غطي قدحك

[جيفارا]

:cool::(:(:(

السلام بس عايز أعرف مسألة أبو القدح ( زي ما بيقولوا غطي قدحك )

بصراحة ما بيقولوها إلا لما تكون هي أبو القدح ولو كانت شبه البلور يبقى القرايب عجايب والموضوع يبقى حاجة تانية .

ولينا رجعة تانية

[ناصر عمر دبيب]

انت ماعندكم ابو القدح ياجيفارا شف من الجيران مامشكلة بسمي ابوقدوح

[جيفارا]

انت ماعندكم ابو القدح ياجيفارا شف من الجيران مامشكلة بسمي ابوقدوح



انت ما عارف المشكلة وين القدح ما مايجي الا لما يكون فيهو مشكلة :D:D:D

[ود المطامير]

أكان قالوا ليك غطّى قدحك
قول ليهم عاوز أقرأ

[ود المطامير]

أى والله
لو كانت نار منقد وإنت مفلس
بتكون للحكايه حكايه

[ناصر عمر دبيب]

ود المطامير انا عوز اقراء

[ود المطامير]

ود المطامير انا عوز اقراء
هع هع هع هع
شكيت محنك آخوى ناصر
كتلتنى بالضحك

[هشام السماني إبراهيم]

هو الجنن بوبي شنو غير غتي قدحك

[المكاشفى]

اخر المسعله بتدور تزوغ ياجيفارا
ياجماعه هوى الزول بى قدحو بس...
ماعارفه مالو؟؟؟؟؟
اكلم ناس عمك الساكنين الثوره ديلك
نسيت!!!!!!!!!!!

[مثني ودالعيكوره]

زواج الاقارب....

ان زواج الاقارب اصبح في الاونه الاخيره من الامور التي تسبب هواجس للشباب من الجنسين
غير انه قد كان في حقبه سابقه من المسلمات بمعني انك لإبنة عمك او العكس بالعكس اي ان ابنت عمك ليك
(يعني نظام تغطي قدحك ) ومن انتم صغار يكون ابوك خطب ليك بت اخوه (اللهو عمك) ولا يمكنك ان تعترض او تبدئ ممانعه اتجاه الوضع لان الاسره بتكون برمجتك وأنشأتك علي هذا الاساس منذ نعومة
أظافرك ومنّا من يستسلم وينقاد رسنه علي (القدح) بل اذا حدث وتقدم احد الشباب لخطوبة بنت عمه فانه يقلب الدنيا ويكسر (الطاوله) علي الجميع وربما يقتل في سبيل بنت عمه و خاصه اذا كانت جميله (نجاضه) اما اذا كانت موش ولابد أو كانت شينه (فبعمل فيها رايح) واضان ..... طرشه زي صاحبنا (جيفارا).
ولكن من وجهة نظر أكثر اتساعاً فإن لزواج الاقارب مساؤي وايضاً له محاسن (حتي لا يكون الحكم من زاويه واحد )....

واستسمحكم أن ابدأ بالمحاسن:
فمن محاسنه انك تكون بمعرفه تامه بكل تفاصيل حياة من تريد الاقتران بها وكل تفاصيل أهلها (اخلاق امها وهل امها نقناقه أو جنها جيب جيب ،ابوها بزعل متبن بحب القروش قدر شنو ، خالها بسكر ، يعني بالمختصر كده لحدي حبوبتها العاشره انت عارف تفاصيلها ) فأنك (بحكم انها قريبتك) تعرف تفاصيل التفاصيل وبتكون شاهدتها وهي في كل الاحوال (بمعني انك شفتها علي الطبيعه وهي زعلانه اتصرفت كيف ، وهي فرحانه اتصرفت كيف ، وهي في حالة اندهاش إتصرفت كيف و....و....و بدون التكلف الذي يحدث في حالة الغريبه (الما بت عمك) وخاصه في ايام الخطوبه .
وايضاًَ من المحاسن في كثير من الاحيان عندما تحصل مشكله بين الزوجين يقوم احدي الزوجين (غالباً) الرجل بالتقاضي عن المشكله ولملمة الموضوع (علشان خاطر عمو) وتاخد علي خاطرو ويقول مهما كان هي برضو بت عمي وستري وغطاي.
أما فإذا كانت الزوجه غريبه (ما بت عمك) فإن الموضوع يتعاظم (علشان ما عندك زول من اهلها ليهو خاطر عند راجلها) ويبدأ كلام الناس ياخي هي قريبتك ما تفكها (بنات حواء كتار عرس غيرها)..وديها بيت ابوها .
ومن المحاسن ان الزوجه (بت عمك) تكون اكثر احتراماً لابويك و(اهلك) لانهم قبل ان يكونوا أهل زوجها هم اهلها (أعمامها وخالاتها ) اما الغريبه فلا تمثل أمك عندها سوي الضره ولسان حالها يقول (جيب لي معاك خلاطه اخلط أمك بي نعلاتها).....

