اليوم العالمي للمشوكشين

[ود ام تريبات]

عندي صاحبي بالمناسة مشوكش وكاتم في قلبو !! لكن مرااات لمن يفيض بيهو الحنين والشجن بفلت وبقول الكلام الحقيقي الحاسي بيهو.. وفي الاوضاع العادية يقول ليك ياخ ( رب ضارة نافعة )!! هي زاتا ولا كانت مثقفة ولا واعية عربية متخلفة ساكت !!! طيب ما كنت عارف كده زمااااااااااااااان ايام حبكانا انا يافلانا و حبيبي اكتب لي وانا بكتب ليك ما كانت عربية كانت سيارة يعني..
المهم وصاحبي تاني برضو ادوهو شاكوش وحبيبتو عرست والمهم .. جاء اقتراح كالاتي :

بما انو في يوم معلم ويوم للطفل ويوم للصحة العقلية ويوم السجم ويوم الرماد.. ياخ حتى الشجرة دي عندها يوم صاح ؟؟ طيب ما يكون في يوم بتاع مشوكشين !! عادي يوم كامل الناس تشغل فيهو هاشم ميرغني وسمعو اليلة لو قلبك سلاني يكفي خاتمك فوق ايديا ويسمعو عاوز افوت ياغالية منك ابكي واحضن في الاسيه ويسمعو ما قلنا ليك الحب طريق قاسي ... الخ .. موش الناس في الفالنتاين- عيد الحب - بلبسوا احمر خلاص المشوكشين يلبسو اصفر ظهري بيجي رمادي اي لون مناسب والناس تقيف دقيقة حداد على الناس الجنو وفقدو عقولم بسبب الحب يعني كده يكون يوم تراجيدي !!! حلوه تراجيدي .. ولا شنو ؟؟.
انا بقترح يكون اليوم ده يوم 14/4 عشان الفارق الزمني يكون مناسب من عيد الحب 14/2 طبعاً في ناس ماعندهم معاهو شغلة اااي في صاح ؟ ..ولانو الجو بكون حررررررررررر شديد ..

[انوريكا]

أنا أول المرحبين بالفكرة، وبقول لي صاحبك اللي كاتم في قلبو وما قادر يقول للبنت اللي أدتو(شاكوش) ربنا يكون في عونك وبهدي ليهو الكلمات دي:
إنت فـــــاكرة بعادك عني مؤلم ولا فراقك لي محزن يا حليلك، فاكرة الدنيا من غيرك عدم ،انا ما بقول ما حبيتك والله حبيتك ،لكن الذمن خدعني فيك، كنت قايلك انت ملاك لي إتوهب ما كنت شايف غير جمالك ،لكن كل الصفات الفيك غلط، مرسومة باللون الغلط، وحبك في قلبي أكيد أكيدكان أكبر غلط ،ولو فكرت فيك تاني اكون واهم نفسي وماشي في السكة الغلط، وأقول ليك من هنا ورايح فراقنا للابد فراقنا للابد....
وبعدين ما ينسي إنو حوه والدة وربنا يلمك في بنت الحلال البتسعدك ما إنو الذمن دا ما أظن تكون في بنت حلال............

[مختار بازى]

دا يومنا زااااااااااااتو نحنا مع الفكرة بنشجب هي بنؤيد
هههههههههههههههههه

[moh_alnour]

دا يومنا زااااااااااااتو نحنا مع الفكرة بنشجب هي بنؤيد
هههههههههههههههههه

سمحة الهيبة فوق مختار
والله يا ود بازي لقيتك زي غبار الكيتا
الحاصل شنو يا ريس
ما كنت كويس

[باسطه]

سمحة الهيبة فوق مختار
والله يا ود بازي لقيتك زي غبار الكيتا
الحاصل شنو يا ريس
ما كنت كويس


عجبتني زي غبار الكيته دي
ههههههههههههههههههههههه

[mahagoub]

انت متاكد انو واحد صاحبك
المجمعة كبرت
مخنار وانور وهشام والبقية تاتى

[mahagoub]

سمحة الهيبة فوق مختار
والله يا ود بازي لقيتك زي غبار الكيتا
الحاصل شنو يا ريس
ما كنت كويس

