حوار بكلمات الأغاني

[حسن سادة]

مناجاة بين الحبيب والحبيبة حول الخيانة

الحبيبة : ما هماك عذابنا ولا دموعنا وشقانا
نسقيك المشاعر وتخون الأمانة!
كيف يرضيك ضميرك تتنكر تخون؟
العشرة اللي كانت بتتحدى الظنون"

وأردفت قائلة:
"حلفتك يا قلبي الخانك تخونه
والفات غرامك أوعك يوم تصونه
زي ما أبكي عينيك سهرى عيونه
أوعك تقول تاني ما بنعيش بدونه
ايه في الحب لقينا غير همه وشجونه"

الحبيب: هل تصدق أخونك؟
ما أظن تصدق أخونك
لو شافت عيونك إيه حاصل بدونك
دي الدنيا بقت عدم والفرح من غير نغم
والسعادة بقت وهم"


الحبيية: يا سلام على ريدي
الخلاك بقيت سيدي
لو الأماني بإيدي كنت أهديك عيوني
واسقيك من وريدي
يا هناي وجديدي يوم أشوفك بيبقى عيدي"

وللحديث بقية

[حسن سادة]

جاء الحبيب وقد إعتمل في صدره مشاعر العتاب الرقيق
وأخذ يخاطب حبيبته بنبرة لا تخلو من الملامة:
" معاك قضيت عمر السنين ،، أفرش طريقك بالورود
وأبني في قصور الأماني ،، ما حاساي بي زول في الوجود
عمري ما فكرت إنك يوم حتخلف للوعود
لكني ما فاقد الأمل يمكن تحن ترجع تعود "
فأجابت الحبيبة وقد أشاحت بوجهها بعيداً :
" إنت فاكر حبي ليك لسع ندي؟
أنا حبي ليك بدري إنتهى
وذي اللي ما كان بيناتنا شيء
صدقني ما بقدر أعيد"
فسائلها الحبيب وقد إستشاط غضباً:
" قول لي مين جاب ليك عتاب؟
بيدور يفرق بين قراب
والقال هواك مليان سراب
نهايته شقى ونهايته عذاب
قول النصيحة كلمني مالك بالهجر
قول يا حبيبة!!!
وأردف يناجيها قائلاً:
وقبل ما تروي الحكاية خليك منصف يا مناي
يمكن تكون أوهام ظنون
يمكن تكون ساكت وشاية
العوازل داروا بيها يختوا لي ريدنا النهاية
فكر أحسن في مصيري وفي مصيرك وفي النهاية"
فقالت الحبيبة:
" ياما بقيت حيران ياما فشل ظني
والله ما مني ،،، كل الحصل ما مني "
وأعقبت قائلة:
ما عدت قادر أنتظر
سامحني غلطان بعتذر "
فقال الحبيب رافضاً الإعتذار:
" إعتذارك ما بيفيدك
العملتو كان بإيديك
أنا أستاهل وضعتك في مكاناً ما مكانك
ضيعوك ودروك إنت ما بتعرف صليحك من عدوك
إستغلوا الطيبة في قلبك وبي إسم العواطف خدعوك
الله يأخذ ليك حقوقك ويجازي الظلموك"
ثم أردف قائلاً:
"بعدما فات الاوان الليلة جاى بتعتذر
من وين أجيب ليك العذر "
فأجابت الحبيبة وقد علت شفتيها إبتسامة ماكرة:
" ما عندي مانع حتى لو ضيعني ساكن الموردة
أصلك بتدلل علي والله الحكاية معاندة؟

فقال لها الحبيب وقد ضاق ذرعاً من الصدود:
ذي عنادك عايز أعاند ،،، لكني يظهر ما حأقدر
أمري لله ،، كنت عايز أقول بحبك يا حبيبة "

وعندئذ خرجت والدة الحبيبة وأخذت تناديها
لقضاء أمر ما فهرولت صوب البيت

وسنعود ثانية لا محال
والعود أحمد

[نزار حسن محمد]

