المساعد الشخصي الرقمي

مشاهدة النسخة كاملة : اساسك بالدريب الجاي بحداك



عثمان حسين
09-11-2007, 07:56 PM
المساككة.... غير المشي حيث تحمل في طياتها المشية والجية...واحيانا خطي سريعة تقارب من الجري...اللهث المتواصل مع سرحان وتضارب افكار,,,, نسيان السلام عليكم..
الدريب متفرع من الدرب ...زقاق جخنون جاي من منحدر خور..وياريتو لو دريب المحبوب
بعد دة كلو ,,,,,,الدريب الجاي بحداك
طيب بعد المساككة دي كلها شنو .....يمكن اصادف....
اصادف يا هراش يا كبير ...لادرب البيت ولا المدرسة ولا الجامعة ولامحل الشغل تصادفها وين....
اطنان من التردد....
كميات من الخوف...
صراعات نفسية متشابكة...


.................................................. .........
قد يكون حياء افتقدة الكثيرين في هذا الزمن
... ولا ممكن شنو..؟؟

عمر البشير
09-11-2007, 08:31 PM
تمام اخي عثمان المساسكه صعبه الا اذا كان في شي من حتي

عبدالمنعم الصديق(خدرا)
10-11-2007, 10:33 AM
عثمان ود الحسين
عساك بخير
والله يااخوى كلنا ساسقنا
والله جنس مساسقه هى
شى باللوارى
وشى بالنيسانات
وشى بالروزات
لمن كانت الروزا جديده والتزكره من مدنى لى كسلا ب 15 جنيه قديم
وأثمرت هذه المساسقا زواج ميمون واربعه اطفال كبيرهم ممتحن السنه دى الشهاده السودانيه
اتمنى ليك مساسقا زى دى ياعثمان

امنية بكري
10-11-2007, 01:21 PM
سك لما نفسك ينقطع

بس سك بفايدة

مسكاكه سعيده

عاشقة الهلال
11-11-2007, 01:52 AM
زي ماقالت الاخت امنيه ساسق لكن بفائده وبعدين طولت البال تهد الجبال
يعني المساسقه الطوالي نتيجته كويسه

عبدالمنعم الصديق(خدرا)
11-11-2007, 08:54 AM
زي ماقالت الاخت امنيه ساسق لكن بفائده وبعدين طولت البال تهد الجبال
يعني المساسقه الطوالي نتيجته كويسه
والله نحنا برضو قلنا كده
المساسقا الطوالى نتيجتا كويسه
ماشفتى الكديس بقيف كم ساعه لابد جنب جحر الفار

mahagoub
23-11-2007, 05:25 AM
والله نحنا برضو قلنا كده
المساسقا الطوالى نتيجتا كويسه
ماشفتى الكديس بقيف كم ساعه لابد جنب جحر الفار

خذوا الخبرة من اهل العلم ان كنتم لا تعلمون

تخريمة
من رونالدينو لعربية اطفال// كبيره دى يا عباس

GREY MAN
23-11-2007, 05:31 AM
اخونا عثمان حسين
الاقتناع بالمساسقا يعني اقترابك من الهدف..رككككز