بعد ما وقع من الموتر واندرش فى الزلط من ديك وعيك

[النور محمد يوسف]

أخي معز لماذا لا يكون التاريخ هو 6/6 لأن الستات هن سبب الشواكيش وتاني حاجة الستات شكلهن كدا عامل زي الشواكيش المعلقة جاهزة للهبت وبعدين هذا التاريخ أنا بكون فيهو بره بعيد من سوق الشواكيش ....أمشي بريطانيا يعني أو أمريكا ....هناك ما في حاجة اسمها شاكوش ....ممكن انت تشوكش 60 مرة ولا حد يجيب ليك خبر شكِّش زي ماعاوز

[عثمان جلالة]

الحبيب معز .... خلاص يعني عشان ضمنت ... بقيت تفتش لى أصحابك المشكوكشين .. هههههه والله أنا مع الفكره لكن يكون يوم الاحتفال ... يوم 14/2 نفسو ... يوم عيد الحب لأنو الشاكوش سببو الأساسي ما الباعوضه ... سببو الحب ... وطبعا بعدو بتعدد الاعراض .. في ناس بتجيهم حمى وناس بتجيهم فوبيا الاماكن المرتفعة وناس كل ما يشوف بوليس حركه يديهو التحية ... حسب قوة الضربة القاضية .... لكن أخطر الناس البكون لسه فاكر إنو في فرصة هجمة مرتده .... ده احسن البس احمر مع شربات صفر وكداره ... رمادية:p

[ناصر عمر دبيب]

والله فكره تمام لكن انت ياانور خليك بعيد

[انوريكا]

انا دايما قريب يا ناصر، لاني جد زعلان من بنات حوة اللئيمات، ومن هنا بقول:
جاية تصحي جراح الماضي وبراك سديتي طريق الرجعه، نحن تناقض ما بتلاقي ماضي حزين غرقان في دمعة، وانا متحمل كل الحاصل أصلي براي أنا سيد الوجعه، إتعودنا خلاص نتغابي حتي العرفة البينا زمان، انا مشغول بي حزني عليكي وكتير شاغلاني الدنيا كمان ، إنت إخترتي طريقك يلا أوع تمثلي دور مشاقة ، وانا عودت عيوني فراقك قبل عيونك تنوي فراقا

[moh_alnour]

بعد ما وقع من الموتر واندرش فى الزلط من ديك وعيك

ما دا المحيرنا يا عم محجوب
نحن قايلنها صدمة بتاعت موتر
طلعت صدمة عاطفية

[moh_alnour]

الحبيب معز .... خلاص يعني عشان ضمنت ... بقيت تفتش لى أصحابك المشكوكشين .. هههههه والله أنا مع الفكره لكن يكون يوم الاحتفال ... يوم 14/2 نفسو ... يوم عيد الحب لأنو الشاكوش سببو الأساسي ما الباعوضه

والله يا جلالة لقيتك حاسد حسادة
يعني أنت لو بقيت مدير الشرطة
حتغير رقم الدوريات من 999
الى 253469872543312897522135987462
تخريمة : أستاذنا النور محمد يوسف : أنا أؤيد أقتراحك وبشدة

[انيس التوم]

شمال كده انا رقم الشاكوش بتاعي 1/2 وغالباً ما يصادف يوم صرف المرتبات عندنا عشان كده انا في الشهر ده ما بمشي علي الصراف لمن يجي علي ويقول لي مستر انيس انت ماعايز قروشك بقول ليه ياخي حولها بقت عندي مشكلة مع اليوم ده وبجاول قدر الامكان ازحم نفسي في اليوم ده بكمية من الشغلات حتى لا افكر

[ود ام تريبات]

أنا أول المرحبين بالفكرة، وبقول لي صاحبك اللي كاتم في قلبو وما قادر يقول للبنت اللي أدتو(شاكوش) ربنا يكون في عونك وبهدي ليهو الكلمات دي:
إنت فـــــاكرة بعادك عني مؤلم ولا فراقك لي محزن يا حليلك، فاكرة الدنيا من غيرك عدم ،انا ما بقول ما حبيتك والله حبيتك ،لكن الذمن خدعني فيك، كنت قايلك انت ملاك لي إتوهب ما كنت شايف غير جمالك ،لكن كل الصفات الفيك غلط، مرسومة باللون الغلط، وحبك في قلبي أكيد أكيدكان أكبر غلط ،ولو فكرت فيك تاني اكون واهم نفسي وماشي في السكة الغلط، وأقول ليك من هنا ورايح فراقنا للابد فراقنا للابد.... وبعدين ما ينسي إنو حوه والدة وربنا يلمك في بنت الحلال البتسعدك ما إنو الذمن دا ما أظن تكون في بنت حلال............