الحبيب حسن ساده سكر زياده ..لقايت ماتجى بنفرش لك
الدرب الاخضر



الدرب الأخضر

تميل خطواتي نشوانة تعانق دربك الأخضر
وحات اللوعة والآهات يا مشوار ما تقصر
***
على دربك زرعت الحب
جمال و كمال رياض وزهـور
غزلت صبابة العشاق
أماني تزيد صباح وعـطور
***
شلت اللهفة والأشواق
هيام وسـلام ومنابع نور
***
مواكب روعه وإبداعات
سلام وخيال قصادة شعور
ما بدلت الأيام ولا في مره أتغير
وحات اللوعة والآهات يا مشوار ما تــقصر
***
أمانه تطـــول وتتجدد
وأوعه تبقى لينا حـدود
عليك مقصر الأعمار
وعود و وصال ما قاسينا نار حـرمان
وما عانينا جور وصدود
***
وكم مرت بلاك أيام
وقفته في طريق مسدود
وشوفوا الليلة وإشـراقات
سنا و نوار بيتقطر
وحات اللوعة والأشواق يا مشوار ما تقــصر
***
يا مشوار يا رائع
بدون أول بدون آخر
معاني لا نهائيا
عليك دفق حنان زاخر
عليـك روح
واحضن قلـب
وأبهج عين
وسر خاطر
***
فيك يا شوقي ما ترتاح
وفيك أفضل دوام سارح
معاك فرهد شباب الحب
ورف على جناح اخضر
وحات اللوعة والأشواق يا مشوار ما تقصر

[حسن سادة]

العزيز نزار
تجيني ويجيني معاك زمن أمتع نفسي بالدهشة
وشكراً لرذاذ الفرح الخلى الجية
وما تحرمنا جمال جياتك

[بدر الدين محمد]

اصبر امكن يفيد صبري وامكن نرجع تاني
لقيت البوست وحيكون لي معه صولات وجولات اخي حسن

[حسن سادة]

اصبر امكن يفيد صبري وامكن نرجع تاني
لقيت البوست وحيكون لي معه صولات وجولات اخي حسن

لما ترجع بالسلامة وترجع ايامنا الجميلة
يا سنا الروح ويا مدامة ويا عواطفنا النبيلة
تهدي ليلاتنا ابتسامة من زمان بنقول حليلة

[ريموز]

جاءت معذبتى فى غيهب الغسق كأنها الكوكب الدرى فى الافق
فقلت نورتنى يا خيره زائرتى انا خشيت من الحراس فى الطرق
فجاوبتنى ودمع العين يسبقها من يركب البحر لا يخشى من الغرق

[حسن سادة]

ريموز أقرؤك السلام

افرد جناحك يا رسول الشوق انت على سفر
وارجع فاني ها هنا في بحر شوق انتظر
فأنا الغريق فما خوفي من البلل

[عثمان جلالة]

الحبيب حسن ساده ..... القمر ... بوبا عليك تقيل ... الصغيرون الما كبير الرقيبه قزازه عصير ... العيون متل الفناجين .... يا قمر بوبا عليك تقيل

[al-m3lem]

ما اجمل المعاني الخفية مابين تلال جمال كلامك
فالي الامام يا حسن ساده

[محمد أحمد الشيخ]

كان سألت علينا ،،،، كنت عرفت نحن الليله وين
... كنت أول لما نحن نغيب ،،، ثواني تقول سنين
غيروك يا وحيد ......
أشتهينا تكون معانا ...... ما لقينا حنان عينيك
أنت ما مجبور علينا نحن مجبورييين عليك
يا حسن ساده

[حسن سادة]

العزيز عثمان جلالة
يا قمر دروين أنا شفت وين؟
طبعاً في الليل
ولي نية في قمر السماء
وقلنا للقمرة سافري من بكرة
وختي في قلبك شتلة الذكرى

[حسن سادة]

عزيزي المعلم
أديني سمعك في الأخير
أنا عمري ما فاضل كتير
شالوهو مني الأمنيات
الضايعة في الوهم الكبير
والدنيا ما تمت هناء
لسه فاضل
ناس تعاشر
وناس تضوق طعم الهناء
بكرة أجمل من ظروفنا
و لسه جايات المني

[حسن سادة]