أأسف للاطاله

ولنا عوده...

مع عاكر مودتي.....

[جنيـــــدو]

يا مثنى ما تزاوغ !!! غطي قدحك ساي .

[مثني ودالعيكوره]

يا مثنى ما تزاوغ !!! غطي قدحك ساي .

شنو يا جنيدو ما تخلي القدح هي بسم الله (الطبق) مستور

لكن كدي انت غطيت قدحك ؟؟؟

[جنيـــــدو]

مثنى :

نأجل فيه .... قلنا يمكن قدحنا يطير ... ووو

[ود قلبه]

هوى غتغتو براكم انا ما عندى قدح ولا مونه زاتو

[moh_alnour]

مثني يا اخوي بعد المحاضرة دي حتقتي قدحك
ولا حتعامل فيها طاشي وبرا الشبكة
مع عاكر مودتي
تخريمة : الشبكة قاعدة إلا تغيبو أنتو

[ود قلبه]

يا حليل ابوالقدح وايامووو الجميله... زمن الواحدة نايمه فى ضل الراكوبه ويجوو يخلعوها ود عمك قال العرس بعد بكره .. ترقد فى رقدته وتقبل على الحيطه ما عندها هم لا مشى للكوفير ولا ساونا ... يجوها العصر بنات الحله يمشطوها بالودك ... وخلاص بعد تجهز يجى ابو القدح يقدل يأخد عرسوو السمحه المرتاحه جاها عدلا فى قعر بيتا لا مشت حدائق لا منتزهات ...

[عمر البشير]

البيغطي قدحو اريتو قدح السرور العظمه

[ابوندى]

الناس غطو قدحنا يا جيفارا
ونحنا من مبدأ التكافل غطينا اقداح الغير
ولا ندمو ولاندمنا

[ابوندى]

البيغطي قدحو اريتو قدح السرور العظمه

يعنى يا ود البشير انت غطيت قدحك خلاص

همسة: الظاهر من كنت صغير حجزو ليك بت عمك وقاعد تشكر لى فى القدح خوفة ساكت
من المفراكة البكرة تنقلب دانة..........ضحكتنى كما ضحك صاحبنا ود المطامير قديماً

[ود غرب المناقل]

انا غايتو ناوي اغطي قدحي يا جيفارا

[عبدالرحيم سعيد]

القدح لو مملح بتقلية بكاتلو فيهو ولو بامشعيفة بخلو فاتح

[ahmed algam]

هوي دا كلام ساكت وقت الجد كلكم بتغتوا قدحكم
ويابختوا الماعندو قدح اغتيهوا
وعلي العموم انا ناوي اغتي قدح غيري


تحياتي

[ابوموده]

طيب لو كان عنى اكتر من قدح اغطى ياتو
ضبعا الغطا دايما يكون للـــــــــ...................وانا فى الحالة بعمل اضان .....................طرشة لحدى ماتتخارج والله اعلم تتخارج وفى النهاية يانى المغطى قدحى

[طلال الصول]

ابو لي بي القدح ابو لي بي
كدي النغتي راسنا بي طاقية اول

[امير الليل]

اههههههههههههه ويا جماعه المعندو قدحححححححح يتغتا بي شنو ككككدا قولو لى