الحبيب anwar6

شايف الموضوع ده خاشي فيك شمال شديد ... عموماً خلاص اعتمدناك عضو منظم لليوم ده !!؟؟

لكن بيني وبينك رب ضارة نافعة شايفك بقيت شاعر رسمي .. الماساة ما بتولد الابداع وقيل تحت تحت بتولد كهرباء عدييييل ..

مع حبي

[ود ام تريبات]

دا يومنا زااااااااااااتو نحنا مع الفكرة بنشجب هي بنؤيد
هههههههههههههههههه

الرائع : ود بازي

انت ياخوي الرئيس .. بعدين اليوم ده بكون فيهو خمسين رئيس حسب الضربة لو حرة مباشرة او غير مباشرة !!

لك ودي

[ود ام تريبات]

سمحة الهيبة فوق مختار
والله يا ود بازي لقيتك زي غبار الكيتا
الحاصل شنو يا ريس
ما كنت كويس

الاستاذ
mohalnour

هيبة ؟؟ والله ياحبيبنا ضربة الشاكوش دي زي الضربات الاستباقية حقت امريكا !! - ماجربناها لكن شفناها في الدول الصديقة والشقيقة -
مع كل الحب

[ود ام تريبات]

عجبتني زي غبار الكيته دي
ههههههههههههههههههههههه

باشمهندس

باسطة

خليهو غبار الكيتا ... انت الدخلك هنا شنووووو!!؟؟؟

خوفي تكون سيد وجعة وميت بيها برااااااااااك

دمت حبيبنا

[ود ام تريبات]

انت متاكد انو واحد صاحبك
المجمعة كبرت
مخنار وانور وهشام والبقية تاتى

ياعمنا وحبيبنا

محجوب

ديل ما معروفين .. الانا قاصدم ديل من البقولو عليهو ما خفي اعظم

لك كل الحب على مرورك الباهي

[mahagoub]

حيرتونا حددوا موقفكم
الستات ولا يوم الحب ؟؟
اقول :: خليه اول السنه عشان ما يتنسى؟

[ود ام تريبات]

بعد ما وقع من الموتر واندرش فى الزلط من ديك وعيك



لا لا لا دي خطيييييييييييييييرة بلبن عديل ...

[ود ام تريبات]

أخي معز لماذا لا يكون التاريخ هو 6/6 لأن الستات هن سبب الشواكيش وتاني حاجة الستات شكلهن كدا عامل زي الشواكيش المعلقة جاهزة للهبت وبعدين هذا التاريخ أنا بكون فيهو بره بعيد من سوق الشواكيش ....أمشي بريطانيا يعني أو أمريكا ....هناك ما في حاجة اسمها شاكوش ....ممكن انت تشوكش 60 مرة ولا حد يجيب ليك خبر شكِّش زي ماعاوز

استاذنا
النور محمد يوسف

انا شخصياً موافق لكن الرائ ما حقنا حق الناس المضروبين ديل .. لكن عموماً يوم ستة ستة مناسب ..

موووووووزة

انت ياعمنا شهر ستة ده ما فيهو شاكوش كبيييييييييير في اخرو تاني نعمل واحد في اولو ؟؟؟كتيرة علينا

[ود ام تريبات]

الحبيب معز .... خلاص يعني عشان ضمنت ... بقيت تفتش لى أصحابك المشكوكشين .. هههههه والله أنا مع الفكره لكن يكون يوم الاحتفال ... يوم 14/2 نفسو ... يوم عيد الحب لأنو الشاكوش سببو الأساسي ما الباعوضه ... سببو الحب ... وطبعا بعدو بتعدد الاعراض .. في ناس بتجيهم حمى وناس بتجيهم فوبيا الاماكن المرتفعة وناس كل ما يشوف بوليس حركه يديهو التحية ... حسب قوة الضربة القاضية .... لكن أخطر الناس البكون لسه فاكر إنو في فرصة هجمة مرتده .... ده احسن البس احمر مع شربات صفر وكداره ... رمادية:p

اووووووووووووك البلد ما جابت

جلالة !!!