الشفيف محمد أحمد الشيخ
رجعنالك وجينا غفرنا إنك بالوشاية قصدت رد الفرحة فينا
رجعنالك وعينينا البكت فجعت رموشا دموع سخينة
وبفرح عودتنا رفّت زغردت كلمات حنينة
رجعنالك عشان تاه الفرح من دارنا
رجعنالك وإنت ديار فرحنا
رجعنالك عشان ناحت سواقينا
رجعنالك وبكت شتلات قمحنا
رجعنالك عشان يسكت جرحنا الإنت جارح قلبو بجراحاتنا احنا
رجعنالك وكيف نرفض رجوع القمرة لوطن القمارى
كيف تقوقى على نخيلاتنا القمارى
وانت واحش نيل وطنا علينا شمتّ الصحارى
رجعنالك عشان انت الجرف الفيهو شتلات حنة لفرح القبيلة
رجعنالك عشان جرتقنا وسيرتنا وجديلة
رجعنالك نغنى فرحنا فيك ونقول عديلة
يفرح الليل بفرح صندل يفوح يكسى القبيلة

يا محمد أحمد همتك
وهل من عودة تانية أم هي مستحيلة

[حسن سادة]

قسم الله صاحب الركشة يجوب بركشته أحياء السجانة بحثاً عن راكب ولكنه لم يجد أحداً
وأخيراً وبينما كان يتجه ناحية مركز شباب السجانة وجد غادة في منتصف العمر تقف على قارعة الطريق وقد تأبطت كيساً من الخضار فحملها معه وقد كانت وجهتها القوز فسارت الركشة وهي تمشي الهوينى كما يمشي الوجي الوحل وفي الطريق أخذ العاشق الولهان قسم السيد يردد بصوت خفيص مدندناً:" الريد جوة قلبي بي حبك بدأ يا زينة حياتي ويا قطر الندى" ثم أخذ يشدو مجدداً : " الريد الريد يا أهل متين لي دياركم نصل" فأخذت الغادة ترمقه بنظرة تهكم وهي تتمتم :"الريدة الكتيرة يا حنين شقاوة" ثم سكت العاشق حيناً ولم ينبت خلاله ببنت شفة زهاء النصف ساعة ثم أخذ ينشد مجدداً:" بحر الريد الريد الريد بحر الريد الصافي" فإندهشت الحسناء لسكوته مدة طويلة فأخذت تناجيه في سرها قائلة:" وين وين كنت وين لما العمر كانت سنينه مخضرة مخضرة،، جيتني بعد العمر راح الريدة جات متأخرة متأخرة " فقال قسم الله وهو يستعدل في جلسته ممسكاً بمقود الركشة:
" لما الريد يفوت حده يبقى مصيرنا في يده" وفجأة صاحت الغادة الحسناء وكأنها قد إستدركت شيئاً ما :" يا زول هيي عليك الله نزلني هنا" فقال لها قسم الله وهو يهم بإيقاف الركشة:" يا مسافر إتدلى سيب السفر يللا" ولكن باب الركشة كان عصياً على الفتح وقد حاولت الغادة جاهدة فتحها ولم تفلح فقالت متذمرة:" باب الريدة وإنسد وأقول يا ربي إيه جد" فقال لها السائق وهو يساعدها على فتح الباب:" الريد قسم يا عينيا"
وأعقبها قائلاً:" كلام الريد دسه عليّا"

ونواصل أيها الأحباب

[محمد أحمد الشيخ]

يا محمد أحمد همتك
وهل من عودة تانية أم هي مستحيلة

ما مستحيلة .................... بل جميلة

وهاك دي

ما شلخوك بي فصاده .... علي الخدود الساده
طبيعي خلقة ربك ...... ما دايره ليها زياده

[ابراهيم]

حسن السادة
سلام عليك
سلام يحمل سلام يحمل محبة
انا الحار في دواي حكما واطبا
سلام لو من بعيد يسعدني حبة
سلام واكون سعيد
سلام برده ليك

[حسن سادة]

ما مستحيلة .................... بل جميلة

وهاك دي

ما شلخوك بي فصاده .... علي الخدود الساده
طبيعي خلقة ربك ...... ما دايره ليها زياده


حبابك ما غريب الدار
وجيتنا وفيك ملامحنا بعد يا محمد أحمد ما يئسنا
بنرجع ليك تحدثنا
وما أحلى ساعة اللقاء في الشاطئ عند الملتقى
أنا والحبيب

[حسن سادة]

حسن السادة
سلام عليك
سلام يحمل سلام يحمل محبة
انا الحار في دواي حكما واطبا
سلام لو من بعيد يسعدني حبة
سلام واكون سعيد
سلام برده ليك


