولانقف ونتفرج ونفرح لمصائب بعض اتمني التوفيق للهلال في البطولات القادمه مع تصحيح الاخطاء وكذلك للزعيم فريق الصفوه
لكم كل تحياتي
ابراهومه تصدق ذكري برضو تونسيه


امير سلامات يا راجل يا ذوق .. ويا ريت كل المريخاب روحهم رياضة بالمستوى دة وصراحة من دواخلنا بنقيف مع اي فريق سوداني يلعب في غير الدوري المحلي وانا اي مبارة للمريخ في القاهرة بمشي بحضرها حتي هاجرنا من القاهرة للاسماعيلية وشجعنا ورجعنا مبسوطين من النتيجة الحققها المريخ مع الاسماعيلي المصري .. وحقيقة مافي زول بيرضي بالهزيمة والمريخ لما ينهزم بنزعل من دواخلنا برضو لكن لما تكون الهزيمة في السودان واربعة اهداف في المرمي هذا ما لا نقبله ولا يرضاه اي زول ما عندو علاقة بكرة القدم هذا من جانب والجانب التاني لما الهلال انهزم من المجد الا قفلنا تلفوناتنا المريخاب شمتو فينا وفرحو كما لم يفرحو من قبل والاعلام صفع الهلال من كل الاتجاهات رغم ان الهزيمة كانت خارج الارض ولم تكن ثقيلة.

على جنب:
قلت لي ذكري برضو تونسية .. الله يرحمها
خلينا في صابر الرباعي لأنو الحي ابقى من الميت:D

ابراهيم
09-11-2007, 05:12 PM
ومجد القاسم جنسه شنو ياامير


صومالي:rolleyes:

مدنيّة
10-11-2007, 10:56 AM
صومالي:rolleyes:

يعني ما سوري ياابراهيم :D

غايتو اسمه سمح خلاص
وكمان لو بقي معرف بالالف واللام يبقي تمااااااام التمام