انت يازول عيناك في المجلس الاستشاري حق اليوم ده .. طبعاً كزول خبرة في الشواكيش كماً ونوعاً حتكون مستشار متفرغ تجينا كل يوم سبت بس ...

وابقى قريب

[ود ام تريبات]

والله فكره تمام لكن انت ياانور خليك بعيد

الرائع
ناصر عمر

انت قايل اليوم ده عاملنو لمنو ؟؟ ما لانور ده زاتو !!

[ود ام تريبات]

انا دايما قريب يا ناصر، لاني جد زعلان من بنات حوة اللئيمات، ومن هنا بقول:
جاية تصحي جراح الماضي وبراك سديتي طريق الرجعه، نحن تناقض ما بتلاقي ماضي حزين غرقان في دمعة، وانا متحمل كل الحاصل أصلي براي أنا سيد الوجعه، إتعودنا خلاص نتغابي حتي العرفة البينا زمان، انا مشغول بي حزني عليكي وكتير شاغلاني الدنيا كمان ، إنت إخترتي طريقك يلا أوع تمثلي دور مشاقة ، وانا عودت عيوني فراقك قبل عيونك تنوي فراقا


والله ياانور ياصاحبي .. ابعد من الاشارات والصواني حقات الحركة بس ..

[ود ام تريبات]

ما دا المحيرنا يا عم محجوب
نحن قايلنها صدمة بتاعت موتر
طلعت صدمة عاطفية

صدة عاطفية :eek: دي اخير منها يصدمك مترو انفاق !!

[ود ام تريبات]

شمال كده انا رقم الشاكوش بتاعي 1/2 وغالباً ما يصادف يوم صرف المرتبات عندنا عشان كده انا في الشهر ده ما بمشي علي الصراف لمن يجي علي ويقول لي مستر انيس انت ماعايز قروشك بقول ليه ياخي حولها بقت عندي مشكلة مع اليوم ده وبجاول قدر الامكان ازحم نفسي في اليوم ده بكمية من الشغلات حتى لا افكر

الاستاذ
انيس التوم

كفارة ليك كل يوم 1/2 بس ياصاحبي الراتب اهمى من المرة !!!

[ود ام تريبات]

حيرتونا حددوا موقفكم
الستات ولا يوم الحب ؟؟
اقول :: خليه اول السنه عشان ما يتنسى؟

ياعم محجوب

الناس الطقو الناس شاكوش قبل 17 سنة باقي لي حاجزين شهر ستة دة لاخرو !!!

[ناصر عمر دبيب]

ولا شاكوش بس بندي شوكش

[ود ام تريبات]

ولا شاكوش بس بندي شوكش

معقولة ياعم نصر عمر ولا شويكيش كده كتامي ولاحد شاف ولا حد سمع ..؟؟؟

يعني نوع الشواكيش المشفرة ديك .. بيني وبينك بكون في وحيد على الاقل

تسلم على المرور الباهي

[ودكمبال]

عندي صاحبي بالمناسة مشوكش وكاتم في قلبو !! لكن مرااات لمن يفيض بيهو الحنين والشجن بفلت وبقول الكلام الحقيقي الحاسي بيهو.. وفي الاوضاع العادية يقول ليك ياخ ( رب ضارة نافعة )!! هي زاتا ولا كانت مثقفة ولا واعية عربية متخلفة ساكت !!! طيب ما كنت عارف كده زمااااااااااااااان ايام حبكانا انا يافلانا و حبيبي اكتب لي وانا بكتب ليك ما كانت عربية كانت سيارة يعني..
المهم وصاحبي تاني برضو ادوهو شاكوش وحبيبتو عرست والمهم .. جاء اقتراح كالاتي :