عزيزي الشفيف ابراهومة
إنت طبعك هادئ ما فيه المشين
تشبه الفل في الجناين وحتى عطرك ياسمين
من إيدي ليك سلام
يا سلام منك آه يا سلام يا سلام
الكلام فيه كلام

وأحرموني ولا تحرموني السلام لإبراهيم السلام

[باسطه]

نًفسِك مستكه وريقك فطور الصائم
فرع المحلب التحتو القرنفل كاااااين


شبكتيـــــــــــــــــتنا (ياااامدني) وشبكتي الناس معانا
في شباك شبك شبكت شبايكو معانا

لبست توووووب شبك وفي شبايكه مشابكانا
والداير الشبك الإشبك شبكتوا معانا

وفي عينيها عالم تاني ماشفتوها
وفي عينيها عالم تاني ماشفتوها

زي (مدني) مالاقاني ماشفتوها
زي (مدني ) مالاقاني ماشفتوها

تعالوا تعالوا تعالوا
تعالوا تعالوا تعالوا

تعالوا تعالوا وأسمعوني خباره ماشفتوها
دي الحاشاهــا ماخباره ماشفتوهــا

عامت وإنتنت زي بانه ماشفتوها
ساقيها الندى ورويانه ماشفتوها
ده الكمل صبرنا وأزانا ماشفتوها

//
\\
//
\\
//
\\
//
:D:D:D

[حسن سادة]

العزيز باسطة
شفتك إبتهجت وين يا غالي إنت
ولما شفتك ليلي ضوّى وبقّ نور

[حسن سادة]

قالت فيروز لحبيبها تامر وهي تعاتبه:
"صحي إتغيرت إنت خلاص
نسيت العشرة يا سيد قلبي والإحساس
بقيت ظالم نسيت الناس"
فأجابها تامر:
" لو أنساك إنت أكون غدّار وخنت
أسألي عن غيري وأحكمي في مصيري"
ولكن يبدو أنها لم تقتنع بالإعتذار فأردفت قائلة:
" من حسع وبقيت تنسى ؟ جدائل الريد وقت تظهر وحياتك ما بتتدسى"
وإلتفتت برهة لصديقتها التي كانت تجلس بجوارها وتصغي لكلمات العتاب:
" ناس ناسيانا ومن حنانهم وريدهم بيجري
في دمانا سحابهم مرّ ما سقانا يا ناس خلانا برانا"
فقالت لها صديقتها وهي تحاول جاهدة أن تهدئ من روعها:
" وإنتي إنتي بتتنسي؟"
ثم أردفت قائلة:
" بين الذكرى والنسيان مسافة قريبة يا إنسان"
فاقاطعن تامر قائلاً:
" لو إنت نسيت أنا ما نسيت"
ثم أضاف بنبرة تشوبها الإلحاح:
" لو كان الزمن قساك
انا ما قسيت..
ولو في يوم زمن نساك
انا ما نسيت"
فقالت فيروز وهي لا زالت تصر على إتهامه:
" تنساني أنا في اليوم ألف مرة وأنا خايف"
فقال لها تامر وهو يطمئنها:
" لو حاولت تجرحني أو تنساني من تاني
أنا لا ما بنسي"

ونعود

[حسن سادة]

العزيز بدر الدين
ما قلت بتجينا يا حليل مجيك
ومنو الحماك الجية
وما قال بجي مالو ما جاء

[معتز الريح]

من طرف الحبيب جات اغرب رسائل
يحكي عتابو فيها وقال ناسنو قايل ..






لو أنساك انت أكون غدار وخنت ..

[حسن سادة]

العزيز معتز الريح
سلام مربع
كيف تقول يا هذا:
" من طرف الحبيب جات أغرب رسالة"
ألم تصلك رسالتي المنمقة ومرسال المودة
التي أرسلتها لك؟

" الرسالة الحلوة ريدك ما بريدك
الخطاب النمقت كلماتوا إيدك
قبل ساعات قبل مدة ..
جاني مرسال المودة ..
ياما شال وقلبي أدى ..
إحتفلت وعمري عدى ..
كل كلمة بتكتبيها ..
يا حلوة إنت تنمقيها ...
تضوي بيها فرح عيونك ...
لوحه زاهية بترسميها ..
قبل ساعات قبل مدة ..
جاني مرسال المودة ..
ياما شلت وقلبي أدى ..
إحتفلت وعمري عدى
كل كلمة ندية واحة ...
كل همسه شجية راحه ..
والحقيقة الرائعة إنت ..
شن بدورك صورة بنت ..
شلت رسمك والأناقة ..
إنبهرت وغبت ساعة ..
يا ماهل وعمّ عيدك ..
ما بريدك وزي ريدك ..
الخطاب النمقت كلماتوا إيدك..
قبل ساعات قبل مدة
جاني مرسال المودة "

