المريخ والنتيجه الكارثيه

[نادر حجر]

طبعا مافى واحد كان متوقع النتيجه الكارثه دى .حتى اكثر المتشائمين لكن نقول شنو !فريق ينهزم باربعه اقوان وفى مباراه نهائيه.طيب فى سوال هنا بطرح نفسو؟ نحنا وصلنا المراحل دى عن جداره ولا عن طريق الصدفه.والله بجد الواحد محتار وين المدربين وين اللعيبه المدفوع فيهم الدولارات المهوله وين المدرب الخبير اتوفستر نفس المدرب دى كان بدرب الزمالك وانهزم من الاهلى لاول مره بسته اهداف دى كانت اكبر هزيمه للزمالك يعنى والله انا فى تقديرى لوترك المريخ لمازدا لما كان ماحصل.نفس الاخطاء الدفاعيه تكرر فى اقل من اسبوع ومباريات مهمه ذى دى الفريق ماقادر يوظف امكانيات اللعيبه بالصوره الصحيحه.
يبقى امل وحيد وهو الفريق القومى وربنا يستر.

[abomazeen]

نادر يا أخوي ...

المدرب الخبير اتوفستر بتاع شنو ؟؟

ده مشى يدرب ( الكاميرون ) ليه أكثر من أسبوع ؟؟؟

[ناصر عمر دبيب]

الاخ نادر فريق المريخ داخل المبارة بسقة زيدة الارض الجمهور الملعب عشان كدة انهزمو والتونسة لعبو بجديده من اجل الفوز او التعادل واتاحت لهم فرص عديدة واستسمروها صح عكس المريخ الله يستر في المبارة القادمة في تونس

[محمد مصطفي جبير محمد]

الله يرحم المريخاب ويكون في عونهم ويسترهم
في تونس وكل الشعب السوداني معكم
والاهله كذالك
هههههههههه
اللهم لا شماته

[عثمان حسين]

الاخ نادر لك تحياتي
وهاردلك للمريخ والجماهير المغلوبة علي امرها
اقول لك ان المدرب اتوفستر موجود....واوصل المريخ لهذه المرحلة
ولايمكن ان تحمل الهزيمة للمدرب دون ان تعرف التعليمات التي اوصي بها نفذت ام لا............
المدرب ريكاردو مدرب الهلال موجود.... وهو الذي اوصل الهلال لدور نصف النهائي والمستوي الذي نشاهدة
اوتو فستر ... ريكارد اوصلا اللاعب السوداني لهذا المستوي من اللياقة البدنية والذهنية والحضور الفني واهم من ذلك المستوي المتقدم من التنفيذ التكتيكي وهذا هو الذي اوصل الفريق القومي السوداني لكاس افريقيا ...........
مع تقديرنا لجهود المدرب مازدا ....
كاس افريقيا يتطلب مدرب اعلي من مازدا وليكن ريكاردو وكنا سنقول اوتوفستر لولا التعاقد مع الكاميرون وذلك لمعرفتهم باللاعب السوداني ولازال هناك وقت لتدارك الامور..........
ومعا من اجل السودان
ولنا عودة

[سواااح]

اللهم لا شماته

دي بقت عنوان الفرق السودانيه كلها يوم يلعبو كويس ويوم شماته 1000 ربنا يعوضكم يا المريخاب
ونتمنى فعلا انو يكون في جانب من الجديه والإستعداد الرياضي للفرق السودانيه

تحياتي

[hamad2]

* شكراً للاعبي المريخ على ما قدموه.. وينبغي ألا ننسى أنهم أعادوا المريخ للواجهة بعد طول غياب.

* سنبني على ما تحقق.. ولن نعود إلى نقطة الصفر.

* سنحزن.. لكننا لن نعتقل أنفسنا في مربع الحزن طويلاً!

* المسيرة مستمرة.. نحن قوم لا يبطرنا نصر ولا تهزنا هزيمة
هكذا كانت اخر اسطر كتبها مزمل ابوالقاسم

[مدنيّة]

هي الشماتة دي كيف يالهلالاب ؟؟

ماياها عمايلكم دي اسمها شماتة

[نزار حسن محمد]