بما انو في يوم معلم ويوم للطفل ويوم للصحة العقلية ويوم السجم ويوم الرماد.. ياخ حتى الشجرة دي عندها يوم صاح ؟؟ طيب ما يكون في يوم بتاع مشوكشين !! عادي يوم كامل الناس تشغل فيهو هاشم ميرغني وسمعو اليلة لو قلبك سلاني يكفي خاتمك فوق ايديا ويسمعو عاوز افوت ياغالية منك ابكي واحضن في الاسيه ويسمعو ما قلنا ليك الحب طريق قاسي ... الخ .. موش الناس في الفالنتاين- عيد الحب - بلبسوا احمر خلاص المشوكشين يلبسو اصفر ظهري بيجي رمادي اي لون مناسب والناس تقيف دقيقة حداد على الناس الجنو وفقدو عقولم بسبب الحب يعني كده يكون يوم تراجيدي !!! حلوه تراجيدي .. ولا شنو ؟؟.
انا بقترح يكون اليوم ده يوم 14/4 عشان الفارق الزمني يكون مناسب من عيد الحب 14/2 طبعاً في ناس ماعندهم معاهو شغلة اااي في صاح ؟ ..ولانو الجو بكون حررررررررررر شديد ..

ودام تريبات
التحيات اطنان

الفكرة حلوه ورائعه بس انا بقترح فهذا اليوم لازم الناس تترحم على شهداء الشواكيش وترفع القبعات لعظمائهم امثال عطا شيله وبرعى ذهللة وجيب الله مسمار وعوض مارزبة وعبدو كهرباء وبقية العقد الفريد.
ود
ك
م
ا
ل

[هشام السماني إبراهيم]

كدي فهموني
الموضوع فاتني زي العرس وواحد

[zukibush]

دا يومنا زااااااااااااتو نحنا مع الفكرة بنشجب هي بنؤيد
هههههههههههههههههه

دى اليوم الدايرنو ليك يا بازي مبروك عليك
يحنن... هى قصدى يشكشوك ويبهدلوك يا بازي مبروك عليك
والبقية تأتى
سلالالالالالالالالالالالالالالالالالالالالالالالال الالالالالالالالام

[ود ام تريبات]

ودام تريبات
التحيات اطنان

الفكرة حلوه ورائعه بس انا بقترح فهذا اليوم لازم الناس تترحم على شهداء الشواكيش وترفع القبعات لعظمائهم امثال عطا شيله وبرعى ذهللة وجيب الله مسمار وعوض مارزبة وعبدو كهرباء وبقية العقد الفريد.
ود
ك
م
ا
ل

حبيبنا ود كمبال

اقتراحاتك على العين والراس انا بايد انو الناس ترفع القبعات وتقيف في منتصف نهار هذا اليوم دقيقة حداد في الشمس عشان الناس تحس بنيران بعض !!!

[جيفارا]

بعد ما وقع من الموتر واندرش فى الزلط من ديك وعيك

و الله يا مخو لكن ما عرفتك طلعتة مشوكش وعم محجوب زي ما قال ليك جات سليمة والظاهر انك ما وقعتة في الزلط وقعتة التراب هههههههههههههههههههههههههههههه ...............


خليك صنديد وانضم لينا نحنا انصار سنة سااااااااكت ما عندنا شغلة بالحاجات دي ناس عرس طوالي
وعم محجوب يشهد لي من البيت للجامع ومن الجامع للبيت .

[ود ام تريبات]

كدي فهموني
الموضوع فاتني زي العرس وواحد


حبيب قلبنا هشو

انت طوااااالي طاشي شبكة .. لا عرس ولا شاكوش ؟
شوف الموضوع انو الناس المضروبين في روسيهم ديل دايرين نخفف عليهم شوية يعني نواسيهم نحس بيهم نقيف جمبهم نشتري ليهم حلاوة مولد حلاوة شتت اي حاجة توريهم انو نحنا حاسين بالطقة الفي راسم دي .. بس ده الموضوع ... اها معانا ولا مع غانا ؟؟؟!!!

[ود ام تريبات]

دى اليوم الدايرنو ليك يا بازي مبروك عليك
يحنن... هى قصدى يشكشوك ويبهدلوك يا بازي مبروك عليك
والبقية تأتى
سلالالالالالالالالالالالالالالالالالالالالالالالال الالالالالالالالام


الكلام ليك يابازي !!!!