[ابوندى]

ليك عن غربتنا يا حسن


مرة يا هدهد سبأ ودى للسودان نبأ
وكلم الطير الخدارى يغشى بيك كل الحوارى
وأحكى عن سهدى وودارى وعن حنين عايش معاى
لحظة ما فارق خطاى
وعمرو فى يوم ما خبأ

عن كتير اشواقنا أحكى
لكن اوعك مرة تبكى وتمشى تشكى
عن سهادنا وعن بعادنا
عن قليب فى الغربة هــــــــــــــــــــــــــام
فى كل لحظة بألف ســـــــــــــــــــــــــاعة
وكل ساعة بألف عـــــــــــــــــــــــــــــــام

[حسن سادة]

عزيزي أبوندى
لك التحية أجملها

" زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع "

[حسن سادة]

قال أحمد وهو يسأل حبيبته سحر التي كانت تهم بإعداد حقيبة السفر:
" صحي مسافرة ومفارقنا ممسخة علينا دنيانا؟ "
فأجابت سحر وهي تطوي فستانها وترصها داخل الحقيبة:
" مسافر والفراق لحظاته صعبة أنا تَب في السفر ما ليا رغبة"
فقال أحمد وهو يحثها على عدم السفر:
" قلنا ما ممكن تسافر
نحن حالفين بالمشاعر
لسه ما صدقنا انك بجلاللك جيتنا زاير
السفر ملحوق ولازم انت
تجبر بالخواطر "

ثم أعقب قائلاً وقد أشعل سيجارته:
" الغريبه الساعة جنبك تبدو اقصر من دقيقة
والدقيقة .. وانت ما فى مرة ما بنقدر نطيقها "

فقالت سحر وهي تضع الحقيبة جانية وتعد الأخرى:
" إديني رضاك قدامي سفر،،،،
سفراً مكتوب ما يتأخر
ويمكن نتلاقى ويمكن لا"
فقال أحمد وهو لا يزال مصرّاً على رأيه:
" لو تسافر دون رضانا
بنشقى نحن الدهر كله
ما بنضوق فى الدنيا متعة
وكل زول غيرك نمله
اقل حاجه تخلى سفرك
حتى لو اسبوع اقلو
وانت عارف نحن بعدك
للصباح ... دايما نساهر "

فقالت سحر وهي تمسح دمعة فرّت من عينيها بطرف المنديل:
" ماخلاص قلبى اصبح من عذابك فى الاسى
وهجير شديد وجعاتو ماشافن مساء
يوم القى ابتسامتك ابتسامك والصباح
ويوم القى فى عمقى الجراح
والعطف منك ياسماح يتلاشى راح
عاد اقبل وين واحكى الوجعه
ياتو خديد اشيل الدمعه وياتو حنين يجيب الراح
اشيل كلماتك واسافر اذكر بسيماتك واساهر "

فقال أحمد يائساً بعد أن فشل في إقناعها لعدول عن السفر:
" هسع خايف من فراقك لم يحصل ببقى كيف
زى ورد فى عز نداهو خوفو بكره يزورو صيف"

ثم قال وهو يتوسل للحبيبة ويناجيها:
" غيب وتعال ..تلقانا نحن يانا نحن
ما غيرتنا الظروف ولا هدتنا محنة
كم بعنا فى الغرام واشترينا غير هواك ما ربحنا
يا صبانا .. ويا شبابنا .. ويا رضانا ,, ويا سمحنا
غيب وتعال .. تلقانا بنفس الايادى الراجفة
مشتاقة فى ساعة سلامك
غيب وتعال تلقانا بنفس القلوب الياما
حزنت لما فقدت ابتسامك "
ثم أردف أحمد قائلاً وهو يناولها منديلاً تذكارياً مطرزاُ:
" يا حليلووووو
حليلو قال ناوى السفر
كيف الوداع لامن يحين وقت السفر
أهديك زهور ...حاشاى انا وانت ندى الزهر
أهديك حروف...يا اجمل احرف فى الدهر
اهديك حنان..ما قلبى عندك من زمان
وأنا راجى عطفك منتظر
أهدييك حروف...ما قالا زول و ما أظن يقولا وراى بشر
اهديك عيونى...فى الدنيا اشان استريح
الدنيا بعدك مابتسر....يا حليلو"