هي الشماتة دي كيف يالهلالاب ؟؟

ماياها عمايلكم دي اسمها شماتة

بسم الله ابداء
اولا ..انا هلالابى ...
نعم شاهدة مبارة مريخ السودان مع الصفاقسى التونسى ..
اجتهاد تحليلى
اولا :دخول الهدف الاول فى الدقائق الاولى يبرك اى فريق حتى لو البرازيل
لعب المدرب بخطة 442 على ان يكثف من الهجوم مستقلا الارض والجمهور
وتناسى امر الدفاع تماما وبعد دخول الهدف الثانى
وضح تماما تفكك الدفاع المريخى واستفاده من ذلك التفكك المدرب التونسى
واستفاده استفاده قصوى من الهجمات المرتده برغم قلتها وذلك لحلة الارتباك
المريخيه ..ثم ارتكب المدرب خطاء كبير بخروج مجاهد لاعب الوسط ودخول
هيثم طمبل ليكثف من الهجوم وترك وسط المريخ خالى ..وهذا ما نتجه عنه
زيادة تفكك دفاع المريخ ...
كرة القدم لا تعرف الياس فهى مستديره برغم قوة فريق الصفاقسى يمكن
للاعبى المريخ ان يعوده من تونس وهم يحملون الكاس ..

[نادر حجر]

اشكر ك الاخ نزار حسن على هذا المرور لكن نحن لازم نكون واقعين اذا كان فرطنا فى النتيجه فى السودان كيف حنقدر نعود بنتيجه ايجابيه من تونس.يمكن يكون راى جمال الوالى صحيح هذه قدرةاللاعبين عندنا.مع فريق مثل الصفاقصى التونسى وصل للنهائى خمسه مرات متتاليه

[خالد النور]

الأمل بيكون لو فازوا بثلاثة أهداف نظيفة ودى ما عملوها فى ملعبهم يمشو يعملوها فى تونس مااااااظنيت

[نزار حسن محمد]

ياخوانا ..انا متفق معاكم بان الامل ضعيف ولكن يوجد هناك امل ولو بنسبة 1% ...

تخريمه :
انتووو وين الفكى ابكرونه خلوه يسافر معاهم ..

[عمر معتصم]

فريق المريخ خيب آمال جماهيره في هذه المباره كان جميع لاعبي المريخ في اسواء حالاتهم الهزيمه في كره القدم موجوده لكن تنهزم وسط جماهيرك وفي بلده هذا يندر وبي اربعة اين المريخ من مريخ زمان ورنا يرحم الكره السودانية

[مدنيّة]

الأمل بيكون لو فازوا بثلاثة أهداف نظيفة ودى ما عملوها فى ملعبهم يمشو يعملوها فى تونس مااااااظنيت

هي التلاتة زاتها ما بتخارهم
لانها كدا ح تبقي تعادل
هم عندهم اربعة اهداف لما تضربها في اتنين بتبقي تمانية
ولو المريخ جاب تلاتة تضربها في اتنين بتبقي ستة + الاتنين اللي في الخرطوم بتساوي تمانية

يعني حتي الحلم صعب جدا اننا نحلمه

[ابراهيم]

الله يرحم المريخاب ويكون في عونهم ويسترهم
في تونس وكل الشعب السوداني معكم
والاهله كذالك
هههههههههه
اللهم لا شماته

والله يا محمد مصطفي انا ضحكت لمن وقعت من الكرسي
وغلبني اكتب حاجة

[ابراهيم]

يبقى امل وحيد وهو الفريق القومى وربنا يستر.

والله يا نادر ياخوي بعد الحصل للهلال والمريخ ما عايزين نتشائم لكن ياهم نفسهم الفريق القومي وكاس الامم دة في التصنيف بجي بعد كاس العالم مباشرة عن الكثيرين من حيث القوة والاثارة فنحن لو دة اسلوب اللعب احسن نحفظ ماء وجهنا .. كفاية تحطيم.

[hesho]

طبعا مافى واحد كان متوقع النتيجه الكارثه دى .حتى اكثر المتشائمين لكن نقول شنو !فريق ينهزم باربعه اقوان وفى مباراه نهائيه.طيب فى سوال هنا بطرح نفسو؟ نحنا وصلنا المراحل دى عن جداره ولا عن طريق الصدفه.والله بجد الواحد محتار وين المدربين وين اللعيبه المدفوع فيهم الدولارات المهوله وين المدرب الخبير اتوفستر نفس المدرب دى كان بدرب الزمالك وانهزم من الاهلى لاول مره بسته اهداف دى كانت اكبر هزيمه للزمالك يعنى والله انا فى تقديرى لوترك المريخ لمازدا لما كان ماحصل.نفس الاخطاء الدفاعيه تكرر فى اقل من اسبوع ومباريات مهمه ذى دى الفريق ماقادر يوظف امكانيات اللعيبه بالصوره الصحيحه.
يبقى امل وحيد وهو الفريق القومى وربنا يستر.