وين مشيت انت؟؟

[ود ام تريبات]

و الله يا مخو لكن ما عرفتك طلعتة مشوكش وعم محجوب زي ما قال ليك جات سليمة والظاهر انك ما وقعتة في الزلط وقعتة التراب هههههههههههههههههههههههههههههه ...............


خليك صنديد وانضم لينا نحنا انصار سنة سااااااااكت ما عندنا شغلة بالحاجات دي ناس عرس طوالي
وعم محجوب يشهد لي من البيت للجامع ومن الجامع للبيت .


حبيبنا :

هسي في انصار سنه اسمو جيفارا ؟؟ كان كده امام جامعكم بكون لينين !!!


مووووووووووووووووووووزة
باقي لي انت قصدك انصار سنه بكسر السين صاح ؟؟؟؟

تشكر على المرور ياراقي

[باسطه]

تعالوا نشوف الشواكيش في ساحات الجامعة


كلية طب الأسنان
لمن يحصل تسوس بالشكل ده في حياتنا يا منال...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة



كلية علوم التغذية
منال انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي

كلية هندسة الجينات
منال...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته


كلية علوم الطيران
منال...يؤسفني اقول ليكي اني دقيت ليكي خروج نهائي من حياتي... اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة


كلية الموسيقى و المسرح و الدراما
اسمعيني يا منال انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا منال؟
اسمعيني يا منال...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟


كلية هندسة الاتصالات
بصراحة يا منال انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة


كلية الهندسة الزراعية
عارفة يا منال؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا


كلية علم البصريات
منال انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي

I

H
A
T
E

U

أها غمضي العين الشمال...وافتحي اليمين...قريتيها؟ ...... كلك نظر يا منال


كلية علم الكيمياء
شوفي يا منال لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي


كلية علم الاقتصاد
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟


كلية الآداب قسم علم الآثار
منال اسمحي لي انك تحفة مزيفة...الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي


كلية الفيزياء قسم العلوم الفلكية
اسمعي يا منال انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعني
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر


كلية علوم البحار
اسمعي هنا ده... مركب فيهو قبطانين بغرق أديـــــــــــــــــــــــــــــــــــــــــــــــ ـل كدة...وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا منال؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني
البحر ملاااااااااااااااان اسماك


منقول

[المتفائل]

. ده احسن البس احمر مع شربات صفر وكداره ... رمادية:


وتشوت الدموع في مرمي زيدان ابراهيم :d

[عثمان جلالة]

تعالوا نشوف الشواكيش في ساحات الجامعة


كلية طب الأسنان
لمن يحصل تسوس بالشكل ده في حياتنا يا منال...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة



كلية علوم التغذية
منال انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي

كلية هندسة الجينات
منال...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته


كلية علوم الطيران
منال...يؤسفني اقول ليكي اني دقيت ليكي خروج نهائي من حياتي... اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة


كلية الموسيقى و المسرح و الدراما
اسمعيني يا منال انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا منال؟
اسمعيني يا منال...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟


كلية هندسة الاتصالات
بصراحة يا منال انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة


كلية الهندسة الزراعية
عارفة يا منال؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا


كلية علم البصريات
منال انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي

I

H
A
T
E

U

أها غمضي العين الشمال...وافتحي اليمين...قريتيها؟ ...... كلك نظر يا منال


كلية علم الكيمياء
شوفي يا منال لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي


كلية علم الاقتصاد
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟


كلية الآداب قسم علم الآثار
منال اسمحي لي انك تحفة مزيفة...الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي


كلية الفيزياء قسم العلوم الفلكية
اسمعي يا منال انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعني
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر


كلية علوم البحار
اسمعي هنا ده... مركب فيهو قبطانين بغرق أديـــــــــــــــــــــــــــــــــــــــــــــــ ـل كدة...وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا منال؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني
البحر ملاااااااااااااااان اسماك


منقول

ههههههههههههه الله يجازي محنك يا باسطه :p:p:p:D:D:D

[moh_alnour]

كلية علم الاقتصاد
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟






والله يا باسطة دي ما درسونا ليها