فقالت سحر وفي عينيها مسحة حزن:
" متين يا ربي تاني تلمنا
قريب يا ربي ان شا الله تلمنا
متين يا ربي لي حبيبي يعود
أقيم ليالي بالكمان والعود
أغني ليهو الرائع المنشود "
فقال أحمد وهو يجلس على الأريكة
التي وضعت في ناصية الغرفة:
" إذكري ايام صفانا
والليالي الفيها متبادلين و فانا
جينا بي كل إقتراب
بي حديث يشفي الجراح
بي مغازلة و انشراح
والقمر بي ضياهو آلق
والنسيم يهدينا أنفاس الزهور "
فأجابت سحر وهي تطمئنه قائلة:
" ولو لا الذكرى ما فى اسـف
ولاكان التجنى وقف
وصوت ذكراك رزاز صفق
على خطوات بنات سجعن
وشوق رؤياك
حنين لى رحلة فى المجهول
ولولا الذكرى مافى وصول
ولولا الذكرى مافى اصول
ولولا الذكرى ما فى شجن "

وأخيراً نهض أحمد وهو يهم بالإنصراف
وقد وضع الصورة التذكارية التي أهدته له
سحر في جيبه وهو يردد منشداً:
" يا ستار عليّ من دُرتَك
بقيت أشيل صورتك
وأقراها طول الليل
ذي نجمة نائية دليل
ضوّايا فوق النيل
شبه البريدو جميل "

[بنت الرفاعي]

لأنك عندي كل الخير ... وجيهك فرحة الدنيا ... ودواخلك زي شعاع النور ...

عرفتك وكنت زي شفتك قبل ألقاك ... وزي إنك بتنبع من فرح جواي فرح ...

[حسن سادة]

أعطى شلال محبة وإلفة لمرام

واعطى نصف عمرى للذى
يجعل طفلا باكيا يضحك
واعطى نصفه الثانى لاحمى
زهرة خضراء ان تهلك
وامشى الف عام خلف اغنية
واقطع الف واد شائك المسلك
واركب كل بحر هائج
حتى الم العطر
عند شواطىء الليلك

[بنت الرفاعي]

زمان ياهجعة الميلاد ... سقاك الحب لهيب اللهفة سيل وإعصار ...
وشهقة نجمة هامت بيك ... تخاف بالشوق تقع تنهار ...
إسأل خلي الشجن يرحل ... وخلي المحن تنثار ...
ومنك إنت أجمل باقة ورد ... ودنيا ربيعها بيك أزهار.

[حسن سادة]

بشراكمو فقد نلتم المرام
فقد هطل المرام هنا وغمر
الأرجاء فيضاً فهل هلّ موسم الخريف؟؟؟

" أدور حولك با حساسى
ربيع بغازل النوار
واشيلك جوة انفاسى
عشان تطفى اشتياقى الحار
وبين طارينى لاناسى
لقيت الحيرة فيك تحتار
كانى حداك ظل مشتول
على دروب الزمن بطول
اشوف معناك فى كل زول
شرب من طعمك المعسول
ودا الخلانى فيك اقول
قدر ما يرجى عمرى الحول
كلاماً بالغزل مغزول
ولحنا فى البعاد موصول
وكيف ما اشيل هواك فصول
وقلبى برؤيتك مأهول"

[حسن سادة]

العزيز بدر الدين
لمان راح زمن جيتك وخطاك في دربي ما طلوا
شفقت عليك من السكة دموع عيني وراك طلو
عشان عارفني بستناك
أريت ميعادنا توفيه

وما قلت بتجينا ياحليل مجيكَ

[تباريح الهوى]

الرائع حسن سادة تسلم على البست الجميل
وتقبل مرورى

قال الحبيب للمحبوبته
الليلة جيت شايل الفرح عايزك تعوضنى للراح
ردت المحبوبة
صدقنى مابقدر اعيد رحلة غرام بالشوق بدت رحلة عذاب داب انتهت كيف تانى ترجع من جديد
صدقنى مابقدر اعيد