شكرا اخي نادر على هذا الطرح بس اعتقد ان المشكلة ليست في المدرب ولى الادارة التي بذلت كل غالي ولا في الجمهور المشكلة في الاعبين فلم يقدروا المسئولية ولعبوا بكل استهتار وعدم جدية وكانهم ضمنوا النتيجة والكاس وقد وضحت هذة المشكلة منذ لقاء الرجاء البيضاوي وكلنا شاهد الاستهتار وعدم الجدية ولانلوم المحترفين لانهم ايضا وضعوا بصمتهم بوصول المريخ الى هذة المرحلة ولاكن السؤال الذي يفرض نفسة هل الفرق التي قابلها المريخ في بداية مشوارة في الكونفدرالية والبطولة العربية ذات مستوى متدني للغاية ام انه وصل لهذة المرحلة بجدارة ومجهود فمثلا المريخ واجه (القطن التشادي- والشلف -الشباب التنزاني- دولفين-كوارا-الاسماعيلي) فماهو مستوى هذة الفرق ؟؟؟؟؟

[القيصر]

هي الشماتة دي كيف يالهلالاب ؟؟

ماياها عمايلكم دي اسمها شماتة


انا ما قلت ليك يا مدنيه الناس ديل ما بستحقوا
وعملتو جوطه ساي الجماعه ديل بي وشين
وانشاء الله كده إتأكدتي من كلامي القديم

(حال الدنيا تسرق منيه في لحظة عشم)

[حبيبة ودمدني]

الامل لسه في ياجماعه
((ولا تقنطوا من رحمة الله))
الامل لسه للمريخ بي الفوز

[النزير محمد شريف]

هي الشماتة دي كيف يالهلالاب ؟؟

ماياها عمايلكم دي اسمها شماتة

سلامات


والله بالجد الوضع صعب لكن !!!!!!!!!!!!!!!!!

انشاء الله سوف نعوض


ولي عوده انشاء الله


مودتي

[النزير محمد شريف]

سلامات يا اهل الحلوين


الهزيمه ليست اخر المطاف


وانشاء الله لي عوده


مودتي

[نادر حجر]

شكرا اخي نادر على هذا الطرح بس اعتقد ان المشكلة ليست في المدرب ولى الادارة التي بذلت كل غالي ولا في الجمهور المشكلة في الاعبين فلم يقدروا المسئولية ولعبوا بكل استهتار وعدم جدية وكانهم ضمنوا النتيجة والكاس وقد وضحت هذة المشكلة منذ لقاء الرجاء البيضاوي وكلنا شاهد الاستهتار وعدم الجدية ولانلوم المحترفين لانهم ايضا وضعوا بصمتهم بوصول المريخ الى هذة المرحلة ولاكن السؤال الذي يفرض نفسة هل الفرق التي قابلها المريخ في بداية مشوارة في الكونفدرالية والبطولة العربية ذات مستوى متدني للغاية ام انه وصل لهذة المرحلة بجدارة ومجهود فمثلا المريخ واجه (القطن التشادي- والشلف -الشباب التنزاني- دولفين-كوارا-الاسماعيلي) فماهو مستوى هذة الفرق ؟؟؟؟؟
شكر الاخ هشو على المداخله القيمه ......بس بختلف معاك فى شى وهو ان الجهاز الفنى له دور كبير جدا فى هذا النتيجه ويتحمل نسبه90% من الخساره الكبيره .
تخريمه
طبعا بقول لبعض الهلالاب الشمات انو المريخ هو صاحب كل انجاز حقيقى للكره السودانيه ومسجل فى تاريخ سجلات البطولات الافريقيه وهذا فخر لكل سودانى وكل مريخابى .الدور والباقى على الفرق الاخرى لكى تنال ذاك الشرف العظيم.

[مدنيّة]

انا ما قلت ليك يا مدنيه الناس ديل ما بستحقوا
وعملتو جوطه ساي الجماعه ديل بي وشين
وانشاء الله كده إتأكدتي من كلامي القديم

(حال الدنيا تسرق منيه في لحظة عشم)

يا القيصر احنا الصفوة
وما بنعمل عمايلهم دي
عشان كدا اسحقينا اننا نكون
الصفوة

[محمد مصطفي]

يا مرخاب ما شماته لكن انا لو في محلكم ما بمشي تونس العب هناك


عارفين لي


عشان الضرب حيكون مبرح