وقالت اخر لاخر

فرحت بيك مديت دروب الريد سماح
وفرشت ليك طيبة مشاعرى غطأ وشاح
لنى وضيعة رجاى ردتنى مكسورة الجناح وسقتنى بعد الحلو مر
بعد مافات الاوان

[مرتضى يوسف العركي]

حسن سادة يا سيدي الست احلى زيادة ... مع الاعتزار للفيتوري
يا أيُّها الطيْفُ مُنْفلِتاً مِنْ عُصُورِ الرَّتَا بِةِ والمسْخِ
مَاذا وراءك
في كتب الرمل؟ غناوي
ماذا أمامك؟ غناوي
في كتب الغيم؟ غناوي
إلاّ الشموس التي هبطت في المحيطات ؟ اهي ايضا غناوي
والكائنات التى انحدرت في الظّلام
و امتلاُؤك بالدَّمْع بعض غناوي
حتَّى تراكمت تحت تُراب الكلام حبنا لك وللأغاني
فغني فينا ما شئت
فكم نشتاقك ايها المغني .

[صديق بلال]

يا حسن يا سادة كلماتك الحلوة جعلتك سكر زيادة
++++++++++++++++++++++++++++++++++++++++++++++++++ +
مين قال ياعمري أقدر على النسيان
مين قال في قلبي غيرك يعيش إنسان
جرحي قديم في القلب باقي له أثر
ما يمحي مهما يطول عمر الدهر
دنيا غريبة دنياي أنا ودنياك
دنيا عجيبة مكتوب علي فرقاك
************************************************** **************************

حبيبي يا حبيبي مو بسهولة ننسي حلو السوالف حبيبي
واللي في قلبي أقوله أنت أدرى وعارف لو ما أقوله
دنيا غريبة دنياي أنا ودنياك
دنيا عجيبة مكتوب علي فرقاك

[حسن سادة]

الأحبة الغالين
تباريح الهوى
مرتضى العركي
صديق بلال
إليكم تحية الصباح الوردية

"نحن اهل الفرحة جينا
لاالمدامع وقفتنا ولا الحكايات الحزينة
لما درب الرايحة جابنا في هذي المدينة

ونحن ناس الريدة جينا
لا المسافات لا المحطات في غيابكم تحتوينا
نشقي من فرقتنا دايما ونحن في بعدك شقينا
وكل ما تبعد خطانا
وكل ما المحطات تنأي بينا
نهفو لي ايام هوانا
ومن بعادكم اشتكينا
بس يا احبة ورغم عن كل الاعادي
نحن بيكم نحن منكم ونحن فيكم

[ابراهيم]

الرائع حسن سادة
في غيابك ياما سألنا عليك السكة
حتي كل المارين

[حسن سادة]

الرائع حسن سادة
في غيابك ياما سألنا عليك السكة
حتي كل المارين

العزيز ابراهيم
عمت صباحاً

لو سألت علينا كنت عرفت أنحن الليلة وين
كنت أول ما نحن نغيب ثواني تغيب سنين
غيّرَك إيه يا وحيدنا والله صابت ريدنا عين
البيسأل ما بتوه دارنا نحن قريبة ليك
إنت ما مجبور علينا نحن مجبورين عليك

[ابراهيم]

الجميل السادة
عشان تسأل نسيتك
وفي النسيان لقيتك
لما غلبني اصبر شلت حناني جيتك
جيت قايدني شوقي شوق نديان وصافي

[حسن سادة]

العزيز ابراهيم
لو كان الزمن نساك أنا ما نسيت
أو في يوم زمن قساك أنا ما قسيت
أنا الصابر على المحنة

[بنت الرفاعي]

لما أفوتكم من دون خاطر ..

أو دون خاطر مني تفوتوا

بلقى حبايب فى كل حتة ..

وكل بيوت الفقراء بيوتي

لا غيرت وراكم الحتة ..

لا بدلـت ملامح صوتى.

[حسن سادة]

لمرام أهدي سلامي وأشواقي الكتيرة


نحن أهل الفرحة جينا
لا المدامع وقفتنا ... ولا النهايات الحزينة
****
لو صحيح غنينا بالدمعة الحميمة
لو دموع الفرحة ما لاقت غنانا
بكرة نرجع تاني للكلمة الرحيمة
شان هَنانا .. شان مُنانا
شان عيون أطفالنا ما تضوق الهزيمة